فزاعية للسيدة زينب ع


اكعدو ياهلي ونت العلويه
والسجاد ناده حيل مابيه
-------------------
اكعدو ياهلي ولزينب بسرعه
و تابوت بس الكافل يرفعه
ينصب جادر اخته ويلطم وينعه
وينحب عل عزيزه بروح محنيه
-------------------
يحضر للعزيزه ويرفع الرايه
اكعدو ياهلي وعوفو المسنايه
وصت عل تهل ياكون ويايه
تكول الحيد ليش وعطل الجيه
-------------------
ولصوب النهر هلعين مشبوحه
تريد الحيد اخوها المترفه روحه
بديار الغرب ياولي مطروحه
تعتب عل اهل محد حضرليه
-------------------
تعتب عل اهل والعتب شيوصله
فركاهم سهم بعيونه خله
شيصبر الكلب والكلب بي عله
وتكول الحيد اريده يسبل ايديه
-------------------
جفوفه والسهم هنه المعطلاته
مايكدر يجي ويحضر لخياته
نايم عل ترب ويجر وناته
اعذريني يخيه وحيل مابيه
-------------------
تمت بفضل الله واهل البيت ((ع))
بقلم الشاعره ام عون الحلاويه
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للسيدة زينب ع ❤️


شدو حزام للحره يخوان
وتدرون المره بعازة الوليان

شدو حزام ليها وعتنوها
ويامحله الاخت جناز اخوها
تضل تعتب تره لومااجوها
شمحلات لولي لو صار دفان
❤️
شمحلات الولي لوشد النكاب
وتصير الجنازه بنص الاحباب
تصيح وياهله بيكم يغياب
كضت برض الغرب والحيل خلصان
❤️
غريبه ام الحزن والحيل مهدوم
وتيرد الشفيه يحضر اليوم
تفرح بلولي وتنسه الهموم
وتنادي ياهله بكمر عدنان
❤️
تنادي ياهله بضنوة الكرار
تتسامر وياه وتحجي الصار
بس ضلت غريبه موجره النار
ياخويه الوكت ياحيف خوان
❤️
بس ضلت غريبه وشابحه العين
وتربي عيونها لصوب الميامين
تعذرها الحنين ونام بلطين
وكالت ياوسف يلكلم حنان
❤️
تمت بفضل الله واهل البيت ((ع))
بقلم الشاعره ام عون الحلاويه
ارجو عدم حذف الاسم

اطلب منكم تندعولي ان الزهراء تقبل خدمتي
https://www.tgoop.com/jfhfhggr

هوسات السيدة زينب ((ع))
🎤🎤🎤🎤🎤🎤🎤🎤🎤🎤
متوفيه الجليله ونهدم ركن الدين
ولايمهه البطل عباس وحسين
بعيده عل وطن ودايره العين
(( وشالاها بيده السجاد))
🎤🎤🎤🎤🎤🎤🎤🎤🎤🎤
شايل عمته السجاد وجعان
وصاح الله اكبر يم الاحزان
صفك بيده العليل وكلبه خلصان
((وتنشد بي وين الكافل))
🎤🎤🎤🎤🎤🎤🎤🎤🎤🎤
وتنشد عل كفلها تريده يحضر
وماتدري السبع مات وتطبر
عله مصاب العقيله الله اكبر
((يون ليها ضل السجاد))
🎤🎤🎤🎤🎤🎤🎤🎤🎤🎤
يون لعمته ودمعاته يجريهه
رساله من العتب ياعمه وديهه
للعباس كله وزين يقريهه
((هاذا عتابي ياخال ابني))
🎤🎤🎤🎤🎤🎤🎤🎤🎤🎤
تمت بفضل الله واهل البيت ((ع))
بقلم الشاعره ام عون الحلاويه
ارجو عدم حذف الاسم



اطلب منكم تندعولي ان الزهراء تقبل خدمتي
https://www.tgoop.com/jfhfhggr

((فزاعيه)) للسيدة زينب ع



اجه العباس وجاب الجفن ليه
وينشد عل عقيله اليوم واليه


طب الشام ابوالكلفات دفان
ينشد عل عقيله وكلبه خلصان
وشد عمامته وينحب الريسان

هز الشام ابو الكلفه ونواحيهه

شال الحيد نعش الغاليه بيده
حضرها وعتنه من دروب البعيده
سمع بيها العقيله كاطعه البيده

