البارت 35

ايدن فعلاً فعل لغرام طلبها وعقد عليها وكان مبسوط بس هي كانت خايفه رجعت الفندق تجمع اغراضها تسافر ، شافت اتصال من امها رده بخوف: يمه !!
ام غرام بدموع: غرام صدق انتي ب امريكا ؟ ليش عملتي كذا ي بنتي
خالد بصياح: قلي لها متى ترجع ؟؟؟
غرام كانت خايفه : يمه
قالتها والدموع نزلت: انا والله اني سافرت شغل شغل وبس
ام غرام: بس مش كذا ولوحدش كمان
غرام بالم: زعلتي مني يمه
ام غرام: لا ي غرام لا انا خايفه عليش اكثر من زعلي
خالد : قلي لها متى ترجع او عتضيع بشوارع امريكا ال ****
كان يسب وهي تسمع وتبكي وامها ساكته وشذى جنبهم وهم في شقتها
ام غرام: متى عترجعي
غرام: يمه انا الان جايه طيارتي بعد ساعات من الان السفر عيطول ثلاث ايام وانا عندك
ام غرام: استودعك الله
غلقت وخالد بصياح: وتدعي لها يمه ؟؟؟ يمممه ذي كلبه مثل ابوها والله ل اقتلها
ام غرام: خالد ي ولدي اذكر الله هدي نفسك كل شي ينحل
خالد: الا فعلتها ذي
كانت امها قلقه عليها جدا،
كان خرج هو لبيتهم وصل دخل سميره ابتسمت: اهلا اهلا ب ابني كيف انت
التفتت ل ابوه اللي كان مبين معصب منه
اقترب منه ومكنه مفتاح السياره وبطاقه البنك: هذول هن
ابو ايدن : انا مش مصدق انك تزوجت واحده مثل ذي ! ابني ذي سافرت معك لحالها لهنا كيف تقدر تثق بها وتتزوجها
ايدن: طيب علياء كمان كانت بتسافر معي لحالها
ابو ايدن: علياء بتجي بيت عمها ذي ماعندها احد ، انا سالت عنها واحده عايشه لحالها ، وهربت وهي صغيره وقصص عليها مش تمام ، ابني انا ادور لك الافضل ، انت الف واحده تتمناك
ايدن : يبه انا قررت خلاص وانا تزوجتها وصدقني يبه انك بتعرف ان غرام عكس الصوره اللي راسمها عليها
ابو ايدن: خلاص انت اخترت تحمل نتيجه اختيارك ولا تلومني
خرج من عند ابوه للفندق اللي به غرام
, جاء دق عليها وخرجت معه بدون اي كلام كانت قلقه وحزينه وهو ملاحظ عليها وخمن انك اكيد قلقها هو شرطها الثلاث اخوها خالد ، طلعت معه الطياره وجلس جنبها بالمقعد وهي تبكي وتبكي وتاركه راسها على شباك الطياره كان يشوف لها ويدها ترجف كان من داخله نفسه يمسك يدها ويطمن خوفها بس مايقدر يخل بوعده ، قال بصوت خفيف : غرام
قرب وجهه يشوفها كانت نامت وهي تبكي ، نامت اربع ساعات قومها تاكل ، بس كانت متضايقه وقالت له بندم: غلطه عمري اني سافرت والله اني ندمت من اول ماطبت رجلي المطار ….

البارت 36

قالت بندم وقلق: والله اني ندمت او ما طبت رجلي المطار حسيت برهبه وخوف وقلت انا ايش جنني كنت بخلي اي حد يسافر مكاني ، بس انا توقعت ان في مجموعه كبيره وبنات وانا بينهن ، انصدمت ان ماكان في الا انا ، الحمد لله انك كنت موجود وساعدتني والا ايش كان حصل لي ؟ والان خالد اخي منتتظرلي وانا خايفه قوي قوي
ايدن يسمعها بصمت وهي تكمل: بس اسوء شي كان ممكن يفعله خالد انه يزوجني والان مايقدر ! الان انا تزوجت خلاص لو يموتني عادي ***
قاطعها: بس بس بس ايش يموتك ويزوجك كانك فعلتي جريمه ، خلاص الان انا المسؤؤل عنك ولا حد ثاني ولا يقدر يفعل شي
سكتت بقلق وهو يفكر" الان عرفت ليش غرام وافقت ، خايفه من اخوها انه يزوجها "
شاف لها وهي تحاول تاكل " معناتها غرام بتطمئن لي ؟ لما قبلت عرض الزواج شافتني انا خيار افضل من غيري وشعرت بالامن من ذي الناحيه ، معناتها في اشياء غرام قدرت تعطيني ومستحيل تعطيها لغيري وهو شعورها بالامان "

……
نبيل خرج بياخذ محمد من المدرسه اللي لين بتدرس بها وخرجته هي : حمودي خلاص ابوك جاء
وقف هو امامها : ممكن طلب لو سمحتي
لين بغرابه: ايش
نبيل : عندك رقم تالا ؟
لين ابتسمت: لا ماعندي بس في قروب انا وسوسن فيه اعطيك رقم سوسن وانت خذ رقم تالا منها
نبيل: ياليت
خرجت تلفونها واملت له الرقم وهو شاف لمحمد ومد يده: يالله يا بابا نطلع السياره
شله وهي تشوف بعده " نبيل طيب ويستاهل يارب تالا ترجع له وارتاح " كانت تشوفه مع ابنها وتكلم نفسها" بيهتم ب محمد وكانه ابنه ، وانا مطمنه انه او تزوج تالا، تالا كمان ما بتقسى على محمد ، هي افضل من غيرها الف مره "

طلع السياره ومش قادر يصبر رسل لسوسن: السلام عليكم ، لو سمحتي ممكن ترسلي لي رقم تالا !
……
خالد مش راضي يروح بيته جالس مع ام غرام وشذى منتظر غرام ترجع ، دق موسى ودخل وبعصبيه: صدق غرام سافرت
خالد: انا هانا لهذا السبب
ام غرام : سافرت شغل
موسى: ي سلام يمه شغغغل ؟ ومن متى عندنا بنات يسافرو شغل ، يمه قلتي تسكني معها لوحدكن قلنا تمام بس توصل تسافر لحالها ول امريكا لا
خالد: هذي بنت كلب ايش متوقع منها
ام غرام: خالد اسككككت غرام بنتي وانا عارفه كيف هيه ، سافرت عمل ما سارت لشي ثاني ، انا داريه لبنتي كيف هيه
خالد ضحك ب استهزاء: ههههه وتزيد تقل سافرت عمل !!! يمه غرام ذي انا بوريك بها بتشوفي انا بربيها طالما الكلب ابوها مات وماعرف يربيها ، بنت الملاجئ
ام غرام : بنت الملاجئ احسن منك ومتربيه احسن تربيه ، وماله الملجئ ؟ الملجئ ذا احسن من بعض العوائل ، دار الايتام يربي افضل ما تربي بعض الاسر ، لا عاد اسمع منك ذا الكلام ، ليش من كان افضل الملاجئ والا ابوها ؟ اكيد الملاجئ
موسى: وعادك تزعلي عليها يمه ؟ هي حتى ما كلمتك انتي ، حتى انتي ماقالت لك
خالد مسك كتفه: موسى روح انت خلي
غرام علي
…….

البارت 37

وهم منتظرين الرحله الثانيه من تركيا للاردن ، كان جنبه ولمح صورته مازالت خلفيتها سالها بغرابه: ماغيرتي رايك فيه ؟
شافت له بتعجب
ايدن ياشر لصوره ، ابتسمت :هاااه، والله ما ادري بس انا احس انه ابوه تصرف من نفسه وهو مش عارف
ايدن: يعني مازل بنظرك مثل ماكان
غرام: هههه والله مدري ي ادم ، بس ايدن كان مثل طوق نجاه دافي التفت على رقبتي في احلك ايامي وابردها وساعدني وانا في موقف صعب جدا، واكيد تصرف ابوه ما بيخليني انسى ذيك الوقفه وعلى فكره حتى لو ايدن نفسه رفض يقبلني ذا ما بيخلني اظل ممنونه لمساعدته لي
سكتت وشاف امامه وبيكلم نفسه" ذلحين اغير من نفسي او كيف ؟"
……
نبيل رسل ل تالا وشافته : وعليكم السلام ، من ؟
نبيل : تالا انا نبيل وانا مازلت احبك مثل ماكنت ، وانا افكر اتقدم لش مره ثانيه ، عتوافقي ي تالا
شافتها وابتسمت : نبيل ؟ انت مجنون ؟ ايش توافقي ذي ؟ لو تجي الان وتشلني حتى بدون مهر ما اقل لا
كان يشوف لتلفون مبتسم : تمام ان شاء الله بكلم اهلي ونجي وذي المره بنتزوج ع طول ماعاد نخطبش
تالا: انا منتظره لك ، على احر من الجمر
…….
خالد مش قادر ياكل ولا يرقد وهو منتظر لغرام ، واول ما وصلت دقت ل امها: يمه انا وصلت صنعاء ب اجي
امها بقلق: غرام ، غررراام لا تجيش روحي فندق او اي مكان ، خالد مازال منتظر لش
ضحكت: يمه لا تخافي ولا يفعل شي
ام غرام: كيف ما اخاف ي بنتي
غرام: بجي واحكي لش
غلقت وامها تدعي وهي من داخلها خايفه جداً ، بتشوف ل ايدن اللي خرج الشناط ..
ابو ايدن ما كلم اخوه للان ان ايدن تزوج ، على امل يترك غرام ويرجع لعلياء ، علياء اللي كانت منتظره ايدن متى يرجع ومتلهفه له …

