باچر يرد الموعود.    ثار الضلع والسطره
  ___
باچر يرد المهدي من اغيابه
ويرد ستر دين النبي وحجابه
باچر يرد بثاره عنده طلابه
ويه الجبت والطاغوت.   والهاجم اعله الزهره
____
باچر يرد المنتظر ثاراته
وبثاره يشفي المنتظر لجماته
ياثار ربي بفاطمه چلماته
ويردهه كل الثارات.    ويشافي كل الحسره
____
باچر يرد العمته ثار امهه
لمن يطلع من الگبر ضالمهه
وعالنخله يصلب من هتك عالمهه
عالنخله يصلب شيطان.   من يطلعه من الحفره
__
من يطلعه من الحفره هم يسأله
لمن محمد يسألك شتگله
هاجم على بيت النبي واهله
ياهاجم البيت الچان.     محد يفوت ينضره
_
هذا وعد رب البشر واقداره
لازم يرد دين النبي وافكاره
والمنتظر لازم يرد بثاره
وثار الأسلام الزهراء.     لازم يرد وينصره
____
ثار الاله ودينه واصل التكوين
بطه وعلي وفاطمه والحسنين
لازم يرد مهما يطوِّل بالحين
لازم يرد بأي يوم.        هذا الوعد ننتظره
____
#حسين_علي_الياسري

فاطمٌ قلبي تفطر
ترحلي والقلبُ يُكسَر
نادا بالحزنِ علي
فاطمه لا ترحلي
كيف ابقى.    كيف ابقى
__
الله سبحانه وتعالى.      كلشي خلاه بقدرته
خالق الحكمه بجلاله.     خالق الزهره بحكمته
وخله ميزان الكفاءه.       والعداله من رحمته
فاطمه اختارچ رحمته.      وانه امثلهه كلمته

انتِ اصلاً للهدايه
وانا اصلُ الولايه
دينَ حقٍ اكملِ
فاطمه لا ترحلي
كيف ابقى.        كيف ابقى
____
حيدر وعنچ اوصف.        فاطمه خير البريه
فاطمه الحلقه العظيمه.  فاطمه العليا العليه
كملت حلقة تواصل.       بالنبي وحيدر وصيه
حتى يكمل دين ربنه.     بأهل بيته وبنبيه

فاطمٌ سرَ الوصالِ
ياكمالاً للگمالِ
ياكمالاً للولي
فاطمه لا ترحلي
كيف ابقى.      كيف ابقى
___
ياكمالاً للكمالِ.             ياكمالي الاكمل انتِ
انه گلب الدين چني.     وصرتي يافاطم نبضتي
الدين يحتاج الكفوئه.     يامثلاً انتِ صرتي    
انتي اسستي الكفاءه.     عمرچ لدينچ نذرتي

صبركِ أينَ مثاله
صرتِ ميزانُ العداله
صبرك صبراً عَلّي
فاطمه لا ترحلي
كيف ابقى.      كيف ابقى
__
فاطمه تصبريني چنتي.      همي ينزاح امن انضرچ
صبرچ يصبر عليه.              وانسه همي من اذكرچ
واحد يصبر بالاخر.             ومن تصبريني اصبرچ
شلون يازهره افگدچ.           شلون احمل من اخسرچ

فاطمٌ لا تتركيني
بعدَكِ من ذا معينِ
فَقدُكِ امسى جَلّي
فاطمه لا ترحلي
كيف ابقى.        كيف ابقى
____
فاطمٌ يانبض قلبي.    شلون يتحمل فرگتچ
انتِ ياعيني ونضرهه.    ومن اشوف انه بنضرتچ
انتي ماعفتيني لحضه.   وانه ما لحضه تركتچ
انه من دونچ غربتي.      وانتي من دوني غربتچ

غربةٌ دون الحبيبِ
تُمسي في قلباً مشيبِ
قلبي نادا اقبلي
فاطمه لا ترحلي
كيف ابقى.        كيف ابقى
__
اشكي للباري اغترابي.        واشكي اله يازهره وضعچ
ادعي عالناكر حرمتچ.        واجرى يافاطمه دمعچ
الهاجم البيت المقدس.        وكاسر بكل حقده ضلعچ
انه من ادعي بحسرتي.       انتِ هم تدعين اسمعچ

ادعو ياربي بفاطم
لعنةٌ منك لظالم
هاتكا لمنزلي
فاطمه لا ترحلي
كيف ابقى.      كيف ابقى
_
#حسين_علي_الياسري

يسر الله.      اليخدمچ حر
      ويضل عالي مقامه
خدمتچ سر.   منو يفسر
     شنو سر الخدامه
يمچ عله الشان.   واليخدم انسان
       ويضل عالي مقامه
    __
اللي يخدمچ حر صبح من اسره
أسر الذنوب اللي تگيد عمره
تصفه ذنوبه لوصرخ يازهره
ويتضاعف أجره من يدگلچ صدره

لفض اسمچ.    محي ذنوبه
       يسر الله ورحمته
الدخل بسمچ.   إلى التوبه
       عرف سر من نعمته
ويلفضچ اذعان.    واليخدم انسان
        _
يام الحسن بيچ ابتدت هالنعمه
من فضه صارت مرجعية خدمه
من خدمتچ عاشت معاني الرحمه
ومن عدهه صارت للخدامه الهِمه

الذي بخدمه.  نذر عمره
      تشملينه بولائج
وتوفقينه.  الألچ امره
      توفقينه العطائچ
مو ياهو الچان.   واليخدم انسان
      ____
يامحله عمره اللي يعيشج غايه
لقران ربه صرتي سوره وايه
الدنيه قريه وانت عنده ولايه
ومنيته يتعناج شايل رايه

