كعدو سويه وسلفو بيها
باجر وختنه شلون تاليها
تحتار باجر تحتار
بلخيمه لو شافت نار

شلون باجر من تمر بينه
وجساد فوك الكاع تلكينه
المن تروح وتسمع ونينه
ومانفزع الها ومن تحاجينه

بيا حال وشلون الحال
ويزجر عليها الجتال
ووحيده زينب من نخليها

يدرون بيها ام عون محتاره
والطف تعرفه وتعرف اخباره
من هل مصاب وماكو كل جاره
يلهب گلبها وماطفت ناره

ظمت دمعها البلعين
لاينكسر گلب حسين
والحيره باجر من يباريها

ام عون باجر تبقه حيرانه
وطفال يمهه وتبجي عطشانه
تتمنه  كون تموت ويانه
وياعمنه صاحو ليش ماجانه

خلانه عمنه العباس
تتفرج علينه الناس
وهذا الحجي الباجر يئذيها

ام عون باجر تبقه مفجوعه
حسين لو مرت علئ  ظلوعه
وعباس اخوهه جفوفه مگطوعه
يا لوعه  تحمل بلله يا لوعه

تحتار بينه وبيتام
وجروحه الما تلتام
وبس البجي والهم يسليها

سولفو هيجي وجوها واسوهه
بدمع الموادع خويه حاجوهه
عرفت وراهه هموم من چوهه
وتصبر صبر ايوب يوصوهه

تصبر يزينب علصار
ويه الحزن ما تحتار
وعن كلشي راح يصير رضوهه


ابو سلام الجابري

https://www.tgoop.com/jjdicjcsk

ندورك وين ياعباس اجيناك
صعبه اليوم من نتفارك وياك

صعبه اليوم خويه نخلي ونرح
ونته هناك فوك الگاع مطروح
بينه شلون لا ماتشفه الجروح
ياكافل ظعنه ومــــفدي بلروح

ردنه بهل الترابه وخويه ننعاك

ننعه عليك خويه اليوم بهداي
اجيناك بدمع جبنــــــالك الماي
بعدك ما بقه لا حــــــيل لا راي
وكعد شوف زينب هاي اجت هاي

اجت دم البجي عباس الرظاك

اجت دم البجي وياحلهه شلون
لامن فاتحـــه ولامن يشيعون
تشوفك لاجفن لا انته مدفون
والعدوان وبراسك يهوسون

تكلك ريت كون الموته وياك

ريت نمــــوت كنه بهل مسيه
ولا شفنه الجـــــــره بلغاظريه
غربه وكــــــوم ماترحم سبيه
وحبال الســــــبي التفت عليه

شما عالو علينه احنه وندهناك

لو عالو عليــــــــنه ومايردون
تظل بهدي دم تصــــب العيون
نصرخ هايهلنه شلون ترضون
بينه الگوم عالو ماتـــــسمعون

كل هذا بگلبنه ومانســـــــيناك


ابو سلام الجابري


https://www.tgoop.com/jjdicjcsk

اخ هل كلمه العظيمه محد يحس بيهه
اخ يعني الخوه كلهه الينهظم يحجيهه

اخ ولاخ العظيمه
يكولهه المر بهظيمه
-----------------------------
من يكول الكلمه هايه الزلمه مو هينه تره
حسين كالهه عله خيه من وصل للكنطره
تنحب وكض خصره بيده وكال اخ منلجره
خلاف اخوي شلون اعيشن ولجفوف مبتره

اخ كالهه عله اخيه
طلعت بنبرت منيه
ظلت الجربه يتيمه
اخ ولاخ العظيمه
---------------------------
منهد ذاك اليوم ظلت ذكره هاي وتنذكر
الكال اخ بين غربه يعني گلبه منكسر
وكررتها ام عون مره وكالت گبال الشمر
اخ من وكتي الرماني بينكم يهل الغدر

رددتها وصب ودمعها
والوكت بيهم فجعهاا
بين وادم ماكو شيمه
اخ ولاخ العظيمه
-------------------------------
الاخ تعني حسين اخيها وتعني عباس الكفيل
بليه خوان العقيله وياهو اليرد اليعيل
تصيح اخ ومن گلبها شما هوه المحمل يمل
ظلت بين الشماته  تلهج ومدمع يسيل

