مصيبة موسى بن جعفر مصيبة
بس ماكو مره عنده غريبة
ماعنده خيم وجت.. ولاعنده مره ركضت
غريبة
****
مصابة ياكبر فجع الهضيمه.. يويلي يا امامي
ضل بسجن ذاك اضلم نهاره.. شوصفنه بكلامي
بس ماعنده حرمه ركضت بليل.. تصيح يا خيامي
تشييع اله صار وشيعته الناس.. بس حسين دامي

من فوك الجسر شالته الشيعة
وصبرو اهله بهاي الفجيعة
وعلي شيعته لطمت.. ولاعنده مره ركضت
غريبة
**
جان السجن اضلم وال هاشم..رهبتهم الضلمة
من طلعو بليله حرك الخيام..جبيره وحيل هضمة
النار بكلب موسى ليل ونهار..ومن الكيد دمة
بس النار جوت ال الحسين..من حركو اخيمة

حسين العطش ذبل ذيج الارسوم
موسى بسجن عاش ومات مسموم
جبدته بحقد انسمت.. ولاعنده مره ركضت
غريبة
**
جم عاشر يمر اعليه مسجون..ويذكرها المصيبة
كل عاشر يمره يصلي اكعود.. ودمعاته سجيبة
ليل اهدعش يذكر زينب اشلون.. صلت الغريبة
صلت من تعبها زينب اجلوس.. من امست سليبة

دمعاته على خده ويذكر بليل
من لخيام عمته هجمت الخيل
وبذيج الخيم سلبت.. ولاعنده مره ركضت
غريبة
**
شيعة عنده جانت واله انصار..ومخفية علومة
ماتدري بسجن من؟ جان مسجون..وماتعرف اهمومة
بس حسين وحده بدون انصار.. متوسط الحومة
علية عسكر هجم من وكع عباس..وسلبوها اهدومة

اجو لخيام زينب صاحو اشلون
كتلنه حسين اطلعي شوفي يم عون
حتى اثيابة انسلبت.. ولاعنده مره ركضت
غريبة
**
مصايب ال هاشم تدمي العيون..حطتهم بحيرة
والكاظم حياتة خلصت بلوع..وبكلبة سعيرة
ليش علجسر جابوه مجتول.. ماعنده عشيرة
امام الرافضة هذا يصيحون..هاي شكد جبيرة

خلوها الجنازه بجسر بغداد
عكب ماسممو ذولاك الاوغاد
غريب ولااهل حضرت..ولاعنده مره ركضت
غريبة
***
تمت بعون أمامي باب المراد.ع. 2023/2/12
✍️منتظر الكعبي

اكتب بمطلع القصة الدنيا طاحت لامحال
طبرو الراس الشريف العلمه اثكل من جبال
*"*"*"
ابيت الله عين صلفه اني هيجي ماشفت
ولا اضن اني عرفت

اشلون هيجي براس حيدر نزل السيف السؤال؟
طبروا الراس الشريف العلمه اثكل من جبال

*"*"*"*"

كوم صلي كاله وجن يدري موته بي كرب
وسال دمه ع الترب

ومن اهد ماطبر راسه بوجه الله سيفه شال
طبرو الراس الشريف العلمه اثكل من جبال

*"*"*"*"

على التربة خله راسه استند من كثر النزف موقف الماينوصف

وجن هتف جبريل والله تهدمت كل العوال
طبرو الراس الشريف العلمه اثكل من جبال

*"*"*"*"

انغدر حامي جاره بيها وبصلاته على الاله
جاله يتختل وراه

هيه هيجي اتكون والله هاي اشباه الرجال
طبرو الراس الشريف العلمه اثكل من جبال

*"*"*"*"

شاع بالمحراب طبرو راس اعضم من يكون
طبروا الراس الحنون

ايتام تركض مامصدكة ولا تصدك دمه سال
طبرو الراس الشريف العلمه اثكل من جبال

*"*"*"*"

الضللو شاششت اعيونه يكول هل كان علي؟ يسجد لله العلي

ضللوه يجهل امامه مؤيد بالله تعالى
طبرو الراس الشريف العلمه اثكل من جبال

*"*"*"*"

رجع للبيت الامام و دمه نازل على الوجن
ومدمي ياذاك الجفن

شافته زينب ومالت وعينها بدمعة تلال
طبرو الراس الشريف العلمه اثكل من جبال

*"*"*"*"