شايل رايته ويهوس عليهه

ابوفاضل حضر برايه غطاها
شالاها العقيله وحاضر وياها
ومدنك الهامه بحزن ينعاها

ماتت بت علي وضيم غاطيهه

صاح ابصوت زينب انه وياج
من اهل الشام منهو الحجه وياج
اكصن منحره كل التدناج

وام الشور زينب يتنزمط بيه

هيبه ام العله وربات الحيود
وشده راس الجفن بالريه والجود
ترفرف رايته ومركب الزنود

وينشد عل عقيله اليوم واليهه

((وتعناها عباس اخته))

🎤🎤🎤🎤🎤🎤🎤🎤🎤🎤

تمت بفضل الله واهل البيت ((ع))
بقلم الشاعره اسيل ام عون الحلاويه
ارجو عدم حذف الاسم



اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للعقيله زينب سلام الله عليها

وهوسي لزينب الحره يشيعيه
نعازي ام الحسن بفكد البنيه

وحلوه ولايكه الهوسات لم عون
الزهره فاطمه وحيدر يونون
مصايبها العقيله تهدم الكون

صدعها الدهر وي جيش اميه

صدعها الدهر ياولي جم صدعه
ماتت بلغرب وعاشت بدمعه
وكضت هلعمر لحسين بس تنعه

تكول ام الحسن لاحيل ضل بيه

زهره ام الحسن تريد عوانه
لطمه معدله لزينب الحزنانه
وهاي ام الحسن هلحاضره ويانه

شلون ام الخدر وتموت محنيه

حناها فراك اخوها الفركه ماترحم
شمسويه الزمن وياها تحزم
كضت هل عمر جرح بجرح يلجم

هنياله لحضر وبصافي النيه

هنياله الحضر وبروح محزونه
ويبجي عله العقيله يالف عونه
تشفع للحضر وبهاي مضمونه

((بلمحشر كونج ويانه))


تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم



اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للسيدة زينب ع


وياخال الولد شيع المحزؤؤؤنه
بديار الغرب وحالها شلؤؤؤؤؤؤؤنه


بديار الغرب ونت المهضؤؤؤمه
ريحت امي اخونه ريحت هدؤمه
من اشوف الوالي اتذكر المضلؤمه

محتامه واكولن ليش ماجؤؤنه


شنهو العطله خال ابني هليله
صدك يمه نساني كافل العيله
طلع تعبان اخونه ومنهدم حيله

حسبالي يجيني وهاي مضمؤؤؤنه


حسبالي يجي والبيرغ يشيله
وعله ريحت الخوه المدمع يسيله
وتراب الكبر بجفوفه يهيله

صدك وي الغرب ياحيف خلؤؤنه


صدك خويه يخال ابني تعيفؤؤني
محزونه واون وشابحه عيؤؤؤني
ولوااعتب عليكم حك تعذرؤؤؤني

هنياله الهله وياها ويشيلؤؤؤنه


هنياله اليموت وبسطت احبابه
خل نبجي عليها دموع سجابه
عل ضلت تون وتصيح يايابه

وتريد النعش همه اليزتؤؤؤؤؤنه

تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه ▪️للسيدة ▪️زينب(( ع ))


