(زينب الاميره )
قصيده للسبايا والدخول الى الكوفه
......................................

زينب بت علي هاي الاميره
عگب عباس مشوها یسیره

..................
ياهو الگال زینب طرت السوگ
تمشي ميسره مجتوفه علنوگ
صبحت لاضعن والطنب محروگ
اویا حادي الغرب ساگ ابمسیره
....................
امیرة حيدره وروح الزجيه
بصبرها اتوچت وراحت سبیه
تصدللروس فوگ السمهریه
بعد ذاك الخدر ضلت بحيره
........................

تصدللروس والذبلت شفاهم
دم الروس يابس على الحاهم
عمت عين الدهر مني خذاهم
يسيره وي الغرب ديرة الديره
.................

تطگ بدفوف اهل کوفه لگتهه
ومعیدین چي مجتوله اهلهه
بين الناس مشوها ورحلهه
هضموها العده الكسره جبيره
.................................


للكوفه خذوها ودخلوها
زينب بت علي وحسين اخوها
چتلوا کل اهلها ویسروها
چي عباس نام الکله غيره
....................

تمت بعون الله//
✍الشاعره صديقه الهلالي//
.....................................

کربلائیه وافتخر
[Forwarded from عُشـّاق ابالـفضل ع (کربلائیه وافتخر 🌼💕)]
قصيدة. لفاطمة العليله بنت الحسين ع بقلم الشاعرة ✍️✍️ صديقة الهلالي
كربلائية وافتخر 👇👇
**************
من مشيتوا ياهلي +ذاب بعيوني السهر
هلن اعيوني دمع +لابس احزان وقهر
يلمشيتوا.......ودعيتوا ..وين ناوين السفر

**************
وين رحتوا و بسفركم بس عذاب
شافت اعيوني المفارك والعتاب
يوم غربتوا ومشيتوا گلبی ذاب
صغيره يابويه صعب احمل مصاب
یلمشیتوا .....ودعیتوا....بات ویای القدر
**************
وین ناوين السفر وبهل غروب
وانه مسلوب الگلب لیکم یذوب
صرت اعیشن بلرجه وگفت البوب
ليلي ونهار اون حيل وألوب
رحتوا عنی......وسافریتوا....وانحنه من الظهر
************
ماگلت بتی صعب تحمل جفاي
وبسفرکم منحنی مني گفای
اترجه عمّي الكافل يحقق مُنای
وياهم امشي واسكي اخيي الضامي ماي
ابقى ابجي ... المن اشجي ... وراح امل من السهر
************
اصفیت سهرانه و اون ابدارکم
یمی مطروحه وتسلنی اعذارکم
من مشیتوا اترجه بس اخبارکم
نار كَلبي تلتهب من ناركم
ابظیم گلبی..... ضاع دربی ...من یعیشنی السمر
****************
من يعيشني مثل ذاك الزمان
وياك بوية ويه خوتي بلأمان
جن عذابي ابدنيتي من هسه بان
راحت الراحة الوياكم تعبي حان
من عذابي......... واكتئابي
يهلي مالي كل مفر
🖤🖤🖤🖤🖤🖤🖤
ذمة لمن يحذف الأسم اويغيرة👌✍️الشاعرة الحسينيه صديقة
الهلالي (كربلائيه وافتخر)تمت بعون الله
🖤🖤🖤🖤🖤🖤🖤

قصيده//فزاعيه//
لطلب الحاجات من سفرة مولاتي السيده رقيه بنت الحسين عليها السلام///
..........................................

