وأنت النعم التي أخاف زوالها
وأنت الأمان الذي لا اتمنى أن أبحث عن غيره
وأنت الصدر الذي فتح ذراعيه وحتواني بكل عيوبي
وأنت الوجود الذي اعادة لوجودي الحياة
بأبي أنت وأمي ونفسي أسمح لي أحبك حتى مطلع الروح 🙏❤️🥲

لمولاتي فاطمة الزهراء ع


فاطم تعبانه الليله
والمولى اهمومه اثجيله

ينظر حيدر الفاطم
ودمعه اعله الوجن ساجم
يدري ما يظل سالم
لو مات اليداويله

اليفگد حيله او اعيونه
اشيبقى ابحاله وبلونه
اتعوره چلمة اشلونه
اتزيد مصيبته اويله

اخلاف الزهره يتفرهد
حيله اوجرحه ما يضمد
لو ماتت عليه يشتد
حزنه او حسرته اطويله

گلبه من الجره اتلوع
أگبال ام ابيته مو لنزع
صار يصبره المدمع
ثِگل حمله منو ايشيله

حرگ گلبه الفه اعتابه
لعد بيته او حرگ بابه
كسر ضلع ام هله وصابه
مصيبه هدمت العيله

الزچيه هاي اعز ناسه
حگه لو لطم راسه
او ضاگت بالوصي أنفاسه
الرايح منه كل حيله

#ام_علي_الشمري

حذفتها بالغلط

🙏💔

حرز عن مولانا الإمام علي السجاد عليه السلام

قال: ما أبالي إذا قلت هذه الكلمات لو اجتمع علي الإنس والجن

"بسم الله وبالله ومن الله وإلى الله وفي سبيل الله وعلى ملة رسول الله صلى الله عليه وآله اللهم إليك أسلمت نفسي وإليك ألجأت ظهري وإليك وجهت وجهي وإليك فوضت أمري اللهم احفظني بحفظ الإيمان من بين يدي ومن خلفي وعن يميني وعن شمالي ومن فوقي ومن تحتي ومن قبلي وادفع عني بحولك وقوتك فإنه لا حول ولا قوة إلا بك "

دعاء الامام الحسين ع لما حصر في عاشوراء

"للَهُمَّ أَنْتَ ثِقَتِي‌ فِي‌ كُلِّ كَرْبٍ ؛ وَأَنْتَ رَجَائِي‌ فِي‌كُلِّ شِدَّةٍ ؛ وَأَنْتَ لِي‌ فِي‌ كُلِّ أَمْرٍ نَزَلَ بِـي‌ ثِقَةٌ وَعُدَّةٌ .

كَمْ مِنْ هَمٍّ يَضْعُفُ فِيهِ الْفُؤَادُ ، وَتَقِلُّ فِيهِ الْحِيلَةُ ، وَيَخْذُلُ فِيهِ الصَّدِيقُ ، وَيَشْمَتُ فِيهِ الْعَدُوُّ ؛ أَنْزَلْتُهُ بِكَ ، وَشَكَوْتُهُ إلَيْكَ ، رَغْبَةً مِنِّي‌ إلَيْكَ عَمَّنْ سِوَاكَ ؛ فَفَرَّجْتَهُ عَنِّي‌ ، وَكَشَفْتَهُ ، وَكَفَيْتَهُ
فَأَنْتَ وَلِي‌ُّ كُلِّ نِعْمَةٍ ، وَصَاحِبُ كُلِّ حَسَنَةٍ وَمُنْتَهَي‌ كُلِّ رَغْبَةٍ

