اعتذر اعاده نشر لكثرت الطلابات



بزغ يابدر الهواشم للحرب شد حيله
هلهلت ليلئ وجته وحضرتله كحيله

تعرفه لو طباهه
كربله وهزاهه

هلهلت ليلئ وجته وصته يشد العزم
اليوم الاكبر بلمعاره يكسر خشوم الزلم
شما كثر.كلهم عددتكم بيكم انه ماهم
الزين بيهم كون يلحگ من يطبهم ينهزم

داس فوگ خشومها
وخذ بيها علومها
ولزمط لو كال كدهه بلحرب ياويله

من سمع هلهولت امه وكال ابشري ادللي
كون مارد جيش اميه لا تسميني علي
اله اخلي الروس سجه منلشريعه لحد اهلي
وبجثثهم يشهد الطف اله منهم ينملي

اسحگ عله رگابهه
وشوفي مني مصابهه
وبلطفوف اليوم اخلي بيهه ميت ميله

شاف عين امه تغرغر بدمع طب بغظب
كال امسحي دموع عينج والله اسويهم حطب
شال سيفه وگام يحصد راهي ويحش برگب
وبكر ابن غانم بكده بسيف الاكبر ونشطب

كام يحصد روسهه
وبمهرته يدوسهه
وحار منه الجيش يحيره وكال شنسويله

كام يجمع جيمه جيمه ونتخه بعمه الفحل
كالو الكرار هذه للحرب جنه النزل
مايثني عله اليشطره بخزرت عيونه نچتل
المشرعه كالو نسدهه وهوه تلهم منهه تل

بيهه دك الرايه
وعتناهه عنايه
شبل ابو السجاد هذا الماقبل بلعيله


اندعت ليلئ الابنهه وتندعي يرد بنصر
جاب راس الطاغي بيده وكسر خشم الكفر
سد عليهه الكاع كلهه وحير الرايد يفر
فكرو مامنه مهرب اله نغدر بي غدر

شامخ بميدانه
وخذ ثار خوانه
يرتل السيف برگبهم مابطل ترتيله


ابو سلام الجابري

https://www.tgoop.com/jjdicjcs

العيد يهل العيد هل جاي
بس انه همي اليمرد جلاي
مظيعه العزيز وفارغ البيت
للهم بعد شخصه انه ظليت
*+-*++++++
مضيعه العزيز وگلبي مكسور
والعيد اخلصه بنص الگبور
مجبور گلبي ينوح مجبور
الفاكد عزيز شلون معذور

ماينعذر لو ما يون حيل
ويذكر عزيزه بوحشه اليل
وبلون يخلص ليله بهداي
*&&*&&&&***
العيد الهل العيد خلي
لا مايمرني ولا امر بي
بثوب الحزن هيج انه الاكي
وذكر عزيزي ونوح اسوي

بمصباحه لجمات الگلب نار
ودموع عيني تسولف الصار
خلاف المشو هل فاكده الراي
****&&*&&&&&*
العام هوه منور البيت
بس لسنه بيا حال ظليت
نوح وبواجي وهسه حنيت
من كون ميته وياه وياريت

من كون ميته وياه سويه
ولاعيد بعده يمر عليه
وشلون يخلص عمري وبهاي
&*&&*%&&*
بصوره اباوع وفرك اليد
والروح حنت يمه وتريد
يهد گلبي   شلون ويهيد
راح وسكن بلمگبره بعيد

بنص المگابر حدر التراب
نام بگبر مابي اثر  باب
و شكد صعب يادنيه بلواي
&&*&*&&&&&&***
بهدومه اشمن وكت الغروب
ويذوب گلبي بحزنه ويذوب
ويعيش بعد عيونه متعوب
هذا العلي يادنيه مكتوب

