جُروحٌ تنتظرُ الضّماد،
تتجدّد فينا كلّ عام فأنينُ
حجارة البقيع يُشجي العُيون،
يُثقل الجفون، قد غابت فيها ملامحُ القِباب الشّامخات، فغابت معها الوان الحياة!

قصيده عن هدم قبور البقيع
♾️♾️♾️♾️♾️♾️
اگبوركم ماهدموها هدموها اصدورنه
وججو نيران بينه ورجعو عاشورنه
♾️♾️♾️♾️
اگبورکم ماهدموها هدمو سور الگلب
يااسف ذيچ المنایر راحت وصارت ترب
من سمعنه ابهل  فجيعه نارنه ظلت تشب
شلون نحمل هل المصيبه هواي هل موقف صعب

مأتم الأحزان كلنه هل نصبنه ابدورنه
اگبورکم ماهدموها هدموها اصدورنه
♾️♾️♾️♾️♾️♾️
اشضار ليش اتهدموها هي بس قطعة حجر
عالتراب ارجال صرتوا هذا هم الكم فخر
وين تنطونه وجهكم لون مهدينه ظهر
وياه كلنه اصفوف نمشي مانهاب من الخطر

مثل زلازل انتعنه وخلهم ايشوفونه
اگبورکم ماهدموها هدموها اصدورنه
♾️♾️♾️♾️♾️♾️
مو روايا ترف بدينه أرواحنه هي الترف
امعلمين اعله المنايا اگلوبنه ماترتجف
اسعود وآل سعود كلهم مايوكفون الزحف
اعروش كل الظالمين اليوم ننسفها نسف

مثل لعصار احنه اجينه فنهم يوگفونه
اگبورکم ماهدموها هدموها اصدورنه
♾️♾️♾️♾️♾️♾️
شيعة احنه ورافضـيه اعله المنايا احنه ندور
للبقيع ازحوف نمشي بدمنه نبنيها القبور
ورغم كل ظالم وطاغي نعتني كلنه نزور
وبالعداله نزيل كل شي ونمحي آثار الشرور

انهدم ارکان الضلالة لو  اجينه بزودنه
اگبورکم ماهدموها هدموها اصدورنه
♾️♾️♾️♾️♾️
ياأهل بيت النبوة ثاركم لا مايضيع
عهد بالدم کاتبينه يشهد الرب السميع
ثورة عالطغيان نعمل لووصلنها البقيع
والخريف يروح فصله ويلفي للگاع الربيع

وينقشع ذاك الظلام ويلفي ويهل نورنه
اگبورکم ماهدموها هدموها اصدورنه
♾️♾️♾️♾️♾️♾️♾️
شيعة احنه ورافضـيه وللعهد وفایه
نبني اقبور  الائمه  هاي  هي الغايه
والبقيع تعود تزهي وبيها نرفع رايه
والمواكب بيها نبني ونخدم المشايه

لليجي عطشان لينه نشربه ماي عيونه
اگبورکم ماهدموها هدموها اصدورنه
♾️♾️♾️♾️♾️♾️
✍🏻ام زهراء الزيداويه البصراويه

‏مقطع صوتي من 💗 الخادم الحلي 💗

قصيدة لهدم قبور البقيع
عليهم السلام


انهدمت اگبــــور البقيع
امصيبة الخطب الفضيع
تدمع العين.... يلموالين
......................

انهدمت اگبور الايمه هدموها اهل الضلال
وخربوها هالنواصب او مابقة بس الخيال
رادو يطفون نور الله مايطفى محال
ان شاءلله يظهر المهدي ويكسر اخشوم الرجال

ينادي بإذن الله علن
انوارهم ماينطفن
تدمع العين.... يلموالين
.....................
ان شاءلله يظهر المهدي ويكسر اخشوم الزلم
ادري، مايقبل المهدي اكبور اهله تنهدم
العاقل الشاف المصيبه من عظمها ينصدم
الناصبي اعلن علينه ايهدم اصحاب العلم

اثارهم ماينمحن
انوارهم ماينطفن
تدمع العين... يلموالين
...........................

