#نعي

حسين يا خويه طحت من المهر
وشابحه اعيوني عله دربك وانتظر

من سمع هالصوت أبو اليمه دوه
بعد ما یگدر يشم حتی الهوه
وگصد لعضيده وعلى جسمه هوه
وصاح دگعد یمن وجهك چالبدر

من وصل يم سلوته وشاف السهم
والچفوف مگطعه بصف العلم
لزم ظهره وصاح يا سور انهدم
چنت سوري وچنت ناطور الخدر

زینب اختك ظلت ابلايه أمان
وانه حاطتني العده من كل مچان
وين اخوتك والوفه اوین الحنان
ليش تگطع یا وفي عشرة عمر

عفت سکنه اتحاچي أخوها البالمهد
تگله يا عبد الله لا تحچي بعد
عمك العباس ما يخلف وعد
هسه يلفي ابجربته خويه ابتشر

واختك الحره بعد ما بيها حيل
اتسکت الأيتام وتباري العليل
وساعة تگعد ساعه دمعتها تسيل
وهيه چان ايهابها الريح اليمر

خویه گوم وياي يا راعي الوفه
وبيدك وبيدي دمعها انشفه
هاي زینب ذل أبد ما شايفه
وشجاب زینب عله الهزل واليسر

الشيخ زمان الحسناوي

#اللهم_عجل_لوليك_الفرج

#نعي

مولاتي ام البنين صلوات الله عليها


الفـاگـد احيود ألـمَـن تـعـش الـفـاگـد احـيـود

بهدومهه السود تگضي العمـر بهدومه الـسـود

احزانهه اتـزود بـيـهـه التضل احزانـهـه اتـزود

ويـردهـم اردود ويـن الـبـخـت ويـرهـم اردود

حـافـر بالخدود ضـل الـدمـع حـافـر بالخـدود

ما ضنن ايـعـود راح الـشـمـل ما ضنن ايـعـود

والـگـلـب ممـرود ازرع أمـل والـگـلـب ممـرود

يرتـاح ويـهـود اشلون الفـگـد يـرتـاح ويـهـود

دمعاتهه اشهود اعيوني بسهر دمعاتهه اشهود

يارب يـمـعـبـود اخـذ الـعـمــر يارب يـمـعبـود

✍خادم ام البنين ع
الشاعر رعد الجريخي

#اللهم_عجل_لوليك_الفرج

نعي ليلة الامام العباس عليه السلام
------------------------------------

عباس كون تروح ناوي
خليني ادگن علچلاوي
ها يلچفيل الوجه ضاوي
لا من جرح ترجع واداوي

لو رحت يبقى حسين وحده
عدوان اخوك هواي شده
خويه الشمر ياهو اليرده
عباس هذا العمر حده

رف شاربك والغيض يلهب
وسكينه ظلت ليك تگرب
عمي نريد الماي نشرب
انته علي والعطش مرحب


رحت وبواچي بكل الخيام
وما ندري درب المشرعه شضام
هناك العطش ورماح وسهام
شو چنه فيٌ الخوه ما دام


كونك عدل رد لخيمنه
ها يبن ابونه وعين لمنه
تحت اللوى عباس ضمنه
يمنه العدى يا خوي يمنه

شيبت راس حسين من رد
يا خويه بلوه الله ولحد
ظهر الحسين اشلون ينشد
عباس اخوك يصيح محد


كلمات الخادم / رعد الفريجي
محرم الحرام / 1446
ثوابها الى روح والدتي

🎤📓📚قصائد العليله ع

أنه يمهم والدمع بعيوني
شلون لوباجر هلي ايعوفوني.      عمه زينب.  
عمه زينب


بدمعي اجيتچ يالعقيله.   الغوث ياأم الخدر
اوداخله اعله الله اوعليج    الروحتي اتسهلي الامر
عمه شوفي اشصار بيّه       اوكلبي شيب ونفطر
او كمت أجر  بجدامي گوه     اوجني مو باول عمر
انتي يمي او دم تسيل  أجفوني
شلون لو باجر هلي ايعوفوني
                           عمه زينب.      عمه زينب


