Telegram Web
ليلة العاشر

يمك ابجي ولطم ماشــفتني
تعبتك اهـــــــــواي وتعبتني
متفقين موتتنه سوه اتصير
شو انـــت متت وانه بعدني

مـــــــــــــــو تدريني ما أكدر بدونك
عشت على الله خويه وعله اعيونك
اجيت وشفت طــــولك ذاك ذبلان
طحتلك مــــــــــاي بلكت يرد لونك


حبيبي حبيبي حبيبي حسين

ــــــــــــــــــــــــــــــــــــــــــــــــــــــــــــــــــــــ

باوعتك لكــــــــــيتك نهر عطشان
ومكان البوسه بي للسحك نيشان
المثلك كــون فوك الراس ينشال
مو فـــــوك الترب يحسين عريان


يحسين المـــــــــــــصيبه اجروحك هواي
يفـــــــــــــياي الله مامش فـــــوكك افياي
كل ضـــــــــــــني عـــــدل وتكوم يحسين
محـــــــــــــسبتك تــــــــــرد للخيم وياي

حبيبي حبيبي حبيبي حسين

ــــــــــــــــــــــــــــــــــــــــــــــــــــــــــــــــــــــ

ها ياروحي مـــــوتي ولاضلين
المن ضاله ومذبوح الحسين
ميت بس شفت عينك للخيام
لا والتهضم اكثر جرح بالعين

بــــــــاوعتك صـــــــــــــحت الله واكبر
ليش بهيمه كـــــــــــــل جسمك تطشر
الخيل بلا رحـــــــــــم شو داست عليك
ضلــــــــعك بالخـــــــــيم وسمع تكسر

ــــــــــــــــــــــــــــــــــــــــــــــــــــــــــــــــــــــ

اكعد للمــــــــخيم خويه حركو
(وطولي الجان ماينشاف شافو)
كلبوك على وجهك باوعت ليك
وي ذبحة وريــــدك كلبي ذبحو


طلعت مـــــن الخـــيم والدمعه بالعين
موهــــــينه طلـــــــعتي عليك يحسين
انــــــــــه الجارنه ماشــــــــافلي اخيال
هضيمه بتالي عمري ادخــــــل دواوين


حبيبي حبيبي حبيبي حسين

ــــــــــــــــــــــــــــــــــــــــــــــــــــــــــــــــــــــ

زينب انـــــــــــــه هاي الدللتها
بموتك يــــــــــابو الاكبر موتتها
مشيت وياي راس برمح للشام
لاعافـــــــــــتك روحي ولاعفتها


راسك ينهـــــــــــــظم شــفته على الرماح
كلما ســـــــــــــوط المــــــتون الخدر لاح
صح طاح الـــــــــــــدمع ونهضمت الروح
بس يـــــــــــــحسين والله احجابي ماطاح


حبيبي حبيبي حبيبي حسين

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ

ربي ادعيك ودمـــــــــع عيني يهل
مـــــــــــــــال لا رايد ولا رايد اهل
بغير ذكـــــــر حسين ماريد انشغل
وكلبي منه اتـــــــــبره اذا منه يمل

رايد بكـــــــــــــــل عمري
لجـــــــــــله الطم صدري
ومثل دمـــــــــــعة زينب
دمعتي خــــــــــل تجري

البالـــــــــــــــزغر دللني
بغـــــــــــــيره لاتشغلني
ربـــــــــــــــي رايد نيه
الكلبه اتــــــــــــوصلني


اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ

ربي لاتلهـــــــــــــــيني بالوادم بعد
الهيني بحسين وخــــــــدمته للأبد
شفته بس هــــــــوه الي صار السند
شما تضـــــيج اندب يبو اليمه مدد

انه لــــــــــــــوله حسيني
ضيـــــــــــــعتني اسنيني
الناس ماشـــــــــــــوفنها
وهــــــــــوه تارس عيني

من العــــــــــدم جايبني
ومجــــــــــــــلسه ادبني
فـــــــــــــــظل منه عليه
ويالخــــــــــدم حاسبني

اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ


يالاهي اقـــــــــــــسم عليك بفاطمه
دوم خـــــــــل روحي بأمامي هايمه
حسين ماريد انحـــــــــرم من مأتمه
من خدمته انــــه صرت خوش زلمه

حسين اهــــــــــلي وناسي
بجاله رافـــــــــــــــع راسي
شلون اعـــــــــــــوفه وهوه
يمـــــــــــــشي وي انفاسي

انــــــــــــه لـــــــــو ماهوه
كلـــــــشي لا مــــــا اسوه
المـــــــــــنـــــــــبره ادبني
فشله غيره مــــــــن اهوه


اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ

شـــــــــــــهره لارايد ولا رايد اسم
انه اريـــــــد ابخدمتي اشبع هظم
ربي اريـــــــدن بالطم اكسر عضم
خاف امـوت وصدري ماشابع لطم

