هاي مجموعة لوحات تجسد حادثة صارت وية Joshua ... خليفة موسى الي احنا نعرفة باسم يوشع بن نون

الحادثة هية لمن يوشع أمر الشمس والقمر أن يوگفن بمكانهن بالسماء وما يتحركن ... وطال النهار لما يعتقد أنه مدة يوم كامل

چانت معركة بين بني إسرائيل والأموريين ويوشع طلب من الله أن يستمر النهار علمود لا تصير دنيا ليل ويصعب على بني إسرائيل يشوفون اعدائهم بالمعركة ... فالشمس ثبتت بمكانها بالسماء علمود النهار يستمر وتستمر المعركة وينتصرون بني إسرائيل

وارتبطت الشمس وية يوشع ... حتى الصورة مال Joshua بالويكيبيديا يوشع يركض ويأشر علشمس

Then Joshua spoke to the Lord on the day when the Lord delivered the Amorites before the children of Israel; and he said in the sight of Israel: ‘Sun, stand still [dom] upon Gibeon; and you, Moon, in the valley of Ayalon.’” (Joshua 10:12).

"ثم كلم يشوع الرب في اليوم الذي أسلم فيه الرب الأموريين أمام بني إسرائيل، وقال أمام عيون إسرائيل: يا شمس دومي على جبعون، ويا قمر على وادي أيلون." (يشوع 10: 12)

هسه الي اول مرة انتبه علية ... أنه بني إسرائيل بعد وفاة موسى اتبعوا يوشع وهو صار قائدهم وهو قادهم وخلاهم يدخلون الأرض المقدسة

والمسيح هم اتبعوا وصي عيسى بعد ما انرفع ... الي هو Peter بطرس الي احنا نعرفة باسم شمعون الصفا ... وعلى ما يعتقدون أنه قبرة تأسس الڤاتيكان والكرسي الرسولي

بس أمة محمد ... الامة الغبرة سوت الما سوتة أمة قبلها

والأمم السابقة انحرفت رغم اتباعها هذا الوصي ... بس الإتباع مچان مضبوط ... فما ادري شحال الأمة الي اصلا ما اتبعت وكفرت كفر شامل

واذا نريد نطبق مال تمشون بلي مشوا بي بني إسرائيل فالسنة عابرين الموضوع وغالبين الجماعة ... احنا الشيعة الي اعتقد دنلوص تلويص بني إسرائيل والوضع الي دنمشي بي هو الوضع الي همة مشوا بي

واكو جزء شيعة ديجرونا لوضع هجين ... خابطين الخرابين... هم مال بني إسرائيل وهم مال السنة

خراب حتى أهل السنة والجماعة ما جاي على بالهم يوصلوا

وهيه هاي سنن البشر ... نفس القصص تنعاد وتنعاد والبشرية تعيد نفس الأخطاء بلا تغيير ...

المهم ...

هذا واحد من جماعتنا ... هو فطير وضريبة كونة فطير ... مرات عقلة يوگف ويصير قشمر ... ونتيجة لكونة قشمر فهو شيعي يحب القضية الفلسطينية وقزة ... من هذا الي عندة حماسة بالستوريات والدجاج

دزلي هذا المقال ... الي بدون أدنى شك ... اكيد ما راح اقرا

بس انطيتة حل... واقتراح ... وطريقة لكل عشاق قزة

لو كل عوشاق المقاومة وقزة والقزية يهددون العالم والمجتمع الدولي وسكان الكوكب ... أنه إذا ما تعوفون قزة بحالها ... احنا احتجاجا واستنكارا على هذي الجرائم وكطريقة للضغط عليكم ... راح نتوقف عن التكاثر ... نمتنع عن أي ممارسات تؤدي إلى التكاثر ... ونحرمكم من عدنا ومن نسلنا المهم الخطير ... وانتوا يا شعوب العالم تخيلوا شلون راح تعيشون بليانا وشنو مستقبل العالم بلا نسل عوشاق المقاومة وقزة والقزية... صدگوني اذا يسووها العالم راح يحس بالخطر المحدق وكل الإسرائيلية يطلعون من فلسطين ويرحلون بلا رجعة ... يشيلون جنطهم طواعية ويطلعون ... وترامب يبني غزة وفلسطين ويگولون لكل عشاق القدس تعالوا عليكم بالعافية ويسلمون الحكم لحماس وتصير الحياة سعيدة


واذا العالم ما استجاب بالسرعة الممكنة...

لازم يصعدون ويهددون بأن يحرگون نفسهم بالبانزين

9-4-2003 ... ايام ما چانوا الشيعة يحبون امريكا ويطشون چكليت على الهمرات الأمريكية ... چنة ما سامعين بمقتدى ولا زربان ... محد طيح حظنا غير إيران والسنة

اشتعلت بگبرك يا سليماني ( هذا اذا انت صدگ بگبرك ) ويا حارث الضاري

فرصة اجت ... وراحت

طاحظ إيران والسنة اي والله

منو ديشوف هاي سالفة ال tariffs " التعريفات الجمركية" الي فرضها ترامب على الصين؟؟

وهسه بدت سالفة الصين ديگولون تعالوا اشتروا من عدنا مباشر والشغلة الي دتشتروها ب٣٨ الف دولار ... ترة هيه ما تكلف فعلا غير ١٤٠٠ دولار ... واديداس وبقية البراندات الي ديگولون احنا دنصنعها فعليا ... ونگدر نصنعها بنفس الجودة والمواد نفسها ... بسعر كلش ارخص " هواي من هاي السوالف بتويتر "

وتعالوا اشتروا من عدنا ونشحن الكم

السؤال ... التجار والمصانع الصينية ليش ما من البداية هيه تسوي هلسوالف وتصنع براندات صينية محترمة وتبيع وتربح ... وتخلق براندات صينية تنافس وتشتغل ... ليش كل البراندات غريية؟! أمريكية واورپية؟! منو لازم الصين ما سوت برانداتها؟!

شسالفة؟!

ال الصادق عليه السلام: من ترك التقية قبل خروج قائمنا فليس منا وقال عليه السلام التقية ديني ودين آبائي وقال الصادق عليه السلام من أذاع علينا شيئا من أمرنا فهو كمن قتلنا عمدا ولم يقتلنا خطأ