يهدم اگبور ال طه الناصبي بحقده الدفين
غايته يطفي ظواهم هل الايمه الصابرين
الله شرفهم علينه وعلى كل العالمين
ذوله اعلام الهدايه وبالرساله امكلفين

اشما يمر بينه الزمن
انوارهم ماينطفن
تدمع العين... يلموالين
-----------------
ذوله اعلام الهدايه وذوله سر هاي الحياة
للخلك حبهم وسيلة وبيهم تكون النجاة
وجعل بارينه نهجهم ركن من ركن الصلاة
وبحقدهم حاصروهم ياوسافة هل طغاة

والاهات اتكاثرن
انوارهم ماينطفن
تدمع العين ___يالموالين
-----------------
ابحقدهم حاصروهم حملة شنو عالقبور
بس جثث تحت التراب وحاربوا اهل الشرور
ظنهم بهدم الحجارة ينطفي للعترة نور
رغم كل ناصبي تبقى وباجر الشيعة تزور

قبور بالروح انبنن
انوراهم ماينطفن
تدمع العين. يالموالين
----------------
باجر تشع العدالة وابد كل حق مايضيع
ورغم أنف الناصبيه تعتني الشيعة جميع
وبضريح الحسن عاجل خبر للعالم تذيع
يالله حيوا عالعزاء وتنبني قبور البقيع

البقيع النه وطن
انوارهم ماينطفن
تدمع العين. يالموالين
---------------
تمت باقلام خادمات اهل البيت عليهم السلام
✍🏻الشاعرة ام إبراهيم الحلفي
✍🏻ام زهراء الزيداويه البصراويه
🤲🏻نسألكم الدعاء 🤲🏻

🧿اللهم صلِّ على محمد وآل محمد 🧿

تم بعون الله وفضله وبعد التوكل عليه اصدار حصري وجديد ديوان(محزوز الوريد) بسم جديد ونكهه جنوبيه ديوان يحمل كل معاني الحزن والالم المصيبه الحسينيه الاليمه ديوان بسلسله متاكامله جزء مكمل للاخر من الهلال الى رجوع مولاتنا الى الديار ماراح تحتارين اقري براحتج بالمجلس شحابه تقربن اقري كله موجود بديوان الشاعره (ام حسين العامري) هذا الديوان حقيقة مااعرف شتكلم عنه ديوان مفجع قوي بلطمياته بهوساته برداته السريعه اللي ترج الميدان بالنعي اللي يقطع القلب مع الاحاديث طبعا من هسه حجزي الديوان اقري وندعيلي وياج لاتترددي احجزي بثقه واقري بثقه كلمات الشاعره ام حسين العامري معروفه لديكم من ديوان زينب والطفوف والصوت الجريح واحزان مؤلمه كلكم قارين كلماتي وسلاست الكلام والالحان

ديوان ملحن من وحده سهل وسلس الاطوار
سارعي بالحجز عليه اللهم صلِّ على محمد وآل محمد صار حجز عليه قبل لايصدر بس اعلنت عنه حجزن الاخوات احجزي واقري بثقه وخلي ميدانج يوج بالمصيبه الحسينينه

للحجز ولاستفسار راسلو عالرقم

٠٧٨٣٦١٥٥٦٦٦
سيصدر قريبا من دار الامير

✍️ الشاعره ام حسين العامري

سلسله متاكامله من ديوان (محزوز الوريد) وهذا الديوان يشمل عده اجزاء كل جزء يخص مناسبه على مود تقرين براحتج وتاخذين راحتج بالمجلس شتريدين تقرين اقري كله متوفر في الديوان وكل ديوان يتكون من ثلاثه ابواب الباب الاول يكون خاص باللطم الثقيل والمربوع الباب الثاني يكون خاص بالنعي والاحاديث الباب الثالث يكون خاص بالفزاعي الجنوبي والفزاعي السريع والهوسات الجنوبيه والميدانيه والردات السريعه وختاميات العزاء والاطوار الجديده ديوان يخبل يجنن روعه بكلماته