نریدامراد منچ یارقیه
ابجاه حسين وراحت سبيه
نريد امراد منج يارقيه
......................
جینه السفرتچ کلنه
وطلبنه
نرید امراد منچ یارقیه
یعلویه اجینه وانجمعنه
نرید امراد منچ یارقیه
اشگدالوالدچ نبچي ونحبنه
نريد امراد منج يارقيه
بجاه حسين والراحت سبيه
.....................
جينه السفرتج هليوم اجينه
نريد امرااد منج يارقيه
نريدامراد منج واطلبينه
نذكر قصتج و الهه بجينه
نريد امراد منج يارقيه
والمذبوح ابيج مانسينه
نريد امراد منج يارقيه
بجاه حسين والراحت سبيه
نريد امراد منج يارقيه
....................
بجاه حسينج الحزوا وریده
نرید امراد منچ یارقیه
بجاه الکافل الگطعوله ایده
نرید امراد منچ یارقیه
بزينب عمتج الضلت وحيده
نرید امراد منچ یارقیه
بجاه حسین والراحت سبیه
نرید امراد منچ یارقیه
.................
ابجاهچ والتراچي السلبوها
انريد امراد منج يارقيه
بجاه اخيامج الي حرّگوها
انرید امراد منچ یارقیه
بلاطفال یوم الروعوها
انرید امراد منچ یارقیه
بجاه حسین والراحت سبیه
................
جينه يلحنينه نطلب مراد
انرید امراد منچ یارقیه
وانتي ام الكرم يابت الاجواد
انريد امراد منج يارقيه
سفرتج كل سنه وكل عام تنعاد
نريد امراد منج يارقيه
بجاه حسين والراحت سبيه
انريد امراد منج يارقيه
...........
والتطلب طفل گومي انطيهه
نريد مراد منج يارقيه
محتاره تراها فرحيهه
نريد امراد منج يارقيه
يعلويه ابد لتفشليهه
نريد امراد منج يارقيه
بجاه حسین والراحت سبیه
.................
والعدهه مريض وجايتج
انريد امراد منج يارقيه
بلعباس عمج حلفتج
نريد امراد منج يارقيه
گلتلها رقیه ماتردچ
نرید امراد منچ یارقیه
.............
الي حاجه اوتعرفيهه
وايدي لاترديهه
هاي العگده حلیهه
یابنت حسین سهلیهه
(هوسه)
((( سهلوها/ماتصعب عندکم))

.....................................
تمت بعون الله ✍الشاعره صديقه الهلالي //

((فزاعیه لاستسهاد مولاتي رقيه))
.........................................
بت حسين تبجي تريدابوها
جابوا راس ابوها وروعوها
........................
فزت تبچي و اتنادي يعمه
اريدن والدي حنيت اشمه
احب ايده الحنينه بخده الثمه
سمعها ايزيد گلهم سکتوها
جابوراس ابوها وروعوها
.............
سمعها یزید گلهم دخذوا الراس
حطوه بلطشت مقطوع الانفاس
لاعدهم حمیه ولاکو احساس
حطوبين ايديهه ومارحموها
جابوا راس ابوها وروعوها
.......................
تگلهم ماارید الزاد شیلوه
اريد حسین ابوي اليوم جيبوه
جابوا راس ابوها ويمهه خلوه
للمنديل شالت واشدهوها
جابوا راس ابوها وروعوها
....................
طاحت علطشت واغمه عليهه
والسجاداخيها راح ليهه
وزينب والحرم محتاره بيهه
یاوسفه الزغیره مارعوها
جابوا راس ابوها وروعوها
..........................
زینب والحرم صرخن رقیه
وتجدد حزن بنت الزچیه
تنادي حسين خويه الحگ علیه
والعدوان بتك موتوها

.........................................
✍الشاعره صديقه الهلالي// الشفاعة مولاتي رقيه //
...........................................

نعي لسيدتي ومولاتي رقيه بنت الحسين عليهم السلام
....................

من نومها فزت رقيه
وتصيح اريد ابن الزچیه
راح ابسفر لوهاي هيه
.........................
توه ابوي حسين اجاني
حس على راسي ولاعباني
لاجن گلتله وماخذاني
.................
اشجيت عنده ودمعي صبيت
ذبيت نفسي اعليه وبجيت
سلبو تراجيي وونيت
...............
تراجي الجبتهن الي خذوها
واذني يبويه جرحوها
وعمتي العقيله سلبوها
...........................
✍الشاعره صديقه الهلالي//
.....................................

نعي لسيدتي ومولاتي رقيه بنت الحسين عليه السلام //
..........................................