مكتوب الي النوح وعذابي
وعظم مصاب اصبح مصابي
اشكي وبعد المن يشكواي


ابو سلام الجابري

https://www.tgoop.com/jjdicjcsk

الــــــــماعدها ام لو صبح العيد
غير  الدمع بس تصــــــــفج اليد

الــــــــماعدها ام تكضيها بهموم
وكل لحــضه تمشي تشم الهدوم
وتكول حيــــــــــلي اليوم مهدوم

هل دنيه مــــــــــني وشنهو تريد

هل دنيــــــــــه خانتني بهل اليام
وي امي ماتت كل الحــــــــــلام
صــــــــار الفرح ليــــه من الوهام

ونار الگــــــلب كل لحضه وتزيد

نار الگــــــــــــــلب تجوي بحزنها
لو شــــــــــوف خالي البيت منها
حن الگــــــــــــلب المي وحظنها

ومن الونين شــــــــــــلون ويهيد

مرســــــــومه صورتها بهل عيون
انســــــــــاها ساعه شلون وتهون
الــــــــــشافوني اون وياي يبجون

وعنــــــــها الدرب يايوسفه وبعيد

بعيد الدرب عــــــني وصفه هواي
ام چلمه هلــــــــــــه ماهيه وياي
بلعيد حــــــــــگي يزود انه بجاي

غير الدمــــــــــــع لا كلشي ماريد

ابو سلام الجابري


https://www.tgoop.com/jjdicjcsk

شنهو ذنبي .خلصت ليلي بدمعتي
شنهو ذنبي
عفيه أصبري.. توسلت روحي بجفاهم.. عفيه أصبري

عمري مو مال انتضار
نار تاكل بيه نار--شنهو ذنبي
*------*----*---*
انه لوعاتي جثيره وزايد عليها الهجر
يبدي وني المغربيه لحد ميطر الفجر
التمت هواي السوالف حيل تعبت الفكر
صرت اخلي الصوج بيه الروحي دورت العذر

الروحي مااملك قرار
الصار بيه وهذا صار
شنهو ذنبي
*----*---*---&**

الذنب كالولي عليله والدرب كلش طويل
تتعب البعد المسافه اطيح والناكه تميل
كلت اخلي جفوف اديه طباگ وي جف العليل
ماأتعب احد انه واكتفي بعمي الكفيل

عمي كافل هل ظعون
كلشي وياكم يهون… .شنهو ذنبي
*+-*+-*-
شكد صعب يوم العليله تخلصه بااه وتنوح
ومن تظل وحيده تبجي بدمع تشفه الجروح
عمي فدوه اكدر اسافر وانه وياكم اروح
ولا اظل هيج بعذابي ميته وانه البيه روح

خذوني انام اعله التراب
ولا اظل الهل العذاب ..
شنهو ذنبي
*&*&&**

صار وحشه البيت كله وظلمه ماضل بي ضوه
ويختلف كلشي بجفاكم وگام يخنكني الهوه
انتو جنتو السلوئ اليه العلتي وانتو الدوه
هسه حتئ الراس شيب جفني من دمعي نجوه

اكضي ليلي بس انوح
بدمعي داويت الجروح
شنهو ذنبي
*&-----*---*
بكل مسيه انطر وتاني بلكت يمرني خبر
ورجع مئيسه واعاني وحيل كاتلني القهر
الواقع العشته بحياتي ادري مامنه مفر
ال بلحزن عاشت غريبه شنهو ينفعها السهر

