⏳ Shiddatli ijtimoiy-madaniy va texnologik o‘zgarishlar milliy musiqa ta’limining vazifalari, uslublari va mazmunini yangidan idrok etishni taqozo etadi. Ushbu ilmiy-amaliy seminar ta’lim muhitida an’anaviy musiqa madaniyatini saqlash va rivojlantirish bilan bog‘liq dolzarb muammolar va tamoyillar tahliliga bag‘ishlandi. Muhokama markazida madaniy meros va zamonaviy pedagogika o‘rtasidagi munosabatdorlikni mustahkamlashga qaratilgan samarali yechimlarni topish, musiqa ta’limining innovatsion shakllari va uslublarini ishlab chiqish masalalari bo‘ldi.

💠 Seminarda butun Respublika bo‘ylab musiqa ta’limi bo‘yicha mas'ul tashkilotlar rahbarlari va xodimlari, pedagogika, madaniyatshunoslik, san’atshunoslik: musiqashunoslik sohalarining yetakchi mutaxassislari, shuningdek taniqli siyosatchilar va deputatlar ishtirok etdi. Jumladan, Madaniyat vazirligining Ta’lim sohasini muvofiqlashtirish bo‘limi boshlig‘i Sherzod Sharipov, Madaniyat ta’limi markazi direktori Alisher Djamaldinov, “Milliy tiklanish” demokratik partiyasi Markaziy kengashi raisi o‘rinbosari Firuza Muhammedjanova, Oliy Majlis Qonunchilik palatasi deputatlari, Partiya fraksiyasi a’zolari Sayyora Jumayeva va Ruslan Jumamuratov, O‘zbekiston davlat konservatoriyasi professorlari, san'at arbobi Feruza Abduraximova va san’atshunoslik fanlari nomzodi Botir Matyoqubov, Glier nomidagi RIMM rahbari Ilhom Azimov, Xalq ta’limi a’lochisi Baxtiyor Abdurahmonov, V.Uspenskiy nomidagi RIMM direktori Zoyir Zoyirov, UrDU professorlari, san’atshunoslik fanlari nomzodlari Botir Rahimov va Rustam Boltayev, Farg‘ona ixtisoslashgan maqom maktab-internati direktori Ulug‘bek Mamajonov, Buxoro ixtisoslashgan maqom maktab-internati yetakchi o‘qituvchisi Tolib Temirov kabi soha mutaxassislari ko‘tarilgan dolzarb mavzu yuzasidan o‘z fikr va mulohazalarini bildirdilar.

🌍icrich.uz|🕊Telegram|📱Facebook|📱Instagram|🕊X|📺YouTube