بكل مسه دعــــــــــوايه
ربـــــــــــــــي رايد هايه
عمري خلي يكــــــــضي
بـــــــــــس لطم وقرايه

خصـــــــــــصتها ايامي
للــــــــــحسين الضامي
دمــــــــــــع رازق عيني
وهــــــــوه كل أحلامي


اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ


اتوجهت الله ودعـــــــــيت بكلمتين
ربي اجعــــــــــلني وجيها بالحسين
وبس له خلها تصـــــب دمعة العين
الله خالق للـــــــــطم ذني الادين


شرف اسمي اشكبره
خادم ابــــــن الزهرة
انه ويـــــــــــاه باقي
عشره مو بس عشره

كلبي غيره شــــــعده
خادم انــــــــه وعبده
ربي ثبــــــــــــــت ليه
قدم صـــــــــدقا عده

اللهم اشغلني بذكر الحسين

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
ليلة ام البنين ع

عضيمه وعالمه وتحبج فاطمه

يم البنين يم البنين

ــــــــــــــــــــــــــــــــــــــــــــــــــــــــــــــــــــــ

بيش اوصفنج حرت شحجي عن شخصيتج
وانتي جبريل الـــــــــوحي جان خادم بيتج
ماكو بالدنيه مــــــره توصـــــــل القدسيتج
حبج ال النبي هــــــــــوه رافــــــــــع صيتج

ينجمه وبالسمه وتحبج فاطمه

يم البنين يم البنين

ــــــــــــــــــــــــــــــــــــــــــــــــــــــــــــــــــــــ

فاطمه انتي وفاطمه خلتج نـــص عينها
لئن ضحـــيتي بزلم فده العين احسينها
اسمج انت طب عرب احروحنه داوينها
الماكو حـــــــــــل لها ابد انتي التحلينها

اميره وحاكمه وتحبج فاطمه

يم البنين يم البنين

ــــــــــــــــــــــــــــــــــــــــــــــــــــــــــــــــــــــ

انتي لنتي اعظم شرف من خدمتي الزهره
الله عـــــــــــاجن طينتج بنور ال العتره
انتي قـــــــــــرآن الوفه الماقراج انعذره
المايـــــــــوقر حضرتج علي بجفه يسطره

عشك حامي الحمه وتحبج فاطمه

ام البنين ام البنين

ــــــــــــــــــــــــــــــــــــــــــــــــــــــــــــــــــــــ

يمج الكــــــون انحنه شكرا التضحيتج
بت عـــــــرب ومعدله ونعم من تربينج
حسين تشمي هوه حسين كل عافيتج
لهسه ضـــــــــلت قائمه للضعن تعزيتج

ودمعتج من دمه وتحبج فاطمه

يم البنين يم البنين

ــــــــــــــــــــــــــــــــــــــــــــــــــــــــــــــــــــــ

كربله يـــــــاكربله تمــــــشي وي انفاسج
حسين بس هوه صدك عايش ابحساسج
ولدج بطف كربله بفــــــــخر رفعو راسج
شيم حسين الـــــــــوفي ياهلا بعباسج

اسم ما اعظمه وتحبج فاطمه

يم البنين يم البنين
ــــــــــــــــــــــــــــــــــــــــــــــــــــــــــــــــــــــ




حسين عبد الزهرة الدراجي
This media is not supported in your browser
VIEW IN TELEGRAM
قريبآ

الرادود الحاج عمار فريح الكناني

حسين عبد الزهرة الدراجي

شكرا الله
ليلة العاشر

تعبني يـــــــوم العاشر اهواي
ومنهد امــــس ماشاربه الماي
شحجيلك عله الصار يحسين
بمتوني ســــوط وجمر جواي


انه الجان مـــــــــــحد شايف اخيالي
صرت مسبيه امشي ودمعتي اتلالي
رحت عل ناكه بس النفس ينجر اخ
اخ الشام صار الـــــــــــشام جتالي

للسوك من طبوني يحسين
تضحك عليه الناس صوبين
كام الوجع ينشاف بالعين



ويلاه يبن امي ويلاه يبن امي
ــــــــــــــــــــــــــــــــــــــــــــــــــــــــــــــــــــــ

ما انــــــــــــدل وجيتك بلا حيل
وجدمي يتــــــــــــعثر بالمجاتيل
لمن وصــــــــــــلت وشفت نحرك
دايس البوسه مــــــراكض الخيل


بوسة امــــــــــــي دايس فوكها الحافر
ادنيت ارد اشـــــــــمك كلبي ضل حاير
من كل كتر طـــــعنه وجرح صاير بيك
عمت عيــــــــــني عليك بحالك شصاير

ياخوي يامــــن فدوه الـ اسمك
لومه الســــــــــتر بعباتي المك
مثل البــــــــذر طشرو جسمك

ويلاه يبن امي ويلاه يبن امي

ــــــــــــــــــــــــــــــــــــــــــــــــــــــــــــــــــــــ

خلــــــــــــيني اكلك ياضوه العين
صعبه الركـــــــض للمثلي يحسين
امجــــــــــلبه ابعباتي النار وركض
افــــــــــتر ادور عـــــــــل نساوين


