قصيده لسان حال فاطمه
للرسول… ص


هـلـيـلـه تـبـجــي بـدمــه           الـفـكـد الـولـي فـاطـمـه
كـالــت شــوصــه النبـي           بـيـنـه ويـحـامـي الحمه

       
بـاخــر نـفـس رت اشـــوفــه        ونــودعـه كـبـل الـمـنـــيــــه
لاكـن لـفـونـه الـصـحــابـــه         وحـرمـونـه مـن الــوصــيـــه
لــورحـت بـس ردت اكـلـه         بـعـدك اظـل يـاهـــو الــيــــه
وصـاهــم ومـانـسـانــــــــي         لاكـــن شـــردو عــلـــيــــــه

عـتـبـت الـبـاب وحـــرك        نـنـظـلـم مـن نفـتـرك
ولـهـمـي تـبـجـي السـمــه        بـيـنـه ويـحامي الحمه
@@@@@@@@
       
يـاعـلـي الجـونـه عـلـه حــيـلــه     ومـن عـدنـه رادو مـصـالــح
بـاجـــر غــــدرهـــم يـبـيــــــن      وحـــنـه الـنـصـبــح ذبــايــح
بـلـظـلـع يـبـقـالـي اثـــرهـــــــم      ومــحــسـن اشـوفـنـه طايــح
ولـسـبـب مــن ذولــه كـــلــــــه      تـلـــفـيـنـي كــل الــنــوايـــح

جـدامـك انـــه انـصـطـــر          
هـل صـحـبـه صحبت غدر
وظــلــوع الــي مـهــشــمــه         بـيـنـه ويـحـامـي الحــمـــه
      @@@@@@@@@ 

وصــانــي انــه وسـمـعــتـــه        بــس هـايـه هـدتـلـي حـيـلـي فـاطـمـه وكــلالـي بـــاچـــــر       مـظـلـومـه يـوم الـتـجـيـلــــي سـيـفـك يـنـام ويـــغــمـــــــده       وتـحـفـظـلـي ديـنـي بـرحيـلـي مـطـبــور اشـوفــك بـديــهـــم       وهـنـاك نـشـكـي الخـلـيـلـــــي

وعـلـطـف يــزيــد الالــم               لـوسـلـبـوهـه الـحـــرم
وحـجـيـلـك الـمـلــحـمــــه             بـيـنـه ويـحـامـي الحمه
@@@@@@@@

سـولـفـلـي عـلـطـف سـوالــــــف      لاكـن بـچـه ومـاكــــــــدر
كـلالـي ظــامــي وحــبـيـبــــــــي      يـنـذبــــح يـــــم الـــنـهـــر
تـنـسـبـي عـيـالـه وحـريـــمـــــــه      وقــصـتـه الـتـحـيـر البـشـر كـشـفـلـي صــدره ارد اشـــــمــــه     يـاعـلـي ومـن الـــــنــحـــر

عـلـطـف بـچــه وعــلـحــسـن          وســولـفـلـي كـــل الـمـحـن وزمــرتـهــم الـظـــالـــمـــــــه          بـيـنـه ويـحـامــي الحــمــه     
@@@@@@@@
   
ويــن الحــسن خــل اودعــــــــه       مـسـمــوم اشــوفــه وبـديـهـم هـلـزمــره لازم تـغـــــــــــــدره        ومـن هـسـه بـيـن حجـيــهــم يـهـجـر حـجـوهـه بـسـاطـــــــه       مــاچــنـي انــه ونـــبـــيــهـــم ومـنـعـو وصـيـتـي واتــمـــهــــه       وتـفـتـرك هـــل أمـه بـيـهـــــم

ذولــه الـبـدو بـــلـــغـــــــدر       عـنـد الله شـنــهــو الــعـــذر
وهـنـاك الـي الـمـحـكـمــــــه        بـيـنـه ويـحـامـــي الحــمـه
         **

ابـــو ســلام الـجــابـــري


https://www.tgoop.com/jjdicjcsk

دموع تبــــجي عله النبي ومهمومه
ام الحسن وســــط الگلب ملجومه

اليوم ملجــــــــومه وتون عله النبي
تكله بعــــــــــدك راح اظل ياهو الي
بس دمع وهمــــــــوم ولون يعتلي