هيبه اسمج يزينب يرفع الراس
شريفه والشرف بس بيج ينقاس

▪️⬛▪️⬛▪️

هيبه اسمج يزينب بنت الحيود
شريفه وبلشرف هم عندج شهود
وهاي لجيش اميه سوت احدود

هاي ربات اخوها الحيد عباس
▪️⬛▪️⬛▪️

حرمه ولوحجت تسكت ازلام
طلعت مثل ابوها علي الضرغام
وتستاهل عراضه ونرفع اعلام

ضلت عل ترب وكاطعه الياس
▪️⬛▪️⬛▪️

ضلت عل ترب تتنطر الحيد
ايسى من اخوج ودربه بعيد
حنت روحها ولعزازها تريد

نايم عل نهر ضل ابوالنوماس
▪️⬛▪️⬛▪️

نايم عل نهر مايدري شصار
ولايدري العقيله تريده يحضر
كلب زينب يون ويلي وتفطر

كالت صدك يرضه تشيلني الناس
▪️⬛▪️⬛▪️

كالت لاجذب مايرضه ابوالغيره
مانت عيونه ولسه ابصيره
هسه ادري يجي ويحضر الديره

لاميعوفني ويحضرني عباس
▪️⬛▪️⬛▪️

تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للسيدة زينب ((ع))
🍃🍃🍃🍃🍃🍃🍃🍃🍃🍃🍃🍃
ولرض الشام خل نمشي بعراضات
ولجل ام الحزن نشيل رايات
🍃🍃🍃🍃🍃🍃🍃🍃🍃🍃🍃🍃
ولجل ام الحزن نرفع بيارغنه
ونمشي وي البطل عباس المجنه
ونلطم عل صدر ونزيد بلونه
ونواسي البطل راعي الكلافات
🍃🍃🍃🍃🍃🍃🍃🍃🍃🍃🍃🍃
ونواسي البطل ونهل العيون
تستاهل لطم بنت اليشورون
وبراس الشام خليهم يهوسون
نمشي نزوهه بلحضره ونبات
🍃🍃🍃🍃🍃🍃🍃🍃🍃🍃🍃🍃
نمشي بروح لهفانه وحزانه
وابوالغيره البطل حاضر ويانه
واحنه بكل سنه نجدد عزانه
وماننسه العقيله والله هيهات
🍃🍃🍃🍃🍃🍃🍃🍃🍃🍃🍃🍃
وماننسه العقيله والجره وياها
ونذكر كل سنه مصاب ولياها
ومن راحت سبيه بعيد ممشاها
وشافت ضيم من اهل الدعيات
🍃🍃🍃🍃🍃🍃🍃🍃🍃🍃🍃🍃
وشافت ضيم زينب يركد الحيل
من راحت سبيه وتمشي بليل
ومايدري البطل عنها والكحيل
راحت لليسر بنت المروات
🍃🍃🍃🍃🍃🍃🍃🍃🍃🍃🍃🍃
تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم

اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للسيدة المخدرة زينب عليها السلام


وياعباس شيل اختك عله الهون
عوف النوم كوم وشد المتون
🎤🎤🎤🎤🎤🎤🎤🎤🎤🎤🎤🎤🎤🎤
ويعباس شيع اختك وكوم
تراها ام عون تنتضرك بهليوم
وعليكم تراها الكلب مهضوم
وتريد اخون يلكافل يحضرون
🎤🎤🎤🎤🎤🎤🎤🎤🎤🎤🎤🎤🎤🎤
وتريد الاخو يشيع اخته
يون عله الجنازه يعلي ونته
يشيل الغاليه بذيجه يمنته
وضلت نايحه وتهل العيون
🎤🎤🎤🎤🎤🎤🎤🎤🎤🎤🎤🎤🎤🎤
تضل امتانيه والكلب لهفان
وليله النشامه فوك عله تربان
وكلب الغاليه بلفركه خلصان
نامو بلحود ومايكومون
🎤🎤🎤🎤🎤🎤🎤🎤🎤🎤🎤🎤🎤🎤
نيام السباع وهيه تنطر
ولدرب النشامه تنوح وتنضر
تريد البي شجاعه بهمه ويحضر
هيه متانيه اسباع هلكون
🎤🎤🎤🎤🎤🎤🎤🎤🎤🎤🎤🎤🎤🎤
ويازينب اكطعي الضنه منهم
مايدرون بيج اليوم جنهم
ولاواحد حضر واجه منهم
ويايومج كلف لاوالله ميهون
🎤🎤🎤🎤🎤🎤🎤🎤🎤🎤🎤🎤🎤🎤
تمت بااقلام الشاعره اسيل ام عون



