مولاتي.    مولاتي.      يازينب.      مولاتي
################

مولاتي.     حسراتي  اهاتي
بس لجلج انويهه
وعيوني ابجيهه
وخدودي اجويهه      بدمعاتي
يمولاتي الدمع يسوه  اذا لجلج
ابجي اعله الخيم لو ابجي لاجل اهلج
واريد اكتب واواسي بشعري الج حزنج
          بجلماتي
مولاتي.         مولاتي.      يازينب. مولاتي
     ###########

ممنونج.    مجنونج.    من دونج
تايه من تلكيني
مجلس بس دليني
ولمصابج بجيني.     ولمتونج
اريد ابجي على مصاب الحصل وياج
وشلون العدو يازينب تلكاج
واواسي المهدي بمصابج واضل انعاج
               عد عينج
مولاتي مولاتي يا زينب مولاتي
      # # # # # # # # # # # #
من ناسي.    وبراسي.    ماناسي
زينب يا الامج
من عطاب خيامج
صارتلي  احلامج    بإحساسي
على الكافل تنادين بالم واهات
على مصابج ولا يكفي وصف جلمات
يزينب لجلج بروحي بقت حسرات
              بانفاسي
مولاتي مولاتي يا زينب مولاتي
    # # # # # # # # # ##
يا زينب     ابقى انحب.   ما اتعب
لو اخدم كل عمري
ما يخلص كل صبري
بكليبي ضل جمري      ضل يلهب
الف جمره انه بكلبي تضل تسعر
وضل ابجي  لجل خيَمه ولجل خدَّر
ولجل مصاب كلبج كلبي يتفطر
               جن شيب
مولاتي مولاتي يا زينب مولاتي
     # # # # # # # # #
بجروحي.      وبروحي         وبنوحي
للعاشر جم ذكره
للطايح عالغبره
متكطع يا نحره             مذبوحي
ولا يسكت دمع عيني على الصاير
دمع بخدودي يشبه دوست الحافر
بس أحزان ياروحي صبح عاشر
                الج يوحي
مولاتي.   مولاتي. يازينب.    مولاتي
                 #######
خليني.   وديني.    مشيني
يا مولاتي بامرج
عيشيني بس ذكرج
ابجي الطاري خدرج.    دم عيني
دخليلي البجي بعيني دخليني
وكون لمجلس مصابج توديني
و ابجي لخاطر مصالج  ارزقيني
              و وفقيني
مولاتي مولاتي.    يازينب.  مولاتي
             #######
#للشاعرين
#الشاعر قيصر الجبوري

#الشاعر حسين علي الياسري


@Qae313

@hussainalyasry
تمت بعون الله

غيرك ياهو عندي           ادعيلك يمهدي
ادعيلك يمهدي وتدمع العين
تظهر وانت تاخذ ثار الحسين
              ادعيلك يمهدي
        ##########
ادعيلك يمهدي وعمتك انه
زينب وادعي تاخذ ثارنه انته
مامولود بعدك وادعي تعجيل
لظهورك ادعي ربي يحين وكته
شفت انه مصايب تذبح الروح
شفت حسين بس سهام جثته
من هاي المصايب روحي راحت
مو موعد وفاتي وانه ميته
عمتك واشرح شصار            وانت التاخذ الثار
تعرف كلشي صاير بينه وشلون
بالطف انت حاظر بين العيون
               ادعيلك يمهدي
         #########
ادعيلك يمهدي وانه عالنوك
في درب السبي وادعيلك انه
ادعي احفض يلاهي مهدي الحسين
باجر بيده هوه يرف لوانه
كل مااشوف راس حسين مكطوع
اكولن سلم المهدي الامانه
يكطع راس كلمن حارب حسين
مو شرط اليضد شخص بزمانه
بكل ساعه حسيناه               ربك بقة ذكراه
جيفن كال كلشي لله قربان
وربك خلده الماينسه انسان
                     ادعيلك يمهدي         
              ##########
كلشي البيه يدعيلك يمحبوب
حتى دموعي تدعيلك والاحزان
يارب تحفظ المهدي وتخلي
من الشر الانس والروح والجان
قرآنك يلاهي المهدي ادريه
قرآنك صبح في هيئة انسان
لا اعظم بعد القرآن مكتوب
قرآن وعظيم ويملك السان
يا مهدي انت اعظم             وانت بهايه اعلم
تعليمك يمهدي من الله صاير
تنقل عن الاهك بالمباشر
                   ادعيلك يمهدي
              ###########
اقره الندبه وانه بخربة الشام
ما ناسيتك بوسط الخرابه
واصلي الليل وادعيلك تجي تشوف
شصار بجدك وتعرف مصابه
تجي وتشوف عماتك غريبات
وكلبك ينلجم يكثر صوابه
من تسمع سكينه تصيح عباس
ومن تسمع رقيه تصيح بابه
كلبك والله ملجوم              بي جن دم الهموم
من اول هلال لكل محرم
وانت دموعك الي تجري بس دم
                   ادعيلك يمهدي
               ############
ختمت انه دعائي بدمعه بالعين
تنزل وانه اصيحن بيك املنه
باجر كل دموعي تصير ضحكات
لمن تظهر تكمل عملنه
لمن تاخذ بثارات الحسين
لمن يرجع الحق الاهلنه
باجر ذو الفقار بايدك يصول
باجر بيدك تحقق وصلنه
باجر انه اريدك                يرجع كلشي بيدك
من ثار النبي لحد ابن جعفر
ومن موسى لحد قبر التفجر
                    ادعيلك يمهدي
                 ############
بقلم__حسين علي_الياسري

