يزينب حضري دمعج… راح الحسين
عليه ويزيد همج…. راح الحسين


يزينب مايردلج… راح الحسين
وحيد الظال عدج… راح الحسين
بعد ياهو اليسندج…راح الحسين
غريبه ومن يردج….راح الحسين

بعد محد يسمعج… راح الحسين

يزينب هاي حيره… راح الحسين
كضت كل العشيره… راح الحسين
بعد ياهو استشيره… راح الحسين
گبل جنتي اميره. .. راح الحسين

ختلف هليوم وظعج… راح الحسين

اجت هل خيل لينه.. راح الحسين
نفزعه ومايجينه… راح الحسين
ولا نسمع ونينه… راح الحسبن
بحافر ساحكينه…. راح الحسين

وبس شمات يمج… راح الحسين

وخيمتنه حركوهه…. راح الحسين
اطفال وسلوبهه… .راح الحسين
وكلهه تريد ابوهه…. راح الحسين
العده بنار ارهبوهه…. راح الحسين

ويصيحون بسمج… راح الحسين

يزينب خيل يمه… راح الحسين
وشوفه يسيل دمه.. راح الحسين
وسلبو حتئ هدمه.. راح الحسين
بعد ماظن نشمه…. راح الحسين

الرباب احتار يمج… راح الحسين


ابو سلام الجابري


https://www.tgoop.com/jjdicjcsk

بنات حسين مالن والرمح مال
من يشــــوفهن وتجرهن احبال

من فوك الرمـح ظل يربي ليهن
ولو يبجن بجـه الراس البجيهن
يشوف حبال ملتــفه عله ديهن
لا يكـــــــــــدر يهدهن لا يجيهن

حسافه  تراده وياهن تره الحال

يميل شما يشوف ام عون وتميل
وتتعثر اجيــــــــت بين المجاتيل
ظل عله الرمح دم راسه ويسيل
يكول شلون ياهــــو  يرد اليعيل

وظل حجي الشماته يهدم جبال

ظل يبجي النحر لو شاف الزغار
بحبال السبي ومـــــــحتركه بنار
يكول شلون زينب هيجي تحتار
لاخيمه التلــــــــــمها ولا بقت دار

تمشي ميسره وهذا الحجي نكال

ظل يميــــــــــل من يشوفها تنوح
بكثر جروحه زينب بيهه الجروح
الشاف الراس كال شلون مذبوح
يتفــــــــــــــكد يتامه وين متروح

يتفكد تشــــــــــــوفه بكل العيال

بنات حسين ظلن يحــــجن وياه
وليش من العطش ومفطره شفاه
شما يكرب عليهــــــن صاحن احاه
راح الجــــــــــــــان تاج وين نلكاه

وهذا الصــــــــار بيهن هجره جتال


ابو سلام الجابري


https://www.tgoop.com/jjdicjcsk

اليله هواي وحشــــــه وزينب بحيره
رحل عــــــباس عنها  بكل تصاويره

اليله هواي وحشــــه وحالها بياحال
تنام عله التراب مجــــــتفه وبحبال
لا عباس يمهــــــــــــا مگابله الجتال

مسبيه اصبحــــت من ديره الديره

اليله خوان ماكو ومــــــــحد وياهه
وسفه الــــــــبين بين اجناب خلاهه
مجبوره وغصــب ماتمشي برظاهه

وي وادم مــــــــشت ماتعرف الغيره

اليله ام عون تتفكــــد يتامه حسين
ماعدهه وسيــــله بس دموع العين
تكول الراح مني منين اجيبه منين

وهذا الــــــصار بينه شلون تفسيره

اليله ام عون محروكه الخيم كلهه
ادور اطــــــــــفال بلبر وين تندلهه
وبس شمات يمــــها شلون تسئلهه

وكصدت راس اخوهه تحضنه وتشيره

الــيله ام عون تبجي وحيل مهمومه
شلون حــسين اخوها ظال بلحومه
مامدفونه جثــــــــته اطشرت كومه

ليوصــــــــــــف الحزن حار بتعابيره


ابو سلام الجابري



https://www.tgoop.com/jjdicjcsk

يارقيه ا شايفه        ليش نامت خايفه
من الرمح حاجاني       حسين ماينسانسي
وسولفتله السالفه
*
سولفتله اشــــافت عيون اليتيمه
من رجع خالي المهر ناده الظليمه
وهيه ركظت للمخيم خيمه خيمه
دور عله حــسين وتنادي الهظيمه
ماشوفن صــــــــــــــورته             ولا تــــــــــــــحمل فركته
وبلهجر ماعارفه           وسولفتله السالفه
****
سوالفــتله السالفه وهل معنه بيهه
كتله خافت والجمر الــمجوي ديهه
وهيه تترجاك هــــــــــــليله تجيهه
تمسح دموع الــحزن تسمع حجيهه
تســــــــــتكيلك ظل اثر             من الســــــــياط علظهر
والحزن ماواصفه            وسولفتله السالفه
**
ماموصــــــفلهه الحزن مره بحياتك
وانه اعرفنــــــــهه اعز من كل بناتك
من عفتهه شــــــلون مادري برظاتك
وهيه صــــارت روحه مجلبه بعباتك
خويه حيرني بجــــــــــيهه         رت كــــــــــــون تمر عليهه
تركظ وما واكفه       وسولفتله السالفه
*
تركض من الــخوف والظالم سباهه
وجــر لحم وي التراجي من خذاهه
البارحه بعز هــسه بس الهم غطاهه
من تنام تصــــــــورت جثتك وراهه
تكول ليليه علــــــــــــــــجفه      عمه انام وعــــــــــــيني تغفه
اليله مامتوالفه         وسوالفتله السالفه
***
سولفتــــــله والرمح يبجي البجينه
وجني اسمعه يصيح هاي شدكد حنينه
شلون راح تعــــــيش وترد للمدينه
وماظنهه تشــــوف كلشي مفاركينه
تمــــــــــــوت ماتوصل تشوفه      يم كبر جــــــــــــــده وتطوفه
وهل وعد ماخالفه         وسوالفتله السالفه
****
ابو سلام الجابري

https://www.tgoop.com/jjdicjcsk

رقيه اليــــــــــــوم يم زينب حزينه
تون وتــــــــــــــــريد ترجع للمدينه

تون وتــــــــريد ترجع صوب اهلهه
تشوف الــــــــــيوم محد منهم الهه
ام عون تحــــــــير جا شنهو وتكلهه

وراس حــــــــــــسين يمها معلكينه

رقيه حبال ملــــــــــــتفه عله اديها
تريد حسين يفــــــــــــزع لو يجيها
تبجي شــــــــــما گرب راسه عليها

وتتصور بعد ذبحــــــــــــــــه ونينه

بعدهي تشوف خيل وحرك الخيام
مايطبگ جفنها ســــــــــــاعه وتنام
شما ونت تون ويــــــــــــاها اليتام

تكول الراح مايــــــــدري بسبينه

مايدري بسبيــــــنه ولا دره الحال
كل خمسه سوه نشــــــدينه بحبال
وماشوف من اهلــــنه ويانه خيال

اليفزع لو سمــــــــــع بطف بجينه

اشو مــــــــحد فزع يوم السبونه
وظل وحيــــــد بطف شفت ابونه
بحوافر خيلــــــــهم هل طشرونه

وتظل حبــــــــــــالهم تاكل بدينه


ابو سلام الجابري


https://www.tgoop.com/jjdicjcsk

ام عون الربتك عبــــــاس
تبجــــــــــي خلافك اليله

اليله بلا ولي وتحــــــــــتار
من حركو خيــــــــــمها بنار
تندب رادت الكــــــــــــــرار

وحيده وحايره بعــــــــــيله..
ام عون الربتك عباس

اليله بــــــــس دمع وجروح
تــــشوف الوالي ظل مذبوح
حگهه شما بجت وتنــــــوح

وياهو اليعدل الــــــــــــميله
ام عون الربتك عباس

ياهمهه يهــــــــــــــدم جبال
اليوم مكيده وبحــــــــــبال
تشوف گبالهه الجــــــــــتال

حسافه وصارت دخــــــــيله
ام عون الربتك عباس

حارت من اجــــــــــاهه اليل
من تبجي تهد الحــــــــــيل
تسمع بس صــــهيل الخيل

والسجاد تشــــــــــــــــكيله
ام عون الربتك عباس

حتــــارت وي رقيه تصيح
تميل شما يهــــــزهه الريح
تخاف مــــــنلهزيله اطيح

حسين بعيــــــــــد توميله
ام عون الريتك عباس


ابو سلام الجابري


https://www.tgoop.com/jjdicjcsk