وريت يومي الــــــصار گبله ويومه

ريت ميــــــته ولا شفت هذا الجره
يموت ابــــــــوي وراح اظل محيره
خلافه محد يرحم بنــــــــــيته تره

يزيد هــــــــمي وراح اظل مالومه

راح اظل للهم وظل بحســــــــرتي
خلافه ماتنــــشف ولا كف بدمعتي
تختلف عن البــــــــــشر يا بلوتي

لچــــــــمتي بوسط الگلب معلومه

راح اظل وحيــده وهمومي شكثر
ودري ظلــــعي شلون باجر ينكسر
منين اجــــيبه خلافه كلولي الصبر

وروحي وي روحئ صفت مهدومه

نهدم حــــيلي وزاد بيه انه الحزن
وريت گبله وكون روحي التندفن
ولا اظل طول الــعمر ابجي واون

وبس اظل اشــــــــتم عطر بهدمه


ابو سلام الجابري


https://www.tgoop.com/jjdicjcsk

اخ يوصي اختئ قبل وفاته… عنوان القصيده
*


لا تگلبين الصــــــــــــور ظميها
يزيد همج لمن تــــــــــشوفيها

يزيد همج والحزن يصبح كدر
هيج هوه وياج مــكتوب القدر
الموت هذا مــــنه لامصح مفر

الفاتــحه بوكت المســيه اقريهاا

عوفي عنج والصــــور والذكريات
ونسي كلشي الراح وبهاي الحيات
ادري تحتارين لو شــــفتي البنات

ودري صــــــــــعبه ايامنه وتنسيهاا

صعبه ماتنــــسين اخيج ادري هاي
ونكتــــبلي انه الرمل يصبح غطاي
انتي بيــــج دموع وانه يشح دواي

المكــــــــــبره ظلــــمه ونس مابيهاا

تروح كلمت خــــويه ويروح الدلال
وحالي ماكــــــدر اوصفه من الخيال
والگبر ظــــــــــيگ وابد مابي مجال

بكل خميــــس اختــي الحزن ياذيهاا

بليلــــه الجــــــمعه اظل انطر ثواب
مــــنكم وگــــــلــبي تفطر هسه ذاب
لاتكــــــولين الگــــــــــبر ظم الشباب

المگــــــبره تلــــــم وانه ساكين بيهاا



ابو سلام الجابري

https://www.tgoop.com/jjdicjcsk

خنگني بالبيت  ..يوم اشال راعيه

شحط بلبيت وحبابه يغيبون
وماتنفع بواجي ودمع العيون
جانون نور بي همه وينورون

واليوم اظلم ..صار خلافه

اليوم البيت مظلم رايد احبابه
كل ساعه اكومن وركض البابه
شلون بحالي كون يطول غيابه

وتنطر ماردلي. .الوالي

انطر ودمع ماخله عدي عيون
الراحو ماظن باجر الي يردون
شيرده الصبح حدر الرمل مدفون

مدفون وروحي… متانيته

بفرك النحبهم عشنه بلحسره
نكسر گلبي عليهم محد يجبره
المدلل حسافه ونام بلغبره

ومدلل وتراب… .فراشه

شلون تراب غطاهم بعد عني
وخلاني زماني احتار انه بوني
اجدامي عله المشي لا مايعيني

يم گبره وريت ..يدفنوني


ابو سلام الجابري

https://www.tgoop.com/jjdicjcsk

بعد ساعات زينــب شدي الحزام
تشــــوفين الجــسد يترس سهام

بعد ساعات  كلشــي ينتهي يروح
وماتنعد جــــــثيره تصير الجروح
اذا شفتي العضــيد شلون مذبوح

وشاحالج كون… تشويفه

اذا عــــباس راح  وراح  الحسين
مايبقــــــــه دمع تنزف تره العين
المثلهم مايصح لو يحصل منين

