علي وباخلاص سرنه . ويه دِينه
وبصمنه بعشر اصابع . وايدينه
اگلوب ارتفعت النه . وي ادينه
تبايع وبنبض تاخذ تحيه
🌷🌷🌷🌷🌷🌷🌷🌷🌷🌷🌷🌷

شيعه و النه طاري الفخر . عاده
ينشد امه مَن للوصي . عاده
الدين اكتمل بيه و علن . عيده
علي اصبح امام اعل البريه

🌺🌺🌺🌺🌺🌺🌺🌺🌺🌺🌺🌺
سيد خضر الزاملي



@HxzEU1

#قناه_نشر_القصائد_المنبريه

اللهم والي من والاه
اللهم عادي من عاداه
...................

فرحان واتفاخر بولاية علي
حبيته وواليته يانعمه الولي
فرض الحب ياسامع من ربنه العلي
ساكن گلبي وروحي عشكي الأولى

ماعوفه.. وبحروفه.. ضل گلبي يدك
حبيته.. وسميته.. ياحبي الصدك
من دونه.. وعيونه.. مايسوه العشك

اللهم والي من والاه
اللهم عادي من عاداه
.........................

عيد الله الاكبر حبه امن الازل
بحيدر يوم البيعه دين الله اكتمل
متمسك گلبي ايضل ابخير العمل
بحبه امأمن روحي ومامرني الوجل

عاهدته.. وبايعته.. اشهد يازمن
بحساسي.. وانفاسي.. حسيته الوطن
حادينه.. وينقذنه.. حبه امن الفتن

اللهم والي من والاه
اللهم عادي من عاداه
.......................

نجمه تغازل نجمه بعشك المرتضى
وصوت الحق من طه ايغث المارضه
هليله بكل محفل هنياله الحضه
حيدر اسمه الليله دووه بكل فضه

والينه.. ويروينه.. من حوض الضمه
شال ايده.. بتايده.. والد فاطمه
ويانه.. فرحانه.. املاك السمه

اللهم والي من والاه
اللهم عادي من عاداه
.........................

ياحيدر كلمتنه نحجيها بفخر
كالو رابع وانته الأول علبشر
واليسئل عن زودك يسمع هل خبر
خيبر ضهره بجفك مولاي انكسر

لحروبك.. وجفوفك.. تشهد خيبره
شيفسرك .. يالمثلك.. ماجابت مره
ياقائد.. يا والد.. سبع الكنطره

اللهم والي من والاه
اللهم عادي من عاداه
........................

اسمك يابو الحمله بالعرش انكتب
ياحيدر بافعالك عجبت العجب
عايش عيشة فقره وطلكت الذهب
تبت ايد الناصب ياحيدر وتب

ايامي.. واحلامي.. ناذرهن الك
علاني.. وخلاني.. حبك جن مَلك
وبكيفك.. يالبيدك.. دوران الفلك

