​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

https://www.tgoop.com/islomnuricom

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .
https://www.tgoop.com/islomnuricom

◀️ Таровеҳ намози

🎙 Шайх Абдулҳафиз Домла раҳимаҳуллоҳ

🔵 https://www.tgoop.com/islomnuricom

Зайд ибн Холид Жуҳаний разияллоҳу анҳудан ривоят қилинган ҳадисда Набий саллаллоҳу алайҳи ва саллам дедилар:

«Ким рўзадорни ифтор қилдирса, унга рўзадорнинг ажри мислича савоб берилади ва бу билан рўзадорнинг ажридан ҳеч нарса камаймайди».

📚 Термизий, Насоий ва Ибн Можа ривоят қилган, Албоний «Саҳиҳул жомеъ»да саҳиҳ деган.

https://www.tgoop.com/islomnuricom

Рамазон ойида уч амал борки, улардан бири орқали Аллоҳ банданинг ўтган гуноҳларини мағфират қилади:
— Рўза;
— Кечалари намозда қоим бўлиш;
— Қадр кечасини ибодат билан бедор ўтказиш.
Ким мазкур уч амални тўлиқ адо этса, унинг мағфиратга эришиш сабаблари янада улкан бўлади.

✍🏻 Шайх Абдулазиз Тарифий ҳафизаҳуллоҳ

https://www.tgoop.com/islomnuricom

#Тафсири_муяссар

سورة غافر

40. Ғофир сураси, 10-15 оятлар

إِنَّ ٱلَّذِينَ كَفَرُواْ يُنَادَوۡنَ لَمَقۡتُ ٱللَّهِ أَكۡبَرُ مِن مَّقۡتِكُمۡ أَنفُسَكُمۡ إِذۡ تُدۡعَوۡنَ إِلَى ٱلۡإِيمَٰنِ فَتَكۡفُرُونَ ﴿١٠﴾

10. Аллоҳнинг ягона ҳақ илоҳ эканини инкор қилган ва Ундан бошқага ибодат қилган кимсалар дўзах даҳшатларини ўз кўзлари билан кўрган пайтларида ўзларини қаттиқ ёмон кўриб кетади. Шунда жаҳаннам посбонлари уларга хитоб қилади: “Аллоҳ дунёда сизлардан Унга иймон келтиришни ва пайғамбарларига эргашишни талаб қилганда сизлар бош тортдингиз. Аллоҳнинг ўшанда сизларни ёмон кўргани сизлар ҳозир Аллоҳнинг ғазаби ва азобига лойиқ эканингизни англаб етганингиздан кейин ўзингизни ёмон кўришингиздан қаттиқроқ эди”.

قَالُواْ رَبَّنَآ أَمَتَّنَا ٱثۡنَتَيۡنِ وَأَحۡيَيۡتَنَا ٱثۡنَتَيۡنِ فَٱعۡتَرَفۡنَا بِذُنُوبِنَا فَهَلۡ إِلَىٰ خُرُوجٖ مِّن سَبِيلٖ ﴿١١﴾

11. Кофирлар: «Парвардигор, Сен бизга икки марта ўлим бердинг: бири онамизнинг қорнида то жон киритилгунига қадар нутфа (уруғ) бўлганимизда, иккинчиси эса дунёда ажалимиз етган пайтда. Шунингдек, бизга икки марта ҳаёт бердинг: бири дунёга келган пайтимизда, иккинчиси қабрларимиздан чиқарган кунингда. Биз ҳозир ўзимизнинг ўтмишдаги хатоларимизга иқрор бўлиб турибмиз. Энди биз учун дўзахдан чиқишга ва дунёга яна бир бор қайтиб, Сенга тоат-ибодат қилишга бирон йўл борми?» дейдилар. Лекин бу эътирофлари уларга қандай фойда берсин?!