وگــبالج راح… يذبحونه

گبالج راح يبقــــــــــه ومحد ويا
وتكضي ايامه يمــج تخلص هنا
يطشرنه الحــــــــوافر وين نلكا

بس راسه كبالج… تلكينه

شلون الحال ونتي وحيده تمشين
وعنج راح اخيــــــــج  وين تنوين
بس جثته التــظل بين المطاعين

والحافر ياگل… بظلوعه

يسلب ظعــــــنكم  مايظل حال
تحيرين بظعــــــن وحره الحبال
خوارج مو سبــــايه هناك ينكال

عللهزله االهودج… تنسينه


ابو سلام الجابري

https://www.tgoop.com/jjdicjcsk

سلمن لمن سالمكم
حربن المــــن حاربكم
والــــــــــــحاربنا نكله
هــــــيهيات من الذله

هيح نصر الله حاجاهه وردد بصوت الشهيد
لا نهاب الكفر قطعن عن دربنه ومانحيد
الموت عاده ومايهمنه بدمنه ذلينه يزيد
خل كل الدول تفزع وحنه نطلب بلمزيد

منهجنه هذا ومانفر
دمنه يذل الهل لمكر
ويلن لمن خاصمكم

ولد حيدر والعرفنه يعرف اطباعه ورظاه
عدنه خيبر ظل علامه واليهودي ما نساه
حسن نصر الله عليهم زود الهم والبلاه
مات وستشهد ولينه ويستمر هذا العطاه

الموت عدنه ولانهم
مكتوب بس عله الزلم
نثبت علئ منهجكم

هذا منهجنه العرفنه بكل سنه لازم شهيد
امس قاسم والمهندس ماذكرت انه البعيد
ننطي كلشي وللعقيده وراسنه كلش عنيد
ومانطخ الراس للذل هذا والمطلب بعيد

ربات حيدر والكمر
نموت مانقبل مفر
سرنه علئ سيرتكم


احنه عكس الرايد يرضخ والمشه وياهه بخنوع
نطي كل يوم بعمرنه من الشباب اجمل شموع
مايهمنه الموت قطعن والحصار ومتنه جوع
عدنه صعبه هواي صعبه عيونه تنزل الدموع

ادموعنه نظمهن ذخر
بس للحسين وتنهمر
بهذا الدمع ننصركم

بدمع نبجي وطاح بيرغ من بيارغ كربله
وشهيد وياهو مثله وحضه بهاي المنزله
ظحي عمره الجل دينه حسن نصر الله وهله
الماعرف معنه الكرامه لو شمت مانسئله

شامتنه خلي لو فرح
لستشهد بجنه نجح
مولاي هوه وزاركم


ابو سلام الجابري

https://www.tgoop.com/jjdicjcsk

قصيدة لسان حال مولانا علي بعد فقد الزهراء ع

غابه ودربها. يحير    الطير
والدنيه ظلمه خلافج تصير
يم الحسن بوداعج
عذبني حيل فراكج
****
الدنيه ظلمه وضاع الحساب
يالجمت البسمار.    والباب
ويغيب نورج عن.  الحباب
وحشة يظل ياعمر ابو تراب

خلصت حسافه ايامج
وزينب بجت جدامج
ابيتج تظل بس التصاوير
والدنيه ظلمه خلافج تصير
****-*-----

ابيتج بقت بس حسرة واهات
كل حلم عندي بفركتج مات
خلصت حياتج  هي لحظات
وذاك الوجه ماشوفه  هيهات

منج اسف حرموني
وتهمل دموم عيوني
المن دليلي  الناظر.   ايدير
والدنيه ظلمه اخلافج تصير


رحتي وبقت بس حسره وهموم
وگلب الحسن وحسين ملجوم
هل فركه اعرف راحت ادوم
وزينب بعدهي ادور. وتحوم

عله الباب ومتانيتج
كلتلها شنهو منيتج
زاد البجي بهاي التعابير
والدنيه ظلمه خلافج تصير


زينب بعدهي مناطره  طيوف
تتمنه طولج لحظة     اتشوف
من اليتم ظلت عايشة  بخوف
ودهر المصايب لازم.   سيوف