من نومها فزت رقيه
تبچي يعمه اشلون بیه
شفت والدي ولامس ايديه
گلي دصبري يلبنيه
..............
بين الگاعده ویاي النعاس
شفت والدي لاچن بلا راس
شمیته ابصدره الکله احساس
مخسوف صدره بخیل الارجاس
..................
گتله اسلبوا مني التراچي
بسوطه ضربني ومن حاچي
المن اگول والمن اشچي
مني يبويه الحال تشجي
.....................
گتله یبویه عذبونه
انه وبناتك سلبونه
وبحبال خشنه چتفونه
وعلی الهزیله رکبونه
.......................
گتله یبویه چتفوني
ومن الضرب سوده متوني
اناديك وهمه يضربوني
بعبرات البصدري خنگوني
.......................
شفت والدي بلا راس اجاني
وبشوفته زينب عماني
چنه مشه عني ونساني
گتله اخذني وماخذاني
...........................................
تمت بعون الله//✍️الشاعره صديقه الهلالي//
.............................................

قصيده فزاعيه لاستشهاد الامام السجاد عليه السلام //
.........................................
على السجاد من دم هلي ياعين
الحدالموت هويصيح ياحسين
...............
علي السجاد عاش العمر بهموم
وتالي موتته من اعداه بسموم
ملتمه بناته اعلیه واتلوم
یبویه اتروح خاف اتیتم الدین

..................
یبونه الماسکن بنوم جفنه
علی الي ابكربله ماحصل چفنه
لوعت کربله هدّمت رکنه
وتالي سامينه هلملاعين
.................
مسموم الولي مانام ليله
من سّم العده اتگطّع دلیله
چنك يلولي عايف العيله
نخاف تروح عنه ياضوه العين
.....................

الحد الموت مابطلت عينه
يصيح حسين بويه ياولينه
ماناسيك صدرك ساحگینه
ماانساك يامگطوع الوتین
.................
يجهر ونته واتودعه لعيال
والسم مارده وامغيرالحال
يگلهم والدي راسه على ميال
گضه عمره ابونینه و غمض العين
......................................
✍الشاعره صدیقه الهلالي//
........................................

نعي لاستشهاد الامام علي السجاد عليه السلام ///
.......................................
علي السجاد عاش العمر بونين
بزاده وشرابه تدمع العين
حد الموت هويصيح يحسين
لاحصلت غسلٍ وتجفين
......................
يبجي على ابوه المات ظامي
وشافه وحيد ولاله حامي
مرفوع راسه وشيبه دامي
وعفت اخوتي نومه وعمامي
...................

يتذكرهله ويبجي عليهم
وايدور وحده بمبانيهم
گضه العمر بونین لیهم
راحوا الحلوه محاجيهم
...................
والي اليتامه صبح مسموم
عگب التعب والیسر وهموم
حاله ردي والباقر ايلوم
چنه ولینه غاط بنوم
.........................
غط الولي بنومه طويله
والولد هل مهدوم حيله
وتودعه التمت العيله
ونتك يبو الباقر ثجيله
مامات وياهم يگلبي
............................................
✍الشاعره صديقه الهلالي //
.........................................

(قصيده لمولاتي السيده رقيه ع) لها عدة الحان واطوار
..............................................
شنهو شفتي في منامج يارقيه
گمتي مفزوعه  وشجيه يلبنیه

شو صرختي وابشجه
تبجي يمه امدنجه
يارقيه   يلبنيه
...................

شفت جسمج يلعزيزه ينتفض
جيتج ابگوه ولا بیّه انتهض
والبنات اویاي اجنج بلرّكض
ابوج كاسرلي الضهر....
والي عفته اعللنهر
يارقيه......يلبنيه
.....................
تبجي واتنادي يزينب عمتي
شفت ابوي حسين هلت دمعتي
بچيي هاذ اعليه وهاذي عبرتي

شفته عمه ومنحره...
بيده ماكو خنصره...
يارقيه     يلبنيه
.................

تگلها یاعمه اجاني حسيني
ليش گلتیلي ابسفر وايجيني
دم البنحره ترسلي عيني
شفت ابوي المنذبح....
والرمل ترس الجرح....

يارقيه    يالبنیه
...............
.

گتله عنچ من رکبتي على الجمل
وجسمج من السوط ياعمه نحل
الظالم على النوگ رکبنه ورحل
حرگوا اعلینه الخبه...
والتراچي امسلبه....
یارقیه یالبنیه
...........................

وبعد گتله رجلي بابا امورمه
من مَشيتي اعل الجمر متألمه
جرحي مايبره يبابا يصب دمه
وين بابا سافرت...
عگبك آنه تحيرت
يارقيه.....يلبنيه
...........................................
تمت بعون الله//
✍الشاعره صديقه الهلالي//
...........................................

