ماباقي المحرم له ايام
حضرو ارواحكم يله يخدام
خنهيأ عزانه عاشوراء اجانه
======
يله حضرو ارواحكم هل جانه عاشور
يله خل انهيئ ادينه الطلم الصدور
حسين يستاهل تره نفديله النحور
من الله شيريد التكله الزهره ماجور

هنياله ولف هنياله والله
اليخدم من صدك وي عزي مولاه
سلطان بزمانه عاشوراء اجانه
=====
احسب الجيت محرم لحضه لحضه
كلبي عاشورائي بسم حسين نبضه
امنيتي من الله عليه حسين يرضه
اليرضه عنه حسين هذا اشكبره حضه


ولباجي عله زينب دمع العيون
باجر ينحشر وي عابس وجون
الله يعلي شانه عاشوراء اجانه
_======_
انه كل عمري محرم ماكو افراح
وكون لجل حسين اموتن من النياح
الكلبه حاركته خيم شظنه يرتاح
لسه مافاركت سمعي حسين من صاح

الآن انكسر ضهري يعباس
وبيه اتشمتت ياخويه هل ناس
انهض ياحمانه عاشوراء اجانه
======
بين اهلال الحزن ودموعي هلت
اذكرت زينب لمن الخوتها ركضت
صوتها الحك يابو فاضل من تنخت
الخيمه حركوهه وعلينه ناس هجمت

خويه أطفالكم ماتت من الخوف
ها ياروح زينب ارجع وشوف
ياصاحب ألوانه عاشوراء اجانه
=======
لف شكرا لك يارب البريه
هل محرم وأنه بعده نفس بيه
جنت خايف خاف لتفيني المنيه
ونحرم من مجلس الزهره الزجيه

شكرا يالاهي اهواي ممنون
جي هاي سنه احضر مجلس أم عون
وللمهدي دعانه عاشوراء اجانه

حسين عبد الزهرة الدراجي

البو محمد اهوس راعي الشاره
غيمه اجفوفه بس الخير مطاره
كلف والكلف دوم اتونس اخباره
هاذ المايكش بوجه خطاره
يبو محمد ردت من عندك ابشاره
ردتت منك ولو بس مره الزياره

بميلادك أعلن هايه
وحجيلك احلى حجايه
بسمك روحي مسمايه
كلبي يرف رفت رايه
الحفلك متعني عنايه
اقرالك احلى قرايه

بميلادك افرح يالغالي

ــــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

شكراً من القلب إلى العتبة العلوية المقدسة وإلى أخوتي شعراء المنبر الحسيني في النجف الأشرف


#حسين_عبد_الزهره_الدراجي

ليلة الخدمه

بسم الله تـــــــــــــوكلنه
وللخــــــــــــدمه تحزمنه

هاك اخــــــــــذ العهد يحسين
منعـــــــــــــــوفك ليوم الدين

حبك يمـــشي وي دمنه

ــــــــــــــــــــــــــــــــــــــــــــــــــــــــــــــــــــــ

من ذاك الزمـــن يحسين واحنه وياك ضلينه
قسمنه بــــــــــدمك الطاهر منعوفك يوالينه
بصمنه بدمنه نبقى وياك لحد اخر نفس بينه
صلاة الــــدم لك يحسين بكل مصباح صلينه
تحت امـــرك نضل للموت وانت القائد علينه
ومانخفيك ســـر يحسين نحبك وانت تدرينه
نكصها مــن الجتف مــولاي لو ماتلطم ادينه
طاريك يبو السجاد بـــــــــــس هوه اليبجينه

الغيرك مابجت هل العين
وعلى نهجك نضل ماشين

مانخـــــــــضع تعلمنه
حبك يمشي وي دمنه

ــــــــــــــــــــــــــــــــــــــــــــــــــــــــــــــــــــــ

دربك هـــــــوه درب الخير ماخاب المشه بدربك
يبو الاكبر وحك عيناك اعز من الهوه انحسبك
لامو نـــــــزوه حبنه وياك دايم بينه ضل حبك
خلقنه الله الك يحسين وطحنه من السمه الكلبك
دعينه الله بدمع سجاب نضل طول العمر كربك
الغيرك مــــــــــاندير العين يمن بس انت الندبك
من كد ماحنين انــــــــــت تعفي عن الي يعذبك
بمطلع كل قصيده حسين واجب سيدي انكتبك