اللهم والي من والاه
اللهم عادي من عاداه


محمد هادي العقابي




@HxzEU1

#قناه_نشر_القصائد_المنبريه

مبارك عليكم عيد الغدير


مِن قبلِ آدمَ كانَ حَيدرةٌ ولي
قد خصَّهُ اللهُ القَديرُ بِمنزلِ

قبلَ البرايا قبلَ كُلِ خَليقةٍ
هوَ حُجةُ اللهِ التي لا تَنجلي

مُذ كانَ في الأصلابِ صارَ خليفةً
لا ريبَ في هذا ولا مُتأوّلِ

فهوَ العليُ بهِ تكاملُ دينُهُ
وهو العليُ وصارَ أولَ أوّلِ

من يجهَلُ التَنصيبَ خمَ غديرِهِ ؟
إذ قامَ طه صارخاً هذا علي

____

مَن كَنتُ مَولاهُ أنا فالمُرتضَى
إمامُهُ واللهُ في ذاكَ قَضا

هذا غَديرٌ شاهدٌ على الملا
من يَخلِفِ العهدَ ففي نارِ اللظى

اليومَ اتممتُ عليكم نَعمتي
اليوم اكملتُ لكم فرضَ القَضا

قد بلّغَ اللهُ لكم رسالةً
ذا حيدرٌ وليكُم مهما اقتضى

جِبريلُ طافَ بهجةً أُفقَ السما
والعرشُ أرتدى ثياباً ابيضا

وقد تعالتْ صَرخةٌ أيا علي
انتَ الخليفةُ الذي قد فُرضا

علي حبيب الشابي



@HxzEU1

#قناه_نشر_القصائد_المنبريه

مولد لعيد الغدير الاغر


عيد الله هذا اليوم   فرحة فرحة
وتفرح المهموم    فرحة فرحة
يا رب علينا ادوم  فرحة فرحة
===================
الليلة عيد الله الچبير الليلة
بفرحة الامام المهدي انهنيلة
يا ربي عجل بالفرج ندعيلة
وعيد الغدير بكل سنة نحييلة

عيدك مامش مثلة
ياحيدر نهتفلة
والبيعة انجددلة
وفرحانة.. وفرحانة.. وفرحانة هاليوم الشيعة
==================
فرحانة بي جن وانس فرحانة
والي يحبنة خل يگول ويانة
انبايع علي ليوم الحشر مولانة
عيد الولاية ابخم ثبت عنوانة

نعمة من الله اطانة
والينة ومولانة
ابعيدة الكل فرحانة
والينة .. والينة.. والينة حيدر للمحشر
===================
فاز التمسك بيك الف هنيالة
والشيعي هاليوم الفرح يحلالة
شموع الفرح حيدر علي جبنالة
وخلها تموت من الحقد عذالة

فاز الحبك حيدر
والي يبغضك يخسر
يا سقاي الكوثر
تروينة .. تروينة .. تروينة من ماي الكوثر
====================
خلها النواصب خل تبغضك خلها
وتقذف سموم اعلينا وتأولها
هاي القضية والله يصعب حلها
غــــير الولاية الله المـــنزلها

الله اختارك والي
غالي وحبك غالي
ابحبك لا منبالي
خليها.. خليها.. خليها تبغض عدوانة
======================
اسالكم الدعاء رائد الاسدي




@HxzEU1

#قناه_نشر_القصائد_المنبريه

خطيت يابو الحسن وسط الكلب / لافته //

يالفته بـيك النبي اوغيــــرك بد //لا فته//

  والـــدنيا   مـاغرتك غيرك تـــره //لافته//

  بالظم ويه الشــــرك لفت أميــــة/ اوعمر //

وليكـــصد   ازيارتك عدال  حجه// اوعمر//

اومانترك محبتك    والشال  دينه //أوعمر//

ووجــوه كل البــشر يــم حظـرتك //لافته‏//

الشاعر خـالد جــودي الـعارضي



@HxzEU1

#قناه_نشر_القصائد_المنبريه

#هوسات #للغدير


الولايـة و الامامة منو البيهه انخَص؟
والـتـبـلـيـغ آيــــه بـمـنـو تـتـلـخَـص
نزل نَص بعلي ولأسمه النبي شخّص
اجتهاد الشورىٰ معناهه قِـبـال النَص

       والراده الله الشيعه اتريده

                    *---------------*---------------*

يا تـاريـخ خُط هذا الحچي دسـتـور
فـرح يوم الـغـديـر بگد حزن عاشور
الحگ ويـه عـلـي ويدور ويـن ايدور
علي عيد الله الاكبر عيده ويشع نور

         ويا عيد المثله امعيدينه

                    *---------------*---------------*

  ✍️خادم الحسين ع
الشاعر سعد هادي الشمري



@HxzEU1

#قناه_نشر_القصائد_المنبريه

#محرم1446


غم رايك يماي وعاب هذا الراي
شرّاي الحسين وگتله مـــوشرّاي
شگد قدرك نزل
تجري بلا خجل
غم رايك يماي وعاب هذا الراي
،،،،،،،،
گبل چنت اعتقد سر الحياة انته
وهسه تأكدت وجه الله موتــــــه
حسين من العطش متفطره شفـته
وليش السانه مثل الخشبه حولتـه

يالحطيت أيدك بيد أشر النـــــــاس
وعفت چفوف راعي الموزمه عباس
أعظيده امن نچتل
تجري بلاخـــــجل
غم رايك يماي وعاب هذا الراي
،،،،،،،،،
ذنبك موسهل ما واحد يغفــــــــره
اله عليك ترضه فاطمه الزهـــــــره
وانته وليدها بيه خلفت حســـــــره
بچبده أظماك نار وميت الف جمره

