شور

يا زهرة حياتي
.......
تعاي ... عوفي الكبر عوفي الكبر
تعاي ... موحش بلياج العمر
تعاي ... ليلية جيتج انتظر

يافاطمه  كلبي انمرد
ماظل صبر  بيه بعد
رجعي الي عون وسند

رجعيلي .. ياضحكتي
رجعيلي ... يرويحتي ... فداج .. فداج 

ايامي ... وحتى النفس
ايامي ... صارت همس ... وراج .. وراج

نوح .. بعدج حياتي
نوح .. يا ذكرياتي
نوح ... ساعاتي بعدج ... لو بيدي اردج
يم الحسن وحسين
راح ... حيلي ابغيابج
راح ... ابجي المصابج
راح ... كلشي امندية ...  اه يالزجية
يم الحسن وحسين


يا كل امنياتي
.......
اصيح ... يم الحسن يم الحسن
اصيح ... من بعدج اعيوني انعمن
ااصيح ... عايش غريب ابلا وطن

مشتاق الج يافاطمه
روحي عليج امعلمه
تشهد علي ارض وسمه

من دونج ... كلشي عدم
من دونج ... عايش وهم ... كلام ... كلام

ياروحي ... بالمختصر
ياروحي ... عمري كبر  .... حرام ... حرام

شيب ... تارس لحيتي
شيب ... من عفتي بيتي
شيب ... يا اغله ناسي ... صار اعله راسي
بعدج ينور العين
حيل ... اذاني فكدج ....
حيل ... سهرني بعدج
حيل ... ماظل يزهره   ... بظلوعي كسره
بعدج ينو العين

تشهد نايباتي 
.....
عليج   ... يافرحتي يافرحتي 
عليج  ... اتغيرت رسومي وحالتي
عليج .... عيني انعمت من دمعتي

موتج اخذ كلشي احب
امشي بلا شوف الدرب
ينبض حزن صار الكلب

مو حيدر ... جني صرت
مو حيدر ... اتغيرت ... عليج ... عليج

وي موتج  ... حلمي انذبح
وي موتج  ... موتي صبح ... بديج ... بديج

وين ... تاليهه كولي
وين ... محني اعله طولي
وين ... ياديرة اشوفج ... مابية اعوفج
اشتاق الج كل حين

ريت ... قبلج عساني ...
ريت ... موت الخذاني
ريت ... دفنوني قبلج ... يالحيل احبج
اشتاق الج كل حين
يا كل ذكرياتي
......
اموت  ..  احسن الي  احسن الي
اموت ... يحجيهه من كَلبه علي
اموت ..  يازهرة سنيني وهلي

شلي بعد بيه العمر
وياج اعيشن بالكبر
حلوه السوالف تنذكر

يازهره ... صبري خلص
يازهره ... العمره نقص .... وحيد ... وحيد

اخذيني ... ليج انه احن
اخذيني ... اوياج اندفن ... اريد ... اريد ...

نار .... ما تطفه بيه
نار .... صبح ومسيه
نار  ... حركت دليلي ... بعدج يويلي
وين انطي وجهي الوين

مال ... حملي برحيلج ...
مال ... خليني  اجيلج
مال ... كلشي اعله كلشي ... شمتناي نعشي
وين انطي وجهي الوين
ياصومي وصلاتي 
.......
وراج ... ظهري انحنه ظهري انحنه
وراج ... كل يوم اليمرني بسنه
وراج ... متهني بحزاني انه

ياعشره تشبه عشرتج
روحي ادفنت وي دفنتج
كلشي انتهى وي موتتج

ذابحني ... انتي بكبر
ذابحي ... طاري الهجر ... اصيح ... اصيح

مابية ... اصبر بعد
مابيه ... جبدي انمرد ... ذبيح ... ذبيح

مات ... حلمي البنيته
مات ... كلشي هويته
مات ... بعدج دلالي ... شحجي اعله حالي
اتمنيتج اتشوفين 

صار ... اظلم نهاري
صار ... يبجيلي داري
صار .... حزني اعله كدي .... دمعي اعله خدي
اتمنيتج اتشوفين