رحمتك ترست الوادم
يــــــمدلل شكو خادم

بسمك ينجلي همنه
حبك يمشي وي دمنه

ــــــــــــــــــــــــــــــــــــــــــــــــــــــــــــــــــــــ

رسالة حـــــــــب تضل يحسين ربك باعثك رحمه
وهنياله الصدك وياك وانــــــــت توقع اعله اسمه
وسام اسمك الكــــــــــل خادم دخيلك ياابو اليمه
مثلك مالكـــــــــــينه انسان النسمه بمنحره يشمه
التخنكه الدنيه مـــــــــن ينخاك حتما ينجلي همه
بخدمتك مانذل يحسين خدمتك احله كل خدمه
كلبنه الدنيه لاتغريه نــــــــــــــريده بجفك اتلزمه
مــــــــــــاردنه عليك ابيوم بيـــــــــــنه تبرد الهمه

ندعي والدمع بالخد
بينه الجمره لاتبرد

المصابك ماتحشمنه
حبك يمشي وي دمنه
ــــــــــــــــــــــــــــــــــــــــــــــــــــــــــــــــــــــ

بفكرنه يابـــــــو السجاد مامش غيرك انت يدور
يالتجبر خــــــــــــواطرنه وانت خاطرك مكسور
الك واجـــــــــــب نموت احنه ليلة عاشر بعاشور
الماشالك جـــــــــرح يحسين باجر هاذه مامعذور
المفروض احنه يامـــــــذبوح نفديلك دمه النحور
يالجســــــمك مثل حنطه ضل فوك الارض منثور
وراسك جـــــن كمر مرفوع يوزع عله الدنيه النور
وقميصك بالدمه متروس بوجه السمه ضل منشور

يالسبي الحرم ماذيك
مثل امك ننوح عليك

وياجـــــــرحك يألمنه
حبك يمشي وي دمنه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

اليلة الخدمه

يبس عودي وسكيته بدمع تعزيته
وخـــــــــادم للخدم يقبلني ياريته

ــــــــــــــــــــــــــــــــــــــــــــــــــــــــــــــــــــــــ

حسين مــــــــــن الزغر للخدمه جاباني
ملكني وعـــــــــــل أدب والدمعه رباني
جنت مــــــا اسوه كلشي وهوه سواني


رباني الحسين ومحله تربيته
وخادم للخدم يقبلني ياريته

ــــــــــــــــــــــــــــــــــــــــــــــــــــــــــــــــــــــــ

شـــــــــــقدم للنبي يعشكهن اعيونه
شرف خـــــــــادم اصيرن لليخدمونه
اصير اعقل بشر لـــــو صرت مجنونه

ابو الاكبر حبيبي بزغري سميته

ــــــــــــــــــــــــــــــــــــــــــــــــــــــــــــــــــــــــ

اســــــــمه بالمـــــــشاعر اول الوادم
شكبر حضي وصرتله من الزغر خادم
خدمته وافتخر صــــــدكوني مانادم

مثل شم النسيم حسين شميته

ــــــــــــــــــــــــــــــــــــــــــــــــــــــــــــــــــــــــ

مشه حـــــب المجالس بيه من زغري
حسين وسلــــــــمت بيده زمام أمري
بخدمته اتمنه يخلص كون كل عمري

وقف كلبي البو السجاد سويته

ــــــــــــــــــــــــــــــــــــــــــــــــــــــــــــــــــــــــ

دمعتي بكامـــــــــــرت فاطمه تتوثق
احبن شكو شـــــــــــي بحسين يتعلق
تره مـــــــــــو اي بشر للخدمه يتوفق

الخادم يربح ويحسين تاليته

ــــــــــــــــــــــــــــــــــــــــــــــــــــــــــــــــــــــــ

يخادم للــــــــعزه لمن تجي وتحضر
سلم كلـــبك المـــــــــــولاك ماتخسر
عضيمه الدمعه من تنزل البو الاكبر

وهنيالك اذا عل سبي واسيته

ــــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

اليلة الخدمه

حسين حسين حسين حسين

ـــــــــــــــــــــــــــــــــــــــــــــــــــــــــــــ

كلما يمر ذكــــــرك افـــــــــز وذكر اعيونك
صدكني اغــــــــــار عليك انه من اليحبونك
بجف من ورد وبلا عطش كون اليرسمونك
حبيت انه مــــــن كل كلب حته اليخدمونك