باچر بالحشر تعطش يماي شــــلون
بديها الكوثر الزهره وتضل مـــديون
تسألك محتمل
تجري بلاخجل
غم رايك يماي وعاب هذا الراي
،،،،،،،،،،
قدملك گمر يسوه السمه وليلـــــــه
وسيفك چان حاد ويذبح بحـــيلــه
گطعت جفوف كافل عيله من عيله
رفظت حسين قطرة ماي تنـطيلـــه

شنهي قصتك يامي وي حســــــين
مات من العطش وانته عدل للحين
يمعطش الأمل
تجري بلاخجل
غم رايك يماي وعاب هذا الراي
،،،،،،،،
بوس جدام كل واحد مشه يزوره
على الخدام وزع مايك انـــــــذوره
قطره تصير يم حسين وبـــــحوره
حسين الدنيه تشرب كلها من نوره

حسين تفطرت شفتينه ونته تفور
ودموع اليتامه تشبه الناعـــــــــور
منعندك زعــــــل
تجري بلاخجــل
غم رايك يماي وعاب هذا الراي
،،،،،،
چبد حسين من گد الظمه تفطر
شال ابنه وتصوب ابنه بالمنحــر
گلبك لوصخر چا لان وتفســـــــر
باچر تنسئل ياماي بالمحشـــــــر

رد شايل رظيعه للخيم مذبوح
وبّاب الخيم امه الرباب تنـــوح

يافشل الفشـل
تجري بلاخجل
غم رايك يماي وعاب هذا الراي
،،،،،،،،

خادم الحسين ع
محمد الفهداوي




@HxzEU1

#قناه_نشر_القصائد_المنبريه

#محرم1446



جمعن خواتي هدومهن
ولاح الحــزن برسومهن
بچتني اختي الغاليه رقيه
تبچي تضل كلما تصد عليه
،،،،،،،
رقيه بداعة الزهره
احلفچ گعد وحچيلي
نظرتچ صوبت گلبي
اضل لو امشي گليلي
اكض بمتنچ وأمشي
بعد ياهو اليتچيلي
تهون عليچ عشرتنه
يخيتي ويابعد حيلي

وي هدمچ اخذي عيوني
ولوبيدي اودي متوني
نضرة موادع گاصدة المنيه
تبچي تظل كلما تصد عليه
،،،،،،،
سكينه بداعت دموعچ
صدگ ما امشي وياكم
ونه الماتغمض عيوني
شرط اله اعله طرواكم
سوالفكم دوه الروحي
يَخيتي حيره شنساكم
شكو بعيني دمع جبته
الچ وخذيه بمسراكم

الماراح وي ٱحبابه
حدر الضلوع ٱصوابه
عذرني جنها تگلي موبديه
تبچي تضل كلماتصد عليه
،،،،،،،
يعبد الله ونظر عيني
اخذ نحري فده النحرك
زغير انته وچبير الطف
يمن عمري فده العمرك
العطش كل رحمه ماعنده
يورده ويفتك بعطرك
اريد بدمعتك تحچي
لبونه ولأبو يقدرك

بلكت اروح وياكم
وگظي العمر بحماكم
شمحله السفر من ننجمع سويه
تبچي تظل كلما تصد عليه
،،،،،،
اروح العمي وشكيله
وگله الوحده كتاله
شبدر مني وابوي حسين
تركني وجهز عياله
اعرف اني الگمر عمي
من اجيله بدمعه هماله
يسكتني ويفرحني
حنين وداعة افعاله

لوشاف عمي دموعي
لازم يحل موضوعي
راح انه احلفه بفاطمه الزجيه
تبحي تظل كلما تصد عليه
،،،،،،،
الشبيه المصطفى اگصد
وحلفه بداعت الخدر
وگله شلون ترضاها
تعوف اختك علي الاكبر
اذا خايف يجيني الموت
اگله چارقيه ازغر
وذا تحمل سفر هيه
اختها اني ومثلها اگدر

بلا فرحه اضلآ صايمه
وي المصايب هايمه
دمعاتها بيهن قصص رزيه
تبچي تضل كلما تصد عليه
،،،،،