من شــــــــــــبو النار ابوسط ديوانك
علي طالت يحــــــيف اذراع عدوانك
اكعد ياكلـــــيط الساده شوف شصار
هامت بالبــــــــراري حسين نسوانك

ياهضــــــــــــمت الهضمه يخوتي
ياحيف والله انســـــــــمع صوتي
اتمنيت انـــــــــا بهل ساعه موتي


ويلاه يبن امي ويلاه يبن امي


ــــــــــــــــــــــــــــــــــــــــــــــــــــــــــــــــــــــ

انه اخــــــــــــت المخوفها الرجال
مالايكه بجــــــــــــفوفي الحبال
امشي بمــــــــــــرام الحادي ضليت
ودخل الســــــــــــوك ودمعي همال

من اذكر طبــــــــــــتي للسوك يبن امي
مثل حركـــــــــت اخيامي يحترك دمي
ابــــــــــاوع راسك عله الرمح ينفخ نار
من تســـــــــمع ابشامت يلفض ابأسمي

صـــــــــعبه عليكم هاي صعبه
امشي ويــــــــوادم كلها ويغربه
ديوانهم فشله مــــــــــــن اطبه

ويلاه يبن امي ويلاه يبن امي

ــــــــــــــــــــــــــــــــــــــــــــــــــــــــــــــــــــــ


ماجانــــــــــت عله البال هايه
نســــــــوانكم تطـــــــلع سبايه
وجتالـــــــكم نمـــــــشي برايه
وجــــــــدامنه شــــــكو الرايه

هضموني وغــــــــلاتك خويه هضموني
اول تالي انــــــــــــه انطك عله امتوني
انه اخت الكــــــــــفيل المايعرف الخوف
يزعل مــــــــــن يشوف الدمعه بعيوني


فشله يخـــــويه طبتي للسوك
وطـــــرف العبايه بنار محروك
من اونيني طك الشيب بالنوك

ويلاه يبن امي ويلاه يبن امي


ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
رد يالروحتك يبني كسرت ضهري تدريها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

انه الحيلي يلوي الكون هسه عله النفس مكدر
اول مره هاي تصير بويه ابمشيي اتعثر
انهدم حيلي لمن شفتك جسمك عل ثره مطشر
اكبر مني جرحك صار يبني ياعلي الاكبر

مات وليدي الختي ام عون ماكدر انا احجيها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

انه حسين ابوك اكعد شوف شصاير بحالي
محني وحدي ضليت بخدي دمعتي تلالي
اندهك ليش ماتكعد يغالي وتعبت غالي
من افراكك علي يبني صار الموت اشوالي

بعدك ياحبيب الروح روحي لمن اباريها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

من مصرعك الخيامي شيبي بين ابرمشي
جنت كلشي اليه انت وهسه ضيعت كلشي
بخاصرتي انطبع جفي بالكوه صرت امشي
باجر من يجيني الموت ردت انت التزت نعشي

طول اليل روحي عليك ماكطعت نعاويها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

ياشمام كلبي انت يوليدي ونضر عيني
حاجيتك علي بدمعي ماتكعد تحاجيني
ماياذيني سهم الموت بعدك انت تاذيني
ما ابجي على روحي انه بس فكدك يبجيني

عيني العمت من مبجاي بس انت علي بيها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

يعطشان شكثر عطشان مو للماي لعيونك
حيات حسين ماتسواش لحضه بعد من دونك
الذبح خرب كشختك ليش وخاطف يالولد لونك
تنحط انت فوك راس مو مالت يذبحونك

بليلة موتتك يبني يكون الدنيه ابجيها
اريد من البواجي عليك بويه اعيوني اعميها

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
خرجت زينب هيه هاي الهضمه ياناس
خرجت زينب لجن ماكو وياها عباس

ــــــــــــــــــــــــــــــــــــــــــــــــــــــــــــــــــــــ

زينب طلــــــــــعت الوادم يصيحون
هاي الكبل مــــــــــــاشافتها العيون
شافــــــــــوها بجت ضلو يضحكون
طلع بالخيمه شيب بطلعت ام عون


هضيمه طول ام عون شافو
جفها بحــــبل شدو
متنها بسوط ضربو هضيمه

خرجت زينب والمصيبه تشيب الراس
خرجت زينب لجن ماكو وياها عباس


ــــــــــــــــــــــــــــــــــــــــــــــــــــــــــــــــــــــ

جابو ناكه هــــــــزله وبالمشي اتميل
وزينب كـــــــــام مدمعها دمه يسيل
مامتعوده تـــــــــــــركب عل مهازيل
تنـــــــــــخامن وهلها امسو مجاتيل