تبين الدمعه عله خوهاا
ام عون يوم السلبوها
صاحت وهاي الحريمه
اخ والاخ العظيمه
----------------------------
الاخ فطرت گلب زينب شيبت حتئ الزغار
بيوم كالت  مالي والي لخيمه شبت بيهه نار
وانه محتاره بزماني بهيمه ما خلوالي دار
وين كفالي وعضيدي مادره جا شنهو صار

بين غربه انه وشماته
حسين مايدري بناته
للكفر صارن شتيمه
اخ ولاخ العظيمه
------------------------
طفله صاحت اخ بويه ختنكت بهذا الكلام
بيوم شافت راس ابوها وكالت وياه ارد انام
علطشت ماتو سويه بلخرابه وبلظلام
هيج تخنگ هيه كلمه ولهه معنه ويلخيام

بيهه عبره الكلمه هايه
تختصر كل الروايه
تنحجي من  الظليمه
اخ ولاخ العظيمه


ابو سلام الجابري


https://www.tgoop.com/jjdicjcsk

شد كحيلته وتحزم حزام
عينه عله الهظم ماتغفه جسام
حيد ربلات السباع
منه رتجت الكاع


طبهه وحنته بجفه ولواهه
خشوم الكوم بطف كسراهه
قتنعت رمله بفعاله ورظاهه
دك صدره ويكلهه انه دواهه

يمه يكلهه ترضين
افدي بروحي الحسين
وهذا اليوم يبقه نذكره كل عام

شد كحيلته ومعزب الكوم
ليث عليهه بلميدان ويحوم
موظلمه الظهر راواهه النجوم
منه تبريدتت ماتكدر تكوم

ترجف منه تحتار
جاسم يطلب بثار
وچملهم رعب عيشهم اوهام

كلهم زفتي اليوم انه  بيهه
الحومه وبلغصب غير حجيهه
تفر منين ما طبهه ويجيهه
زغير الكوم بس شامخ عليهه

تنخه بعمه عباس
وفوك ركابهم داس
وخبار الحرب وصلهه للشام

من عباس ماخذ زود الفعال
من طب للكتايب بيهم شكال
انه ابن الحسن ماخلي خيال
يوصل للخيم لو راسه مازال

حيد وحير الكوم
بيهم ماخذ علوم
اليكربله يتدحرج راسه جدام

كال انه ابن سيد البريه
اطلب ثار من ظلع الزجيه
وين الكال كدهه يمر عليه
الموت اليوم صاير بين اديه

وفه بكل العهود
الزود بجفه كل زود
وگط ركابهه وداس عله العظام



ابو سلام الجابري


https://www.tgoop.com/jjdicjcsk

نزال



حي الله شيخ الانصار
حي الله شيخ الانصار

الحيته بيضه وحاجبه يشده بخيط
حگها بني سد كون بي تتباها
شيخ العشيره وهذ يانعم الشيخ
يعرف الغيره ويفتهم معناها
معزب وجوده الچان من الماجود
ماعده غير الروح گام اطاها

وفه الصحبته وصار شيخ انصاره
هذا حبيب الطاب بول غاره
تشهد الحومه وسولفة بخباره

حي الله شيخ الانصار

معزب تعرفه الحومه صاحب ديوان
للظيف يذبح كون حد شوف العين
شنهو اليقدمه بكربله وبلميدان
وظيف عده اليوم  موجود حسين
موت اديها وناس تردم بناس
تحزم عليها حزام هوه بسيفين

تحزم عليها حزام وي صحبانه
شيخ العشيره مسرفن بظرعانه
خلاها ترجف خوف مو بردانه

حي الله شيخ الانصار

كالت بني سد عمنه شدلها حزام
الغيض بين من صدك بعيونه
لو تنجمع هلكوفه وتجيب الشام
عن صحبته وشحدهم يردونه
شاف الدمع بعيون زينب وشلون
وسط المعاره منين اليلاكونه