لبارت 38

كنت بغرفتها بتشوف التلفون عندما وصلت رساله لقروب العمل من هبه : يجماعه لا تنسو تباركو لغرام ، تزوجت
علياء بتعجب : تزوجت ؟؟ متى وكيف ؟ كيف تزوجت وهي ب امريكا برحله عمل ؟
هبه: ايوه هي تزوجت ب امريكا
علياء فز قلبها: تزوجت ؟ ومن ؟
هبه :😂😂😂 من تتوقعي ، ما يجيش في بالش حتى
علياء بنرفزه: تكلمي بسرعه
هبه: ادم القهوجي ذي سافر معها
علياء فتحت عيونها بصدمه لدقائق وهي مش مستوعبه ، ورجعت رسلت: هبه منك جد ؟
زميلهم رد: غرام تزوجت ومن من ادم ، صدق لقالو حظ الملايح تحت الصفائح ، كانت تشوف لها حد يعيشها حياه افضل ، تزوجت واحد وعتصرف عليه هي
زميلهم الثاني : والله ذا ادم محظوظ ، جمال ومال وبعدين مش كانت تقل ماعتتزوجش ليش ماهذا رق له القلب او عشان لون عيونه
هبه: وازددكم من الشعر بيت كمان عيعيش معها في بيتها
علياء غلقت وهي منصدمه ومنغاضه قامت تتمشي بالغرفه “ انا كيف ما انتبهت هو فعلا كان مهتم بغرام قوي اخر فتره بس انا هبلا اصلا ما توقعت ابدا يفلتني عشانها ، صح ان انا كان تصرفي معه زفت لكن مش لدرجه يفلتني وياخذ غرام “
ماقدرت تتحمل اتصلت لعمها : ي عم انا عارفه يمكن ازعجتك ، لكن به مديره اداره معي بالشغل قالت ان ايدن تزوج غرام ؟ صدق
ابو ايدن ماعرف كيف يسلك ورجع قال: ايوه تزوجها بس اسمعي ي بنتي ، زواجته من ذي البنت مش مطوله ، انتي خلي الموضوع بيننا لقد تقولي ل ابوش وايدن شهر شهرين وعقل
علياء باقي شوي وتبكي ، حاولت تتمالك نفسها وقالت : طيب ي عم
ابو ايدن: واسمعي لو تشتي تطرديهم الاثنين من الشغل اطرديهم وخليهم ياكلو تراب ، افعلي مايرضيش ي بنتي كل الصلاحيات اديتها لش
قالت ب الم: طيب ي عم اسفه ع ازعاجك واسلم لي
ابو ايدن: لا ي بنتي ولا ازعاج ولاشي الله يرضي عليش
غلقت ودمعتها نزلت بقهر: انا مش مصدقه احس حلم اكيد بنوم واقوم ومافيش شي من ذا
……
وصلو البيت فتحت بالمفتاح وامها وخالد خرجو من الغرفه خالد وصل ع طول مسكها براسها: اهلا اهلا
وايدن مسك يده ينزلها وهو شاف له بتفاجى: ومن ذا اللي اديتيه معش ؟ بيتكلم عربي او لا
غرام هربت منه وراء امها بخوف وتضارب مع ايدن ضربه بضربه: من انت ي حيوان ؟ صاحبها
ايدن: غرام ذي الان زوجتي ومحد له حق فيها غيري
خالد: ههههه لا والله زوجتك ؟
خالد يحاول يقرب من غرام يضربها وهي خلف امها وايدن يرجع يسحبه له وهي وراء امها وخايف وترجف
عندما شاف لها وقال: مبسوطه كذا وانتي فاضحتنا
ماقدرت تتمالك نفسها وقالت بصياح: فضحتك ي خالد فضحتك ؟ ماذلحين عرفت ان معك اختك ؟ ولما ماتت هاجر
قالتها وغصت بالدموع وخالد رخي يده من يد ايدن اللي هو كمان فك له وغرام تحاول تتكلم: لما ماتت هاجر وجيتك مسكت يدك وقلت لك لا تتركني
تتذكر ي خالد تتذكر ؟ كيف بكيت وكنت خايفه جدا وماكانش معي حد الا انت
وايش عملت ي خالد ؟ تركتني ل ابي وانت عارف ان ابي ممكن يشغلني بالحرام ، وين كانت سمعتك وشرفك وكرمتك ذيك الايام ؟ ليش ماخفت لتنفضح
والان “ قالتها بدموع وانهيار” والان لما انا تزوجت وانستر وماعاد لك حق بي تفهم
كان متفاجى من انفعالها ويشوف لها وهو يتذكر فعلاً ذاك اليوم لما مسكت يده
ام غرام مسكتها وضمتها: خلاص اهدائي اهدائي
كانت ترجف وجلست للارض وهي تبكي
ام غرام: خالد والله لوما تشل نفسك وتخرج الان لتبري منك ليوم الدين
كان يشوف لغرام ورجع شاف ل ايدن وقال: وريني عقد الزواج
ايدن خرجه وقال: نكذب عليك او كيف
خالد شافه وقري ورجع رجمه لوجهه وخرج السياره فتح وجلس وهو يسحب نفسه وخرج فاين يمسح الدم من فمه واسنانه وكلام غرام في راسه
…..

البارت 39

كانت منهاره تبكي وامها ضمتها وتحاول تواسيها وتشوف ل ايدن اللي مستغرب انها مبسوطه فيه ، مسحت شعرها وقبلتها: غرام ادخلي نومي خلاص المشكله احتلت ارتاحي
ايدن جلس ع الكنبه بتعب: ايوه صح انتي ما نمتي طول الرحله من القلق
وقفت بتعب وهي تمسح دموعها وتهز راسها وهي تحس انها لو تغمض بتنام من شده التعب
شافت لشذى : هاتي معقم وقطن وامسحي جبهته
قالتها ودخلت وشذى جابته وشله منها: بمسحها شكراً
ام غرام تشوف له ب ابتسامه وجلست: انا في حلم او علم ، انت صدق متزوج غرام
هز لها راسه وهو يمسح الدم من وجهه بعد مشكلته مع خالد ، خالد جرحه بسكين كانت بيده
ام غرام بفرح: قل لي من انت وكيف تعرفتم ، صح اني زاعله ان غرام ما قالت لي لكن فرحتي انها تزوجت واخيراً غلبت زعلي
ايدن: اسمي ادم وانا كنت زميل غرام بالرحله حق العمل
ام غرام بنفس الابتسامه: زميلها يعني بتشتغل معها
ايدن نزل راسه: لا يعني انا قهوجي ب الشركه
ام غرام: وليش خجلان ومنزل راسك الشغل عمره ماكان عيب ابدا وهذا شغل محترم ، مابش عيب الا الحرام ، ماتعرفش كم حد تقدم لغرام وكانو صدق اصحاب مناصب بس مارغب لهم قلبها ولا ارتاحت الا لك
كان يشوف لها وهي مبسوطه: بس قل لي هل غرام طلبت منك تتزوجها عشان مشكلتها مع خالد او كيف
ايدن: لا انا احب غرام و " بيكمل كلامه وهو ملاحظ فرحتها لما قال انه يحبها " و طلبت نتزوج وهي عشان مشكلتها مع خالد وافقت واظن ذا من حسن حظي
هزت راسها: لا ي ادم ، حتى مشكلتها مع خالد ماكانت عتخليها تتزوجك ، تزوجتك لانه ارتاحت لك يمكن عطيتها اطمنان ، غرام كانت رافضه تتزوج خالص
ايدن ابتسم: اصلا هي تزوجتني بشروط
ام غرام: طيب ايش شروطها واهلك فين ومن فين انت كلمني كل شي
…….
علياء اللي كانت مقهوره وتحاول تطلع غيضها ، بتكلم نفسها" طيب يعني غرام كانت رافضه تتزوج خالص ، هل عرفت ان ادم ايدن وعشان كذا وافقت ؟ بس هبه قالت ادم ، يعني هبه للان ماتعرف ولا حد ب الشركه يعرف ، وهبه اقرب حد لغرام يعني اكيد غرام مش عارفه ؟ "
فتحت التلفون وارسلت لقروب العمل ولغرام ان غدوه ضروري تكون موجوده معهم اجتماع عمل
ورسلت ل ايدن : السلام عليكم
وبقيت منتظره يرد وكان هو كمل حواره مع ام غرام الذي اخفي عنها هويته الحقيقه تماماً
ام غرام: اكيد ان قدك تاعب انا اسفه بس فرحتي بغرام مش متسعتني ، والان انت مش زوج بنتي لا انت ابني ، وطالما اهلك ماتو انا امك تمام
ابتسم لها: تسلمي ي عمه
قامت: تعال
اشرت للغرفه: ادخل نام وتصبح ع خير
رد ب ابتسامه: اي والله ميت تعب وانتي من اهله
دخل وغلق وهي مبتسم" الحمد لله ذي خليني اشوف غرام متزوجه " كانت تكلم نفسها" يبين محترم ويعرف يرد وشكله مثقف وعاقل والله اعلم "
جلس هو ع الفراش بتعب ، مسك التلفون شاف رساله علياء : ايش تشتي ذي
رد عليها: وعليكم السلام خير ؟
علياء: قلت ابارك لك ع الزوج !
ايدن: ربنا يبارك لك وبعدين !؟
علياء: ههههههه انت عارف عمي عطاني الصلاحيات اطردك انت وغرام
ايدن: طيب !؟
علياء: لكن انا مابفعلهاش ب ابن عمي وخطيبي ، لكن تعرف ي ايدن لو زد تدخلت بيني وبين غرام ، انا ما بطردكم لكن انا بكلم غرام بكل شي واقل لها انك ايدن ابن عمي وخطيبي …..

