يا ابا الجــــــــواد مروتك
طال اشتياقي الحضرتك
رايد اجيــــــــك بلا ذنب
ويم بابك ابجـي لغربتك
..
ارزقني وكفه كــــــبال المناره
لهفانه روحــــــي تريد الزياره
يضامن الحك مـحتاره روحي
ولو ماجيلك اعضم خســـاره
..
عطر الضريح اليحجولي عنه
تدخل ضريحه وتـشوفه جنه
لا يبقه هم ولاتـــــبقه حسره
ثامن امام وينـــــــگط محنه
ـــــــــــــــــــــــــــــــــــــــــــــــــــــــــــــــ
بمعصومه احلفك سيدي
كلبي ع بابك يــــــهتدي
انته وطن كل الخــــدم
والدمعه منك تبــــــتدي
..
فراكك كســـــرني وزيد ونــيني
مشتاگه روحي وبلكت تــجيني
بلطيف ازورك مو بـــــس اتاني
بس خل اشوفك ومليهه عيني
..
ضليت اوادع بس بل قــــــوافل
بدمعاتي حسره وبجروحي قابل
طال انتضاري وهاجــت دموعي
وحزني كتبت وجاك برســــــايل
ـــــــــــــــــــــــــــــــــــــــــــــــــــــــــــــــ
ياسيدي لميتى انتــضر
ياباالحسن ضاك الصدر
ارزقني اجي لزيــــارتك
لو مره اشــــوفك بلعمر

خايف اموت وماشــوفك انه
وانته الرؤؤف الـماكو بحنانه
ربعي ع دربك كلهم مشــولك
من شوگه كلبي مات بمجانه

طال انتضاري وخلــــص كلامي
مولاي احلفك بل نحره ضـــامي
بشوفت ضريحك تنفك حسرتي
لشوكت اضل ابعثلك ســــلامي
ـــــــــــــــــــــــــــــــــــــــــــــــــــــــــــــــ
گلبــــي اجــاك استـقبله
جايب عــــطر من كربله
من كاع ابو السجاد الك
دمـــوعي ع بابك هامله

بذنوبي جيتك طهرلي گلبي
ضعت واديك الدلتني دربي
ماضن تــــرد المذنب اجالك
عيني ع دربك خــليهه تربي

مولاي اجيتك انعه المصـــــــيبه
هنيــالك انته واختــك قريـــــبه
حسين اخته راحت فوك الهزيله
من طاح اخوهه صارت غريـــبه
ـــــــــــــــــــــــــــــــــــــــــــــــــــــــــــــ
مقتدى المحمداوي

خلصت ذيج الايام
وطاح حسين اخونه
ماتت كل الاحلام
ب خيل ونار اجونه
حركو كل الخيام
ع هزل خذونه

لل.. خيمه اجوني وهدو عليه
جنت ب.. دلالك هسه سبيه
ترضة الشماته ينادوني باسمي
بشام المصايب مجتوفه.. اديه

الناگة هزله و زينب،، جبيره
هضمتني خويه الطفله زغيره
بعين الفواطم حيرة وبواجي
من شفنه طاحت كل العشيره
ـــــــــــــــــــــــــــــــــــــــــــــــــــــــــــــــ
جنت بفي الحسين
هسه بفي شماته
بعد كل هاي السنين
سبايه مدللاته
جتفو ايدي والعين
ضلت يم بناته

من يمتى امشي بلا في اخوتي
ع تل اجيتك و امنيتي موتي
هاي النهاية الما جنت اضنهه
طايح عضيدي وطايح تچوتي

طايحلي كافل فوك الترابه
من في عباته لفي الخرابه
صارت مصيبة تعجز المصايب
لا من عشيرة ولامن گرابه
ـــــــــــــــــــــــــــــــــــــــــــــــــــــــــــــــ
هاشم فوك التراب
فرن بل.. براري
وكلبي محمل اعتاب
وي ذيج الصحاري
وال،، زيدلي المصاب
شفت حسيني عاري

ذاك الجمال وذيج الشهامه
سلبو جماله وحتى العمامه
وخده الشريف توسد ترايب
ولل.غربه راحت كل اليتامه

صحنه الحگ النه ومارد علينه
تيقنت اخونه راح من ادينه
لا ضلي والي ولا ضلي كافل
يشتمونه واحنه خويه شبدينه
ـــــــــــــــــــــــــــــــــــــــــــــــــــــــــــــــ
راسك ع الرماح صاح
هونك وي بناتي
شلون اغفه انه ورتاح
وسبايه اخذو خواتي
اذا طحت الضعن طاح
مجلبات بعباتي

شفتك تحاجي الحادي وتسئله
شلون الاميره تروح ع الهزله
هاي الجليله وبنت الهواشم
وجلمة غريبة مربيتلي عله

بدربي المشيته تنضرلي عينه
لو ادري خويه جا مامشينه
بنص الصحاري يركضن خواتك
يبن امي وينك خويه نسبينه
ـــــــــــــــــــــــــــــــــــــــــــــــــــــــــــــــ
مقتدى المحمداوي

صح عفتك يخويه وعفت الخيام
بس ضلت مصيبه بكلبي نيشــان
من اسمع تنـــــــــــادي بين الزلام
وحق جدي محمد انه عطـــــشان

هل من معين ويسقني الــماي
هل من عبايه تصير الي فياي
بين العده وضليـت محـــــتار
وماضلي صاحب لااخـو وياي