جريمه صوت الحره سمعو
اخوها حسين ذبحو
جماله بخيل سحكو جريمه

خرجت زينب الـ آخ سيف اتگطع الانفاس
خرجت زينب لجن ماكو وياها عباس

ــــــــــــــــــــــــــــــــــــــــــــــــــــــــــــــــــــــ

بدمع مـــــــو بالحبر ريت اكتبت هاي
اخ الشام تعـــــــــــــــب زينب اهواي
وسف تمــــــــــــشي بدين الالهم راي
بت ماي الله بــــــــس ماشاربه الماي


سيره وتطب ســـــوك ودواونين
مشت حيف اخت الحسين
بخرابه تغـــــــــــفه ياعين اسيره


خرجت زينب جلمه تجرّح لب الإحساس
خرجت زينب لجن مــــاكو وياها عباس

ــــــــــــــــــــــــــــــــــــــــــــــــــــــــــــــــــــــ

هاي البد مــــــــاتخطر على البال
اسيره اتـــــروح ويجروها بحبال
مصيـــــــبتها مصيبه اتهد الجبال
صعبه ام عون توكف بين الرجال


سبيه متلوك لـــــــــها والله
جرح مايحصل ادواه
لحك يـــــــاحسيناه سبيه

خرجت زينب ضلها وسفه اتشوفه الارجاس
خرجت زينب لجن مــــاكو ويــــــاها عباس

ــــــــــــــــــــــــــــــــــــــــــــــــــــــــــــــــــــــ

مو مــــــن السبي دم تهمل العين
زينب مـــــــوتاها افراك الحسين
جانت وين بس هسه اصبحت وين
مـــــــن اخيام الدلال وللدواوين

حرمات مثلها تنسبي شلون
اخت كفال الضعون
وتالي تنطك ام عون حرمات

خرجت زينب وبالمدينه صوفر الياس
خرجت زينب لجن ماكو وياها عباس

ــــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
لا تجيني خافن اتموتين لو شفتيني مذبوح
لا تجيني جسمي ماينعرف زينب من الجروح

لا تجيني لا تجيني
ــــــــــــــــــــــــــــــــــــــــــــــــــــــــــــــــــــــ

جسمي ماينعرف صاير الطعنه فوك الطعنه صارت
اسيوف ورماح وخناجر من طحت عل جسد دارت
والمصيبه نوب زينب الخيل فوك اضلوعي جالت
وسهم المثلث كتلني وروحي من الوجع طاحت


يختي الألم مـــاينحمل دوم خويه
توجعني صارت حته الهدوم خويه
بحالي ابد مـــارحمة الكوم خويه

ها يزينب اجروحي مو هينه وغلاتج حيل كلفه
ها يزينب برجله يـــرفسني الشمر تاليها وسفه

لا تجيني لا تجيني

ــــــــــــــــــــــــــــــــــــــــــــــــــــــــــــــــــــــ

جان اخـــر نفس بيه والصـــــــريخ بترس سمعي
حاولت للخـــــــيمه اردن كمت بس انكسر ضلعي
طحت عل كاع عله وجهي ونخلط دمي ويدمعي
يختي شلت ايدي وصحتلج للخيم زينب ارجعي

ناس الجــــــــــتج مايرحمون خويه
طولج هضيمه اتشوفه العيون خويه
يابعد اخـــــوج وكلبه يم عون خويه

صعبه هاي بذبحــــــتي ياكسرتج كسره جبيره
صعبه هاي المثلج انتي اكبر حرام اتروح اسيره

لا تجيني لا تجيني

ــــــــــــــــــــــــــــــــــــــــــــــــــــــــــــــــــــــ

شرد اسولفلج يزينب وشحجي عن البيه صاير
هم يرد يوكف بطــوله الينكسر بضلوعه حافر
من طحت شافــوني ليره ركضت عليه العشاير
اتزاودو يخـــــتي عليه وعيد عدهم يوم عاشر

يم راسي اسمع صوت عسكر خويه
ياهو اليـــــذبحه وياخذ اكثر خويه
وانه الهـــــــوه بصدري تكسر خويه

فرهدوني وانه حافر خيل طابع فوك ضلعي
فرهدوني باكو المحبس وكطعو حته اصبعي

لاتجيني لا تجيني

ــــــــــــــــــــــــــــــــــــــــــــــــــــــــــــــــــــــ

انه جـــــــــوه الخيل وانتي ابد مافاركتي بالي
بحالتج يم اعـــــــــون افكر ما افكر تره بحالي
انه روحج وانت روحي الغالي يشده باله غالي
من كثر دوس الحـــــوافر ضلع سالم مابقالي

جسمي انرمها بسهام وحجار خويه
من الدوس اخبرج صار طشار خويه
ومثل الخيم كلبي اشتعل نار خويه

ناري كبره اشد مــــــــــن نار المخيم نار بيه
ناري كبره ياهضــــــــــيمتنه لمن رحتي سبيه

لا تجيني لا تجيني
ــــــــــــــــــــــــــــــــــــــــــــــــــــــــــــــــــــــ