بغربه ميته لا محال
بعد ماظل كل دلال
شنهو ذنبي


ابو سلام الجابري



https://www.tgoop.com/jjdicjcsk

دارت ايام السنه وعاشور اجاني                ونفس دمع العام من بين لكاني
نفس نوحي وحسرتي                                   ما افارك دمعتي
****
نفس دمع العام نفس الحسره بيه
وكل وكت اذكر مصاب ابن الزجيه
وصورته ويلماي دوم تمر عليه
هيج عدي انه محرم كل مسيه
هيج يوميه العصر                       بگلبي مايبقه صبر
مصابه كل ايام عمري الحيراني
**
مايفاركني الحزن دوم عله بالي
وعدي صوره ارسمت طوف بخيالي
صوره الجربه البقت وبليه والي
وكالهه العباس هاي بعزعيالي
هاي راسمهه رسم           بصفهه مكتوب الاسم
الهه احن وهواي ياخذني حناني
*
هيج اروض الروح من ذاك المصاب
اذكر القاسم اذا لطمو شباب
تعلمت روحي بهجرهم علعذاب
شنهو دمعي يساوي وي سكنه ورباب
دمعتي قطره بحر        للي وكفن عنحر
وهج عمري انه الحزن مافاركاني
*
مايفاركني الحزن ودمعه هيه
شلون انسه ام الخدر راحت سبيه
مو موالي الينسه زينب والرزيه
عدي اعظم قصه هاي اعظم قظيه
شلون علهزل سبي         زينب وبنت النبي
وهذا موقف طول عمري الحيراني
***
شلون اواسي ام الحسن انه بدمعتي
ودري تحضر بلكبر غاد بغربتي
تكول هذا الشفته ون حيل الحسرتي
ودك على صدره ولطم يوم ويبتي
حيل وندك علصدر        رايح وماشي العمر
وهل العمر خلص بعد مامنه ثاني
****
ابو سلام
الجابري


https://www.tgoop.com/jjdicjcsk

شفت الهلال وصــــــــــبت العين
وعرفته گئــــــــــرب يوم الحسين

گرب علينه الظــــــــــــــــيم ونوح
چم يوم ظل ونحــــــــسب جروح
وكل الظعــــــــــــن بلعاشر يروح

وتصير ظلــــــــــمه انوب السنين

تظلم علــــــــــــــينه الدنيه بچفاء
ويارت كــــــــــــــــلنه نموت وياء
شنهو العــــــــــــــمر يسوه ابلياء

يخلص بواجــــــي وحسره وونين

يخلــــــص بواچي انه اعرف بهاي
قصتنه تبدي بــــــــشحت الماي
ووحيده اظل تتــــــشمت عداي

ومنين اجــــــــيب الكافل منين

لو راح كافــــــــــــــــــلنه ولوانه
تظل الــــــــــعده وتركض ورانه
خلافه چا بيــــــــــش انتخي انه

ونوب اطب وســــــــط الدوانين

يرحون مــــــــــــني هنا ويرحون
وتكفــــــــــــل انه بهاي الظعون
شلون ارد عنــــــــــها اليسلبون

وهنا يزينــــــــــب شنهو تلكين

ابو سلام الجابري


https://www.tgoop.com/jjdicjcsk

شيخ وبن شيوخ جاسم ونعم
زغير عمره توسط بنص الزلم
يحــــــــگم بتاره
صال باوال غاره
*
شيخ من طب للحرب سواها نار
حيئر جيــــوش الكفر مامن قرار
الشاف عزمه يموت ماصح الفرار
يموج خله الجيش هذا البيهه صار

حيد وسط الحومه
هــــيج هاي علومه
بسيفه بيهم كام ويطش ويلم
**+
بسيفه اخذ ثارين ياشبل الحسن
بي رقيه وامه وگفن زامطن
حيد كالن هذا عرس الظعن
خل يشئوف الكوم بفنونه المحن

زامطن بفعاله
مدللات بجاله
شما تزيد اعدادهم لا مايهم
****+
زامطن والحيد طبها بهيبته
بلحرب وعيونه تربي العمته
مانساها شلون بلطف وصته
كون يگظيها الجيوش الاكته

