✳️ثورة التشابك الكمي في الانترنت ✳️
🔆 هل التشابك الكمي حقيقي ؟
🔆 بشنو يفيدنة ؟
قبل اسبوعين تم اعلان عن جائزة نوبل للفيزياء و كانت من نصيب 3 علماء اشتغلوا على التشابك الكمي و عرفو طبيعتة و شلون يتصرف .
مثل ما ذكرنا الكم سابقآ ان عدنة الكترونين {A,B} من مصدر واحد (( ملاحظة :- الجسم متكون من ذرات و الذرات متكونة من نواة تدور حولها الكترونات )) هذن الالكترونين بينهم اتصال او تشابك كمي بحيث اذا الكترون A دار لليمين فبنفس اللحظة الالكترون B يدور لليسار ، فكروا العلماء ال3 گالوا خل نثبت اصحية هل شي وبعدها نفكر للاوسع المهم ثبتوا وجود التشابك الكمي ب(موجة الالكترون ) و گالو انه لگينة شي اسرع من الضوء وبهذا نجحض فكرة اينشتاين انه الضوء اسرع شي بالكون ، ف گالوا لازم نستثمر هل فكرة بمجال نقل و ارسال البيانات يابة شلون ؟
💡بما انه الالكترون A مرتبط مع الالكترون B بالتشابك ف احنة ليش ما ننطي بيانات معينة للالكترون A و راح تنتقل تلقائيآ بنفس اللحظة لالكترون B بهل حالة راح نستغني عن فكرة ضعف الانترنت و مشاكلة و سوالفة و نستبدلة بالتشابك الكمي الي هو الاسرع بالكون .

🙀 يابة نستخدمة شكو عليكم شياب و من حقكم بس تعالوا سولفولنة شنو فلم الحماية عدكم بهل تشابك مو البيانات حتصير چوكليت بعرس ؟

💡حقك علينة نسينة نگولك انه أمن طريقة تواصل و نقل بيانات بكوكب الگاع هو التشابك الكمي لان يعتمد على ان الالكترون موجة اذا احنة ما نرصدة يعني ما اباوع علي و يتحول الى جسم اذا رصدتة .

😾 كمل اغاتي شو سكتت ؟
💡صبرك علية يمعود المهم اذا ارسلت بيانات معينة ف حيكون الالكترون موجة يرسل البيانات عن طريق الكترون A للـ الالكترون B بمجرد ان يدخل مخترق او شخص خارجي ف راح يتحولن الالكترونات الى جسيمات فحينهار التشابك و تنقطع عملية ارسال البيانات و المخترق حيگول ( لاحظت برجيلهة ولا خذت سيد علي ) .

و ثيمالا 🫡🫶
@iqqinfo 📚📌

هم جنت تعرف 📚
انه الجمل يستطيع تخزين 113 لترًا من المياه بـ 23 دقيقة فقط، ويتم تخزين هاي المياه في مجرى الدّم بدّل من تخزينها بـ سنامها الدهني .
@iqqinfo 📚📌

هم جنت تعرف 📚
هذا الخاتم الغريب عمره 2000 عاماً وكان يملكة الإمبراطور الروماني كاليجولا Caligula. تم نحت الجزء الأزرق من حجر ياقوت واحد.
@iqqinfo 📚📌

هم جنت تعرف 📚
👆 انه هاي طريقة تشغيل اعمدة الغاز او الفليرات النفطية سابقآ و حاليآ .
@iqqinfo 📚📌

هم جنت تعرف 📚
مدينة شنغهاي الصينية بين الماضي والحاضر .
@iqqinfo 📚📌

هم جنت تعرف 📚
هاي السحب اسمها أندولادوس أسبيراتوس "الأمواج المتوحشة" هي نوع جديد من الغيوم النادرة و مظهرها غريب حيل و سبب تكون هاي الغيوم ما معروف لحد الآن .
@iqqinfo 📚📌

هم جنت تعرف 📚
عدم شرب الماء قبل النوم هو السبب الرئيسي الي يخليك تستيقظ متعب وضايج الصبح حتى وإذا نمت ساعات كافية .
فنقص الماء بـ الجسم يقلل التفاعلات الكيميائية وإنتاج الطاقة بالليل الأمر الي ينعكس سلبياً على مزاجك صباحآ .
@iqqinfo 📚📌

هم جنت تعرف 📚
البارحة تم اطلاق صاروخ sls الى القمر برحلة خالية من البشر كرحلة تجريبية تمهيدآ لعودة البشر الى القمر و اقامة المستعمرات فيه مستقبلآ .
@iqqinfo 📚📌

هم جنت تعرف 📚
انه علماء من الدنمارك تمكنوا من تحويل الامواج المغناطيسية المحاطة بكوكب الارض الى صوت مسموع ف انتج النة هذا الصوت المرعب الخاص بحركة كوكبنا الجميل .
@iqqinfo 📚📌