البارت 40

ايدن شاف رسالتها وانغاض وغلق ونام على طول
وهي ضحكت: حلووو الان عرفت نقطه ضعفك
….
خالد روح البيت وماقدر ينام وخيال غرام ما فارقه " تتذكر بموت هاجر لما قبضت يدك "
حس بتانيب ضمير غريب ماقدر يفهمه ويكلم نفسه" غرام كمان تعذبت من ذاك الرجال ، ليش انا طلعت كل غلي وحقدي عليها ؟ ايش ذنبها هيه؟ كيف تركتها وهي طفله مع واحد سكران مثل ذاك ؟ وهي لجئت لي ، اول مره افكر بالموضوع من ناحيتها ؟"

….
كانت بتطبخ مبسوطه لما دخل ابوها : تالا
خرجت
ابو تالا: تعالي
اقتربت وهو يتكلم: اليوم جاء حد يطلبك ورفضته وطردته كمان ، بس بقول لك عشان تعرفي كيف الدنيا دواره
عبدالرحمن كان جنبه
قالت بتوتر : من ؟
ابو تالا: نبيل
تغير لونها : بس يبه ، انا سمعت انه تغير ووو
قاطعها بتعجب: تالا ؟ لا تقلي لي انك كنتي تشتيه
عبدالرحمن: بعد ذي فعل ؟ لما وقف الزواجه قبل العرس، حرام لو يدي وزنك ذهب
شافت ل عبدالرحمن بالم ورجاء وخيبه وشله نفسها ودخلت المطبخ تكمل طبخ ودموعها تنزل وهي تحاول تتوهم ان الحوار ذا ما حصلش وانه اهلها اكيد بيوافقو لو رجع نبيل …
ابو تالا اللي كان مستغرب من رده فعل بنته اللي تغير ، وحس ان في باقي مشاعر لنبيل ، تالا بنته الوحيده واي شي يحزنها يحزنه ، لكنه شايف ان نبيل ما يستاهلها وانه مش مستعد يغامر بها مره ثانيه

نبيل اللي رجع من عند ابو تالا محمل بهموم الدنيا على كتفه ، ماقدر حتى يتعشي دخل غرفته وبدات عيونه تمطر الدموع بلا توقف وهي يتذكر كلام ابو تالا " نبيل انت حد محترم ، وابن ناس وما شفنا منك الا كل خير وكل الناس تمدحك وتحبك بس انك تزوجت قبل عرسك ب اسبوعين من خطيبه اخوك وتركت بنتي كيف تشتيني ازوجك بها مره ثانيه "
ويتذكر ويبكي " نبيل ! تالا خلاص ماعاد بتكونش لك شلها من راسك ، تالا عمرها ماكانت رقم اثنين، ذي بنتي ووحيدتي لا معها لا ام ولا اخت وتبهدله بحياتها كثير واكثره بسببك ، فخلاص هي مش رخيصه عشان ارجعها لك بعد ذي فعلته "
مش قادر يتجاوز صدمته وهو يتذكر " نبيل ، لو تدي لي وزن تالا ذهب ، مستحيل بزوجها لك ، خلاص شوف حياتك وخلي بنتي بحالها ، ذي غلطتك تحمل نتيجتها"
كان يبكي بلا توقف ورسل لها : انا عمري ما حبيت غيرك ، طول ذي السنين ماقدرتي تطلعي من راسي ، انتي كنتي دافعي الوحيد اني اعيش انا احس اني احارب القدر عشان اخذك ، بس تالا انا مش قادر افكر بغيرك ابداً .
……..
قامت من النوم بفرع ، وانتبهت" اوف الحمد لله انا في البيت وكل شي انتهى "
رده راسها ع المخده وفتحت عيونها : اوه ايش عاد صار مع ادم ؟
تذكرت لما مسك خالد وتضارب معه عشانها وابتسمت " اول مره احس ان في حد اطمئن له بدل ما اخاف منه ، ايش المختلف به مدري ؟ هل يمكن عشان عيونه بتذكرني بعيون ايدن ونفس الامان اللي حسيته ذيك اللحظه بحسه مع ادم الان ؟"
شافت التلفون ورساله القروب وقامت لبست خرجت وامها بتفطر مع ايدن وتتكلم معه
شافت لغرام: بنتي تعالي تعالي افطري معنا
كان هو يشوف لها ومش قادر يشل عينه منها " انا مش مصدق ان غرام اصبحت زوجتي ، احس انها اعظم شي امتلكته للان !"
ام غرام ملاحظه عليه وغرام جلست: يالله ي ادم عشان معنا شغل
ابتسم وشاف امامه " كيف مش ملاحظه ذا الحب، ولا عاطيته اهتمام ، بس يالله مثل ماقالت امها ، غرام بتشعر معي بالامان والامان بيجر بعده الحب اكيد "
ام غرام قاطعته صمتهم : على فكره ي غرام ، انا حبيت زوجك
مجرد ماقالت كذا غرام : يممممه يمممه اسمه ادم ادم مش زوجك لا تقولي زوجك مره ثانيه ما احب ذي الكلمه
ام غرام: ههههههههههه ليش
غرام: ما احبها ، وبعدين هو للان مش زوجي احنا بينا اتفاق بعد سنه نقرر
ضحك ورد ظهره: لا لا اعذريني، انا معي ورقه موقعه منك انك زوجتي
قلبت عيونها: اوووف ونرجع لموضوع زوجي وزوجتي ، ادم شوف ضروري تلتزم ب الشروط
ادم: بس ماكانتش من ضمن الشروط ما اقول زوجتي
ام غرام تضحك وهي تشوفهم بس
غرام التفتت ل امها: ايوه اضحكي ، افعلي مشاكل بيننا واضحكي