حلم عمره    اذا يلكه
الج كبه ومناره
واذا يوصل     يشم عطرج
لمن يقره الزياره
ونشوفه ولهان     واليخدم انسان
___
يافاطمه الزهره اليخدمچ هايم
بالخدمه گلبه ومايهمه اللايم
رايد رضا الباري بخدمتچ فاطم
وهاي الخدامه تقربه من القائم

ابو صالح.    تره يحبه
     الذي بحبچ تقرب
ويقبله الرب.  اذا گلبه
    على امصابچ تصوب
وصوابه نيشان.    واليخدم انسان   
   _
قبل الصلاة وصى اعله ذكرج ربج
ميريد الله المايدور قربج
وايريد كلمن كضه عمره ايندبج
لقمه عبوديته تبان بحبج

الاصل انتِ    وفرع دينه
يريد الله اليريدج
يضل خادم    شرف عنده
تخلي من عبيدج
عنده انت عنوان    وايخدم انسان
____5

#حسين علي الياسري
#مؤمل الربيعي

قمرٌ أضاءَ بضلمتي
في عمري كانت شمعتي
فرحي وشوقي و حسرتي
يازهرتي يازهرتي
___
يا هيل يا عطر الصبح يالزهره يمراية علي
الكاج يمي وابتسم من عينج تباوع الي
ماحاس بالغربه گبل چنت انه احسج كل هلي

كل ماباوع بيج الكاني
يتحرك يمج وجداني
وعيونج من تتلاكني
انسه الدنيه وانسه احزاني .... يازهرة الروح

عطش الصباح لعينكِ
لون الربيع كأنكِ
ام الوجود لانكِ
يازهرتي يازهرتي
____
يانور الله المن يشع مايبقه للضلمه شبر
يا غبشه ومدافع نده بعيونج ايطيح الفجر
يا ماي يعكس بي گمر وبجرفه يتناثر عطر

يازهره واحله من الزهره
وين الگه الچن عطرچ عطره
يكتاب الحب البيچ اقره
من عين مشتاگ النضره......يازهرة الروح

شوقاً يؤرق ادمُعي
مات القاء بأضلُعي
القلب حتماً لا يعي
يازهرتي يازهرتي
__
يا ريح ويسامر شجر هيج من الاگيچ الصبح
كل ما ارد من الحرب بعيونج ايطيب الجرح
ربحان بيامي جنت جي يمج... انعدن ربح

يا وجه الخير المامثله
كل ما تصعب اتوجهله
يابلسم يوكع ع العله
كل لحضه بدونج ماتحله........ يازهرة الروح

مات الوداد بعمرنا
من مات انتِ ام انا
كيف الوصال بقطعنا
يازهرتي يازهرتي
____
ياحب يموت ويندثر ايعيش لو حتى بحزن
الطير ما ينسى الجنح لو حتى حطيته بسجن
خيالي احسج بالمشي وبخيالي اكودن من احن

رغماً ما موجده بدربي
بس وجهج ما ينسا گلبي
وكل ماذكرج ينفك تعبي
ومن اشتاگ الگاج بگربي........يازهرة الروح

إني اراكِ بأجفُني
وكأنكِ في اعيُني
ذا قلبي شوقاً ينحني
يازهرتي يازهرتي
___
صاير عليل بفرگتچ. حاچيني وين الگه دوه
فارگتچ وگلبي انكسر. من رحتي يجرحني الهوه
چان النِفس يسوه صدگ. من چنه يالزهره سوه

يازهره اختنگت انفاسي
بفراگچ مجروح احساسي
ما ناسي ايامچ ما ناسي
يالچانت عينچ كل ناسي.......يا زهرة الروح

ليسَ المصابُ بدارنا
إن َّ المصابَ فراقِنا
للموت انظرُ جمعنا
يازهرتي. يازهرتي

_
مؤمل لؤي الربيعي
حسين علي الياسري

يرحمن يمنان خلينة نخدم فاطمة
#########
ياربِ خلينة خدم عد فاطمة اقبلنه
ندعي يرب بكل وكت عنهة لتحرمنه
الخدمة رحمه للخدم يالبيهة ترحمنه
ما عدنة يارب اي مهم بس فاطمه تهمنه
يسبحان يحنان خلي المجالس قائمة
يرحمن يمنان خلينه نخدم فاطمة
#########
اليخدم بنية صدق عد فاطمة غالي
خادمهة عاقبتة فرح بالنار ليبالي
حاصل على منصب شرف بالجنة اله عالي
يسمونة خادم فاطمة شمحلاهة بالتالي
يخدام بالانعام باچر تباهون السمة
يرحمن يمنان خلينة نخدم فاطمة
##########
ندري احنة يارب العرش نال العلا الخادم
الرادود واليكتب شعر وال عالصدر لاطم
يعرف رحمتك فاطمة بهايه صبح فاهم
اليخدمهة من گلبة وعلي من شيعة القائم
يخدمون يوافون للمهدي باچر بالدمة
يرحمن يمنان خلينة نخدم فاطمة
########
ياربِ نخدم كل وكت منملهة هالخدمة
لو مانشوف اهل اللطم ندعي البصر يعمة
نعمة الخدامة الفاطمة ونتشكر النعمة
قسمه اليخدم من صدك وشمحله هالقسمة
رَفِع راس يهالناس شمحلاهة ايدي اللاطمة
يرحمن يمنان خلينة نخدم فاطمة
##########
شفنة التواضع بالخَدَم ماشفنة اي ذلة
وكت المجالس يابشر من الشهد احلة
شما تكثر ايام العزة بيهة نحس قلة
نتمنى بالخدمة يرب يگضي العمر كلة
دعيناك رجيناك حد ما تقوم القائمة
يرحمن يمنان خلي المجالس قائمة
##########
#سيد_حسين_الياسري