ياطبيب الي يداوي راسه حماي الحمة
وعنه يكطعها الدمه

وماريد اسمعها منه يكول مايشفى محال
طبرو الراس الشريف العلمه اثكل من جبال

*"*"*"*"

مصاب فاطم لسة كسره معلق بكلب اليتام
من اهد فعل الأام

من بعد ماسقط محسن بدن جروح الثكال
طبرو الراس الشريف العلمه اثكل من جبال

*"*"*"*"

عظم الله اجر البتول والها هذا اعظم خليل
هم اليها برحيل

يلتقون بجنة الله ومن شفاعتهم ننال
طبرو الراس الشريف العلمه اثكل من جبال

*"*"*"***"
✍🏻 منتظر الكعبي
https://www.tgoop.com/juhsa

ملة حبيب النجار

1
يلردت ابيدك شمس.. رد ياعلي متانينگ
يلعنه غايب من امس.. اندور ضواها العينگ

ليله دمع... وشعلنه لغيابگ شمع
ون اليتامه ينسمع..... ليله دمع

قل ياقدر..... تحرمنه من خير البشر
من دونه ماكو مستقر..... قل ياقدر

ياقدر رجع حنانه.....الفاكد ابو كلشي خسر
ياهو اليعوض مكانه...كلبي من النوح انفطر

اي واعليا اي واعليا اي واعليا 
_______
2
حرمونه من خير العمل.. واتيتمت كل اهلي
وتعجب اهواي الجهل.... هل كان هوه يصلي؟

يال العجب...ماسمعو بطاري الترب
غراهم بشكله الذهب... يال العجب

حكهم بعد.. طبروگ من راسگ سجد
ولدم على وجهگ جمد.. حكهم بعد

حرمونه منك من زغرنه... وقبلك الزهره استشهدت
من سمعو بمسجد طبرتگ... الناس هاي اتعجبت

اي واعليا اي واعليا اي واعليا
______
3
كل مشتكانه من الزمن...الياخذ مثل والدنه
وكت الغروب وكلبي حن...وغيرك يبويه أ شعدنه

عندي اخو..... اي ونعم منه وكفو
بس اني هم محتازه ابو..... عندي اخو

زينب انه.... عمري اعده جم سنه
وضهري أحسنه انحنه.... زينب انه

ها يبويه من وداعگ...صاح الحسن ضهري الوه
بويه دليني على كاعگ.. مختنكه اريدنگ هوه

اي واعليا اي واعليا اي واعليا
______
4
اسود لبسنالگ حزن... فكدگ نوج اشموعه
وحسين كاعد بس يون.. ومحنيه اشوف اضلوعه

نوحه علة....لا ام ولا والد اله
ولا اني هسه امدلاله... نوحه عله

اليله خفت.... من روحتك ماا آمنت
ولا لحضه يابويه نمت... اليله خفت

خايفه ومحتاجه حضنگ...مثلگ بعد لا وين اكو
ياعلي وانسيت جنگ... غيرگ  ولا اريدنه ابو.

اي وعليا اي وعليا اي وعليا
______
5
شنهو الگلام اليختصر... حتى اعبر نوحي
بويه وتحن روحي العصر...وتريدگ انتة روحي

خير العمل...رمضان بويه ماكمل
شو من وكت عفت الاهل.. خير العمل

كلبي جمر... من دونك العيد اليمر
روحي يبويه تنقهر... كلبي جمر

ماريده من دونگ يمرني.. ولا أعيد بدونگ ابد
بويه الحزن كلش هضمني..ولصبر عن كلبي ابتعد

اي واعليا اي واعليا
____
. منتظر الكعبي

لحن القصيده الموفق حبيب النجار

بليلة عاشر الهضم..بيهم ضاعن تلم.. ايتام ونساء
نار وصحره كربلة..وهامت هل عايلة.. بذاك العراء

اشلون..وحايره ام عون
تركض برجليها جمره
بليل.. وهجمت الخيل
وين تلكيهن بصحره

اتباوع صوب النهر عدها بالكافل امل
صعدت تل بكثر همها بيها اتحس هدل
صح طايح الاخو بس عينه على الاهل
~~~~
مارادن يجي الصبح.. ينظرن على رمح..راس الحنين
اتمنن ليله الحرك.. ولا شوفه منسحك.. جسم الحسين

اه.. من بعد اه
والحرك اهون عليهن
اهناك. على رمح ذاك
يتباوعن راسه الوليهن

شلون بطف كربله واعضاء منه مكطعه
بيا عين وياكلب يتباوعلهه بمصرعه
اشلون بيهن لو مشن للكفل صوب المشرعه
~~~~~~
اجسام تبقه علثرى.. وبهيمت كربله.. بحر الرمال
والروس تمشي بلسبي..تحرس ذيج العبي..من الرجال

