Bu dunyoda inson hali hamon yashab kelayotgan ekan, buning sabablaridan biri tuyg‘ularning, muhabbat, nafrat, iztirob, umidning tirikligidir. Inson nafas olar ekan, ba’zan bu tuyg‘ularning hokimi, ba’zan esa asiri bo‘ladi. Atrofimizdagi barcha voqeliklar hissiyotlar ustiga quriladi.

Lekin shunday bir davrga keldikki, barcha tuyg‘ularga birdek mavhum yoki birdek his qilinuvchi normal psixologik holat sifatida qaraladi va bu hayotimizni juda ham minimal, oddiy, oq-qora rangdagi ko‘rinishga olib keldi. Ayniqsa, zamonamizning yosh vakili sifatida aytishim mumkinki, bunday holat yoshlar o‘rtasida avj olgan.

Xo‘sh, nima qilish kerak?!

Albatta, adabiyotga yuzlanishimiz kerak, kitob o‘qish kerak. Lekin qanday kitob?! Agarda siz ham yuqoridagidek holatda bo‘lsangiz, sizni yashayotganingizni, hayotdaligingizni his qildiruvchi bir kitobni tanglang. Men shunday hisni Viktor Gyugoning “Kulayotgan odam” kitobini o‘qish davomida his qildim.

Gyugo bu asarda inson ruhiyatining eng qorong‘i burchaklarini kashf etib, o‘zini va atrofdagilarni tushunish yo‘lidagi izlanishlarni aks ettiradi. Asar nafaqat jiddiy psixologik drama, balki insonning mavjudlik, sevgi va yolg‘izlik kabi muammolarni qanday tushunishi, ularga qanday munosabatda bo‘lishi haqida o‘ylashga undaydi.

Agar siz hayot, shaxsiy izlanishlar va inson ruhining murakkabligi haqida chuqur o‘ylashni istasangiz, Viktor Gyugoning “Kulayotgan odam” kitobi siz uchun ayni muddao bo‘ladi. Ishonamanki, bu asar nafaqat adabiyot ixlosmandlari uchun, balki o‘zini va atrofidagi dunyoni yaxshiroq tushunishga intilayotgan har bir o‘quvchi uchun mustahkam poydevor yaratadi.

1️⃣ Muqaddima;
2️⃣ Jinoyat Va jazo;
3️⃣ Ramazon kundaligi;
4️⃣ Yashamoq;
5️⃣ Muxtasar nabaviy siyrat;
6️⃣ Alloh kimni yaxshi koʻradi?;
7️⃣ Lider shaxsiyati;
8️⃣ Men Robiya;
9️⃣ 1984;
1️⃣0️⃣ Siyosatnoma.