🔸Madaniyatshunoslik va nomoddiy madaniy meros ilmiy-tadqiqot instituti Ilmiy kengashining navbatdagi majlisi o‘tkazildi

🔺Majlis avvalida Madaniyat vazirligi tizimidagi eng yosh muassasa bo‘lsa-da, o‘ta qisqa fursat ichida qad rostlab, ishonchni oqlayotgan Institutning samarali faoliyati e’tirof etildi. Muhim ilmiy yutuqlar qatorida O‘zbekiston davriy akademik nashrlari ichida ham shakl, ham mazmun uyg‘unligi, innovasion yondashuvi bilan ajralib turadigan maxsus ilmiy jurnalning ta’sis etilganligi hamda Oliy attestatsiya komissiyasining milliy ilmiy nashrlar ro‘yxatiga kiritilgani ham qayd qilindi. Bu, albatta, institutning ilmiy salohiyatini yanada oshirish va tadqiqot natijalarini akademik nashr sahifalari orqali keng targ‘ib qilish imkonini beradi. Ilmiy nashr bosh ijodkori, IСRICH ilmiy ishlar va innovatsiyalar bo‘yicha direktor o‘rinbosari, san’atshunoslik fanlari nomzodi Iroda Dadajonova institut faoliyatini rivojlantirish yo‘lidagi samarali say’-harakatlari uchun Madaniyat vazirligining tashakkurnomasi bilan taqdirlandi.

✅ Havaskorlik san’ati bilan ishlash bo‘limi katta ilmiy xodimi Ibodov Ilhom Sodiqovich Oliy attestasiya komissiyasining 2025-yil 13-iyundagi 371/1-son bayonnomasiga asosan tarix fanlari bo‘yicha falsafa doktori (PhD) ilmiy darajasiga munosib deb topildi. Falsafa doktori diplomi Ilmiy kengash raisi Botirjon Ergashev tomonidan topshirildi.

📝 Shundan so‘ng Ilmiy kengash majlisi kun tartibi doirasida:

🔵Institut tarkibidagi bo‘limlarning yarim yillik hisobotlari;
🔵Tayanch doktorant, stajyor tadqiqotchi va hamda mustaqil izlanuvchilarning yarim yillik hisobotlari;
🔵Tashkiliy masalalar bo‘yicha direktor o‘rinbosarining yarim yillik hisoboti;
🔵Ijro intizomi, fuqarolar murojaatlari kabi muhim masalalar ko‘rib chiqildi.

🌍icrich.uz|🕊Telegram|📱Facebook|📱Instagram|🕊X|📺YouTube