سامع بزينب زعلت ومحتاره
الجيش الشام وصل طشاره
صاحو حبيب الثار هذا وثاره

حي الله شيخ النصار

تباهت بني سد حگها من ذاك اليوم
وكالو حبيب الشيخ ياشيخ العام
بلفزعه يفزع مايظم عمنه الراس
وي  النصار بفزعته يطب جدام

يمطر عيهم نار طب بعلومه
خل ال اميه رسم بس مرسومه
لحسين وصلت هيج هاي علومه

حي الله شيخ النصار

كالتله زينب عمي وشال الراس
عمها انه كال اليوم  كون احميها
هل چلمه حلوه ودوم ماهي عله البال
ومنين طلعت زينب التحجيها
ياجيش يگدر بلحرب ويلاكي
شما يخطي خطوه وكام ردد بيها

عمج يزينب صاح ونتي بعيني
مديون الكم هسه اوفي بدني
حسين هذا وهوه عمي حسيني

حي الله شيخ الانصار


ابو سلام الجابري


https://www.tgoop.com/jjdicjcsk

كعدن بليل هدعش…..
بلحبل سون نعش…
كلشي ممنوع وعليهن
بس حبل مابين اديهن
بلحبل سون نعش

&*&&*%&*&

كعدن بنيات حيدر علتراب تگابلن
يحجن الماضي منهلهن بدموع وسولفن
جان ظعن حسين هيبه وهسه ماظل كل ظعن
وين بينه الكوم رادو ماعرفنه ليا وطن

الراح مايرجع عليهن
سولفن كلشي بسبيهن
والحزن بيهن خدش
*&*&&*&&

تكابلن سكنه ورقيه عله النعش صبن دمع
ونئن بونه الخفيه وصوت ابد ماينسمع
كالن الحافر هظمنه وماترك سالم ظلع
حسين صدره وعثره صاير مالبس بطف درع

ام عون حارت والله بيهن
تنهظم تسمع بجيهن
ماحجن عن العطش
&**&*&&*&*&&*&

كعدن ورمله بحزنهه وتشكي همهه وللرباب
تكلهه جاسم راح مني وحيل دوهني المصاب
رته بيدي اليوم ازفه شلون نايم علتراب
بلا نعش والحنه بيده وطفو شموع الشباب

ياحزن هين عليهن
ونن وذكرن وليهن
والحزن يمهن فرش
*-*-&&&*&&*'*
تگابلن وسط الخرابه وليله كالت ياهو الي
بس علي من الدنيه اليه وبعده ماظل كل ولي
رته يحفر لحدي بيده ورته يعدل محملي
شلون اعيش خلاف عينه وهوه روحي وكل هلي

هذا كل الصار بيهن
حسين راح ومايجيهن
من الحزن كلسي ندهش.
&*&&%&***&&&&

اندهش بال الفواطم والفكر  بلحيره حار
ذكرن  مصاب الحوافر والخيم مشتعله نار
وهسه مسلوبات يمشن لا عشيره ولا كو دار
تجمعن يم نعش ابوهن دم بجت يمه الزغار

الكون ظل يبجي الحدين
وشكر طول حجيهن
ولكدر يمهم غبش


ابو سلام الجابري


https://www.tgoop.com/jjdicjcsk

اليوم التاســــــع بعاشور يحسين
بس اليوم خـــويه تشوفك العين

بس اليوم خــــــــويه وانه وياك
باجر وين كـــــــلي ورايح الكاك
بين الخيل يصــعب تدري فركاك
انته وياي هســــــــه وانه بحماك

وباجر حيرتي شلــــون بنساوين

باجر حيرتي تبجــــي اليرظعون
اذا ظليت وحدي وعـني تمشون
ابجي عليك حد ماتعــمه العيون
ياسباح گلبي خــــــــلافك شلون

ولمثلك يخوي الكـــــاه بعد وين

المثلك مايصح ياخــــوي لا صار
ياسباح گلبي وشمــــــــعت الدار
تدري اختك وحيـده عليك تحتار
وين الكه الصبر لو شـــــــبت النار