ذَٰلِكُم بِأَنَّهُۥٓ إِذَا دُعِيَ ٱللَّهُ وَحۡدَهُۥ كَفَرۡتُمۡ وَإِن يُشۡرَكۡ بِهِۦ تُؤۡمِنُواْۚ فَٱلۡحُكۡمُ لِلَّهِ ٱلۡعَلِيِّ ٱلۡكَبِيرِ ﴿١٢﴾

12. Эй кофирлар, бошингизга келган бу азоб Аллоҳни бир дейишга ва Унга холис амал қилишга чақирилган пайтингизда кофир бўлганингиз ва Аллоҳга бошқани шерик қилинган пайтда ўша “шерик”ка иймон келтириб, унга эргашганингиз сабаблидир. Аллоҳ субҳонаҳу ва таоло бандалари ўртасида ҳукм қилувчи ва уларга асло зулм қилмайдиган одил зотдир. У истаганини ҳидоят қилади, истаганини адаштиради, истаганига раҳм қилади, истаганини азоблайди. Ундан ўзга ҳақ илоҳ йўқ. У зоти ҳам, қадри ҳам, қудрати ҳам олий бўлган зотдир. Буюклик ва улуғлик фақат Унга хосдир.

هُوَ ٱلَّذِي يُرِيكُمۡ ءَايَٰتِهِۦ وَيُنَزِّلُ لَكُم مِّنَ ٱلسَّمَآءِ رِزۡقٗاۚ وَمَا يَتَذَكَّرُ إِلَّا مَن يُنِيبُ ﴿١٣﴾

13. Эй одамлар, У сизларга яратувчисининг ва вужудга келтирувчисининг нақадар комиллигини кўрсатувчи борлиқдаги улкан оят-аломатлари билан Ўз қудратини кўрсатади. У сизларга осмондан ёмғир ёғдиради ва сизлар у билан ризқланасиз. Аллоҳнинг бу оят-аломатларидан фақат Унинг тоатига қайтадиган ва Унга холис ибодат қиладиган кишилар эслатма олади.

فَٱدۡعُواْ ٱللَّهَ مُخۡلِصِينَ لَهُ ٱلدِّينَ وَلَوۡ كَرِهَ ٱلۡكَٰفِرُونَ ﴿١٤﴾

14. Эй мўминлар, ибодатни ҳам, дуони ҳам фақат Аллоҳга қилинглар. Мушрикларнинг йўлларига хилоф иш қилинглар, бу уларнинг ғазабини келтирса ҳам парво қилманглар.

رَفِيعُ ٱلدَّرَجَٰتِ ذُو ٱلۡعَرۡشِ يُلۡقِي ٱلرُّوحَ مِنۡ أَمۡرِهِۦ عَلَىٰ مَن يَشَآءُ مِنۡ عِبَادِهِۦ لِيُنذِرَ يَوۡمَ ٱلتَّلَاقِ ﴿١٥﴾

15. Шубҳасиз, Аллоҳ таоло даражалари юксак, қадри баланд ва махлуқотларидан ажралган энг олий зотдир. У буюк арш соҳибидир. Бандаларига раҳмат ўлароқ ичларидан пайғамбарлар юборади ва пайғамбарларга Аллоҳнинг бандаларини қўрқитишлари ва уларни аввалгилару охиргилар бир-бири билан учрашадиган қиёмат кунидан огоҳлантиришлари учун ҳаётбахш ваҳийни нозил қилади.


https://www.tgoop.com/islomnuricom

◀️ Рамазоннинг охирги ўн куни

🎙 Шайх Абдулҳафиз Домла раҳимаҳуллоҳ

🔵 https://www.tgoop.com/islomnuricom

Саҳл ибн Саъд Соидий разияллоҳу анҳудан ривоят қилинган ҳадисда Расулуллоҳ саллаллоҳу алайҳи ва саллам бундай дедилар:

«Дарҳақиқат, жаннатда "Райён" номли бир эшик бор бўлиб, Қиёмат кунида у ердан фақат рўзадорлар киради, улардан бошқа ҳеч ким кирмайди. (Ўша куни) «Рўзадорлар қаерда?» деб нидо қилинади. Шунда рўзадорлар у эшикдан кира бошлайдилар. Охиргилари кириб бўлгач, эшик ёпилади ва бошқа ҳеч ким у эшикдан кирмайди».