حركو خيامي وخلوني ضامي
وين الهواشـــم واحسيناه
فوك المصيبه زينـب غريبـــــه
بضعن الفواطم واحسيناه
ـــــــــــــــــــــــــــــــــــــــــــــــــــــــــــــــ
خويه بغربه اخيتك دون عبـاس
ويا طبت القصر زيدلي المصـاب
شلون انه غريبه تشوفني الناس
والهضمتني خويه وكفت البـــاب

شنهي الجنيته وامشي لشام
ع الهزله وانضر موت الايتام
ياخويه هيمة وحشة اليــــل
وايتامك بدرب الضمه تنـــام

حرمه وجبيره..وامشي اسيره
بين الــقبائل واحسيناه
كتلتني هايه.. نطلع سبــــــايه
فوك الهزايل. واحسيناه
ـــــــــــــــــــــــــــــــــــــــــــــــــــــــــــــــ
من شفتك طحت وخــيول فوكاك
من الفوك المهر طايح ع تـــــــراب
بهل لحضه امنياتي خويه بجفــاك
يگرب خويه موتي وانسه المصاب

شفتك يخويه ع ترب ضــــال
ع تل اجيــــــتك والدمع سال
صحتك لجن ماتسمع الصـوت
خلص كلبنه والـــــضعن شـال

ع تل اجيتك..ابجي ونخيتك
خويه الحكنه واحسيناه
شافو خيالي.. وباگـــــو دلالي
كوم افزعلــنه واحسيناه
ـــــــــــــــــــــــــــــــــــــــــــــــــــــــــــــــ
بيدك يا ابوفاضل اصعد النـــوك
وهسه الاجنبي يصعدني هـــزله
محد شاف ضلي وطبت السوگ
تهضمني يخويه وموش سهلـــه

مالت يخويه بل ضعن حـــيـل
من هجمت ع ضعونك الخـيل
واطفالك الكاتلهم الخـــــــوف
راحو سبايه و هندس الـــــيل

ضليت اكابر.. مكسوره خاطر
بل غاضـــريه واحسيناه
انه الجليله.. واسمي العـــقيله
صرت السبيه واحسيناه
ـــــــــــــــــــــــــــــــــــــــــــــــــــــــــــــــ
مقتدى المحمداوي ✍️.

ملا مجتبى الكعبي
كلمات :
علي رضا المحمداوي
مقتدى المحمداوي

https://youtu.be/aI6bpr8AriU?si=A64nFlwvtjds6rAM

يمه بحالي لو تدرين
مشيت وعفت اخوي حسين..يايمه
مشيت بهزله بيدي حبال
سبيه اعليه شامت گال... يايمه

شلي بلشام ومصابه
وعفت اخوي ع الترابه.. صعبه يمه
يكسر الخاطر وضعنه
بلايه والي من طلعنه.. والله هضمه

صاحت علينه الصايحه
شي ع رمح شي طايحه.. والماي صاير ضدنه
حسينج بقه بلا ناصر
ضل وحده يوم العاشر.. والخيل ما رحمنه
ــــــــــــــــــــــــــــــــــــــــ
اموت ولا اطب للشام
خرابه وبيهه حرمه تنام.. يايمه
مو گدر العقيله النوگ
حرمه ودخلوني السوگ.. يايمه

الخيل اجت ترگض عليه
وطايح ابنج يلزجيه.. ع الترابه
ماگدر يفزع لخيته
من وگع كون انه ميته.. من مصابه

عفته بوسط خياله
محد يعاين حاله... والشمس فوگ رسومه
وحجايه راح تلجمج
محد رحم حال ابنج... واخته صفت مهضومه
ــــــــــــــــــــــــــــــــــــــــ
المارايدته راح يصير
بنيتج خارجيه تصير... يايمه
گلبي من الهضم مجروح
واخوي ع ترب مذبوح.. يايمه

صاير الما جنت اضنه
ع هزيله اخذوني منه.. شلون اعوفه
لل الله سلمتنه امرنه
من شفت طاح الكفلنه.. كطعو جفوفه

محد فزع من هاشم
وسط الفلا ابنج نايم.. والخيل ركضن عشره
ماضل اخو ويحمينه
والهضم ياكل بينه... والهوه نشمه بحسره
ــــــــــــــــــــــــــــــــــــــــ
عفته بنص زلم وخيول
سمعت حسيني من يكول.. يايمه
ندب بامه بعلات الصوت
وليدج ضل بلا تابوت.. يايمه

عاده عدنه احنه الشهاده
بلـــــــسبي ماعدنه عاده.. شو سبونه
والعطش فتت گلبنه
والله يايمه تعبنه... من خذونه

بلايه اخوتي شافوني
بــــــ حبالهم گيدوني.. وتميل بيه الناگه
اركض وادور وينه
بس خل اشوفن عينه.. لعيونه اضل مشتاگه
ــــــــــــــــــــــــــــــــــــــــ
اشوفه بلا هدم عريان
الهاضمني نذبح عطشان.. يايمه
صار الماجره ولا صار
شافه بعينه ناگه ونار... يايمه

بعينه شاف الخيمه طاحت
وزينب ع الناگه راحت... تريد اخوهه
ع الترب يايمه شفته
من العطش ذبلانه شفته.. ذبلوهه

خلصت بعد هل خوه
راح امشي عنهم گوه.. والحادي ما نزلني
بدونه خذوني بضعني
مجبوره خويه اعذرني.. والعين ما رحمتني
ــــــــــــــــــــــــــــــــــــــــ
مقتدى المحمداوي