صاح ابشري بيومه
توســطاهه الحومه
وكال هذا الجيش ساعه وينهدم

****&*&&
خله خوفه بنص عساكرها ورعب
زغير سنه ودوم مايرجف گلب
يبساها وصار نار وظل يشب
منين تشرد تيهت ماظل درب

تيهت مشــــرادها
صار موت وصادها
وحار كلمن راد منه وينهزم
&*&&***

بيوم عرسه وزفته الارض الطفوف
تحنه سيفه بروسهم لاوه السيوف
منين ماتنظر زلم تلكه وتشوف
مطشره عله الكاع ظلت بلالوف

مطشره وخلاها
بمهرته وداساها
حيد بلكلفات بلحومه الشهم

ابو سلام الجابري

https://www.tgoop.com/jjdicjcsk

وي ام عون حيل ابجن ينسوان
لا خيمه البقت لا عدها خوان

وي ام عون كون تروح العيون
ظل علكاع اخيها وماهو مدفون
شلون بحالها بين اليسلبون
ظلام وجذب بيهم يرحمون

ومن حسين رادت تلكه نيشان

وي ام عون نزلن دمعت العين
الخيل اگبالها ودوس الحسين
لا خلت صدر لا ظل ظلع زين
الحافر راد رايح بيها صوبين

وابن امها الصبح للخيل ميدان

وي ام معون ابجن وكت الغروب
وبهذا الوكت وتحن الگلوب
شلون بحالها البن امها مسلوب
وظلمه وليل تنسد كل الدروب

وتون كل وكت علمات عطشان

وي ام عون ابجن والحمل مال
عل هزله وبديها مشدده حبال
تمشي ويلغرب ماعدها كفال
والحيره الجبيره باهي الطفال

بيها اليوم دهرك والوكت خان

وي ام عون ابجن هدن الحيل
شلون وبلخرابه تخلص اليل
من هذا الوكت شافت تره الويل
وبت حيدر علي ماترهم دخيل

ومايطبگ جفنها اليله سهران


ابو سلام الجابري


https://www.tgoop.com/jjdicjcsk

لسان حال العقيله. ع


صعب يحسين يم نحرك… مره تمر
وبعد هيهات ماظنك…. مره تمر
مجعه ماي من شرب… مره تمر

بلهاتي وماحله كل ريج اليه

الهجر يحسين عگبك… مر مراني
وجذب من گال گلبي….مر مراني
الفرح مايوم شفته…… مر مراني

من زغري وربت لوعات بيه

ابو سلام الجابري

وين ام عون خل تحضر تجي ويانه
تشوف حسين ميت خاف تنسانه

وين ام عون خل تبــــاري البنيات
زغار عله المصايب حيل مشدوهات
صوب حسين ركظن يوم سمعن مات

الشامت مارحمنه ويذبح السانه

وين ام عون خل طفي هاي النار
حركوها الخيم وطــفال بيها زغار
مكتوب عله زيــــنب بلحرم تحتار

بهذا اليوم زينــــــــب حيل حرانه

ويــــن ام عون خل ترد اليسلبون
فزعو عل خيم وحسين مامدفون
الحبال السبي ركضو تره يحضروني

محد من اهنــــــــه الكال بحمانه

ذيج ام عون يم حــسين ملمومه
حتارت ببن ابوها مسلبه هدومه
لا تكــــــــــدر ترد لا تظل بلحومه

من كثر الحــــــزن والظيم تعبانه

ذيج ام عون تركض حيل ملهوفه
راحت للكفــــــــلها دور اجفوفه
تكله خلاف عــــينك هاي معروفه

هسه تمــــرجلت وخلافك عدانه


ابو سلام الجابري


https://www.tgoop.com/jjdicjcsk

اليوم زينب ياعلي تموت بقهر
مات كافلها الكفلهه عله النهر

راح منها الكافل وزاد الحزن
لامشيعينه بنعش لا مندفون
تكضي كل ايامها بحسره وتون

تكول هيجي شلون مكتوب القدر

تكول هيجي هواي تصعب غربتي
وماردت شامت يصد الدمعتي
شلون مجتوفه بحبل يا حيرتي

وعله هزله شلون وتحمل سفر

وعله هزله شلون نمشي مجتفات
مدري احير بروسهم مدري البنات
يابنات حسين ذني مدللات

اليوم راواهن مصايب يلدهر

خان بيهن والدهر راح الكفيل
وياهو اليرد الذي بيهن يعيل
حتار بيهن ونشدهه حيل العليل

