Божхона қўмитасининг Контрабандага қарши курашиш бошқармаси томонидан Тошкент шаҳар, Тошкент ва Наманган вилоятлари божхона бошқармаларининг Контрабандага қарши курашиш бўлимлари тезкор ходимлари билан ҳамкорликда Ўзбекистон Республикасида рўйхатдан ўтган енгил автотранспорт воситаларини Тожикистон Республикасига олиб ўтиш ва ноқонуний сотиб юбориш ҳолати билан шуғуланувчи 8 нафар шахс фош этилди.

Улар “BYD”, “VOLKSWAGEN”, “KAIYI X3”, “HONDA”, GEOMETRY”, “FAW ID4” ва бошқа русумлардаги 59 та автотранспорт воситасини ҳар бирини 100-200 АҚШ доллари эвазига Тожикистон Республикасига ўтказиб беришган. Аниқланишича, мазкур автотранспорт воситаларининг барчаси қўшни давлатда ноқонуний тарзда сотиб юборилган.

Мазкур ҳолат юзасидан Божхона қўмитасининг Суриштирув ва маъмурий амалиёт бошқармаси томонидан терговга қадар текширув ҳаракатлари ўтказилиб, Ўзбекистон Республикаси Жиноят кодексининг тегишли моддалари билан жиноят иши қўзғатилди ва тергов органига топширилди.

Фурсатдан фойдаланиб, шахсий автотранспорт воситаларини бошқа шахсларга ишончнома орқали беришда юртдошларимизни яна бир бор ҳушёрликка чақирамиз!

Агар ишончнома асосида берилган автотранспорт воситасини қайтариб олишда муаммоларга дуч келаётган бўлсангиз ёки автомашина Ўзбекистондан олиб чиқиб кетилганлиги юзасидан шубҳа ва гумонларингиз бўлса, зудлик билан ҳуқуқни муҳофаза қилувчи идораларга мурожаат қилишингизни сўраймиз.

ИИВнинг расмий ахборотида тилган олинган пичоқлангани айтилган андижонлик профилактика инспекторини сўнгги манзилига кузатишга вилоят раҳбарлари қатнашди

Расмий ахборот 👇👇👇

Жорий йилнинг 1 июль куни соат 20:50ларда Андижон вилояти Хўжаобод тумани “Юксалиш” маҳалласидаги хонадонда жанжал бўлаётганлиги ҳақида 102 қисқа рақамига келиб тушган хабар бўйича ҳудуд профилактика инспектори катта лейтенант А.Абдувалиев, маҳалла раиси А.Маматалиев билан бирга воқеа жойига етиб боришган.

Аниқланишича, 1960 й.т. фуқаро Холбозоров Юнусали Тумарович маст ҳолда ўз оила аъзоларига хўжалик пичоғи билан таҳдид солаётган бўлган. Ҳужумчини зарарсизлантириш жараёнида Ю. Холбозоров қўлидаги пичоқ билан катта лейтенант А. Абдувалиевнинг кўкрак қисмига зарба бериб, оғир тан жароҳати етказган.

Олган жароҳати натижасида кўрсатилган ёрдамга қарамасдан А.Абдувалиев шифохонага олиб кетилаётган вақтида вафот этган.

Ҳолат юзасидан Ўзбекистон Республикаси ЖКнинг 97-моддаси 2-қисми "г" банди билан жиноят иши қўзғатилган.

Ҳозирда гумондор Ю. Холбозоров воқеа жойидан яширинган, уни аниқлаш ва қўлга олиш бўйича тезкор-қидирув тадбирлари амалга оширилмоқда.

Ҳурматли фуқаролар! Ушбу шахс ҳақида бирон-бир маълумотга эга бўлсангиз зудлик билан яқин орадаги ички ишлар органларига ёки 102 қисқа рақамига мурожаат қилишингиз сўралади. Маълумот берган фуқаронинг шахси сир сақланиши кафолатланади.

Фуқароларнинг ҳаётини асраш мақсадида ўз ҳаётини хавф остига қўйиб, мардлик ва фидойилик кўрсатган ҳолда ҳалок бўлган Андижон вилояти Хўжаобод тумани Ички ишлар бўлими Жамоат хавфсизлиги хизмати, Ҳуқуқбузарликлар профилактикаси бўлинмаси профилактика инспектори катта лейтенант Абдувалиев Абдурасул Қахаровичнинг оила аъзолари ва яқинларига чуқур таъзия билдирамиз

#орамиздагиқаҳрамонлар

🕯 Фидоий хизмат эгаларини унутманг…

Ҳуқуқ-тартибот органларида хизмат қилаётган ҳар бир инсон — бугунги тинчлигимиз, осойишталигимиз, фарзандларимизни хотиржам тарбия қилишимиз учун кун-у тун хизматда. Улар ҳаётларини хавф остига қўйиб, қарийб ҳар куни кураш майдонида бўлишади — биз фарқ ҳам қилмаслигимиз мумкин бўлган, лекин улар учун ҳар лаҳзаси масъулият ва таваккал тўла воқеликда.

Уларнинг оиласи, фарзандлари, ота-онаси бор — аммо улар шуларга кўп вақт етказолмай Ватан, халқ, тинчлик йўлида жонини тикишган. Уларнинг орасида ўз хизмат бурчини адо этиш пайтида вафот этганлар ҳам оз эмас. Биз эшитдик, кўрдик, таъзия айтдик ва бир неча кун ўтгач унутдик. Лекин уларнинг яқинлари, фарзандлари бу оғриқни бир умр кўтариб юришади. Энг яқин инсони қайсидир жиноятчи сабаб бевақт ўлиб кетгани бир умр алам қилади уларга. Бу оғриққа ҳеч қандай гап таскин беролмайди. Мен буни юрагимдан ҳис қиламан.

Қайсидир қонунбузарнинг жинояти туфайли бир оила бошлиғи, бир фарзанднинг отаси, бир она фарзандидан айрилди. Уларга айтилган «Сабр қилинг» сўзи етарли эмас. Лекин биз ҳеч бўлмаса қадрлашни, хотирлашни, миннатдорчиликни унутмаслигимиз керак.

Мен бу касб эгаларини осон ҳаёт кечиради деб билмайман.
Шу сабабли мен ҳар бир хизмат қилаётган фидоийга қалбан миннатдорчилик билдираман. Тинчлигимиз учун, фарзандларимиз эртаси учун узоқни ўйлаб хизмат қилаётган инсонлар, сизлар ҳақиқий қаҳрамонсизлар!!

🕯 Ўз хизмат бурчини адо этиб вафот этган барча марҳумларга Худо раҳматида бўлишини тилайман. Уларнинг оилаларига, фарзандларига сабр ва руҳий куч тилайман.

Қаҳрамонлар унутилмас. Қаҳрамонлар тиним билмас. Ватан сизларни унутмайди! Эхтимол халқ ёдидан чиқарар, аммо сизнинг тарихий дафтарингизда, "ХИЗМАТ ВАЗИФАСИНИ ЎТАШ ЧОҒИДА ҚАХРАМОНЛАРЧА ХАЛОК БЎЛДИ" деган ёзув туради. Фарзандларингиз, яқинларингиз фахр қилса арзийдиган инсонсизлар!🫡🇺🇿

©️ Тафаккур қилинг...