باجر أتسير الغوالي.    او وحدي أضلّ متحيره
اوكلبي مايهده يعمه.    اوبيش أصبره اعله الجره
لو رحلتو تعمه  عيني .         وبيتي يصبح مكبره
وانه من هسه اوغلاتچ.      روحي نار اموجره
شوفي حالي وخلهم ايرحموني
  شلون لو باجر هلي ايعوفوني
    عمه زينب.      عمه زينب

عمه من هسه أنيني.         اونوحي ذابح مهجتي
وشتعل كلبي بحنيني   اوصرختي  اتهزت دنيتي
بعد ماضل عندي غيرچ.  .   ياغياثي او رجوتي
وين اروحن واني اهلي.        كـــــــبرو هـــم علتي
ذبل غصني اوبعد ماهجروني
شلون لو باجر هلي ايعوفوني
     عمه زينب.      عمه زينب


سرجو اكبالي المحامل.     وبين بروحي الزعل
اورحت ياعمه الكفيلج        واعتذرني او ماكفل 
عمه شنهو  وليش،أنه         ترحل احبابي بعجل
ودمي دمكم يالغريبه         وانه بتكم ليش،اضل
انكسر گلبي وشيب اويه جفوني
   شلون لو باجر هلي ايعوفوني
      عمه زينب.      عمه زينب



وين اروح بهذا همي.    واشتكي حملي الثكيل
اوكلبي فرفح من عذابه.     اوصاح يازينب دخيل
عمه تدرين الليالي            وكحه يـــرادلها حيل
       والسهر طبعه الأذيه.       وابد مايرحم عليل
الحمل هدني وگوه اشيل امتوني
    شلون لو باجر هلي ايعوفوني
عمه زينب.      عمه زينب

اصياح ياعمه اصيح   وبسمج اندب واستجير
انعميت اوتاه فكري  وحگ ضلع امنه الكسير
همي غطه الدنيه كلهه.   اوزاد عالكون الجبير
اوعمه والعباس عمي     دربي ماشوفه امن أسير

ابناري اشب اوكلـكم تشوفوني
شلون لو باجر هلي ايعوفوني
عمه زينب.      عمه زينب


خادم الزهراء ع ابو احمد الطائي🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي عملي هذا هديه صاحب الزمان عج والى روح ائمه  الطاهر وصدقه جاريه الى  روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌷🌿.......👤.....✏️...📓.🥺😭💔...خدمتكم شرف لنا
➖➖➖➖➖➖➖➖نسالكم الدعاء

#النعي_بديوان_معاني_الحزن_الجزء_٢_.


نعي قريض


يانفس توبي فإن الموت قد حانا
واعصي الهوى فالهوى مازال فتانا
اما ترين المنايا كيف تلقطنا
لقطا وتلحق اخرنا بأولانا
في كل يوم لنا ميت نشيعه
ننسى بمصرعه اثار موتانا
يانفس مالي وللأموال اكنزها
خلفي واخرج من الدنيا عريانا
مابالنا نتعامى عن مصارعنا
ننسى بغفلتنا من ليس ينسانا
✍✍🧿✍✍

