البارت 11

ام غرام كانت مازالت بيت خالد والذي كانت زوجه خالد فيها نوع من الغيره تجاهها ..
خالد دخل ومسك يدها وقبلها: كيفك ي امي
مسحت راسه : الله يرضى عليك
خالد: يمه مرتاحه عندي! ايش رايك تبقي عندي ، نفسي يمه تجلسي عندي وما تطلعي
زوجه خالد تكلم نفسها"يارب ما توفق"
ام غرام كانت مبتسمه وساكته
واول مادخل خالد غرفته يغير ملابسه شافت لها: لا تكوني ي عمه ناويه تبقي معنا هنا ؟
ام غرام حاولت تفهم مقصدها: وليش لا مش بيت ابني
زوجه خالد: لا ابدا بس مثل ما تشوفي البيت ضيق يعني غرفه لي انا وخالد وغرفه للعيال وين بتجلسي؟؟؟
سكتت وهي فاهمه مقصدها
……

نبيل ماعاد دخل عند تالا ابدا بس كان يتبع اخبارها ، اقترب من غرفتها كانت مع ابوها واخوها عبدالرحمن
كانت تبكي: يبه بيضربني وهددني لو اجي لك بيقتلني ، هذا مريض نفسي فكوني منه!
عبدالرحمن: كم له يعاملك كذا
تالا: طول الثلاث السنين ي عبد الرحمن انا عايشه معه في جحيم يتوهم اشياء واحد مجنون المفروض كانو اهله يودوه مصحه مش يزوجوه
ابوها شاف لها بالم: ليش حظك كذا ي بنتي الاول تزوج قبل زواجتكم ب اسبوعين والثاني بيفعل بك هكذا
عبد الرحمن: والله لوريه ي اختي !

سمع الكلام ومشي ب الم وهو يتذكر "ليش حظك كذا ي بنتي الاول تزوج قبل زواجتكم ب اسبوعين والثاني بيفعل بك هكذا" : انا اسف ي تالا انا اسف💔

عبد الرحمن خرج بيدور زوجها واول مالقيه داخل مسك بشميزه بقوه ورفعه للجدر: انت كيف تتجراء تمد يدك ع اختي !!!
زوجها عرف انها قالت له : هه ما مديت يدي مديت رجلي
عبد الرحمن بقهر: والله ل اكسر لك عظمك
زوج تالا همس له: وايش تشتيني اتصرف ي عبد الرحمن وانا اسمعها تتصل لحد غيري
خنقه بيده: ي مريض اختي اشرف منك
كان بيقتله لولا تدخل امن المشفى وزوج تالا خرج ..
كان نبيل جالس بعيادته بيراجع حالات المرضى
والدكتور حق تالا دخل عندها بعد ما غادرو اهلها وكانت معها سوسن الذي اصرت انها تبات عندها : نزلوك فعلتي الاشعه
تالا تهز راسها بتعب: ايوه
سوسن مكنته واخذهن وسكت ورجع قال للممرضه: نادي لي الدكتور نبيل قلي له يجي في استشاره
اول ماسمعت اسمه ناقضت نفسها" هل هو نبيل نفسه او تشابهه اسماء؟"

البارت 12

عندما اكمل كلامه الدكتور: اخت تالا انتي عندك تضرر كبير بالكلى اليمنى طبعا الدكتور نبيل من اكفاء اطباء الجراحه هنا ، انا ب اعرض عليه الاشعه وهو يقرر الحاله !
كانت ساكته

الممرضه كلمته وراح واول مادخل وشافته تفجاءت وسوسن كمان وهمست له:شكل الذي شفتيه مش وهم!!
تجاهلها واقترب من الدكتور الذي مكنه الاشعه وقال له: ايش رايك
مسكها وشاف لها بتمعن وهو يكلم نفسه"للاسف ماتوقعته صحيح" لكن اطال صمته ربما كان يحاول كيف يكتم مشاعره ثم التفتت لتالا وقال: متاكده انك سقطتي من الدرج؟
الضرر اللي بالكلى اليمنى يقول انك تعرضتي لضرب عنيف عليها
كانت ساكته وتشوف له عندما اكمل : مع الاسف يامدام احنا ضروري نشيل لك الكلى اليمنى ب اسرع وقت !
سوسن: لهذي الدرجه !!!!!
التفتت لها : ايوه لهذي الدرجه واسوء، قرري واعملي العمليه غدوه ياليت ب اسرع وقت
خرج والدكتور شاف لها وهي تشوف بعده : طبعا الدكتور نبيل ماهر بهذي العمليات وقبل ايام فعل عمليه اخطر من ذي لواحد عمل حادث بتكلم مع اهلك المساء ولو حابين غيره عادي انا قدمت لك نصيحه
طلع وهي شافت لسوسن بتفجاء: سووووسن !!!!! انا ما اتوهم صح

سوسن بتفجاء: اي والله نبيل ، معقوله ؟
تالا: اكيد انه موجود بس انا توهمت انه يبكي امامي ، مش معقول قد تزوج وطلق ومرت سنين وهو مازال يحبني وهو اساسا ما حبني لو حبني ما تزوج لين
سوسن: بس مش معقول كيف توهمتيه وهو موجود !
تالا: مدري الموضوع غريب
سوسن: الله يكسر يده زوجك ذا !
تالا بقهر: تصدقي ماعاد زاعله على كليتي قبلها خسرت ابني وقبلها خسرت قلبي وعندما تزوجت جسار خسرت كرامتي وحريتي ماعاد باقي شي ياثر بي انا خلاص احس اني اعيشه غصب
سوسن سكتت

رجع هو عيادته ويكلم نفسه" والله كفو ي سوسن ونعم الصاحبه "
وقف امام الشباك فتحه: تالا خسرت امها وهي طفله وماعندها خوات ماقصرتي انك جنبها كنت شايل همها
ترك راسه ع الشباك وغمض عيونه: اااااخخخ ليش ساكتي كل ذي السنين ، انا مقهور عليك مقهور !!!