ماكدر انساك جي كلبي يهواك
محبوبي يحسين كل عمري يفداك

ماعندي غيرك تـــــــــــدري ابد
بالدنيه عندي انـــــــــــت السند


حسين حسين حسين حسين

ـــــــــــــــــــــــــــــــــــــــــــــــــــــــــــــ

عايش لك يـــــــابو علي مـــــــاعايش الغيرك
كضني مثل كضت طفل ومشني على تدبيرك
كايلها لك انــــه بصـــــــــــدق اعشك تعابيرك
بفضلك صرت وخيري كثر بس هوه من خيرك

معشوكي اسميك هايم صدك بيك
من زغري يحسين ميت انه عليك

كلبي بحـــــروفك لمن يدك
تستاهل انت كل هل عشك


حسين حسين حسين حسين

ـــــــــــــــــــــــــــــــــــــــــــــــــــــــــــــ

اويتني ربيـــــــتني شـــــــــــكرا يبو الاكبر
اخسر هلي وكل صحبتي ولارحمتك اخسر
شما ابتعد ارجع الــــــــــك يالساكن الابهر
بلا خدمتك اكضي العـــــمر يابوعلي مكدر

متـــــــفضل هواي ياسيد الماي
بكل شده اشوفن بس انت وياي

بكل شده اشوفك واكف الي
الف أنعم الله يــــــــابوعلي

حسين حسين حسين حسين
ـــــــــــــــــــــــــــــــــــــــــــــــــــــــــــــ

اعظم رزق هـوه الدمع لو صب عله مصابك
تسوه العمر يـــــــــاسيدي الكعده اليم بابك
وين الله وبالك اجـــــي وتحسبني بحسابك
ساترني منطـــــــــــيني اسم يمسلبه ثيابك

ادبني ويــــــاك ورزقني برضاك
ومثل امك حسين علمني انعاك

وين الكه مثــــــلك كلبه حنين
موفقني اخدمك شكرا حسين

حسين حسين حسين حسين

ـــــــــــــــــــــــــــــــــــــــــــــــــــــــــــــ

يحسين احبك مـــــــــــن صدك مامثل بحبي
بس انت وحـــــــــــدك بالكلب ماغيرك بكلبي
عايش عله الله ومجــــــلسك ياراحتي وتعبي
يالخدمتك صـــــــــارت لي مثل الضوه بدربي

يارب نعــــــــمتي اقبل خدمتي
الغيرك حرامات تنصب دمعتي

ياقابل الحـــــــر تقبلني ا ريد
وزيد بحركتي ودمعاتي ا زيد

حسين حسين حسين حسين

ـــــــــــــــــــــــــــــــــــــــــــــــــــــــــــــ


حسين عبد الزهرة الدراجي

ليلة الخدمه

حسين خدمتك نوماسنه
حسين ياشريج انفاسنه
حسين يالسكنت احساسنه

ــــــــــــــــــــــــــــــــــــــــــــــــــــــــــــــــــــــ

الراي بيدك وانــــت صاحب راينه
جود اســـــــــــمك منه ينبع ماينه
انت ماي وجوهنه وانــــت الحنين
خدم عـــــــــــدك بس ابد ما ذالنه


الله جاعل خيره كله بين اديك
انت شيخ الخدم من يعله عليك
كلها ودايه تضل وانت الكليط
يورد اليابـــس اذا سولفنه بيك


بصايتك غطينه الخيمتك ودينه
مامشينه بكيفنه بكيفك اتمشينه


حسين ماكو من حنيتك
حسين لافنه بخاجيتك
حسين تراب حطنه بيتك


ــــــــــــــــــــــــــــــــــــــــــــــــــــــــــــــــــــــ

اشما لطمنه عليك يمـــحير العقول
مانوفي سحكه مــــن ذيج الخيول
ياابن اشـــــــــــرف سلاله ياحسين
مانوصفك شعره والله اشما نكول


صـــــــــورتك ببيوت اهالينه حرز
للقصيده انت الصدر وانت العجز
ضامين احـــــروفك ابنص الدليل
يابــــــو الاكبر مثل مضمام الكنز