نعي مجرد حال بني آدم عند الموت


اجه الموت بالغفله عليه
وضليت ماحرك اديه
وره اجنازتي اتصيح الابنيه
وصيتمن يابوي بيه
✍✍🧿✍✍
طلعت وراي اتصيح تاني
وتتوسل الحادي الخذاني
شبيدي عليهه الموت اجاني
عن الحجي سكت الساني
✍✍🧿✍✍
الموت اجاني بغير ميعاد
خورس الساني والعظم باد
لاماي اخذت اوياي لازاد
وللمغتسل شالوني الاولاد
✍✍🧿✍✍
للمغتسل راحو يطلعون
اجنازه صرت بيد اليشيعون
امي تكلهم ماتريضون
تدك عالوجه واتهل العيون
✍✍🧿✍✍
حطو التابوت اعله بابي
وبيناتهم شالوه اصحابي
وجرد المغسل اثيابي
وخذو خاتمي امن ايدي احبابي
✍✍🧿✍✍
اجه اخوي للخاتم اينزعه
ولاذت بطرف العين دمعه
صوتي امن اصيحن ماتسمعه
واهلي النعش راحت تشيعه
✍✍🧿✍✍
طلعو يشيعوني الكبري
ومكسور بالتابوت ظهري
بيمن كضيت العمر مدري
احس بالندم والعين تجري
✍✍🧿✍✍
ندمان بس الندم شيفيد
واعمال زينه منكر ايريد
وبالمكبره عافوني اوحيد
وينك صحت ياعلي الصنديد
✍✍🧿✍✍
ماعندي غيرك يبو الحسنين
وحيد واحبابي بعيدين
شيعي واطلبك ياعلي اثنين
حك الولايه ودمعت العين
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
◼️أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام

#نعي

ياريت من اصوابك انضوگ

وحزنك نشيله علرگب طوگ

ياهوه مثلك بيته محروگ

مگطوع راسه وصدره مسحوگ

وظعن الدلال ابصوط ملحوگ

وازمام ظعن الحرم والسوگ

وبيد الاجانب تطلع النوگ

من الخرابه الزحمه السوگ

وعلضعن طبت سوگ متلوگ


الخادم علي الحميداوي

#اللهم_عجل_لوليك_الفرج

نعي حق الهلال محرم  السان حال  مولاتنا زینب(ع)



هل الهلال انطی الوجه وین

یاروحي وني ولاتبطلین

یل بیچ رایح  یغدر البین


◇◇◇◇◇◇◇


االبین  تدري رایح ایخون

  باچر بخوتچ  من یرحلون

  وعلیچ لتضني یرجعون



◇◇◇◇◇◇◇

لزميت  گلبی  بیوم  شفته

اعرفت الاخو یفارگها اخته

بیه تنکسر  ‌یاروحی  بته
◇◇◇◇◇◇◇


یاروحي  للظیم استعدي

باچر  اذا ضلیت  وحدي

وبظعنی راح العدو یحدي

◇◇◇◇◇◇


یحدي العدو وتتفرچ الناس

وعلى الرمح ویحاجی بلراس

اختک سبیه الیوم عباس

◇◇◇◇◇◇
✍کلمات انتظار  الریاحي

نعي السيدة العليله  محرم الحرام
**

صارت صدگ  گامو  يحملون
وتشوفهم    وتهل       العيون
مالي  مچان   وي   اليرحلون
وانه   بقيت   شلون   وشلون


ماني   عليله  اخذوني   يهلي
بالبيت   بعد   حسين     شلي
مو   كتر   ميت    مات    كلي
ذبلانه    موش    بعمر    حلي


يا  ضيم   طفله  بدون  اهلهه
يا    ونه       يلمحد    حملهه
كل  حرمه   وياهه     الكفلهه
وانه  بقيت  اتلفت  ألهم

هلبت   يگلي   حسين   گومي
جهزت   من  المسى  اهدومي
كلساع   افز   ما طاب   نومي
شو  خلص بالحسرات   يومي


حان  الرحيل  اوجهي   خالي
وعافاني  غالي  شلون   غالي
ظلت    حلم    چلمة     تعالي  
يا  ريت  ميته ولا  هجرهم

دمعي  يهل   والنوگ   يمشن
هم مثلي گامن  حيل   يبچن
من كون مثل عيوني  يحچن
چا   خلصن  كل   النعاوي

ارفع  اديه   أوداع   واطيح
ورگه وصفت بمگالب الريح
وعيوني تمطر ماي وتصيح
وين المشو چا وين اهلنه