ياجرح بعد اتروفه
لازم دهرها سيوفه
بالدنيا بعدج باجر. اتحير
والدنيه ظلمه اخلافج تصير


سيوف الدهر مارحمت وياي
لجلج بجيت ويكثر   ابجاي
عطشان الج ونتي الگبل ماي
منج صعب كون اگطع ارجاي

فراكج صعب ياذينه
وحسين تهمل عينه
وخلاف عينج المن نشير
والدنيه  ظلمه خلافج تصير

افراكج صعب ويهدم  الروح
وسلواي بعدج دمعي والنوح
بيه ابد    ماتشفه.   الجروح
بغيابج اشبه.  طير.   مذبوح

جارح دليلي امصابج
ياذيني حيل اغيابج
جرح الفراگ بكلبي. اجبير
والدنيه ظلمه اخلافج تصير

✍ الشاعر ابو سلام الجابري
✍ام زهراء البصراويه
🤲نسالكم الدعاء 🤲

زينب تنادي يمه لتخليني
يصعب عليه فراكج وتدريني
➖➖➖➖➖➖
صعب اليتم  مااحمله يعيوني
هاي اليتيمة هالخلك نادوني
البين وسفة خيباها اضنوني
ودهر الحزن والناس مارحموني

وكلمة يتيمة كالجمر تجويني
زينب تنادي يم حسن تانيني

➖➖➖➖✍✍✍➖
محد رحمني خلافج ونساني
طول العمر يمه عليج نعاني
هيج الدهر للهم صدك خلاني
جنتي الفرح هسه الدهر بجاني

ماهود الفركاج يمه اونيني
زينب تنادي يم حسن تانيني
➖➖➖✍✍✍➖
جنت بفرح هسه الحزن غاطيني
ولبست سواد اعله المصيبه سنيني
وليل الحزن.  يالوالدة.   يبجيني
من الدمع      لا.  ماتهود.   عيني

ونسمت هوى لمن تهب تأذيني
زينب تنادي يم حسن  تانيني
➖➖➖✍✍✍➖

يايمه ريت وياج صارت موتتي
وبعدج يحره شلي انه.   بدنيتي
اكظيهه حسره وما ابطل دمعتي
شلون حالي ومن دفنتج سلوتي

ولدار وحشه والحزن يعميني
زينب تنادي يم حسن تانيني
➖➖➖✍✍✍➖

الدار وحشة وفركتج هدتني
والفاجعة بين الحزن خلتني
وأشكال دنيات الكدر راوتني
وبعدج دمه يم الحسن بجتني

وضاعت اخلافج يالزجيه سنيني
زينب تنادي يم حسن.    تانيني
➖➖➖✍✍✍➖

الدار وحشه عليج وتصب دمعه
وشلون دنيه وياعذاب.  نجرعه
وي ضلعج الوالي تكسر ضلعه
دهر الكدر بالبيت طفه الشمعه

وانظر مكانج يمه.   ويبجيني
زينب تنادي يم حسن.  تانيني
➖➖➖✍✍✍➖

ابو سلام الجابري

يايمه زينــــب نادي الحسين
ساعه وتغمض عنكم العين
خليني اروي بشوفه
لو بيدي ابد ماعوفه
****
ناديلي حسين وحسن جاي
هل ساعه كعدو كلكم احذاي
خلوني اروي  شوف. عيناي
انتم سلوتي وانتم.    ادواي

خلوهه تروه عيوني
گبل الدفن خلوني
ياخذني عنكم حتمن والبين
يايمه زينب نادي الحسين
♾️♾️♾️♾️♾️♾️♾️
التمو يمي وسولفو وياي
دموعكم تمرد تره جلاي
تزودوني بلوه فوك بلواي
عوفو الدمع خلصانه دنياي

عوفو البجي وحاجوني
وامشوا اذا    دفنوني
ونوب كثرو خلافي الونين
يايمه زينب نادي الحسين

♾️♾️♾️♾️♾️♾️♾️
مسحو الدمع بس نظرو اليه
وياكم تره بس هل مسيه
باجر اروح وماكو جيه
تراب اللحد ينرد عليه