وصاح عمه اليوم گلبي انه نكسر

شلون حيره وي رقيه وحيرته
اليوم وصلت يمه هيه ونشدته
ليش ابوي عله الرمل ياچثته

وراسه يمشي وياي وصدلي النضر


ابو سلام الجابري


https://www.tgoop.com/jjdicjcsk

ماكو رايه علــــــــــه الضريح اليله
نروح يم حامي الظــــعن نشكيله

نكله ردت بنــــــــــي اميه بلحقد
اوردت حــــفاد ابن سفيان وهند
هيج ويعــــــــــيلون كامو بلحشد

وصــــعبه كون نعدي هاي العيله

الرايه تعــــني هواي عدنه بهل امر
بيهه زينب كسرت خشوم الكفر
وهيه ملاچ اصبحت وكت الاسر

وبيها زينــــــــــب عدلت كل ميله

كون فتوه اليــــــوم الشام ونروح
جا عرفنه شلون ونداوي الجروح
النــــــــــــــزل الرايه ابد لامايروح

نجيبه يمـــــــــها مدنك نهد حيله

نجيبه يــــمها مدنك بنص الظريح
نعلمه تعني هواي والرايه التطيح
خاف مايــعرف غلط من الصحيح

من يلاكــــــــــــــينه صدك ياويله

نشكي ولحامي الدخيل احنه الجره
دوله ماكــــــدرت تدافع عن مره
هناك زينبــــــــــك وحيده محيره

وزينــــــــــب يكولون عدنه دخيله


ابو سلام الجابري


https://www.tgoop.com/jjdicjcsk

قصيده زنجيل

بيش اغطيكم يخوتي ومابقه شي ينذكر
كلشي ماخلو علينه وفرهد خيمنه الشمر

خويه ياذيني العتــــــاب
نايمين عله الــــــتراب


جدمو هزله السبينه وكلشي ماظل عدنه راح
وفرهدو كلشي بخيمنه حسين كالو ذاك طاح
ساعه وتشوفين اخوتج رسوهم فوك الرماح
بعد ماتنفع بواجي وبعد ماينفع نياح

حرت ماظل عنــدي راي
ايتامكم تركــــض وراي
ومن بعدكم گلبي شاب
خويه ياذيني العــــــتاب

بيش اغطيكم يخوتي ومابقت غير العباه
حسين حدر الشمس جسمه ورمل صاير غطاه
حيره ماخلوني اودعه شلون اعيش انه بجفاه
گبل موته عله الشريعه وكافلي كاسر كفاه

راح اخيه عــــــله النهر
حسين كسـروله الظهر
شفت بفراكه العــــذاب
خويه ياذيني العــــــتاب

راح اروح انه سبيه ونتم بلايه دفن
اكظي ليلي ويلمصايب بعد ماينفع حزن
منين اجيب الحيل ماظل وگظي عمري بس اون
شامت اليسري بظعنه ومحد علينه اليحن

حايره واشــــــــــبع قهر
شلون اخلــص هل سفر
ويامصابي اعضم مصاب
خويه ياذينــــــي العتاب

خويه يمكم ماسولف علجره ويانه وسده
ولا اكلكم شنهو سوو بلخيم خويه العده
ولا اريد احد يكلي ليش هيج مكيده
من بعدكم هذا حالي منين اجيب اليسنده

حالي ويبــــــــجي الصخر
خان ويانه الــــــــــــــدهر
وشاب گلبي وهسه شاب
خويه ياذيــــــــني العتاب