اجزاء الديوان

الجزء الاول يكون خاص بايام الهلال وحضور الزهراء للمجالس وداع ام البنين والنزله


الجزء الثاني يكون خاص لمولاتنا العليله سلام الله عليه

الجزء الثالث يكون خاص لمسلم واولاده

الجزء الرابع يكون خاص للعباس وشجاعه ابو الغيره

الجزء الخامس يكون خاص لشباب الطف القاسم والاكبر

الجزء السادس يكون خاص للرضيع والوداع ومصرع الحسين


الجزء السابع يكون خاص للسبي هذا الجزء يخبل اقري بيه براحتج سفر كله

الجزء الثامن يكون خاص لسبطي الرسول الحسن والحسين

الجزء التاسع يكون خاص بالفاطميات السيده رقيه وشريفه وخوله وصفيه

الجزء العاشر يكون خاص للرسول والاربعين ورجوع زينب للديار

جزء 11 يكون خاص للامام السجاد عليه السلام

هذا كل ما يخص ديوان محزوز الوريد باصداره الجديد المميز وعن قريب سوف اعلن لكم محتوى كل ديوان انتظروا اصداره وسارعوا بالحجز عليه من الان

للحجز ولاستفسار راسلو عالرقم

٠٧٨٦٣١٥٥٦٦٦

✍️ الشاعره ام حسين العامري

حبايب كلبي اي طور يصعب عليكم بالديوان راسلوني وانا بخدمتكم انطيكم اللحن لحن القصيده من عيوني

🚫اخواتي خادمات الحسين 🚫
اللي حابه وتريد مجلسها يكون بيه حماس وتخلي بيه شده قويه ولطم نااار🔥 خل تاخذ ديوان الميدان الزينبي خاص باللطم الفزاعي والهوسات وختاميات العزاء ديوان يخبل ورووعه صدك يخلي المجلس نار
جزئين

الجزء الخامس عاشوري
والجزء السادس تقرين بيه الصفر


ديوان الصوت الحسيني
مااحجيلكم عنه اقوى من اصدار العام له الحمد والشكر اللي وفقني لهذا الانجاز
خاص بالمحاضرات ولاحاديث ولارشادات الحسينيه تقدميهه بالمجلس مواعظ لن مجالس الحسين مداراس الحسين عبره وعبره
والنعي بعدة اطوار يخبل ورووعه بمعنى الكلمه
جزئين اقري بيه الشهرين براحتج متضلين ادوربن نعي اشويه من هذا الكتاب وترجعين الذاك الكتاب لا وفرته كله الج بكتاب واحد وكلام مفجع ويوجع الكلب

انتضرو اصداره وحجزي من هسه نصيحه لكي اختي العزيزه على مود ترتبين محاضراتج المحاضرات كلهه سهله مو بالفصيح تكدرين تحفضيهه مثل السالفه وتسولفيها بالمجلس سهله عليكي وعلى المستمع لكي

للحجز ولاستفسار راسلو عالرقم

٠٧٨٦٣١٥٥٦٦٦
سيصدر قريبا ان شاءلله
احجزي اقري وندعيلي عيوني

✍️ الشاعره ام حسين العامري

‏مقطع صوتي من خادم العترة الطاهرة

قصيدة عن الإمام الحسين عليه السلام
♾️♾️♾️♾️♾️
يالعايش اوياي.       يانور عيناي
بلا خدمتك ياسيدي  ماتسوه دنياي
♾️♾️♾️♾️♾️
مولاي تدري من الزغر. عاشك الك عالفطره
من تحجي امي قصتك. تخنك دليلي العبره
تسولفلي عن مصيبتك. بنبرة حزن متكدره
وبعيونها أشعر بالالم. والدمعة تنزل جمره

تسولفلي وتنوح. والكلب مجروح
من تحجي الأحداث اتهيج ابجاي
♾️♾️♾️♾️♾️
ياابو علي عودي يجي   من ايدي ويلزمني
والمجلسك وياه اروح. ايكلي عاين يبني
أنظر يبويه الهل خلك بنبرة حزن كلمني
لو تحب وتحب من صدك  معنه العشك علمني