اشكد بخيته كلوبنه من صرت محبوبنه
باجــــــر ابدمعاتنه ينخــــــتم مكتوبنه


حسين ياربيع ايامنه
حسين انت كل احلامنه
حسين بيك شامخ هامنه

ــــــــــــــــــــــــــــــــــــــــــــــــــــــــــــــــــــــ

نذبل وتحيينه دمـــــــــــعات العزاء
مايمـــــــــوت الكلبه يعشك كربلاء
حسين يــــــااول عشك جاس الدليل
مجلسك بي لــــــــــذه لو عج بالبكاء


كلشي سنطه وبـــس دمعنه الينسمع
الغير حــــــزنك زحمه لو صب الدمع
عليك متنه يالمتت ضـــــامي وذبيح
اشعلنه بخيامــــــك يبو الاكبر شمع


ياعزيز اسكينه هـــاك اخذ بيدينه
كضنه كضت سيفك وبالخيم دلينه

حسين انـــــريد دوم ابكربك
حسين ماكو احن من كلبك
حسين الخير كــــله بدربك

ــــــــــــــــــــــــــــــــــــــــــــــــــــــــــــــــــــــ

سيدي فضــــلك عله الخادم جبير
واليخدمك مـــــــو عبد لا بل أمير
مانجازيك احنه لـــو نفدي النحور
يابوجف الترس جف الدنيه خير


ياغريب وللخدم صـــــــــــاير وطن
ادخيل بختك يـــــاعزيز ام الحسن
بكيفك وطوع امرك احنه اشماتريد
ماي اخذنه وطشنه بيدك عل ضعن


يالغريبه عيالك مانجازي افضالك
انت ابونه وعشنه ياحسين بجالك


حسين يالعشت ابنفاسنه
حسين بيدك امسح راسنه
حسين فقــط حبك جاسنه

ــــــــــــــــــــــــــــــــــــــــــــــــــــــــــــــــــــــ

ادخيل حــــــاجب عينك المثل الهلال
مو حرام الحب لــــــــــك رب الحلال
غيرتني خـــــــدمتك يـــــــــبن البتول
من اسوء الحال وصرت بحسن الحال


نصـــــــــــرتي لكم معـــــده بكل زمن
عمري دمعه وطاحت بممشه الضعن
غير الله وهــــــــل خدامه اشعدي انا
وكل مسيه ادعـــي الفرج ابن الحسن


من يجينه برايته انصير تحت ولايته
الثار باجر يرجع بصاية الله وصايته


حسين باجــــر يصفيها
حسين من يجي مهديها
حسين ياهـــــلا براعيها

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

ليلة العليله ع

ياكلبي حزنك ماله تالي
يالكاسرك ضيم اليالي
شيبي طلع حته بخيالي
كلساع مني يروح غالي


كلهم عزيزين على كلبي الفاركتهم
ودعت روحي الموتي لمن ودعتهم
بالغربه عافوني شعجب مو انه بتهم

ها يهلي الحنان شوفولي امجان وخذوني
تدروني اشتاك ما احب الفراك تدروني


ــــــــــــــــــــــــــــــــــــــــــــــــــــــــــــــــــــــ

ارسم ضعن للغربه شايل
وبدمعي اكتبها الرسايل
للعظم بيه الوجع واصل
جن سنبله ياضهري مايل


اخ اشثكل فركاهم الكاسرلي ضهري
انه عليلتهم وراهم ضاع عمري
ليل ونهار على المشو دمعاتي تجري

انه العليله مابيه حيله فركاهم
يوجعولي ادعي عشت على دمعي وذكراهم


ــــــــــــــــــــــــــــــــــــــــــــــــــــــــــــــــــــــ

لحد يكلي شلون صرتي
موزينه والعباس صحتي
فراك الهل زودلي علتي
تهد حيلي من تطلع حسرتي

انه السكيت الصحره من دمعات عيني
ترد روحي يهلي لو خبر منكم يجيني
يحنان ذابحني الهجر رحموني حنيني

روحي بجفاهم ميته وراهم احبابي
ضليت أتاني محد اجاني ودك بابي

ــــــــــــــــــــــــــــــــــــــــــــــــــــــــــــــــــــــ

الحسين ابوي اليوم اودي
مرسال بي دمعات خدي
ليش بغرب عايفني وحدي
وبيه الحزن ليله يحدي

