وين زينب سوتلهم فاتــــــــــحه
علئ الهزله هنـــاك صارت نايحه

علئ الهزله وصار جادرهه الحبل
تعازي بلمجتوف مدري المنچتل
عيون ماترظه تكف ساعه وتمل

تعوفهم علـــــــــكاع عنهم رايحه

تثوب الهـــــــــم بلدمع لو بلعويل
تميل ويه الــــناكه هيه شما تميل
تحير بظــــعون المشت لو بلعليل

والحديد يكــــص رگبته وجارحه

ماكو ماي تثـــــــــــوب الهم بلدمع
تبجي سكــــته تخاف بلون تنسمع
علئ الهزله وذكــرت مصاب الظلع

جروح صـــــارن گلبي هذ الذابحه

وصـــــــلت الذيج الخرابه المظلمه
وعدهه طــــــفله عله الدلال معلمه
شلون من شافت طشت يگطر دمه

تحاجي ابوها تريد تســـمع صايحه

هناك وبذيـــــــــــج الخرابه وبلغرب
ولعد راس حـــــسين والمدمع يصب
گالن  عــــــــــــــلينه بعد لحد يطيب

اليوم يمـــــه بنيته ظلت طايحه


ابو سلام الجابري

كعديه للنصار


انصار  عدنه الموت احلا من الشهد
بزود ابو الـــــــــسجاد زامط بينه

انته كلشي وكلشي انته بهل عمر
شلون عنــــك يابو سكنه ونعتذر
اخبار عدنه اخبار  والزينب تسر

نموت دونك ســــــيدي وتدرينه

الموت وبهذ الدرب يعني النجاة
الدنيه بعد حـــسين مابيها حياة
مايهمنه شـــماكثر جيش الطغاة

الموت لجـــلك سيدي اليحينه

احنه عاهــــــدناك مانخلف عهد
اله ناخــــــذ ثارنه وانته السند
لو الف مــــــوته نموت نرد بعد

هل عمر لجــــــلك نذر منطينه

فدوه هاي اعمارنه لبن الرسول
هناك باجـــــر نفتخر يم البتول
شنهو هــلدنيه اذا رادت  تطول

والزجـــــيه هناك اهي تواسينه

الزجيه هنـــــــاك تحضر بلحشر
فرق بين تشوفنه تشوف الشمر
احنه نتفــــــــاخر وهوه بيا عذر

شفاده عمـــــره طول خل سنينه


ابو سلام الجابري

ذبلانه شفت حسين شو ذبلانه
من العطش لو ذبلت عله خوانه
اليفگد عــظيده بنار يلهب گلبه
وحسين وحـده بين وادم غربه


ذبلانه شفت حسين ظهره وحاني
وين الكفيل الــيوم شو گاطع بي
هوه هواء يشــتمه جرحه يداوي
بين الغرب مو طـبعه هيج يخلي

وفاي ابو فاضـــل وبد موسالم
لو عده جف حسين ما رد نادم
ويافركت العـباس كلش صعبه
وحسين وحده بين وادم غربه

محتار حيره اليوم ياخويه حسين
وحــــــــيد ماتملك بعد  كل معين
الخيام خلفك والعده من الصوبين
عباس كلي منـــــين اجيبنه منين

منين اجيبه وراح يبن امي  العون
وشمات اخيي اليوم خل يفروحون
لو عده جـــــف عباس ياهو يگربه
وحسين وحـــــده بين وادم غربه

شما يخطي خطوه وصوبنه يدك شوف
لطفاله تبجي يشوفهم شبعو خوف
بعده عدل والخيل كربت وطوف
يم الخيم گبل الحرك جنها تحوف

ياعزت الخوان هاي  العازه
عباس وسفه هناك ظل جنازه
عن الخيم وبعـــيد صاير دربه
وحسين وحده بين وادم غربه

ذبلت شفافه منلعطش بس ناسي
لو يــــــمه ابو فاظل علينه يودي
يزكينه گـــــبله نوب عود ويزكي
كل همه احنه الموت لا ماهم بي