دمعتي من امصابه
كل وكت سچابه
وجفني دمعه الدامي
من الطفوف اصوابه
__________.
انه ياربي الحزين المنفجع
تجري عيني دموم ما تجري دمع
والضلوع حسين حاني شچم ضلع
وصوتي ناطر ثار يترس كل سمع
انه مهدي احسيني
لثاره كل اسنيني
وانه كل الهامي
من الطفوف اصوابه
______________
ارد أعاتب كربله وأنه انتحب
ليش جدي حسين عاري ومنسلب
وليش عطشان برگبتچ هالذنب
من بعدهه وصار مايچ مو عذب
دمع عيني الساچب
بكربلاء يعاتب
ليش جدي ضامي
من الطفوف اصوابه
   _________
دمعي وي العلگمي جاري شكثر
اكثر من الماي دمعات الصبر
من مصيبة جدي للثار انتظر
يوم بي اظهر وارد ثاره نصر
كل نبض دلالي
ثار لأجل الغالي
وحزن كل ايامي
من الطفوف اصوابه
____________
دمعتي امن الطف صفت تجري دمه
لأن محيي الماي متطشر ضمه
ابچي لحسين وحرگني امخيمه
وعمتي المسبيه جرحي وعالمه
جرحي عالم ثاني
اتكون بوجداني
والترسمه اقلامي
من الطفوف اصوابه
______________
كلشي بحسين انه احسه امصيبتي
ربي من الطف بدت كل غربتي
والدمه المن جفني يشرح لوعتي
عايش بحزنه صفيت بغيبتي
ادعي دعوة مضطر
والظهوري اتنطر
الثار البآلامي
من الطفوف صوابه
____________
#حسين_علي_الياسري

تمت فجر يوم الخميس
٢٥/ذو ااحجه /١٤٤٢ ه

٥ / ٨ / ٢٠٢١

ها يالحنين اترجاك.  بقيلي عطرك ذكره
            _______
بقيلي عطرك ذكره الي بقيلي
مني اخذت البويه شمخليلي
انه العليله وفگدك ايهد حيلي
بقي قميصك يابوي  حيلي يرد بعطره
             _______
حيلي يرد بعطره من اشتمه
تشفيني منك لو تمر بس نسمه
وجهك ضوه وفراگ وجهك عتمه
وجهك اساس الكل نور.    يالعاكس اعله الگمره
            ______
يالعاكس اعله الگمره وجهك نوره
نورك اساس الكل ضوه المعموره
بفراگك اقره وماترد چم سوره
بفراگك اقره القرآن.    بالساعه مية مره
              ________
بالساعه مية مره اضل اشتاگك
من انت يمي شلون اجاني فراگك
كل لحضه اموت واحتيي باشواگك
روحي يعت بيهه الشوگ.    يردهه انتضارك جمره
               _______
يردهه انتضارك صفره من گد الشوگ
كل لحضه تتبده بدرب مشيي النوگ
وگلبي احسه بهالدرب کن مسحوگ
تخيل اجيت اسرع ليك.   وطلعت سراب النضره
               _________
طلعت سراب النضره وگلبي احتام
رايد يشوفك منكسر كسرة جام
يالتدري بجروح الفگد ما تلتام
شيضمده جرح المشتاگ. والفرگه تچوي جمره
_________
#حسين_علي_الياسري

انصار الحسين لنصرته خصهم
بالذر ربنه لاجل حسين خالقهم
لاجل حسين. من وكت الذر
_______________
بالذر ربنه لأجل حسين وعياله
عرض طف الحسين وضيمه واهواله
وكلمن بي يموت لربه يتعاله
واختاروا حسين وهو رايدهم
لاجل حسين. من وكت الذر
_______________
واختاروا حسين وهو يم ربه
وگالوا سهله من انموت مو صعبه
لأن همنه برحمته وعشنه من حبه
وروفضوا كل عشگ غيره يصير الهم
لأجل حسين. من وكت الذر
______________
ورفضوا كل عشگ غيره يرفضونه
چن ايتام رادوا خير ماعونه
وللدنيا اجوا خاطر ينصرونه
ولأجل حسين بالدنيا فقط حبهم
لأجل حسين. من وكت الذر
________________
لاجل حسين بالدينا فقط عاشوا
من الدنيا غير حسين مارادوا
والعاشر محرم كل عمر باعوا
واشروا نصرته وحسين ناصرهم
لاجل حسين. من وكت الذر
________________
واشروا نصرته وحسين شاريهم
لان بس النصرته كل امانيهم
كلشي ارخيص بس حسين غاليهم
لاجل حسين كل غالي ولا همهم
لأجل حسين. من وكت الذر
________________
لاجل حسين كل غالي يضحونه
مارادوا عُمر وحسين يردونه
ضحوا دمهم لخاطر ينصرونه
دمهم غالي صار هواي عد ربهم
لأجل حسين. من وكت الذر
_______________
#حسين_علي_الياسري