باجر تغمض عيني
تراب اللحد ياذيني
خلصت ايامي وكل السنين
يايمه زينب نادي الحسين
♾️♾️♾️♾️♾️♾️♾️
ناديلي اخوتج يمه ابساع
ماظل وكت ويحين الوداع
مني العمر يايمه  هالضاع
وباجر تضمني عنكم  الكاع

مبيوكه يمه أحلامي
وبس الكدر كدامي.
ودلالي يمه انجسم نصين
يايمه زينب نادي الحسين
♾️♾️♾️♾️♾️♾️♾️
هايج دليلي وزايد  الخوف
ومن الحزن بعيوني ماشوف
وطيف المنايا اعليه ايطوف
وانظر زماني سن السيوف

سنن اسيوفه اعليكم
بكأس الألم يرويكم
وباجر عزيه المن تنصبين
يايمه زينب نادي الحسين
♾️♾️♾️♾️♾️♾️♾️
من اوجوهكم خل اروي  العيون
صعب البعد والفركة متهون
من بعدي يمه بيكم.  شلون
شجم فاجعة ولوعة تعيشون

الدهر لو شن غاره
زينب تظل محتاره
وتحتار تنطيه الوجه وين
يايمه زينب نادي الحسين



ابو سلام الجابري

اليله وحشه ياحرم  بنت النبي
اليله تشبه  من ليالي البسبي


اليله وحشه ومحد بمحرابها
وخاف توصل والكفر يم بابها
بعيد عنها وفاركوها احبابها

والله يستر خاف زينب تنولي

خاف يرجع حرمله وسوط الشمر
وخاف يجاسر عليها وللكبر
يوصل الظالم صعب هذا الامر

شلون شده وهاي ندعي وتنجلي

شده عدنه وخاف ينمس الظريح
وحيده زينب المن تنادي وتصيح
نخاف كبتها يهل وادم تطيح

شلون لو كالت بعد محد الي

ياهو يفزع للعقيله البل غرب
بعيد صارت وابعد علينه الدرب
بعد ماظن نوصل نزور ونطب

نكلهه وسفه اليوم ونتي تحملي

اتحملي الجمات ونتي بغربتج
وخلي عينج خل تفيض بدمعتج
لا بعد بشام محد ظل الج

بهل مصيبه گلوبنه بهم تنملي


ابو سلام الجابري

https://www.tgoop.com/jjdicjcsk

قصيدة  لوفاة ام البنين

عيونها ام عباس للطف شابحه
حان اجلها من يسوي الفاتحه
➖➖➖🖤➖➖➖
حان اجلها وتنطر الراحو سوه
تكول جانو همه للريه الهوه
خلافهم ماطيب ماينفع دوه
اليوم احس ملجوم ياگلبي نجوه

بعيد عني وخل تنوح النايحه
**------*--*-----*-
عيونها ام عباس صوب الطف تصد
تحسب الحظات  ياويلي وتعد
أتريد ليها ابهل مسه  اترد الولد
وابو فاضل يحفر. بجفه اللحد

ويمسح الدمعات ذيجه. الجارحه
*------**-*------
تريد عباس اليوسعلها الگبر
من مشه وللموت ظلت تنتظر
يشوف امه شلون ومخلصه العمر
اخلافه بلوعات وتلاوي الصبر

تخطي خطوه تكوم ردت طايحه
**----*--------*--*-
تكول ماظل حيل من طالح العلم
حيلي وي عباس من راح نهدم
ابجي بس دموع عيني التبجي دم
من سمعت حسين صابه جم سهم

وشمر ثنه عله صدره وذابحه
*---*--*-------*-**
وكون مثله وانه اضل بلا دفن
ما وفيت ويه بعمري وبس اون
فراكه موهين وعوضنه بحزن
حسين گبل الموت هم فاكد ابن

ويدري زينب علهزيله ورايحه

ابو سلام الجابري


https://www.tgoop.com/jjdicjcsk

قصيدة لفقد ام البنين عليها السلام

امكم بلدمع  خلص.     عمرها
بوكت الموت شو محد حضرها
➖➖➖➖➖➖
غريبه من بعد ولدي اربعتهم
وي حسين راحو ضيعتهم
تمنت عيني لو لحظة شفتهم
گبل الموت يمي و ودعتهم