البارت 41

وصلت وهم ب الاجتماع دخلت ورحبو بها وباركو لها وعلياء تشوفها بصمت وداخلها غل وحقد والم ، طلبت قهوه وهي متعمده ، ايدن اللي مطر يكمل بدور هذا ، دخل لها القهوه وغرام بينهم ، علياء بتهكم : هو هذا اللي تزوجتيه ي غرام ؟
ترك القهوه ع الطاوله ووقفت هي وتشوف له ب استهزاء: من بين كل الناس ما تزوجتي الا ذا ؟
القهوجي حقي ؟
ايدن يشوف لها وخايف يرد تكلم غرام عنه الا انه حاول يرد
بس غرام قاطعته: اعتقد ي استاذه انه احنا اجتماعنا للعمل ، فياليت تخلي المسائل الشخصيه على جنب
علياء سكتت وهو طلع ونفسه يقطعها ، كمل الاجتماع وغرام خارجه علياء وقفتها: قلي ل ادم يدي لي شاي
غرام: حاضر
قالتها وطلعت وسارت لعنده: الاستاذه علياء قالت تشتي شاي
ايدن بنرفزه: مالها كل شويه تشتي شاي ايش منشف ريقها
غرام ضحكت: ادم لا تهتم علياء كذا طبعها زفت وفضه قوي مالك منها
ايدن: انا افكر انقل مكان ثاني انا معي شهاده جامعيه بشتغل به
غرام : احسن لو تقدر اطلع ، بس تعرف ي ادم ؟ انا اول مره احس علياء مهتم لحد كذا وهو انت ، ما اعرفش لو انا اتوهم بس احس علياء مهتمه بك وبموضوعك مدري ليش
قاطعها: تتوهمي
غرام: يمكن ؟
خرجت وهو شل الشاي ودخله لعلياء طرحه ع الطاوله وشاف لها بنرفزه: خلي في بالش ان صبري بينفذ عليش
ابتسمت ووقفت لعنده: هه ، انت مستوعب انك خنتني ؟
قال ب ابتسامه استهزاء: هه خنتك ؟ لايكون كنتي مصدقه اني بخطبك
علياء: انتي خطيبي ومازلت خطيبي واكيد غرام مساله وقت، اكيد انا اشيك منها وانا مديره الشركه
ايدن: تعرفي ي علياء ، مشكلتك انك ماديه بحت ، يعني كانك مش انسان
ضحكت: الناس كلهم ماديين
ايدن: ان تكرر هذا الامر مع غرام بترك لك الشركه واروح
علياء: انا قلت لك لا تدخل بيننا ؟ ولا تقدر تترك الشركه ولو تركتها صدقني بقل لغرام كل شي
ايدن بضبح: ومفكره عتذلني ذلحين
علياء: لا لا
ونادت بصوت رافع: غررررررام
توتر هو ، وهي دخلت : ايوه ي استاذه
علياء: تعالي تعالي شوفي ادم ذا ايش هو
كان يشوف لغرام متوتر ويكلم نفسه " ايش بتفعل الممجونه ذي ! مش وقته خالص؟"
عندما قالت وهي تشوف توتره: طلع قهوجي فاشل ، كم مره عملتيه ع الشاي حقي وللان ما ضبطه
غرام شافت له ب ابتسامه: ادم انا قلت لك على شاي الاستاذه علياء
ايدن بتوتر: نسيت المره ذي كنت سرحان
علياء: خلاص خلاص غرام اخرجي بفهمه انا ، وسامحه عشان عريس
شافت له وطلعت وهو قرب من علياء ودفها للجدار: ايش بتفعلي انتي
علياء: شوف لا عاد تدخل بيننا ولا تفكر تخرج من عندي والا بكلمها كل شي واقل لها انك خطيبي وهي سرقتك مني
شاف لها بقرف: شوفي انتي لو اخر واحده بالدنيا ذي ما بتزوجك ولا كنت ناوي اتزوجك
طلع وهي تشوف بعده " انا بوريك الا ما ترجع لي "
خرج وغرام وقفته : انقل لك من عندها احسن
ايدن: انا فكرت بس قلت ما بتركك بظل معك
سكتت ورجعت مكتبها وهو يشوف لها ويكلم نفسه " انتي بقيتي تدعي لما الله استجاب لك واديني غصب لهانا عشان اقابلك ووقعت بك وقعه قويه والان تشتي تبعديني عنك !"
قاطعه سرحانه هبه : ايش ذا عريس وما تهنيت
شاف لها
هبه: مالك سرحان ب الاستاذه غرام هكذا ، اللي يشوفك يقل انك ماقطعت نص المشوار وتزوجتها وكانك جالس تتمنيها وما حصلتها
ايدن: هو اكيد مابش عريس يدوم ب اول اسبوع
هبه : هههههههه
مشي وهي قربت من غرام: مالك ما تعطلتي بعرسك
غرام: اتعطل ليش ، هو زواج يعني العمر كله خلاص
هبه جلست: هههههههههه انتي غريبه غرررريبه
الا بسالك مابتسوو عرس
غرام : لا
هبه: ههههه ليش
غرام: مش حابه وقفلي سيره الزواجه ذي
سكتت وهي تشوف لها مستغربه ..
……
تالا كانت بغرفتها تقراء رساله نبيل مرات ومرات وتبكي " انا كنت فكرت انه خلاص احنا بنرجع لبعض وينتهي كل شي بس كل شي خارب اصلاً"

البارت 42

ابو ايدن كان يتبع اخباره من نبيل ، المساء وهم خارجين من الشغل بتطلع السياره وقفها، انا بسوق
غرام ابتسمت: تعرف
مكنته المفتاح وطلع وطلعت جنبه وبدا يسوق وهم ساكتين كان يحاول يكسر الصمت اللي بينهم وقال: انتي عارفه ي غرامي **
قاطعته: اييييش غرامي ذي ؟ اسمي غرام
ايدن شاف لها ورجع يشوف امامه : محد يدلعك
وهي تتكلم: لا تدلعني ولا ترمسسني لا تنسى احنا بينا اتفاق نتزوج سنه نشوف بنكمل او لا
قاطعها: هههه لا لا ما اتفقناش نكمل او لا احنا اتفقنا اعطيك سنه تتقبلي بها وجودي وتعرفي ي شيخه انا بعتبر السنه ذي مثل فتره خطوبه ، بس ما اتفقناش نترك بعدها الا لو استكفيتي مني الان وترجعي بكلامك
غرام ضحكت: ههههه لا ما برجع بس يمكن انت ما تتحمل
ايدن سحب نفس عميق وقال: لا تخافي انا نفسي طويل خاااصه بالاشياء اللي احبها
سكتت وتشوف امامها بصمت وهي تحاول تقطع له نظرات بدون ما ينتبهه " ليش اشوف له كذا ! انا ولا مره حد اثار بي رغبه النظر له الا ادم ، في شي ، في مشاعر انا مش قادره ارتبها ولا افهمها بس اكيد مش بس الاطمنان "
نزلت ودخل معها وهم يتكلمو : يعني ما بنسوي عرس الا بعد سنه
غرام: ولا حتى بعد سنه
ايدن: مش بكيفش
فتحت امها وهم يتناقشو وهي ضحكت: ع ايش تتناقرو
غرام: قال يشتي عرس
ام غرام: عاد كنت بتكلم
ايدن: شفتي ي عمه حتى عرسي تشتي تحرمني منه
غرام: مش ضروري انا ما احبش اعمل عرس ويقولو لي العروسه والعروسه يييييييععع
ايدن: خلاص انا قلت لش بعتبر الان انه احنا مخطوبين بس بعد سنه من الان بنعمل عرس وتلبسي لي فستان ابيض وتعملي**
قاطعته: هه في احلامك
ام غرام: هههههه مش وقت الصياح تعالو اتعشو
ايدن جلس: الله قدنا ميت جوع
غرام جلست وتشوف ل امها اللي مبتسمه وتشوف ل ادم: يمممه مالك بتشوفي له كذا ، ليش ما تشوفي لي انا
ايدن: الله الله والغيره
ام غرام: ادم جديد وانا مازلت اتعرف عليه
غرام: ايوه بس ليش مبسوطه به
ام غرام: لانه زوج بنتي الوحيده
غرام قامت: يمه انا قلت لش ذي الكلمه لا تزيدي تقوليها خلاص خلو لكم العشاء
قامت وهي تصيح بعدها وتضحك: هههه خلاص ارجعي خلااص ولا ازيد اتكلم
ايدن يتمسخر: خلاص نصيح لش المطلقه
التفتت ل ايدن اللي كان يشوف بعد غرام ب ابتسامه وقالت: بتتغير مع الوقت
ايدن: وانا مش مستعجل تاخذ راحتها ..

البارت 43

تركت لهم العشاء ودخلت ، كان يشوف ل عبدالرحمن: مالها اختك ، من حين كلمتها على نبيل ووجهها مقلوب توقعتو عتفرح
عبدالرحمن : حتى انا لاحظت ، لكن سهل ربنا عيعوضها بالذي احسن منه
ابو تالا ترك الاكل من يده: خلني ادخل اشوفها
قام ودخل وهي تبكي ب انهيار غطت وجهها وفزع هو: تالا ؟ بنتي مالش
جلس جنبها وهي تحاول تغطي وجهها وانفجرت بكاء
ضمها بقوه: تالا ؟؟؟ مالش ي بنتي مالش ي قطعه من قلبي ، انتي مريضه ؟ بش شي ؟ حد زعلش
كانت تبكي ومنهاره
ابوها وهو يضمها ويحاول يهدائها كان قلق عليها جداً : تالا قلي لي مالك
شافت له : مابش شي بس مريضه شوي بطني بتوجعني
ابوها وقف: طيب البسي اشلش المشفى ، نرجع لعند الدكتور ذي عملتي العمليه عنده نشوف لو هو بسببها
تالا وهي تبكي: هو وجع خفيف بس انا نفسيتي تاعبه
ابوها: خفيف ولا قوي تعالي نبسر مالش ، ولو تشتي اسرحش لدكتور نفسي بشلش عادي ، انا كم معي بنات ؟ هو بس انتي ي بنتي
كانت تحاول تمسح دموعها اللي تنزل وهي تلبس العبايه وهو يشوف لها بالم ..