((قصيده للاربعين زينب ع والحادي ))
............................................

يحادي مرني بحبابي  
يحادي مرني بحبابي
عليهم اكثر اعتابي   يحادي مرني ياحادي
...................
يحادي من تمر يمهم
نزلني اعتذر منهم
عفتهم ورحلت عنهم
خواني نومه واولادي
يحادي مرني ياحادي
.............

ارید اشچي الهضم عدهم
وانصب فاتحه ابحدهم
اريد ابجي واعاتبهم
واكّثراعتّاب ورادّي
یحادي مرني ياحادي
...............


يحادي بكربله مرني
ازور حسين خال ابني
واگله الدهر دولبني
دگعد وانشد اشسادي
يحادي مرني ياحادي
.................
اجثراعتابي يم عباس
واگله امشیت بین ارجاس
واتشمتوا بیه الناس
ياوسفه اهل العنادي
يحادي مرني ياحادي
................

شفت شوغات بارض الشام
امشي وروسكم جدام
طلعوا يضربوا ابدمام
خوارج صاح المنادي
يحادي مرني ياحادي
........

لوگرب ضعنه الهم
اوگف ارد احشمهم
یرجعونه المنازلهم
اطفال ونسه النادي
يحادي مرني ياحادي
.............................................
تمت بعون الله ✍الشاعره صديقه الهلالي//
...............................................

نعي نعي للاربعين الامام الحسين عليه السلام//
........................................
مرنه يحادي ابكربله اليوم
ننصب عزه للمات  مظلوم
ضل بلشمس مسلوب الهدوم
وغرگان جسمه ابفیض الدموم
وانه مشيت الگلب مهضوم
..............
نزلني ازور اگبور ولیاي
نومه ابشمس لو حصلوا افياي
الماتوا عطش ماضاگوا الماي
اگلهم جیتکم والروس ویاي
ترا اختكم انه وامضيعه الراي
............

انه جیتکم مهدوم حیلي
گلبي انشلع تايه دليلي
من افراگکم مانام لیلي
انه الفارگت عزي اوكفيلي
دگوموا وبردولي قليلي
...............
جيت احشمكم ردوا لجواب
نمتوا فرد نومه يلحباب
ريت الگبر یاخوي بي باب
امسه وصابحکم بلعتاب
من جور عدواني الگلب ذاب

........................................

✍الشاعره صديقه الهلالي//
........................................

قصيده (فزاعيه) عند ((وصول زينب ع لكربلاء يوم الاربعين))
......................................
وصلنه الکربله گعدو تلگونه
من فوگ المحامل گوموا نزلونه
...............
اجیناکم یهلنه وحیل مابینه
وایساره مشینه ویه اعادینه
طول الدرب یهلي امشبگه ایدینه
من الرعب گوموا الیوم هَدّونه
من فوگ المحامل گوموا نزلونه
.................
زینب ایست ماشافت الولیان
ذبت روحها وتلگت التربان
راحت للمگبره هیه والنسوان
گبر حسین وینه ماتدلونه
من فوگ المحامل گوموا نزلونه
.........................

دلوها علی گبر حسین والیهه
واشحال الغریبه الحیل مابیهه
حسین الفاتحه جینه نسویهه
ذبت روحها للگبر محزونه
من فوگ المحامل گوموا نزلونه
....................
التمن یابنات حسین عازني
چن توه انذبح مظلوم خال ابني
واتذكرت يوم ابن الرده سبني
حرگوها خیمنه ولایرحمونه
من فوگ المحامل گوموا نزلونه
...................
دارن علگبر دور الجفن للعین
وحده اتصیح یکبر وحده خویه حسین
گومو من الگبروتلگوا لنساوین
عونه الشاف طول حسین یاعونه
من فوگ المحامل گوموا نزلونه
.......................
سون فاتحه یم گبر والیهن
یفترن بگن  لگبور اهالیهن
تعنت للکفلهه واعتنت بیهن
یا کافل  حملنه الیوم رجعونه
من فوگ المحامل گوموا نزلونه
..............................................
تمت بعون الله //✍الشاعره صدیقه الهلالي//
..............................................