دخل الدكتور بعده وهو التفتت : نبيل ؟ انت تعرف المريضه !؟
سكتت وهو اقترب: اول مره اشوفك متردد وانت تقراء تقرير مريض وتسالني عليها واصل وتوقعت عندها ضرر وطلع توقعك صح ، المهم انا اقترحت عليهم يخلوك تعمل العمليه**
قاطعه: لا الله يخليك لا !! لو جاء ابوها يكلمك اقترح لهم فهد انا لا
كان يشوف له بغرابه ثم قال: نبيل ؟؟ ليييش ؟العمليه مش صعبه عليك
نبيل: مالها دخل العمليه الموضوع بالشخص
رد: تعرفها ؟
نبيل بمشاعر : كانت خطيبتي والموضوع بالنسبه لي عاطفي يادكتور ما اقدر !
سكت ثم قال: طيب بقترح لهم فهد
بيطلع وقفه: رجاء قل لهم لا يتاخرو !!!
خرج وهو جلس بقهر عليها مسح وجهه وغطيه بيديه: انا ايش عملت بك ، كله بسببي !!!!
…..
روح الفندق وهو متضايق على غرام ورجع مسك التلفون ودق لعمه : السلام عليكم .. كيفك ي عم
بعد محاوله معرفه الصوت قال بفرح:ايدن ابن اخي يامرحبااااااا
رد: ايوه يا عم انا واصل بعد ساعتين "وقال بمزاح"بلحق ع العشاء؟؟!

البارت 13


بعد محاوله لمعرفه الصوت قال بفرح:ايدن ابن اخي ي حياااا
رد: ايوه يا عم انا واصل بعد ساعتين "وقال بمزاح"بلحق ع العشاء
عم ايدن: هههههه طبعا طبعا ي ابن اخي

غلق وبيداعي لهن: افعلين عشاء سوا ابن اخي الليله هنا
علياء بتكلم نفسها" واخيرااااا واخيررررااا"
غلق وجلس بضبح منتظر نبيل يوصله عمل له رساله وترك التلفون ويفكر
نبيل الذي كان غارق في همه قراءها ورسل له" تمام ارجع البيت اغير ملابسي وارجع لك"
روح ومحمد جري لحظنه ضمه بحنان: حبيبي حبيب ابوه
امه : غير ملابسك والعشاء جاهز
نبيل : حاضر يمه
مشي ويكلم نفسه" امي كبرت بالعمر وشايله مسؤؤليه البيت ومحمد ، انا طارحها تحت ضغط كبير "
…
غرم وصلت البيت زعلانه غلقت وجلست تبكي ، اتصلت هبه : غرام صدق الذي بيقولوه بالشركه ؟ انك عطيتي واحد كف وادم تضارب معه عشانك
غرام تتذكر اللحظه اللي رجعها ايدن خلفه ومسك يد العميل وكيف انها ذكرتها بشخصها اللي انتظرته من سنين ثم قالت والدموع ملان عيونها: تصوري ي هبه علياء ايش قالت ؟؟ قالت اعتذر للعميل رغم انه تحرش بي ي هبه
هبه ب اسف: علياء كل همها الفلوس والشغل وبس هذي مجرده من الاحاسيس كانها رجل الي بس لا تزعلي ، غرام انتي الف شركه تتمناك خليها هي اللي بتندم
غرام: انا بس انقهرت من الاسلوب ومن عدم التقدير لما الواحد يحس ان ماله قيمه!!
هبه: ولا تزعلي قيمتك بقلوبنا احنا
…….
تعشي نبيل ورجع يوصل ايدن طلع معه وهو سرحان نبيل يشوف له: مالك
ايدن بقهر: تصور ي نبيل علياء طردت غرام اليوم
نبيل بدهشه: ايش!!!
ايدن: عاد بيصدمك السبب
نبيل بيشوف له منتظر يتكلم
ايدن: في عميل جاء وتحرش ب غرام مسك يدها والبنت فزعت بشكل غير طبيعي يعني لدرجه انه جاءت لها نوبه هلع ، عطته كف لاشعوري وهو حاول يرد لها الكف وانا على طول دخلت بينهم ومسكت يده وضربته وعلياء خرجت وقالت تروح غرام تعتذر له او تخرج
نبيل متفجاء: انا مش عارف للان علياء ذي كيف تفكر !!!
ايدن ساكت ونبيل يتكلم: عشان كذا بتروح بيت عمك ؟
كان ساكت ونبيل ضحك: نفسي اعرف كيف بترد علياء لما تشوفك ..

وصله عند الباب ومشي ، وهم منتظرينه على طاوله العشاء دق الباب وقام ابو علياء: ي هلا ي هلاا
ايدن ضمه وابتسم وعلياء متوتره على العشاء مع امها واول مادخل ابوها وهو خلفه اصبتها صدمه قويه وفي نفسها من قوه الصدمه فكرت نفسها شبهه عليه" كميه الشبهه ذي غير منطقيه!!! مش معقول!! ذا كانه ادم "
كانت تشوف له بدهشه وهو يبتسم مع ابوها وسلم ع امها وجلس ابو علياء وجلس جنبه وتحس هيه انه بيغمى عليها وتقول في نفسها" يارب اصحى يارب يكون كابوس واصحى"