يهم بناته والــــــحرم والرظعان
ناسي العطش يحسين وشكد عطشان
والماي لوصـــح لابد مي شربه
وحسبن وحده بين وادم غربه

يبست شفـــــافه وراح يم العباس
دنگ لخيه وحاط بحضينه الراس
يكله بــــــــعدك والحزن ما ينقاس
خليهه هـــــسه انوب تتوله الناس

خلـــــــيهه تتوله الــــعده  خليهه
والدنيه بعدك شــــنهو ظل البيهه
وعد راس اخيه وكام دمعه يصبه
وحـــــسين وحده بين وادم غربه

ابو سلام الجابري

زنجيل


حسين خويه اكعد يوالي
وشوف حال الفاگده
خلاف عينك مو بهودج
علهزيله  وصاعده
هذ حال الماله والي
حسين خويه گعد يغالي

خويه راح العز هذاكه وراحت ايام الدلال
مو هذيج انه العزيزه اليوم اخاف من الخيال
كمت اميل ويلهزيله بجفي مطبوعه الحبال
كون تنشدني عله حالي هيج انه ومالي حال

هيج من بعدك ولونه
راح ياعباس اخونه
والنوايب من بعدكم هيه صارت شاهده

من بعدكم كام يخنك خويه وبرتي الهوه
مايصح لعلتي بعدك يابعد عيني الدوه
من اشوف گبالي راسك  گلبي بنار نجوه
ريت كون وياك ميته ونندفن بطف سوه

ريت ميته وياك روحي
ولا اعيش انه بجروحي
خالف عينك من زماني وكلشي ابد ماريده

اكعد وشوف المصابب لاخيم لامن علم
بيش اداوي جروح اديه من الحبل تجاره دم
حتئ واليرظع يوالي منلسبي هم ماسلم
شفته سهم الصاب گلبك كون وبگلبي السهم

سلبوك گبال عيني
عليك مايبطل ونيني
تجوي دمعاتي الهزيله عل المصايب شاهده

مو هذيج انه العقيله ولا هذاك العز تره
اليوم بين اجناب نمشي خلاف سبع الگنطره
هسه صرت انه السبيه الجان اسمي مخدره
كون شايف حالي خويه گبال جثتك وشجره

همي ابد ما ينحمل
امشي ويجرني الحبل
ورت اودعك بس ثواني وكون يمك گاعده

رت اودعگ وشتكيلك والجمر حدر الجدم
نلوذ برماد المخيم من لفت لينه الزلم
اطفالكم مذعور طشت حايره وشجمع شلم
هيج خويه ورت اكلك هذا حالي وياشهم

هيج حالي بهل مسيه
شكوتي لمي الزجيه
گلبي من بعدك يوالي وكون الله يساعده


ابو سلام الجابري

يكلبي شلون بعد حسين… يلام
وصلته وصعبه من الكاع… يلام
من ال محمـــــــــــد راح… يلام

وصفيت لاه ولون وسبيه

ابوسلام الجابري

بعدنه بخير عمه… .يمنه الحسين
وظن عدج رظيعه… يمنه الحسين
اشـــــوفنه يناغي ...يمنه الحسين

يكلها وياج خل نمشي سويه

ابو سلام الجابري

حسين خويه حسين خويه حسين خويه
ياريت تدري بــــــــــــــحالي خويه

.ياريت ميته ولا شفت هل المنضر
والخيل خـــــــــــويه بجثتك تتعثر
جاگلبي شــــــــــنهو عليك مايتفطر

ولون صـــــفالي وجثتك مطروحه

تعــــــــنيتلك بين الجثث يلو الي
حرمه وجــــــــبيره تعثرت بذيالي
شفته الـــسلب خنصر يمي الغالي

وحسين اصيحن بيش اداوي جروحه

عديتهن الف وتـــــــسع ميه البي
وجروحه ذني و بيش راح نغطي
حرگو خيمنه وســـــلبونه شنطي

بس الدمع بلعــــــــين هذ لوحه

حرگو خيـــــمنه وبدلو هزله بنوك
وشلون باجر من طب وسط السوك
چلمت سبيه وهايه جا عيب تلوك

