طبــــــــــينه للشام ابمهازل
وتمــــــــــيل بسوك المحامل
يضحكون واحنه الدمع سايل
ملكاهه مــــــــــوزين القبايل

ناس الشام كلها موش اهل ملكه

ــــــــــــــــــــــــــــــــــــــــــــــــــــــــــــ
يحسين كــــــــــونك تدري بينه
مكيفه الخلك خويه بسبينه
واحنه الحــــــــــبل ياكل بدينه
يضــــــــــحكون لو سمعو بجينه

ضحكت الشامي رمح بضلوعي زينب

ــــــــــــــــــــــــــــــــــــــــــــــــــــــــــــ


ماجانــــــــــت عله البال هايه
نســــــــوانكم تطـــــــلع سبايه
وجتالـــــــكم نمـــــــشي برايه
وجــــــــدامنه شــــــكو الرايه

الرايه شكوها هضيمه اكبال عيني

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

بالموت كـــــــون صير تبديل
وانه المــــــــوت وانت تعدل
ضــــــــــلمه وادور بالمجاتيل
ياريحة امــــــــي بلجت اندل
يحسين بيك شسوت الخيل
جاوبني مــــــــــو كلبي تعلعل


يحسين حاجي اختك تره راح اتموت
انت الهوه هــــــــذا الهوه ارماح يفوت
بالحومه اصيـــحك ليش مترد الصوت


ياكلب زينب حـــاجي زينب
كلبي وخـــــيامي بنار تلهب
مو حلوه منك ساكت اضل
حاجيني مــــو كلبي تعذب

يحسين خويه حسين خويه
ــــــــــــــــــــــــــــــــــــــــــــــــــــــــــــــــــــــ

المثلي تـــــــره ماطالعه بيوم
طلعتها صـــــــــعبه بلا محامي
وي روحي صار اموالم الموت
مـــــن شفتك اعله الغبره دامي
طـــــــرف العبايه بنار محروك
من نارهــــــــــم حركت خيامي

مهضومه جيت وخايفه اكعد يحسين
وشوف الخيم حاطتها وادم صوبين
عطشان كونك اشرب اصبي العين

عطشانه روحي وانت عطشان
اسم الله عله طولك ليش ذبلان
ماريد اكــــــــــرب يمك اهواي
خافن تشم بهــــــــــدومي دخان

ــــــــــــــــــــــــــــــــــــــــــــــــــــــــــــــــــــــ

من وجع روحي كتلك حسين
اتجه اعله متني وارجع وياي
بس اشيكومك وانت مذبوح
يامــــاي وسفه يعطشك الماي
حاولت اشيلك صوب الخيام
بس المصيبه اجروحك اهواي


كلما الزمك جرحي يوجعني اتكول
بصدرك شفت آثار رفسات خيول
ماتغفه عينك كون بختك معيول


يابو الحـــجي الينكط محنه
اكعد يــــــــــبو سكينه انهبنه
وي طيحتك عل كاع يحسين
طاحـــــت يخويه بيوت اهلنه


ــــــــــــــــــــــــــــــــــــــــــــــــــــــــــــــــــــــ

تعبان كلبي ومـــــوش كواك
والموت مــــــــــد جفه عليه
شتضني هـــــم ارتاح يحسين
وباجر يســــــــــموني السبيه
انه ادري كلبك حيل يختاض
مــــــــــن تنشد احبال ابديه

يحسين للمثلي السبي عيب يلوك
محروك كلبي وبيتي أخبرك محروك
والاشد من ذني امن اطب ذاك السوك

انه العزيزه الغاليه ام عون
طولي هضيمه اتشوفه العيون
براية اخوي الكافل الحيد
غطيت وجهي من اليشوفون

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

شرتاح راح الغالي شرتاح
من راح راحت روحي من راح

التنحب شوفته تذبح فركته
ــــــــــــــــــــــــــــــــــــــــــــــــــــــــــــــــــــــ

شكد بجت عيني بفراكه شيفيد البجي
غصه احسن بيه والحسره تهدم بالحجي
مكابله اصوره بدموعي ودعيله يجي

بهدومه اشم كل مصباح ويصبن ادموعي
وكل حسره اذبنها عليه تتكسر اضلوعي
موضوعي بفراكه الاخ الجان موضوعي


مكسور كلبي بفكده مكسور
معذور لمن يبجي معذور

كلبي وحسرته تذبح فركته

ــــــــــــــــــــــــــــــــــــــــــــــــــــــــــــــــــــــ

صعبه من تفكد ابنادم الروحك قريب
ينهدم حيلك وليلك اتخلصه نحيب
تنعمي اعيونه من بجيه لي فارك حبيب

