ظلو ليش اهل ازينب .علئ الكاع

ظلو ليش اهل زينب بلا جفان
ولا جناز يمشي ولا كو دفان
وزينب حايره وتريد الاخوان

((ونت من شافت واليهه))

ونت حيل زينب وخت الحسين
من شافت اخيهه صوابه بلعين
وجثته مطشره بوسط الميادين

((شلون تلمهم محتاره))

شلون تلم اهلهه تفك الحبال
اديهه مجتفه وتمشي ويچتال
ياعباس صاحت والحمل مال

((مسلوبه هاي اخت الكافل))

صاحو. هاي خت كفال الظعون
ظل علكاع ينزف ماهو مدفون
اخذوهه هناك يمه ولا تكربون

((دم تبجي گباله وخلوهه))

دم تبجي عليهم تعمي العيون
والشمات صاحو ما يردون
گبالج ذول كلهم هل يسمعون

((گبال اخوتهه وشتموهه))

ابو سلام الجابري


https://www.tgoop.com/jjdicjcsk

ابنج تحزم للحرب ياليلئ كومي دعيله

ابنج كصدهه بهمته
ياليلئ كومي دعليه
هل راح مر بعمته
ياليلئ كومي دعيله
نشفت وذبلت شفته
ياليلئ كومي دعيله
وميه جانت طلبته
ياليلئ كومي دعيله

يبعد عليج بهل درب
ياليلئ كومي دعيله

ابنج تره وحيد ويهد
ياليلئ كومي دعيله
بلكت الج سالم يرد
ياليلئ كومي دعيله
والعطش ذبله الجبد
ياليلئ كومي دعيله
وشلون منج ينفكد
باليلئ كومي دعيله

وخلافه بس دمعج يصب
ياليلئ كومي دعيله

حير الجيش بفزعته
ياليلئ كومي دعيله
والافهم ما لاكته
ياليلئ كومي دعيله
وتكول حيدر شمرته
ياليلئ كومي دعيله
وفه الحسين بركبته
ياليلئ كومي دعيله

نار وعليهم من يطب
ياليلئ كومي دعيله

طبهم ولا همه العدد
كومي ياليلئ دعيله
وفاي الاكبر للوعد
كومي ياليلئ دعيله
مايلحگ البهم شرد
كومي ياليلئ ادعيه
خلاهه ماتندل ابد
كومي ياليلئ ادعيله

خلاهه ماخذهه الرعب
كومي ياليلئ ادعيله


ابو سلام الجابري


https://www.tgoop.com/jjdicjcsk

رمله تعنت الجاسم… تحئني
ومن حر الشمس رادت تغطي


اجت رمله الابنها وهوه مذبوح
وجابت حنته وتحني الجروح
تكله شلون تترك امك اتروح

ونيشان العرس جا وين اودي

جابت حنته وجابتله الهدوم
بت عمك تكله تريدك تكوم
لتخليهه يبني تظل للهموم

وتبجي شما يمر جسام طاري

عجنت حنته من دمه وتكول
هسه يكوم ابني وماهو مكتول
واعدني يرد جا هيجي معقول

مايخلف وعد ياجاسم دري

مايخلف وعد وفاي العهود
مايرظه ابدل هدومي بسود
عريس الولد وياي موجود

عرسه اليوم مايمشي ويخلي

شلون يعوف عرسه ويبقه علكاع
هذا ربات نيبه وضنوت سباع
اموت وياه كون يصير الوداع

من عمري عمر والجاسم اطي


ابو سلام الجابري


https://www.tgoop.com/jjdicjcsk

البگه يحسين من گلبي… بعد بيت
عله ناگه وماظن يلمنه… بعد بيت
مشيه وراسك يگلي.. بعد بيت

شكلك بسبي ظاعت رقيه

ابو سلام الجابري

وين زينب سوتلهم فاتــــــــــحه
عله الهزيله هنـــاك صارت نايحه

عله الهزيله وصار جادرهه الحبل
تعازي بلمجتوف مدري المنچتل
عيون ماترظه تكف ساعه وتمل

تعوفهم علـــــــــكاع عنهم رايحه

تثوب الهـــــــــم بلدمع لو بلعويل
تميل ويه الــــناكه هيه شما تميل
تحير بظــــعون المشت لو بلعليل