اشباقيلي الوفاتي
......
كلمات
موسى الخادم

رد ظهره منكسر ... من حفرت الكبر
ودع علي ... بنت النبي  ... بين اللحد وترابه
.......
كوه يمشي اعله الجدم ... رد علي منهه
اعليهه يسجب دمعته ... من مشه عنهه
حار بامره  المرتضى ... من سمع ونهه
رد عليهه للكبر .... راد يحضنهه

اتذكر بيده دافنهه ... بالترابه
مدد عالكبر طوله ...  يا عاذبه
وزع دمعة اعيونه ... في ثوابه
قصة فاطمه اخذت ... كل شبابه

شيب علي قهر .... رد منحني الظهر
لم الحسن ... شيد وطن .... دمعت حزن سجابه

.......
تخوصر اكبال الكبر ... منكسر ظهره
مثل المضيع وطن ... حاير أبامره
صاح بدموعه التصب ... كومي يازهره
علي بعدج مو علي .... سنينه مطشره

كومي وعايني الحالي ... يالحبيبه
جرحي ابفركتج نازف ... يا طبيبه
هاذي صيحته الجانت ... بالمصيبه
حيدر ذبلت ارسومه ... من نحيبه

كالساعه يلتفت .... يحجي منو ادفنت
وسط الكبر ... دافن عمر ... اغله واعز احبابه 
.......

جرحه اكبر كل جرح .... سولفت ناسه
من دفن ام الحسن ... شيب اكل راسه
كُبر ما جنه علي .... حزنه هد ساسه
كَوه صار امن البجي ... ياخذ انفاسه

ما جنه القلع خيبر .... يمشي كَوه
واحد يسأل الثاني .... اعليه منوه
كلشي اتغير بحيدر ... حتى هوه
غابت ضحكته الجانت ... عنده حلوه

متعوبه مشيته .... مذبوحه ضحكته
دافن ورد ... وسط اللحد ... مكتوبه اله بكتابه

......
البيده دافن ضحكته ... تخلص اسنينه
الفرحه متمر خاطره ... ولا تمر  عينه
هيج كظاهه علي ... بحزنه واونينه
ناره تسعر بالكلب ... شاهد أحسينه

من يوم المشت عنه ... ام جهاله
ولون السهر ظل ياخذ ....من خياله
ويه ام الحسن ودع ... ما حلاله
ما واحد علي يلومه ... ايبجي حاله

كلشي ابعلي ذبل .... ومتاني للّاجل
الفارك شمس ... بيته يحس .. ما واحد ايدك بابه
......
سلوته بالمكبره ... اليفكد ام بيته
تخلص ايامه قهر ... وتروح عافيته
الزهره جانت عد علي ... هيه غاليته
حقه حيدر يختنك ... كل هوه بريته

اغله امن النفس عنده ... هي جانت
بموتت فاطمه الزهره .... روحه ماتت
ظلمت دنيته بعينه ... وحشه صارت
كل أحلامه وافراحه ... اوياهه راحت

من فارك ام حسن ... بالمكبره سكن
ليل وصبح ... نازف جرح ... حيدر غميج اصوابه

..........
كلمات
موسى الخادم

شور

اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه

لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره

يمه العين فتحي وعايني اعليه
وحشه ابدونج اكظي سنيني مسبيه

من هسه صرت انه  احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه


.....

يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه

يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم

صرت انظر اخيام كبالي محتركه
وجثة ابو اليمه ابخيل منسحكه

ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........

ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره

المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه

اودعج من زغر ما جانت ابالي
بعدج كل حزن كل نوح يحلالي

بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي

....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله

من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه

ما يبقالي حيل ابكطعت المنحر
اظل كلي اعله طولي ابمشيتي اتعثر

امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه

فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه

وبركبة عليل حسين انظرهه
ذيج الجامعه اليصعب اوخرهه

وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد

.......
كلمات
موسى الخادم

سلام عليكم تنور بوجودكم قناتي على تيليجرام 🥰💞👇

قناة استاذه ام ايليا الكربلائيه 👇
https://www.tgoop.com/affectionaa

حديث السيدة الزهراء عليها السلام

ولما أحست الزهراء ع بقرب وفاتها اغتسلت وتطيبت ودخلت غرفتها تقرأ القرآن وقالت يا أسماء اذا انقطع صوتي ناديني فإن لم أجبك فاعلمي أنني مفارقه الحياة ...
تقول أسماء ضعف صوت مولاتي الزهراء قليلاً ثم سكتت .. ناديتهاُ يامولاتي يازهراء ياابنة محمد فلم تجبني ياأم الحسنين فلم تجبني ياحبيبة قلب رسول الله فلم تجبني عندها دخلت غرفتها وجدتها نائمة باتجاه القبلة حركتها وقلت يامولاتي نظرت واذا هيه ميته .. وفي الأثناء دخل الحسن والحسين فقالا أسماء أين أمنا الزهراء ؟ فقلت أمكم نائمة فقالا وماينيمها في مثل هذا الساعة ؟.. فدخل الحسن ورائ الزهراء وهيه على سجادة القبلة فصرخ الحسن وأتها قبل رأسها وناداها أماه فاطمه كلميني فأنا عزيزك الحسن وجلس الحسين عند رجليها ينادي أماه يازهراء ردي علي قبل أن تخرج روحي من بدني .. ثم هرولا يخبران أباهما في المسجد فلما رآهما الناس يبكيان بحرقة قالوا ماخطبكما ؟.. ذكرتما جدكما فبكيتما . قالا : لالا ياعم لقد ماتت أمنا فاطمه...
رحم الله ومن ناداه اي وافاطمتاه 😭💔


🔺 نعي الزريجي 🔺

وصاحوا الحسن ويه الحسين
يابويه لحگ ماتت ام الطيبين
علسجادة القبله مغمض العين

روحنه على أمنه حزين ومگدر
❥❥❥ـــــ›ـــــــ❁❥❁ـــــ›ــــــ❥❥❥
نعي لسان حال اولاد الزهراء ع 💔😭

رائ الحسن الزهراء ويبكي ويقول ..

انه عزيزچ الحسن أگعدي
شــوفي يمه دمعت أخدي
غيـــــــــرچ يايمه ماعندي
••••••••ـــــ•••ــــ••••••••
ولو كلمه يمه حاچـيني
تـــراهي فراگچ يأذيني
بهـذا الحالي لاتعوفيني
❥❥❥ـــــ›ـــــــ❁❥❁ـــــ›ــــــ❥❥❥
جواب الحسين ع 💔

يمه أنــه عزيزچ الحسين
جاوبيـــني ياضوة العـين
بهاي سكته كلبي تمرديـن
••••••••ـــــ•••ــــ••••••••
حاجيني راح يطلع الروح
گلـــــبي يحـبيبه مجروح
يايمه مابطل عليچ النوح
❥❥❥ـــــ›ـــــــ❁❥❁ـــــ›ــــــ❥❥❥
اجت زينب وشافت بهذا الحال الزهراء ع شتكول عمت عيني عليها امها ميته اكبال عينها💔

عيني العمه ولاچان شفته
مگســــــوره الضلع وألمته
يــــاريت گبل اليـوم ميته
••••••••ـــــ•••ــــ••••••••
ناديت يمه وصبن العيون
علـيج والله روح مايهون
لاويــــن يم گلب الحنون
❥❥❥ـــــ›ـــــــ❁❥❁ـــــ›ــــــ❥❥❥
اجت مولاتي چلثومه رمت بنفسها على چثة امها الزهراء وهيه تخاطبها ...