اطلب منكم تندعولي ان الزهراء تقبل خدمتي
https://www.tgoop.com/jfhfhggr

صوت المله ام علي وكلماتي

هاي ام عون. هاي الهزت الشام
👇

فزاعيه للعقيلة زينب ع


هاي ام عون هاي لهزت الشام
هاي اربات اخوها الحيد ضرغام

🏴🏴🏴🏴🏴🏴🏴🏴

هاي اربات ابوفاضل الجيدوم
متوفيه الجليله الطاهره اليوم
اندهو للكفيل وكافي النوم

يشيع اخته الجليله ويدك دمام

🏴🏴🏴🏴🏴🏴🏴🏴

يشيع اخته العزيزه اليوم عباس
وهاي الاسبوها كوم الارجاس
ولحد المنيه رافعه الراس

هيبه ام الخدر ورافعه الهام

🏴🏴🏴🏴🏴🏴🏴🏴

هيبه بت علي ومعروف طاريه
اليوم امدده والضيم غاطيه
تريد الحيد جناز ويمش بيها

وشافت ضيم من جلسة الضلام

🏴🏴🏴🏴🏴🏴🏴🏴

وشافت ضيم جلسات الدواوين
هاي اخت البطل عباس وحسين
هاي رابات سادات وميامين

اخوها البلحرب شايل الصمام

🏴🏴🏴🏴🏴🏴🏴🏴

اخوها البلحرب جفل الخياله
اهلها حيود معروفين عياله
هاي بفكد اخوها كفلت عياله

زينب بنت حيدر علي الوهام

🏴🏴🏴🏴🏴🏴🏴🏴

تمت بقلم شاعرة اهل البيت (ع)
الشاعره اسيل ام عون الحلاويه



اطلب منكم تندعولي ان الزهراء تقبل خدمتي
https://www.tgoop.com/jfhfhggr

لطمية للسيدة زينب عليها السلام ( متنج ياعقيله)




مثل ضلع الجليله متنج ياعقيله
ازرك والدمه تسيل منج بايد الحيل
متنج ياعقيله



مثل ضلع الجليله متنج صاير ازرك
متن بت داحي الباب بلسوط يتشرك
مثل دار الزجيه خيامج همه تحرك
شمسويه يزينب وكلبج تعذب
مهضومه ونحيله متنج ياعقيله



مهضومه ونحيله من سياط اميه
شلون انكاد بحبال وتيسر سبيه
عنج وينه عباس ضل بلغاضريه
لاعباس لاحسين ينشف دمعة العين
وسياط الثكيله متنج ياعقيله



لاعباس لاحسين هم زينب يشيلوو
شلون ابن الدعيه يتمرجل يخلوو
بس وياها العليل ويريد اليواسو
صفت زينب غريبه يااعضم مصيبه
همج من يشيله متنج ياعقيله



همج من يشيل خلاف عبااس
ضل يم الشريعه مصوب الراس
وضليتي اسيره وتحجي الناس
شفي مصايب اشكال ثكيله تهدم اجبال
جثيره موقليله متنج ياعقيله



شفتي مصايب شكال وضليتي اميره
ميهمج حجي الناس وذا كالو اسيره
وانتي ام عون انتي لبوه للعشيره
زينب رافعه الراس تربايت العباس
زينب كفلت العيله متنج ياعقيله


♦️ تمتتتتتتتت بقلم ✏️ الشاعره اسيل الزينبيه







اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعية للامام موسى الكاضم ع

🏴🏴💔🏴🏴
مسموم هليوم السبع
خل تنتحب معصومه
🏴🏴💔🏴🏴
وين اليشيل جنازته
ومعصومه تلحك ونته
واليوم يهمل دمعته
وتحضر لبوها ويومه
🏴🏴💔🏴🏴
وتحضر تفل كيوده
وروح البطل ممروده
والرضا يحضر عوده
وروح البطل معدومه
🏴🏴💔🏴🏴
روحه اصبحت خلصانه
ومايرحمه سجانه
وبعيد عنه اخوانه
كلهم ضحايا الحومه
🏴🏴💔🏴🏴
كلهم ضحايا بكربله
ومنهو اليحل السلسله
ومنهو الماي يصب اله
وشاعت الحيد اعلومه
🏴🏴💔🏴🏴
وشاعت علوم الوالي
ومعصومه دمع يلالي
وحيل انهدم دلالي
وروح البطل مسمومه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍ الشاعره اسيل ام عون