ولا تحتار ياروحي.    بامرها
➖➖➖➖➖➖➖➖

لون لحظات ليه أولادي يلفون
وكبل لاغمض عيوني يحضرون
وعد راسي العديلة كون يقرون
وعليه بحسره ينعون ويلطمون

وروحي بجيته الكافل يسرها
➖➖➖➖➖➖➖
الكافل كون يمي تهون الالام
وريت حسين يمشي بنعشي جدام
وعليه تحزمو ولدي بهل حزام
ولا ظل هيج گلبي مترس سهام

لو يمي غفت عيني بگبرها
➖➖➖➖➖➖➖➖
لو يمي الولد.   يرتاح.   كلبي
واكل لعيوني هيدي ولا تصبي
شريدن والحنان اليوم  كربي
واكول أولادي ماضيعوا تعبي

وجازوا امهم وذاكه. سهرها
➖➖➖➖➖➖➖➖➖
شلون بحالها الماتت غريبه
وهايه فاجعتها اكبر مصيبه
تكول منين الي الكافل اجيبه
يحفرلي اللحد وسمع  نحيبه

البين خلافكم وسفه وغدرها
➖➖➖➖➖➖➖➖

ابو سلام الجابري


https://www.tgoop.com/jjdicjcsk

بعيد درب الشــــــام ويتعب السبي
رگدت علــــــــــــه متونه حتئ العبي

اكضــــــــــــي ليل نهار وانه مگبعه
وريت وي حســــــين مت بمصرعه
ولا اعيــــــشن طول عمري ملوعه

ولا اكول الــــــــــيوم محد ظل الي

ريت ميتــــــه وياك خويه وانسحگ
ولا اشوف خــــــــيامنه من تحترك
صعــــــــبه مو بلهون رايح. نفترك

ونحرم منك يشــــــــمعة كل هلي

سولفت بدمــــــوع عيني وحسرتي
من شفــــت علگاع مذبوحه خوتي
بدلوها بهــــــــــــــزله راحت ناكتي

عاد كلت النــــــــــوب زينب تنولي

هذا حال الــــــحايره وماعده اهل
تريد حل الروحــــــها وماتلكه حل
بين مچتوف بحــــــــبل بين نچتل

وعل مصايــــــب روحي گلت دللي

بهل درب شفنه المصايب والعذاب
وبلخرابه شــــلون نمنه عله التراب
مذبحه وضلــــت ورانه تون شباب

وهمي بعــــــد اليوم ابد ماينجلي


ابو سلام الجابري



https://www.tgoop.com/jjdicjcsk

شنهو ذنبي .خلصت ليلي بدمعتي
شنهو ذنبي
عفيه أصبري.. توسلت روحي بجفاهم.. عفيه أصبري

عمري مو مال انتضار
نار تاكل بيه نار--شنهو ذنبي
*------*----*---*
انه لوعاتي جثيره وزايد عليها الهجر
يبدي وني المغربيه لحد ميطر الفجر
التمت هواي السوالف حيل تعبت الفكر
صرت اخلي الصوج بيه الروحي دورت العذر

الروحي مااملك قرار
الصار بيه وهذا صار
شنهو ذنبي
*----*---*---&**

الذنب كالولي عليله والدرب كلش طويل
تتعب البعد المسافه اطيح والناكه تميل
كلت اخلي جفوف اديه طباگ وي جف العليل
ماأتعب احد انه واكتفي بعمي الكفيل

عمي كافل هل ظعون
كلشي وياكم يهون… .شنهو ذنبي
*+-*+-*-
شكد صعب يوم العليله تخلصه بااه وتنوح
ومن تظل وحيده تبجي بدمع تشفه الجروح
عمي فدوه اكدر اسافر وانه وياكم اروح
ولا اظل هيج بعذابي ميته وانه البيه روح