لخادم الحسين ع
محمد الفهداوي




@HxzEU1

#قناه_نشر_القصائد_المنبريه

#محرم1446



ماجربت يسحين الفراگ
هلگد يعذب والله مشتاگ

نبض الگلب يحسين يحسين
ويوميه اموت عليك مرتين
،،،،،،،،،،،،،،،،،
بزيارتك سر سيدي
سر الوجود اتوقع
مشتاگ أَعَفّر جبهتي
عله اعتابك اني ارد اركع
لوطاري اسمك ينذكر
يرجف دليلي ويخشع
ومشي بصفنتي الكربله
ومن حلمي ماريد ارجع

اتمنه اسمي ينكتب كون
بدفتر حبيب وداعة ام عون
شمحله الهوه بين الحضرتين
ويوميه اموت عليك مرتين
،،،،،،،،،،
يالعودتني من الزغر
انه اغفه بين احضانك
ومامره اذكر سيدي
لحضه انهجر ديوانك
لسابع سمه صيتك وصل
وغرگني جود احسانك
يملوحة الطف كل فجر
انه استمع قرانك

لزيارتك يحسين حنيت
لو ما ازورك انحسب ميت
كل لحضه تنعد سيدي سنين
ويميه اموت عليك مرتين
،،،،،،،،
حن الگلب لزيارتك
يالساكن بنص روحي
كل ليله من ليل الهجر
انه انسبي أوي جىروحي
سابع سلف ضل يستمع
حزني وعذابي ونوحي
ياروحي چا يمته التقي
وي سيدي ومذبوحي

بدلالي شلتك سيدي صواب
ومن مهدي عشت بنار المصاب
وداعت حسرتي ودمعة العين
يوميه اموت عليك مرتين
،،،،،،،،،
عطشانه عيني الحظرتك
بس گبتّك تروني
لوماكو مشايه انتهي
وتبره من رجليني
عبدك وبن عبدك اضل
خادم الك يحسيني
بعمري أشتريها زيارتك
وبأي ثمن تدريني

مابالغت وجفوف عباس
انته شريك الدم والأنفاس
صاحب وجه ماعندي وجهين
يوميه اموت عليك مرتين
،،،،،،،،،،
لخادم الحسين ع
محمد الفهداوي




@HxzEU1

#قناه_نشر_القصائد_المنبريه

#محرم1446



گبل ماتمشي يحسين عليه الفاتحه اقره
صحـت ناوي السفر وين يريحانة الزهـره

وحگ بوسة محمد فوگ نحرك
اموتاً بس اضل يوليدي انطرك
تجيني تجيني
،،،،،،،،
تفرهــــدّنّي الظنون وداعة عيونــــك
شتتوقع اعيشاً يمه من دونــــــــــك
اموتاً بس اضل أمناطره ضــــعونك
يمهجــة فاطمة بس لا يذبــــــحونك

فده النحرك تمنيت ييمه هذا نحـري
گبر مندونك البيـت اذا ترحل يعمري

اموتن من افارگ طيب عطــرك
وحگ بوست محمد فوگ نحرك
،،،،،،،،
نويت تروح عني وماترد ليـــــه
يسباح الگلب يانسمة الريــــــــه
اذا وجهك حبيبي ماشفت ظــيه
على الدنيه السلام بعيني مفنيه

اذا لعيونك اشتاگ شسوي باچر اني
اموتن من الفــراگ وگولآ مانســـاني

الشهاده وياگ تمشي ارد ابشرك
وحگ بوست محمد فوگ نحرك
،،،،،،
يبني لو مشيت عيوني ماتغفـــه
تبچيلك بچي ما واحد يوصفـه
گلبي شگد يحبك ونته التعرفـه
نارك من تغيب بگلبي ماتطفــــه

اخذ يحسين العيون بعد چاشلي بيهن
اموتن من تـبعدون يعذبني بچيهـــــن

اذا تعطش يمطرآ فوگ ثــغــرك
وحگ بوست محمد فوك نحرك
،،،،،،
انه الربيتلك اربع زلــــــــم ودري
يوفون الربه وداعة لبن صــــدري
يبو السجاد لو ترضه أخذ عمــري
ما ترظاها أوگف والجمر حـــدري