وانه العقيله ودمعتي  مفظوحه

لو تدري خويه شلون من مرونه
يم چثتـــــك من عمده ويشتمنه
گالو هذاك حســــــين لو تردونه

علگاع وباقي وگاع بيها ملوحه


ابو سلام الجابري

بعد لحـــــــسين ياناصر… يهدبي
وشوفه من الظمه ماظل.. يهدبي
اذا مارد تره يــــــــشيب… يهدبي

گبل راسي منروح انه سبيه

ابو سلام الجابري

الحافر ياخذ ابن امي… ورد بي
والجيوش العده ناوي… ورد بي
رگد حيلي وصرت كوه ..وردبي

الهزيله وبلحبل جروها اديه

ابو سلام الجابري

ينوگ تريضـــــي بممشاج…. .يماه
اريد بهون اجــــــمل الاه…. . يماه
وكلها حــسين ظل علكاع.. .. يماه

بلا تغسيل وانه امشي سبيه

ابو سلام الجابري

انطر وتانيك هواي
مو قصدي ترجع بلماي
بهل لحضه وانه شتاكيت
وتخرت مارديت

تدريني ماشم الهوه اله اليمر بريتك
مو ساعه صارت فركت لابي سنه متانيتك
لوادري تمشي وماتريد علماي ماوصيتك
خليني اموت من العطش وبروحي جا ظميتك

مااحمل فركك يوم
هيج الگلب ظل ملجوم
انته الهوه ونته دواي
انطر وتانيك هواي

كلمه لخو تهدي الگلب بسانه حيلي تهده
من ماترد يابو الفظل ياهو النلوذ بسده
خلافك اعيش بلا ولي وتكتل يخوي الوحده
مو شده هايه وتنحسب لا والله اعظم شده

ياشدتي تهد الحيل
لو شفتك وحدر الخيل
ياهو البعد ظل حماي
انطر وتانيك هواي

گلب الخت يم الخو وبس هوه يلعم بيهه
ولو كلهه خويه دللي بهل كلمه ويداويهه
شلون الغريبه وتنسبي بين الغرب ناسيهه
تتمنه گبله وتندفن وترابه اليغطيهه

لو ميته گبلك عباس
ولاشافت خيالي الناس
فراكك تره يمرد حشاي
انطر وتانيك هواي

انطر لحد اخر نفس ماگطع انه الظنه
ولراد يوسف مايرد عباس باجر ونه
فراكك گبل يوم الدفن بين الخلگ دوهنه
شما يبعد علينه الدرب عباس الك نتعنه

امشيلك ومهمه يكون
لو عميه وماكو عيون
وما هابن انه منعداي
انطر وتانيك هواي

كلولي عباس نگتل كلتلهم انه انتظره
مايخلف وياي الوعد حالفلي بمي الزهره
ظليت اسولف وختنك مابين حسره وعبره
ولمثلك يفارك اخوي عباس شنهو يصبره

شلون الصبر كلي يصير
بلفركه عباس نحير
ماينگطع خويه رجاي
انطر وتانيك هواي


ابو سلام الجابري

الاهي بجاه طه… عين الحسين
وحيد وللمخيم… عين الحسين
ياهو يرد اميه….. عن الحسين

وهوه بلا اخو بهاي المسيه

ابو سلام الجابري

راحت ناكتك يحسين جابولي الهزيله اليوم
بلا هودج ولا عباس راح امشي بگلب ملجوم

راحت ناكتك يحسين وراح العز تره وياهه
وزينب مو هذيج ام عون الكل تبجي عله مبجاهه
ولو تدري الشمر بحبال بعدك خويه جراهه
وتبجيلك دمه منعيون يوم السوط مساهه

ويادمعه التطيب الروح منك ماتصح علوم

راح امشي وتظل علكاع ياحسره التداوني
خلافك ظلمه راح تصير يبن امي تره سنيني
اجيتك ماتكوم وياي وحيده ولا تخليني
بين جناب اروح شلون والعدواني توليني