يمه حاجيني أنه چلثومه
حــــــيلي عليچ مهضومه
عگــبچ أبقى يمه مظلومه
••••••••ـــــ•••ــــ••••••••
الجــــنازتچ مخليه أكبالي
بچــــــــيت واخاب آمالي
عگــــبچ اشكي لمن حالي
❥❥❥ـــــ›ـــــــ❁❥❁ـــــ›ــــــ❥❥❥
جواب امير المؤمنين علي ع هو متألمه بفراق الزهراء 💔

رايحه تتـركيـني يزهره
عليـچ گلــــبي شيصبره
وبصدري تاگل الحسـره
••••••••ـــــ•••ــــ••••••••
وبصـــدري ظلت حـسرتي
أجــاچ المنيه بساع رحتي
آه عـــسه اويـــــاچ موتتي
❥❥❥ـــــ›ـــــــ❁❥❁ـــــ›ــــــ❥❥❥
تمــت الحمــدلله

بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌
https://www.tgoop.com/pDQDJRsUu3Q3MzAy

✅ مؤسسة بني هاشم عليهم السلام ✅

- عشاق الكتابات الحسينية والاشعار القصيره.. 💗✍️
الكم هالقناة دخلوا قبل لا يحذفون 🙂👇👇👇
♦ https://www.tgoop.com/DR_hajeer16 ♦


- للانضمام للدعم المراسله هنا { @daem50k }

▪️قصيدة لطم فاطمية

هذا مدمعي يجري
حتى مطلعِ الفجْرِ
كالقرآنِ محزوناً
أنعى (سورَةَ القدْرِ)

١/مِنْ غَيْرَةِ الَموْلَى عَلَى زَهْرائِهِ
قَدْ لفَّ تابوتَ الأسَى بِرِدائِـهِ
سارُوا وسَارَ البيتُ خَلْفَ ضِيائِهِ
حتَّى (الرَّحَى) تَمْشِي بِجَنْبِ كِسَائِهِ

ليلاً شُيِّعَتْ فاطِمْ
كيْ لا يعلَمَ الظالِمْ

سرٌّ باتَ في سرِّ
أنعى (سورَةَ القدْرِ)

٢/قَدْ قَلَّ عِنْدَكِ يا بتُولُ تَحمُّلِي
أَنْتِ اسْترَحْتِ وظلَّتِ البَلْْواءُ لِي
مَنْ فِي الشَّدَائدِ بَعْدَ فقْدِكِ مَوْئِلي؟
فأنَا عليٌّ قمتُ أَبْحَثُ عَنْ عَلي!!!

صارتْ عيشَتي مُرَّهْ
زورينــي وَلَــوْ مــرَّهْ!

عُمْري لَمْ يعُدْ عمْرِي!
أنعى (سورَةَ القدْرِ)

٣/ثاراتُــهُمْ وقَفَتْ ببَـابكِ ناقِــمَهْ
ولِكسرِ ظَهْرِيَ قَـدْ تعَدَّتْ هاجِمَهْ
عَرَفَتْكِ ليْ سنَدَ الليالي القاتِمَهْ
ولكيْ أقومَ فدعوتي "يَا فَاطِمهْ"

فِعْلاً كسَّروا جُنْحي
قُومي وانظري جُرحي

بانَ الكَسْرُ في ظَهْري
أنعى (سورَةَ القدْرِ)

٤/في العَرْشِ فاطِمُ إسمُها "المنصورةُ"
عادتْ وفوقَ جبينِها "المقْهورةُ"
وعلى ثَراها حَسرْةٌ مَكتوبةُ:
(نفسي على زفَراتِـها محبوسةُ)

مَنْ يُحْيا بِهِ الموْتـى
أمسى يطْلبُ الموتَ!!!

يبكيها على القَبْرِ
أنعى (سورَةَ القدْرِ)

٥/أَنَا كُنتُ موصىً عِندما الضِّلْعُ انكسرْ
واليومَ جاءَ لِنبْشِ قبْرِكِ في الأثَرْ
قسَماً إذا كفّاهُ حَرّكَتَا حجرْ!!!
فبِهِ سأجلدُ كُلَّ بابٍ في سقَرْ!!