اطلب منكم تندعولي ان الزهراء تقبل خدمتي
https://www.tgoop.com/jfhfhggr

*(( فزاعــــــــــيه للامام الكـــــــاضم ))*

مكيد والسلاسل صارت كـــــــــــلاده
واحا يلامام الفارك ابــــــــــــــــــلاده
💎💎💎💎💎
مكيد والسلاسل جرحت ايـــــــده
ياشيال نعشه بهون وبهيـــــــــــده
امام الرافضه والشيعه تريـــــــــــده
خل اليوم كلها تحضر الســــــــــاده
💎💎💎💎💎
خل تحضر بني هشام يشيلونــــــه
يون موسى الامام وشابحه عيونــه
بعيد اهله وعمامه ومايحضرونـــــه
ولاواحد حضر وبعيده يـــــــولاده
💎💎💎💎💎
جاوين الرضا مادري اضـــــــــننه
يشد انكاب خل ويلحك الونـــــــه
مكيد بلحديد شلون اشوفنــــــــــه
عدهه ال هاشم القتل عـــــــــــاده
💎💎💎💎💎
كضوه هاذ المسمم هاذا مذبـــــوح
واليله ام الحسن ماتلحك تنـــــوح
عل سادات كالت كلبي مجـــــــروح
ومن الله كرامتنه تره شهـــــــــــاده
💎💎💎💎💎
اليوم عل الجسر وياه نتلاكــــــــه
وتون لشوفته هل شيعه مشتاكــــه
يانار الصدر لليوم حراكـــــــــــه
عل مات بسجن ويابسه افــــــــاده
💎💎💎💎💎
تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعيه للكاضم ع 💔
🎤🎤🎤🎤🎤🎤🎤🎤🎤🎤
مسموم ويون ومغيره الوانه
من الكيد دم تسيل ذرعانه
🎤🎤🎤🎤🎤🎤🎤🎤🎤🎤
مسموم ويون اليوم وشحاله
والجفين مكضوضات بحباله
كضاها بسجن والونه جتاله
والكاضم يون والروح خلصانه
🎤🎤🎤🎤🎤🎤🎤🎤🎤🎤
مسموم الامام الروح مهدومه
ولاخوان يمه ولاهله وكومه
كلبج عل امام شكال معصومه
وصار سنين ماشايفهم اخوانه
🎤🎤🎤🎤🎤🎤🎤🎤🎤🎤
محتام الامام لشوفت احبابه
والسجان مايرضه يفك بابه
محبوس بسجن والنار لهابه
هارون الرشيد السبب احزانه
🎤🎤🎤🎤🎤🎤🎤🎤🎤🎤
هارون الرشيد شطالبه طلابه
لله جوابكم شنهو ينصابه
عل مسموم اصيح احا يمصابه
معصومه تريد اليوم عوانه
🎤🎤🎤🎤🎤🎤🎤🎤🎤🎤
عل مسموم نلطم حيل وياها
والكاضم حزينه اليوم خلاها
خلصها بسجن لليوم ماجاها
تلطم عل سجين بروح حزنانه
🎤🎤🎤🎤🎤🎤🎤🎤🎤🎤
تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم

اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعية للكاضم ع 💔


منهو اليشيل جنازته
موسى غريب اليله
🎤🎤🎤🎤🎤🎤🎤🎤🎤🎤
منهو البهيده يشيله
منهو الكفل تغسيله
وتراب كبره يهيله
ومهدوم بسم حيله
وبنيته خل تبجيله
والاملاك السمه تنعيله
وهاذا اليعدل الميله
ومعصومه شو كوميله
ومن الشمس فييله
والسامه ياويله
وعل جسر حماميله
ومعصومه خل تنعيله

تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم

اطلب منكم تندعولي ان الزهراء تقبل خدمتي
https://www.tgoop.com/jfhfhggr

قصيدة للكاضم ع 💔

شمالك ويه مولانه يهارون
مكيد بلحديد الكاضم شلون
🎤🎤🎤🎤🎤🎤🎤🎤🎤🎤🎤
شمالك بلسلاسل جرجرت بيه
مكيد بلحديد الضيم غاطيه
وهاذا ابن الزجيه وزين تدريه
شنهو الطالبه منه يملعون
🎤🎤🎤🎤🎤🎤🎤🎤🎤🎤
شنهو الطالبه وشتريد منه
مجتف والسلاسل حيل اذنه
واخوانه وعمامه مادرو عنه
عن حال الامام اهله ميدرون
🎤🎤🎤🎤🎤🎤🎤🎤🎤🎤
مايدرون بي وسفه النشامه
والسندي يضربه شلون علهامه
الف ياحيف ياوسفه ندامه
يون يمهم تره وهمه يضحكون
🎤🎤🎤🎤🎤🎤🎤🎤🎤🎤
يون موسى وعمت عيني علحاله
مشتاك ويون مشتاك لعياله
خلصهه بسجن ودموع هماله
وضلام الاعادي ومايرحمون
🎤🎤🎤🎤🎤🎤🎤🎤🎤🎤
شنهو كلوبكم شنهو لصلافه
ميكدر يون ومكيده جتافه
الضالم نذل للموت ماعافه
ومن رب العرش شو يخافون
🎤🎤🎤🎤🎤🎤🎤🎤🎤🎤
تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعية للكاضم ع لقضاء الحوائج

...................
اسد بغداد يلبضيج معروف
وانته البلعطايه تترس جفوف

...................
اعرفنك سبع وتسمع النخوه
ويامهيوب يلبيك العزم يكوه
شذكر والزمان بحالك شسوه

وانته البلكلايف دوم موصوف
...................

منك ونعم ماتقصر ويانه
نزامط بيك يلتسوه حجايانه
شدينه العزم بسمك يمولانه

يلمسموم دربك غيره مااشوف
...................

من بعيد اجيت مراد تنطيني
وعزيزة نفس مولاي تدريني
لغيرك سيدي مادمعيت عيني

اجينه ولايهمه سيدي خوف
...................

من بعيد اجينه وحيل مابينه
شكد قاسي الزمن مولاي ملينه
بس بابك يبو الشارات دكينه

شلت بيدي العلم وعليه ملفوف
...................

اصيح حيل يامولاي يلكاضم
يلمسجون اويلي الساجنك ضالم
وخلصت العمر بس بدمه ساجم

اجيت اليوم ازوره بكلب بملهوف

...................

تمت بفضل الله واهل البيت ((ع))
بقلم الشاعره اسيل ام عون
ارجو عدم حذف الاسم


اطلب منكم تندعولي ان الزهراء تقبل خدمتي
https://www.tgoop.com/jfhfhggr

فزاعية لموسى الكاضم ع

➖➖➖➖➖➖

وهذا منين هاذه اليشبه حسين
والوادم عليه اليوم صوبين

➖➖➖➖➖➖

والوادم عليه ملتمه والناس
من رجليه مكيد حتى للراس
ينطر للاهل لويكطع الياس

وضل موسى بن جعفر داير العين

➖➖➖➖➖➖

وين اهله وعمامه وين ناسه
نايم عل جسر وحاط راسه
هاذه ابن الهواشم والرياسه

هاذه لمات بسجون الملاعين
➖➖➖➖➖➖


مستشهيد اليله كاضم الغيض
ومن الهامه ويلي دمه يفيض
وهاذا البصبر عدوانه تغيض

وخوانه وعمامه عليه بعيدين
➖➖➖➖➖➖

من اهله وعمامه رايد الفزعه
يريد احباب يمه ويهمل الدمعه
ابوالسجده الطويله لبصر بطبعه

عله جسر الرصافه صار يومين

➖➖➖➖➖➖

كون اهله تجي وتحضر عراضات
ويشيلون النعش وعليه هوسات
وتحضر ال هشام تجر ونات

ويضل تاريج وتشهدله السنين

( ( يشيلونه مايمه خوان ) )


➖➖➖➖➖➖➖➖➖➖➖

♦️تمتتتتتت ✏️ بقلم الشاعره اسيل ام عون





اطلب منكم تندعولي ان الزهراء تقبل خدمتي
https://www.tgoop.com/jfhfhggr