سولفلي عن جون.  وعن طعم الجنون
معنه العشك هذا   علمني مولاي
♾️♾️♾️♾️♾️♾️♾️
قصولي قصة مؤلمه عن الطفوف وصبرك
كالولي عبدالله الطفل  غافي ذبيح بكترك
ومذبحه كل الزلم ولا نصار الي ينصرك
وضامي تالي تنذبح وخيول داست صدرك

العطش اذاك.     ذبلهن اشفاك
تنذبح محروم.   من شربة الماي
♾️♾️♾️♾️♾️♾️♾️
بلا راس جثتك عالثره. جم ضربه بيها وطعنه
الف وتسعمئية جرح.  وبكل جرح جم ونه
وتاليها راسك عالرمح.  والخدر ايشوفنه
وويه الحرم بيد العده.  الديره الشام اتعنه

عيونك اتشوف. بالخدر اطوف
اعداك ويلاه.    والشمر حداي
♾️♾️♾️♾️♾️♾️
من بعد كل هذا الجره.  شلون اصبر وماخدمك
يالعايش بنص  الكلب.  ينبض دليلي بحبك
عمري وحياتي وكل هلي فدوه تروح الدمك
كل الوكت يا سيدي. تدرينه نلهج بسمك

هيهات ننساك.  للموت وياك
الشيعي تدريه. الخدمتك وفاي
♾️♾️♾️♾️♾️♾️♾️
تعلمت معنه الحب صدك. وشنهو معنه الخدمه
يرتفع   شأنه    اليخدمك   وبيدك تسجل اسمه
للباري اسجد كل وكت. مولاي اعله هاي النعمه
اليخدمك يوم الحشر.  ماتمر صوبه النسمه

الي يخدمون.   باجر يفوزون
دوم يتعلون. ابخدمتك هاي

✍ام زهراء الزيداويه البصراويه

https://www.tgoop.com/hooral

قصيدة لفقد الاحباب
♾️♾️♾️♾️♾️♾️
ابساع عنه  حملو.  ياوسفه. الاحباب
من وکت.   عافونه. وناموا   بالتراب

بنار فرگاهم چوونه
من مشو ما ودعونه

من وکت عافونه وناموا بالتراب
♾️♾️♾️✍🏻♾️♾️♾️
من وكت عافونه والدار اتركوها
راحو الذيچ المگابر وسکنوها
ونيرانه من يوم راحو وجروها
وذيچ عشرتنه الطويله چن نسوها

نامو ابذيچ المگابر
وحنه جيتهم نناطر

وعينه تربي بعدهي العتبت الباب
♾️♾️♾️✍🏻♾️♾️♾️
عيونه تربي بعدهي اعله.   دربهم
وسفه عافونه ونسونه الي نودهم
بعد هيهات الوكت   لينه.  يردهم
بس جسد احنه بقينه الروح عدهم

ابد مايخلص حزنه
أرواحنه وياهم دفنه

والگلب من کثر ونه ياخلك شاب
♾️♾️♾️✍🏻♾️♾️♾️
ياگلب ياناس ال یبین مشیبه
لون خضر شيب گلبه مو عجيبه
يصير هذا لو فگد واحد حبيبه
ياهو يحمل يابشر هاي المصيبه

حال اليفارگ حبیب
يعاشر الون والنحيب

يبقه کل عمره الحزن بالروح لهاب
♾️♾️♾️✍🏻♾️♾️♾️
نار حزن افراگهم. هيهات   تطفه
حال اليفارگ حبيبه شلون اوصفه
جرح گلبه ما اظنه.   بعد.   يشفه
كلفه اليفارگ اعزازه حيل.   كلفه


كلفه اليفارگ اعزازه
وبيده ايشيل الجنازه

گلبه الله ايساعده ابذاك المصاب
♾️♾️♾️✍🏻♾️♾️♾️
ايساعده الله اليفارگ نبض گلبه
صعبه يا هل ناس حيل يعيش صعبه
من كثر حزنه وعذابه يتيه دربه
بين ناسه وهو چن عايش ابغربه