رچبونه عله الهزيله وصرنه ماعدنه اهل
وصاحو العباس ذاكه وكافلج غاد نجتل
بعد شدورين زينب بعد.ماظل كل امل
هسه صرتي انتي سبيه وماكو جاره ولاكو حل

رايــــــحه وماعندي راي
ونطفــــــه نوري وظواي
وردت من عدكم جواب
خــــــويه ياذيني العتاب


ابو سلام الجابري


https://www.tgoop.com/jjdicjcsk

بهداي البجي عله. حـسين بهداي
لا تسمع بجــــــــينه وتفرح عداي


بسكته ابجن خواتي وظمن الصوت
عاده انه الذبح كــل احنه ونموت
ادري حســـــــــين ظل بليه تابوت

وحگنه اليوم بــــعده نتيهه الراي

ظمن صوتجــــــن ظمنها الدموع
هيج انه ومثــــــلج گلبي مفجوع
راس حســــين فوگ رماح مرفوع

شما صدله تره تتــــــــمرد جلاي

اصبرن عل ســـــبي ولگيد الحبال
حسافه هناك اهــنه فوگ الرمال
هيج يصـــــير بينه وبتعس الحال

لان عبــــــــــاس راح وماهو وياي

تشوفن ظــــيم من صرتن سبايه
وغطانه تصــــير بس هاي العبايه
لاعدنه كفيــــــــــــــل ولاكو رايه

ولا واحد تكــــــــفل هاي العيال

اصبرن من تطــــبن باجر الشام
وتتفرج عليــــــــــجن ناس ظلام
بعد راحت اهــــلجن ويه الخيام

ونظل بدمــــــوعنه نتوسم وسام


ابو سلام الجابري

https://www.tgoop.com/jjdicjcsk

خل نبجــــــي بواجي تودر العين
مثل حســين وين نحصل حسين

بعد حســــــين راح نظل غريبات
ولمن عايشــــــــين احنه حراماتة
گبله وكــــــــــون موتتنه ولامات
ولا نمشي ســــــــبايه بين شمات

منين جــــيب مثله ومايصح وين

منين نجيــب مثله يباري الظعون
حســافه عله تراب وعيب مدفون
خل شــــــــماتنه بموته ويفرحون
وبحبال الســــــــبي خلهم يجرون

راح الجــــان بيهم موفي كل دين

راح الجان خــــــــيمه ولام البيت
وخلافه بخــــــــــرابه اليوم ظليت
رقيه تصيــــــح عمه هواي حنيت
لبوي وماشــــــــوفه بجثته مريت

بلحضه وخان بينه وعوكس البين

خان البين بينــــــه وعوكس هوي
مات حسين ضامي وماشرب ماي
حگــــــــــنه اليوم كون نتيه الراي
محد ظل بــــــــعد ليكول بحماي

بس عدوان تفــــــتر يمنه صوبين

بعد حســــــين بس عدوانه تحوم
رافگنه الســــــــهر مانعرف النوم
علي الســــجاد هذا اليوم ملجوم
وحنه نعد دمع نحســــب بلهموم

وعن حســــين بلحسرات ماشين


ابو سلام الجابري

https://www.tgoop.com/jjdicjcsk

وبروس عدوانه الشهم… بنه بيوت


ونعم من طبــــــــها الاكبر يالهه
حيراها ويــــــــــــتم الهه عيالهه
خوف ترجف هيــــج كل افعالهه
خله ذاك الــــــــيوم ظيم وحالهه

((يتناوش كل عشره… بسيفه))

بكيــــــــــــفه كام يروح ويرد بيهه
تريد عطــــوه ورفض ما مايطيهه
كال كل الكوم هاي افنــــــــــيهه
موت الحــــــــمر بطفوف ارويهه

(الموت بجفه… وغصت بي ))

شاف ليلئ ونتخه بعــــمه الفحل
غير بس المــــوت ماظل كل امل
عــمل بيهم والله الاكبر مو عمل
والــــصناجرهم كفو بزوده وصل