البارت 14


التفتت له وابتسم : كيفك انسه علياء
وهي تكلم نفسها" والصوت نفس الصوت ياربي احس جاني هبوط كانه بيغمى علي"
ابو علياء: علياء مالك ي بنتي ؟
ايدن اخذ العصير اللي امامه ومكنها: انسه علياء؟ لايكون هبطتي ؟
بعد محاوله منها انه تنطق قالت ب ابتسامه زائفه ولمحاول مداره الامر: شوي مهبطه اليوم
امها مسكتها: سلامتك ! هذا لانك بالشغل واصل وبدون ما تهتمي لنفسك
ابو علياء: يالله كلي وبتكوني احسن
كانت تاكل وتشوف له وتكلم نفسها" هو مش منطقي انه الشكل والصوت وكل هذا الشبهه بس يارب يطلع شبهه او يطلع مع عمي تؤم ومخبي"
وهي تتكلم  نظر لها بنظره
تدل انه يعرفها شعرت بشعور غريب وتكلم نفسها" بتضحكي على نفسك ياعلياء ادم هو نفسه ايدن كنتي هبلا ظهرتي امامه بصوره بشعه"
بعد العشاء  بتتكلم ام علياء: تحب تشرب شاي ؟
ايدن: ايوه ياليت
وشاف ل علياء:ياحبذا لو كان من يد الاستاذه علياء
عمه ابتسم وشاف لها: روحي اعملي ل ابن عمك شاي
قامت وهي ترجف من صدمتها الشي اللي ما توقعته ابدا ، دخلت المطبخ وهي تعرف قصد ايدن من هذا ، عملت الشاي وهم يسولفو ودخلته وكانت جالسه مقابل له اول ما شرب الشاي تفهه في وجهها وكانه مش قاصد وقال: المعذره الشاي ولا ذره سكر فيه وانا مش متعود
ام علياء: لا عادي عادي ، اساسا علياء ما تشتغل بالمطبخ اعذرها ي ابني
ضحك: ههه لا عادي عذرها معها بس ممكن تعدله لي شوي
ابو علياء: اكيد
وشاف لها اللي ساكته ولا كلمه: علياء زيدي شوي سكر لولد عمك
اخذته من يده ودخلت المطبخ وتركت الشاي ع الطاوله وتمسح وجهها: بينتقم مني !
عدلت الشاي ودخلته له وهو ساكت
اخذه منها ب ابتسامه غريبه وقال: تسلمي
شافت ل ابوها وامها: بطلع انام عشان معي شغل
ابو علياء: ابني غرفتك ذي اللي امامك عشانك جيت من سفر مابنرهقك واحنا كمان بنطلع ننوم
ايدن: اكمل الشاي وادخل وتصبحو ع خير
طلعو وعلياء طلعت وهو يشرب الشاي لوحده تحت وعارف انها بترجع
وقف رد الستاره شوي ويشوف من شباك الصاله لخارج وهو تقريبا ظلام بس النجوم تلمع ، وفعلا ماقدرت تتحمل ونزلت وحس بحركتها وابتسم ، اقتربت وقالت: اكيد مش شبهه ؟

البارت 15

ابتسم والتفت لها: وهل في شبهه هكذا ي انسه ؟
علياء بتلبك: ايدن اسمع انت اخذ عني فكره غلط
ايدن: ولا غلط ولاشي
علياء: ابوس يدك انا غلطت اعذرني اديني فرصه !!!
ايدن: ممكن اغض الطرف عنك بشرطين !
الاول يبقى موضوع معرفتي سر بيننا محد يعرفه ابدا ، والثاني انك تتصلي لغرام وتعتذري منها وتطلبي منها ترجع الشغل ، وكمان تعطيها دعوه لحظور حفله ميامي ..

شافت له بتودد وغرابه: طيب حاضر بس اللي حصل بيننا لا ابي ولا عمي يعرف به
ايدن: طيب
كانت واقفه امامه عندما سكب بقيه الشاي في وجهها ومشي وبعد محاوله استيعاب مسحت وجهها وهي ساكته :....
.........
اليوم الثاني الدكتور شرح ل اهل تالا حالتها اخوها عبدالرحمن اللي انفجر غضب حاول يخرج يدور جسار يشفي غليله لكن ابوه مسك بها وهداءه واخذو التقرير من الدكتور وقررو يرفعو عليه دعوه ، عبد الرحمن اللي كان يواسي تالا وسوسن الصديقه الوفيه اللي كانت جنبها بهذا الوقت ابوها وقع ع العمليه مع الدكتور فهد اللي كان نبيل تكلم معه : كانت صايمه من اليوم الاول
دخل نبيل عليه: متى عمليه تالا !
فهد: من الان ساعتين
نبيل : تعذرني ي فهد لو غلبني قلقي ودخلت بنص العملية!!!!!!!
فهد شاف له بصمت
نبيل: انا قلق عليها قلق جدا ، انا واثق بالله ثم فيك ي فهد بس ماقدر ما اقلق اخاف تحصل لها مضعفات او يكون الضرر وقت العمليه ظاهر اكثر من الان، مش قادر اتحكم بنفسي
فهد وقف امامه: نبيل اوعدك بفعل جهدي واكثر ولا مانع انك تدخل العمليه وياحبذا تساعدني كمان
نبيل هداءت اعصابه شوي ...
........
لين اللي راحت تشوف محمد ، رجعت عملها وتتكلم مع صديقتها ازهار: انا حاسه بالذنب يا ازهار كل مره اشوف فيها محمد ما المح الا وجهه تالا ونبيل
ازهار: يييييي تالا قد تزوجت وعاشت حياتها ونبيل بيتزوج
لين: هه نبيل مستحيل نبيل يحب تالا حبا جما ولا مليون واحده تعوض مكانها عنده ، كلها غلطتي من البدايه كان المفروض ما اوافق على نبيل بس ماكان عندي حل ثاني !
ازهار: بطلي تحملي نفسك الذنب الموضوع قد صار وانتهي
لين: نفسي اقابل تالا واحكي لها كل شي
ازهار: البنت تزوجت لا عاد تخربي بيتهاا
لين: هو هذا اللي مانعني بس تانيب الضمير مش قادر يخليني ارتاح نفسي امسكها واقول لها الموضوع كذا وكذا ونبيل بريئ من كل ظنونك ...
............
علياء طلعت غرفتها وغلقت واخذت تلفون غرام شافت الرقم وطنشت ورجعت رده: ايوه
علياء بهدوء: استاذه غرام !
انا حابه اعتذر لك عن اللي صار وياليت ترجعي الشغل من بكره
غرام انصدمت" مش معقول !!! علياء بتعتذر !!!!!!!!!!!"
علياء: استاذه غرام ؟
غرام: هاه هاه ايوه خلاص تمام حصل خير
علياء: نشوفك بكره مع السلامه
غلقت غرام وهي متفجاءه" ايش حصل الان هل انا اتوهم ؟"
مسكت جبينها" لا مش بي حمى ولا حاجه ؟"

ام غرام بعد ماحست ان زوجه خالد متضايقه منها وتسمعها كلام ماعاد قدرت تجلس، تكلمت معه ياخذها بيت ابنها الثاني موسى ، من داخلها كانت مجرد تجربهه هل بيوت اولادها بتحتويها افضل من بيت غرام او حتى يتقبلها ، غرام متعلقه ب امها جدا بس ضروري تحفزها تتزوج وضروري تتركها ...
......