اظل عالباب اتانيك وناشد يمته ترجع
اسلم المغرب عليك يقينآ انته تســـمع
عسه يندار عمري دون عمــــــرك
وحگ بوست محمد فوگ نحرك
،،،،،،،،
روح وداعة الله طفلتك عنـــــــدي
اصبرها ونيمها على زنـــــــــــــــدي
يبو السجاد فدوه الشيبتك ولـــدي
من تمشي العمر صوب الگبر يحدي

عله مودك عايشه الروح يروحي ياحياتي
اذ گلولي مذبوح اذن گربت وفاتــــــــــي

تدوس الخيل اشوفن فوگ صدرك
وحگ بوست محمد فوگ نحـــــرك
،،،،،،،،

لخادم الحسين ع
محمد الفهداوي




@HxzEU1

#قناه_نشر_القصائد_المنبريه

يبو فاضل رسايل عتب وديت
الك امشي ولبو السجاد وديت
جرح كلي صرت لحسين وديت
واريداً فزعتك عباس اليــــــه
،،،،،،
اريدن فزعتك ياصاحب الـــــــفزعه
عليك بنحر اخوك وخنصره وضلعه
عليك بستر زينب ومك البضعـــــــه
اما تدري عليه انطبگت السبعــــــــه
انوبه بكيفك ضلت
وانته الحاكم والدكتور
،،،،،،
محمد الفهداوي




@HxzEU1

#قناه_نشر_القصائد_المنبريه

#محرم1446



نزلة عزاء لمولاي مسلم ابن عقيل عليه السلام

علي بالكوفة حظر. مسلم الموت الحمر
الكوفه مساها الخطر يابو طاهر. يابو طاهر
==========
من دخل للكوفه. جن علي بصولاته مايثني بسيفه شاهده ضرباته
لوحمل مايرجع مسلم بحملاته
هاشمي بطباعه. يذبح بخزراته

لاح بعيونه الغضب. السيف من دمهم شرب
بالغضب يمطر مطر يابوطاهر. يابو طاهر
==========
ابوطاهر قائد. سيد من القاده
ابن عم الكافل. الكمر عم الساده
من وصل للكوفه ماخلف ميعاده
الكوفه بيه تسولف. ظلت بأمجاده

مسلم وثابت عزم. وحده رجفها الزلم
والنعم كلك فخر. يابوطاهر. يابو طاهر
==========
موت نازل بيهم. فنهم ايگربونه
خله بيهم خوفه. وكلهم ايهابونه
من علي افعاله. والله ويعرفونه
وابوفاظل زوده. بخزرته وعيونه

الكوفه خلاها تميل. چنه عباس الكفيل
صاحوا بسيفه القدر يابوطاهر
==========
من بده بالغاره. كباله وكفت طوعه
الكاع صارت حمره. بس جثث مزروعه
القادة ماكو گباله. عيشاهم لوعه
هذا طاح بخوفه ونته مسموعه

ونهم تسمعه وتگول. حي ابوطاهر يصول
حمزه جفه من سطر يابوطاهر
==========
الجيش حار بروحه. إتبهذلت احواله
مسلم الطب ليهم. سولفت افعاله
گلها سجدت يمه. الخوف حط ارحاله
موزلم بس نسوه. نسه كلها اگباله

صاروا اكباله نسه. تيهه الجيش ونسه
وبيهم لأمره صِدر. يابوطاهر
==========
مسلم بوحده صفه. همه صح هوايه
الحرب عند الموقف والمواقف أيه
ماسلم ايي واحد. بيده هز الراية
النصر بيده وحاظر. وصل هاي الغايه

لاح من صال النصر وكف وحده ومنتصر
بالمعارك ماخسر. يابوطاهر
==========
الشاعر علي النائلي



@HxzEU1

#قناه_نشر_القصائد_المنبريه

گلُ عآم ۆآنْتٌم بْحٍـفَظّ آلُلُہ ۆرعآيَتٌہ
گلُ عآم ۆآنْتٌم علُى
حًبً  عٌلَيِّ
ۆلُآيَةّ علُيَ
نْہجٍ علُيَ
سرآط علُيَ
آنْسآنْيَةّ علُيَ