خذوني انام اعله التراب
ولا اظل الهل العذاب ..
شنهو ذنبي
*&*&&**

صار وحشه البيت كله وظلمه ماضل بي ضوه
ويختلف كلشي بجفاكم وگام يخنكني الهوه
انتو جنتو السلوئ اليه العلتي وانتو الدوه
هسه حتئ الراس شيب جفني من دمعي نجوه

اكضي ليلي بس انوح
بدمعي داويت الجروح
شنهو ذنبي
*&-----*---*
بكل مسيه انطر وتاني بلكت يمرني خبر
ورجع مئيسه واعاني وحيل كاتلني القهر
الواقع العشته بحياتي ادري مامنه مفر
ال بلحزن عاشت غريبه شنهو ينفعها السهر

بغربه ميته لا محال
بعد ماظل كل دلال
شنهو ذنبي


ابو سلام الجابري



https://www.tgoop.com/jjdicjcsk

يالتحت جنحج غفه ابراحة الحمام
يمه غطيني.   ابعباتج .     ارد انام

اه يم كلب الحنين
      اهواي عذبني الونين
يمه غطيني.    ابعباتج.   ارد.   أنام
♾️♾️♾️♾️♾️♾️♾️
زهرة يمه استقبليني جيت الج بعد العذاب
ياحزن ياضيم اسولف يافجيعة ويامصاب
كل حلم بالدنيا رايح وأصبح بلحظة سراب
وكلبي من كثر المصايب والألم يالحره شاب

اهواي تعبني الزمان
          ومابقالي ولا مكان
مادريتي  شلون حركوها الخيام
يمه غطيني.  ابعباتج .    ارد.  أنام
*-----*--***
يمه شوفي متوني زركه اشتكيلج يلبتول
نفس قصتج هيج قصتي بيوم فاركتي الرسول
الفرق يايمه وحدي وراكضه بين الخيول
بحبل شدوهن اديه  وحايره خلافج شكول

عمري خلصته بدمع
ضلوع صارن موضلع
جيتج بگلبي اثر من السهام
يمه غطيني بعباتج ارد انام
--*--*--**-
يمه حسراتي جثيره وماتهود كون انوح
شرد اسولفلج عليهن خزنن بيه الجروح
ياهي مثلي تودع اخوهاا للذبح وتكله روح
تشوفه ظامي الماي كربه وجفه مايكدر يلوح

مات اخوها گبالها
هيج بنتج حالها
وامشي مسبيه صرت ويه الائام
يمه غطيني بعباتج ارد انام
*-*-*-**-*
هواي عذبني سبيهم ليلة يايمه طويل
ماكو حارس كلها غربه ونمشي من دون الكفيل
محد يرد اليسبنه ومحد يحاجي اليعيل
بس حرم ظلينه للهم حار ويانه العليل

حيره حاير بلزغار
ولاكو خيمه ولاكو دار
واني ادور ليلي كله عل اليتام
يمه غطيني بعباتج ارد انام
*-*--*-*-**-
جيتج بهم الخرابه وحسرتي وذاك الحزن
حتئ ابموتي غريبه بغربه يايمه اندفن
عشت عمري كله حسره للمنيه وانه اون
خلاف عينج محد النه ومحد علينه يحن

هذا حالي ابدونج
يمه بعد عيونج
ودري يمه هذا ياذيج الكلام
يمه غطيني بعباتج ارد انام


ابو سلام الجابري




https://www.tgoop.com/jjdicjcsk

قصيدة لسان حال مولاتنا زينب ع

شيفيدني وشيسوي العتاب
راحو سويه مني الاحباب

خلوني احير بحالي
وهذا الذي  يجرالي

هوه اليظل من دون اهل شتفيده بالله دموعه
يكضي زمانه بحسرته وكلساعه يحضه بلوعه
تخلص حياته  بدمعته تظل ونته مسموعه
لاحد ينشده عله.     جره ولحد يسكن روعه

محد يشوفه شحاله
بس الدمع يحلاله
دموع وحزن وفراك   ومصاب
شيفيدني.  وشيسوي.    العتاب


