“Yangi yil” bayram tadbirlariga tayyorgarlik ko`rish hamda o`tkazish davomida jamoat tartibini saqlash va xavfsizlikni ta’minlash ichki ishlar organlari oldida turgan muhim masalalardan sanaladi. Shu ma’noda viloyat ichki ishlar boshqarmasida tezkor shtab faoliyati yo`lga qo`yilgan. Jizzax viloyati ichki ishlar boshqarmasi boshlig`i, general-mayor G`ayrat Qodirov ushbu shtabda bo`lib, amalga oshirilayotgan ishlar bilan tanishdi.
Ta’kidlash kerakki, viloyatning shahar va tumanlar markazlariga yangi yil archasi o`rnatilgan. Ushbu maydonlar kuzatuv kameralari bilan jihozlanib, viloyat tezkor shtabiga integrasiya qilingan. Bayram tadbirlari o`tadigan joylarga jami 15 ta avtoturargoh, 13 ta bolalar xonalari tashkil qilingan. Tadbirda oziq-ovqat va dehqon bozorlari hamda savdo yarmarkalarida ham jamoat tartibini saqlash, yo`llarda harakat xavfsizligini ta’minlash bo`yicha amalga oshirilgan ishlar ma’lum qilindi.

Website | Telegram | Facebook | Youtube

Paxtakor tumanida hokimlik, huquqni muhofaza qiluvchi organlar, hududiy gaz ta’minoti korxonasi mas’ullari hamda aholi vakillari ishtirokida jinoyat muhokamasi bo`lib o`tdi. Tadbirda “G`alaba” mahallasida joylashgan avtomobillarga siqilgan gaz quyish shoxobchasi xodimlari tomonidan 2020 yildan joriy yilning birinchi yarmiga qadar 783 million 700 ming so`mlik tabiiy gaz o`g`irlanganligi ma’lum qilindi.
O`z navbatida, viloyatda mazkur yo`nalishda sodir etilgan jinoyatlar hamda aybdorlarga ko`rilgan choralar haqida ma’lumotlar berildi. Shuningdek, muhokamada tumanda qonunbuzarliklarning oldini olish, mahalla ettiligining ijtimoiy profilaktika borasidagi faoliyatini kuchaytirish, aholi bandligini ta’minlashga oid masalalar ko`rib chiqildi. Ko`tarilgan masalalar yuzasidan Jizzax viloyati ichki ishlar boshqarmasi boshlig`i, general-mayor G`ayrat Qodirov chiqish qildi.

Website | Telegram | Facebook | Youtube