شحال.. ذيج الاطفال
اسياط والقسوه عليهم
كيد.. مكيدين ايد
وعلى رمح راسه وليهم

راس الابو على رمح الشامت اعتلة
واخذو هم للسبي للشام وي القافلة
ينظرن راس الولي وكافل ذيج العايلة
~~~~
السوك ذاك والحبل..ومجتوفه علهزل..اخت الحسين
كله تباوع للضعن..وهنه بحسره بجن..بذاك الونين.

الشام..منه الالم
منه كل جرح ورزيه
اعيون..تنظر ام عون
اتمنت اتحلها المنية

اتمنت ذبح العده ولا نظرات من الغرب
اتمنت وي الاخو من داسوه على ترب
والحرمه بلا ولي بين الغربه شكد صعب
~~~~~~~
لو اعيوني هودن..ولمصابه مابجن.. اعمي العيون
ماينسى كلبي الجرح..راسه فوك الرمح.. ماينسى كون

يصير.. مابي خير
كلبي لو ينسه المصايب
العين.. لو على حسين
مابجت اعميها حابب

لو مابجت دمه اجبرها اتصب الدمع
وتواسي اهل السبي الواليهن منصرع
والطم على النسه البلحومه تنفجع
~~~~
منتظر الكعبي


https://www.tgoop.com/juhsa

سبي الحريم.. من ديار الديار
بسوط وعذاب.. تسبي هاي الزغار
صار الذي.. ماكو مثله الي صار

تمشي اليتامه
شصار بيسرهم
يتعب سفرهم.. حسين

اليسر وسهامه
سوط الشماته
يلوع بناته.. حسين

بدمع الملامه
طفله بضربها
تعاتب بأهلها.. حسين

ونين.. ودمع الغرايب يصعبه
حسين.. اطفال عاشت غربه
بحنين.. وعيون عدها تربه
***
يهيج جروح.. ذكرى بيها التمر
هاي الديار.. بيها عاشت عمر
كوفه علي.. الها تدخل يسر

البيها اميره
هسه تجيها
مكيدين اديها.. حسين

اطبها اسيره
وتشوف اهلها
شماته بيسرها.. حسين

عدها عشيره
وبضلها عاشت.
وبغربه صارت.. حسين

الديار.. مدللين البيها جنه
زغار.. ومحد يشوفه يضلنه
الي صار.. ونطبها هسه بيسرنه
****
بهاي الديار.. اهلي تسكن قبل
صار الي صار.. هسه فوك الهزل
بذاك النهار.. اعلينه صار السئل

منهمه هذوله
اعلينه نشدهم
منهو الكفلهم.. حسين

وحجي العذوله
ذوله سبايه
وبلا رايه.. حسين

اعلينه حجوله
وجنه عرفنه
يذكر اهلنه.. حسين

يكول.. ياعجبه هاي الرزيه
الرسول.. ذريته اجتنه سبيه
الاصول.. ماتنسبي الهاشميه
**
طال الرحيل.. والسفر بل ضعن
ذاب الدليل.. اعيوني دم من بجن
فوك الهزيل.. مدري اليا وطن

اوطان الاحبه
ابعدنه عنها
زادت تعبنا.. حسين

ياويلي صعبه
ماكو محامل
ولا عدنه كافل.. حسين

عشناها غربه
بطيحه ولينه
غارت علينه.. حسين


رمال.. تجوي بملامح جدمنه
وحبال.. بيها الحادي جتفنه
عوال.. ارتفعت بروس اهلنه
***

شام المصاب.. نطبله وعلى الهزل
نشوف العجاب.. محضرين الطبل
فوك العذاب.. وفوك ضيم الحبل

اطفال ونساهم
ضعن اليساره
تكطفه بحجاره.. حسين

اكثر سباهم
الشام ومنيته
مكبر رزيته.. حسين

جا ما كفاهم
هذا اليمرنه
وتعبه اليسرنه.. حسين

يكوم.. كافي علينه الحجاره
هموم.. ظعن تتحمل زغاره
السموم.. ورمال ذيج الصحاره
****

منتظر الكعبي


https://www.tgoop.com/juhsa

لحن القصيده بصوت حبيب النجار

