شعندي وي فانوسهم وانه الصبح..

عذرك مايفيد شلون عذر الماي
من يغرك ابنادم يرجع يغسله..

سلس ماصير وابقى بكيفك أنكاد
وحطب ماصير وانت بعازه النار
جنت زهره شمس هسه أنه صبير
مادير ويه شمسك وين تندار..

ماعندي حمل يطشر بريح
اچودر وين ما ذبتني دنياي
يم الناس اضحك ضحك خالين
بس وحدي من أدمع أنگلب ناي..

كاتلني العطش بس بالي مرتاح
اشرب بالرمل ماذل للانهار..

حسبالك سعد مدفونة الاسرار
وظنيت الحچي المدفون مدفون
بس مرهن مطر خضرهن وراح
الياخذ واليعامل گام يشرون..

اتفقنا نموت لكن وحنة عدلين
نضحك بس اكو بخاطرنة مأتم
الهوة يلاگينة لكن ما مبينين
مختنگين بس نگول نشتم..

بموعد جيتك كون أندل الميل
وأسطي اعله الدقايق حتى اقدمة
اني مناطرك نظرة غصن جان
اخضر بس قبلت تعوفه يضمه..

روحك هم مثل روحي بها ون
وتدور على الفرح كاعد بهاون
عشت عمري مثل كهوه بهاون
يدك ونار عين اله علية..

يا شوكَي وفرحتي ودنياتي ولوني
وعذابي ولوعتي وشكواي وظنوني
ياخي عونك علي َّوبيك خيعوني..

اوديلك طيوفي يرجعن مدنگات
استحن لمن لگنك تحلم بغيري..

صديجي الچنه اظنه بير بيريش
فتح جرحي وملح ياحيف بي رش
فرح من شاف جنحه طلع بي ريش
صفگ جنحه ولا نشاد بيه..

وكلت ما يحجي سري وشاوريت الناي
حچه جروحي وفضحني وسولف اهاتي..

يمكن اغلبنه سامعين هذا البيت للشاعر سمير صبيح، لكن هلمره راح اتركم ويه تكملة القصيده .

بين ارفض واريد واقتنع واحتار
ذبلت الورد بأغصان رغباتي
امد ايدي عله صدري واكتل الفلاح
واكول الكاع بارت وانهي زرعاتي
لو اصبر واتاني وابني عالمجهول
واحللهه اللجام تغيّر نزواتي
اذبلهن قليل الروح بيه تلوم
تخلص حنطتي يطيرن حماماتي..

تمنيت الإصابع كون الف بالايد
لان بيه ندم مو مال اعض خمسه..

مابين جفي الخالي
وما نفترگ حسبالي
كل راي ماظل باليد
مرات تلكَالك جرح
بس بي الخنجر ينحد..

شد عين النوارس للشواطي تروح
شد عين الغراب يروح للموته..

هذاك اني نبع صافي يخايب دغش مابيه..