شوط كربلائي :

راحت زينب الحرة راحت تمشي محنية
لارض الشام ياعباس زينب وسفه مسبية
#############
راحت زينب وتدري الشمر ياخوهه يسبيهة
وهي معودة تمشي بين اخوتهة تدريهة
هسة وية العدو راحت وبعدك ياهو يحميهة
ياهو اليحمي من بعدك
ويسبيهة العدو الضدك
بس عذرك گطع زندك
وانت مگطعة جفوفك ياهو يگلهة محمية
#############
مشت زينب يبو الغيرة وحيدة بلاية كافلهة
درب الشام شيخلصة وضهر الناگة شايلهة
وچانت تمشي مدلولة بعدك ياهوه حامي الهة
يضربهة الشمر تدري
وتشوف الدمع يجري
تجاوبهة السهم عذري
ضرب عيني السهم يختي وعصارت عيني مطفية
#############
عالناگة ارچبت زينب وبلاية الاخو الحامي
صاحت خوية ياعباس بعدك ضاعت احلامي
رقية تگلهة يا زينب عباس انچتل ضامي
صايبلة السهم عينة
ومگطوعات چفينة
رايح عنّة والينة
گالت زينب الحرة اني ادريه يرد لية
############
زينب نادت الكافل ياخوية كفو منك
صح اني بسبي بعدك راح امشي بعد عنك
بس انت ترة معذور لاتنغث ولا چنك
يالكافل تضل وفاي
يالعذرك شعد اهواي
اجة راسك يحامي وياي
يگلي انة اضل وياچ يگلي اكفل يعلوية
#############
جاوبهة أنَة وياچن راسي اعلة الرمح جبتة
بس جفي انگطع يختي هناك اعلة النهر عفتة
من طفة السهم عيني الشمر يضرب فلا شفتة
لو ادري اصدلة الراس
واطلعلة هذاك الساس
واگلة اني علي العباس
صح حيدر ابوي ايصير بس ساسة جرة بية
############

#حسين_علي_الياسري

يحزام الظهر محني الظهر بعدك
الطف اللي خذك مايگدر يردك
ياعباس. محتاجك حيل
___________
الطف اللي خذك مني عليه اعتب
كاسرلي الظهر خلاني متحدب
ياعباس اردد وشكثر اندب
بلكت يمي يرجع من ضوه خدك
ياعباس. محتاجك حيل
_________
بلكت يمي يرجع لو نفس منك
مابيه اصبر انه أعله البعد عنك
يا بسمة علي من تبتسم چنك
شلون تروح وكل حيلي بقه عندك
ياعباس. محتاجك حيل
________
حيلي الرايح بفرگاك شيرجعه
مايرجع بعد چن طيحة الدمعه
لمن ودعتني ضاگت الوسعه
من گتلي تضل يحسين بس وحدك
ياعباس. محتاجك حيل
__________
خويه شلون بفراگك صفيت اني
مكسور وحزين وچم ضلع حاني
مكسور الظهر مجروح وجداني
غربة الدنيا چيه مااستمع ردك
ياعباس. محتاجك حيل
________
غربة الدنيا ياخويه بعد عينك
وسط الحومه بعدك اندبك وينك
ارتحت ايدي بوكت ما طاحت ايمينك
بعد ماچان عضدي منشد بعضدك
ياعباس. محتاجك حيل
__________
خويه الوحشه خلت گلبي ينعيلك
ويعيني تسولف من الشوگ تبچیلك
وحيل الكون طايح من وگع حيلك
بايد حيلي لمن فارگت مدك
ياعباس محتاجك حيل
________
#حسين_علي_الياسري

جامعة اتعلم الخدام.    جاسم سليل العتره.
   _______
درس الخدامه تعلموا من عدنه
من انطه گلبه لسيده ومارده
ومن دمه فوگ الرمضه ضل يتبده
بالتضحيه منطي دروس.   واسس مدارس كبره
_______
مو بس درس بَل جامعه تدروهه
والتضحيه من جاسم اتعلموهه
ياهلشباب الخدمه لتعوفوهه
تعلمكم الخدمه شلون. تفدونه ابن الزهره
________
ابن الحسن درس دروس الخدمه
من انطه روحه ومابخلهه لعمه
لخاطر يضل دينه تجاره دمه
علمهه تفدي الخدام. لمن فده بدم نحره
________
وعن الشجاعه أعظم درس علمهم
من طب على جيش العده وطشرهم
شبل الحسن طشرهم وشيلمهم
عمه الگمر لو يغتاض. حيدر يرد بزغره
________
هاي الدروس وهالعبر درسهم
وحگ الشباب اعله الشباب ايحگهم
كون الشباب اعليه تهل دمعتهم
هذا اللطم فوك الراس. وذاك الي يلطم صدره
__________
#حسين_علي_الياسري