كلمن يفاركله انسان تلكاه حمره عيونه
ولاخ تكسرله اضلوع عنه اذه ينشدونه
والشيب مو بس بالراس يطلع برمش اجفونه

يشتاك للي حبه يشتاك
الفراك كاتل روحه الفراك

تكتل غيبته تذبح فركته
ــــــــــــــــــــــــــــــــــــــــــــــــــــــــــــــــــــــ

فارك اعيوني وعيوني ذبلها السهر
ادعي ليله يرجعلي عباس الكمر
ابني اعز مني بس فكده حانيلي الضهر

عباس اعز من العين مثل الهوه انه اشتمه
من اسمعها من يمه ارتاح كلمة هلا يايمه
كون التحبه وتهواه وسط العيون اضمه

مكروه طاري الفركه مكروه
خلوه كلبي بنوحه خلوه

هدني بروحته تذبح فركته
ــــــــــــــــــــــــــــــــــــــــــــــــــــــــــــــــــــــ

روحي مهضومه وجروحي تنزف بس لألم
وبالي مو يمي يم ابني ذاك بالخيم
كلبي لاجمني من جفه احس طاح العلم

رفت اعيوني وحسيت عباس صابو عينه
وبجفي احس ثكبت نار خاف اكطعو جفينه
تراوالي يم راسه الحيد مكسور ضهر حسينه

حسين يبجي اكباله حسين
بونين رد للخيمه بونين

اه ياكسرته تذبح فركته
ــــــــــــــــــــــــــــــــــــــــــــــــــــــــــــــــــــــ

شتكفي يادمعه والرايح أغلى من النضر
ام البنين آنه المضيعه ياناس الكمر
كالو اجفوفه مكطوعه يم راك النهر

كالو عزيز امه اهناك نابت سهم بعيونه
ولو طاح معناها حسين باجر تره يذبحونه
وبعد الذبح راح حسين بالحافر يسحكونه

ويلاه مات وليدي ويلاه
انساه ابني صعبه انساه

انطر جيته تذبح فركته
ــــــــــــــــــــــــــــــــــــــــــــــــــــــــــــــــــــــ



حسين عبد الزهرة الدراجي

الرادود احمد البغدادي

حسين عبد الزهرة الدراجي

حسينية جاسم المنصوري البصره

قريبآ

الرادود علي الرميثي

حسين عبد الزهرة الدراجي

شكرا الله

من ذيج لسنه امتانين عل نار
منتـــــــــــظرين جيتكم يزوار
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

نصبناهه المواكب وستعدينه
وفرشنه اعيونه للي يمر بينه
كل زاير يشرفنه ليجي علينه
هله وميه هلا بزوار ابو اسكينه

يازاير تفضل يمنه لتروح
خن عزبلك اليوم احنه بالروح
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

منتـــــــــــظرين جيــــتكم يوفايه
هله وكـــــــــل الهله بيكم يمشايه
خدمتكم شرف مــــو طمع لو غايه
ترف اكلـــــــــــوبنه وي رفت رايه

بنينه اضلوعنه الكم جوادر
هلا بكلمن كصدنه وجاي زاير
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

يازوارنه يحفـــــــــــظكم الباري
حسين يكلكم اليوم انتم خطاري
والقاسم يعـــــــــــزبلكم يزواري
تنحــــــشرون باجر ويه انصاري

الجاي الحضرتي والدمع هامل
زاير ســـــجل اسمك ابو فاظل
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

يالزوار عين المهدي ترعاكم
والزهرة اجت تمشي ويممشاكم
من كبره يصيح حسين حياكم
وابو فاظل ينادي علي وياكم

كل زاير اجه ومتعني الحسين
الزهرة اتكله اهلن ياضوه العين
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

الكاصد للحسين ودمعته اتلالي
عند الزهرة هاذه ينحسب غالي
يستاهل تعبنه حسينه الوالي
كل خادم يكول التعب يحلالي


متحزم احزام الخادم وصاح
اشما اتعب لبو السجاد ارتاح
كل خطوه بالف هله كل خطوه بالف هله