حسرة  مهد ما حاظن اطفال
بيه عطش ما     حملته رمال
مذبوحه  بس  بدون   چتال
شال الولي وكل  العمر  شال


للخادم /  رعد الفريجي
محرم الحرام

نعي الى العليلة عليها السلام




عصفت بهم ريح الفراق رحيل
والدهر أعمى والفؤاد عليل
والدار امست بعدهم في حزنها
مكبوتة لفراقها التهليل


يادهر بضعوني ارحلت وين
عافوني وحدي وعني ماشين
جا وين ابوي وكرت العين
الكال اردلج لاتحيرين

محتاره يابويه واعاني
ويفتر علي فره زماني
مرسول منك ما اجاني
وانا أنتظر بمسايل العين

تجري الدموع لفركه الأحباب
وتروح روحي لدكة الباب
لوحيدتي والأهل غياب
ومتانيه ضعون المرحلين


عني رحلو وانه وحيده
وديارهم بأرض البعيده
الغالي ابوي اليوم أريده
وأنه رايده ايرد البعيدين

اهلي مشو لديار غربه
وفراكهم كلساع اجربه
مر الهجر والروح تعبه
تريد الأهل يلفون هالحين




محمد النوري

نعي للسيده فاطمه العليله عليها السلام
.......★★★★★
مولاتي فاطمه العليله عليها السلام
######**##
يحسين ياروحي ودليلي
فركاك بويه هدم حيلي
صرت انه اون عليك ليلي
يالفاركتني ما تجيلي
وتشوف حال بنيتك شلون
حالي يتيمه بغير والي
والحزن من رحتو اعتنالي
مو واعدتني الاكبر يعود
يحسين شو محد اجالي
بويه لدربكم تربي العيون
تربي لدربكم كل مسيه
وثوبةالحزن لايك عليه
يحسين وينك تجي ليه
تشوف العليله خلافك بضيم
...................................
وتوجهت بعدها الى مولاتنا ام سلمه عليها السلام
وكأني بها تقول لها

جده التراب شحاله يالون
هم نفسه لونه لوتغير
هم نفس ريحة كربله هناك
لو ريحة الدم بيه تأثر
هم نفس خطوة زينب عليه
ياجده  خاف هناك تعثر
بگلبچ اشمن حرگ الخيام
يا جده اشوف ايتام بالبر
كلبي لچمني وشفت التراب
شفت الكمر فوكاه تكنطر
وحسين بس لاهم يذبحوه
وترابها  ينگلب احمر
ولو طاح حيلي يروح وياه
ويموت حلمي هناك بالبر
يعني يرد عبدالله مذبوح
بكاروكه بس الموت يكبر
حتى رقيه يجسيها الموت
موت الغريب شگد يكدّر
شيلي الغطه ونشوف يالون
كلبي احسّن ناره تسعر
من هسه اكلج ياضوه العين
شگد اكره انه اللون الاحمر

ياتربة حمراء كانت بعدها
          فيها لأسباب المصيبة مخبرُ
وكأنها في تربها خبر لها
        ان الحسين بكربلاءِ  سينحرُ
ورضيعه بدم الوريد خضابه
         وكفوف عباس الاخوة تبترُ
وكأنها ترنو لزينب تارة
             لرقية اخرى بحزن تنظرُ

وتكلها سلبوهن
عماتج هناك سبوهن
ومن البواچي يمنعوهن
ولو بجت وحده يلوعهن
فروهن بشر الدواوين
لاكمر عدهن لاكو الحسين
وينه  اللي يمسح دمعة العين
مسلوبه وتصبر سبيه

يدمها
ابونه نعمه ردنه الله يدمها
وناس العادت ردنه يدمها
يقاروة ومصايبها يدمها
شفت بيها مصاب الغاضريه
###########**#
ونسألكم الدعاء والتوفيق

لخادم ال محمد ع
الشاعر حيدر كاظم الساري