لاشوكي لادمعي ولا دهري جابك
كتله يبويه الموت أهون من غيابك
ترد روحي بويه من اشم ريحة ثيابك

كلبك هجرني غيابك كسرني واذاني
يالروحي عدك موتني بعدك واذاني

ــــــــــــــــــــــــــــــــــــــــــــــــــــــــــــــــــــــ

يوجعني كلبي عليك كلساع
مذبوح روحي منهد الوداع
ضاعت اعيونك والعمر ضاع
يمته ترد ياحلو الطباع

انه زغيره وفركتك ماهي على كدي
كد ما اتانيك انطبع جفي على خدي
جرحتني ماترحين يبنيتي ردي

مو حلوه منك تحرمني حضنك يالغالي
موزينه بعدك كاتلني بعدك يالغالي

ــــــــــــــــــــــــــــــــــــــــــــــــــــــــــــــــــــــ




حسين عبد الزهرة الدراجي

ليلة العليله ع

البعيوني شلته اليوم شايل
ونار الدمع من عيني سايل
بدموعي غركت المحامل

انه العليله فاطمه
ـــــــــــــــــــــــــــــــــــــــــــــــــــــــــــــــــــــــــــــــــــ


ضعن الله عن عيني مشه وكدامه تمشي ابدوره
الماكاسره خــــــــاطر له شــــــو عافني مكسوره
قرآن راح الكـــــــربله لاجــــــــن نقص بي سوره
قرآني الحسين ومشه ومـــــن ابجي دم معذوره


جنت ابصباح الله من الاكيه
كل مرض كلبي مايضل بيه
أطيب علتي مــــــن احاجيه

انه العليله فاطمه
ـــــــــــــــــــــــــــــــــــــــــــــــــــــــــــــــــــــــــــــــــــ


بس أسمعت يمشي غدن ابكلبي صارت لجمه
فزيت باليل ورحـــــت شــــديت هدمي بهدمه
ضعن الضوه لمن رحل ركضت ابروحي الضلمه
يافاطمه رايح انــــــا جـــــــن رمح هاي الكلمه


سار الضعن وعيوني تحجي
كلهم اعــــزاز الياهو ابجي
لمن بعد يــــاروحي اشجي

انه العليله فاطمه

ـــــــــــــــــــــــــــــــــــــــــــــــــــــــــــــــــــــــــــــــــــ


اتعمد اكباله اجـــــــــي وبجفوفي صرت هدمي
ويمه صـــــــــرت كلي اذن بلكي الله ينده بسمي
صـــــــــاحالي وبعينه شفت حسره وبواجي لمي
تبقين كـــــــــلي ودكنت وعطاب اشم ابدمي


بدمعي كلتله اعظم رساله
فراكك ابمرض كل دوه ماله
ونيـــــــــتله وشيب خياله

انه العليله فاطمه

ـــــــــــــــــــــــــــــــــــــــــــــــــــــــــــــــــــــــــــــــــــ


انه عليله صـــــــــح لجن لو كال ترحين انتي
اسبك ضعنهم بالمشي لو شفت ضحكت عمتي
شوفتك يحسين الدوه وفركاك واهس علتي
سالفتي انت ومن رحت صار الدمع سالفتي

صار الدمع بخدودي رحال
وحسره عليه راحت البال
يحيني منك لو جه مرسال

انه العليله فاطمه
ـــــــــــــــــــــــــــــــــــــــــــــــــــــــــــــــــــــــــــــــــــ


زتيت بدموعي الضعن والحسره شلت حالي
ورديت للبيت بوجـــــــــع ردتت الدافن غالي
وبالطيف مشهد مـــــــر علي ولهسه يتراوالي
جن صدرك بخيل انسحك دامي اشوفه اكبالي

ضليت ادعي بدمعي اليسيل
وين الله ماتوصلك الخيل
فركاك فاس وهدم الحيل

انه العليله فاطمه

ـــــــــــــــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

ليلة ام البنين ع

لو حاجتك تگضي تريد ام البنين انخاهه
ــــــــــــــــــــــــــــــــــــــــــــــــــــــــــــــــــــــ