ــــــــــــــــــــــــــــــــــــــــــــــــــ

حسين عبد الزهرة الدراجي

الخدمه بس الباقيه





ياحسين

الرادود علي الرميثي

حسين عبد الزهرة الدراجي

شكرا الله

يالغافي بعيونك صبح
شيسوي راسك عل رمح *** ذبحو دلالك

جرحك فلاه مثله جرح
بيك اشعمل بويه الذبح ***مخرب جمالك

خرب جمالك دوس الحافر
جسمك تطشر يوم العاشر
من عميه عيني بيك اشصاير ** بيك اشصاير

جرحك جبير اهواي … يالماشربت الماي
مسومر جمالك ليش …. مامش عليك افياي

وسفه ينكسر منك ضلع
وسفه بالحصيره تنجمع
وسفه صوت اخيتك ينسمع

بويه بويه يحسين

ــــــــــــــــــــــــــــــــــــــــــــــــــ

هدمك يبـــــويه من انسلب
بضلوعي ضل يدوي الهب ***وانه زغيره

ضعن الله حدايه الشمر
وبسوطه مـتـــولي الخدر ***وحيرتنه حيره

حيرتنه حيره بشام الغربه
واكبر هضيمه السوك انطبه
واليحدي بينه ميت كلبه *** ميت كلبه

فشله نطب ابسوك ** جابوها عرجه النوك
يوجعني ساك الايد ** حيل بحبل مشبوك

بويه صرنه فرجه للخلك
بويه وهدمي بالمدمع غرك
بويه جدمي بالنار احترك

بويه بويه يحسين

ــــــــــــــــــــــــــــــــــــــــــــــــــ

المفروض بجفوفي ورد
مو حبل بيهن ينعكد ***ويتجاره دمي

من الضعن لمن طحت
راسك عليه يلتفت ***وضل باله يمي

راسك اشوفه يبجي الحالي
ايدي كصيره ورمحك عالي
شلون امسح دمعك بويه الغالي *** بويه الغالي


يوجعني كلبي عليك ** ادري الرمح ماذيك
كون الوجع يحسين ** بيه انه لا مو بيك

ويلي الراس جابو ابطشت
ويلي بالعصه يطكه شفت
ويلي فوكه يابويه متت

بويه بويه يحسين

ــــــــــــــــــــــــــــــــــــــــــــــــــ

للشام من طب الضعن
باوعت للنوك استحن *** والله ضليمه
نسوان وطفال وزلم
التلكونه بحجار وشتم *** هاي الهضيمه

طبينه يم ناس ابلا غيره
مارحمو بيه وانه ازغيره
وعماتي لاذن أسيره ابسيره *** هاي الحيره

الماطالعلهن صوت ** بالغربه شبعن موت
بريتنه جنه ارماح ** كام الهوه من ايفوت

طحنه بوادم ابلايه رحم
طحنه ونظرت الشامت سهم
طحنه بعازت الشال العلم

بويه بويه يحسين

ــــــــــــــــــــــــــــــــــــــــــــــــــ

متني يبويه من الضرب
مطبوع بي اشجم شطب *** وخولي اليطكني

بعيوني مكسور الحجي
ويبست الهاتي من البجي *** ودمعي حركني

من طكني يابويه السابيني
كام الوجع ينشاف بعيني
جرحي انه اكبر من سنيني *** من سنيني

عمري ابغيابك ضاع ** انباكت ضحكتي ابساع
مثل الشمع بالنار ** كلبي ابوداعك ماع

صعبه مثلي تركب عل هزل
صعبه والدمع من دم يهل
صعبه جفي ينشد بحبل

بويه بويه يحسين

ــــــــــــــــــــــــــــــــــــــــــــــــــ

حسين عبد الزهره الدراجي

ما ابري نفسي الذمه
لو قصرت بالخدمه

الرادود اكرم الكعبي

حسين عبد عبد الدراجي

شكرا الله

من اقـــــــــــصه الارض جينه
بالــــــــــــحب تماشـــــــــــينه
الصـــــــــــــــحنك يبو سكينه مشايه

ــــــــــــــــــــــــــــــــــــــــــــــــــــــــــــــــــــــ

من اقـــــــصه الارض يابوعلي جينه لك مشايه
حته الـــــــهوه يفــــــــرح اذا بيدينه رفت رايه
في كل سنه يزيد العدد منطينك احنه احجايه
من نوصلك يــــــم مذبحك نقرالك احلى قرايه

رباط هوسه👇

نقرالك ابدمعه وعبره

من نوصل المرقد
سيل الدمع ينهد
حركتنه مــــاتبرد مشايه

ــــــــــــــــــــــــــــــــــــــــــــــــــــــــــــــــــــــ

من البحر حــــــــــــد النحر نمشي بعزم وبهمه
يـــــــــدري المشه يابوعلي بيدك تسجل اسمه
الجاسه العشك مهما مشه شتضنه يبرد عزمه
خدمه ومشي دمعه والطم بيهن وصلنه القمه