آلُحٍـمدِ لُلُہ علُى آگمآلُ آلُدِيَنْ ۆآتٌمآم آلُنْعمہ
لَکْ آلَشُـکْر آلَلَهّـيِّ عٌلَى حًبً مًحًمًدٍ وٌآلَ مًحًمًدٍ
نِسِـآلَ آلَلَهّـ لَکْمً وٌلَنِآ آلَثًـبًآتٌـ عٌلَى آلَوٌلَآيِّة وٌحًسِـنِ آلَخِـآتٌـمًة وٌآلَفُـوٌﺰ بًآلَشُـفُـآعٌة

رعٌدٍ آلَفُـريِّجّـيِّ




@HxzEU1

#قناه_نشر_القصائد_المنبريه

المارادك ماردنا

علي انواليك اي كلنه
قسيم النار والجنه
مقامك ذره من يوصل
فنه اليوصلك فنه
واحنه بهاي نتحدا
احنه المارادك ماردنا

محمد من رفع أيدك
يعني الباري ايردك
انته الوالي ياحيدر
اوعيدالله صبح عيدك
اوفايز كل واحد والا
احنه المارادك ماردنا

الماولاك خل يسمع
لاصوم اوصلاه تنفع
دنيه واخره مولاي
حبك حيدر اليشفع
النه هناك والنه اهنا
احنه المارادك ماردنا

الشاعر
ابو عبد الله الشمري




@HxzEU1

#قناه_نشر_القصائد_المنبريه

هاي الرساله الجايه منين 
شابگهه ليش وتبچي يحسين
نزلت دمع اعيونك       الله يكون ابعونك
شابگهه ليش وتبچي يحسين
_'&&$$$_
هاي الرساله الي اجت شيبت رمش اعيوني
من العزيزه فاطمه الغيرت شكلي ولوني
لمن عفتها من ارحلت زاد الحمل بمتوني
متعوده تگعدلي الصبح بياحال هسه بدوني
طفله بعمرها شتحمل اغياب
ماتعرف ايغطيني الاتراب
مكتوب بويه شلونك.. الله يكون بعونك
شابگهه ليش وتبچي يحسين
$$$$$$$$$$$$$$
مصلايه بيديني افرشت وحضرت انه السبحه
منتضره يابويه تجي صبحي بعد شيصبحه
رايح عفتني بلا اخو موضوعي منهو يشرحه
ياغصه الي بگلبي تجي والنبله خاف تذبحه

بيها كلام يگطع الگلوب
خنگتني جنها خنگت اغروب

  البيت ضلمه بدونك    الله يكون ابعونك
شابگهه ليش وتبچي يحسين
$$$$$$$
واجبرت عيني اعله الوسن خاطر تجي بحلامي
تاليها اشوفن بالحلم مشهد يزيد آلامي
نار ودمه خيل وسحگ تعرض صور گدامي
وعبد الله ماهو بالمهد يبسن ارياگه وضامي
من الهضم ماظل بعد صوت
لو ماتجينه من البجي نموت
رأسا تغير لونك.. الله يكون بعونك
شابگه ليش وتبچي يحسين
$$$$$$$$$$$
طلعت ثوبك وانتضر شابكته يمته ترجع
اكسر الخاطر وحدي بدموعي ضليت انگع
صاحبت صفنات الحزن موروحي رادت تطلع
المثلي عزيزه مدلله موش بگلبهه تشلع
كل مااكوم وافتح الباب
ثاري الهوه والباب چذاب
وين الله وي يرجعونك.. الله يكون بعونك
شابگهه ليش وتبچي يحسين
$$$$$$$$$$$
كمت بثوابك للعطش بيدي اوزعنه الماي
يفراگ يدگ بالعضم غورگت بويه عيناي
بالباب اذني للصبح بلكي خبر منك جاي
تالي اعرفت لمن رحت افراكك يطول هواي
ياحيرتي الما منها حيره
ازغيره والفرگه جبيره
يمي تشاهد كونك... الله يكون بعونك
شابگهه ليش وتبچي يحسين
$$$$$$$$$$$
محمد الهاشمي