البارت 16

اليوم الثاني قام الصباح بدري علياء كانت طلعت ، وطلع هو بعد ما فطر مع عمه وعمته اللي كانو مبسوطين به جدا ، خرج الشركه وصل واول مكان شافه كان مكان غرام ولمحها مبسوطه وتشتغل وسرح فيها بدون شعور وابتسم وانتبهه على نفسه" مالك !! مالك بتشوف للبنت كذا ! مالك مش قادر تسيطر على نفسك هكذا ! معقوله ! معقوله انا بدات احب غرام !!! متى وكيف وليش؟؟ ولا قادر اشيل عيني منها ، يالله والحفره اللي وقعت فيها "
حاول يمسك نفسه ودخل يعمل شاي لعلياء لانه حاب يكمل المسرحيه بس ذي المره مش مع علياء انما مع غرام ، لكن مايفكر يطول ، يخطط ياخذها امريكا ويعترف لها هناك ..

دخل عمل شاي لعلياء ولغرام واقترب وهو يشوف لها ولما وصل : انسه غرام الشاي
التفتت له وابتسمت : ادم
وبفرح: انت عارف انه رجعت
ايدن: اول ماوصلت شفتك تفجاءت بعدين عرفت انك رجعتي
غرام بنفس الابتسامه: ادم تصور ان علياء اتصلت واعتذرت لي !!!! علياء عمرها ما اعتذرت لحد حتى لو هي الغلطانه وش صار ما اعرف
كان يشوف لها مبتسم: خليني بدخل لها الشاي قبل ما تقلبها علي
ضحكت وهو دق ودخل اول ماشافته وقفت على طول
رد الباب بيده ووقفت اخذت الشاي: ايدن لا**
قاطعها بهمس: ادم ااااادم
علياء اخذت الشاي من يده: تفضل تفضل
ايدن جلس مكانها: كملتي ترتيب اجراءت السفر تبع غرام
علياء: ايوه احنا حددنا موعد عاجل مع السفاره الامريكيه بمصر كما قلت بتسافرو بعد 6 ايام ، المقابله بتكون اليوم السابع
ايدن : حلو ، كلمي غرام تجهز نفسها لبعد اسبوع ولا تقلي لها من بيروح معها
علياء: حاضر مثل ما تحب وتامر
ايدن وقف: وعن اذنك ي استاذه علياء
خرج وهي تشوف بعده" ايش في راسه ؟ هل بياخذ غرام معه عناد لي او ايش ؟"

نكمل غدوه ، والمعذره .

البارت 17


خرج وطلبت غرام ودخلت: انسه غرام الشركه طلبت شخصين من الفرع حق هنا لعمل ضروري في ميامي مع حفل كبير بيحصل هناك ، واحنا اخترناك انتي من ضمن الوفد
غرام شافت لها بدهشه: انا ؟
"وبغرابه":طيب ومن
علياء: انتي ضمن الوفد وبتعرفي الباقي لما تسافري احنا حجزنا لك لمصر لبعد سته ايام بتحضري المقابله وتسافري اليوم الثاني بتجلسي هناك 3 ايام فقط وترجعي

غرام سكتت وخرجت وهي مستغربه

جلست على الكرسي " غريبه ؟ ليش انا مش علياء ؟ بس ذي فرصتي اقابله ؟"
….
تالا دخلت العمليه واهلها خارج بصاله الانتظار ابوها واخوها وسوسن وامها
ونبيل تحت بعيادته يروح ويجي وماقدر يصبر لبس كمامه وملابس العمليه ووصل واهلها وماعرفوه دخل من جنبهم ، دخل بنص العمليه وهو هادى وقف امام وجهها " تالا ، تماسكي بتكوني تمام "
فهد شافه: الحمد لله انك جيت ، تعال
نبيل اقترب وفهد يتكلم: شوف الضرر اكبر مما ظهر بالاشعه مش قادر اشيلها معها اورده متضخم اخاف اقطعه تنزف لما تموت، والدم متجمع بالداخل وكان عامل مثل الغرغرينه ، هل اخيط المكان لما نشوف حل او كيف
نبيل بيشوف وقال له: انا بكمل !!!
فهد تراجع وتبيل تمالك كل اعصابه في انه يحاول انقاذ حياة البنت الذي حبها، وكان يدور في باله افكار " ياااه البنت اللي كنت اخاف الشوكه توغز يدها انا الان اقطع لها كليتها !!"


بذل مع فهد مجهود كبير واخيرا طلعت تالا لكنها توجهه للعنايه فوراً نبيل طلع بكمامه ومجرد ماخرج فهد اهلها تجمعو : العمليه كانت اخطر مما توقعنا وكانت بتحصل لها مضعافات خطير لولا تدخل الدكتور نبيل كان ممكن نخسرها
هي الان بالعنايه لانه خسرت دم كثير وحالتها مش مستقره بس بتكون افضل ان شاء الله ، ادعو لها

مشي وهم يشوفو بعده ظنو اسم نبيل مجرد تشابهه اسماء وحدها سوسن اللي تعرفه …
…..
ام غرام وصلت عند ابنها موسى والذي استقبلتها زوجته بمدح وترحاب: ي هلاااا ي هلا بك ي عمه
موسى: واخيرا يمه جيتي عندي
ام غرام : خلاص قذا جيت
موسى مسك يدها وقبلها: ابقي عندي يمه لا تتركيني
ام غرام: هههههه ان شاء الله
…
غرام روحت وهي تفكر بالموضوع دقت ل امها وهي متردده تكلمها او لا : كيفك يمه
ام غرام : الحمد لله تمام وانتي
غرام: الحمد لله وينك متى عتجي
ام غرام: عادنا عند موسى كم يوم واسير عند صالح وارجع
ترددت غرام ثم قالت: يالله بس قلت اتطمن عليش
غلقت وتكلم نفسها: لا اكلمش امي واقلقها علي ما بترجع الا وانا هنا مابطولش ، كلها اسبوع ، يوم بمصر واليوم الثاني بيطلع الجواز واسافر يومين بالطياره وثلاثه ايام في ميامي ويومين وانا راجعه يعني 10 ايام وهي بتبقى عند موسى وصالح 14 يوم …

البارت 18


ايدن روح وعلياء واهلها منتظرينه على العشاء دخل: السلام وعليكم
ردو السلام
كانت تقطع له نظرات وجلس
ابو علياء: كيف شفت اليمن
ايدن: تمام عجبتني
علياء كانت تشوف له وتكلم نفسها" احسه ماعاد يطيقني كيف افعل كيف !"
………
اهل تالا روحو ونبيل في قلق اتصل ل اهله انه معه مناوبه بالمشفى بس كان قلبه في قلق عليها ، ماقدر يتحمل طلع لعندها دخل بهدوء وما يشتيهاش تسمعه او تحس به
جلس امامها وهو ينزف دموع الندم، كان يبكي بدون سيطره شعور بالذنب والقلق

كانت دمعته تتساقط بشده وهو ينزل وجهه ويمسحه ويشوف ل تالا ويرجع ينزل عيونه والدمع ينزل بدون صوت، حست بوجود حد فتحت عيونها بصعوبه ولمحته وهو وقف وطلع وعقلها في تخبط وتعبها الشديد منعها حتى انه تعرف اذا كان ذا حقيقه او وهم للمره الثانيه ….

