İftixarımdır Hüseyn(ə)❤️

Mənəvi böhrandan çıxış yolu bütün varlığınla Mütləq Həqiqətə yönəlib yaxşı adam – yaxşılıq tərəfdarı və yaxşılıq edən olmaqdır.

Səmimi olaraq etiraf etsəm, bu ayəni, ən azi, 20 ildir Quran oxuduqca oxumuşam, amma indiki kimi əhəmiyyətini başa düşməmişəm. Sanki bütün Quran insana təkcə bu ayəni – mesajı bildirmək üçün gəlib.

"Kim yaxşılıq edərək özünü Allaha təslim etsə, qoy bilsin ki, Rəbbi qatında onu öz mükafatı gözləyir; belələrinin nə bir qorxusu olar, nə də kədərlənərlər".

Quran | Bəqərə, 112
❤🌹

P.S. Ayədə iki söz çox mühümdür: 1. "Əsləmə vəchəhu lillah" – iki cür tərcümə edilə bilər: (i) özünü Allaha təslim etsə, (ii) üzünü Allaha istiqamətləndirsə. 2. "Muhsin" – o kəsə deyilir ki, yaxşlıq onun təbiətinə çevrilib, yəni yaxşılıq etmək, yaxşılıq tərəfarı olmaq onun işidir, bir sözlə, yaxşı adamdır.

©Emin İmanlı

@hzzehragulleri

İmam Cəfər Sadiq buyurub: Kim çətin və sıxıntıda olarkən duasının qəbul olmasını istəyirsə, rahatlıq və asayişdə olarkən çoxlu dua etsin".
📚 Əl-Kafi, c.2, s. 472

Dua çətinliklər üçün deyil. Quran yalnız sıxıntıda Allahı çağırıb, asayişdə olarkən dönük çıxanları məzəmmət edir. İşlərin yağ kimi gedərkən Allahı daha çox yad etmək lazımdır ki, sabah hər şey əlindən çıxsa, üzün olsun, səmimi olasan.

Burada bir qayda da var. İncədir. Əgər sən yalnız sıxıntıda Allahı çağırırsansa, bəndəliyin onda üzə çıxır. Sən sanki belə demiş olursan: İlahi, mən səni yalnız belə vaxt yad edirəm. Mən qoy tez-tez sıxıntıda olum ki, bəndəliyim üzə çıxsın.

Amma sən xoş günlərdə də bəndəlik etsən, avtomatik mənəvi, xoş, gözəl günləri də özünə çəkirsən. İş pis getsə də, için afiyətlə dolacaq. Çünki sən yaxşı günlərdə də bəndəsən.

©Fərid Abdullah

@hzzehragulleri

İlahi, kaş ki, biləydim xoşbəxtəm, yoxsa, bədbəxt?

🍀İmam Səccad(ə)

@hzzehragulleri

"Hər şeyin dərdini siz çəkməyin, mərifətiniz olsun, Allaha da bir şey saxlayın".

©İlqar Kamil

@hzzehragulleri

İki gözəl, əziz cümlə var: "Çay dəmlə, gəlirəm" və qapının o tayından "Aç, mənəm" xitabı.

©Ülviyyə Tahir

@hzzehragulleri

Kimin qəlbinə dəyiriksə, zəhmət çəkib gedib özümüz onun əhvalını düzəldək, ürəyini ələ alaq. Və bilin ki, bizdən başqa heç kim onun halını yaxşı edə bilməz.
Bu ruh var ha, mənim ruhum, sənin ruhun, maddi deyil, cisim deyil. Sən əgər hər hansısa əşyanı vurub dağıtsan, başqası gedib onu təzədən qura bilər, çünki cisimdir. Amma bir kəsin ruhunu incitsən, onu səndən qeyri kimsə gedib düzəldə bilməz. Gərək özün gedib onu sağaldasan. Dərd sənsənsə, dərman da, məlhəm də sənsən.

©Tofiq Əsədov

@hzzehragulleri

İlahi, Sənə tərəf gəlmişəm. Öz haqqına xatir məni özümə (Sənsiz olan mənə) qaytarma!