اساسُ الخَلْق           فاطمة اتكون
     سِرُ أُلله              بيها مكنون
     سر الخليقة تكون بفاطم
      من ادم لحد جية القائم
        اساسُ الخلق
     #############
لولا علي ماكون الله احمد
ولولا افاطم ماخلق اي احد
الزهرة رحمه وبيهة اسرارُ الله
فطرس بابنهة توسل وتعبد
يَا ألله         وناده يحسين
بِالزَهْراء      ردلي جنحين  
     چيفن توجه بيهة رد سالم
      من ادم لحد جية القائم
          اساسُ الخلق
           #########
مايعرف الله الي نكر  فضلهة
هي الاساس بكلشي يرجع الهة
نور الله شفنه بفاطمه وبنيهة
كلشي انوجد بالكون من اجلهة     
خُلِق النُور         من ضواهة
ورِضَا الله         من رضاهة
      والي نكر حقهة صبح ظالم
      من ادم الحد جية القائم
             اساسُ الخَلق
             #########
الزهرة اصل النور منهة تكون
وذيج النجوم بفاطمة يتنورن
ربنة الجليل بنورة كون فاطم
ومن نورها وزع على هالضون
نورُ الله               بفاطمة صار
وهَذا الكَون          بفاطمة اندار
       لولا افاطم ماصبح قائم
       من آدم لحد جية القائم
              اساسُ الخلق 
         ##########
ياسائلاً عن فاطمة اسمعني
اسمع كلامي وبيه تفهم شأعني
هاي الارض ويه البحر والافلاك
لخاطر الزهرة الله كون ذني
فَوقَ العَرش     صار اسمها
وَرَسمُ الخلق       من رسمها
     هيچ انه عن ام الحسن فاهم
        من ادم لحد جية القائم
             اساسُ الخَلق
       #############
نقرة بكتاب الله وذكر نلگاهة
بالكوثر انكتبت علن شفناهة
بالظاهر الكوثر وباطن مذكور
وسط السور مذكورة في معناهة
أصلُ الدين        الهة تفسير
وَفي القرآن        كوثر تصير
     والي نكر هذا الذكر واهم
      من ادم لحد جية القائم
          اساسُ الخلق
    #############
#بقلم_سيد_حسين_الياسري

انة عندي وصية جدتي يالزچية
يالزهرة من حيدر من اضهر انة اثأر
لضلعچ فاطمة
وانة اثأر الضلعچ والدمعچ والابنچ
سيفي محزمة
انة عندي وصية جدتي يالزچية
######## #########
انة يمة المهدي ابنچ يالزچية
عندي انة اليوم من حيدر وصية
لمن الله يحقق الموعد الية
اخذ ابثارچ يثار الله ونبية
واخذ بثار السگط فوگ الوطية
واخذ بثار المشت بعدچ سبية
اصرخ بصوتي عبرة من الحزن آ يزهرة
من تنسبي الحرة يالزهرة بالعبرة
ويسيل الدمع
من تنسبي زينب تتعذب تتسلب
هذا اصعب وضع
حيل صعبة علية جدتي يالزجية
######## #########
وصة حيدر گال يبني الثار يمك
لمن الله يحقق الموعد احزمك
انت كلك غيرة ما يحتاج احشمك
انت ابن حيدر علي والحمزة عمك
هذا فقاري يمهدي بيدي الزمك
بيه تاخذ ثارك انت وثار امك
هذا فقاري بيدك تاخذ بثاري عيدك
من تاخذ بثاري بفقاري للباري
تعلن هالنصر
من تقرة والعصرِ للنصرِ والأمرِ
بسيفك ينحصر
هذا نصر البرية جدتي يالزجية
######### #########
يمة خليني اسولفلچ واگلچ
ماخذ بروحي وعد يايمة عنچ
لمن اضهر اخذ انة بثار ضلعچ
حتى امسح انة بيدي ذاك دمعچ
وعد ثاني اخذة لحسين ابنچ
حتى بية تصير فرحة وامحي حزنچ
هذا وعدي اوعدة حگچ انة اردة
من ظالم الزهرة والعترة بالسطرة
والكاسر ضلع
انة اخذ بثارچ.....وستارچ.....وبدارچ
انة اشعل شمع
بالفرج ادعي الية جدتي يالزجية
########## ##########
انة ما انسة الضِلَم شيعتنة والله
الة اخلي اجسادهم بالنار تصلة
والة اصول بسيفي واعلن اقوى حملة
حتى ابرد شكو بصدر الشيعي شعلة
والة اخلي الدنيا لأجل الشيعة تحلة
والة اردن كل شهيد بزفة لأهلة
بزفة بيدي اجيبة الجنة تصبح نصيبة
للجسمة ضل دامي ويحامي للضامي
ما اتركة ابد
وبأيدة احط حنة يتهنة بالجنة
مني هالوعد
المات حيدر ولية جدتي يالزجية
########## #########
ا يزهرة وخل اسولفچ واسمعي
خلي اسولفلچ حال وضعي
يمة ثار الضلع صاير يدوي سمعي
وگمت كل ليلة اذكرة وابچي وانعي
واذكر حسين ويغرگ خدي دمعي
وربي عجل بالفرج كل ليلة ادعي
گمت ادعي بغربتي ربي عجل طلعتي
تتنشف الدمعة بالطلعة والشمعة
بيدي تنشعل
لشاب والشايب والتايب والذايب
وتفرح الطفل
فرحة الشيعة بية جدتي يالزچية
######### #########
#سيد_حسين_الياسري