غرام كانت متخوفه من خطوه السفر وهي جالسه على مكتبها سمعته عندما ترك الشاي: انسه غرام
نقزت وشافت له: ادم
ايدن: مالك بالك مشغول ؟
غرام: والله ما اعرف ايش اقول، الاداره عطوني تذكره عمل لمده ثلاثه ايام ل امريكا وانا متردده اسافر وخايفه قوي خاصه وانا لوحدي بس قالو في حد بيجي معي بس مش عارفه من ولا ايش اعمل من ناحيه ذي فرصتي الوحيده اطلع اغير جو واقابل مدير الشركه واتشكره ومن ناحيه ثانيه قلقه وخايفه
ايدن: وليش قلقه
غرام: اول مره اسافر وكمان لوحدي وفين امريكا بعيد قوي وبلد غريبه وامي مش عارفه واخوتي لو يعرفو يمكن يدفنوني
ايدن: اووف لهذي الدرجه ؟ طيب هي كلها كم يوم تشجعي !
غرام سكتت وهو قام مشي وهو يتلفت لها" غرام وافقي ارجوك انا مجهز لك عرض زواج !"

البارت 19


بعد مرور ثلاثه ايام ، كانت تالا مازالت بالعنايه ، نبيل اللي كان يتفقدها دائما ويتجنب اهلها ، منتظر يعدي اليوم الرابع وتبدا بالتعافي …
غرام بعد حيره قررت انها تسافر ، جهزت اغراضها وبتكلم شذى: شذى بغيب كم يوم تقريبا عشره ايام انتبهي حد يعرف اني سافرت لوحد سال عني قولي اني بشغل او قولي اي شي خااصه امي وانا بكون اتواصل معها واتس تمام
شذى: حاضر
اخذت شنطتها وخرجت وهي قلقه بعض الشي ، اول ما وصلت المطار انتبهها الخوف ولكنها حاولت تتغلب عليه وتكمل كل اجراءت السفر وعندما وصلت الطياره كان حجزها في درجه رجال الاعمال ، جلست على الكرسي ونوع من الرهبه اصابها والقلق" انا ايش عملت !!!"


كانت خايفه وتكلم نفسها" ايش عملتي ي غرام ايش ذي الجراءه" بتشوف تلفونها ،الفندق اللي حجزته لها الشركه والسياره اللي بتستقبلها للمطار بس مازالت خايفه خايفه وهي تحرك بعيونها تحاول تشوف من من الشركه بيكون معها ، والخوف يزيد ، رده وجهها تشوف من شباك الطياره عندما حست بحد جلس بالكرسي اللي جنبها التفتت بسرعه وانتبها شعور غزيب ، شاف لها: انسه غرام ، مستعده !
مش قادره تخفي شعور الطمانينيه الغريب اللي انتابها اول ما لمحته ، هي الى الان مش قادره تفهم ليش ادم الرجل الوحيد اللي تطمئن له بطريقه مريبه ، لكنها تلقائيا ابتسمت: ادم !
شاف لها: الوفد اللي كان بيسافر معك اعتذر ل اسباب وسافرت انا
كانت تشوف له بصمت ربما لو رجل ثاني غيره كان انتابهها القلق بدل الاطمئنان ، ليش ادم بيقدر يزرع بها هذا الشعور ، وين السر ؟
شافت امامها وقال: كلها ٣ ساعات ونص للقاهره اطمئني تبيني خايفه
شافت له: رحت مصر من قبل ؟

ايدن :لا الكابتن تكلم
اقلعت الطائره وهي تفكر

"ايش عملتي ي غرام ليش وافقتي!!"
…..
كان بيشوف المغذيه عندما فتحت عيونها وشافته وقالت بتفجاء: نبيل
التفتت لها بسرعه وحاولت تدارك الامر وقالت: دكتور!!!
شاف لها بفرح: كيف الان احسن
تالا: ايوه شوي
نبيل: خلاص بتخرجي من العنايه بننقلك قسم الرقود
رده بتعب: طيب شكرًا
خرج وتصادف مع عبد الرحمن اللي مسكه من رقبته: ايش بتفعل بغرفه اختي ؟

البارت 20


نبيل سكت وفهد وقفه: عبد الرحمن نبيل هو اللي اشرف على عمليه اختك وتدخل في وقت حرج وانقذ حياتها هو دكتور جراح هنا
عبد الرحمن تمالك نفسه ونزل يده
ونبيل قال لفهد: المريضه احسن خليهم ينقلوها قسم الرقود
والتفتت لعبد الرحمن: اختك احسن
عبد الرحمن: احسن ايش بعد ما دمرت حياتها ، وخليتنا نزوجها للملعون ذا عشان نرجع قيمتها بعد ما تركتها قبل العرس وتزوجت خطيبه اخوك !!!!
نبيل ساكت وهو يكمل: وتزوجت واحد مريض يسمعها ع الطالع والنازل كلام ويقول لو انتي تمام ما فلتك الاول قبل العرس
قاطعه بالم وندم : عبد الرحمن " جاءت بمعنى كفايه "
عبد الرحمن : قل لي مالها تالا ؟ ليش كسرت خاطرها ليش تركتها ي نبيل
نبيل : والله مابها عيب الخطاء خطئي وانا**
قاطعه: بس اسكت

قالها ومشي ، فهد نقلها الرقود وهو جالس كلام اخوها في راسهه

روح البيت مرهق تغدي واخذ صحون الاكل مع امه وبيعلم محمد يشيلهن وهو يضحك: ايوه ابني البطل بيساعد جدته
دخل المطبخ تركهن عندما قاطعه ابتسامته مع محمد امه: كيف تالا !
نبيل التفتت لها بغرابه : يمه ؟
ام نبيل : سمعت انها نايمه عندك ، وكانت تاعبه كيف قديه
نبيل بهدوء: اصبحت احسن
شاف لها بغرابه و
خرج غرفته وغلق بينام كم ساعه قبل ما يرجع المشفى …

كانت هيه تكلم سوسن : هلوست مره ثانيه شفت نبيل بيبكي امامي بالعنايه
سوسن بغرابه: طيب تالا يمكن مش هلوسه يمكن صدق
هز راسها بالنفي: لا .. نبيل عمره ماحبني
….