ام البنين
بس كول اسمها وحاجتك تگضيها
ام البنين
ما تبقى حاجة امعسره من تنخيها
ام البنين
يا محله اسمها من يمر طاريها

بس الها تقره الفاتحة موجودة تلگاهه
ام الكمر بس للحوائج الله سواها
اية وفه وبس الوفي بدموعه يقراها
بعله المراتب بت حزام الباري علاها


انطاها ربنا اعظم شان وتستاهل من انطاها
لو حاجتك تگضي تريد ام البنين انخاهه

ــــــــــــــــــــــــــــــــــــــــــــــــــــــــــــــــــــــ

ام البنين
باب الحوائج ربك اختاراها
ام البنين
اكصدها وبوكت الشدد انخاها
ام البنين
هاي الكريمه الماترد حاشاها

شتريد اطلب منها بس انخاها مولاتك
متقصر ابسرع وكت تگضيها حاجاتك
بمجلسها هاليله بصدق اجريها دمعاتك
وياها الحسين الطم وشاركها وناتك


منضور بسم الزهراء اليبجي وي مبجاها
لو حاجتك تگضي تريد ام البنين انخاهه

ــــــــــــــــــــــــــــــــــــــــــــــــــــــــــــــ

ام البنين
هاي العضيمه الماترد السائل
ام البنين
كل خيرنه من اجفوفها ام الكافل
ام البنين
اتوجه لها وخلي دمعك سايل


حلفها بالضل عل نهر ضامي ونزف دمه
مولاتي اريد ايامي تخلص كلها بالخدمه
رايد اخصص كل حياتي بس لبو اليمه
الخدمه نعمه وماريد انحرم هل نعمه

بهل خدمه يا ام عباس طول العمر اتباها
لو حاجتك تگضي تريد ام البنين انخاهه

ــــــــــــــــــــــــــــــــــــــــــــــــــــــــــــــــــــــ

ام البنين
من عدها اخذ درس العشك وفنونه
ام البنين
خلت ابنها انطه لخوه اعيونه
ام البنين
بحب الحسين ام الوفه مجنونه

صدرت فتوه للعشك للبيهم اكفايه
ولدي اربعتهم للحبيب حسين وفايه
كاع الطفوف بدم كمرها الوفي محنايه
طاحت اجفوفه بكربله وماطاحت الرايه

كالها ابشري العباس هل خيمه من يدناها
لو حاجتك تگضي تريد ام البنين انخاها

ــــــــــــــــــــــــــــــــــــــــــــــــــــــــــــــــــــــ

ام البنين
هاذه عزائج بالكلب ضل دايم
ام البنين
خيرج جثير وفايض على الوادم
ام البنين
مشكوره ماقصرتي وي كل خادم


الف أنعم الله عليج ماقصرتي مشكوره
ياناعيه حسين بصدك عل دمعه مأجوره
مثلج نريد ادموعنه على الضعن منثوره
وحزمينه الحسين وخدمته بيوم عاشوره

الخدمه مثل أمنه اتصير واحنه شكثر اهواها
لو حاجتك تگضي تـــــــــريد ام البنين انخاها

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

ليلة مسلم ع

انه مســـــلم اســــــد ضاري
تشــــــــيم حــــيدر اخباري
لهسه الكـــــوفه مني اتخاف
اذا كــــــــــض بيدي فقاري

دخــــــــــيل الله اذا ازعل
القصر وهــــل القصر تنذل
اطبهم طــــــــــب العباس
وفرهم فــــــــــرت المغزل


انا مسلم انا ياهـــــو اليثبت اكبالي
انا مسلم انا طاحو وانه اضل عالي
انا مسلم انا دوم اتشـــــيم افعالي

ــــــــــــــــــــــــــــــــــــــــــــــــــــــــــــ

علي بوكــــــت الحرب جني
انــــــــا البســـــــطره ميثني
ركبهم مســــــــــرح وسيفي
بي ماخاب ابـــــــــــد ضني


خزرتي اتيـــــــبس الأخضر
العده يسموني موت احمر
عـــــــــددهم ماترس عيني
صــــــــحت بيهم اريد اكثر


انا مسلم انا سيفي بحربه راعبهم
انا مسلم انا له اسحك شواربهم
انا مسلم انا كبل الباري احاسبهم