وصلت علياء وبتكلم غرام: ادم جاء ؟
غرام : ايوه
علياء قالت وهي تدخل مكتبها: خليه يعمل لي شاي ويديه
غلقت وغرام تكلم نفسها" غريبه ، بالعاده كانت توصل تقل قلي للقهوجي يفعل لي شاي ، بس ادم بتسال عليه ، معقوله بس مستحيل علياء مظهريه ليش بتهتم ل ادم اصلا"
سارت لعنده: علياء قالت اعمل لها شاي وسرحه
وقف لعندها: وانتي ما تشتيش شاي من ايدي
ضحكت: هههه انا اشتي قهوه
ادم: حاضر من عيوني
غرام : يييععع ادم اكرررررههه التصرفات ذي
ادم: خلاص مش من عيوني من يدي
غرام:ههههه ايوه كذا اكيد مابش عيون تعمل قهوه
ادم : محد يدلعش انتي قد قلت لش
مشت وهو يشوف بعدها " متى افتك من علياء ذي، او ابقى بالشغل ذا ؟"
…
تالا وصلت المشفى دخلت عند الدكتور فهد اللي رحب بها اول ماشافها: اهلا وسهلا ، خير سلاامات
ابو تالا: قالت بطنها بتوجعها قلت نبسر لو هو بسبب العمليه
فهد: قولي لي وين الوجع ؟
تالا: اسفل بطني واسفل ظهري واحس الالم يمتدد لرجولي
فهد كتب على ورقه ومكنهم: افعلو لي مقطعيه على البطن والحوض وارجعي
تالا اخذتها وخرجت وابوها كان قلق عليها جداً …
……
خرجت علياء وادم بيتكلم مع غرام: يالله نروح
كانت تشوف لهم قد عتنفجر واقتربت : اخر شي اتوقعه
كانت تتكلم وهي تاشر بيدها ب استهزاء : انتي ي غرام مع هذا ! كيف نزلتي لذي المستوى
غرام شافت لها: ما تلاحظي ي استاذه علياء انك مهتمه بالموضوع ذا قوي ؟
انتبهة ورفعت حاجبها بضبح: انا مهتمه ؟؟ هه لا مهتمه ولاشي
ايدن ساكت ،
علياء: احرقووو
قالتها ومشت وهو يشوف بعدها” ذي المريضه بتفضحني امام غرام قبل ما انا اجهزها نفسياً تتقبل الموضوع “
غرام تشوف بعدها : اول مره علياء تجلس تعيد وتكرر في شي ، مدري مالها سع المقهوره
ايدن: ماعليش منها يالله نروح ..

البارت 44

وصلها لامام البيت : انا ما بنزل بروح عند واحد صاحبي من فتره ما شفته
غرام بغرابه: طيب
ايدن رجع لكافيه جنب المشفى اللي نبيل بيشتغل به كان متواعد به معه ، وصل سلم عليه
نبيل: خلاص من حين تزوجت ماعاد شفتك
ايدن: والله ابي سحب علي كل شي البطاقه البنكيه والسياره وانا ذلحين جيت بسياره غرام
نبيل: وكيف تغيرت حياتك
ايدن: هههه اكيد تغيرت انا متعود على الفلوس بيدي الان الموضوع صعب، الراتب الذي اشله من الشركه مش مكفي ، رغم ان غرام مغطيه كل شي
نبيل: وليش ماتدور لك شغل بوضيفتك
ايدن: فكرت بس علياء التافهه ماسكتني من يدي ، قالت لو اخرج بتكلم غرام وهذا مش وقته
نبيل: وليش ؟ ليش للان مخبي عليها
ايدن: حاجه في نفسي ي اخي ، في شي في بالي اكمله وبعدين يحلها الله
نبيل : معقوله ماشكت بك
ايدن: خاااااالص ولا متوقعه حتى 1٪؜
نبيل : وعلياء مالها ، مش قادره تتخطي انك ما تشتيها
ايدن: مدري مريضه واحده انا ما الوم بها الا ابي على ايش عاجبته ، المشكله ابي عطيها الصلاحيات كلها وهي ماصدقت
نبيل : الصدق هي مستفزه قوي
وهم يتكلم اقترب فهد: دكتور نبيل انت هنا
نبيل : اهلا فهد انا كملت دوام قلت اجي اجلس شوي مع صاحبي
فهد: انا قلت بدخل اشرب قهوه وارجع المشفى
نبيل: اجلس اجلس بس انا وصاحبي
فهد سلم على ايدن وهو كذالك و جلس وهو يتكلم: انت عارف من جالي اليوم للعياده ؟
نبيل بغرابه : من
فهد : البنت الذي كانت خطيبتك
مجرد ماقال كذا لاحظ فهد وادين تغير لونه واهتمامه: لييش ؟ فيها شي ؟
ايدن يشوف بس لنبيل وفهد يكمل: مدري قالت مريضه بطنها توجعها وطلبت منها مقطعيه وبكره نشوفها
نبيل: فهد متاكد ، قل لي
فهد: اهداء اهداء مابش غير ذا
نبيل: طيب انتبهه لها ي فهد وقل لي كل شي
فهد: لهذي الدرجه يهمك امرها
نبيل : واكثر ي فهد واكثر
فهد: حاضر اقل لك كل شي ..
…..
ايدن رجع البيت كان الكل نام دخل غرفته وتمدد على الفراش بتعب : الله يشلش ي علياء صدقتي اننا شغال عند جدتش

علياء كانت تتذكر ايدن مع غرام وتنقهر : ايش بها غرام افضل مني ؟ ليش فضلها علي ليش ؟ المفروض انه معي الان مش معها ، بس سهل هو بيرجع لي اكيد

نبيل روح البيت وباله مشغول عند تالا مسك التلفون ورسل لها “ مالك ي حبيبتي ؟”
تالا سمعت الاشعار وقامت من النوم وردت: نبيل خلاص احنا مش نصيب لبعض كل واحد مننا في طريق
نبيل: اي طريق اروحها ي تالا وكل طرقي اليك ؟ انتي كل جهاتي وبعدين الدكتور فهد قال لي انش سرتي اليوم المشفى وانا قلقت عليش قوي
تالا : ايوه سرت بطني بتوجعني مدريش هو من العمليه او لاني زعلت قوووي لما ابي رفضك
نبيل سحب نفس عميق ورد لها : تالا لا تفكري انه لو رفضني ابوك خلاص ، لا انا مازلت مصمم عليك وبحاول الف مره عشانك ، بس امانه لا تحرميني منك ، لا تقطعي التواصل حتى ب الشهر مره
تالا: نبيل ابي رافض قووي مستحيل بيغير رايهه
نبيل: انا للان ما جاني يإس ، انا مازلت متمسك بك ! تالا انتي مفكره اني ماحاولت بعد ما تزوجتي انساك واستقر واتزوج ، انا حاولت مرات ومرات وماقدرت ، ماقدرت اطلعك من راسي ولا من قلبي ، اما تكوني معي او ماعاد اشتيش اتزوج والله ، انا مش قادر اشيلش من راسي ولا انسى ذكرياتنا ولا مواقفنا ، ولا قدرت اي واحده تعبي مكانك ولا تكون انتي ، ولاقدرت اتقبل غيرك اصلاً
قراءتها وغلقت وجلست تبكي …

البارت 45

قام الصباح وهي مع امها بالصاله : شذى وين الشاي
ام غرام شافت له وبابتسامه: عادني قلت بجي اصحيك تفطر معنا
غرام شافت له: ليش تاخرت ب النوم متى رجعت امس وين كنت ؟
ايدن: قلت لش كنت مع صاحبي
غرام: ايوه صاحبك لوقت متاخر
ابتسم: او بتغاري ؟
غرام: ووععع قال اغار الموضوع بس فضول
ام غرام: عادي من حقك تسالي وتغيري حتى !هو ** قاطعتها غرام: يمه امانه امانه لا عاد تفتحي لنا موضوع زوجك وزوجك انا ما غرتش انا استغربت بس
وجلس تكلم نفسها" انا ما اعرفش عنه حاجات كثير ، كيف وثقت به بسرعه ؟!"
غسل وجهه ويداته وجلس : صاحبي دكتور وبيكمل دوامه بوقت متاخر عشان كذا تاخرت
ام غرام: دكتووور
ايدن : ايوه دكتور جراح وشاطر جداً
ام غرام: ماشاء الله وانت ايش درست ، او ما كملتش
ايدن: لا درست اداره اعمال ، بس ماحصلتش وضيفه سوا وودفي بي الله لعند علياء
اول ماقال كذا غرام انفجرت ضحك
ام غرام بغرابه: من هيه علياء
غرام: يمه ذي مديره الشركه ذي نشتغل بها
ام غرام ضحكت: شكلها مشي تمام
ايدن: ايوه ي عمه مش تماما و تسد النفس
غرام تضحك بس
ايدن كمل اكل ووقف: يالله ي استاذه غرام انا بغسل ايدي وانتظرك ب السياره
غرام هزت راسها: تمام
…….
صالح وموسى كانو يتكلمو مع خالد ..
صالح: انت كيف سكت ؟ يعني تسافر وتتزوج بدون علمنا
موسى: انت من جدك ي خالد ؟؟
خالد بضبح: ليش واحنا متى كنا مع غرام عشان نلومها ؟ غرام طول عمرها تحارب لوحدها ، خلاص تزوجت الله يستر عليها
صالح: خالد ؟ ايش وقع بك ، لا لا ذا مش انت ، من متى بتذكر اسمها اصلا
خالد : بصراحه انا ماعاد بتدخل بغرام ، احس اننا ظلمتها لو تشتو انتم تتحملو بها تحملو
فلتهم ومشي وهم منصدمين بعده ؟!
…….
اليوم الثاني جاء له للعمل : سلام
ايدن التفتت له نبيل مات صحك: هههههههه اقسم بالله شكلك فضيع وانت تصلح الشاي
ايدن بضبح: لا وشاي مخصوص كمان للاستاذه علياء
نبيل يضحك: هههههههه اخر شي توقعت اشوفه
ايدن : اجلس اجلس قل لي ما جابك
نبيل اقترب منه: جيت اقل لك لو محتاج فلوس او شي انا موجود اطلب !
ايدن ابتسم: لا ي نبيل انا ماشكيت لك امس لاني محتاج ، الحمد لله الحال مستور
نبيل : تصدق والله ما توقعت تصبر اسبوع
ايدن: والله الحياه ذي بتعلمك تتاقلم ع كل شي ، صح صعب بس غرام تستاهل
واقترب منه: من البنت ذي غيرت لونك امس ؟ خطيبتك ذي ايش قصتها
نبيل : اااخخخ ي ايدن قصه طويل ، ذي البنت اول حب لي والوحيد، تخيل كنا جيران ، اول مره شفتها كان عمري 13 سنه ، طبعت في عقلي ولا عاد قدرت انساها ، بيننا ذكريات كثير ، طفولتي ومراهقتي وشبابي كان كله معها
ايدن: الله الله ، وليش ما تزوجتم
نبيل: قصه طويله قوي برجع احكيها لك ، المهم انا شرحلي كمل عملك ،
قالها وضحك: ههههه انتبهه لشاي لتزعل علياء
خرج وهو مبتسم بعده وسكب الشاي ودخله لعلياء تركه بقوه : اشربي سم يسم بدنك
ضحكت : مالك ي ابن عمي، مالك علي ، ليش تشتي تموتني
ايدن: علياء اسمعي شغل القهوه ذا مضبحني ، شوفي لي وضيفه حلوه هنا
علياء: لا ي قلبي ل انت تشتي وضيفه تليق بك او اقول لك توقع مدير ، اصلا المال مال ابوك ، لكن تعرف طلبه، غرام المعفنه ذي تفلتها
قاطعها بضبح: اعرفي كيف تتكلمي
خرج وهي تشوف بعده ، غرام كانت على المكتب شاف لها شوي واقترب منها : شاهي قهوه ، اعمل لش شي
ابتسمت : لا تسلم
علياء سمعت صوته وفتحت واقتربت ،: غرام
تركت لها ورق: كملي لي هذول
والتفتت ل ايدن: الا غرام انتي كيف تتزوجي حد ما تعرفي عنه شي ؟
كانت تشوف ل ايدن وهو يشوف لها
غرام بغرابه: ايش
علياء: قولي لي ايش تعرفي عن ادم يعني افترضي متزوج او خاطب وانتي سرقتيه