غرام وصلت القاهره ،كان في سياره استقبلتهم تبع الشركه وصلو الفندق دخلت جناحها وهو جناحهه ، تركت الاغراض وفتحت واتس من نت الفندق كلمت امها وهو رسل لها
: انسه غرام تجهزي بسرعه مقابلتك بعد ساعه
لبست بسرعه وطلعت والسياره منتظرتها تحت بس استغربت: غريبه ليش ادم مش معي ؟ بيفوت الوعد حقه او ايش ؟
وصلت ورتهم الدعوه وعقود العمل وبما ان الشركه كانت مستثمر كبير ب امريكا عطوها الموافقه على طول ، تركت الجواز وبكره تستلمه ، ورجعت الفندق وهي مكانها متوتره ومش مقتنعه بالشي اللي عملته لو كان في وفد بنات كانت اطمئنت شوي بس من داخلها تقول هي سفره عمل ي غرام ما عملتي شي غلط …


نبيل اللي باله مشغول ع تالا وكلام اخوها اللي جالس بباله وصل دوامه وع طول راح لها وهي ب الرقود لوحدها شوي وتوصل سوسن تنام معها ، دخل
:كيف اصبحتي
تالا تشوف له لثواني ثم رده وجهها عنه وقالت: احسن
اقترب هو وبدون مقدمات:ممكن اتكلم معش شوي ..

البارت 21


اقترب هو وبدون مقدمات:ممكن اتكلم معش شوي
تالا :لا
رفع حواجبهه بدهشه من رده فعلها السريعه ويكلم نفسه" مافكرت حتى!"
حاول يتكلم: تالا انا***
قاطعه دخول سوسن: تالا كيف قدك
شاف لها وسكت
سوسن: دكتور طمنا كيف اصبحت
نبيل اللي بلع غصته وسكت رد ع سوسن وهو خارج: قديه تمام
شافت ل تالا بغرابه: ماله ؟
تالا: قال يتكلمي معي ورفضت!
سوسن جلست: ليش
تالا: ماباقي بيننا كلام
سوسن: طيب ايش كان يشتي يقول
تالا: مدري وما يهمني
سوسن سكتت


اليوم الثاني غرام اخذت جوازها والحجز كان المساء رجعت وهي متوتره: ي مجنونه كيف عتسافري بمطار كبير لوحدك واول مره ، انا ايش عملت بنفسي
دق الباب فتحت بتردد
ايدن: نحنا بنروح قبل موعد الرحله ب ثلاث ساعات يعني بعد ساعه من الان
غرام بتوتر: طيب ادم انت تعرف كيف نخلص اجراءت المطار وايش نسوي خائفه تفوتنا الرحله او شي
قاطعها: لا تقلقي انا بتكفل بكل شي انتي تجهزي بس
مشي وهي تشوف بعده" ايش الثقه ذي اللي فيه !!!!! "
رده ظهرها على الباب: مش المفروض ذي تكون اول سفره له مثلي ؟
……
اتصل له ابوه نزل قسم الطوارى ومحمد هناك ومركبين له مغذيه شاف ل ابوه بقلق: ايش صار
ابو نبيل: محمد حصل له تسمم دقينا لك وتلفونك مغلق رجعنا شليناه هنا
نبيل: انا كنت بالعمليات
كانت لين تبكي جنب ابوه: غلطتي انا شليته اليوم واكلته من خارج
نبيل هداء: خلاص حصل خير
اقترب منه: كيفك ي بابا احسن؟
هز راسه بنعم مسك يده وقبلها
شاف ل لين: خلاص روحي انتي تاخر الوقت وابي بيروحهه بعد ما يكمل المغذيه ، قدوه تمام
هزت راسها بنعم وبوسه محمد وطلعت وتفجاءت بسوسن داخله من الصيدليه ومعها ادويه : سوسن ؟
سلمت عليها وسالتها: ايش تعملي هنا ؟ سلامات امك بخير خواتك بخير
سوسن: كلنا تمام الحمد لله بس تالا تاعبه
رده بتفجاء: تالا !!؟؟ سلامات وش صار
سكتت ثم قالت: ماعاد فيش داعي نخبي ، جسار ضربها وهي حامل سقطتت الطفل وتضررت الكلى واطيرنا نشيلها لها
مسكت فمها بشهقه: ااااييييش ، الله يكسر يده !!!!!
اقدر اشوفها ؟؟
وبسرحان:رجاااااء
سوسن: والله هو مش وقت زياره الان بس اطلعي بسرعه وانزلي
لين: تمام
سوسن طلعت معها ودخلت واول مادخلت لين تالا رده وجهها عنها
كانت مليان ندم عندما وصلت امامها:محمد تسمم وشليته هنا وبالصدفه تقابلت مع سوسن وقالت لي
تالا كانت ساكته ولين تكمل: تالا في شي نفسي اقوله لش
كانت ساكته
لين: نبيل اجبر ع الزواج بي !!!
سكتت ثم ضحكت
ب استهزاء ، هذا وهو اجبر حصلتو محمد لو مش مجبور !
لين: تالا انتي الان منفعله بس رقمي مع سوسن انا مستعده احكي لك السالفه كلها ب اي وقت تتصلي وتقولي لي تعالي وقبل ما اخرج بقول لش انه نبيل ما مس من راسي حتى شعره واحده !
خرجت وهن صامتات وسوسن أقتربت: ايش بتقل ذي ؟؟؟
تالا: كيف عرفت اني هنا
سوسن: شفتها تحت وصدمت لما عرفت انك هنا
تالا: جاءت تشوف نبيل او ايش ؟ مش تزوجت وخلاص ! قالت محمد تسمم
سوسن:….

