tgoop.com/islam_quran_exlaq/1115
Last Update:
📖FİQH📖
ZƏKAT
بِسمِ اللهِ الرَّحْمَنِ الرَّحِيمْ.
خُذْ مِنْ أَمْوَالِهِمْ صَدَقَةً تُطَهِّرُ هُم وَ تُزَكِّيهِمْ بِهَا صَلِّ عَلَيْهِمْ إِنَّ صَلاَتَكَ سَكَنٌ لَّهُمْ وَ اللهُ سَمِيعٌ عَلِيمْ.
"Onların mallarından zəkat al. Bununla onların mallarını və canlarını təmizləmiş və pak etmiş olarsan. Onlara dua et, çünki sənin duan onlar üçün aramlıq, rahatlıqdır. Allah (hər şeyi) eşidən və biləndir."
Tövbə surəsi, ayə 103.
Müsəlmanların mühüm iqtisadi vəzifələrindən biri "Zəkat" ödəməkdir.
Zəkatın əhəmiyyəti haqqında yalnız onu demək kifayətdir ki, zəkat Qurani-Kərimdə namazdan sonra gəlir, imanın və əməli salehliyin nişanəsi olaraq göstərilir.
Zəkatın vacib olduğu şeylər:
1-Buğda.
2-Arpa.
3-Xurma.
4-Kişmiş.
5-Qızıl.
6-Gümüş.
7-Dəvə.
8-İnək.
9-Qoyun.
Zəkatın vacib olma şərtləri:
● mal nisab həddinə çatmalıdır;
● onun sahibi həddi-büluğa çatmış olmalıdır;
● aqil olmalıdır;
● azad olmalıdır;
● öz malından istifadə edə bilən olmalıdır.
NİSAB HƏDDİ
Zəkat o halda vacib olar ki, yuxarıda deyilənlər müəyyən ölçüyə çatsın. Bu ölçüyə "nisab həddi" deyilir. Yəni əldə olunan məhsul, ya dəvə, inək və qoyunun sayı, yaxud qızıl və gümüş nisab həddindən az olsa, ona zəkat düşməz.
BUĞDA, ARPA, XURMA VƏ KİŞMİŞİN
NİSABI
1-Buğda, arpa, xurma və kişmişin zəkatının nisabı 288 "mən" Təbriz ölçüsündən 45 misqal azdır ki, təqribən 847 kq-a bərabərdir.
2-Amma qeyd etmək lazımdır ki, buğda, arpa, xurma və kişmişin zəkatı onların suvarılmasından asılıdır. Buna görə də onları üç hissəyə bölmək olar:
1) Əgər məhsul çay və yağış suyu ilə suvarılsa, yaxud yerin rütubətindən suvarılmağa ehtiyac olmadan əldə olunsa, (Zəkat məhsulun 1/10-i qədərdir.
2) Əgər məhsul vedrə, su motoru və s.
kimi vasitələrlə, hal-hazırda mövcud olan dərin, yaxud nisbətən dərin quyulardan suvarılsa, (Zəkat məhsulun 1/20-i qədər olmalıdır.
3) Əgər məhsul torpağın bir hissəsi yağış, çay suyu və ya yerin rütubətindən istifadə edilərək elə həmin miqdar da vedrə, su motoru və s. kimi vasitələrlə suvarılaraq əldə olunsa, (Birinci yarısının zəkatı 1/10, ikinci yarısının zəkatı 1/20-dir.
📚📚📚
@islam_quran_exlaq
BY Əhlibeyt Aşiqləri
Share with your friend now:
tgoop.com/islam_quran_exlaq/1115