وبجي وتفرح الشمات حيلي والصبح مهدوم

خلاف الهودج الهزله صعبه برچبتي عليهه
زينب تدري خويه شلون وختك هيج تاليهه
بلا رايه ولا حماي والعدوان توليهه
شما صاحت يبو السجاد زادو ولشتم بيهه

جا هيج الوعد وياي لختك هل الدرب مرسوم

لا ظلت خيم يحسين لا ظل والي يحدينه
بحبال السبي ومريت بيك وعاين علينه
كل نگله جدم والروح تطلع ماترد لينه
هيج بيوم اجينه نريد بس الموت ناسينه

تمنينه نموت وياك ولا عدوان بينه تحوم

لو ميته واظل وياك ولا رافج كفر ونذال
حرمه تحيرت يحسين من شدو بديه حبال
تدري بحالي شنهو الصار فرت بلبراري اطفال
انخامن يردهم عود وانه گبالي بس جتال

العليل حتار خويه وياي گوه علجدم ويكوم


ابو سلام الجابري

يكلبي هناك ظل بطف… يم حسين
الصار وياي هم مثلج… يم حسين
اسولفلك وهي تسمع… يم حسين

حرگ وظلوع والسطره سويه

ابو سلام الجابري

نخيت الحادي وبن امي…. يمر بي
منهد فركاه وحس گلبي… .يمر بي
سمعني الشمر رداله… .يمر بي

بعجاج وليل كله يسير بيه

ابوسلام الجابري

هاي ام عون اجتك گوم حاجيها
مكسوره گلـــــــــب ماظن تخلها

اجتك والـــــحزن حيرها يلوالي
تكلك كوم خــويه ونضر الحالي
بعدك والشـــــــمر عباس يبرالي

ترضه شلون هيجي تصير تاليها

اجتك بدمع عبـــــــــــاس ملهوفه
وثر سوط ابمتنـــها تريدك تشوفه
زينب بلمــــصايب صفت معروفه

ويادمع الحـــــــــزن هذا اليسليها

اجتــــك بيها اثر من الخيم جمره
محنيه ظهر مخــــــــــتنكه بلعبره
تكلك كوم اخــــيك ونظر الصدره

من حـــــــگها الدمع عباس يعميها

تتعثر اجـتك تهــــــــــــمل الدمعه
ونين حسين يمــك كامت تسمعه
تكول الراح ماظن منه ابد رجعه

وباجر للمــــــــــدينه من يرد بيها

باجر من ترد وشــــــــلون حالتهه
وام عباس تنــشـدها علئ خوتهه
تســـوي الفاتحه هيه وشريجتهه

وعن يومك تسولف صبر تطيها


ابو سلام الجابري

هم ســــولفولك علصار
عبـــــــــاس نار تجر نار
نار الخـــــــيم نار فراگ
ونار الــحبل كلها طباگ

عباس دفانك وصل گبل الدفن ماحاجاك
ماكلك ام عون نسبت وتمنت تموت وياك
مربيتك تحن للربه موسهلا تحمل فركاك
جابت درب كلش صعب مافكرت لن بحماك

وضلت وحيده برجواك
ويـــــست ماصح ملكاك
حرمه وغــــريبه وتحتار
عـــــــــــباس نار تجر نار

كالولك اختك من مشت بلعين هيه تباريك
ولو يصح يتبدل عمر جا من عمرها وتطيك
موهينه تمشي ميسره وفوك التراب تخليك
انته الجنت مثل الكمر مهيوبه لو مر طاريك

هــــــيبته عباس وراح
محد وصـل يمك صاح
لا عـــدها خيمه ولا دار
عبــــــــاس نار تجر نار

نار الخيم تجوي الجدم ونار الفراك تهد حيل
ماسولفولك شيبت من الدمع طول اليل
البجاله جنت مدلله بي تعثر گبالي الخيل
من دهري مو شفت الحزن لا والله راواني الويل

وياي المــــــصايب ودور
من عدي هل راح السور
ومتـــــحيره بطفال زغار
عـــــــــــباس نار تجر نار