ياالله 🙏

لمولاتي فاطمة الزهراء "ع "
.
.
ماهابني لمن حضر
الظالم اوضلعي كسر
روعني او كلبي فجع
يابويه والمحسن وگع
ما هابني ما هابني
****
اعليه اجوا بعيون وكحه اعله الباب
بيه اجرموا من غير عله او أسباب
خفت أنخه حيدر ينتفض داحي الباب
وأنت ابوصيه تارس اچفوفه اكتاب
الفضه صحتها ماصحت يابو حسين
من انعصر صدري ولطمني اعله العين
شاغت الروح امن الصار
النار مو بس بالدار
مو گلبي بس اللي انشلع
يابويه والمحسن وگع
ما هابني ما هابني
****
دفعوا الباب اعليه والباب اثگيل
ضاق النفس بضلوعي وانباگ الحيل
باچر شلون احسينك اتسحگه الخيل
وبنيتي زينب بويه وحدها اوليل
يمي انه فضه من صحت جتني ابساع
چا زينب المن تنخه والكل عالگاع
مذبوحه كل الخلان
وحتى الرضيع العطشان
ياهو إلها يفزع لو سمع ؟
يابويه والمحسن وگع
ما هابني ما هابني
****
صبت البضعه اخلافك الدمعه ادموم
الچانت أنيست امـهـا مكسوره اليوم
ظلموها يالما ترضه لحد مظلوم
كسرولي خاطر ونترس گلبي اهموم
لو يمي وتشوف اشجره اعليه او دار
ما چني بنتك چني مطلوبة ثار
طبو عليّ بويه اشلون
بلحظة انطفه بعيني الكون
صوتي من الوجاع ارتفع
يابويه والمحسن وگع
ما هابني ما هابني
****
النفس لو جريته اشهگ لسماي
ومن الوجع يبويه اغصن بالماي
المن اسولف والوصي ضيمه اهواي
ما عايز الضيمي او ازيده ابلواي
من أمتك ما راحه شاف او تعبان
الوصيتهم بينه اطلعوا شو عدوان
بان الخفي والمضموم
واعلينه گلبت هالگوم
عشت المصايب والهلع
يابويه والمحسن وگع
ما هابني ما هابني
****
بعدك زماني اعليه صب چم بلوه
خلاني لا حال املك او لا قوه
الخالي ضميره من الشرف والنخوه
فرهد لي حيلي وكلشي مني ابعنوه
يا ابو الوديعة ما كفه الحق اخذوه
حتى اعله بيتي الأبچي الك بي هدموه
اويا بت نبي هذا يصير
اومثلي جره اعليها اكثير
وتحملت لوعه او وجع
يابويه والمحسن وگع
ما هابني ما هابني
****

#ام_علي_الشمري

عن لسان وحال مولاتي العقيلة ع
في هذه الايام 💔😔

اندهك يحزام ظهري
خوية يا عباس تدري

****
وينك الزينب تجيها
الضيمها اتلاحگ عليها
تنهضم تقبل وليها
العده وصلت الگبري
****
المالها اخوان ايولوها
ايعيروها ابوينه اخوها
تـدري يا تربات ابوها
ردّو يسلبــون خدري
****
افزع الخيتك يكافل
فخر زينب يابو فاضل
خل يشهدون العواذل
لو ندهتك ركض تجري

****
أفزع اويه حسين اخيك
الغالي واعزيزي ابن ابيك
بسيف وبلا جربه اديك
تحمي بيتي اوتحمي ستري
****
بغربه والوحدها زينب
يا گـمـر والوضع يلهب
گلبي مو كافيه تعذب
بالطفوف أنباگ عمري
****
ما بقت ذمة او ضماير
باعو دين الله ابخساير
الباع دينه اشتظن باچر
ما يرد ايعيد كسري

****

#ام_علي_الشمري

لمولاتي فاطمة الزهراء "ع"


مكسور واهس حيدر الليله
ام الحسن تابوتها يشيله
****
حمله ثگل والعين هماله
گلبه انكسر ويعاين اعياله
حسين وحسن والغاليه اگباله
يبچون وهو المدمع ايسيله
****
يا واهس بحيدر بعد يبقى
وگليبه ذاب بفعلت الأشقى
بيته تهدم من سحگ رزقه
ملعون هد للمرتضى حيله
****
اليفگد عزيزه الليل مينامه
الفاگدها حيدر زهرة ايامه
ماتت ابلوعه اوجملت الآمه
ياهو اليشركة بهمه وبويله
****
نزلت ملائك ربي اتعينه
ياذيهه حيدر تسمع اونينه
گالته من سابع سمه جينه
وجبريل صار ابحزن يحچيله
****
انساعدك جينه بمدفن الزهره
يابو اليتامه او نجذب العبره
انصبره او نعظم للوصي اجره
وجتمعت الارواح تبچيله
****
بيده دفنها الما نطا گلبه
اوردت رضيه او مرضيه الربه
روح اليحبها الما بقت گربه
گلها بلقائچ لنبي اشكيله
****

#ام_علي_الشمري

قصيدة نسائية

ابوذية

الدهر والزمن وأيامي تعالى
عليه او شوفني اشحالي تعالى
وحگ من كلمة الباري تعالى
رغم موجوع أضحك للبرية


#ام_علي_الشمري

علي عالي
من اشعار المرحوم عبد الأمير الفتلاوي
هذي القصيدة في وقتها كانت مدح في حق أمير الأنسانية ولكن أبدع فيها ملا حسن الصالحي
كلش حبيتها القصيدة
سمعوها تنال اعجابكم

سامحني يا مولاي اهواي مقصرة وياك 💔😔