☘İlahinamə

@hzzehragulleri

Narahat omağımızın əsl səbəbi, o doğma bildiyimizin bizi narahat etməsi deyil, narahat olduğumuzu gördüyü halda, heç bir şey olmamış kimi davranmasıdır.

©Tofiq Əsədov

@hzzehragulleri

Şəhid Mütəhərri Kamil İnsan kitabında hədislərə əsasən gözəl bir mövzuya toxunur, təxminən belə buyurur ki, möminlər bədən üzvləri kimidir. Necə ki insanın qızdırması olduqda bütün bədən oyaq qalır, ya diş ağrıyırsa bütün bədən üzvü oyaq qalır, möminlər də o cürda əgər dünyanın hansısa bir yerində bir mömin narhatdırsa, mütləq digər möminlərdə o narhatçılığı hiss edəcək.
İlahi, sənə şükürlər olsun insanların yaşlananda tutduğu yolu bizə gənckən tanıtdın. İlahi, şükürlər olsun ki, biz də narahat ola bilirik. Bizim də qəlbimiz sıxılır. Heç bir hadisəyə biganə deyilik. Şükürlər olsun ki, bizi də həsrət çəkənlərdən qərar vermisən!

@hzzehragulleri

Biz bir ildən çoxdur elə qəmlə imtahan olunmuşuq ki, bütün sınıq qəlbləri, tənha qəlbləri çox yaxşı başa düşürük. Tənhalığı iliyimizə qədər yaşadıq onsuzluqla. Xalq olaraq, yarımçıq əlindən bezarıq. Hər xalqın öz baş biləni, ağsaqqalı uzun ömür sürür, biz bununla da imtahan edildik. Bizim dərdimiz həmişə təzədir. Ölənə qədər yas evidi qəlbimiz.

Yaxşı ki var elə hal əhli bizi dərk eləyir.
Qalsa biganəyə min söz çıxarar adımıza....

Arif Buzovnalı

@hzzehragulleri

Ömrün israf olması insan üçün ən böyük və kədərli itkidir.
Ömür sürətlə ötən, insanı əbədi həyata doğru aparan bir minikdir. Gec-tez hər kəs üçün sonuncu dayanacaq çatacaqdır. Ömür içərisində zavala uğramayan əməllər Allah razılığı üçün edilən cəhdlərdir.
Əyləncələrin, arzuların, həva-həvəsin səs-küyündən fitrətimizin çağırışını duymaz olmuşuq. Daxili aramlığımız pozulub.
Güclü insan bu dövrdə tarazlığını qoruyan, hədəfini dəyişik salmayan, məqsədə doğru inamla addımlayan insandır.

© Hacı Vüqar İsgəndərov

@hzzehragulleri

İnsan onu anlayan biri ilə çiçəklənir.

[یزهر الإنسان مع من یفهمه]

@hzzehragulleri

Və beləcə 2020ci il tarixə dönür... qısa zamanda böyük bir tarix yazıldı, hansı ki bizdən sonrakıların da fəxrlə danışa biləcəyi. Hansı ki o fəxrin içində neçə-neçə dözməyib dayanan ürəklər var və ya döyünsə də, dayanacağı günü həsrətlə gözləyən ürəklər var. Heç bir söz, heç bir cümlə o ürəklərə məlhəm ola bilməz çünki o tarixdə əbədiləşən oğullar hər biri yaşadığı məkanın ən dəyərlisi olub. Bəlkə də həmin oğullar olmasaydı da, torpaqlar qayıdacaqdı, amma o oğullar bizə təkcə torpaq yox, həm də təmiz ad verdilər. Azərbaycan qadının 30il əvvəl gördüyü Allahsızlığın intiqamın aldılar. Bizi "sülh" deyilən o iyrənc hadisədən canları bahasına qorudular. Bundan sonra 300il də keçsə, tarix heç vaxt unudulmayacaq. Biz dəyərliyik çünki bizim qeyrətimiz uğrunda o qədər kişi canın verib və yenə də o cür kişilər var. Birdə heç vaxt heç kəs Azərbaycan qadınına o cür Allahsızlıq edə bilmiyəcək. Başımızı ucaltdız, başınız İmam Hüseyn yanında uca olsun əziz şəhidlər.

@hzzehragulleri