قَلْبي لَمْ يَعُدْ يَقْدِرْ
يَا زهراءُ أَنْ يصْبِرْ

صَبري ملَّ مِنْ صَبري
أنعى (سورَةَ القدْرِ)

الشاعر علي عسيلي العاملي
#الليالي_الفاطمية
#اللهم_عجل_لوليك_الفرج

يا فاطمه شوفي الگلب .
             ضامي و ذبل من دونِچ 

دونِچ سمه عمري غروب
                هذا العمر مرهونِچ 

ذبلانه روحي بلا هواچ  
              يا روحي لا تعوفيني

تدرين انفاسي تموت
                   لو غمضيتي عيونِچ 

فتحي عيونِچ فاطمه
دونِك اموت من الضمه
مو بس فؤادي دم نزف , تنزف دمه حتى السمه

شوفي الحسن ذايب ونين
يتوسّلِچ شوفي الحسين
زينب گلبها منكسر  ،  فتحي عيونِچ فاطمه

                             ꧁꧁꧁ﷲ꧂꧂꧂

يا فاطمه آني علي
           ذاك الحبيب الغالي

ليش العيون امغمّضه
              ممدوده ليش اگبالي

ردّي عليّه فاطمه
             و ابنظرتچ احييني

تدرين من نار الهجر
           يذبل نبض، دلّالي

عن عيني اخفيتي الزجر
اخفيتي ضلعچ منكسر
و اخفيتي معصور الجسم و اخفيتي خدچ منسطر 

محسن جنينچ عالارض
لا ونّه لا دگّت نبض
چان الگلب ينزف دمه  ،  عن عيني اخفيتي الزجر


كلمات الأقل
ناصر البوعبيد

لاستشهاد الصديقة الزهراء
عليها السلام (وزن الحدي )

لوتقره تاريخ   الظلم 
ليش ام حسن ماتت هظم

اقره شكثر عنها  انكتب
لودورت تلگه  السبب
ليش ام حسن ماتت هظم
★★★★★
تريد الدليل المختصر  
من الحوادث والسَّيَر
اقره وتمعن بالخبر   
ليش الوصي عن البشر
اخفه الگبر عن كل نظر 
لامن علامه  ولااثر

ياصاحبي ماكو عجب
لودورت تلگه السبب
ليش ام حسن ماتت هظم
★★★★★
چم كاتب الخط وكتب 
منها ولاحگ  انسلب
محد دفع باب وضرب  
ولاواحد الْجَمَّع حطب
كلهم اهل غيره وحسب 
كلهم صناديد العرب

للزهره مارفظوا طلب  
لودورت تلكه السبب
ليش ام حسن ماتت هظم
★★★★★
تگول الكتب يمها اجوا  
هلوَّا مدامعهم بچوا
شعدهم ذنب لمن لفوا     
لمن لفوا  واتعذروا
لازم ذنب ضدها جنوا 
وحقوق من عدها خذوا

يعني اكوا حق انسلب 
لو دورت تلگه السبب
ليش ام حسن ماتت هظم
★★★★★
رايد دليل على الحقد
وعلى الخوافي من القصد
مكسورة الخاطر ترد  
والعمر شتله  وينحصد
من ماتت بعمر الورد    
غير الجريمه شتعتقد

نور السمه يوم انحجب 
لودورت تلگه السبب
ليش ام حسن ماتت هظم
★★★★★
كل الادله الحاسمه  
تشهد عليهم والسمه
مظلومه ماتت فاطمه 
منها الظلوع مهشمه
عند الله باچر محكمه 
يحاسب الزمره المجرمه

لاسلطة تنفع لاحسب 
لودورت تلكه السبب
ليش ام حسن ماتت هظم

الشاعر حسن لعيبي الحريشاوي

< °بسمة تعالى °>

القصيدة :- دفان اهلنه
أداء :- سيد فاقد الموسوي
كلمات :- محمد نعمة

°~°~°~°~°~°~°~°~°~°~°~°~°~°~°~°~°

تانيني يادفان اهلنه
هاي امي ام المحنه
نزلهه ماينحمل فركاهه
وافتح جفنهه وشيلني وياهه

هاي امي بچتافك صدك لو انا حلمان
ماخذهه وين لياكبر اوكف يدفان
تدري بوداع الأم صعب للكلبه تعبان