انه اخوج المن ضـــــــلوعه طلع من الوجع كلبه
هاج نحري وشوفي خويه بي اثر ال١٢ ضربه
ذبحتي والســــحك كله سهله بس السبي صعبه
الحيل هضـــــمتني يزينب وكفتج مابين غربه

طاري اليسر يم عون ذباح خويه
التنسبي اخته شلون يرتاح خويه
ينعاج راسي فوك الرماح خويه

فوك رمحه راسي يبجي عليج طول الدرب يم اعون
فوك رمحه من الشمس ضل واكف وفي عله الضعون

لا تجيني لا تجيني

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
Forwarded from الشاعر حسن ميثاق الربيعــي (حـسـن ميثـاق الربـيعـي | ابو علي |)
هذا اليوم في الحسينية
دار خادم اهل البيت كاظم الطليباوي
مع ملا منتظر الربيعي
الشاعر عباس هابيل الزينبي
والشاعر حسين عبد الزهرة الدراجي
والشاعر علي هادي الخزعلي
والشاعر والملحن مرتجى المنصوري
وجمع من خدام الحسين ع
نعم المعازيب اهل بغداد الطيبين ادام الله توفيقاتهم
حلم نرجــــــــع بعد يحسين نلتم
صــــــــــارت سالفتنه منكعه بدم
مصخت والحجي راس برمح صار
يالكلبك مثل جســــــــــمك تثلم

يالصـــــــاير جرح كلك
يريت انــه انوجع مثلك
حلوك اسيوفهم يحسين
عبرت وصــــــلت الضلك

يخويه اجيت ودمعتي تسولف بالعيون
يخويه لكيت الناس عد راسك يضحكون
يخويه احس اتكلي ارجعي فدوه يم اعون

حسين واويلاه حسين واويلاه

ــــــــــــــــــــــــــــــــــــــــــــــــــــــــــــ

شكلك والحـــــــجي بالساني يعثر
من باوعــــــــــت بيك الشمر ينحر
وشوفك انت ترفس والهوه يضيج
وصيحن عـــوف اخوي الله واكبر

الشمر خويه اعتله صدرك
اثنعش طبره اجـه يطبرك
ونــــــوب المصيبه الخيل
مامش حــــــــــافر يعبرك

يخويه وصل للخيمه ثوبك بالحوافر
يخويه مايتسولف البيك انت صاير
يخويه طلع برموشي شيب بيوم عاشر

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

شكلك والحــــــــــجي مكسر بالعيون
ياقــــــــــران بســــــــــورّك يذبحون
حرت مــــــــــابيني خويه وبينك انته
افكر بيك مــــــــــدري بضيم المتون

حرت وبـــروحي شبت نار
افــــــــــكر بيك بيه احتار
شفتك ونهـــضمت عليك
لكيت اجـــروح بيك اكبار

يخويه ولكيت العطش شارب ذيج الرسوم
يخويه وذباحك شفت يــــــم راسك يحوم
يخويه بحصيره حسين جسمك شفته ملموم

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

ذبلت وكف نضرهه من البجي العين
وصرت عطشانه مو للماي الحسين
عكب عـــــزي ودلالي وهيبتي وياك
صــــــــرت مسبيه ودخل للدواوين

ولمن طبيت للديوان
وعلي تتفرج العربان
احس ابكلبي وجت نار
ومن عيني طلع دخان

يخويه وهضمك لو كلت طكوني بحجار
يخويه وعليه اتمرجلت الزغار وكبار
يخويه بغيابك كمت اطفي انار بنار

حسين واويلاه حسين واويلاه

ــــــــــــــــــــــــــــــــــــــــــــــــــــــــــــ



تره المثلي هضيمه تركب النوك
يجتفوني ويشوفوني ادخل بسوك
صعبه عله الهواشم هايه يحسين
المصيبه الجاتلك بضعونك يسوك

سبايه وتنــــــحب عيالك
ومشــــــــينه براي جتالك
وكل لحضه التمرنه انموت
وماتت خــــــوف اطفالك

يخويه مصيبتنه مصيبه من انسبينه
يخويه راسك يبجي يبن امي البجينه
يخويه وناس الشام مــــارحبت بينه

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

حسين عبد الزهرة الدراجي
يايمه يايمه ونيني انت اتسمعه
يايمه يايمه عد راسك انعه
يبني المذبوح ومتروس اجروح

عدك راسك انعه

ــــــــــــــــــــــــــــــــــــــــــــــــــــــــــــــــــــــ

طريح ذبيح وشفتك تتلوه من اجروحك
طحت شفت دوس الخيل مطلع روحك

يا اغله واحد بالضنه
حاجيني جلمه امك انا
بصدرك اثر حافر شفت
بجتلك تره ضهري نحنا

ياويلي ياويلي شصاير برسومك
ياويلي ياويلي مسلبين اهدومك

وبالحر مطروح ومتروس اجروح

عد راسك انعه

ـــــــــــــــــــــــــــــــــــــــــــــــــــــــــــــــــــــــــــــــــــ