راحت ياخلگ ام نعمة الفقره
احرگ ياحزنهه بكل گلب جمره
___
احرگ ياحزنهه بكل گلب واسعر
واشعل كل گلب جمره اعله هالمنظر
صابر عالظلم ذاك الفحل حيدر
اشعل كل گلب من نار مستعره
___
اشعل كل گلب من نار باحزانه
خل يعيش طالب ثار اشجانه
ثار الفقره فاطم هذا عنوانه
ثار الفقره ثار الباب والعصره
__
ثار الفقره ثار الباب چيه لنه
باب الزهره باب الخير والجنه
وخير الزهره مايلگون ابد منه
وراحت واصبحت للثار منتظره
__
راحت واصبحت للثار تتنطر
بگلوب الحزن يمته الحزن ينطر
يمتى النار تطفى بثائرٌ يثأر
وياخذ ثارهم لمن يطر فجره
__
ياخذ ثارهم لمن يجي القائم
ويرد ثار حيدر والنبي وفاطم
والفقره يناصرهه اعله كل ظالم
من عالنخله يصلب ظالمي الزهره
___
#حسين_علي_الياسري

فاطمه الزهره شعظم مقدارهه
سر الهي تكون باسرارهه
____
سر الهي بفاطمه الزهره چبير
المنه يعرف لو جزء كلش زغير
فاهم بكلشي العرف عالم يصير
العرف لو بس حرف باثارها
_
العرف لو بس حرف حظه عظيم
باسم فاطم يصبح اليعرف عليم
رحمة صارت للبشر من رب رحيم
بحرف بس من فاطمه واخبارهه
__
بحرف بس من فاطمه صار الوجود
الله سبحانه بعطف فاطم يجود
شلون تالي أهل الحقد واهل الجحود
شبت اباب العرش من نارها
__
شبت اباب العرش نار الحقد
شلون صارت نار عالجنه تهد
وواگف الشيطان يم سورة حمد
وفاطمه الايات كلهه بدارها
__
فاطمه الايات  كلهن والسور
الفاتحه و مريم وايات القمر
والفلق والناس والحج والبحر
سر الهي وغاشم الي جارها
___
سر الهي وغاشم الهاجم عليه
تبت اتباعه وبعد تبت اديه
الهاجم اباب الاله وسر نبيه
باجر اجهنم يصير احجارها
___
#حسسن_علي_الياسري

طفت شمعة نعمتي .      مشت زهرة خدمتي
وبقت اشكي بدمعتي.      نعمتي. نعمتي
        ___
انه اللي خدمة الزهره واحسب خدمتي نعمه
بس اهل الحقد والجور حرموني من الخدمه
طاحت خيمتي الجانت.     تدليني عله الرحمه
نادت فضه اسنديني.        وكلهه جروح هالچلمه

بقت تلچم جروحي.       يكون افديهه روحي
يون گلبي اعله نوحي.        نعمتي. نعمتي
        __
نادت فضه  اسنديني  وگمت بروحي كوه اسند
وانه بمسمعي حچاية اسنديني اعله حيلي تهد
الم بحيلي بالگوه.           بس الحيل ما يركد
وگمت اسمع صده بگلبي.   چن نبض الگلب يرعد

بقيت انده يويلي.    وشفت نهاري ليلي
صحت وينك يحيلي.     نعمتي. نعمتي
        ____
حيلي اجمعته بالكوه. وبسرعه اوصلت عدها
رحمة الله مكسوره رحت الهه اسندها
طاحت نعمة الخدمه     جنت بالخدمه اعاهدها
طاحت والضلع مصيوب.  وانه بعيني اشاهدها

وانه بهول المصيبه.      شفت فاطم غريبه
تناديني عجيبه.              نعمتي.  نعمتي
          __
عجيبه تنادي يافضه مانادت علي الكرار
لو نادت علي الزهره يفز گلبه ويضل محتار
بين اليشهر بسيفه.   وبين اوصية المختار
وانه اللي گمت الهه.   اسندها اعله باب الدار

بعد المن اناظر.    صرت مكسوره خاطر
صدك فاطم تسافر.    نعمتي.   نعمتي
       ____
خدمتي الچنت اباريهه ظالم منهه يحرمني
ياهو اليفهم الزهره وياهو اليفهم شتعني
تعني الخدمه والنعمه.    اعله گد فهم العقل ذني
َبس اليخدم الزهره.        يعرف قصدي يفهمني

يخدام الزجيه.         تعرفون القضيه
اشوف بكل العزيه.        نعمتي. نعمتي
          __
#حسين_علي_الياسري

فاطمه الزهره شعظم مقدارهه
سر الهي تكون باسرارهه
____
سر الهي بفاطمه الزهره چبير
المنه يعرف لو جزء كلش زغير
فاهم بكلشي العرف عالم يصير
العرف لو بس حرف باثارها
_____
العرف لو بس حرف حظه عظيم
باسم فاطم يصبح اليعرف عليم
رحمة صارت للبشر من رب رحيم
بحرف بس من فاطمه واخبارهه
______
بحرف بس من فاطمه صار الوجود
الله سبحانه بعطف فاطم يجود
شلون تالي أهل الحقد واهل الجحود
شبت اباب العرش من نارها
______
شبت اباب العرش نار الحقد
شلون صارت نار عالجنه تهد
وواگف الشيطان يم سورة حمد
وفاطمه الايات كلهه بدارها
______
فاطمه الايات  كلهن والسور
الفاتحه و مريم وايات القمر
والفلق والناس والحج والبحر
سر الهي وغاشم الي جارها
___
سر الهي وغاشم الهاجم عليه
تبت اتباعه وبعد تبت اديه
الهاجم اباب الاله وسر نبيه
باجر اجهنم يصير احجارها
___
#حسسن_علي_الياسري

فاطمٌ قلبي تفطر
ترحلي والقلبُ يُكسَر
نادا بالحزنِ علي
فاطمه لا ترحلي
كيف ابقى.    كيف ابقى
__
الله سبحانه وتعالى.      كلشي خلاه بقدرته
خالق الحكمه بجلاله.     خالق الزهره بحكمته
وخله ميزان الكفاءه.       والعداله من رحمته
فاطمه اختارچ رحمته.      وانه امثلهه كلمته

انتِ اصلاً للهدايه
وانا اصلُ الولايه
دينَ حقٍ اكملِ
فاطمه لا ترحلي
كيف ابقى.        كيف ابقى
____
حيدر وعنچ اوصف.        فاطمه خير البريه
فاطمه الحلقه العظيمه.  فاطمه العليا العليه
كملت حلقة تواصل.       بالنبي وحيدر وصيه
حتى يكمل دين ربنه.     بأهل بيته وبنبيه

فاطمٌ سرَ الوصالِ
ياكمالاً للگمالِ
ياكمالاً للولي
فاطمه لا ترحلي
كيف ابقى.      كيف ابقى
___
ياكمالاً للكمالِ.             ياكمالي الاكمل انتِ
انه گلب الدين چني.     وصرتي يافاطم نبضتي
الدين يحتاج الكفوئه.     يامثلاً انتِ صرتي    
انتي اسستي الكفاءه.     عمرچ لدينچ نذرتي

صبركِ أينَ مثاله
صرتِ ميزانُ العداله
صبرك صبراً عَلّي
فاطمه لا ترحلي
كيف ابقى.      كيف ابقى
__
فاطمه تصبريني چنتي.      همي ينزاح امن انضرچ
صبرچ يصبر عليه.              وانسه همي من اذكرچ
واحد يصبر بالاخر.             ومن تصبريني اصبرچ
شلون يازهره افگدچ.           شلون احمل من اخسرچ

فاطمٌ لا تتركيني
بعدَكِ من ذا معينِ
فَقدُكِ امسى جَلّي
فاطمه لا ترحلي
كيف ابقى.        كيف ابقى
____
فاطمٌ يانبض قلبي.    شلون يتحمل فرگتچ
انتِ ياعيني ونضرهه.    ومن اشوف انه بنضرتچ
انتي ماعفتيني لحضه.   وانه ما لحضه تركتچ
انه من دونچ غربتي.      وانتي من دوني غربتچ

غربةٌ دون الحبيبِ
تُمسي في قلباً مشيبِ
قلبي نادا اقبلي
فاطمه لا ترحلي
كيف ابقى.        كيف ابقى
__
اشكي للباري اغترابي.        واشكي اله يازهره وضعچ
ادعي عالناكر حرمتچ.        واجرى يافاطمه دمعچ
الهاجم البيت المقدس.        وكاسر بكل حقده ضلعچ
انه من ادعي بحسرتي.       انتِ هم تدعين اسمعچ

ادعو ياربي بفاطم
لعنةٌ منك لظالم
هاتكا لمنزلي
فاطمه لا ترحلي
كيف ابقى.      كيف ابقى
_
#حسين_علي_الياسري

أشهد ان الزهراء مظلومةٌ شهيده
___
سرَ الإلهِ الاعظَم
في اي ذنبٍ تظلم
ذي الرحمةِ لاتُرحَم. الزهراء

وبأي ذنب صارت كسيره
الزهره الأميره
امصيبه چبيره.
بنت النبي الأحمد محمد
حبر الله تنعد
وأعليهه ينهد ؟.

ما راعوا حرمة بت طاهه
ما صانوا دين الله وياهه
ضلموهه الگالوا اصحابه
وفاطم يرضى الله لرضاهه

للهِ صاروا أعداء وليسوا هم عبيده
أشهد أن الزهراء مظلومة شهيده
____
القديسةُ القدسيه
الحوراءُ و الأُنسيه
قد صارت المحنيه. الزهراء

ياوسفه محنيه الزچيه
ودين الله هيه
تعيش الاذيه.
دين الله هيه وسر الاسرار
وبظلم الاقدار
يضربهه بسمار.

بسمار الباب ايأذيهه
ياگلبي اصرخ وانحب ليهه
من تسمع مصيوبه الزهره
احرگني وناري أوجر بيهه

حزنٌ بكاءٌ وعويل. وقلبي ذا نشيده
أشهد أن الزهراء. مظلومة شهيده
_____
سرَ الوجودِ الاكبر
زهراءُ نبعٌ كوثر
ذا فضلها لا يُنكَر. الزهراء

ضلموهه ياوسفه وهضيمه
الزهره العظيمه
تعيش بضليمه.
الزهره ما خلوا عطرهه
گطعوا عمرهه
امصيبه شكبرهه

وامصاب الزهراء اشكبره
اباب وحايط منعصره
كون ابچيهه عيوني ودمعي
ومن گلبي الحسره تجر حسره

دمعٌ على الخد يسيل. وهذه العقيده
اشهد ان الزهراء. مظلومة شهيده
_____
في دينِ اسمِ الرحمٰن
زهراءُ سترُ القرآن
فيها قياس الايمان. الزهراء

بالزهره مقياسه ومقامه
الحيدر امامه
يصيح الضلامه
ويشهد على الضلع ومصابه
وبعض الصحابه
صاروا عصابه

ميجامل ويرضّي الباطل
ومايهتم الحچيي العاذل
واللي ينكر باع الزهره
متريد الزهراء اليجامل

من يُرضِها يرضي الله. ويريد من تريده
اشهد ان الزهراء. مظلومة شهيده
_____
الزهرةُ المظلومة
المسلوبةُ المهضومة
من حَقِّها محرومة. الزهراء

نحلة فدك غصبوهه منهه
ومنعوهه عنهه
وزادوا حزنهه
وخانوا وصية طاهه بيهه
وهجموا عَلَيَهه
وغصبوا عَليها

غصبوا حگ الزهره وحيدر
اهل الباطل واهل المنكر
وهجموا دار الله وكل دينه
ودفعوا باب وضلع اتكسر

هذا بفعل الطلقاء. والزمرة العنيده
اشهد ان الزهراء. مظلومة شهيده
_____

حسين علي الياسري

يافاطمه. انس العمر
____

كل الدموع. ما تكفي حزني الفاطمه
وتطفى الشموع. بكل الارض ويه السمه

ليل من ايمر يجرحني الليل
حيل. ماباقي من الفرگه الحيل
صوت. رايد من عدهه اسمع صوت
سيل. فوگ اخدودي المدمع سيل

والدمع غير لون الخدود
بيه الحزن والشيب حاصود
من فارگتهه وحالي كل يوم
ليل اليجيني بحزنه هادود
_____
أنس الفؤاد. راحت وانه بوحشه صرت
صار الحداد. الهه انيسي شما عشت

نوح. ياگلبي باهاتك نوح
روح. يم گبر ام نبضاتك روح
ذوب. من تتعنه هناك تذوب
بوح. شما عندك احزان تبوح

مكسور گلبي اتعنه مكسور
كل ليله يم الزهره منذور
شيسوه العمر من دون محبوب
زهرة حياتك بين الگبور
___
حزن وعويل. ليليه يم گبر ام حسن
حامي الدخيل صاير غريب بلا وطن

الدار. من دون الزهراء مو دار
نار. كل ذكره بي تشعل نار
دوم. ما انساهه بفكري دوم
صار. عايش فكري بحزنه صار

اليفگد عزيزه شلون يرتاح
ومن التعب ما تبقه اله صفاح
مايوم ابد يرتاح ويهيد
ساكت يضل وداخله صياح
___
فاگدلي روح. الروحي چانت مؤنسه
وكثرة الجروح. وفرگاهه ابد ما ينسه

العين. وچانت هيَ شوف العين
البين. عادانه انه وياهه البين
فراگ. خله الموت يصير فراگ
وين. عايش بس اگليبي وين

گلبي مشه ويه اغلى الاحباب
وصواب بي من عدهه الصواب
لمن عرف بضلعهه مكسور
يلتام كلما شاهد الباب
_____
باب المصاب. سميته مو بابي بعد
لجرحي عذاب. كلما اله شوفي گصد

باب. هذا بداري مو بس باب
صاب. صاب گليبي بحزنه صاب
يموت. كل ما اشوفه گلبي يموت
طاب.؟ جرح الزهراء لا ما طاب

كلما يصير الباب بالعين
وكلما اشوف الحسن وحسين
وكلما اشوفن زينب النوح
يلچم دليلي وياخذ اسنين
___
#حسين_علي_الياسري

يسر الله.      اليخدمچ حر
      ويضل عالي مقامه
خدمتچ سر.   منو يفسر
     شنو سر الخدامه
يمچ عله الشان.   واليخدم انسان
       ويضل عالي مقامه
    __
اللي يخدمچ حر صبح من اسره
أسر الذنوب اللي تگيد عمره
تصفه ذنوبه لوصرخ يازهره
ويتضاعف أجره من يدگلچ صدره

لفض اسمچ.    محي ذنوبه
       يسر الله ورحمته
الدخل بسمچ.   إلى التوبه
       عرف سر من نعمته
ويلفضچ اذعان.    واليخدم انسان
        _
يام الحسن بيچ ابتدت هالنعمه
من فضه صارت مرجعية خدمه
من خدمتچ عاشت معاني الرحمه
ومن عدهه صارت للخدامه الهِمه

الذي بخدمه.  نذر عمره
      تشملينه بولائج
وتوفقينه.  الألچ امره
      توفقينه العطائچ
مو ياهو الچان.   واليخدم انسان
      ____
يامحله عمره اللي يعيشج غايه
لقران ربه صرتي سوره وايه
الدنيه قريه وانت عنده ولايه
ومنيته يتعناج شايل رايه

حلم عمره    اذا يلكه
الج كبه ومناره
واذا يوصل     يشم عطرج
لمن يقره الزياره
ونشوفه ولهان     واليخدم انسان
___
يافاطمه الزهره اليخدمچ هايم
بالخدمه گلبه ومايهمه اللايم
رايد رضا الباري بخدمتچ فاطم
وهاي الخدامه تقربه من القائم

ابو صالح.    تره يحبه
     الذي بحبچ تقرب
ويقبله الرب.  اذا گلبه
    على امصابچ تصوب
وصوابه نيشان.    واليخدم انسان   
   _
قبل الصلاة وصى اعله ذكرج ربج
ميريد الله المايدور قربج
وايريد كلمن كضه عمره ايندبج
لقمه عبوديته تبان بحبج

الاصل انتِ    وفرع دينه
يريد الله اليريدج
يضل خادم    شرف عنده
تخلي من عبيدج
عنده انت عنوان    وايخدم انسان
____5

#حسين علي الياسري
#مؤمل الربيعي

دماعتي طاحن لمن جفاني
بونين..حسين.. عنّي يهاجر
ادريه يطول مابيه اتاني
بجروح...انوح..حزن المشاعر

راح حسين بضعن جروح
بمگفاه گلبي باقي ينوح
صح ما اخذني بضعنه وياه
لاچن دزيت انه الروح

دزيت انه الروح تمشي ويه الضعن
وگليبي كلساع باحزانه انطعن
من راح الحسين دمعاتي تصب
واصوره بالعين. مابد ينسن
__
رايح انيسي وضليت انادي
بنين..سنين.. فدوه الرجعته
ماهمني ولدي فلذة فؤادي
يعود..يزود.. عمره وضحكته

فدوه اتروح اربع اقمار
بس حسين يرد للدار
كلشي افديه بس سالم كون
و بيوم الطف ما يحتار

كلهم فده اتروح. اولادي اله
بس كون الحسين. ميصيبه بله
انه ام البنين. بس فدوه الولد
بس سالم يعود. من طف كربله
____
سالم يردلي امنيتي يرجع
دعيت .. يريت.. يرجعلي سالم
ادعيله وابچيه وعيوني تدمع
بچيت _ نعيت بس ادري لازم

ما يسلم ضعن الماشين
بالطف يوگع ماي العين
بالطف ايصير اللي يصير
وما يرجع سالم الحسين

ما يرجع الراح من هذا السفر
وتغدره الاوغاد. ويخونه الدهر
والاربع اولاد. يفدونه النفس
محني الظهر لين. يفگدله گمر
_____
آ ياحسرتي وگلبي بفرگته
جريح ..يصيح .. كل نبضه باسمه
آ يا جراحه وآ يا دمعته
الحبيب..بنحيب....فارگني رسمه

وبگلبي وحسراته شلون
من يحزن وين الگه العون
چان بحزنه يصبره حسين
وهسه فراگه يبچي عيون

يامن يصبر. گلبي بهالجفه
ودمعي انه كل ساع. عالخد انچفه
شينشف الدموع .. والرايح نظر
عيني ونضرته.. معنى العاطفه
_____
من الهم دليلي مشتعله ناره
الدليل...ويميل.. كل لحضه حالي
لني ادري ضعنه يرجع باساره
عجيب..غريب. وفاگد غوالي

ضعن البي قائد مهيوب
انه ادري يرجع مصيوب
يرجع فاگد قائد حيد
ويتسمى ضعن المسلوب

ضعن الكلافه..يمشي للأسر
الراح بنسيمه..يغطي كل عطر
راح شحلاته..والقائد كلف
وسفه وحسافه..يرجع منكسر
____
#حسين_علي_الياسري
.

مهداة العلي.   من نفسِ علي
           للمولى العلي
           _
من عالمِ التكوين قد بُعثتُ
اني لِبيتِ فاطمٌ وجِدتُ
من حيدرٍ ونفسه خُلِقتُ
وهديةُ الباري اليهِ صِرتُ
مهداةٌ الى.       ذو اصلِ الولى
             اني للولي
       ____
إني لبيت حيدرٍ هديه
من باريءٍ ذو حكمةٍ عليه
صرتُ له مطيعةٌ رضيه
حتى انالُ من رضى الزكيه
طعتُ المرتضى.   قد نلتُ الرضى
           فاطمه ترضى لي
           ___
قد سافرت عن حيدرٍ حياته
لكنهُ في صبرهِ  ثباته
صبراً جميلاً واضعاً صفاته
والله قد عوضه مهداته
عن ذا صبرهُ.     بي عوضهُ
           من ربٍ جلي
            ___
من أفضلِ الطينةِ صار لحمي
من طينِ حيدرٍ تقوى عظمي
وبعلمهِ قد صار كلَ علمي
وصرتُ عالمةٌ وزاد فهمي
ذا فخري انا.   قد نِلتُ الهنا
         منذُ الأزلِ
           __
شكري لربِ ماله قطيعه
لانَ عمري لعلي وديعه
ولولدهِ خادمةٌ مطيعه
وصرت ذي منزلةٍ رفيعه

خادمةٌ لِهُم.        قد صرتُ بِهُم
       عالي منزلي
             __
#حسين_علي_الياسري
    

فَاطِمٌ أُخرى لِحَيدَر
فِيكِ وَصْفٌ فِيهِ كَوثَر
فاطميه بالوفاء
كوثريه بالعطاء
أُمُ عَبَّاس.      أُمُ عَبّاس
     #########
الله سبحانه وجلاله.           كلشي قدر واقتدر
وخله ميزانه العداله.          حاكم بعدله البشر
ماحرم انسان كطره.           الا رجعهه بحر
وحيدر الكطعوله زهره.       تحمل آلام وصبر
فِعلهُ قد كانَ صبرا
فجَزَاهُ الرَبَّ خيرا
خادمة وزوجه بولاء
كوثريه بالعطاء
أُمُ عَبَّاس.      أُمُ عَبّاس
          #########
قدر الباري بحكمته.           حيدر يعوضه حنين
فارك رويحة شبابه.            عوضه بأم البنين
تعينه باليبقه اعله عمره.        تبقه اله خَيرَ معين
تعينه عن جروح كلبه.           تصبره في باقي السنين
أُمُ صَبّرَاً وأُمُ غِيرَه
تُنْجِبُ بَدْرَ العَشْيرَه
اليصبح الدينه عطاء
كوثرية بالعطاء
أُمُ عَبَّاس.      أُمُ عَبّاس
        ############
بالوفه خلت مناقب.               تنذكر من تنذكر
زهره في بيت النبوه.             وبالوفه فاحت عطر
جابت الحيدر نشامه.            حكهه بيهم تفتخر
أنْجَبَت كَفَّ الولايه.                وربته الحيدر ذخر
أنْجَبَت سِرَ الحُسَينَا
دُونَ كَفَيهِ هَوَيْنَا
بجف ابو فاضل ولاء
كوثريه بالعطاء
أُمُ عَبَّاس.      أُمُ عَبّاس
          #########
الله منطيهه كرامه.             تكضي حاجات وشدد
الله جازاهه وكرمهه.           جي ولا خلفت عهد
تكضي حاجات الخلائق.       بفاتحه وهذا وعد
مو عواطف واحجي بيهه.      تجربه وعن معتقد
أيَ مُحْتَاجٍ بِشَدَه
يَقْرَأُ لِلرَّبِ حَمّدَه
تكضي وينول القضاء
كوثرية بالعطاء
أُمُ عَبَّاس.      أُمُ عَبّاس
              ##########
حملت الدنيا بكبرهه.           وحملت جروح ومحن
فاركت حيدر عمرهه.           وبعده سم ابنه الحسن
شافت الدنيا شزغرهه.          من عذابات الزمن
واخر اجروح ومصايب.          فركة اقمار ووطن
فَقْدِهِمْ صَارَ نَصيبُ
أمْسَى في قَلبٍ مشيبُ
من حزنها بالسماء
كوثريه بالعطاء
أُمُ عَبَّاس.      أُمُ عَبّاس
            #########
الوفه من عدهه يبدي.         لو بده بكلشي ونوه
مااجت بالطف ولكن.          مرت بهيئة هوه
على راية ابو فاضل. رفرف بحبهه اللوه
منهه نور اتسمه كافل. بظلمة الطف شع ضوه

إسمُها بالطَفِ عالي
بَدرُها نُورُ الليالي
جان ابو فاضل ضياء
كوثريه بالعطاء
أُمُ عَبَّاس.           أُمُ عَبَّاس
       ###########
#حسين_علي_الياسري
07700133400

استهلال(لمة عزاء) مولاتنا أم البنين عليها أفضل الصلاة والسلام

ام اربعه الوفيه.  وفيتي للزچيه
مرضيةٌ رضيه     هاي ام البنين
           _
يالوفيه الفاطمه الزهره بَوَلَدهه
ناذره لابن الزچيه كل وِلِدهه
فاطمه انطتهه الحسين وچان ردهه
تفدي نذرت للحسين بكلشي عدهه

كلشي اله بعمرهه. تنطي فده نذرهه
و بيه اصبحت ابيه. هاي ام البنين
_
گالوا اباربع ولد ثابت عطاهه
وانه شفت أكثر بعد انطت ولاهه
لإبن فاطم خادمه شكبر الوجاهه
عدهه اغله حسين بالحب من ضناهه

والغالي هوَ عدهه. عدهه اربعة ولدهه
فدوه لابو رقيه. هاي ام البنين
__
راح الحسين وبقت هي بدياره
وانطته اربع زلم كلهم الغياره
حتى بالطف تنوجد الهه بشاره
انطت اولاد اربعه وچفين اشاره

چفين اشاره الهه. عن الوفه وعملهه
لربهه وسبط نبيه. هاي أم البنين
__
سلم الباري على كلشي بگمرهه
يعني عالعباس حتى الله شكرهه
چيفن العباس بحسين امه برهه
نفذ الگالتله بيهن طاع امرهه

گالتله طيع أمامك. وافديله يمه هامك
طائع تصير اليه. هاي ام البنين
___
صارت المرضيه چفن ترضه عنهه
فاطمه الزهره ورضه بارينه منهه
باچر الزهره تشيل چفوف ابنهه
وتطلب بثاراتهن ويزيد ونهه

يارب جبت علامه. چف منگطع علا مه
يارب حزنهه بيه. هاي ام البنين
_
#حسين_علي_الياسري

الليله.     الزهره      تتلكه علي الهادي بدمعهه
بمصاب.  بصواب.    مصابه وحيل ياذيهه ضلعهه
              ##########
تحضر الموكب الالهي بالسماوات
ناوي يستقبل علي الهادي بعزائات
    تحضر موكب استقبال بجروحه
    يستقبل علي الهادي بحزن نوحه
     ويرأسهم محمد حاضر بروحه
     وفاطم بالحزن جن روح مجروحه
صعبه.   عليهه.    من تستقبل الهادي شوضعهه
بمصاب. بصواب  مصابه وحيل ياذيهه ضلعهه
               ## #########
اه يالزهره شحالج بهاي المصايب
الدنيا يوميه تدير اعله الحبايب
        يوميه يفاطم ولدج يودعون
      حبايبهم لاجل دين الله من ينوون
       واخر هالصبر موت وضلم يدرون
       بس صبروا لان يم الله يتجازون
تركوا .  دنيا.    عافوا كلشي بيهه وكل متعهه
بمصاب. بصواب.  مصابه وحيل ياذيهه ضلعهه
               ##########
اه يزهره استقبلي الهادي بمصابه
الليله  واحد يحجي للثاني صوابه
        يحجيلج  مصايب من ضلم دهره.
         من حكام ماخلوا ذكر عتره
          يحجيلج على السم الهدم عمره
          واحجيله انتي عن ضلعج وعن كسره
دنيا.       ضلمه.   خنكه بالرغم عدنه شوسعهه
بمصاب. بصواب    مصابه وحيل ياذيهه ضلعهه
              #############
اه يزهره وضلعج تلجمه هالاحزان
احجي للهادي بمصابه شصار وشجان
         كليله علي هجموا وانه وحيده
          تبعوا فتنة الملعون تب كيده
           وكالوا عن علي الكرار منريده
          وحركوا داري والي صار من ايده
وحيدر      ملزم.      بوصية الهي وباقي طائعهه
بمصاب.     بصواب.   مصابه وحيل ياذيهه ضلعهه
                 ############
ومن بعد هاي المصايب ذكر الحسين
وذكره صار بكل مصاب وتدمع العين
           يذكرون المصاب وتجري دمعتهم
           مصاب حسين عظم من مصيبتهم
            حسين هواي غالي بكل كلب عدهم
            عن مصابه بس الله اليساعدهم
الزهره.  بذكره.    مصاب حسين ما يوكف دمعهه
بمصاب. بصواب.    مصابه وحيل ياذيهه ضلعهه
             #############
#حسين_علي_الياسري