📚 Бухорий ва Муслим ривояти

https://www.tgoop.com/islomnuricom

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .
https://www.tgoop.com/islomnuricom

◀️ Қадр кечасининг фазилати

🎙 Шайх Абдулҳафиз Домла раҳимаҳуллоҳ

🔵 https://www.tgoop.com/islomnuricom

#СаволЖавоб

Қадр кечаси фазилатлари

Савол:
Қадр кечаси фазилатлари ҳақида маълумот берсангиз.

Жавоб:
Қадр кечаси фазилатларининг қисқача баёни қуйидагича:

Аллоҳ таоло деди: «Албатта, Биз у (Қуръон)ни қадр кечасида нозил қилдик. (Эй Муҳаммад соллаллоҳу алайҳи ва саллам,) қадр кечаси нима эканини сиз қаердан ҳам билар эдингиз? Қадр кечаси минг ойдан яхшироқдир. У (кеча)да фаришталар ва Руҳ (яъни Жаброил алайҳиссалом) Парвардигорларининг изни-ихтиёри-ла (йил давомида қилинадиган) барча ишлар билан (осмондан заминга) тушурлар. У (кеча) то тонг отгунча тинчлик-омонликдир» (Қадр сураси).

Бу сурадан Қадр кечасининг бир қанча фазилатлари маълум бўлади.

Биринчи фазилат: Аллоҳ таоло бу кечада башариятнинг ҳидояти ва икки дунё саодати бўлмиш Қуръонни нозил қилди.

Иккинчи фазилат: «(Эй Муҳаммад,) қадр кечаси нима эканини сиз қаердан ҳам билар эдингиз?» сўзидаги сўроқ улуғликка далолат қилади.

Учинчи фазилат: Қадр кечаси минг ойдан хам яхшидир.

Тўртинчи фазилат: Фаришталар яхшилик, барака ва раҳматни олиб тушадилар.

Бешинчи фазилат: Бандалар Аллоҳ азза ва жаллага тоат-ибодат билан қоим бўлиб, азоб ва иқобдан саломат қолувчиларнинг кўплигидан Қадр кечаси омонликдир.

Олтинчи фазилат: Аллоҳ таоло Қадр кечасининг фазли хақида Қиёматга қадар тиловат қилинадиган комил бир сура нозил қилди.

Қадр кечасининг фазилати хақида, Абу Ҳурайра розияллоҳу анҳу ривоят қилган ҳадисда Пайғамбар соллаллоҳу алайҳи ва саллам шундай деганлар: «Кимки Қадр кечасида иймон билан ва савоб умидида намозда қоим бўлса, унинг аввалда қилган гуноҳлари кечирилади» (Муттафақун алайҳи).

Валлоҳу аълам.

Қадр кечаси ҳақида батафсил маълумот олиш учун қуйидаги ҳаволага ташриф буюринг: ⬇️

Қадр кечаси ҳақида муҳим маълумотлар

https://www.tgoop.com/islomnuricom

Қадр кечаси ҳақида муҳим маълумотлар | Абдулҳафиз Домла раҳимаҳуллоҳ

YouTube

Audio

"Islom Nuri" саҳифаси
•••┄┄┄┄┄༻❅༺┄┄┄┄┄•••
YouTube | Facebook | Telegram

Қадр кечаси ҳақида муҳим маълумотлар | Абдулҳафиз Домла раҳимаҳуллоҳ

YouTube

"Islom Nuri" саҳифаси
•••┄┄┄┄┄༻❅༺┄┄┄┄┄•••
YouTube | Facebook | Telegram