اجيت والكيت صدرك يمه بخيل مرضرض
نعيت وبجيت بلكت تسمع وني وتنهض

كضيت ضلعي وحنبت
وطيحت نده كبالك طحت
من شفـــــــــــــتك اكبالي تون
مـــــــــــــن البجي يمك متت


يوليدي يوليدي ذبحك موتني
يوليدي يوليدي جرحك يوجعني

شيبني النوح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ

حسين عاليش بالهيمه مطشرين ضلوعك
خضيب عجيب والخيماتك تجري ادموعك

للخيمه دمعاتك تسح
رغم انت كاضيك الذبح
بجسمك يبعد امك شفت
الف وتسع مية جرح

اه يبني اه يبني حركوها اخيامك
اه يبني اه يبني مطحونه اعظامك

ماضلت روح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ


بنحيب وثغيب بضهر العاشر من اوصلتك
يحيف شفت برجله الشمر يكلب جثتك

يايمه احس ضاك النفس
بضلعك لمن شفته رفس
يحسين يانبض الكلب
من مثلي ابجروحك يحس


ذباحك ذباحك فرحان بذبحك
ذباحك ذباحك يم راسك يضحك

وجرحك مفتوح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ

دمه وضمه ومامش ناس لي رحمونك
كمت امسحت الدم الجامد فوك اعيونك

حاه ياليل اهدعش
دمك عله الكاع انفرش
مطروح باقي بلا غسل
ذبلان من كد العطش

بعيونك بعيونك شاهدت المنضر
بعيونك بعيونك ركضات الخدر

وجفنك مشبوح ومتروس اجروح

ـــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
طبــــــــــينه للشام ابمهازل
وتمــــــــــيل بسوك المحامل
يضحكون واحنه الدمع سايل
ملكاهه مــــــــــوزين القبايل

موش اهل ملكه ناس الشام كلها

ــــــــــــــــــــــــــــــــــــــــــــــــــــــــــــ
يحسين كــــــــــونك تدري بينه
مكيفه الخلك خويه بسبينه
واحنه الحــــــــــبل ياكل بدينه
يضــــــــــحكون لو سمعو بجينه

ضحكت الشامي رمح بضلوعي زينب

ــــــــــــــــــــــــــــــــــــــــــــــــــــــــــــ


ماجانــــــــــت عله البال هايه
نســــــــوانكم تطـــــــلع سبايه
وجتالـــــــكم نمـــــــشي برايه
وجــــــــدامنه شــــــكو الرايه

الرايه شكوها هضيمه اكبال عيني
السلام عليك يا اباعبدالله

ــــــــــــــــــــــــــــــــــــــــــــــــــــــــــــ

يالمطشر وذر عـــــــل كاع كلي شيجمع اوصالك
عمت عيني عليك حسين الخيل اشسوت بحالك
انذبحت من الكفه مولاي وسبايه راحت اعيالك
المــــــاي لبي حيــــــــاة الناس انت الماي جتالك


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

اجاك الماي بــــــس خجلان كعد يم منحرك صله
ولو مايسوه صــــــار الماي جي ماضاكه عبد الله
جمالك طشرو بالخــــــــــيل دخيلك ياجمال الله
طحت عل كاع بس يحسين مافزعولك أسم الله


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

من اجروحك جـــــــرح رايد اريد استشعر الامك
وعلــــــــمني اعيشك اخ يالمســــــــلوب هندامك
اريـــــد الخيل تسحكني مثل ماسحكت اعضامك
كون اعصرلك اعيوني ورش ميهن عله اخيامك


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

وحيد وطايح ومكــسور وماضل واحد ينصرك
وفوكك يفـــــتر الذبــــــــاح يريد بنحرك يطبرك
والله للشم مســــــــويه لا مـــــــو للذبح نحرك
السهم طك صدرك وعابر وطالع من خرز ضهرك


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

مثل ماي وطحت عل كاع ياهو اليكدر يلمك
من كثر السهام البيك ضـــــــل مايعرف جسمك
كبل ذبحـــــــــك يبو الاكبر تمنت زينب اتشمك
رمـــــح الشال راسك ذاك خضر من شرب دمك


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

اشماله الماي شـــــد وياك ومالامس اشفافك ليش
تحيه انت ويموت الماي شنهي الماي حته يعيش
بجسمك باوعت مولاي ماكو اصواب لك بالريش
باجر لــــــو متت عطــشان يحسين اتعوض بيش

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

بكاروكي وهلي يحــــــسين زرعو بالكلب حبك
هنيالي وبخــــيت اهواي كون انه ادخل الكلبك
انطيني اي جــــــرح منك كـــون بكربله معذبك
بس الخـــــوش زلمه وزين يثبت سيدي بدربك


السلام عليك يا اباعبدالله

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي
عمه حـــــاجي الحادي يريض بممشانه
ضامي كلبي وخــــايفه وسوطهم اذانه
عمه شوفي اعيوني من العطش ذبلانه
احنه ماحـــــــــــــــاربنه شمالهم ويانه

