ረህማ ኢስላማዊ ድርጅት ዳዕዋን ይበልጥ ተደራሽ ለማድረግ እንዲሁም የ2 አመት ሪፖርት ያቀረበበት የምክክር መድረክ አካሄደ።

- ሀሩን ሚዲያ፥ ሰኔ21/2017

ከተመሠረተ ሁለት አመታት የሆነው ራህማ ኢስላማዊ ድርጅ የሁለት አመት ሪፖርት እቅዱን ለመገምገም እና ዳዕዋን በተሻለ መልኩ ተደራሽ ለማድረግ ያለመ የምክክር መድረክ በኤልጌል ሆቴል አካሂዷል።

ራህማ ኢስላማዊ ድርጅት እንዴት ተመሠረተ አሁንስ በምን ሁኔታ ላይ ይገኛል ለወደፊቱስ ምን አቅዷል የሚለውን በአቶ ተስፋየ ተመስገን የተለያዩ ጥናቶች ላይ የተመስረተና ኢስላማዊ ጥሪን የተመለከተ ሀሳብ ቀርቦ ለውይይት ቀርቧል።

በምክክር መድረኩ ላይ ተገኝተው መልእክት ያስተላለፉት መሻይሆች እና ኡስታዞች በዳዕዋ ሂደት በርካታ ተግዳሮቶችና ፈተናዎች እንደሚያጋጥሙ ገልጸው የተለያዩ ስልጠናዎችን በመውሰድ ዳዕዋውን ተደራሽ ማድረግ እንደሚገባ ገልጸዋል።

በተጨማሪም ዳዕዋውን ተደራሽ ለማድረግ በተለያዩ የሀገሪቱ አካባቢዎች በመዘዋወር በተለያዩ ቋንቋዎች ዳዕዋውን ተደራሽ ማድረግ እንደሚገባና ለዚህም መጅሊስን ጨምሮ የተለያዩ ባለድርሻ አካላት ከጎናቸው ሁነው ሊደግፉ እንደሚገባ ገልጸዋል።

በምክክር ፕሮግራሙ ላይ የኢትዮጵያ እስልምና ጉዳየች ኡለማ ጉባኤ ሀላፊ ሸይህ ሙሀመድ ዘይን ዘህረዲን፤ የኢትዮጲያ ሙስሊም ወጣቶች ካውንስል ፕሬዝዳንት ኡስታዝ ኸይደር ኸድር፤ የአዲስ አበባ መጅሊስ ስራ አስፈጻሚ አባልና የኢስላማዊ ተቋማት ዘርፍ ተጠሪ ኡስታዝ ሙሀመድ አባተ፤ ኡስታዝ ሙሀመድ ፈረጅ ኡስታዝ ባህሩ ኡመር፤ የራህማ ኢስላማዊ ድርጅት ሀላፊዎችና ሌሎችም ኡለሞችና ምሁራን ተገኝተዋል።

© ሀሩን ሚዲያ