ونته وحيد وبنــــــــــص الميادين

انته وحيد والعـــــــــباس مذبوح
بيه شلون خويه وتــــسكن الروح
ياگلبي گبل يومـــــــــك شبع نوح
هيج شلون اظل وطيب الجروح

ولا خيمه التظل عندي وصواوين

لا خيمه التــــــظل عندي ولا راي
بس طفال تبــــجي وتطلب الماي
ونته تروح خـــويه وموش وياي
ويابلوه التزيد انه علــــــه بلواي

وبعدك راح اطب خويه الدواوين


ابو سلام الجابري

https://www.tgoop.com/jjdicjcsk

صال صال… مسلم وطباهه
صال صال… ترجف وخلاهه

صال مسلم للحرب خلاها نار
حارت الكوفه ويزيد بكبره حار
محد يلاوي ويطلب بيها ثار
الصار ذاك اليوم ماكو مثله صار

ترجف من عيونه
شحدهم يلاكونه
بزوده طب وفنونه
هيج من هزاهه
مسلم وطباهه
*&****
حارب وجنه ابو اليمه بصولته
فرت جيوش العده وما لاكته
شال كل الكوفه هزهه بيمنه
شلون حيدر من يصول وشمرته

جنه حيدر بيهه
عطوه ما يطيهه
وتيهت تالهه
توسلت خلاهه
مسلم وطباهه
&&&&&**&

حيد بلملكه صعب ما ينكحم
حيئر جيوش الظلاله والظلم
وبجثثهم مالحگ حار اليطم
ربات حيدر بلحرب ما ينهظم

حيد هزهه ونالهه
كسر خشم رجالهه
الكوفه وين افعلهه
حارت وذلاهه
مسلم وطابهه
*&*&*

طب علئ الكوفه وهلهه حتارت
سوه بيهه فتوك ابد ماصارت
كالو الدنيه علينه ودارت
كحيله بيده وحزماهه وغارت

داس فوك ركابهه
ونار بيهم شابهه
حتارت من صوابهه
والزم شلاهه
مسلم وطباهه
*&*&&*&**&

انتخه بطوعه ويكلهه انتي السند
اليوم اوفي بروسهم هذا الوعد
يسلم بروحه الحگ بيهم شرد
تربع عله رگابهه اليث وكعد

رجفت ومحتاره
وشبع يا بتاره
وخذ بيهم ثاره
حيد اهو وسلاهه
مسلم وطباهه


ابو سلام الجابري


https://www.tgoop.com/jjdicjcsk

اجاني العيد اعايدمن….. .ومرمن
وبعدكم بيمن اتنخه…..… وامرمن
صفه حنظل علئ رياكي… وامر من
الصبر مصباح عيد الله عليه

#ابوسلام الجابري

بعد جم يوم عن مصاب الحسين
يزينب ونتي مسبيه تروحين

بعد جم يوم وكتج بيكم يخون
ولا ديره وعشيره بحيره تبقون
بس هموم گلبج تبجي العيون

وحيره بهل وكت باجر تحيرين

بعد جم يوم لا جربه ولا ماي
وبر لا خيم لا صهوه وفاي
انتي بكربله مالج بعد راي

ويروح الدلال وذيج النسنين

يزينب قوي گلبج باجر مصاب
وكتج راح ياخذ كل الحباب
وتشوفينهم نومه عله اللتراب

شيفيد الندم وشما تندمين

شيفيد الندم لو راح عباس
وطولج ينعرف وتشوفك الناس
هاي اكبر مصيبه البيهه ينجاس

گلبج من تطبين الدواوين

هاي اكبر مصيبه تحل بلظعون
من دون الكفيل شلون تمشون
من عاشور ابد لا ما تسلمون

من هسه وعليهم كثري الونين


ابو سلام الجابري

قصيده نعي


العيد صــــــبح وبني وينه
محضرتله كلشي ومايجينه

محضرتله عيديه والهدوم
كلوله عيد ومـــــوكت نوم
عيف الگبر يمــــدلل وكوم
ومك عليها دور الـــــهموم

فگو الگبر يلدافنـــــــــــينه

فگو الكبر خلـــوني اشوفه
ومن التراب امـــسح زلوفه
بعيد الله هذا شلون اعوفه
وبس عــــلگبر افتر وطوفه