من الحبل ياعمه توجعني اديه
انه شمسويه ويكـــودوني سبيه
عمه والحداي ماكو بكلبه رحمه

زغيره بس السبي شيبني وهضمني
ليش كلساع الشمر جاني وضربني
متني من اسياطه صارت بيه ورمه

عمه زينب وين اهلنه وين اهلنه

ــــــــــــــــــــــــــــــــــــــــــــــــــــــــــــــــــــــ

احنه شمسويلهم ماي ماينطونه
ليش هاي الوادم بلا هله تلكونه
زغارهم وكبارهم بالحجر طكونه
احنه شمحاجينهم خاطر يسبونه

شعدها شو فرحانه ياعمه القبايل
وبطــــــــــبل عمه تلكونه وهلاهل
عيد عـــــــدهم لو مكيفين بسبينه

واحنه بس نسوان ودموع اتجاره
وراس عمنه على الرمح تجوينه ناره
جي يشوف ادموعنه ويسمع بجينه


عمه زينب وين اهلنه وين اهلنه

ــــــــــــــــــــــــــــــــــــــــــــــــــــــــــــــــــــــ

دمعتي اكبر مني بخدي من اتلالي
عمه حته الناكه تبجي حرگه الحالي
الوجع موت ايدي عمه فكي احبالي
الشمر حته بنومي يطكني يتراوالي

من انام احلم بسوط وحرك خيمه
وتعرض كبالي مشاهدنه الاليمه
وجم جرح ياعمه شفت بهل مشاهد

خايفه من اعيونهم شفتج تفرين
وعلى ابوي حسين بالهيمه تدورين
وأنه اشوفنه على صدر الشمر كاعد

عمه زينب وين اهلنه وين اهلنه

ــــــــــــــــــــــــــــــــــــــــــــــــــــــــــــــــــــــ

عمت عين الـــــدنيه الهيج دارت بينه
مـــــــــــــــدللات الزهرة ننسبي تالينه
هل ارض نملـــــكها وبالخرابه اصفينه
بجتل ابونه وعمنه الناس شمتت بينه

عمه ناس الشام مابيهم محنه
ماتلكـــــــونه مثل ملكه اهلنه
بالخرابه وعل ترايب كعدونه

عمه والتبـــــــجي بمتنها يضربوها
وليش سكنه اختي خطيه يعذبوها
ويلي ونـــــــــواع الشتايم سمعونه

عمه زينب وين اهلنه وين اهلنه

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
حسين ياخويه حسين ياخويه

هذا انت صــــــدك يحسين مامعقوله هذا انته
شمسوي انت حته الخيل جسمك هيج دايسته
غاد مــن الجسد مشمور اصبعك خويه باوعته
وراسك بالجحر مضروب وجسمك حايره بلمته

ألم شلون وانـــــت بكل كتر وذره
كبلك مــــــاكو جثه بهيمه مطشره
بحصيره اكبر حرام انلمت العشره

كونك تكــــــــعد لنه
يبن امـــــــي انهبنه
تعال وشوفنه شلون
ضعنه بــــــلا خيمنه

ــــــــــــــــــــــــــــــــــــــــــــــــــــــــــــــــــــــ

مهنا بنومتك يـــــــــحسين نام ولا يضل بالك
انه اختك يروح اختك ابروحي افديهم عيالك
بس الهضمه يبن امـــــي جتفني بحبله جتالك
يبرالي علي مــــــــن امشي وانت الاخ تبرالك

انـــــــــت ارتاح خويه وانه راح امشي
وموش ابناكه اركــــــــب راكبه بنعشي
جنت كلشي انت عندي وضيعت كلشي

ويــــــن الجاب اخيته
رحت عــــل ناكه ميته
اخ الشام يــــــــحسين
ميته ولا دخـــــــــــلته

ــــــــــــــــــــــــــــــــــــــــــــــــــــــــــــــــــــــ

حداي الضــــــــعن يحسين ذرت رحمه ماعنده
جتفني وجابني بسوطه ومن يم جسمك اتعده
الحبل بجفوفي مـــــو بهداي خويه بقوته شده
ديرتهم مناجل شـــــــوف تحصد لون كل ورده

طب لديارهم ضعني وهاك اشصار
حته زغارهم تكطف علينه احجار
اشاكف عني عن أطفالك انه احتار

ناس بلا رحم هاي
يمنه وبـــدو الماي
شمسويه انه يحسين
وشدو هيج وياي

ــــــــــــــــــــــــــــــــــــــــــــــــــــــــــــــــــــــ

شما نضرت علينه اعيون ياخذنه الخجل ونموت
ولو ردنه نــــــــون عليك يبني امي نون بسكوت
الهوه خنجر ابذاك السوك بريتنه تره من يفوت
من كثر البجي بالشام ماضل عد اخيتك صوت