ياخويه هلجانه الليل
وباچر يريد شگد حيل
باچر يجي.  ووداعك يهد حيلي
بي نفترگ .  وابچيلك وتبچيلي
    ______
هذا اخر ليل يجمعنه سويه
هذا اخر ليل وتروح من اديه
والحزن باچر يطر فجره عليه
باچر تفرقنه يحسين المنيه
هالجَمعه مو جَمعه وداع
وباچر اشوفك عالگاع
باچر  فگد. ادعي يطول ليلي
بي نفترگ. وابچيلك وتبچيلي
      _______
خويه هذا الليل جارحني ضلامه
ولمن يخلص بعد مامش سلامه
هذا اخر ليل راسك بي عمامه
وباچر من ايمر على عيالك يتامه
باچر يتامه بلياك
من هسه نبچي وونعاك
العاشر جرح.  انعيلك وتنعيلي.
بي نفترگ.   وابچيلك وتبچيلي
       _______
خويه جامعنه وتسولف عالمصيبه
وگلت يازينب تصيرين الغريبه
وتشتعل بخيامي نار شگد لهيبه
وگلت جثتك داميه تصير وسليبه
باچر سليب ومذبوح
وجروح مليانه جروح
گتلك يخي.  باچر منو يحاميلي
بي نفترگ.    وابچيلك وتبچيلي
     _________
خويه هذا الليل وانت هنا بجينه
گلي باچر ياهو الي يحامي علينه
اكو واحد يمنع اعدانه التجينه
من الضرب لو نشگف السوط بادينه
وينادي گلبي الملتام
باچر يحرگون خيام
باچر حرگ.  گلبي ومنو يطفي لي
بي نفترگ.   وابچيلك وتبچيلي
    ________
خويه باچر اصعد التل واشوفك
حافر خيول العده يطشر حروفك
انت حچيي شلون باچر راح اعوفك
وجسمك موذر ولا واحد يروفك
باچر انادي من التل
ياخويه دليني بحل
امشي بعد.  لو ترجع تباريلي
بي نفترگ.   وابچيلك وتبچيلي
         ________
#حسين_علي_الياسري

شلون تموت وانت الماي
اسأل بالدمع والصوت
موكلشي صبح بي حي
شلون الماي تالي يموت
شلون تموت.      شلون تموت
____________
يماي الرحمه يالراوي العذب بضماك
العطش شنهي ويصل مولاي فوك اشفاك
وشنهي الموت صاير ليل  يم اضواك
شلون تموت وانت بكلشي ضل طرواك

ولكيت جواب عن نشدي
إنت ال عالمنيه تفوت
ولكيتك انت تحيي الماي
بيك الماي ضل مبخوت
شلون تموت.       شلون تموت
___________
يسر العيشه يالمنطي الحياة للماي
كلشي شويه بس انت تضل هواي
وكلشي يروح بس انت تضل الجاي
شلون تموت وانت الكون بيدك راي

صرت انتَ الشهيد الحي
ومثلك مايصح انسان
بقيت بكل زمن ثوره
وللحق اصبحت عنوان
شلون تموت.    شلون تموت
___________.
شلون تموت وأنت بشخصك التكوين
واسمك ثوره للاحرار في كل حين
ومن دمك جره اعلن نصر للدين
وماحدك ذكر تاريخ لا تدوين
بقيت بكل زمن عايش
اسمك ينذكر كل ساع
ذكرك يروي كل عطشان
ومن دمك رويت الگاع
شلون تموت.      شلون تموت
___________
قاصر فهمي ادور فهمك الكامل
ولگيتك مو فقط لطمه ودمع سايل
لگيت اسمك نصر للحگ على الباطل
ومدينه من العلم والباب ابو فاضل
لگيت الرايد يفهمك
لازم يگصد العباس
ويتعلم وفه وغيره
ومثلك مايدنگ راس
شلون تموت.   شلون تموت
_________
اسأل والدمع جاري على مصابك
شلون تموت وانت العايش صوابك
ياللي انطيت روحك ولدك احبابك
لله والله خله الرحمه يم بابك
نطيت الباري ماتملك
خاطر ينتصر هالدين
والباري الكريم اكرم
خله الرحمه بأسم حسين
شلون تموت.     شلون تموت
____________

#حسين_علي_الياسري

هذا جاسم ياجيش؟   والحسن جن وگفته
هذا جاسم.            هذا جاسم
       __________
شبل الحسن نازل.... للمعركه يقتال
وبسيفه ميجامل..... سل سيفه للعدوان.
هو الگمر عمه.... زلمه وابن زلمه
وبحسينه كل همه.... من يدخل الصيوان
طب عليهم واغتاض.  واشردوا من غزرته
هذا جاسم.            هذا جاسم
        _____
بالخزره راعبهم.   وشحال من طبهم
ماضل بشر منهم.... إلا رجف واحتار
والي سمع صوته.... يعني حضر موته
ويتوسل مروته.... مينوشه بالبتار
دوروا عن مشراد.  من علنهه صولته
هذا جاسم.            هذا جاسم
     _________
والسيف من سله...... خلاهم بخِله
كل جيش ماخَله..... منطي الشجاعه دروس
خلاهم بحيره....... بس موت تفسيره
والجيش شيجيره..... سيفه ايتماطر روس
موت اجاهم جسام.   وسيفه شاله بيمنته
         _________
شبل الحسن سيفه..... خله الخرب كيفه
ياهو اليرد حيفه...... من طب عليهم ثار
طب بگلب ثاير...... وجيش العده حاير
هذا الحسن حاضر.... لورد علي الكرار
طب عليهم مغتاض  والحيش ضل بحيرته
______________
هذا الحِسِن كله...... من الحسن اصله
و وكت الكرم مثله..... كلشي انطه لاجل حسين
ماعز عليه روحه......وزيدهه بجروحه
والجثه مطروحه..... عزب عمر للدين
لمن احتاج الدين.    انطه روحه وجثته
_______________
#حسين_علي_الياسري

ايتامك وباليسر
وشنشكي الك ياوضع
من التعب والبچي
خلصنه مثل الشمع
______________
فگدك رسمنه بحر كدام كل ملاح
شنشكيلك امنالتعب. ماباقيه النه صفاح
من شفنه طاح الكفل. نورس بلايه جناح
والقارب اليندمر جفينه موش صحاح
واحنه اندمرنه لمن
طاحن چفوف السبع
من التعب و البچي
خلصنه مثل الشمع
_______
صرنه احنه من فرگتك. ليل وبلايه انجوم
واجدامنه امن التعب مابيهه حيل اتگوم
الصعبه مشينه بسبي والحزن مامضموم
الصبرنه راسك فقط عينه علينه تحوم
راسك امان بسبي
ويمه اشتكينه بدمع
من التعب و البچي
خلصنه مثل الشمع
_________
فراكك كسرنه مثل كسرة رغيف ابجوع
واللي فگد عزته محنيه عنده ضلوع
وشحالنه بفرگتك عالخد صفينه ادموع
چنه احنه مو للحجي هسه احنه كل موضوع
سوالف صبحنه عگب
ماچنه ما ننسمع
من التعب و البچي
خلصنه مثل الشمع
_________
لراسك حچينه التعب. چيف انت راحت بال
يرتاح من يشتكي الهمومه جنهه جبال
وهواي عدنه تعب وانت التِعَرف الحال
بيدينه جان الهوه. هسه ابادينه حبال
من نحرك انشم هوه
هسه النحر منگطع
من التعب والبچي
خلصنه مثل الشمع
___________
نشكيلك من الشدد. چيف انت راس الحل
وشدتنه فگد وسبي وفراگك الطَوَّل
ماضل بعد فرگتك غير الحزن ماضل
ولهذا راسك بقه بعيونه نتأمل
ويانه راسك لچَن
فوگ الرمح مرتفع
من التعب والبچي
خلصنه مثل الشمع
_________
#حسين_علي_الياسري
١ صفر ١٤٤٣ هجريا

َََََََبعمري انه  شبقالي.     وعني راح الغالي
روحي مني راحت.    من مشه دلالي
        __________
ياعمر يبقه بحزن هاي الليالي
وانه من بعد الابو شيوصفه حالي
بالسبي وانه بقه واحد سؤالي
وين ابوي وليش نمشي بلايه والي

ليش نمشي ويه العده...ورحنه فده..
وبينه حده...جيش البغايه
وين ابوي وخوتي.... ياعمتي...
عن غربتي.... وغربتنه هايه

غربه عشنه بيهه.    ويه العده وسبيهه
دمعه مني طاحت   من مشه دلالي
        ___________
صعبه عالطفله اذا تفگد ابوهه
ومنهه اصعب لو بعد فگده سبوهه
تصير نجمه لكن بغيمه خفوهه
شمعه من چان الابو بفگده طفوهه

هذا حالي شيوصفه... نوري طفه....
ويا عاطفه...... توصف حرگتي
باللطم اكسر ضلع... من هالوضع...
شيكفي الدمع.... شتكفي دمعتي

عالحزن شاكابر.      وگلبي ما يصابر
وانه روحي ناحت.   من مشه دلالي
          __________
طفه موگد عمري انه وگلبوا دِلاله
بفگدة العزب نحر من سيف اجاله
حسين عزب للاله بكل عياله
والكريم يعزب بكلشي البقاله

عزب الرب البشر..... جسم ونحر
واخوة فخر..... وعيله سبيه
بعده ما يبقه العمر...... ولاضل صبر.....
لاضل خدر.......لاتبقه ابيه

بفگده حالي يصعب.    واشتكي الى الرب
للسمه ايدي لاحت.       من مشه دلالي
           __________
من وصلنه للخرابه صوتي ناده
وين ابوي حسين اريده گلبي راده
وين ابو الحنيه بعيونه السعاده
گلبي يم حسين صاير كل مراده

راسه جابوه وشفت.... راسه بطشت....
وانه متت.... من المصيبه
هذا حال الي يحب...... من ينتحب
يموت الگلب..... لا مو عجيبه

موتتي أعله راسه.      بيه جان احساسه
بيه نبضه ماتت.         من مشه دلالي
         _______
ميته لكن عايشه بموتي تره اني
حتى ما ابقه وحيده انه بزماني
انه يم حسين ابويه بس مكاني
انه يم راسه متت من گد حناني