هو     والميت.  سوه
ابصدره ايضيگ الهوه

ابداخله نيران وحزان وعذاب
♾️♾️♾️✍🏻♾️♾️♾️
ناره ماتطفه تظل وسط الدليل
اجبال حزنه ابد ماتگدر.  تشيل
كل وكت يبقه دمع عينه يسيل
عگب عين اعزازه ابد مایبقه حیل

ابد مایتحمل افراگ
للیحبهم حيل مشتاگ

عالیودهم طال وسفه حيل الغياب
♾️♾️♾️✍🏻♾️♾️♾️
✍🏻ام زهراء الزيداويه البصراويه

https://www.tgoop.com/hooral

🌹صباح الخير والعافية عليكم 🌹

اللهم الشفاء لكل مريــــ😞ـــض 🙏 يارب
اللهم يامن شفيت ايوب وكشفت ضرّ يعقوب اللهم نسألك الشفاء العاجل لكل مريض
‏اللهم صّبّ في جسد كل مريض نهراً من العافيه والصحه يسرى في أوردته . ربي أرح ، ثم هون ، ثم أشف كل نفس لا يعلم بوجعها إلا أنت . اللهم يا من يعيد للمريض صحته ، ويستجيب دعاء البائس الضعيف ، اسألك يا الله أن تلطف بجسد كل مريض وتكتب له الشفاء العاجل يارب العالمين .✉
اللهم الشفاء ل كل  مّرَيَــــــ😞ـــضّ 🙏 يارب العالمين 🤲بحق محمد وال محمد 🤲

طلب حاجة من باب الحوائج ابا الفضل العباس عليه السلام

نضره منك يبو فاضل كل جرح عندي يطيب
وادري اجفوفك سخيه واليگصدك مايخيب

علتي كلفه يخو زينب عجزت حته الطبيب
وجيت متعني الحضرتك بالبواجي وبالنحيب

بيني وبينك حواجز بس احسنك قريب
من الزم الشباج بيدي ينطفي بروحي اللهيب

ومااحس بالدنيا وحدي ولا احس نفسي غريب
بيك ازامط يبو الغيرة وماكو الي غيرك حبيب

✍بقلمي

لاتنسون الموت

شمس اعمارنه مالت للغروب
ويوميه اباامل ها باجر انتوب

ومن ينطر فجرنه ننكر الفات
وي دنيانه نمشي نصير مگلوب

بس غيره وحقد والگلت والگال
دنية ابلا امان وميته.    الگلوب

تصد لعيوب غيرك گلي اشبیك
ومن جدمك الراسك مملي اعيوب

تدور أخطأ  غيرك  ذاكه  وذيچ
وظن اعله الخطأ جن انت محجوب

صفي النيه ها يبن.  آدم    وگوم
الك طولة امل بالدنيا  چندوب

تسوي بالخفاء اشکال الأفعال
وکل ذره عمل  بالقلم   مکتوب

اشما تعمل امسجل تدري اهناك
لون مثقال ذرة.   كله محسوب

✍ام زهراء الزيداويه البصراويه

https://www.tgoop.com/hooral

😍 بوت القصائد المنبرية 😍

- البوت الاول في عالم القصائد المنبرية ماكو مثله في كل التلكرام 😊 اذا تريد قصائد لمحرم 🏴 + جميع المناسبات 😍✅

👉 @sajad100w_bot 👈

ادخل هنا وادعيلي 😊

♦️ دعم وخدمة 🌝🤍

تعلن مؤسسة بني هاشم عن حاجتها الى شاعره متمكنه في اوزان الشعر للخدمة في كروب تدقيق قصائد وهذه الشاعره اذا عندها قناة راح ندعم قناتها بدعم مميز عبر مؤسسة بني هاشم ولها زيارة بالانابة للامام الحسين وابا الفضل 🗓️

اليحب يشاركنه بخدمة سيد الشهداء يراسل هنا @daem500k