والحديد يكــــص رگبته وجارحه

ماكو ماي تثـــــــــــوب الهم بلدمع
تبجي سكــــته تخاف بلون تنسمع
عله الهزيله وذكــرت مصاب الظلع

جروح صـــــارن گلبي هذ الذابحه

وصـــــــلت الذيج الخرابه المظلمه
وعدهه طــــــفله عله الدلال معلمه
شلون من شافت طشت يگطر دمه

تحاجي ابوها تريد تســـمع صايحه

هناك وبذيـــــــــــج الخرابه وبلغرب
ولعد راس حـــــسين والمدمع يصب
گالن  عــــــــــــــلينه بعد لحد يطيب

اليوم يمـــــه بنيته ظلت طايحه


ابو سلام الجابري


https://www.tgoop.com/jjdicjcsk

قريت القارعه وياسين ونون
كلت بلكت اهل زينب يردون
يشوفن الجره وصار
لا خيمه ولا دار

قريت القارعه من طاح الحسين
وحافر داس صدره مگابل العين
لا محد فزعله اليفزع منين
وجيوش الكفر المحوطه صوبين

اخر واحد هناه
ومحد ظال وياه
وجيوش الكفر فزعو يسلبون

الميت ينسلب ماسامعه بهاي
ظامي وينذبح مايشرب الماي
وجابو خيل اله ونجمعو هواي
وداسو جثته بي يصعب دواي

ظامي مات الحسين
وين انطي الوجه وين
وبينه الهل الغدر لا مايرحمون

قريت النون من فزعو علينه
وحبال السبي نشدتت بدينه
عرفت حسين راح وما يجينه
نضل نحتار بس احنه بسبينه

سبايه ابين الجناب
راحو عنه الحباب
ومن كثر البواجي تروح العيون

شتفيد البواجي وحيل حنتار
بس نسوان نمشي ويانه الزغار
كلهه تريد اهلهه تريد اثر دار
وخيمنه رماد وصارت غبار

انعم الله عله العبايه
من رحنه سبايه
صارت خيمه الي من الينظرون


لفضت ياسين من سلبو خيمنه
وباوع ماكو والي من اهلنه
بعد عباس ماظل كلشي ونه
وبعد هيهات منعود الوطنه

وقره ومايكعدون
دم تصب العيون
سبايه اليوم والوادم يشوفون


ابو سلام الجابري


https://www.tgoop.com/jjdicjcsk

شمات عله اهل زينب ينشدون
الروس گبالهم عمده ويضحكون

ينشدون العقيله وين الخوان
وخيمكم شجاهه وبيهه نيران
وماعدج عشيره ولاكو ديوان

وخيمكم محد طفاهه

هاي انتي العقيله وخت الحسين
الكفال بضعنكم هسه جا. وين
كبالج صار راسه صوابه بلعين

معلگينه وگبالج راسه

الروس معلگه گبالج بلارماح
وخوج الحيد ذاك عله نهر طاح
ماتنفع بواجي وينفع صياح

طلعيهه دموعج بطف

طلعي دموع عينج وخذي حسرات
وشوفي حسين ذاكه گبالج المات
ظلوعه ويل حوافر ولوكت فات

شوفيهه ظلوعه گبالج

شوفي ظلوع اخوج وشوف الجفوف
بگلبج راح نزرع حسره والخوف
يظل للدوم وعله حسين ملهوف

ياگلبج بيش اداوينه


ابو سلام الجابري


https://www.tgoop.com/jjdicjcsk

شلون اعيشن من بعد باجر
وحسين اشوف بصدره اثر حافر

ياريت باجر لاجاي
وخليني اموتن بظماي

الصبح باجر لو يمر .يشبعني لوعه وحسرات
وكل ساعه يوصلي خبر .واحد من خوانج مات
احتار اظل بخيمتي اطلع تصدلي الشمات
ونظل يتامه بلا والي نتحمل شكد لجمات

ياحيره بطف نحتار
وبلخيمه تهلب ينار
وصعب وداع بليله العاشر


ما يصح ماي ولا سدر ما يصح بطف كافور
وحتي الجفن هم مايصح ولاتصح لخواني كبور
وحسين اشوفن جثته عله الكاع جسمه ومنثور
ودري الوكت باجر علي بلحزن والهم يدور