روحي يم روحه اصبحت.... وناري طفت...
ودمعي خِفَت..... چيه يمه روحي
روحي يمه امدلله.... من كربله....
من المعضله...... يشفي جروحي

روحي اله رهينه.     ودمعتي الحزينه
الدنيا كلها هانت.       من مشه دلالي
         ___________
#حسين_علي_الياسري

شوط كربلائي

مايسوه العمر لوما          خدامة فاطمه الزهره
هنياله البشر لوعاش      بالخدمه وخلص عمره
           ____________
خدامة فاطمة توفيق.       مو كلمن صبح خادم
شرط باليخدم الزهره.       عاقل يعرف وفاهم
يعرف فاطمه حجه.           وينصر باجر القائم
    اليخدم فاطمة ويفهم.      وعن الخدمة ما يندم
                      بساعة موته لا يهتم
خادم فاطمة الزهره.           يحضرله النبي بكبره
             ____________
شرط باليخدم الزهره.        يعرف كل ضليمتهه
خاطر لو بجه اعليهه.         دموعه ما يسكتهه
ويحصل صفة خادم.          الخدامه شمحله قيمتهه
         البلخدمة العمر كله    باجر فاطمه تقبله
                   منزلته وعلي تعله
لو حصل رضا الزهراء.       بالجنه ارتفع كدره
              ____________
كون اليخدم العتره.           يعرف شنهو سوه فلان
يتبره من افعاله.     .           ويذكر باللعن شيخان
حتى يوالي اهل البيت.           ويتبره من العدوان
         ربنه لاعن الضالم.       والناكر ضلع فاطم
                          والواقف مع الواهم
باجر بالحشر يوكف.           خصيمه الباري والعتره
              ____________
خدمة فاطمه تعلم.             ما ترضى بضلم ضالم
وتساوي الخَدَم كلهم.           ملا وشاعر ولاطم
قارئ ناعي واليخطب.          كلهم بالاسم خادم
         كلمن يخدم تسجل.     هالخدمه فلا تنمل
                    اليخدم فاطمه معدل
دخيلك كل ملك ناده             خادم بختك شكبره
               ____________
محلاه العمر يكضي.            بخدمة سر الاه الكون
هي اصل الخلق كله.            سر الباري بيهه يكون
لازم يشكر الباري.                وللزهره يضل ممنون
       الزهرة وهذا عالمهه.        تختار الي يخدمهه
                         خيمة فاطمه تلمهه
كل واحد خدم فاطم.             يحضر حيدر بحشره
                __________________
خدامة فاطمة نعمه.           و واجب نشكر النعمه
نشكر نعمة الخدمه.             بالمدمع لابو اليمه
واليبچي لاجل مولاه.          عد فاطم صبح اسمه

   يامحله الاسم يمهه.      من تسجله خادمهه
              واساهه وعرف همهه
واساهه اعله ابو السجاد.       وعنده العِبره والعَبره
                  __________________
                 

#حسين_علي_الياسري
                      
                       

انصار الحسين لنصرته خصهم
بالذر ربنه لاجل حسين خالقهم
لاجل حسين. من وكت الذر
___
بالذر ربنه لأجل حسين وعياله
عرض طف الحسين وضيمه واهواله
وكلمن بي يموت لربه يتعاله
واختاروا حسين وهو رايدهم
لاجل حسين. من وكت الذر
___
واختاروا حسين وهو يم ربه
وگالوا سهله من انموت مو صعبه
لأن همنه برحمته وعشنه من حبه
وروفضوا كل عشگ غيره يصير الهم
لأجل حسين. من وكت الذر
______
ورفضوا كل عشگ غيره يرفضونه
چن ايتام رادوا خير ماعونه
وللدنيا اجوا خاطر ينصرونه
ولأجل حسين بالدنيا فقط حبهم
لأجل حسين. من وكت الذر
____
لاجل حسين بالدينا فقط عاشوا
من الدنيا غير حسين مارادوا
والعاشر محرم كل عمر باعوا
واشروا نصرته وحسين ناصرهم
لاجل حسين. من وكت الذر
____
واشروا نصرته وحسين شاريهم
لان بس النصرته كل امانيهم
كلشي ارخيص بس حسين غاليهم
لاجل حسين كل غالي ولا همهم
لأجل حسين. من وكت الذر
____
لاجل حسين كل غالي يضحونه
مارادوا عُمر وحسين يردونه
ضحوا دمهم لخاطر ينصرونه
دمهم غالي صار هواي عد ربهم
لأجل حسين. من وكت الذر
___
#حسين_علي_الياسري

زوجة حيدره.    لا مو اي مره
هايه ام البنين
ام اجمل قمر.   اوصفهه بفخر
هايه ام البنين
   ___
عن زوجة ولي الله.   شرد احچي بكلامي
ماتوصفهه كلمات.     تعليمي وعلامي
من رفعتهه ضليت.    حاير وبهيامي
كلت ابدي بتحيه.      اعليهه وسلامي

من عدهه ابتدي.    وبحبهه اقتدي
هايه ام البنين
ام اجمل قمر.  اوصفهه بفخر
هايه ام البنين
__-
زوجة حيدر تصير.    مبخوته وعظيمه
و ابيت الوحي تعيش.  بالفطره السليمه
يشهد الهه هالكون.       عالمةٌ عليمه
وچيفن كرمت الدين.     صارت بي كريمه