ــــــــــــــــــــــــــــــــــــــــــــــــــــــــــــ

فرح سيـــــــفي وصل يومه
الركب تخـــــــضعله بالحومه
اليخــــــــــلص منه بالميدان
بـــــــس اليــــــــنزع اهدومه

طفح غيــــــــضي ونزلتلهم
زعــــــــل شــــايل اجيتلهم
الفرهم فــــرت المحــــجال
وشـــــرب سيفي من دمهم


انا مسلم انا راح اليــــــوم راويها
انا مسلم انا حنطه الروس اذريها
انا مسلم انا أكوام اجثثها اسويها


ــــــــــــــــــــــــــــــــــــــــــــــــــــــــــــ

الفر قـــــطب الــــــــرحه بيدي
حرب وانــــــــــه الحرب عيدي
سفــــــــير حسين وانه حسين
دمـــــــــي اليــــــمشي بوريدي

انا الما اخــــــــــضع الخصمي
عــــــــــزم حيدر علي عزمي
علي لا تـــــخاف ابد يحسين
امــــــــــن يــــــــــاابن عمي


انا مسلم انا سيفي بغمده ماضمه
انا مسلم انا زلمه ومن ضهر زلمه
انا مسلم انا جفي لايـــــح النجمه
ــــــــــــــــــــــــــــــــــــــــــــــــــــــــــــ

المــــــــــراجل انــــــــه راعيها
انا الــــــــــزلزل راضــــــــــيها
شـــــــــواربهم اذا اخــــــــتاض
حــــــــــدر رجــــــــــليه اخليها

وحك اعيون ابــــــــــو الاكبر
انــــــــــا الســــــــواله بيهم طر
مثل مــــــــاي الله شفت الناس
اكبال اعــــــــيونـــــــــي تتبخر

انا مسلم انا يطرب عل حرب سيفي
انا مسلم انا الكوفه تمشي ابكيفي
انا مسلم انا مربع راح ارد حيفي

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

اليلة الانصار

الحومه طوقناهه من أربع جهات
واليكابلنه وعلي اعتبره مات
اليوصل اخيامك انذبحه جدامك
ياحسين ياحسين
0000000
اتهيئنه ونريد الأمر وسيوفنه مسلوله
ارخصنه يابن فاطمه بالجيش نلعب يوله
يم جدم عبد الله وعلي يحسين نذبح ذوله
هالجيش وعيونك تره ترد خاليات خيوله

قسم نقسم بالنجوم العاليه
اليوم ماتبقه تره لهم باقيه
من نطب ليها الحومه نفنيها
ياحسين ياحسين
0000000
مابينه البوكت حرب خاف وينزل راسه
اليوم هالجيش وعلي اندوس كل حراسه
الهوه اذا مس طارفك نقسم نكطع انفاسه
والراد يوصل خيمتك يحسين نحرك ساسه

للحرب يحسين لو طبينه
شكو شارب نسحكه برجلينه
احنه انصارك ناخذ ابثارك
ياحسين ياحسين
0000000
احنه ليوث المعركه ويازلمه يندك بينه
الموت من عدنه شرد للحرب من طبينه
لبي زود ولزلمه يجي الحيد خي لاكينه
سبعين ألف يابوعلي نسحكهم ابرجلينه

اي عذر منهم ولا نستقبله
اليوم من دمهم نفيض كربله
كربله تشهد مايضل احد
ياحسين ياحسين
0000000
الجيش هذا وعدته مانتعترف بي كله
ماعدنا بيهم مشكله يحسين كلش سهله
اليوم كدامك قسم جيش ال اميه نذله
زلمتهم بلايه نحر هاليوم يرجع الاهله

كل عددهم ياحسين أصبح فناء
اليوم خل بينه اتشيم كربلاء
احنه شجعانك احسبنه اخوانك
ياحسين ياحسين
0000000
عهدا نرجف كربله والبيها رجفت سعفه
هالناس خانت بالعهد لا ماعليهم وسفه
اعمارنا بجفه نعم يحسين وانت بجفه
للحومه من ندخل شمع ماينطفي بالزفه

احنه عدنه الحرب عيد ومانهم
واحنه دوم النهزم وما ننهزم
ياهو يهزمنه وانت قائدنه
ياحسين ياحسين
0000000
حسين عبد الزهرة الدراجي