حرمه بيتامه حتاريت
ومن هسه بيهم هميت
وبهمي اضلن اكسر الخاطر

شلون اصد للمشرعه ويادمعه اظمهه بهل عين
لو جاني من عدهه الخبر عباس فكد جفين
وفكد كفيلي ومايرد ونظر وحيد عله حسين
كل هذا بيه ومن يمر الكه الصبر باجر وين

اتحير انه بدنياي
ومحد يضل ادري وياي
وشلون نمشي وعنهم نسافر

ياقصتي تشيب الطفل وياهمي اليشيب الراس
لو رفعو الراس برمح وگبالي صار العباس
مخدرت حيدر وضل تتفرج عليه الناس
ونظر علئ حسين وشفت بلحافر وصدره نداس

وظلوعه تسحگهه الخيل
وتمنه ويطول اليل
جندوب بلهم نكعد نگابر


اليله كعدتنه سوه وگبالي اشوف الشبان
وجسادهم باجر تظل بلحومه فوگ التربان
عبدالله شيصبره الصبح وشلون لو ظل عطشان
من هسه اشوفنه نگلب يالونه احسن ذبلان

زغير مايحمل نوح
عبدالله باجر مذبوح
ويگلبي بيهم من صدك حاير

ابو سلام الجابري


https://www.tgoop.com/jjdicjcsk

ام البنين شوصته.. وعباس هز الرايه

زعلان من طب الكمر….. عباس هز الرايه
تحكم اريدك علنهر…. عباس هز الرايه
وتوفي اخيك بنحر… عباس هز الرايه
ولتهاب يوليدي الخطر... عباس هز الرايه

وجيوشهم ما لاكته
عباس هز الرايه
ام البنين شوصته

كالتله اريدك يلولد
عباس هز الرايه
الم الحسن توفي العهد
عباس هزالرايه
وحسين توكفله سند
عباس هز الرايه
بصمصامه وتحزم حصد
عباس هز الرايه

بدويه هيج وربته
عباس هز الرايه
وام البين شوصته

من طبهه حير كربله
عباس هز الرايه
وزع جثثها عله الفله
عباس هز الرايه
خلاهه بطف معضله
عباس هز الرايه
يازلمه هذا اليوصله
عباس هز الرايه

حيد ودخلهه بهيبته
عباس هز الرايه
وام البنين شوصته

طبهه وتبختر علنهر
عباس هز الرايه
كلهم بعد ماظل مفر
عباس هز الرايه
والجيش شطرين نشطر
عباس هز الرايه
موتهه بلخوف وقهر
عباس هز الرايه

وتحيرو من شمرته
عباس هز الرايه
وام البنين شوصته


ابو سلام الجابري




https://www.tgoop.com/jjdicjcsk

اليله شلون تكظي اليل ونام
ولا عباس ويانه ولا خيام

اليله فراشنه ياعمه التراب
وغربه اليوم راحو كل الحباب
ماندري شجنينه وشنهو الاسباب

بحبال السبي مكيدين اليتام

خلصنه النهار اليوم لجمات
وشفنه شلون عبدالله الطفل مات
ظل مطروح وحنه ويانه شمات

بعيد بعيد عنهم حيل الاسلام

اليله شكد فرق عن الگظيناه
وياريت انذبحنه حسين وياه
ولا نايم علئ الغبره تركناه

وحيره ولو خذونه شلون للشام

شلون يغمضن يطبگن يلجفون
وعباس نذبح علكاع مطعون
لامن فاتحه ولا هوه مدفون

وظل مطروح جسمه مترس سهام

شتصور بعد لو طبكت العين
وظل مذبوح الاكبر يم الحسين
ما زفينه جاسم والعرس وين

وحنه البارحه حنينه جسام


ابو سلام الجابري


https://www.tgoop.com/jjdicjcsk

ادور وين جاسم غمض العين
اظم بدموع عيني وانشد حسين

اظم بدموع عيني وشفته مكسور
وده والاد اخو للموت مجبور
ظل يروح ويرد يمنه ويدور
ورمله يكول منج طايح السور

ورد وكال مايرحم تره البين

جبت نيشان عرسه وجيت اراوي
وكلتله نروح يم جاسم نداوي
هاي الحنه اله وبجفي احني
هوه اليوم عرسه شلون اخلي

نايم بلعره بنص الميادين

شلون يموت وهدوم العرس هاي
وكلشي حضرتله وجايبه وياي
شموع العرسه عدي وخيمه وفياي
بس يصعب علي ماحصل الماي