البارت 22


المساء غرام جهزت نفسها وطلعت السياره وايدن طلع جنب السواق وصلو المطار وكانت مستغربه انه ماسال حد يساعدهم كان عارف كل شي وكان يساعدها بكل حاجه ، فتحت البوابه وطلعو الطياره ..
دخلت جلست على الكرسي وكان هو بالكرسي اللي جنب وشافت له منبهره: ووااوو الطياره فضيعه تعرف كم الرحله
ايدن: حوالي ثلاث ساعات لقطر ومن قطر تقريبا 14 ساعه متواصله لميامي
كان داخلها نوع من الرهبه وتكلم نفسها" ايش فعلتي ي غرام !!! محد من اهلش عارفين ومسافره بلد غريبه ولوحدش مجنووونه !!!"
كان ملاحظ توترها وهو ساكت
…..

ام غرام اللي ماكانت مرتاحه من زوجه موسى، اللي امامه حد وبغيابه حد ثاني قالت لها: ي عمه مش كان بيت خالد افضل من هنا ، خالد ابنك الكبير
ام غرام: كلهم عيالي
زوجه موسى: ما اختلفنا بس موسى كوده بمصاريف البيت مش حمل شخص جديد !
سكتت
…….
علياء اللي كانت تغص بالاكل وابوها يتكلم: ليش اخذ السكرتاريا ي علياء ليش مش انتي ، كنتي عتبسري عمك وتسلمي عليه
علياء ساكته
ام علياء: لا يكون حصل شي ب الشركه ي علياء
هزت راسها بالنفي: لا يمه ماصار شي
ابو علياء: غريبه والله ؟
…….
المساء فزت سوسن من غفلتها على صوت تالا الي كانت كانها تتشنج ، سوسن فزعت وطلبت الممرضه اللي نزلت بسرعه كلمت نبيل اللي كان مناوب وطلع وصل وهي تتشنج وسوسن خايفه ، طلب الممرضه تحقنها ب الابره وريد وهو يشوف لها: اهدي اهدي
كانت ملامح القلق عليها مرسومه عليه وهي تشوف في عيونه هداءت وهو قال: لا تخافي ذا متوقع بسبب الادويه بتكوني تمام
كانت تشوف له ودموعها تنزل وهي تتذكر كلام لين

وتشوف له ، توتر وقال: لا تخافي اهدائي انتي تمام الان ؟
هزت راسها بمعنى نعم
شاف لسوسن: انا هنا الليل كله بنام تحت اذا في اي حاجه تعالي لي
سوسن : حاضر
طلع وهو زعلان عليها ويتذكر دموعها وكانها تسقط جمر ع قلبه
وسوسن اقتربت:انتي تمام
كانت تبكي
سوسن: تالا لو مريضه اناديه
هزت راسها بالنفي: لا ي سوسن انا احسن بس تذكرت كلام لين وهو يحاول ينقذني ودموعي نزلت غصب انا محتاره ايش ممكن يدفع نبيل يتركني بس ولا عذر قادر يخليني اسامحه
سوسن: اذا كانت ماحصلت بينهم علاقه مثل ما تقول يعني محمد مش ابنه ؟ او لايكون غلط معها قبل الزواج وحاول يصلح الموضوع ؟
تالا: خليني ي سوسن مش قادره اغفر لنبيل ابدا هو ماحبني لما انا كنت اشوفه الدنيا كلها
ماقدرش انسى مر ذاك الخذلان ولا كيف نمت ذيك الليله، ماقدرش انسى ي سوسن كيف انهرت يوم زوجهه اللي كان المفروض اكون انا فيه ، في داخلي كسرت الم صعب اتجاوزها …

البارت 23


نزل تحت تمدد على السرير بينام نص ساعه ومعه عمليه مهمه بعد ساعه ، بس ماقدر ينام واخذته ذاكرته لذاك اليوم لما عمل محمد اخوه الحادث دخل المشفى اللي هو فيه وحاول ينقذه وهو مسك يده: لين
قالت بتعب: امانتك ي نبيل لين
سكتت بغرابه ومحمد يكمل هو يقاتل الموت: انا غلطت مع البنت وهي حامل ارجوك ي نبيل استر عليها ، سالتك بالله لا تحملني ذنبها وانا ميت
كان يشوف له بصدمه ..
محمد: لا تشوف لي كذا ي اخي ولا تكلم حد باللي حصل استر على البنت ي نبيل والله لتروح فيها
نقز من ذكرياته ومسح وجهه بيده :..

الصباح كانو انتظرو طيارتهم الثانيه من الدوحه وعند الدخول على عكس الرحله الاول كانت وراه رجعها امامه تدخل قبل لانه مش حاب تشوف جوازه طلعت فيزتها ودخلت ومكنهم هو الجواز ودخل ، الرحله كانت طويله نامت هي وهو فتح نت وبيكلم نبيل اللي رسله قبل: مش قال ابوك علياء
ايدن: وانا اشتي غرام
نبيل: تمام انا اتفرج بس
ايدن: وانا ماباخذ الا غرام
نبيل: ههههه تمام الله يعينك
قفل التلفون وطلع بتفقد المرضى وصل عند تالا وتفجاء بجسار عندها ويقترب: كلمتيهم هاه !!!! انا بوريش
اول ماشافه وسمعه دخل على طول مسكه ، كانت تالا مرعوبه وقال: ايش بتفعل هنا
جسار: اههه صح عرفت من انت ، هو انت نبيل !
والتفتت لها وابتسم: انت الذي كانت تتصلك ، اكيد انت ابو الطفل
ماقدر يتحمل مسكه من رقبته للجدار: ايش تقول انت
جسار: ماهي ماقدرت تتجاوزك !
نبيل: ي متخلف انا وتالا ماكان بيننا تواصل انا ماكنت ب اليمن اصلا انا سافرت ليله زواجها، الاتهامات ذي كبيره
جسار التفت لتالا اللي وقفت دموع القهر على اهداب عينها
وهو سحبه لخارج: تعال
وصله لخارج الرقود وقال له: اسمع ، تالا عمرها ماكانت لغيري ! انا فقدتها فتره وانت رجعتها لي ، من اول مره مديت يدك عليها انت خسرتها ، لذالك اتركها
جسار: اهاا يعني كلامي صح
نبيل بنرفزه: انت مريض بك مرض الشك لانه تالا عمرها ما وصلتني وهي بنت محترمه واعرفها ، تعرف ايش غلطت عمرك ! انك ضربتها ب الشهر الثامن بالشهر الذي رجعت به ودخلت عندي والان صدقني ماعاد بتلقيها ابدا ، انا بسترد ماكان ملكي، وطالما تكلمت عن عرضها وطعنت في شرفها اقسم لك بالله ماعاد تمس منها شعره واحده
جساره انفعلت وحاول يضرب ونبيل رد له الضربه
وامن المشفى تدخل