ام العاطفه.    والحب والوفه
هايه ام البنين
ام اجمل قمر.   اوصفهه بفخر
____
جابت اربع أقمار.    ولحيدر فدتهم
خلتهم ذخر ليه.      ولأجل ابنه نطتهم
خدام ويوافون.       لحسين انذرتهم
لو تظلم سمه اعليه.   يضووله اخبرتهم

بأبن المرتضى.     نالت كل رضا
هايه ام البنين
ام اجمل قمر.    اوصفهه بفخر
هايه ام البنين
_____
جابت للنصر حيد.    حلال الشدايد
ذو الكف الذي صار.   للدينِ يساند
بالطف منطي جفين.   خلاهن شواهد
للرايد وفه الدين.       افعاله يشاهد

للطف جابته.     ورسمت غيرته
هايه ام البنين
ام اجمل قمر.   اوصفهه بفخر
هايه ام البنين
____
هاي ام الگمر ذاك. اليضوي بطفوفه
راسم للوفه اشكال. من اسمه وحروفه
واليگصد اله وراد. فد حاجه ويطوفه
ويدعي بجاهه لله. مايبقاله خوفه

يانعم الاصل. جابت هالنفل
هايه ام البنين
ام اجمل قمر. اوصفهه بفخر
هايه ام البنين
__
#حسين_علي_الياسري

هذا العمر.   فدوه ونذر
اگضي بچي.  اعله ام الخدر
وماريدن احسب بي يوم.     مابي بواچي اعليهه
     ____
بهذا العمر وشما تمر ايامه
وتفكيري واحساس الگلب والهامه
رايد اصير بدفتر اللطامه

گلبي هتف     هذا الهدف
دمعة ولطم.    بيهن شرف
بهذا الشرف اعله هواي.    چيه زينب مواسيهه
      __
كون العمر اگضي مدامع حمره
عاللي مشت مسبيه واهيَ الحره
وكل ليلة زينب ياغريبه اقره

اقره و أون.    واشعر حزن
غربة وطن.     وسوط المتن
بلكت اواسيهه ادموع.   من عيني دمعه ابچيهه
      _____
واطلب نذر يصبح بچي كل عمري
محلاهه دمعاتي اعله زينب تجري
كل البخت من ابجي والطم صدري

بدمعي افتخر.     ولطم الصدر
بيهن سند.           لام الصبر
بيهن سند للحوراء.      من الحزن ياذيهه
         ___
مايسوه عمري لو اعيشه براحه
ولوما اخلي اعله العقيله جراحه
طير الفرح البكلبي اكص جناحه

والمنجرح. ليل وصبح
ما ينسى ابد. ينعى الجرح
ايام حزن أهل البيت. الفرحه ما امر بيهه
____
اعله ام الخدر لو ابچي كل اسنيني
ماوافي خطوه من السبي بونيني
ديني البچي اعله ام الخدر كل ديني

هذا الشرع. اصل وفرع
فرض الحزن. صب الدمع
صوم وصلاة العزيات. بفرض البچي تأديهه
______
حبل الوصل لحسين ولكافلهه
لو رايد اوصلهم شرط اوصلهه
ودمعاتي الهه عالجفون اسبلهه

بيهه الوصل. وهي الحبل
ردت الاصل. بيهه الاصل
لو ردت يقبلني حسين. لازم شرط ارضيهه
__
لازم شرط ارضيهه لو ردت حسين
وابقه لاجلهه ابچي ولا اعد اسنين
تستاهل اعمي من الحزن شوف العين

وعيوني الزينب افديهه

___
لازم اخسف هالصدر باللطمات
زينب مشت مسبيه والعلويات
راحن سبايه وصارن المسبيات

المسبيه بحيلي الطم ليهه
__
#حسين_علي_الياسري

ودعتهن حجره حجره ورايح
وليش دمعك يم حجرتي طايح
يعني الي متعود
     ___
ودعت الحِجر كلهه. ودمعاتك تحاملهه
بس يم حجرتي تهلهه. يعني الفرگه اليه
مامنك بعد جيه. يضي عيني وهوه الريه
تروح وتعرف البيه. مااحمل اذيه

عليله انه ودوه العله.....صوتك يترس اسماعي
ماانام إلا اشم عطرك..... من اشمه تهده اوجاعي

تروح وانه يروح بعدك حيلي
بويه منك لو عطر خليلي
بي احس موجود
___
بويه ودعت هالدار. وخلاني الدمع احتار
ليش ويم حجرتي شصار. ودمعوع بحضنهه
بويه الحيره تاذيني. ناوي انت تجافيني
المن باقيه سنيني. ويتغرب وطنهه

والمدمع احس اثبات....ناوي انت تفارگني
قبل لا اسمع انت تروح.... احسن حزني سابگني
بالجفه چوه الحزن دلالي
الغالي يعرف شنهي نيت الغالي
والگلب ممرود
____
لمن شاهدت دمعك. بيهه انه اعرفت وضعك
لازم دمعتي تودعك. وتحضنهه دمعتك
موادع دمعه وي دمعه. وكون الله الذي شوسعه
متضل بي ولا وسعه. تتحمل فرگتك

