گئلب السيف بيمــــــــينه وشاله
اليوم مسلم حير الخــــــــــــــياله

كــال طوعه ازكيني
ونتي شوفي يمـيني

كال طوعه اليوم شوفي الزود عد الهاشمي
اليوم اسوي الكوفه ملعب بيه شمره من علي
بعيد عنهم  بس اريدن والخبر يصل هلي
تكول عني سوه بيهم ونتي ابشري ادللي

ونتي وصلي اخبارهه
الكوفه اذل اشــاراهه
تنومس الســــــيف بچثير افعاله

تنومس السيف بيمينه وصال حادي الموزمه
وخله كل الكوفه حارت بلحزن ومحزمه
منين مايكرب عدوه ستاد نيبه ويهزمه
شافت نجوم الظهاري وسيست وصط الدمه

بزود ذل كبــــارهه
وغركاهه بــــعارهه
وشرد الكالت گبــــــــــــل عياله

ردت مدنكه وذليله الجانت تظن بنصر
شما كثر جيش ال اميه وراد شارد منكسر
مسلم الحيد بمينه السيف باشط مبتشر
وين اليخاف عله روحئ وين المضحي العمر

مسلم الشــــب نارهه
تخاف تكضي اعمارهه
العانده ونذل تره الشــــــتسواله

سوه كلشي الصار بيها وكام يعصرهم عصر
اباب طوعه وماكو زلمه مگمط ويمه يمر
اله بايع روحئ هذا لو مظحي بهل عمر
غير مسلم يمه واكف قرر بهذا الامر

شحد اليمس دارهه
طوعه من اخــيارهه
وشخ صار عليــــــــــهم من فعاله

شيخ صار بزود فعله وطوعه صارتله سند
تهلهل بيوم اليجونه وهوه يفرح بلعدد
زلمه ماهاب الئعادي ودوم عل ذل ماركد
انتخه بعمه الصميده هيج زلمه وماله حد

هيج مســــلم يومه
من يطب للحــــومه
حيد لو كنه صدك يحــــــــــلاله

ابو سلام الجابري

https://www.tgoop.com/jjdicjcsk

ام البنــــــــــــــــــين امي ابدويه
بس انه هم امــــــــــــــي الزجيه
الفقرق عدي انه ثنين
وصني ماعوف حسين
وطيت عــــــــــــــــيني وجف اديه

العده مثــــــلي من لفخر يتباهه
موحگه وجــــــيوش الكفر ذلالهه
المــــثل الزجيه اوين جا يلكاهه
لو يطي روحئ مايحــــس وفاهه

والروح ترخــص وياه
حسين اصيرن يمناه
وكل الفخــــــــــــــر والزود اليه

وصني اصــــــــــــيرله سند بيامه
بس للحرب والموت اطب جدامه
ويوم العســر ولكون اصير حزامه
شيخي الجبــير وتاج فوك الهامه

حسين شخ انه فدي
ترخــصله وروح اطي
بس كون اهو اليــــــــــرضئ عليه

ام الــــــبنين وبيها خصلت هيبه
لو قصرت وتــــــشوف بيها العيبه
معلگــــتني من يوم المهد بگليبه
وحــسين الي مثل الهوه بترتيبه

وي النفس هيح الكاه
اشلون اعيــــــش بلياه
ولو مــــــــــــــــــتنه موتتنه سويه

وصتني بطــف كون اثبت امجادي
وكالت ســويه مظحيه كل اولادي
گبل المــــنيه وموتي هذا مرادي
اوفي الزجيه واوفي ابوهه الهادي

دكيت صدري بيمناي
كلتلها ارظــــيج بهاي
خلي الــــــــــــــــــــتريدينه عليه

عدها الشجاعه من البدو ورثتهه
وبينه بزغــــــــــرنه ويلبن خذتهه
حگهه العقــــيله وتنتخي بخوتهه
مثلي بصبرها وهيج اهي وصتهه

وتكول وكــــــفو وياي
اخذي العهد يمه بهاي
اله من موت تمــــــــــــــــر سبيه


ابو سلام الجابري

https://www.tgoop.com/jjdicjcsk

شدت زينــــب الرايه… يعباس
وكالت هاي الحــــجايه.. يعباس

اريدك خــــويه تروينه… يعباس
وبلشدات تحمــــينه… يعباس
وهاي الكــــوم تولينه.. يعباس

وترد سالم الغــــــايه…. يعباس

اريدك من تطب ليهه.. يعباس
وهاي الكوم تكظيهه.. يعباس
ودور الزمط بيــــــهه.. يعباس

تسوي الما مســــوايه… يعباس

تلف المشرعه بزودك… يعباس
تبين شــــمرت زنودك… يعباس
والطف يصبح حدودك.. يعباس

وانه وطلبــــــتي هايه… يعباس

رد الزينــــــب وگلهه… يعباس
وهاي الكوم اذلنهــه.. يعباس
وتتوسل تظــل كلهه.. يعباس

يمج تركع عــــــنايه…. يعباس

واعدها وفه بوعــده… يعباس
ومحد واصــل الحده.. يعباس
الجيش تحــزم ورده… يعباس

وكلهــــم صارو برايه… يعباس

ابو سلام الجابري

https://www.tgoop.com/jjdicjcsk

اليوم عله الكفل ..زينب يونــــون

يعمه نريد كافلــــــــــــــــنه ولينه
هاي الكــــــــوم فزعت والسبينه
شلون ينام هــــــــــسه وما يجينه
نشوف حــــــــبال جابوها ولدينه

وظلــــــت بدمع وتصب العيون

((هظموهه وخالفه الحره))

وين الجــــــــــابنه وكال بحماتي
خلانه ومشــــــــــــه انه وخواتي
رقيه تصــــيح سلمت بس عباتي
وامشي ميســــره وماني برضاتي

وجن اهلــــج يزينب عيب يدون

((بخيمنه النار وشبوها))

حركوها الخــــيم سلبوها الطفال
وجــــــتفوهن ايدنه بهاي الحبال
نمشــــــــي شلون ما ويانه كفال
اليــــتكفل ظعنه ويحمي العيال

والدروب الســــــبي بينه ويجرون

((وسلبونه بحبال وهزله))

صيــحي بصوت عمه وبلكت يكوم
وكلــــــــــيله ياكافل مو وكت نوم
اعرفج مثلــي انتي الحيل مهدوم
ومن نار الخــــيم متغيره الرسوم

هناك كبالي اشوفه وماهو مدفون

((بلكت يسمعنه يرد لينه))

بلكت لو ســــــمع صوتج ير جاي
يحمني اطــــــقانه ويرويهم الماي
خلافه بلا عظــــيد وفاكده الراي
محد كال زينــــــــب ونتي بحماي

وســــمع هل عده بهلج يشتمون

((وشتمونه من طاح الكافل))

ابو سلام الجابري

https://www.tgoop.com/jjdicjcsk

فزعو انصار الفواطم والحرب طوبها
ونتخو بسم العقيله الرايه من هزوها
هزو الرايه بعزم
زلم يانعم الزلم…
الرايه من هزوها

طبو انصار الفواطم قسمو طف كربله
سباع النيبه ومارجل هل الزلم ومعدله
سور صارو للفواطم وعله طول القافله
نصرو حسين وبنينه وحضو بعظم منزله

نالو العز والفــــخر
ونتخو بسم الكمر
مدنكه مكــــــسوره العده وردوها

قائد الانصاركلهم مانرد دون النصر
خلاف ابو اليمه وبنينه شنهو جا يسوه العمر
تواعدو هيج عله باجر كالو بوكت العصر
كون نلهب نار بطف والارض تسعر جمر

من امس هذا الوعد
كالو نوفي العــــــهد
محجبه جــــــيوش العده وخلوها

جون كال الحب كتني وانه عاشك وبجنون
اطي هذا اليوم روحي وكلشي لجله هم يهون
حسين هوه الروح اليه شلون بي يتحرشون
اليوم اراويهم مراجال بيها خل يتحيرون

هــــــيج كالاهه وعبر
داس فوك من الخطر
واحد اتنخه بلاخر ملحمه وسوها

شيخ الانصار وجمعهم كلهم بكلشي اليصير
نوزع الطف المراحل لحد ما نرضي الظمير
نموت لجل حسين كنه ولا يمسون الامير
وشحلاته اليگظي عمره هنا وبهذا المسير

هيج همه تحاشمو
بغير بيهه ومن بدو
زينب وعدهم اميره بلحرب رضوها

رفت الرايه باسمهم وصلت الحد النجم
انصار ابو السجاد كالت مابرد عدهم عزم
تشوفهم جن گلب واحد وزعو وبكل جسم
حسين كالوها ولينه وغيره مانعرف اسم

حسين كالوها الامير
انموت لجله ومانحير
الاف جانت كوم اميه  وبلعزم داسوها

ابو سلام الجابري

https://www.tgoop.com/jjdicjcsk

زينب شافـــت الكافل .بله جفوف
ردت بدمــــــــع والون ..مخطوف


شافت جف اخــــوها ورايته وياه
مدد عل ارض مــــــــــحد تــدناه
كالت وين جا عــــــــــباس نلكاه
نرد جفوفه يمــــــه ونكعد حذاه

تحير ايامنه مــــــن بعد الطفوف

شالت جف اخــوها وشمته بنوح
تكله خلاف زنــــدك وين مطروح
تدري انوب وحنــــــه رايح انروح
سبايه هناك ظل حسين مذبوح

وجسمه اسهام نامت بي والسيوف

شافت جف اخــوها والجسد غاد
ابعاد تكله عنــــــــــك ظلن ابعاد
المثلك خويه هــــــذا اليوم يراد
شلون تروح عــــــــنه وكلك عناد

جنت اســمع گبل عباس بلخوف

خويه عتابي الك ويــطول العتاب
وسفه اليــــــوم نايم فوك التراب
ريتك كون تســــــــمع رد الجواب
خلافك والحــــزن يفتح الف باب

من هسه ويگــلبي عليك ملهوف

ريتك كون تكعــــــــد خويه وياي
اريدنك ترد ما اريــــــــــدن الماي
موش انته الجبتني وكتلي بحماي
مال وياك حمــــلي وطايح الواي

ولو رديت خــويه .تسوي معروف


ابو سلام الجابري

https://www.tgoop.com/jjdicjcsk

شنهو ذنبي .خلصت ليلي بدمعتي
شنهو ذنبي
عفيه أصبري.. توسلت روحي بجفاهم.. عفيه أصبري

عمري مو مال انتضار
نار تاكل بيه نار--شنهو ذنبي
*------*----*---*
انه لوعاتي جثيره وزايد عليها الهجر
يبدي وني المغربيه لحد ميطر الفجر
التمت هواي السوالف حيل تعبت الفكر
صرت اخلي الصوج بيه الروحي دورت العذر

الروحي مااملك قرار
الصار بيه وهذا صار
شنهو ذنبي
*----*---*---&**

الذنب كالولي عليله والدرب كلش طويل
تتعب البعد المسافه اطيح والناكه تميل
كلت اخلي جفوف اديه طباگ وي جف العليل
ماأتعب احد انه واكتفي بعمي الكفيل

عمي كافل هل ظعون
كلشي وياكم يهون… .شنهو ذنبي
*+-*+-*-
شكد صعب يوم العليله تخلصه بااه وتنوح
ومن تظل وحيده تبجي بدمع تشفه الجروح
عمي فدوه اكدر اسافر وانه وياكم اروح
ولا اظل هيج بعذابي ميته وانه البيه روح

خذوني انام اعله التراب
ولا اظل الهل العذاب ..
شنهو ذنبي
*&*&&**

صار وحشه البيت كله وظلمه ماضل بي ضوه
ويختلف كلشي بجفاكم وگام يخنكني الهوه
انتو جنتو السلوئ اليه العلتي وانتو الدوه
هسه حتئ الراس شيب جفني من دمعي نجوه

اكضي ليلي بس انوح
بدمعي داويت الجروح
شنهو ذنبي
*&-----*---*
بكل مسيه انطر وتاني بلكت يمرني خبر
ورجع مئيسه واعاني وحيل كاتلني القهر
الواقع العشته بحياتي ادري مامنه مفر
ال بلحزن عاشت غريبه شنهو ينفعها السهر

بغربه ميته لا محال
بعد ماظل كل دلال
شنهو ذنبي


ابو سلام الجابري



https://www.tgoop.com/jjdicjcsk

اكعد وشــــــرب اميه… يعطشان
اجيتك خويه مسبــيه… يعطشان

جم حافر سحگ صدرك… يعطشان
خويه تحيرت بمرك… يعطشان
شلون ارويك من نحرك.. يعطشان

ماتدري الجره عليئه ..يعطشان

شفت ظلوعك بعيــني… يعطشان
ويهمن زايد ونــــــيني… يعطشان
وريدك عود تحــميني… .يعطشان

وسفه وهــــيج تاليه… يعطشان

اجيتك وشتم بنحرك… يعطشان
وذباحك كسر ظهرك… يعطشان
شماله وماعرف قدرك.. يعطشان

وريــــــــتك لو ترد ليه… يعطشان

ادور خنــــصرك وينه… يعطشان
مسلب ماهــــو بيمينه.. يعطشان
وسفه وهــــيج تالينه… يعطشان

بعد حــــــيل مابيــــــه… يعطشان

راسك علــــرمح عالي… يعطشان
ونته التنــظرر الحالي… يعطشان
مســــــبيه وبلا والي… يعطشان

وعدك ظــــــــلت بنيه… يعطشان
وياهو يصــــــــبر ارقيه ..يعطشان

ابو سلام الجابري

https://www.tgoop.com/jjdicjcsk

ريت زينب ياعــــــــــلي تمر بيها
تشوف ياهو اليــــوم ظل حاديها

تشوف حال ام عون من طاح العلم
عين يم عباس عــــين عله الخيم
تحير شنهو تكول بلعــين السهم

شلون هيج يصــــــــير جا تاليها

وسفه تمشي وعينها تصد الرماح
تميل لو مال الرمــــح من الرياح
شما تغمض عيونها وتحسبه طاح

بهل وظع وتحسبه اهو اليحميها

حايره بحبل السبي تمشي وتظم
تخاف اخوها يشوف اديها وينهم
وريت حاظر كون وتشوف الظلم

شلون من راد الشــــــمر يسبيها

تنوح وتون من وصل وكت السبي
وكامت تلم بليــــــــــتامه وبلعبي
تكول بعد حســــين جا ياهو الي

عاف اخيته والهــــــــــضم ماذيها

تشوفها من ظل اخوها عله تراب
مسلــــب ومذبوح وتريد الجواب
تكول ماينــفع بعــد شنهو العتاب

ومن تعاتب محــــــــــد يحاجيها

ابو سلام الجابري

https://www.tgoop.com/jjdicjcsk

ابن اختنه الطب عليها وشوفو شنهو افعاله
هيج كالوها خــــــــــــــــــــواله والكمر يبراله

عون داس عله الخطر
وخاله بي نال الفــخر

انتخه بخاله ابو فاظل عون من طب وكصد
كال يمه اليــــــوم ابشري ماهم بهل عــدد
انه اموتن الجل خالي وخالي الي هوه السند
وكام يكــــسرها ويردها نار سيفه ومــــــا برد

اخذ بــيها ام العله
الزدو من خاله وله
حيد لو طب للكلافه وهل حجي يحلاله

كال يمه الــــــيوم ابشري وراسج يطخ النجم
شماكثر بطــــــــــف عددهم دوم بيهم ما اهم
ذوله ماهــم كفو ملاكه وذوله ابد ماهــــــم زلم
شوفي هذا الجــــــــيش كله بس اخزره وينهزم

يمه ابشــري ادللي
انه هم جــدي علي
هيج سولف للعقيله وسوه شنهو الكاله

سوه يوم اســــــــود عليهم شاف خاله وزوده
وكال ارد سفيــــــان حاير وكضي كل جنوده
خالي كلالي عليــــــــــــــهم هاي الي المريوده
شلون اخلي ال اميــــــــــــه جا تدوس حدوده

شحده والحده گرب
كسر خشــوم ورگب
گلئب السيف بيمنه وحير الخياله

كال اوفي اليــــــــــوم خالي وافي امي ارباهــه
خاف عني تكول هــــــــــيه الخوله ما وفاهــــه
لو بخل بروح عنــــــــــــها وروحه عيب اطاهه
هيج زعلان وكصــــدها ومذبحه سواهــــــه

وفه بطــف خولته
فرح امه الربــــته
وهيج كالت عنه امه وحير الخياله

بزوده فرحــــــــو بي خواله تباهو بثلثــــــينه
عون نار وطــــــــــــــب عليها ونار تجدح عينه
كال مطلــــــوب ارد اوفي وهيج يوفي بدينه
الخــــوله حگ تريد مني واليزمط جا ويــــــنه

عون ياحــيد وشهم
امه كالت ونعــــــم
ابني هذا الحيد اعرفه يفرح امه بجاله

ابو سلام الحابري

https://www.tgoop.com/jjdicjcsk

هاي اول ليله من شــــهر الحزن
تنوح زينب حكهــا بلحسره وتون

تنوح تدري فراك اهلهه بهل درب
وهيه حرمه تحــير ما بين الغرب
تكول حمــــلي هنا يميل وينگلب

ياخذ خــــــــواني وتظل بلا دفن

هاي اول ليله ملجــــــوم الدليل
ودري مايبــــــقه بعد خل وخليل
نظل حرم وطفال ويطول العويل

وشنهو اسوي وكون گلبي لهم يحن

هاي اول ليــله من شهر الحرام
وعل منــــــايه يروح ويرد الكلام
شلون عيني وبلــــغرب رايح تنام

وصعبه كون هنا ويطبك هل جفن

شلون عيني تنام وحسب لليصير
ودري كلها تروح وانه الراح احير
بين جثت مــــــــيت وبين الاسير

وبين مجــــتوف بحبل يمي ويون

هيج راح احــــــــتار ويهل الدمع
من اشوف الــخيل تسحگ بلظلع
هيج حالي يصير حگي من انفجع

وهذ كله يصــــير ادري ومو اظن

ابو سلام الجابري

https://www.tgoop.com/jjdicjcsk

نجفي

اليوم مســــــــــــلم نازل بكوفانها
زاد بيها الــــــــــموت زاد احزانها

زاد بيها الــــموت يبن الهاشمي
كال وحدي وخل يسولف صارمي
انه افــــدي الروح بس البن النبي

الكوفه بسمي مسجله بعنوانها

طب عليها وكال ماهب الخطر
طوعه بس لحسين وصلي انتي الخبر
الكاتبك كلــــــــــيله خانك ونكر

تعاهدت والكــــوفه وي عدوانها

تعاهدت وي ال اميه عله الغدر
وحضرو جيشين فرحان الشمر
الكاتبنه اليــــــــوم شو رد يعتذر

جانت تســــــولف جذب بلسانها

خل يرد حســــــين لا يحضر بعد
هاي وادم لاكو ذمــــــــه ولا عهد
خانت ابن المصطفئ ونامت رغد

لا تظن انوب يكــــــــــــــبر شانها

طوعه شوفي شلــون اذلهم بنزال
الزود بيه وما اهــــاب من القتال
همي بس لحسين وبثكل الجبال

شلون يصــــــبح للعده ونيشانها

ابو سلام الجابري

https://www.tgoop.com/jjdicjcsk

جلجل ليــــــــلهن شعظم مصابه
بنات حســــــــــين وبذيج الخرابه

جلجل ليلهــــــــن وليل حسبات
وكالن بلخــــــــرابه شلون ونبات
راح حســــــــــين ظلينه يتيمات
وبين اجــــــناب ياوسفه غريبات

يصيحــــــن وين مانسمع جوابه

نباوع علســــــمه توسدنه التراب
الخرابه مــــهدمه ومابهه كل باب
راحت من اديــــنه وغابت احباب
وصفينه اليوم نمشي بكيف الجناب

وهذا اليــــــــــــــل ويطول عتابه

هذا اليــــــــــل ويحير اليفكدون
منهن غاب والــــــــكافل بلظعون
ظل عله التــــراب هناك مطعون
ماصح لا جــــــفن لا هوه مدفون

ومالهن عرف لامــــــــــــــن كرابه

ماعدهــــــن كرابه ولا عرف صاح
كظن ليل الســبي بحسرات ونياح
كالن ظعــــــــنه يوم الكافل وطاح
وبعد عينه صــــدك هيهات نرتاح

عذبنه صــــــــــــــدك والله بغيابه

جلجل ليلــــــهن ومجتفه جفوف
بحبال الســبي ويكتل تره الخوف
ياگلب الحنيــــــــنه اليوم ملهوف
بطشت راس الولي وبعينها تشوف

وصاحت ليــــش هيج وراس بابه

ابو سلام الجابري

https://www.tgoop.com/jjdicjcsk

عذرا يعم الســــــاده.. وسكينه تنطر جيتك….

وتكول واعدني الكمر… عذرا يعم الساده
كالالي اجيبــــنه النهر… عذرا يعم الساده
خافنه بلــــهامه نطبر… عذرا يعم الساده

ماتنسه ابد ياغيرتك… عذرا يعم الساده

تعتب عتبها من الگلب.. عذرا يعم الساده
وتكول وبعيد الدرب.. عذرا يعم الساده
خلانه نمشي ويلغرب… عذرا يعم الساده

الهل يوم هيه رادتك… عذرا يعم الساده

كالالي اوفي بهل عهد.. عذرا يعم الساده
شو راح ماردلي بعد.. عذرا يعم الساده
خلاني اظل بلا سند.. عذرا يعم الساده

وتكول وحشه وحشتك... عذار يعم الساده

واعدني بلماي وطلع… عذار يعم الساده
تاخر علينه ومارجع… عذرا يعم الساده
والعلم ماشوفه رتفع. عذرا يعم الساده

جنها الكفر هل غدرتك… عذرا يعم الساده

طاحت يمينه وجربته… عذار يعم الساده
العدوان جنها تولته ..عذرا يعم الساده
بلخيل وسفه وسكته.. عذرا يعم الساده

وشلون طاحت رايتك… عذرا يعم الساده

ابو سلام الجابري


https://www.tgoop.com/jjdicjcsk

مو الكم تره الــــــــــــنومه يشبان
كومو وردو بلــــــــــــحومه يشبان

كومو وردو العيــــــــــله.. يشبان
حملكم محد يشــــــــيله.. يشبان
اجــــــتكم رمله وي ليله.. يشبان

ومكم حيل مهــــــمومه.. يشبان

اكعدو الحــــره حاجوها… يشبان
بحيره ولا تخــــــــــلوها… يشبان
والكفار شــــــــــتموهاا.. يشبان

وبيكم حيل ملــــــجومه.. يشبان

اجت عمتكم بحــــسره… يشبان
وكل نگله جــــدم عثره… يشبان
عليكم حيل منكــــسره… يشبان

وتكول ايامي ميــشومه… يشبان

اكعدو الخــــيمه طبوها.. يشبان
وتسعر نار خلــــــــــوها… يشبان
العقيله اليوم سلــــبوها.. يشبان

والطف زادت علــــــومه… يشبان

شلون مطشــــره جثثكم.. يشبان
ونوم الغــبره موش الكم.. يشبان
وشفنه الخيل تســحكم… يشبان

ومحد ظلت رســــومه…. يشبان

ابو سلام الجابري

https://www.tgoop.com/jjdicjcsk

عطشــــــــان الولد يازينب اخذي
يم حسين شــــــــربت ماي يروي
شفته شلــون ذبلان
خاف يموت عطشان

هاج اخذي يزينــــــب ذبلت شفاه
مايحمل عطــش لا اموت انه وياه
شافه حسين بيدي ورجفت اعظاه
وعن عين الشــمس وناس غطاه

شافه شلون نحلان
ظل حسبن حيران
يدري الموت هيــــــج يصير تالي

انه امه الخذيته وگلــــبي ملهوف
ولاجمني دليــــلي وبي اثر اخوف
من كثر العطش حسيته ميشوف
يفرفح بلمهد يشــــــمر بلجفوف

مايحمل ظمه ينوح
جنه طوير مــذبوح
حرت وياه جا ويــــــــن انه اودي

وديته ورجعــــــــت المهده اتاني
يمــــــــــــــته يرد اليه وبي اخلي
خذاه حسيــــن مني وادري يروي
زغير بلا ذنب ماظــــــــــن تئاذي

احضر مهــده ظليت
اخلافه وحيل ونيت
ونطر مــــــــــن يردلي وبي اخلي

هيج وحســــــــــــبت يرجع عليه
مو مذبــــــــوح اشوفه بهل منيه
سهــــــــــــمك حرمله وسوه بيه
خلاني اون صــــــــــــــبح ومسيه

شفته بنحره مطعون
عبــــــدالله الزغرون
وشفته من نذبح جا شنهو اسوي

مصوب بنحر دمــــــه وعليه سال
خلاني اون مــــشدوهت الباحلي
حالي شلون بعده وبرده كل حال
وياهمي علي وبثــــــــگل الاجبال

شلون يصــير حالي
ومهده الظال خالي
وسويته ببني شلــــــــــــون اسوي


ابو سلام الجابري

https://www.tgoop.com/jjdicjcsk

رمله وي جاسم تسولف كشخه اريدك بلحرب
جابت المهره وجته بسيف ابوك ومن تطب

يــــمه عونج كالها
اله اذل ارجــــالها

طب عليها الحنه بيده وكشخه بهدوم العرس
ماكو زلمه يشيل راسه ونگطع بيها النفس
كام يحصدها وتبريد منه كل جيش الرجس
صار بيها ستاذ نيبه ودرساهم هل الدرس

شهم طب وداسها
ومه رفعت راسها
حيئر العدوان بطف نار بيهم ظل يشب

ثنه بلحومه وتبختر ليث عازم  عل لنزال
ومه تتباهه وتسولف حيد كالت بلقتال
كالت ابني اليوم وفه وسوه كلشي اليمي كال
اله ياخذ ثاره بطف دوم مايعرف محال

ليث وكت للموزمه
الجيش كله ويهزمه
حيد بلنيبه وتعرفه ودم مايرجف گلب

مارجف گلبه وتبريد ابد ماهمه العدد
جم الف بلحومه طبو دوم بيهم مانشد
من يهز سيفه بيمنه الجيش الگباله شرد
هوه ملاج بركبهم صار بطف وحصد

كام يحصد روسها
وبمــهرته يدوسها
هيج حيرها وحصدها وعيشاهم بلرعب

رمله كلتله يجاسم يبني اريدنك ذخر
مو عدل وترد اليه يگظي يوليدي العمر
اليوم توفي ابن الزجيه وخل اظل بيك افتخر
الموت لجل حسين يمه وهذا يسمه النصر

ظحي روحك يلعجيد
لا يظل عمــــك وحيد
اتباها بسمك يمه اريدن كون مابين الغرب

مانسه امه شلون كالت عل مراجل وصته
حير جيوش وكتايب وبد لا ما لاكته
تكول شمرت علي بطف هيج جانت شمرته
هيبه من طب للعساكر وهوه الفارض هيبته

شامخ بهيــبت علي
صاح يمــــــــه دللي
وهيج هيه اشبال حيدر دوم ابد ماتنغلب

ابو سلام الجابري

https://www.tgoop.com/jjdicjcsk

طلعنه بليل خــويه احنه وصلناك
متغــــــــــــير يغالي وما عرفناك

حرنه وياك خــويه نوصفك شلون
مطشر علرمل جم طعنه مطعون
عتمه واليل صعبه تشوف العيون
نخاف من الــعده بينه ويحسون

يمك ماكدرنه حــــــــسين ننعاك

درنه علــــيك كل احنه ونحاجيك
ماشفنه عظــــــم صاحي ونداويك
حافر ماخــــــــذك حافر يرد بيك
وحرنه شلون خويه حسين نرويك

وريت تصير موتتنــــــه احنه وياك

وصناك ولكــــينه جروحك هواي
وصعب جرح بيــهن مايصح ماي
نايم بشمــــــــــس ماعدك افياي
ودخان الخــــــيم ماخله كل راي

ماعدنه غطه وبــس همنه غطاك

اجنه نشتكــــــــــيلك حال اليتام
بس شفناك خــويه مترس سهام
ياعين التغــــــــــــمض كلي وتنام
وراسك علــــــرمح مرفوع جدام

وياسهم الــــــمثلث  مرد حشاك

من سهم المــــثلث طلعت الروح
اتلمس منــــــحرك وراس مذبوح
كعدنه وياك كلي شــــينفع النوح
بس تطلع شمــس باجر تره نروح

ونگطع كل رجـانه بگطعت رجالك

ابو سلام الجابري

https://www.tgoop.com/jjdicjcsk