@HxzEU1

#قناه_نشر_القصائد_المنبريه

#محرم1446



مسودن عشك بحسين ويلموني
ونته الهوه ونور وسط عيوني

بس انته حبك يختلف بدمعه
ومن اسمع اسمك ابجي وحدي وانعه
بليل اكعد ظلمه وشعل شمعه

وذكر مصابك هيج صار جنوني

اذكر مصابك بلعمر يوميه
وبس السواد يلوگ صار عليه
وبجي بجي الراحت مشت مسبيه

وياريت اموت بمجلسك خلوني

ياريت اشوفك بلحم وتمنه
عطشان لو راوي الظمه منلجنه
جسام بدل دمه حط الحنه

هم كال خلصت والحرب زفوني

مرات احيرن وصفن نشل حالي
لو لحضه اغفل ماتمر بالي
الناس عدهه وسهله كلمت غالي

غيرك ابد ماعايش ويظنوني

الحاب غيرك ينذل بمحبوبه
ونته اليحبك سهليت دروبه
تاج وتحطله الخادم من سلوبه

اتمنه خادم للخدم ترظوني

#ابو #سلام #الجابري



@HxzEU1

#قناه_نشر_القصائد_المنبريه

((علي علي))


منـــاهل مـــن حــروفك ياعلي تنهل
وشنــــي بيـها الجديد ولو گلت اول

علي حتى الحمام بحضرتك مسطور
يشــــبگ گــبتك يـــــاحيدرى ويثمل

علي ماي الضماير مــــن تمر بالروح
علي والله من اذكـــرك روحي تتبلل

ازورك وبطريجك فطن يابو حسين
بــــس اباب بيــــتك كلشي ما اندل

علــــــي گــــــلولي كافر تعبد الكرار
وكتلهم اعبده ولو كــــــــفرت اقبل

واحاچيهم عجيبه شنهي ماتدرون
محمد چان فوگ عيـــــــونه يتنفل

احبك بس عشگ لا انته تدري بهاي
احبك انــته يـــاهو يـــاعلي واسئل

عشگتك مو ابالي الجــــنه والتفاح
وله من النار خايف ابچي واتولول

عشگتك چه عرفتك ماتعرف تخون
وله بضــــهر الصديچ اتعرف تتقول

علي بكوسر عيونك دوله مال شيوخ
علي بالحشر بــيدك فيـــصل المفصل

علــي بكلشي علي للمامشه يمشي
علــي بنعشي علي متعلگ بهرشي
علـــي التقوه
علي الخطوه
علي شكاي للشكوه

علي معروف عنك انت ذو القرنين
گدامك ولا شــــــــي فارس اليليل

علي اسمك بروحي من الصبح لليل
لذيـــــذ وحتى شفتي تگول ماينمل

علي حبك شربته وصار عندي جناح
وگمت بكيفي اطــيرن وين ما ارحل

علي الغايه
علي الرايه
والموكب ومشايه
علي هـايه
وبعد هايه
علي للطاح تچايه

علي حتــى بصفتك نلگه بيها ايتام
خيــــعـــونه الــــيتيم عــــليك يدلل

علي يمرني هـــــواك وانه اچلب بي
احچي الوحدي بخيط الهوى اتوسل

علي اسمك اگوله حتى اطهر الروح
واصيحن ياعلي بس انتــــه المعدل


عبد زينب
#محمد #الابراهيمي



@HxzEU1

#قناه_نشر_القصائد_المنبريه

جم ليله مــــــــــو اكثر
ونسمع صـــــده المنحر

وخلها اتحـــــــــزم للبجي العين
ايام بــــــــــاقي الشهر الحسين

ــــــــــــــــــــــــــــــــــــــــــــــــــــــــــــ
جم ليله والزهرة تجي تنــــــــــشر قميص الغالي
ويبدي جفنها مــــــــــن المسه للمسه دمعه يلالي
ايام مــــــــــعدوده بقت للحــــــــــزنه شاده بالي
ثوب الحزن عــــــــــل منذبح طول العمر يحلالي

دمعه انه بس الحسين منذور
عاشور كــــــل ايامي عاشور
مثل الضلع كلبي انه مكسور

منــــــــــذوره ايامي
للمنــــــــــذبح ضامي

وانه وحسرتي الجرحه ماشين
ايام بــــــــاقي الشهر الحسين

ــــــــــــــــــــــــــــــــــــــــــــــــــــــــــــ

عاشور باجر مــــــــن يهل ينعصر كلب الزهرة
جي بي الحسين السبط الخيل تسحك صدره
وضلوعه مــــن كثر السحك متكسره ومطشره
ويتعله فوكاه الشــــــمر ومن الكفه يحز نحره