باوع علينه وشوف حزن العدنه
الليل ما لابس سواد بكدنه
لمن اجه التابوت شايل امنه

الدمعه صارت هاكبرهه بخدنه
مو لحضه تكتل من خذاهه
جيب اليشيل أيدي بوراهه

صحنه عليهه مو وكت روحه
وحسين طلعت من وكت روحه

تانيني يادفان اهلنه     تانيني يادفان اهلنه

~°~°~°~°~°~°~°~°~°~°~°~°~°~°~°~°~

ياهوه عنده هيجي ام كلش حنينه
الليل هذا تخلصه بس تفتر علينه
ترجف اديهه من البرد وتغطي بينه

جان الأمان ابيتنه مغطي الكاع
من ماتت امي اتغير وكلشي ضاع
الموت مدري منين اجه بساع

وانه واخواني صغار مو مال وداع
يمر على البيت الهوى الهاب
نذكر ضلعهه الكاسره الباب

التموت امه يموت كل حيله
يطلع حركته بشمت الشيله

تانيني يادفان اهلنه.      تانيني يادفان اهلنه

~°~°~°~°~°~°~°~°~°~°~°~°~°~°~°~°~

بيا دمعه اسولف واشتكي سمعوني يحباب
كدامي باب اهلي احترك وامي وره الباب
انعصرت وطاح الطفل وما طاح الحجاب

اهنا عرفنه الموت مابيه غايه
من شفت فضه تلف بالمصلايه
اصعب ليالي جانت بعمري هايه
راوتني سبحه عليهه دم اهوووايه

يكضي الصبح ويصير الغروب
ويبدي الوجع من فوك الكلوب

ابجي على امي لو على اخواني
من هسه واحد شابك الثاني

حسبالي نامت فاطمه ماادري بيه
من غمضت بالمغتسل وماتت اديه
لبسن حمامات السمه اسود عليهه

اتصور امك جايه بنص تابوت
تباوعلك وترجع تغمض وتموت
دكله اكعدي وهيه ما تسمع صوت
ويشيلهه وياخذهه كوه الزاتوت

حدك وياهه لعتبت الباب
ويصير ردن هدومك انكاب

ويلچمك اليسأل على أحوالك
وسوالف امك تفتر ابالك

الماله ام ماله وطن مثل اليسافر
ويصير بيت اهله مثل بيت المكابر
يضل يحسب الموته ويعد هاهسه باجر

اليفكد امه وهو عمره صغيرون
من البواجي ماتضل عنده عيون
تكبر جروحه على امه من يسئلون

لكبال عينه جنازة امه
كل امنياته تصير ضلمه
تخلص حياته بحسره وبلوعه
ومن يذكر امه يلزم ضلوعه

تانيني يادفان اهلنه      تانيني يادفان اهلنه

____
نهدي ثواب هذا العمل الى المرحوم ( سجاد يحيى)

ثلاث دكات

اضلوع الزجيه اشلون.  كسروها بالباب
وانته القلعت الباب. بيدك يبو اتراب
****
بكل حيله اجه وعالباب   خصمك عصرها
وياحيدر البسمار.  صوب صدرها
وبقوته اعله العين.  رد وسطرها

ودار النبي المختار. حركوها الاصحاب
**
عندك علم بالصار.  هجمو عليها
ماتت عصر والنار.  تسعر بديها
وام الحسن كل حيل.  ما تلكه بيها

طاح الضنه وما طاح. من عدها الاحجاب
***--
وكت الحروب نشوف.  جانو يرجعون
ومن الرسول ايصيح.  كلهم يلبدون
بس انته للميدان.  تبرز يعرفون

حيدر الك صفين.  تشهد والأحزاب
*
ميت علي يكولون  عكب الشهيده
وبالكوه طاست ماي.  يلزمها بيده
تتسند اعله الكاع  وانته الصميده

بعده الجرح لليوم. عالزهره ما طاب
**
وينك يحامي الجار.  يالتحمي جارك
ما تنحط اعله البال.  محروكه دارك
وانته انعرف جبريل.  حد ذو الفقارك

دخن يراعي الزود.  سيفك بالكراب
*
انته علي ولولاك. ما قام السلام
بعد الوصيه اعداك  شو صارو ازلام
لو زلم جان وين  ذنيج الأيام
هجمو لان يدرون.  معروفه الأسباب
***
تمت
تحسين الخفاجي

ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