تضيگ الوسعه بگليبي..... تصبح جن ثقب ابره
وگلبي انه العليله شلون..... يهد حزنه جبل صبره
ابقى يابويه عليله بدارك
شلون اتحمل بعيده اخبارك
العله بيه تزود
_____
يامن ودعت كلشي. بعدك بويه من تمشي
يصيرن دمعتي ورمشي. من بعدك رفاگه
عرفته حالي من بَعدك. من غرگ دمع خدك
على صبري نصر بُعدك. ومابعده انتلاگه

من بَعد البُعد اعرف..... مايبقه امل ترجع
واضل بحسرتي وحزني... وعليله وگلبي يتفجع

شلون بويه يصير بعدك حالي
وانت من تروح تشده بالي
بكل اثر مشدود
______
يا حل الشكو حيره. منك طلبتي ازغيره
بس وجهك علي ديره. لمن يسري ضعنك
آخر نضره من عينك. بيهه اتذكر اسنينك
تترس چلمة الوينك. بس بنضره منك

بالتضره الاخيره وداع..... كل ذكره قبل الفراگ
تشرح كل حچي الگلوب..... تترس صفنتي من اشتاگ

بيهه افهم كل حچي البعيونك
وهي التصبرني وانه بدونك.
والصبر مريود
____
#حسين_علي_الياسري

ياصاحبَ الثأرَ الكبيرِ اما دنى
فيكَ اللُقى يا رحمةُ الرحمٰنِ
ما آنَ نسمعُ صوتَ قرآن السما
بلسانِكَ الرحمٰنُ يا قرآنِ
بلسانكَ القرآنُ يصدحُ صوتهُ
ولدينكَ التسليمُ والإذعانِ
ما آن نسمع للحسينِ مُطالباً
ويرتلُ الثاراتِ كلَ لسانِ
ياصاحبَ الثأرَ اما حانَ اللقى
في ضوءِ وجهكَ تنجلي الاحزانِ
انّى نرى ضوءا ونورك غائبٌ
من نورِ وجهك ترتوي الاجفانِ
يامن بكفيكَ العلومً واصلها
من فيضِ كفكَ تُملَأ الاذهانِ
ياغائبٌ لكنَ نوركَ بازغاً
قد بانَ في قلبي المحبِ حنانِ
في القلبِ انتَ برغم طولِ غيابكَ
في القلبِ تبقى رغمَ طول زمانِ
من هذهِ الفوضى و وحشةَ دُنيتي
من مهلكاتِ الدهرِ انتَ امانِ
ياثائراً للضلعِ قلبي منتظر
في يومِ تصلبُ جبتيَ الاوثانِ
يامالكَ الحبِ تُرى هل من أمل
عيني تراك مُجليَ الاشجانِ
وانا عُبيدك تائقُ فيك لقى
وبرغمِ سوئي ارتجي الاحسانِ

#حسين_علي_الياسري

حميده تگول ياطوعه
اشكرچ وانه مفجوعه
شكراً والحزن عنوان
___
شكراً طوعه تتشكرچ حميده
لأن بالكوفه بس انتي الوحيده
ضرف حاميتي  مرسال العقيده
وباچر نلتم بلمة سعيده
من الباري يتحقق وعيده
وامد شكرچ على سفره مديده

امد شكرچ على الجنه
وابد لاما. أكف منه
اشكرچ من گلب والسان
شكراً والحزن عنوان
_____
حميده تگول من گلبي ولساني
اشكرچ عن بعد وانه بمكاني
اشكرچ عالاغاثه وعالتفاني
يالتسوين الف زلمه بزماني
لاخفتي ولا من گلتي اني
يسلم والدي كل الاماني

هاي الچانت امنيتچ
مسلم يحتمي ابيتچ
وتحمينه من العدوان
شكرا والحزن عنوان
____
اشكرچ والدمع يشرح عبرتي
واحس احساسچ يشارك حسرتي
راح الوالد وجارح مهجتي
شسولف لو شگولن عن غربتي
ولو انتِ احسچ بيهه عشتي
لمن راح عنچ ماصبرتي

مافارگتي ابد حزنچ
ولا فارگ دمع جفنچ
انتِ ويه الدمع خوان
شكراً والحزن عنوان
____
اشكرج والدمع عنوان شكري
يمن حاميتي ابوي بزودج ادري
لكن فگده خله دموعي تجري
وخلالي الحزن عنوان امري
من بعد الابو مايسوه عمري
توصل ويه شكري احزان صبري

توصل دمعة احزاني
شكري وحزني عنواني
بدموع وحزن واشجان
شكرا والحزن عنوان
____
من يمر هوه وياخذ كلامي
ومن يوصل الچ شكري وسلامي
يعني مابقه عندي محمامي
لأن يروح عمي البي هيامي
حسين الچنه ابوي وهو امامي
مسلم راح دامي وهو دامي

هذا النه حزن ثاني
گلبچ المن يتاني
تجي للكوفه بس نسوان
شكرا والحزن عنوان
______
#حسين_علي_الياسري