((والزاط يصگر ..من سيفه))

يشبه الكرار جان بشــــــــــمرته
عفيــــــه ليلئ عله المراجل ربته
فزعت الاف العــــــرب ما وصلته
عنده غايه وهــــــيج جانت غايته

((يرويهه .ماتعطش ليلئ))

شلون تعطش امي لو عمتي سوه
اليوم بلــــــطف انه اصيرلهن دوه
العال بيهــــن لايضن يشــتم هوه
هيج كال وسيــفه من دمهم روه

((مختلسه الكوم… وخلاهه))

ابو سلام الجابري

https://www.tgoop.com/jjdicjcsk

اشهد الــعباس جان بيومه
كسر خشوم الكفر بلحومه
مگمط گماط البدو
هيج وحزام الخو.
كسر خشــوم الكفر بلحومه

دخل للحومه وگلبها وتيهت مشرادهه
هيج عباس فزعته وامه هذا مرادهه
مگمط بجف بدويه ونعم يگماطهه
حارت الفرسان منه شلون ذيب وغاطهه

وفه بلــــطف خوته
هيج وامه الوصته
منه ظلت والزلم ملــجومه

تعنه للحومه وگلبها وسولفت صولاته
المايموت بطرف سيفه يموت من خزراته
ماكو بيهم زلمه زامط بلحرايب فاته
نار ذاك اليوم يلهب يذبح بريشاته

بجفه ويلوگ النصر
گباله لا محــد يمر
وصلت وللشام هيج علومه

طوقاها عله الشريعه وعلن عليها حصار
ظلمه خلاها وعجاجه مايصح منفذ فرار
هيج كال اگظيها كلها وقرر بهذا القرار
اليوصل خيام العقيله وهذا بعده وماهو صار

ياهو يوصل خيمتج
اله مــــــيتين خوتج
شلون زينب كلهم ومهظومه

تنخه بحسين وتعنه بجربته يمليهه
طبگ كترين العساكر كام يحصد بيهه
منه رجفت خوف كلها وتيهت تاليهه
بسيفه مشاهه عله رايه وراحه مايطيهه

راهي وبزوده حصد
بروسهم ظاع العدد
بزوده ظلت حايره ومظلومه

كسر خشوم التضده وكال ماشوفن زلم
من يهز سيفه بيمينه وجيشهم ظل ينهدم
صار كل الشور عده هوه اليطش ويلم
صاحو العباس هذا الزين منه الينهزم

الزين يشرد وينه
وهوه تذبح عينه
بزود عباس الكمر مثلومه


ابو سلام الجابري

https://www.tgoop.com/jjdicjcsk

اجيتك عاجــــنه بدموعي حنتك
ماخلت گلب جــــــــسام  ونتك

اجيت ابين موته وظلمه وبليل
وبعدك يلولي مهدومت الحيل
عريس وتسحگك وسفه يلخيل

شلون الكاك دليــني عله جثتك

اجيتك والدمــع ودرلي العيون
وفراك الولد مو ســهلا ويهون
من يدرون شــــماتي ويفرحون

من سحگ الحــوافر ما عرفتك

اجــــيتك حايره بياحال والكاك
بلكت موتتي وتــــصير انه وياك
لاكدر اعوفك لامــــــــن انساك

بنص اليل يايمــــــــــه وفكدتك

بنص اليل مــــــــــريت عله بالي
وريتك كون تدري شــــلون حالي
خلافك موحــــــــــزن نوح اليالي

اروح شــــــــلون يمه وماوصلتك

اروح شلــــون فوگ الكاع اخليك
عطشــــــان وتون يوليدي ودريك
جبتــــــلك ماي كوم اكعد ورويك

وريد اميه بيــــــــدي تلوح شفتك

ابو سلام الجابري

https://www.tgoop.com/jjdicjcsk