"‏أتشبّث كن عمري معك طوق النجاه
‏وأدري أن طردك غرابيل وأن تركك جلل

‏تنكسر من فقدك أصغر تفاصيل الحياه
‏مثل كسر كبار الاموال بصغار الهلل

‏لو توجّهك المسافات من كل إتجاه
‏خطوةٍ ماقربت لك ولا سدت خلل"

" والله إن بالي طويل ودايمٍ صدري شمالي
‏والزمن يبغى يبّيح سدي وبيحت سده

‏طاح من عيني عتاب
وطاح دمع
وطاح غالي
‏والعيون إن طاح منها شي؟ ما والله تردّه "

"لحظة حياتي لحظة أعدامي
‏ما فادني خوفي ولا حدسي

‏مادام نفسي أوّل أخصامي
‏لازم أحد.. ينقذني من نفسي"

"ورا ليل المدينة يا عتيم الدور
‏عيونٍ خاويه، وقلوب مهجوره

‏كأن الحظ حارس والنصيب السور
‏تشيخ الأمنية.. وتموت مكسوره"

في كل مناسبه من كل سنة، لابد إحياء ذكرى هذا البيت لأهمية وجوده:

‏"أولويّاته اللي عن يقين وقناعه
‏كانت الدين، وأنتي، والوطن، والقبيله"

"زم نفسك على نفسك وزيد، وخِف
‏لا تسوي أنا اللي ذات أهميّة

‏ما رجيناك والدنيا شحيحة كف
‏كيف نرجيك والدنيا رهاويّة؟"

‏"اسقنيها والله إنّي لريحتها شفوق
‏ما اتحلوى مرّ الأيام.. لين أذوقها"

ما يقصد القهوه*

"وش أقول ؟ حزنٍ صيّرته الظروف وصار
‏قدر وإنكتب .. لا عاد تنشد سنيني عنه

‏شعوري وأنا بأحلامي أصارع الأقدار
‏شعور الشجاع اللي معادينه أشجع منه"
‏- بدر بندر

مروّعني الوقت لو ياخذ طموحاتي
‏وتروّعني الناس في صدمة مباديها

‏بارد ولا شي .. يلفت أنتباهاتي
‏تمرني أشياء ما تمشي وامشّيها

‏مسكر اذني .. ومقلل علاقاتي
‏تتساقط الناس من عيني واخليها

عن سكون اواخر الليل
ودي بالضجيج
الهدوء يأثر على الانفس المتغلقه
‏- عبدالله بن مشهور

‏رجعت من الغياب المرّ لكن ما رجعت اياي
‏ يا ليت .. اللي يرد ( الغايبين ) يردني يمّي

‏الاحظ غربتي حتى على مدهالي ، ومرباي
‏ مثل غربة حديث المُّطلع في حضرة الأُمي

‏وش انسب حل مع قسوة زمان
ما احترم مبداي
‏ حمس قلبي على صاج الصبر لين احترق دمي

‏تضيع الضيعه اللي ما تبي فيها ، رجاحة راي
‏ لا شفت احلامك يكبر عليها الوقت ويسمّي

كل حاجة من الماضي تمر بخيالك
‏علّقيها على متن الزمن واذكريني
‏- محمد البطحي

بعد مافقدت الحلم ياقلبي الشكّاك
ماعاد الدروب اللي تودي.. توديني

مزاجيّتي في كل الاحوال ما تخفاك
هي اللي تضيّع كل حاجه من ايديني

ما الومك ليا شفت الهبايب تجيب اقصاك
انا مثلك بعد، اشوف الموسيقى.. تبكيني

"وين ما نطقها عويّه"

"ماهوب شرط العزلة أسباب القلق والإنفصام
‏أكثر مشاكلنا من اللي شوفهم بَذّ الخفا

‏أسوء شعور يعيشه الواحد شعور الإنتقام
‏واطيب شعور يعيشه الواحد ليا منه عفى

‏واقسى شعور يمر بالواحد ليا احتاج إهتمام
‏واجمل شعور يمر بالواحد لا كانه لهى"

غربة النفس لو إنها طليقة سجن
‏يرعب الخوف من جرّب شعور الأمان

‏تسهر تحاتي تْداري تناجي تحن
‏لو ترّد الفرص منهو يرّد الزمان

‏السفر ما يسلّي خاطر المشتحن
‏والحطب ما يدفّي فاقد الاحتضان

‏غربة النازح مْن الدار غربة حزن
‏وغربة السامح مْن الناس غربة زمان

‏"من تركني حاير البال مغدور الثبات
‏لا صمل يجهز على روحي ولا بلّها

‏التشبث فيه مثل التشبث فالحياة
‏بس أنا حتى حياتي بديت املها

‏ما بقى منه الا بقايا ذكريات
‏ودي إنه راح كله.. وأخذها كلها"

"جالس معك لكن أحس أني وحيد
الأرض غربه .. والوطن دربه فضى

برد الشعور أشد من برد الجليد
وحر الانتظار أحر من برد الغضى

والضحكه بدون السعاده ماتفيد
ضحك السعاده غير عن ضحك الرضى

إذا إبتسمت لا تحسب أني سعيد
أنا أبتسم دايم إذا دمعي قضى".