گلبي نفـــــــطر والله بونينه

گلبي نفطر لوشـــــفت حله
ويخــــلص بواجي اليل كله
بهداي بـــــــــــهداي ارد كله
فركاك يبني الحـــــــيل شله

ماايـــــــــــست ونطر تجينه

صبح العيد وشفــت الصور
وگلبي علــــــــيهن فار ونطر
رته ويخوته اليوم يحــــضر
راح الولد ماي وتطشــــــــــر

وبجفن البــــــــــــيض لافينه

كون الگبر بي ينــــــــفتح باب
ومسح خدوده مـــدمره تراب
علشاب ابجي وحگي علشاب
فراكه الگتلني وجرحه ماطاب

ونيت ارد اســـــــــــــمع ونينه

ابو سلام الجابري


https://www.tgoop.com/jjdicjcsk

محتاره وصفگ جفين
راح الظعن راح حسين
بس اربعه انه اطيته
خافني ماوفيته
محتاره وصفگ جفين
*&&&&&&
راح الظعن مني ومشه ..وراح الگلب وياهم
ظليت بس افرك بداي ..مو سهلا حتئ اناسهم
والدمعه تحرگ بجفن.. گلبي نچوه بفركاهم
خافن يطولون السفر ..وكضي العمر برجاهم

انطر عليه يردون
وياخوفي كون يطولون
راح الذي ربيته
خافني ماوفيته
*-*-*---*-**

بيوم الظعن عني مشه ..ويه العليله حتاريت
وحسبات تاخذني وترد.. لحسين اظن ماوفيت
وحشه وصفت كل دنيتي.. وظلم علي بعده البيت
شيفيد لو صب الدمع ..شينفعني كون شتاكيت

شفيدني ودمع العين
ورباتي كلهم ماشين
وهذا الدمع صبيته
خافني ما وفيته
&*&&*&&&**

ظليت اباوع عل درب .ونطر خبر من عدهم
وام البنين تحيرت ..ياهو اليروح يكلهم
كل ظني اعيش مدلله ..ايام المشيب بسدهم
ماحسبت هذا الجره… وكلهم سويه افكدهم

راحو سويه احبابي
وكلش جبير مصابي
بگلبي الحزن ضميته
خافني ما وفيته
&&&&*&&**&*

وصيت عباس الكمر.. يتكفل بخدر اخته
يوفيهه هيه من الزغر… مدللهه ومدللته
كلشي اليصير بهل درب.. يوم العسر  حاسبته
وحسين سالملي يرد… بس هذا منهم رته

وصيتهم ميقصرون
گبل الحسين يموتون
بس هذا والسويته
خافني ما وفيته
&&&*&*&&&****&&

انطيته كلشي وقصرت… من فدوه اروح العمره
بيا حال اوفي تحيرت  . وشلون اوفي الزهره
من يوم وادعني ومشه.. وبصدري ظلت عبره
مادري يايوم اليرد… ونطر وضل منتضره

اتنطر يرد لو لا
خوفي اموت بليا
هل ظن صدك ظنيته
خافني ما وفيته


ابو سلام الجابري

https://www.tgoop.com/jjdicjcsk

يوم الحشر سوه الطف
عباس كفاهم كف
من صول وطباهه
تتراجف  وخلاهه
عباس كفاهم كف
&*&&&&&&

كف العساجر من برز....  عباس راعي الغيره
صابتهه دهشه منلرعب...  والجيش ظل بحيره
ينبض عرج هاشم غضب .. وظلت تموج الديره
صاحو علي هذا البرز..  وبهيته وتصويره

وبكيفه اهو المشاهه
عله المشرعه وذلاهه
يحتار كلمن وصئف
عباس كفاهم كف
**&&&*&*
كسر خشوم اهل الغدر..  وشيخ طب للحومه
راوهم نجوم الظهر ...عباس والله بيومه
كلهم شرط هذا الي… والكم تظل معلومه
اليوصل خيم زينب تره…. مايسلم عله رسومه