البارت 46

غرام بغرابه : كيف
علياء: اقصد ادم كان جديد بالشغل يعني ربما يكون معه علاقه سابقه
قاطعها : استاذه علياء ، ممكن لا تدخلي بعلاقتي مع غرام ، هي تعرفني وتعرف ان انا لا خاطب ولا متزوج
ولا كان به واحده بحياتي قبل ما اتزوجها هي وبس
غرام بغرابه : استاذه علياء ، انتي تعرفي ادم ؟
رده بسرعه بعد ماخافت من نظرات ايدن: لا طبعا وانا اعرفه من فين انا بس استغربت وبعدين انا من وين اعرف ذي الاشكال
قالتها ودخلت مكتبها وهي شافت له: اكيد انا ما اتخيل ي ادم ، علياء مهتمه بك قوي ، لييش؟ علياء عمرها ما اهتمت بحد كذا
كان يشوف بعد علياء ورجع التفتت لها: صدقيني لا مهتمه ولاشي بس تشتي تنرفزك واحده مغروره ومريضه
شافت له وهي حاسه ان في شي ناقص
……
تالا وابوها اخذو المقطعيه ورجعو لدكتور ، اول مادخلت ابتسم : ي مرحبا اهلا
اجلسو اجلسو
جلست وشاف لها وهو يتذكر توصيه نبيل : واليوم كيفك
تالا: مثل كل يوم بس احس كل يوم يكون اسوء شوي
الدكتور مد يده : وريني كذا
مكنته المقطعيه وشافها وسكت بشكل اربك ابوها: طمنا ي دكتور
فهد جلس يشوف للاشعه للحظات ووقف: لحظه عطوني دقيقه بس وارجع
خرج وهم يشوف لبعض وابوها توتر : ان شاء الله خير

اخذ الاشعه ونزل لنبيل كان معه مرضى يراجعو بعد العمليات الا انه دخل : نبيل
نبيل بغرابه: خير دكتور فهد
ترك له الاشعه: شوف وقل لي رايك
نبيل مسكهن وقري اسمها: تبع تالا ؟
فهد هز راسه: ايوه
نبيل فتح الاشعه بيشوف وتغير لونه وفهد يتكلم : مازالت متاثره من الحادث ذي حصل معها
نبيل كان مصدوم
فهد: هي وابوها بعيادتي وماعرفت ايش ارد عليهم
نبيل ترك الاشعه من يده ومزاجه انقلب : قل لهم يدخلو الرقود لما نشوف ايش بنفعل، نكلم الدكتوره هاله ونشوف
فهد : طيب
شلهن وخرج ونبيل انقلب مزاجه وبالكاد كمل عمله
فهد طلع وهم متوترين وجلس
ابو تالا: طمنا ي دكتور مالك اقلقتنا
فهد : بصراحه ، انتي لازم تدخلي الرقود
ابو تالا بسرعه: رقود ! رقود ليش
تالا تشوف له بغرابه
فهد : هل تقرير المقطعيه الاول مازال موجود
ابو تالا: ايوه
فهد :هات وبنراجعه مع الدكتور نبيل والدكتوره هاله بس اللي اشتي اقله انك ي تالا محتاجه عمليه وب اسرع وقت
ابو تالا فزع: عمليه عمليه ليش ؟
تالا: ايش في ي دكتور
ابو تالا: لا يكون كمان الكلى الثانيه اضطرت
فهد: لا ، الحادثه اللي حصلت مع تالا للاسف اثرت على الرحم ، احنا يمكن مالاحظنا ذا سابقنا بس الان الموضوع اصبح خطير ، وضروري نشيل لها الرحم ب اسرع وقت
مجرد ماقال كذا هي صاحت بسرعه: لااا ، لا بالله عليك ، انا ماخلفت للان ، انت ايش تقول ي دكتور ! خليني اموت ، اموت اهون عندي من الكلام اللي بتقوله ، انا مامعي ولا حتى طفل واحد ، عادنب ب اول عمري ايش بتقول انت
ابو تالا مصدوم ومش قادر يتكلم وهو يشوفها تتكلم ودموعها تنزل
فهد: اهدائي اهدائي كل هذا نصيب وقدر ومحد يهرب من قدره، والله بيدي شي وينمع شي الان ضروري تدخلي الرقود لما نقرر وقت العمليه
تالاب انفعال :عمليه ايش مش عامله
ابو تالا مسكها : اهدائي ي بنتي اهدائي
مسكها وطلعها وهي تبكي وهو يتصل لعبد الرحمن: ابني هات الاشعه المقطعيه الاوله حق اختك وتعال
عبدالرحمن: ليش يبه؟ ماله صوتك به شي
ابو تالا: تعال ونتكلم
دخلها غرفه الرقود وهو يهدائها وهي تبكي: يبه روحني مشتيش عمليه
الممرضه جنبها: اهدائي اهدائي اصلح لش المغذيه
تالا بصياح: مشتيش
وهي ب انفعالها نبيل دخل: اهدائي ما بيحصل ولاشي غصب عنك .