على وصول عبد الرحمن لما شافهم اخذو جسار طلع بسرعه لعند اخته وصل فزع: تالا
كانت تبكي ، دخل مسك يدها: انتي بخير ؟؟
تالا: جسار دخل للغرفه يهددني وتدخل الدكتور نبيل وسحبهه لخارج وماعرفش ايش صار
عبد الرحمن سحب نفس عميق لما عرف انها بخير: اهاا لا تقلقي شفت الامن اخذوه
سكتت ورجع قال بحسره: نبيل مافيش مثله بس ما اعرفش ليش عمل كذا ليش تركك هذي الغلطه الوحيده
شافت له: نصيب ي اخي نصيب

البارت 24


غرام نامت الرحله كلها من التعب ، واول ما وصلو صحتها المضيفه ، نزلت وهي متوتره وكل شي حولها غريب ، كانت تتلفت حواليها وهو جنبها وصلو وشافت الناس طوابير وقال لها : ادخلي من هنا الطابور ذا لما يجي دورك وريهم الفيزه وحجز الفندق والدعوه حق الحضور
قالت بغرابه: وانت ما بتكون معي
ايدن بغباء مصطنع: انا بكون بالطابور ذاك الذي هناك شكله اسرع ونبسر من عيدخل قبل
مشي وهي متوتره لوحدها وهو يتلفتت لها
وقفت خلف واحده محجبه وقالت: سلام
رده ب ابتسامه: وعليكم السلام
غرام: بسالك اي طابور اسرع ذا والا اللي هناك
البنت ضحكت: لا ماينفعش تروحي هناك اساسا
غرام بغرابه: ليش
البنت: هناك بس اللي معها جوازات امريكيه او جرين كارد
غرام تفجاءت وشافت ايدن من بعيد ورجعت قالت: ولو حد راح هناك ب الغلط
البنت: يرجعوه هنا ، لانه هنا ماشددين اكثر وضروري يتاكدو من ان اسبابك كلها صحيحه عشان تقدري تدخلي امريكا ولو في غلط واحد او كذبتي بشي واحد يرجعوك ع طول
غرام: اهااا

كانت تشوف ل ايدن ومع الزحمه اختفى من نظرها ، كان هو دخل ومنتظرها عند الشناط وجاء دورها وهي متوتره كملت ودخلت مش عارفه فين تروح ودمعه الخوف على اطراف اهدابها" انا ايش عملت بنفسي !!!!؟ ايش جنني اسافر هنا ، الله ياخذني "
كانت تتلفت يمين يسار لعلها تشوفه ، شافت علامه الحقائب على الوحات الارشاديه تبع المطار وقالت اكيد بيكون هناك ، مشت على الاسهم ووصلت في اكثر من اربعه اماكن مش عارفه وين شناطها بينزلو ، لكنها لمحت شعار القطريه ، الطيران اللي سافرت به واقتربت ولمحته ماسك الشناط ومنتظرها ، اقتربت وبعصبيه: ليش تركتني لوحدي!!!!!
ايدن : انا قلت انك تعرفي انجليزي اكيد ما بتضيعي
غرام ب انفعال ممزوج بخوف: انا ما ادري انت ايش من شخص!! جريئ كذا انا خائفه ذي اول مره نسافر وبلد غير بلدنا ومختلف الفين مره ، انت ما تحس ؟ وكانك مسافر بلدك
ايدن: خلاص انا اسف انا غلطان ، خلينا نطلع اكيد السياره اللي حجزتها لنا الشركه منتظره
اخذ شنطته وشنطتها ومشي وخرجو وهي منتظرتهم وصلو للفندق اقترب ايدن يشيك على الحجز وهنا كانت صدمه غرام لما تكلم امامها ، كانت تكلم نفسها" لكنته انجليزيه بحت !! مستحيل مافيش اي فرق بين كلامه وكلام الموضفه ؟ مافيش ذيك الكسره من تحول العربي لانجليزي والعكس!! ايش ذااااا وين تعلم وين درس !!!"

كمل التفتت لها ومكنها مفتاح: ذا مفتاح غرفتك
قالت بدهشه: انت وين درست انجليزي ؟
توتر وقال: افلام ايوه انا كنت اتابع افلام امريكيه كثير من طفولتي لذالك اتكلم بلكنتهم
غرام: هاااه قد تفجاءت
طلع معها دخلت غرفتها وهو غرفته جنب ترك اغراضه وخرج اما هي فنامت على طول …

كانت سرحانه وهي بغرفه المدرسات وتتذكر لما جاء لها للمدرسه بعد موت محمد ب اسبوع كانت منهار وتدور حل مع ازهار وطلبها وكلمها" اخي مات الله يرحمه وانا عارف انك وهو غلطتم وهو وصيني اتزوجك واستر عليك ، انا عرفت ليش كان محمد مصر يتزوج معي ، انا بفعل بوصيته وبتزوجك ، لا تشوفي لي كذا مصدومه انا تركت البنت اللي احبها تبكي وجيت ، مش شفقه بك لكن تنفيذ لوصيه اخي ، انا بتزوجك سنه لما تولدي وكل واحد يروح في طريق ، ودخلي كله عتب عليك ي بنت عبد الرحمن ، لا ابوك ولا اخوتك يستاهلو تفعلي هذا ، لكن بنفذ وصيه اخي وانتي اتمنى يكون ذا درس لك"

قاطعت سرحانها ازهار : مالك
لين نقزت: ولاشي ولاشي
ازهار: من الصبح وضعك مش عاجبني
لين: امس محمد تسمم واخذته المشفى عند نبيل ، وانا طالعه شفت سوسن وقالت لي انه تالا مرقده بالمشفى ضربها زوجها وسقطت الطفل وتضررت عندها الكلى وشالوها لها !
ازهار بدهشه: اوف اوف اوف !!!؟