ونذار هيج اطاهه
بزود وغضب حاجاهه
وگباله صفاهم صف
عباس كفاهم كف
&*&&*&&****&*&
يبس رياگ الزامطتت… دمهم نشف بعروكه
شات وصفت بيد الكمر… وبكيفه كام يسوكه
والجيش ماجر كل نفس… عباس سد حلوكه
چيمه وتطك چيمه اصبحت… عل مشرعه ومطبوگه

زلزلهه حيد بزوده
من سرفناهه زنوده
والموت بيهم ماخف
عباس كفاهم كف
&*&*&&*&**&*
ترعد الدنيه من يهز… سيفه ويهز الرايه
عل مشرعه بجرف نهر ..عباس دك الثايه
خله الجثث حرثه ودرب.. تشهد بل مسنايه
لو راد من روس العده…. يبنيله بيهه ولايه

بتاره يحصد بيهه
روس الزلم لاويهه
لبست زلمهم معطف
عباس كفاهم كف
&&*&&*&*&&*
شافه الحسين بصولته ..وكلاله هون يعضاي
خليلي حصه من الزلم ..وديتك انه عله الماي
كفيتهه الخوه ونعم… ياسلوتي وضي عيناي
بهداي اكلك بلحرب… .عباس اكلك بهداي

ياخويه لا تكظيهه
خليلي بس تاليهه
موت وعليهم ماخف
عباس كفاهم كف


ابو سلام الجابري

https://www.tgoop.com/jjdicjcsk

‏مقطع صوتي من ابو سلام

هاج اخذي الولد لحسين زينب ذبلت شفافه
گبل اشويه ابوه وياي هملت عينه من شافه

زينب اخذي عبدالله بلكت يشرب ميه
حيرني وحرت وياه ونشف كل عرج بيه
خوفي من يروح انوب روحه وما يرد ليه
من هسه الگلب محتار. .ما ادري شتواليه

يموتني القهر بجفاه وذكر شكله ووصافه

ماشايف شمس وشلون خافن هلشمس تاذي
وصي حسين كون يروح بجماغه الي اغطي
لو بيدي يخت عباس انه ومستحيل اطي
بس خافن يظل وياي وخاف من العطش يعمي

وگلبي تعلگ انه وياه وما لحضه ابد عافه

اردن للمهد وشلون كون الكه المهد خالي
الولي وماشوفه وياي وبجي برهدنه الحالي
رته وللكبر وياي يصبحلي السند والي
مو غفله ويروح اليوم وانه امرد بدلالي

هذا الحال هيج يصير وزود باجر خلافه

راح وشفت ابوه حسين دنك ونحنه ظهره
خافن طاح منه شلون طاح وسحكته المهره
ادعي الله ورسوله اليوم سالم والله  ليستره
مااحمل ابد فركاه ويصعب من صدك هجره

وشفت الوالي دنك كام جابه واليه ماعافه

جابالي الولد مذبوح وسهمه البنحر وياه
شفته المن بعد يحسين جرح وليدي لو غاطاه
ريت بگلبي كون يصير سهمه وكون اموت وياه
ولاعيش الدهر بهموم راح وماضل برجاه

وگلبي منلحزن مفطور مارد الولي رافه


ابو سلام الجابري


https://www.tgoop.com/jjdicjcsk

گبالي ويا خوال ابني يموتون


گبال العين طلعو والحرب صار
نص بسيوف رگضت نص بلحجاار
وبس سبعين ربع حسين النصار
والاف العده والجيش جرار

وعرفت اليوم راحو مايردون

عرفت اليوم راح ابقه بلا خوان
ولاتبقه عشيره ولا لي ديوان
هذا المايمر علبال لاجان
حسين يظل وحيد يموت عطشان

وفوگ الكاع جثته وماهو مدفون

فوگ الكاع جثته وراسه ينشال
برماح العده ويشيله جتال
وانه خلافهم ونجر بلحبال
وعرف هذا كله يصير ينگال

هاي اخت الكفيل وعافها شلون

هاي اخت الكفيل الزامطت بي
رجبوهه عله هزله وجيبو طاري
ماعدهه جفن توكف تغطي
ومن حر الشمس جا بيش تحمي