البارت 47

نبيل : ما بيحصل شي غصب عنك
شافت نبيل وانهارت اكثر
وابوها سحبه لخارج: انت ايش بتفعل هانا
نبيل: اهداء ي عم اهداء انا اشتغل هنا وانا كنت من الذي دخلو العمليه الاوله ل تالا
ابوها سرح ويكلم نفسه" يعني تالا التقت بنبيل ؟"
ورجع شاف له: انا بشل بنتي مشفى ثاني احسن من حقكم
نبيل مسك يده: ي عم انا فدا لك اهداء خليني افهمك لا تخاطر بحياتها اسمعني ي عم تالا مش بوضع يسمح لها تلف المشفيات واصلا ذا من احسن المشفيات هانا ما بتحصل احسن منه وكمان ي عم انا اخاف تسرحها مشفى ثاني يقولو لك ما تحتاج عمليه وتموت البنت ، تالا اذا ما عملت العمليه بتموت
ابو تالا: ايوه ي نبيل وليش ما تكون انت قررت مع صاحبك كذا عشان تحرم بنتي من الزواجه
قال ب اسف: الله المستعان ي عم الله المستعان ، انا معي ضمير مهني وانساني وليش بعمل كذا ب تالا وانا مازلت شاري البنت وراغب بها وانت اللي للان رافضني رغم اني قلت لك افعل اي حاجه تطلبها
قاطعهم عبد الرحمن اللي كان يشوف لنبيل واقترب: يبه
نبيل شاف له وهو مكن ابوه: ذي المقطعيه ايش به ؟
ابوه اخذه وقال له: ادخل عند اختك هدائها وهي بتحكي لك
عبد الرحمن دخل ونبيل مازل ماسك يده: تعال معي ي عم بشرح لك حاله تالا ، انا لي منعك لا تخلي كرهك لي ياثر على حياتها
سكت وهو حب راسه: انا لي منعك
مشي معه وهو دخله عياداته : اجلس ي عم
جلس وهو زاعل على بنته جداً ، نبيل مسك المقطعه: بوريك الان ايش حصل
رفع الاوله : بتشوف النقطه السوداء الصغيره ذي
ابو تالا هز راسه
وهو رافع الثاني : بتشوف الان كيف غطت المنطقه كلها ؟ الان هذا الجزء كله يعتبر ميت مابيوصلهش الدم اصلا وضروري نشيله ب اقرب وقت والا لاسمح الله تالا بتموت
ابو تالا قالها بحزن: كله بسببك ي نبيل لوما فلتها مازوجتها لذاك
مجرد ماقال كذا نبيل ترك المقطعيه ب الم واقترب منه وجلس ب الكرسي المقابل له والصمت مستمر بينهم ونزل راسه ورفعه ويحاول يتكلم لكن غلبته الدموع ، نزلت وغص بها وابو تالا يشوف
وقال كلام اختلط بدموع ومشاعر الم: لا تحملني فوق طاقتي ي عم ، اقسم بالله كنت مجبور ولا اقدر اشرح لك ، لكن اقسم بالله اني احب بنتك واني ابكي عليها ذي الدموع كل ليله
ابو تالا كان منصدم من دموع نبيل اللي بيشوفها لاول مره ولمس بها الصدق: بس ليش ي نبيل انت كنت ونعم الاختيار ومابش بك عيب والكامل الله وكنا نحبك
نبيل: يا عم ارجوك افتح معي صفحه جديده
ايو تالا: يعني تشتي تقنعني انك الان بتتتزوج تالا وهي بكليه واحده وكمان بدون رحم وبدون خلفه ؟!
نبيل: حتى لو بدون وجهه انا اشتيها وبشيلها على راسي بس انت ارضي
ابو تالا: خلاص تفتهن ويصير خير
وقف وخرج ونبيل يشوف بعده مقهور على تالا اللي كانت تبكي بحظن عبد الرحمن اللي بيحاول يواسيها
…….
قبل ما يروحو كان جالس مع غرام عندما خرجت علياء والغيره في قلبها : غرام لا تنسي ترسلي لي ذي قلت لك عليه على الواتس
كانت تتكلم وهي تشوف ل ايدن وغرام تشوف امامها: حاضر
عندما رفعت عيونها وشافت النظرات بينها وبينه كانت منصدمه ، علياء بتشوف ل ايدن ولا بيرف لها رمش ، النظرات غريبه ، طول الفتره اللي اشتغلت بها غرام مع علياء هذي اول مره تشوف لحد بذي الطريقه
عندما هو نزل عيونه وهي مشت بقهر
غرام: مالها بتسرح بك كذا ، ادم ذي نظرت اعجاب وحب اكيد انا مش هبلا
ادم: حب ايش ي غرام الله يهديك
غرام: اصلا مش عارفه ليش بتشوف لك كذا رغم انها مخطوبه وانا عارفه انهي متعلقه ب ابن عمها قوي
ايدن: ههههه يمكن رفضها
غرام: هههه لا وليش بيرفضها بس كانو بيقولو انهي بيجي يخطبها وماعاد جاش معرفش ليش
ادم: يمكن بطل وذلحين بتدور عريس
غرام ضحكت: ههههههه بس حتى لو تدور ي ادم ، اكيد ما بتشوفك انت هي مغروره ، لكن انا قدنا منصدمه تصرفاتها معك غير البقيه كلهم ليش معرفش ، اصلا انت الوحيد الذي ترد عليها وما تسب وتنفعل وتطردك
ادم غمز لها: اتخيلي تطلع بتحبني ايش عتفعلي
وقف وبتاخذ شنطتها ب ابتسامه: ماقدرش اتخيل والله انا ماعاد عرفت كيف
خرجت معه وهن يكلم نفسه" كيف اتخلص من علياء بتستفزني موت "
طلع السياره وطلعت جنبه وبتشوف من جهته وعلياء مازلت بسيارتها وتشوف ل ايدن ومقهوره وتكلم نفسها" المفروض انا جنبه مش غرام "
وهي بتكلم: شوفها ب السياره شوف كيف تشوف لك
شغل السياره وشاف لغرام: اكيد عجبتها وسامتي
غرام :هههه مش لذي الدرجه بس كل شي متوقع
….
ابو تالا دخل لعندها وهي تبكي لما نامت وعبد الرحمن جنبها اول مادخل خرج ورد ابوه بهدوء: يبه ليش اديتها هنا ، نبيل يشتغل هنا
ابو تالا: عبد الرحمن نبيل دكتور شاطر وبيشتغل ب احسن ثلاثه مشفيات هانا ووين ما ودينها بيقدر يوصل لها ، وبغض النظر عن انه نبيل بيحب تالا ويشتيها وطلبها مني كثير بس انا مابقدرش اغامر بصحته وحياة اختك عشان ما تحتك بنبيل ، واصلا مجرد ما بتقوم تالا ان شاء الله بزوجها له
عبد الرحمن: تزوجها له ؟ اصلا يمكن مايرضى بعد ما يعرف

ابو تالا وهو يتذكر دموع نبيل: هو عارف وهو طلبها مني اليوم مره ثانيه ، خلي اختك تقوم بسلامه وبسالها ولو وافقت ما بعترض ، ماعاد بحصل لها احسن منه ، يكفي طليقها ومافات مات ، انت الان اشتي منك تشل المقطعيه وغدوه تجزع ع اكثر من دكتوره نساء ونشوف ايش بيقولو ، فهد ونبيل جراحين والجراح اول خيار عنده العمليه ، بس خلنا نشوف يمكن به حل ثاني
عبد الرحمن : حاضر
ابو تالا : روح انت وانا بجلس مع اختك
عبد الرحمن : تمام ، شل المقطعيه وروح
ونبيل جالس بالمشفى وهو يفكر بتالا ويتذكر كيف كانت منهاره وقلبه اكله عليه
ابوها كان جنبها عندما قامت فزعه وشافت انه مازالت ب المشفى ، وبكت: يبه طلع صدق مش حلم ، روحني انا فداك
اقترب منها وهي تبكي وماقدر يتحمل دموعها وكان يبكي معها
تالا: انا ماعاد اشتيش اعيش خلني اروح ل امي يبه ، انا كرهت الحياه ذي
ابو تالا مسك يدها وقبلها وهو حاضنها: بنتي اهدائي
كانت تبكي وهي تتكلم: ويينك يمه تعالي شليني عندش
ابو تالا : اذكري الله
كانت تبكي بصمت ، عندما دخلت الممرضه ومكنته ورقه: ي عم روح اشتري لها ذا العلاج وارجع
ابو تالا وقف: طيب
شله وخرج ونبيل منتظر بعيد شوي شافه خرج ودخل : تالا
شافت له: نبيل !!! لو سمحت لا تفعل لي العمليه ، قل لصاحبك مشتيش
اقترب: تالا ، ضروري اذا مافعلتيها بتموتي
تالا: طيب خليني اموت عادي
نبيل: مش عادي مش عادي، وانا كيف بعيش بعدك ماقدرش اتحمل تروحي مني انا ماصدقت رجعتي لي !

14 حد بس بيتابع الروايه ، بس لا تقلقو حتى لو بس شخص واحد بيقرائها مش 14 بنزلها لعيونكم واكملها❤️

48البارت

تالا: طيب خليني اموت عادي
نبيل: مش عادي مش عادي، وانا كيف بعيش بعدك ماقدرش اتحمل تروحي مني انا ماصدقت رجعتي لي !
تالا: بس نبيل انت للان ما تزوجت ولا خلفت كيف اظلمك معي
نبيل: ايش من ظلم ؟ انتي لو تكوني زوجتي بكون اسعد رجال بالحياه ومشتيش عيال يكفيني محمد
تالا: بس محمد مش ابنك عتضحك ع نفسك او بتضحك علي او كيف
نبيل : تالا انا ايش افعل بالعيال وانا ما احبش امهم ، انا اشتي شريكه حياه اشتيك انتي وبس وبعدين ابن اخي ابني اهدائي انتي وكل شي عيكون تمام ، انا بمشي قبل لايجي ابوش
خرج وهي تشوف بعده ورجعت تبكي
……
ادم وصل مع غرام البيت دخل وهو بيتصايح معها
ام غرام: ايش في واليوم كمان
ايدن: يرضيش ي عمه لنا متزوجين اكثر من نص شهر وللان مش راضيه توريني شعرها
غرام: يمه احنا متفقين الان مثل الخطبه مابش واحد يشوف شعر خطيبته بالخطبه
ام غرام ضحكت: ههههههه بس ي غرام انتو بينكم عقد
ايدن: ايووووه قولي لها ي عمتي ، انا اشتي ابسر شعرها
غرام: لو تموت
ايدن: شكله مش حلو قصير ومنفوش اكيد شجره صح
غرام ضبحت: مادخلك
امها: لا شعر غرام حلو و***
قاطعتها: لا يمه لا تقلي له
التفتت له: ايوه قصير ومنفوش وزفت ايش بتفعل عتطلق طلق
ضحك: ههههههه واطلقش عشان شعرك شجره ؟ لا طبعا الشجره ذي صار من املكي ولا تنسي معي ورقه موقعه منك
غرام بضبح: انا شكلي بقطع الورقه ذي وافتك
ايدن: يعني لوقطعتيها خلاص ماعاد انتيش زوجتي
غرام: يبيخخخ ييييييععع زوجتي ، انا مش زوجه حد افهم
شاف ل امها وهو يضحك: من جد من جد البنت ذي مجنونه
ام غرام: هههههه يالله غسلو ايدكم وتعالو اتعشو
ايدن: تمام
مشي ودق كتف غرام: بشوفه غصب عنك
غرام: شفتي يمه كيف فعل شفتي
ام غرام: هههه كنتو بواحده ذلحين اثنين
…….
علياء روحت وجالسه تتعشي مع امها وابوها بيسالها: صدق ابن عمش هانا قال لي ابوه وانه مستاجره له شقه ماجاءش هنا
علياء: هاه ايوه
ام علياء: وليش ماقلتي لنا
علياء توترت: احسبكم عارفين
ام علياء: شكله استحي يجي هانا من علياء
ابو علياء: كيف يستاجر والبيت ذا بكله حق ابوه بس يالله ، المهم انتي لا تنسي اعزميه غدوه للعشاء خلينا نبسره ونشوف كيف هو
علياء: حاضر وهي تكلم نفسها" ابي لو يعرف اكيد بيبطل الخطبه وانا مشتيش انا متاكده ايدن بيرجع لي "