ياخذنه التعب ونام فوك النوك
اخ السوك اخ السوك اخ السوك
مسبيات هاي الجلمه ابد متلوك

راسك بـــــاوع لنه
يبجي من انضربنه
عطشنه مانطو ماي
من المــدمع شربنه

ــــــــــــــــــــــــــــــــــــــــــــــــــــــــــــــــــــــ

موحلوه بخـــــــــــرابه انبات لابيها سكف لا باب
ملتمات بـــــــــــس للنوح مو لمت ضحك وحباب
نبجي احنه ودمعنه يطيح ويجينه يضحك السلاب
تطيح ادموعنه سهله بس صعبه يطيح احجاب


يضحك من يشوف اطيح دمعتنه
زحمه ابنص غرب يحسين كعدتنه
روس النوك شابت من مصيبتنه


لمن اشكي لمن
ريحت موت اشمن
من كد مابجي عليك
راح عيوني يعمن


ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
حسين خدمتك نوماسنه
حسين ياشريج انفاسنه
حسين يالسكنت احساسنه

ــــــــــــــــــــــــــــــــــــــــــــــــــــــــــــــــــــــ

الراي بيدك وانــــت صاحب راينه
جود اســـــــــــمك منه ينبع ماينه
انت ماي وجوهنه وانــــت الحنين
خدم عـــــــــــدك بس ابد ما ذالنه


الله جاعل خيره كله بين اديك
انت شيخ الخدم من يعله عليك
كلها ودايه تضل وانت الكليط
يورد اليابـــس اذا سولفنه بيك


بصايتك غطينه الخيمتك ودينه
مامشينه بكيفنه بكيفك اتمشينه


حسين ماكو من حنيتك
حسين لافنه بخاجيتك
حسين تراب حطنه بيتك


ــــــــــــــــــــــــــــــــــــــــــــــــــــــــــــــــــــــ

اشما لطمنه عليك يمـــحير العقول
مانوفي سحكه مــــن ذيج الخيول
ياابن اشـــــــــــرف سلاله ياحسين
مانوصفك شعره والله اشما نكول


صـــــــــورتك ببيوت اهالينه حرز
للقصيده انت الصدر وانت العجز
ضامين احـــــروفك ابنص الدليل
يابــــــو الاكبر مثل مضمام الكنز


اشكد بخيته كلوبنه من صرت محبوبنه
باجــــــر ابدمعاتنه ينخــــــتم مكتوبنه


حسين ياربيع ايامنه
حسين انت كل احلامنه
حسين بيك شامخ هامنه

ــــــــــــــــــــــــــــــــــــــــــــــــــــــــــــــــــــــ

نذبل وتحيينه دمـــــــــــعات العزاء
مايمـــــــــوت الكلبه يعشك كربلاء
حسين يــــــااول عشك جاس الدليل
مجلسك بي لــــــــــذه لو عج بالبكاء


كلشي سنطه وبـــس دمعنه الينسمع
الغير حــــــزنك زحمه لو صب الدمع
عليك متنه يالمتت ضـــــامي وذبيح
اشعلنه بخيامــــــك يبو الاكبر شمع


ياعزيز اسكينه هـــاك اخذ بيدينه
كضنه كضت سيفك وبالخيم دلينه

حسين انـــــريد دوم ابكربك
حسين ماكو احن من كلبك
حسين الخير كــــله بدربك

ــــــــــــــــــــــــــــــــــــــــــــــــــــــــــــــــــــــ

سيدي فضــــلك عله الخادم جبير
واليخدمك مـــــــو عبد لا بل أمير
مانجازيك احنه لـــو نفدي النحور
يابوجف الترس جف الدنيه خير


ياغريب وللخدم صـــــــــــاير وطن
ادخيل بختك يـــــاعزيز ام الحسن
بكيفك وطوع امرك احنه اشماتريد
ماي اخذنه وطشنه بيدك عل ضعن


يالغريبه عيالك مانجازي افضالك
انت ابونه وعشنه ياحسين بجالك


حسين يالعشت ابنفاسنه
حسين بيدك امسح راسنه
حسين فقــط حبك جاسنه

ــــــــــــــــــــــــــــــــــــــــــــــــــــــــــــــــــــــ

ادخيل حــــــاجب عينك المثل الهلال
مو حرام الحب لــــــــــك رب الحلال
غيرتني خـــــــدمتك يـــــــــبن البتول
من اسوء الحال وصرت بحسن الحال


نصـــــــــــرتي لكم معـــــده بكل زمن
عمري دمعه وطاحت بممشه الضعن
غير الله وهــــــــل خدامه اشعدي انا
وكل مسيه ادعـــي الفرج ابن الحسن


من يجينه برايته انصير تحت ولايته
الثار باجر يرجع بصاية الله وصايته


حسين باجــــر يصفيها
حسين من يجي مهديها
حسين ياهـــــلا براعيها

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي
2025/07/08 00:31:42
Back to Top
HTML Embed Code: