ياوسفه يغبب     بطف خال الأولاد
خلاني غريبه بهاي البلاد

خلاني غريبه وحالي ياحــــــــــال
محتاره وحــــــــرت بيتام وطفال
كتله اليوم بعــــدك والحمل مال

((مظيعينه يربات الساده))

خلانه يتامه خلافه ونــــــــــــــوح
ماصدكنه ظل عــــــــباس مذبوح
شلون نعوفه فوك الكاع مطروح

((وتريده زينب هظموهه))

مهظومه العقــــــيله خلاف عيناك
تمنت بطفوف تــــــــــــموت وياك
ماذيها الســــــهم والصاب عيناك

((وماذيها ياسهم الوالي))

ماذيها العلم عبــــــاس من طاح
ماتنــــــــــفع بواجي وينفع صياح
شلون بروس اخوتك فوك الرماح

((وبارسك زينب هظموهه))

مهظومه وبقــــــــت ودير بلعين
ياخال الولد يانشــــــــــمي يازين
تريدك كون يــــمها وماتصح وين

((وخلاك زينب محتاره))


ابو سلام الجابري .

https://www.tgoop.com/jjdicjcsk

هل الاكبر للــــــــــــحرب بهلاله
وشبع ســــــيفه منال اميه بجاله

اربات نيبه وموزمه
شبع بيهم صــارمه

هل الاكبر للحــــــــــرب ياعونه
مشتهيهم مشــــــــــــتهه يلاكونه
كال هذا حســــــــين وحنه بدونه
نموت وشحــــــدهم تره يمسونه

كادهم كود الغنم
موت بطف ورسم
حار كل الجيــــــــــش منه بحاله

من برز خله العــــــــــده محتاره
هيج نشمي ومايطــــــــــيح ثاره
تنومس بــــــــــــجفه وفرح بتاره
غاره كامت ماتلحــــــــــــگ غاره

سوه بيهه الماسده
وخذ ثاره منلــــعده
هذا الاكــــــــبر هاي هيه افعاله

موت الحمر هــــــــــيج ويراويهه
خبط يخبطهه وشــــرب صافيهه
كربله حتارت وهو مبجــــــــــيهه
وكام حنظل والكــــــفر يسكيهه

حيد راواهه العذاب
ونعم شيخ الشباب
تفور خلاهه تكــــــــــــــول دلاله

تفور خلاهــــــــــــه الزلم وبزوده
سحك جيش زياده شمرت عوده
وفه يوم الــــــــطف جميع عهوده
عاهد ومــــــــحد وصل لحدوده

معهد بــــهذا العهد
وفه بــــــطف الوعد
والفخر يوم الطفــــــــــوف وناله

وفه عهــــده وجاب روس القاده
ونعم منه فخــــــــــــــــر للساده
سوه كلشي بطفــــــــــوف الراده
معاند وطبهــــــــم صدك بعناده

الموت وصبح ظيفه
الاكبر وسل ســــيفه
وهيج ملك المــــوت ظل يبراله


ابو سلام الجابري

https://www.tgoop.com/jjdicjcsk

دورتك بليــــل هدعش
بس مالكيــــــتك بنعش
عبــــــــاس نايم جاوين
خليــــــها وتروح العين

العازه الك وكت العصر من جدمو يمنه الخيل
حرمه وحيده بلا اهل وشحالي لوصار اليل
وبعيد كلولي الدرب ومنين اجيبنه الحيل
ماحسبت هيج الوكت عباس ويانه يميل

ياخوي محــــتاره اليوم
ياگلبي بعدك ملــــــجوم
وياوسفه عنكم ماشين
عباس جا نايــــــــم وين

كل خطوه الخطيها بجرح وياگلبي ظل خويه وياك
يلجمني ياطري السهم البعينك شلون انساك
ماودعيتك من رحت وبرجعتي شلون الكاك
ظليت نايم عل نهر وبعيده عنك يمناك

وبعيد ظليــــــــــت هواي
عباس مــــــــــــحد وياي
المثلك نجيبه احنه منين

عباس رافكنه الحزن وزاد الدمع والحسبات
لو انته سالم لاابد ما ينسبن علويات
اتشمتو بينه العده كالو كفيلج هل مات
ياهو البعد يحمي الظعن وياهو اليرد الكلفات

بعدك سبيه ويعداي
عباس هل زاد بجاي
ياوسفه عنك ماشين

عباس كل درب السبي والساني يحجي بطرواك
انعاك عل هزله بدمع ومقصره احس روحي وياك
دورته بس ماصح الي ومنين اجيبنه ادواك
انسك ابد لا لا تظن وشلون ياخويه انساك

عــــــباس ساكن بروح
وشلون اشوفك مذبوح
محتاره وصــفگ جفين

گلبي انه يمك والجسد يجرع مئاسي ولوعات
ياريت ترجع خويه الي وتشوف هاي الجمات
لا خيمه عدنه ولا ستر ونحتار جا وين انبات
جينه بظعن بي نفتخر صرنه بسوالف شمات

هيج الزمن بيــنه يدور
حار الگلب هل مكسور
مارحم ويانه البــــــــين

ابو سلام الجابري

https://www.tgoop.com/jjdicjcsk

لاجمــــــني گلبي من رحت يلغالي
يلوالي انته ومــــــالي غيرك والي

لاجمني گلبي من سكت بظعونك
يحسين بويه وخوفي له يذبحونك
اشلون اعيشــــن كلي انه بدونك
ترويني انته من اصــــــد بعيونك

وشلون بعــــــدك مالي كل تالي

شلون بعــــــدك من اظل بلغربه
وانه العلــــيله ايامي كلش صعبه
حســــــــين ماردلي واناطر دربه
شيفيد دمعي بكل وكت لو صبه

وبلظيم يصــبح من بعدكم حالي

بظيم يصــــبح هل گلب بهمومه
ويخلص زماني بحسرتي وملجومه
راح الولي ومادري شنــهو علومه
صبح ومــسيه اكعد وشم بهدمه

وبس الحــزن بعدك صبح يبرالي

بس الحزن ونوح فــــــــيدي الونه
يكضي العــــمر وشوفته انه اتمنه
تلفي المــــــنيه وخاف ما شوفنه
من عده صعبه ولو گطعت الظنه

وتموت بعــــدك من صدك امالي

اتموت كل امــــــالي وابقه بحيره
واصبح يتــيمه وغربه هاي الديره
بيوم الرحل ماخــــله بس تصويره
المكتوب اشــوفه ولا يصح تغيره

وحتار بعــــــــدك يحترك دلالي

ابو سلام الجابري
https://www.tgoop.com/jjdicjcsk

ادنن يم حميده بدمــــعه العين
من شافنه يمها تكــــرب حسين
ونن ونه باهــــــــات
حئسن مسلم ومات

ادنن يم حمــــيده وحالهن حال
من شافن حــــــزنها يهدم جبال
عرفت مات ابوها حسين ماكال
بس محني الظــهر من لم العيال

شيظم من الدموع
مبين يمها مفجوع
بعيونه الحزن شيــــــــظيع البين

بعيونه الحــــــــــزن عرفنه محتار
شيكل الحميــــــده وصلت اخبار
عن مــــــــسلم غريب بذيج الديار
ظل وحيد يمــــــــــهم عن النصار

وحيد ومحد وياه
بي تشمــت عداه
لا صح يمه اخــــــو لاواحد يعين

شيكــــــــــلها وابوج وحيد خلوه
ومن عالي القصــــــر ياحيف ذبوه
وبحبال بطــــــــرق ولكوفه جروه
ومجعت ماي يشــرب عيب خلوه

هذا الصار ماصــار
ظل حسين محتار
شيحجي ويليتيمه ويبدي من وين

شيحجي وعينه داراها البناته
وجنه يكول تبــــــقن للشماته
يدري بهل الدرب تخلص حياته
ومثلها يصــــــير حال مدلالاته

يدري هناك شيصر
وزينب بيهــن تحير
لوشفن اهلــــهن بس مطاعين

يصبرها بنظرته يكلها ائنه وياج
بس شلون لو رحنــــه وتركناج
انه وكل عمــــــــــاج ما اجيناج
وتظلين بطــــــــــف  محد وياج

هذا يحير الحاــل
لو جابوها الحبال
وجروجن سبايه وكلتي ماشين

ابو سلام الجابري

https://www.tgoop.com/jjdicjcsk

گئلب السيف بيمــــــــينه وشاله
اليوم مسلم حير الخــــــــــــــياله

كــال طوعه ازكيني
ونتي شوفي يمـيني

كال طوعه اليوم شوفي الزود عد الهاشمي
اليوم اسوي الكوفه ملعب بيه شمره من علي
بعيد عنهم  بس اريدن والخبر يصل هلي
تكول عني سوه بيهم ونتي ابشري ادللي

ونتي وصلي اخبارهه
الكوفه اذل اشــاراهه
تنومس الســــــيف بچثير افعاله

تنومس السيف بيمينه وصال حادي الموزمه
وخله كل الكوفه حارت بلحزن ومحزمه
منين مايكرب عدوه ستاد نيبه ويهزمه
شافت نجوم الظهاري وسيست وصط الدمه

بزود ذل كبــــارهه
وغركاهه بــــعارهه
وشرد الكالت گبــــــــــــل عياله

ردت مدنكه وذليله الجانت تظن بنصر
شما كثر جيش ال اميه وراد شارد منكسر
مسلم الحيد بمينه السيف باشط مبتشر
وين اليخاف عله روحئ وين المضحي العمر

مسلم الشــــب نارهه
تخاف تكضي اعمارهه
العانده ونذل تره الشــــــتسواله

سوه كلشي الصار بيها وكام يعصرهم عصر
اباب طوعه وماكو زلمه مگمط ويمه يمر
اله بايع روحئ هذا لو مظحي بهل عمر
غير مسلم يمه واكف قرر بهذا الامر

شحد اليمس دارهه
طوعه من اخــيارهه
وشخ صار عليــــــــــهم من فعاله

شيخ صار بزود فعله وطوعه صارتله سند
تهلهل بيوم اليجونه وهوه يفرح بلعدد
زلمه ماهاب الئعادي ودوم عل ذل ماركد
انتخه بعمه الصميده هيج زلمه وماله حد

هيج مســــلم يومه
من يطب للحــــومه
حيد لو كنه صدك يحــــــــــلاله

ابو سلام الجابري

https://www.tgoop.com/jjdicjcsk

ام البنــــــــــــــــــين امي ابدويه
بس انه هم امــــــــــــــي الزجيه
الفقرق عدي انه ثنين
وصني ماعوف حسين
وطيت عــــــــــــــــيني وجف اديه

العده مثــــــلي من لفخر يتباهه
موحگه وجــــــيوش الكفر ذلالهه
المــــثل الزجيه اوين جا يلكاهه
لو يطي روحئ مايحــــس وفاهه

والروح ترخــص وياه
حسين اصيرن يمناه
وكل الفخــــــــــــــر والزود اليه

وصني اصــــــــــــيرله سند بيامه
بس للحرب والموت اطب جدامه
ويوم العســر ولكون اصير حزامه
شيخي الجبــير وتاج فوك الهامه

حسين شخ انه فدي
ترخــصله وروح اطي
بس كون اهو اليــــــــــرضئ عليه

ام الــــــبنين وبيها خصلت هيبه
لو قصرت وتــــــشوف بيها العيبه
معلگــــتني من يوم المهد بگليبه
وحــسين الي مثل الهوه بترتيبه

وي النفس هيح الكاه
اشلون اعيــــــش بلياه
ولو مــــــــــــــــــتنه موتتنه سويه

وصتني بطــف كون اثبت امجادي
وكالت ســويه مظحيه كل اولادي
گبل المــــنيه وموتي هذا مرادي
اوفي الزجيه واوفي ابوهه الهادي

دكيت صدري بيمناي
كلتلها ارظــــيج بهاي
خلي الــــــــــــــــــــتريدينه عليه

عدها الشجاعه من البدو ورثتهه
وبينه بزغــــــــــرنه ويلبن خذتهه
حگهه العقــــيله وتنتخي بخوتهه
مثلي بصبرها وهيج اهي وصتهه

وتكول وكــــــفو وياي
اخذي العهد يمه بهاي
اله من موت تمــــــــــــــــر سبيه


ابو سلام الجابري

https://www.tgoop.com/jjdicjcsk

شدت زينــــب الرايه… يعباس
وكالت هاي الحــــجايه.. يعباس

اريدك خــــويه تروينه… يعباس
وبلشدات تحمــــينه… يعباس
وهاي الكــــوم تولينه.. يعباس

وترد سالم الغــــــايه…. يعباس

اريدك من تطب ليهه.. يعباس
وهاي الكوم تكظيهه.. يعباس
ودور الزمط بيــــــهه.. يعباس

تسوي الما مســــوايه… يعباس

تلف المشرعه بزودك… يعباس
تبين شــــمرت زنودك… يعباس
والطف يصبح حدودك.. يعباس

وانه وطلبــــــتي هايه… يعباس

رد الزينــــــب وگلهه… يعباس
وهاي الكوم اذلنهــه.. يعباس
وتتوسل تظــل كلهه.. يعباس

يمج تركع عــــــنايه…. يعباس

واعدها وفه بوعــده… يعباس
ومحد واصــل الحده.. يعباس
الجيش تحــزم ورده… يعباس

وكلهــــم صارو برايه… يعباس

ابو سلام الجابري

https://www.tgoop.com/jjdicjcsk

اليوم عله الكفل ..زينب يونــــون

يعمه نريد كافلــــــــــــــــنه ولينه
هاي الكــــــــوم فزعت والسبينه
شلون ينام هــــــــــسه وما يجينه
نشوف حــــــــبال جابوها ولدينه

وظلــــــت بدمع وتصب العيون

((هظموهه وخالفه الحره))

وين الجــــــــــابنه وكال بحماتي
خلانه ومشــــــــــــه انه وخواتي
رقيه تصــــيح سلمت بس عباتي
وامشي ميســــره وماني برضاتي

وجن اهلــــج يزينب عيب يدون

((بخيمنه النار وشبوها))

حركوها الخــــيم سلبوها الطفال
وجــــــتفوهن ايدنه بهاي الحبال
نمشــــــــي شلون ما ويانه كفال
اليــــتكفل ظعنه ويحمي العيال

والدروب الســــــبي بينه ويجرون

((وسلبونه بحبال وهزله))

صيــحي بصوت عمه وبلكت يكوم
وكلــــــــــيله ياكافل مو وكت نوم
اعرفج مثلــي انتي الحيل مهدوم
ومن نار الخــــيم متغيره الرسوم

هناك كبالي اشوفه وماهو مدفون

((بلكت يسمعنه يرد لينه))

بلكت لو ســــــمع صوتج ير جاي
يحمني اطــــــقانه ويرويهم الماي
خلافه بلا عظــــيد وفاكده الراي
محد كال زينــــــــب ونتي بحماي

وســــمع هل عده بهلج يشتمون

((وشتمونه من طاح الكافل))

ابو سلام الجابري

https://www.tgoop.com/jjdicjcsk

فزعو انصار الفواطم والحرب طوبها
ونتخو بسم العقيله الرايه من هزوها
هزو الرايه بعزم
زلم يانعم الزلم…
الرايه من هزوها

طبو انصار الفواطم قسمو طف كربله
سباع النيبه ومارجل هل الزلم ومعدله
سور صارو للفواطم وعله طول القافله
نصرو حسين وبنينه وحضو بعظم منزله

نالو العز والفــــخر
ونتخو بسم الكمر
مدنكه مكــــــسوره العده وردوها

قائد الانصاركلهم مانرد دون النصر
خلاف ابو اليمه وبنينه شنهو جا يسوه العمر
تواعدو هيج عله باجر كالو بوكت العصر
كون نلهب نار بطف والارض تسعر جمر

من امس هذا الوعد
كالو نوفي العــــــهد
محجبه جــــــيوش العده وخلوها

جون كال الحب كتني وانه عاشك وبجنون
اطي هذا اليوم روحي وكلشي لجله هم يهون
حسين هوه الروح اليه شلون بي يتحرشون
اليوم اراويهم مراجال بيها خل يتحيرون

هــــــيج كالاهه وعبر
داس فوك من الخطر
واحد اتنخه بلاخر ملحمه وسوها

شيخ الانصار وجمعهم كلهم بكلشي اليصير
نوزع الطف المراحل لحد ما نرضي الظمير
نموت لجل حسين كنه ولا يمسون الامير
وشحلاته اليگظي عمره هنا وبهذا المسير

هيج همه تحاشمو
بغير بيهه ومن بدو
زينب وعدهم اميره بلحرب رضوها

رفت الرايه باسمهم وصلت الحد النجم
انصار ابو السجاد كالت مابرد عدهم عزم
تشوفهم جن گلب واحد وزعو وبكل جسم
حسين كالوها ولينه وغيره مانعرف اسم

حسين كالوها الامير
انموت لجله ومانحير
الاف جانت كوم اميه  وبلعزم داسوها

ابو سلام الجابري

https://www.tgoop.com/jjdicjcsk

زينب شافـــت الكافل .بله جفوف
ردت بدمــــــــع والون ..مخطوف


شافت جف اخــــوها ورايته وياه
مدد عل ارض مــــــــــحد تــدناه
كالت وين جا عــــــــــباس نلكاه
نرد جفوفه يمــــــه ونكعد حذاه

تحير ايامنه مــــــن بعد الطفوف

شالت جف اخــوها وشمته بنوح
تكله خلاف زنــــدك وين مطروح
تدري انوب وحنــــــه رايح انروح
سبايه هناك ظل حسين مذبوح

وجسمه اسهام نامت بي والسيوف

شافت جف اخــوها والجسد غاد
ابعاد تكله عنــــــــــك ظلن ابعاد
المثلك خويه هــــــذا اليوم يراد
شلون تروح عــــــــنه وكلك عناد

جنت اســمع گبل عباس بلخوف

خويه عتابي الك ويــطول العتاب
وسفه اليــــــوم نايم فوك التراب
ريتك كون تســــــــمع رد الجواب
خلافك والحــــزن يفتح الف باب

من هسه ويگــلبي عليك ملهوف

ريتك كون تكعــــــــد خويه وياي
اريدنك ترد ما اريــــــــــدن الماي
موش انته الجبتني وكتلي بحماي
مال وياك حمــــلي وطايح الواي

ولو رديت خــويه .تسوي معروف


ابو سلام الجابري

https://www.tgoop.com/jjdicjcsk

شنهو ذنبي .خلصت ليلي بدمعتي
شنهو ذنبي
عفيه أصبري.. توسلت روحي بجفاهم.. عفيه أصبري

عمري مو مال انتضار
نار تاكل بيه نار--شنهو ذنبي
*------*----*---*
انه لوعاتي جثيره وزايد عليها الهجر
يبدي وني المغربيه لحد ميطر الفجر
التمت هواي السوالف حيل تعبت الفكر
صرت اخلي الصوج بيه الروحي دورت العذر

الروحي مااملك قرار
الصار بيه وهذا صار
شنهو ذنبي
*----*---*---&**

الذنب كالولي عليله والدرب كلش طويل
تتعب البعد المسافه اطيح والناكه تميل
كلت اخلي جفوف اديه طباگ وي جف العليل
ماأتعب احد انه واكتفي بعمي الكفيل

عمي كافل هل ظعون
كلشي وياكم يهون… .شنهو ذنبي
*+-*+-*-
شكد صعب يوم العليله تخلصه بااه وتنوح
ومن تظل وحيده تبجي بدمع تشفه الجروح
عمي فدوه اكدر اسافر وانه وياكم اروح
ولا اظل هيج بعذابي ميته وانه البيه روح

خذوني انام اعله التراب
ولا اظل الهل العذاب ..
شنهو ذنبي
*&*&&**

صار وحشه البيت كله وظلمه ماضل بي ضوه
ويختلف كلشي بجفاكم وگام يخنكني الهوه
انتو جنتو السلوئ اليه العلتي وانتو الدوه
هسه حتئ الراس شيب جفني من دمعي نجوه

اكضي ليلي بس انوح
بدمعي داويت الجروح
شنهو ذنبي
*&-----*---*
بكل مسيه انطر وتاني بلكت يمرني خبر
ورجع مئيسه واعاني وحيل كاتلني القهر
الواقع العشته بحياتي ادري مامنه مفر
ال بلحزن عاشت غريبه شنهو ينفعها السهر

بغربه ميته لا محال
بعد ماظل كل دلال
شنهو ذنبي


ابو سلام الجابري



https://www.tgoop.com/jjdicjcsk

اكعد وشــــــرب اميه… يعطشان
اجيتك خويه مسبــيه… يعطشان

جم حافر سحگ صدرك… يعطشان
خويه تحيرت بمرك… يعطشان
شلون ارويك من نحرك.. يعطشان

ماتدري الجره عليئه ..يعطشان

شفت ظلوعك بعيــني… يعطشان
ويهمن زايد ونــــــيني… يعطشان
وريدك عود تحــميني… .يعطشان

وسفه وهــــيج تاليه… يعطشان

اجيتك وشتم بنحرك… يعطشان
وذباحك كسر ظهرك… يعطشان
شماله وماعرف قدرك.. يعطشان

وريــــــــتك لو ترد ليه… يعطشان

ادور خنــــصرك وينه… يعطشان
مسلب ماهــــو بيمينه.. يعطشان
وسفه وهــــيج تالينه… يعطشان

بعد حــــــيل مابيــــــه… يعطشان

راسك علــــرمح عالي… يعطشان
ونته التنــظرر الحالي… يعطشان
مســــــبيه وبلا والي… يعطشان

وعدك ظــــــــلت بنيه… يعطشان
وياهو يصــــــــبر ارقيه ..يعطشان

ابو سلام الجابري

https://www.tgoop.com/jjdicjcsk

ريت زينب ياعــــــــــلي تمر بيها
تشوف ياهو اليــــوم ظل حاديها

تشوف حال ام عون من طاح العلم
عين يم عباس عــــين عله الخيم
تحير شنهو تكول بلعــين السهم

شلون هيج يصــــــــير جا تاليها

وسفه تمشي وعينها تصد الرماح
تميل لو مال الرمــــح من الرياح
شما تغمض عيونها وتحسبه طاح

بهل وظع وتحسبه اهو اليحميها

حايره بحبل السبي تمشي وتظم
تخاف اخوها يشوف اديها وينهم
وريت حاظر كون وتشوف الظلم

شلون من راد الشــــــمر يسبيها

تنوح وتون من وصل وكت السبي
وكامت تلم بليــــــــــتامه وبلعبي
تكول بعد حســــين جا ياهو الي

عاف اخيته والهــــــــــضم ماذيها

تشوفها من ظل اخوها عله تراب
مسلــــب ومذبوح وتريد الجواب
تكول ماينــفع بعــد شنهو العتاب

ومن تعاتب محــــــــــد يحاجيها

ابو سلام الجابري

https://www.tgoop.com/jjdicjcsk

ابن اختنه الطب عليها وشوفو شنهو افعاله
هيج كالوها خــــــــــــــــــــواله والكمر يبراله

عون داس عله الخطر
وخاله بي نال الفــخر

انتخه بخاله ابو فاظل عون من طب وكصد
كال يمه اليــــــوم ابشري ماهم بهل عــدد
انه اموتن الجل خالي وخالي الي هوه السند
وكام يكــــسرها ويردها نار سيفه ومــــــا برد

اخذ بــيها ام العله
الزدو من خاله وله
حيد لو طب للكلافه وهل حجي يحلاله

كال يمه الــــــيوم ابشري وراسج يطخ النجم
شماكثر بطــــــــــف عددهم دوم بيهم ما اهم
ذوله ماهــم كفو ملاكه وذوله ابد ماهــــــم زلم
شوفي هذا الجــــــــيش كله بس اخزره وينهزم

يمه ابشــري ادللي
انه هم جــدي علي
هيج سولف للعقيله وسوه شنهو الكاله

سوه يوم اســــــــود عليهم شاف خاله وزوده
وكال ارد سفيــــــان حاير وكضي كل جنوده
خالي كلالي عليــــــــــــــهم هاي الي المريوده
شلون اخلي ال اميــــــــــــه جا تدوس حدوده

شحده والحده گرب
كسر خشــوم ورگب
گلئب السيف بيمنه وحير الخياله

كال اوفي اليــــــــــوم خالي وافي امي ارباهــه
خاف عني تكول هــــــــــيه الخوله ما وفاهــــه
لو بخل بروح عنــــــــــــها وروحه عيب اطاهه
هيج زعلان وكصــــدها ومذبحه سواهــــــه

وفه بطــف خولته
فرح امه الربــــته
وهيج كالت عنه امه وحير الخياله

بزوده فرحــــــــو بي خواله تباهو بثلثــــــينه
عون نار وطــــــــــــــب عليها ونار تجدح عينه
كال مطلــــــوب ارد اوفي وهيج يوفي بدينه
الخــــوله حگ تريد مني واليزمط جا ويــــــنه

عون ياحــيد وشهم
امه كالت ونعــــــم
ابني هذا الحيد اعرفه يفرح امه بجاله

ابو سلام الحابري

https://www.tgoop.com/jjdicjcsk

هاي اول ليله من شــــهر الحزن
تنوح زينب حكهــا بلحسره وتون

تنوح تدري فراك اهلهه بهل درب
وهيه حرمه تحــير ما بين الغرب
تكول حمــــلي هنا يميل وينگلب

ياخذ خــــــــواني وتظل بلا دفن

هاي اول ليله ملجــــــوم الدليل
ودري مايبــــــقه بعد خل وخليل
نظل حرم وطفال ويطول العويل

وشنهو اسوي وكون گلبي لهم يحن

هاي اول ليــله من شهر الحرام
وعل منــــــايه يروح ويرد الكلام
شلون عيني وبلــــغرب رايح تنام

وصعبه كون هنا ويطبك هل جفن

شلون عيني تنام وحسب لليصير
ودري كلها تروح وانه الراح احير
بين جثت مــــــــيت وبين الاسير

وبين مجــــتوف بحبل يمي ويون

هيج راح احــــــــتار ويهل الدمع
من اشوف الــخيل تسحگ بلظلع
هيج حالي يصير حگي من انفجع

وهذ كله يصــــير ادري ومو اظن

ابو سلام الجابري

https://www.tgoop.com/jjdicjcsk

نجفي

اليوم مســــــــــــلم نازل بكوفانها
زاد بيها الــــــــــموت زاد احزانها

زاد بيها الــــموت يبن الهاشمي
كال وحدي وخل يسولف صارمي
انه افــــدي الروح بس البن النبي

الكوفه بسمي مسجله بعنوانها

طب عليها وكال ماهب الخطر
طوعه بس لحسين وصلي انتي الخبر
الكاتبك كلــــــــــيله خانك ونكر

تعاهدت والكــــوفه وي عدوانها

تعاهدت وي ال اميه عله الغدر
وحضرو جيشين فرحان الشمر
الكاتبنه اليــــــــوم شو رد يعتذر

جانت تســــــولف جذب بلسانها

خل يرد حســــــين لا يحضر بعد
هاي وادم لاكو ذمــــــــه ولا عهد
خانت ابن المصطفئ ونامت رغد

لا تظن انوب يكــــــــــــــبر شانها

طوعه شوفي شلــون اذلهم بنزال
الزود بيه وما اهــــاب من القتال
همي بس لحسين وبثكل الجبال

شلون يصــــــبح للعده ونيشانها

ابو سلام الجابري

https://www.tgoop.com/jjdicjcsk

جلجل ليــــــــلهن شعظم مصابه
بنات حســــــــــين وبذيج الخرابه

جلجل ليلهــــــــن وليل حسبات
وكالن بلخــــــــرابه شلون ونبات
راح حســــــــــين ظلينه يتيمات
وبين اجــــــناب ياوسفه غريبات

يصيحــــــن وين مانسمع جوابه

نباوع علســــــمه توسدنه التراب
الخرابه مــــهدمه ومابهه كل باب
راحت من اديــــنه وغابت احباب
وصفينه اليوم نمشي بكيف الجناب

وهذا اليــــــــــــــل ويطول عتابه

هذا اليــــــــــل ويحير اليفكدون
منهن غاب والــــــــكافل بلظعون
ظل عله التــــراب هناك مطعون
ماصح لا جــــــفن لا هوه مدفون

ومالهن عرف لامــــــــــــــن كرابه

ماعدهــــــن كرابه ولا عرف صاح
كظن ليل الســبي بحسرات ونياح
كالن ظعــــــــنه يوم الكافل وطاح
وبعد عينه صــــدك هيهات نرتاح

عذبنه صــــــــــــــدك والله بغيابه

جلجل ليلــــــهن ومجتفه جفوف
بحبال الســبي ويكتل تره الخوف
ياگلب الحنيــــــــنه اليوم ملهوف
بطشت راس الولي وبعينها تشوف

وصاحت ليــــش هيج وراس بابه

ابو سلام الجابري

https://www.tgoop.com/jjdicjcsk