وخل تشوف شكله مغير الون

خل تشوف جثته تشوف السهام
ومشوهم سره وخلوهه جدام
هيج اسمع حجيهم طاح الوسام
خلافه شلون عيني تغمض تنام

ومن عمده باهل زينب يمرون


ابو سلام الجابري


https://www.tgoop.com/jjdicjcsk

طبهه الكفيل… ..وكفو عم الساده

طب ابو فاظل عليها الحومه منه تراجفت
يجرخ برايت محمد والزلم كلها نعمت
من خزرهه بعينه نشفت ونحنتله ودنكت
كام يحصد بيهه سيفه وصاحو الوادم كضت

طبهه الكفيل ..شهد بيهم يومه
راوهه موت... من وصل للحومه
وكلهم يموت.. وليظل بعناده
*&&&*&*&&&
چنه حيدر مايثني ومن يهز برايته
غير سكنه عله الشريعه اليوم وكفت وصته
كلهه اجيب النهر كله وراح يترس جربته
ماكو عدهم ال اميه زلم وكفت لا كته

صارت شتات… من يصد بعيونه
وعله الفرات… شحدهم يلاكونه
العدهم عجيد  .مايصح مشراده
&*&&&***&&
واكف براگ الشريعه ومحد الحده كرب
صاحو ربات الصميده وهذا قتال العرب
بكيفه صار الماي ملكه شما اخذ منه وشرب
نار بيده السيف يلهب والزلم صارت حطب

كامت تموت… من يهز بتاره
ومالهه صوت ..غاره تلحگ غاره
يكنص يصيد… وين روس القاده
&*&&*&&&&&
الريشه هاي الفوگ راسه بزلم تذبح طبگ
وتلحگ الشارد بروحه وكال افر ما الحگ
نبض عرجه ابن الهواشم ونشف بيهم كل عرگ
من كثر ما وكف دمهم وجوهم صارت زرگ

ظلت تموج ..والزلم محتاره
كص بلرگاب ..يحصد بتاره
محد يحوس… كلهم بمرصاده
*&&&*&****&

خله ملك الموت شاهد مايلحگ لو قبض
بلارواح الطشرهاا ابو فاظل من نهض
مثل زلزال واجاهه تموت لو سيفه لمض
الموت صار بجفه واجب عل كفر هيج نفرض

طشرهه هيج… والرواح بكيفه
نصهه تموت…. من يهز بسيفه
ياهو اليجي… .وهوه هذا الراده


ابو سلام الجابري


https://www.tgoop.com/jjdicjcsk

التـفت عباس راسه .. يربي الحسين
ويشوف الخيل وهكت.. ير بالحسن
يون ويصـــح زينب.. يربي الحسين
الي وخل خيلهم تسحك عليه

ابوسلام الجابري



https://www.tgoop.com/jjdicjcsk

الخرابه تفطرت وهتز…. لبنهه
ســمع يمه الرباب تون… لبنهه
تسلهم مايخــــــليهه….. لبنهه
تون وعينه عله الغاظريه


https://www.tgoop.com/jjdicjcsk

بيئن اول يوم من طف كربله
وگبل هذا اليوم جنت مدلله

گبل هذا اليوم هيبه بمحملي
شنهو اريده حسين گلي ادللي
اتنومس بعز من اشوفن كافلي

وانه بمري تسير كل القافله

جنت هيبه بزود عباس الكمر
يباري لظعوني وتكفل بلسفر
مايمرني وياه لاظيم وقهر

والحمل لو مال هوه يعدله

جانو خواني مثل هذا الهوه
ظوه بوسط العين وبرتي الدوه
هسه احس گلبي نخمش توه نجوه

وجنه حس يرحون باجر كل هله

باجر يروحون كلهم بلسره
هيجي گلبي يكول وبقه محيره
بين شمات وكفر وميسره

ومن بعد هم روحي تبقه معلعله

راح اشوف خيام ويتام وجمر
ويم جثثهم بلبواجي شلون امر
وريت وياهم يخلص هل العمر

ولا اضل للموت عيني وهامله

ابو سلام الجابري


https://www.tgoop.com/jjdicjcsk