اهنا فاطمه لطمت عله العين
مجروح من كل كتر الحسين
وعد راسه ونت ذاك الونين


وضــــــــلت تون يمه
يحــــــــــسين يايمه

ونــــــــــاتها اتكـــــــعد الميتين
ايام بــــــــــاقي الشهر الحسين

ــــــــــــــــــــــــــــــــــــــــــــــــــــــــــــ

من ايبين اهـــلال الحزن كلبي يضل يوجعني
وتحلم بســـوط وسبي وحافر احس يسحكني
جلمت سبيه من استمع جمره واحس تحركني
مـــــو متن زينب ينضرب تمنيت ينطك متني

من السبي كلبي انه محروك
كون امي مو زينب عله النوك
ام عون فشله تدخل بسوك

وامنها الــــــدمع ساجم
وتتشــــــــــمت الوادم

وبالغربه صار الجرح جرحين
ايام بــــــاقي الشهر الحسين

ــــــــــــــــــــــــــــــــــــــــــــــــــــــــــــ

الف وتسعميه جــــــــــرح طول السنه عايشهن
ودمعاتي البوكــــت العزه بجف فاطمه اجمعهن
ابكلبي مــــــــن زغري انا جروح السبي شايلهن
ومجلس حسين ودمعتي ياناس حيل اعشكهن

انــــــــه بعزاء حسين هايم
مثل الهــــــوه اشتم المئاتم
وهنيالي جي سموني خادم

ويامحله هل جلمه
خــــــادم ابو اليمه

وانه الخدمته مضحي السنين
ايام بــــــــاقي الشهر الحسين

ــــــــــــــــــــــــــــــــــــــــــــــــــــــــــــ

قادم محـــــــرم ياخــــــدم خل نستعدله ابهمه
حسين سلــــــــــطان البشر ميخدمه بس الزلمه
عطر المـــجالس نخــــــــتنك لو مانجي ونشمه
هوه الله خالقنه تــــــــره لحسين حته انخدمه

اعظم بشر بالدنيه شفته
حسين هنيالي بخدمته
فاضت عله الوادم رحمته

ياســــــــــيد الوادم
ومـــــــــدلل الخادم

بلا هل خدامه انروح لاوين
ايام بـــــاقي الشهر الحسين

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي




@HxzEU1

#قناه_نشر_القصائد_المنبريه

من كنت مولاه فهذا علي مولاه
اللهم والِ ٠٠ والِ من والاه
༺༺༻
اكمل الدين النبي بيـــوم الغدير
جمّع الناس ورفــــــع ايد الامير 
گال حيدر والي من بعدي يصير
وهالأمر مأمــــور بي من القدير

خليفة الحق علياً هذا معناه
اللهم والِ ٠٠والِ من والاه
༺
النعمه تمت واكتمل دين الجليل
يوم صار الوالي حماي الدخيــل
ولي الكل مؤمن وما غيره بديـل
الما يوالي حيدره ناكر جميـــــل

وحجة الله على الناس ارتضيناه
اللهم والِ ٠٠ والِ من والاه
༺
عن جَداره صار أمير المؤمنين
بايعوه وباركــــــوله المسلمين
اصبحت مولانه عن حجه ويقين
وحنه لمر الله ورسوله طائعين

حيدر عمود الدين بالعين رأيناه
اللهم والِ ٠٠ والِ من والاه
༺༺༻
انگلبت الامه على فحل الفحول
مثل مـــاقلبت على طه الرسول
يوم ناشدهم علي ليش الخذول
گالو اعذرنا نسينه مـــــــا تگول

قول رسول الله قد قالو نسيناه
اللهم والِ ٠٠ والِ من والاه
༺
عالولايه الناس باچـــــــر تنسأل
والمـــــــلائك تفتح هناك السجل
الواله حيدر بالحساب شگد سهل
لاچن العــاداه يظل دمعه ايهمل

حب عليِ المرتضى قررهُ الله
اللهم والِ ٠٠ والِ من والاه
༺
حيدر بشار الدراجي