ويانه مشاي المهدي

مانتــــعب ونركد
مهمه الدرب يبعد
بيــنه العشك ورد مشايه

ــــــــــــــــــــــــــــــــــــــــــــــــــــــــــــــــــــــ

بدربك اذا نتـــــــــعب نحس بالراحه يابو الاكبر
اشما نمشي لك صار العشك بينه الحضرتك يكبر
راية عشك رفـــــــــــــــت وفه بيد الجالك يفخر
من اقصه الارض زاير اجه بدموعه واسه الخدر

وبمتونه محلاها الرايه

صحت بدمع جاري
هلن يـــــــــــزواري
اليوم انتو خطاري مشايه

ــــــــــــــــــــــــــــــــــــــــــــــــــــــــــــــــــــــ

موكب جهز خادم وكف ويرحب بكل زاير
مية هلا يابو الوفه اشتطلب يكلك حاضر
شايب اجه بيده العلم وبوجه لجمت عاشر
جابه العشك يابوعلي جم ديره لجلك عابر

وشيباته يضون جن كمره

بسمك يدك كلبه
وماينوصف حبه
درب العشك دربه مشايه

ــــــــــــــــــــــــــــــــــــــــــــــــــــــــــــــــــــــ

من كربله لآخــــــــــــر شبر خيرك ترسها الوادم
وبخـــــــــــــدمتك ماكو تعب خادم يساعد خادم
بوكت المشي من نمشي الك ويانه يمشي القائم
اليتعنه لـــــــــــــــك تتكفله وترجعه لهله سالم

ويم بابك أطيب العله

يالمـــــــــاتسد بابك
طلعت مشي احبابك
تجـــــــوينه ترحابك مشايه

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

الرادود حسين الخويدم


حسين عبد الزهرة الدراجي

شكرا الله

هيه دنيه وكاضيه الخدمه بس الباقيه
هنياله كلمن يبقى بيها

ـــــــــــــــــــــــــــــــــــــــــــــــــــــــــــــ

كوم مد لحسين روحك ويدك
وخوش خادم صير كون يريدك
خلي جفك تلزم اجفوف الحسين
غيره باجر كلي ياهو يفيدك

شد احزام للخدمه وتوسل ببو اليمه
يتقبل خدمتك
تبرد دمعتك بالك بمالك ضحي وعيالك
وسجبها دمعتك

لاتنوح الغيره الكبراك بخيره
والخدمه بالك تنطي بيها

ــــــــــــــــــــــــــــــــــــــــــــــــــــــــــــــــــــــ

حاجي الحسين بكلب بس هايم
كله بيك اشغلني مو بالوادم
ماريد الناس كلها ياحسين
انه اريدن يم حضرتك خادم

حسين اليسوه تتعبله ضحي بكلشي من اجله
وثبتله بولائك
ركز وسمع اشويه هاي الدنيه وقتيه
لاتترك عزائك

المجلس من اتحضره دعوه من الزهرة
وبجي يخادم وي بجيها

ــــــــــــــــــــــــــــــــــــــــــــــــــــــــــــــــــــــ

اثبت واحـــــــــــذر تغير دربك
الدمعه مــــــن تنزل تطهر كلبك
لا تحب اي بشر حب بس الحسين
حسين بس اليسوه صدك حبك

هيم بحب ابو الاكبر شانك كل وكت يكبر
والله يعلي هامك
عوفه الشهره والوادم خلك اقل من خادم
يم حسين امامك

صفي نيت كلبك مايضيع تعبك
لا قسم بالفكدت وليها

ــــــــــــــــــــــــــــــــــــــــــــــــــــــــــــــــــــــ

بـــــــــــالك ادور يــــخادم شهره
احلى شي من تخدم على الفطره
وقره مو للناس بس الأم الحسين
وبجي وياها على ضيم الحره

فكر كون ترضيها الماكفت بواجيها
مولاتي الزجيه
هاي ام خيمه محتركه الطم وصرخ بحركه
ويلاه يالسبيه

احضر بكل مئتم وللبواجي اتحزم
والدمعه بالروح اشتريها

ــــــــــــــــــــــــــــــــــــــــــــــــــــــــــــــــــــــ

نسئل الله يديم هاي النعمه
والله ليفاركنه وي الخدمه
نعوف كلشي ومانعوفك ياحسين
انت ابونه الكلبه ينكط رحمه

خيرك فايض علينه شكرا يابو سكينه
شكرا ياولينه

لاتحرمنه من عدك احسبنه سيدي ولدك
يالروحك حنينه


حسين يمدللنه احنه بيك أمنه
وكلوبنه عينك عليها

ــــــــــــــــــــــــــــــــــــــــــــــــــــــــــــــــــــــ



حسين عبد الزهرة الدراجي

ليلة امس

الرادود عباس السعيدي

حسين عبد الزهرة الدراجي

هيئة نور الزهراء ع الناصريه

شكرا الله