سالفتي ابد ماتنحجي ولا اكدر انه احجيها
ماحسبت تالي     العمر.     ياروحي وبتاليها
تصبح غريبه من الوطن وغربه الذي تبارها
حتئ بدفنها وماكو اهل تحضر تنوح عليها

ظليت اشكي همومي
وبدموعي اخلص يومي
اعليه الزمان امكشر النياب
شيفيدني وشيسوي العتاب

غربه اليباروني اسف عكب الاهل وخواني
وبالشام اونن وحدي وسهمي الدمع وحزاني
زينب انه تالي.    العمر.  نوح وألم عنواني
حسبالي اموت ابكربله وين الدهر وداني

بلغربه تخلص دنياي
محد ينگطلي الماي
وتهيد روحي ابذاك التراب
شيفيدني وشيسوي العتاب

حسبالي احبابي تجي.   وبموتتي يحضروني
والكافل بصفي يون وبيده يغمض عيوني
ونهاب مابين الخلگ وخواني اليشيعوني
وبدموع واهات وألم.    انظرهم يودعوني

وتنشف هذيج جروحي
وتصفه وتهود روحي
ويبرد جمر كلبي    يلهاب
شيفيدني وشيسوي العتاب

شيهوده جمر الكلب.     وبعيد أهل الغيره
هذا حلم يلفون الي والفركة حيل اجبيره
ولا حيل ظل عندي وصبر ضاع العمر تدبيره
الخاطر رقيه اتحملت ايدفنوني ابهل ديره

بعد     اليسر.    والالام
راح اندفن بأرض الشام
الهاضمني تحمل جثتي اغراب
شيفيدني    وشيسوي.  العتاب


ابو سلام الجابري


https://www.tgoop.com/jjdicjcsk

لسان حال العليله ع للامام الحسين ع


انطيني من وقــــــــــــتك ثواني
شكــــــــــــــــثر كلي راح اتاني

خافن يطــول السفر
وانه اموت من القهر

انطيني كلمه رتاح بيها وحسب ايام التمر
راح اظل وحدي ويهمي ويخلص بلوعه العمر
تكبر الحسره ويروحي ويعجز وياهه الصبر
من تاملني عله ساعه ابقه احسب ونتضر

ابقه احســبهن ونوح
بيه تكبر والــــجروح
شلون  يالجــــمــــــــه زماني 
انطيني من وقتــــــــك ثواني

انطيني كلمه ارتاح بيها حسبها ذكره من الكلام
رسم ارسمها بخيالي وبيها اسولف حتئ انام
ادري سفرتكم طويله الساعه تنعد عندي عام
وحالي راح يصير بويه خلافكم حال اليتام

راح اعيش بغربه راح
گلبي ابد مايستراح
ودري بــــــــــــعدك اراح اعاني
انطيني من وقــــــــــــتك ثواني

راح اظل صبح ومسيه. ما افارگ هل الدرب
ومحد ينشف دمعتي وخلي عيني شما تصب
الموت شفته بسبب علتي وهسه اشوفنه بغرب
الموت مامطلوب گبلي بس اليه وينطلب

خاف اموت بغربتي
ومن ينشف دمعتي
هيج وكــــــــــــــــــتي وحيراني
انطيني من وقــــــــــــــتك ثواني


اكدر انسه جروحي هسه ونسه همي وعلتي
ومشي وياكم سويه ولا اظل بدمعتي
ومحد يمر تدري بيه وراح احير بحسرتي
من تفاركني رقيه انوب صعبه مصيبتي

تصــــــعب خلاف الحنين
بحسره اخلــصها السنين
وكتي شــــــــــــــــــــــو جنه  وبلاني
انطيني من وقــــــــــــــــــتك ثواني

صدك سموني العليله وصدك صارت علتي
انحرم من كل عمامي ونحرم من خوتي
هيج مكتوب وعليه بهمي تخلص دنيتي
بيت خالي يظل اليه بكبره تصبح حسرتي

صارت العله والي
وراح اظل بلا ولي
والحزن سيــــــــــــــــرن وجاني
انطيني من وقتــــــــــــــك ثواني



ابو سلام الجابري

https://www.tgoop.com/jjdicjcsk