البارت 49

اليوم الثاني راح عبدالرحمن اكثر من عياده ورجع لعند ابوه : يبه انا سرت اكثر من عياده واكثرهن قالين مثل كلام فهد ونبيل واصلا قالين العمليه خطيره ومايقدرينش يعملينها لوحدهن يحتاجين جراح جنبهن
ابو تالا: خلاص كان قد احنا هنا احسن ، خلينا ننزل عند الدكتوره هاله هذي ذي قال فهد عليها ونبسر ايش عتقل قبل ما تقوم تالا ماصدقت انها نامت شوي
….
غرام كانت في مكتبها وبيدها مقص تحاول تفك به ملف ، عندما خرجت علياء وايدن يشتي يسرح لها شاي ، شافت غرام وداخلها حقد وحسد وغيره منها ، اقتربت من خلفها ودفتها بقوه وكانت بتجرح عينها بس جرحت جبهتها التفت بفز تشوف
وعلياء على طول: بدون قصد **
بتكمل كلامها الا هو قاطعها عندما دفها بقوه للجدار : اييييييييشش عملتي
غرام انصدمت : ادم ادم اهداء حصل خير
علياء: مالك اقل لك بدون قصد
ايدن بصياح: انا شفتك ، انتي متعمده ، اعتذري
عادها بصياح : قلت اعتذري
غرام تحاول تتدارك الامر وهي مصدومه من انفعاله: اهداء انا تمام مابش داعي للاعتذار
انصدمت عندما شافت لها علياء: اسفه
قالتها ودخلت مكتبها ع طول وهو التفتت لغرام ومسك فاين وبانفعال: شوفي الدم ، كانت بتجي في عينك بس الله ستر
مسح الدم ب الفاين وهي تشوف له ومصدومه ومش قادره حتى تتكلم
ورجع قال: بس يالله الجرح سطحي الحمد لله
وانتبهه على دهشتها وقال: اجلسي اجلسي كملي عملك
كانت تشوف له بصمت
ايدن ابتسم: مالك ي غرام ؟ انا انفعلت عليك واصلا استفزتني
هداءت: لا لا بس استغربت من انفعالك بس
ماعرف كيف يلملم الموضوع وقرر ينسحب: خلاص انا برجع عملي تمام
جلست حاولت تكمل شغل بس ماقدرت ، قامت وراحت ل هبه: هبه ، ممكن اجلس
شافت لها: يوووه غرام مال وجهك من جرحك
شافت لها: جرح خفيف مش مهم
جلست وهي تتكلم: اسمعي انتي تتوقعي في شي بين ادم وعلياء
هبه ضحكت: علياء وادم ؟ ههههههه اكيد لا ايش بيكون يعني
غرام : ي اختي علياء كل يوم اول ما توصل تسال ادم وصل ؟ غير انه قبل كم يوم قالت لي يمكن يطلع خاطب او متزوج ي غرام وانتي سرقتيه ؟ استغربت ليش قالت كذا حسيت انهي تعرفه اكثر مني ؟
هبه: هي صح الموضوع غريب بس مش لدرجه بينهم شي
غرام: طيب اسمعي اليوم وانا جالسه احاول افك اوراق مارشفه بالمقص ، علياء دفتني من وراي وقالت بدون قصد ، لكن ادم وصل منفعل ودفها بيده قوي لوراء لما رجعت للجدار وصيح وكان منفعل قوي انا نفسي فجعني
هبه ب اهتمام: طيب وش صار طلبت له الشرطه او طردته او ايش ؟
غرام: لا لا اعتذرت
هبه بدهشه: هه؟ كيف ؟ ايش بتقلي
غرام: والله ، انا نفسي انصدمت
هبه: لا لا اسمعي ماذلحين اكيد في شي ، بس يمكن مش مثل ما انتي مفكره ؟ يمكن انه ماسك عليها شي ؟
غرام تفكر : ممكن والله
هبه: لان لو قلنا معجبه به مستحيل علياء ما تفكرش الا ب الماده ، لكن اكيد يعرف عليها شي مخليها تسكت له وتهتم كذا
غرام: وانا بحاول اعرف هذا الشي

كان هو بيحاول يهداء واخد لها شاي ودخل كانت جالسه مقهوره وقد بتبكي : كنت بدي لش الشاي قبل ما تفعلي ذيك الحركه
تركه وهي تتكلم : ليش مهتم بغرام هكذا
ايدن: كيف ليش مهتم ؟غرام زوجتي او مازلتي مثل ابي متوقعين اني بفلتها ؟ لا مستحيل غرام حبيبتي وزوجتي
وقفت ل امامه بقهر: طيب انا احبك والله انا طول عمري بيقولو لي انتي حق ايدن وهو حقك ، غرام ذي سرقتك مني ، وان كان على تصرفاتي اول ماجيت كلنا بنغلط
ايدن: لا ي علياء انا عمري ماكنت حقك ، انا وانتي ما نتشابهه اصلا ، طباعنا غير ، انا لقيت نفسي عند غرام وانتي اكيد بتلقي حد يشبهك ، بس اكيد مش انا
علياء بقهر تحاول تلملم كرامتها: طيب ابي عزامك اليوم ع العشاء بتروح معي
سكت شوي وقبل ما يتكلم قاطعته: طبعا مايعرف شي ، سال عنك عند عمي وعمي قال له انك هنا وانك مستاجر شقه واصر علي اعزمك
ايدن: طيب تمام
قالها وخرج وهي تشوف بعده ماقدرت تتحمل دقائق وانهارت بالدموع …
……
دخل ابو تالا بيتكلم مع الدكتوره هاله
هاله: انا كلمني امس نبيل بس ماشفت المقطعيه عادنا شفته الان بصراحه الوضع صعب قوي وانا ماقدرش لوحدي اشتي جرح جنبي يعني فهد او نبيل يدخلو معي العمليه
ابو تالا بقلق: لذي الدرجه
هاله: ايوه والله والوقت مش بصالحنا ، انا بتكلم مع فهد او نبيل انتم بس قررو وقت العمليه
ابو تالا:طيب تسلمي

وهو خارج حصل نبيل اللي مسكه على جنب: شوف ي عم انا كتبت لتالا مسكنات ومهداءت اعصاب عشان تنام لانه انفعلت قوي ، وانتم قررو العمليه لغدوه لانه التاخر بيصعب الحاله اكثر ، وعشان احيطك علم انه ممكن تالا بعد العمليه تدخل العنايه ، لانه العمليه صعبه ومش سهله ابدا
ابو تالا: طيب الدكتوره هاله قالت مابتفعلها الا وبه جراح جنبها ، عتفعلها معها
هز راسه بالنفي: لا انا كلمت فهد
ابو تالا : ليش ؟ انت اشطر منه
نبيل: ماقدرش ي عم ، تالا تعتبر من الاقارب لي ماقدرش افعل عمليتها
ابو تالا : طيب
نبيل: بس اوعدك انه بنفعل كل جهدنا انها تقوم ب السلامه !
ابو تالا : هي امانه عندك ي نبيل

نبيل: من غير ما توصي ، انا اهتم بالمرضى حقي فما بالك بكم
ابو تالا بيطلع عندها صادفته سوسن : ي عم
وقف : اهلا ببنتي
سوسن: صدق تالا تاعبه وهي هانا
ابو تالا تنهد بالم: ايوه
سوسن: خلاص خلني بمسي معها الليل واحاول اعدل من نفسيتها
ابو تالا: والله ما اقدر افلتها قلبي بيجلس ياكلني ، لكن انا واثق انك عتهتمي بها يمكن احسن مني ، لكن ي سوسن طمنيني عليها كل شوي
سوسن: من عيوني ي عم