وبشفافه العطش خله النياشين

ادوره بيا جثث بس كلي ولكاه
ونگطله دمع من عيني لشفاه
وطول بطول اريد اتمدد وياه
حلم عمري وتفرهد مني وهناه

راح وياه تعب كل ذيج السنين

راح الجان ذخري وجان الي وسام
وهسه شلون جسمه مترس سهام
خلافه شلون تغفه عيوني وتنام
راح وياه وراحت كل الاحلام

ولا جسام ظل ولا صواوين


ابو سلام الجابري



https://www.tgoop.com/jjdicjcsk

اليله وحشه…. وظلمه كاع الغاظريه
اليله وحشه… والحبل رافكلي اديه

البــــارحه بيهه فــــــــــــرق عن اليوم
حتئ السمه جانت ظوه وبيهه نجوم
اليله وحشه…


اليله ماعندي اخو ولا ظل سند يحمينه
ظل بلمعاره بلا جــــــفن عباسنه والينــــه
مطوقه بكــــوم وكفر ودري الكفر تسبينه
باجر علئ الهزله الصبح والحادي ينحر بينه

درب السبي ماينجرع كله هموم
انخامن ويفزع الي وهسه يكوم
اليله وحشه…..


البارحه جنه ســــــــــوه وعباس جان گبالي
واليوم بحبال السبي ومايدري اعرفه بحالي
اني الجنت هيبه وفخر خوفني هسه خيالي
كل ساعه يشتمني الشمر يحرگ قصد دلالي

خلاني ماحجي ودمع تبجي العين
ويكلي راحو كل هلج وين حسين
اليله وحشه

مطلوب من عدنه الصبر وحنه الصبر ملانه
وسكينه تبجي عله الكــمر والشوفته عطشانه
شلون لو رحنه الصــــبح والحادي بي مــــــــرانه
ونشوفه جثته بلا غســــــل دم ورمل غراكنه

وتــــــــــكله بيه انه الذنب يلوفاي
لو ادري ماكتلك الي تجيب الماي
اليله وحشه

اليله بيهه شكد فرق حتئ الهوه بيهه شكال
كل ساعه يلفيني خبر كل ساعه اشوفن خيال
اتصور حــسين الرجع وگبالي اشوف الچتال
ورجع افكري واختنك وكلت الحمل بطف مال

حتئ الهوه هم بي فرق بجفاهم
ياريت اخلص اليله كون وياهم
اليله وحشه…..

اليله اباوع للســــــمه حمره ونجم ما بيهه
عباس جان النه الكــــمر وجان السمه مظويهه
هسه مثلي حالي اصبحت صار الحزن غاطيهه
وياروحي بس الهم صــــبح هوه الذي يغطيهه

الدنيه اسود لبــــــــست تعازيني
وبلهم بعدهم راح اخلص سنيني
اليله وحشه…



ابو سلام الجابري


https://www.tgoop.com/jjdicjcsk

جاسم والاكبر كــــصدو العمتهم
وكفو سويه ســــــتعرضو همتهم

وكفو ســــــــويه تعاهدو يكظونه
والجيش عطــوه ساعه مايطونه
الما عرفــــهم خل تشوف عيونه
لزياد كل الجــــــيش ويردونه

وعباس واكف بلحرب يســندهم

طبو سويه متونهم مطــــــــبوگه
وجــيش كالو سوك شات نسوكه
كحيلات عدهم دوم ما مسبوكه
خلو جثثها مطشره ومــسحوكه

وماصح زلم بلحومه ابد لاكتهم

طبو عليــــــها تعاهدو هذا الراي
جاسم والاكبر كالو نجبب الماي
الجيش ماقانهم وجــــنه شواي
يكظون الاكــبر كله لو هز يمناي

والاف وكفــــــت دوم ماهزتهم

خبطو يمين الجــــيش ويشماله
وساكوهه سوك الخيل والرجاله
كالو مثل حيدر نســــوي افعاله
شلون عالو ذول بلعيــــــــــــاله

وشلون حيدر هــيج ياشمرتهم

الاف وكفت بلحــــــــرب ذولهه
وتتراجف بخوف ورعب خلوهه
كل الطرق عن الكــــــفر لزموهه
ماصح مفر وتحــــــيرت ردوهه

وشلون كون عله الحرب وصتهم


ابوسلام الجابري


https://www.tgoop.com/jjdicjcsk