نار الوداع اعظم درس بي ينكسر كل خاطر
للعايف اهله بلادفن ومجبور كون يـسافر
يحتار يمشي ويلتفت علجثه لو علحافر
ماكلك انه تحيرت بيادار اصبح باجـــــر

تحــــــــــيرت من دنياي
وداع الخو الفت حشاي
ولاظـــــــلت ويانه نصار
عبــــــــــاس نار تجر نار

عباس ينار الحبل تجوي الگلب وتـــــحركه
شدونه كل احنه سوه اليعثر الخيل تســــــحكه
وليبجي من عدنه  الشمر بلسوط يركض طكه
خلصنه كل درب السبي بس بلمناحه وشــــــــهكه

ماســـولفت هنه هواي
غير الظـمه الفت جلاي
شــــختار منهن شختار
عبـــــــــاس نار تجر نار


ابو سلام الجابري

عم الساده زعلان وطب

من طبها وحير مابيهه
           عم الساده زعلان وطب
يخبطها ويشرب صافيهه
بلشرده وماتت رجليهه
عباس الكلفه ويگظيهه

دخن راسه  واليوم اغظب
عم الساده زعلان وطب

من زعلت زينب رظاها
            عم الساده زعلان وطب
عطشانه بزوده وروها
شيخ الطف تحگم خلاها
بلحافر روس وداساها

ولشط ذاكه  صار المطلب
عم الساده زعلان وطب

شمر بشته و هز بتاره
          عم الساده زعلان وطب
وحتارو بي بول غاره
يذبح بسيف وبشاره
ملك الموت اصبح خطاره

وشحده ولحدوده ليگرب
عم الساده زعلان وطب

شحده اليگرب لحدوده
              عم الساده زعلان وطب
من روس عداء يترس جوده
صولاته اليومك مشهوده
وي حسين وفه عهوده

نار وسيفه بيهم حطب
عم الساده زعلان وطب

نار وتحرگهم لهابه
            عم الساده زعلان وطب
هيج السيف مشكر نيابه
الشط يم زينب هلجابه
يازلمه ليوصل لعتابه

غيم موت ويرعد هلصب
عم الساده زعلان وطب


ابو سلام الجابري

صار الوداع… والعمر ظاع
صاحت الروح… … يلعليله

شنهو اليهون بهل عمر.. بين المرض وفراكه
وياي وشتم ريحتئ ..وكل لحظه له مشتاكه
فطر دليلي ومهجتي ..گبالي الظعن من ساكه
كلتلهم اگدر علسفر… بس جدمو يمي الناكه

شفت العيون… .بيهه يحجون
ردي للدار…… يلعليله

رديت للدار وشفت… مو داري ذيج البيهه
عبدالله غابت ظحكته ..البظحتكه مضويهه
عشت بوهم كمت اعتقد ..باجر يرد راعيهه
ياروحي ودموع الهجر ..بس هيه التسليهه

وحيده بدار…. مگطوعه الخبار
وحدج تونين… يلعليله

ظليت اتاني من الصبح.. حد المسه اتنطرهم
كل ساعه اكول شوي بعد ..يلفيني طارش منهم
مو سهله اعيش بغربي ..وبجفوني دوم صورهم
بوكت الصلاه كمت اندعي ..ياربي الي ترجعهم

ماظن يردون….. يعمن  العيون
من كثر الدموع… … يلعليله

جانو دوه ولعلتي ..وراح الدوه وياهم
بيه الجرح خلف جرح.. خافني لحظه انساهم
بداري وعيش بغربتي ..جا يمته راح الكاهم
لو سلهمت ساعه ونمت ..يفززني يا طرواهم

يفززني طاري…… وگعد وتاني
بلكت يمر طيف…. يلعليله

ليل اليمر كلش صعب ..ماخلصن ساعته
اكظي اجر حسره ودمع ..ماتنحمل لجماته
اذكر ابوي وكعدته ..وذكر  بعد جلماته
كلالي صبري عله الهجر ..وزاد الگلب حسباته

خلاني وراح……وبيه الحزن صاح
حضري روحج…. يلعليه



ابو سلام الجابري