واقعة الطف تجسد كمية الظلم الذي مر على أل محمد.ص.، وهم في تلگ الصحراء مغربين لاتمر عليهم نسائم النصر ولا الذريعه الى الماء، هنالك كادت الأرض تنخسف من ظلم اليزيدين، وخيانه من نسبو أنفسم لسيدي ومولاي الحسين.ع.، حيث تذكر الروايات أن الحسين دخل الى كربلاء ومعه "ألف وخمسمئه جندي" الا لن يبقى سوا "سبعون وكذا" كما ذكرت الروايات،


السلام عليك يامن بفيافي الصحراء جسمك ضل مرمياً.. 💔

ليله 7 محرم

سامحني وخليني بوحدي.. لزينب روح
اتلاكيگ عليه من تنشدگ.. صبر الروح
بس اتشوفگ تعلى الحسره.. وتبين يحسين الكسره
صبر الروح
~ ~~~~~~
خطوه خطوه.. خويه امشي
لاتبين منكسر وزينب تشوفك
شيل راسك.. لا تدنكه
وامسح الدم ياحسيني من جفوفك

خويه امسح دمي من ايدك وارجع
لايهمك صوت وني وبجي تسمع
من تلاكيك زينب اعيونك لا تدمع
ظهرك مبين ومحني وهاي تفجع

ماتقبل ليش الا بحملي.. ومالك حيل
حيلك خويه عوفه لباجر.. تسحگك خيل
من ادوسك خويه العشره.. وتبين يحسين الكسره
صبر الروح
~ ~~~~
يرد الامام الحسين.ع.

شرد اكلها.. وهيه تنشد
وين كافل خدر اختك شو تأخر
شنهو عذري.. وانته طايح
ومن توديني شكلها اعذرني مظطر

مظطر اني على امتوني راح ارجعك
وانته لا اتركني خويه تكول اسمعك
شلون اعوفك والله حيره وهذا وضعك
دمه ودم تنزف اميزه شلون دمعك

ما أعرف والسهم بعينگ.. دمع ودم
هاي الطيحه الكسرت ظهري.. هم تعلم
وجفوفك لايمنه ويسره.. وتبين يحسين الكسره
~ ~~~~~~
عندما رجع

شال جثته.. ورجع بيها
ومن رجع تترقب ومشدوها اخته
اباب خيمه.. ال هاشم
الحرم كلها اتجمعت وجاب جثته

جاب اخوه احزام ظهره ومال ظهره
حسين شايل ضخره هاي شلون كسره
بنظر زبنب اكو معاتب من يفسره
حسين باجر من يشيله من الغبره؟

هسه حسين بحسراته... رد عباس
باجر منهو يرجع جثته.. من ينداس
زينب تنده يمه الزهره.. وتبين يحسين الكسره
~~ ~~~
ضاع كلشي.. بقت ليله
وباجر نشوف الاخو فوك الوطيه
حسين نحره.. من يحزه
العدو، وعينه تباوع لخيمه رقيه

يباوع ولخيام اخته شلون هظمه
مايهمه حسين نحره وسيل دمه
الخدر عنده غالي كلش شال همه
بعكب عينه العدو يهجمها خيمه

يهجم ويسلب بنياته.. يصير الصار
تسحكه الخيل وتحركها.. بذيج النار
وتسحك علويه على جمره.. وتبين يحسين الكسره
صبر الروح
~ ~~~~~~
وهاي اخر.. مصيبه جانت
بكربله من سلبو اخيام الحرايم
وجتفوهم.. وعلى الهزل
بسوط ضربوهم ومن غير الشتايم

اسر للكوفه خذوهن غصب عنهن
بنوك هزله الذبح ولياهن اخذهن
ومن بعدها الشام اجاهن ياهظمهن
وحده وحده ماتن بدربه يسرهن

اتمنن موت ولا ذاكه.. سوك الشام
من وكفوهن يم بابه.. اندك اعلام
زبنب هاي وي الأسره.. وتبين يحسين الكسره
صبر الروح
~~~~~~
منتظر الكعبي

https://www.tgoop.com/juhsa

قال مولانا جعفر بن محمد الصادق (عليه الصلاة والسلام) : إذا كان يوم القيامة ، جمع الله عزوجل الناس في صعيد واحد ، ووضعت الموازين ، فتوزن دماء الشهداء مع مداد العلماء ، فيرجع مداد العلماء على دماء الشهداء

الوافي ج 1 ، ص 40 ، عن الفقيه .

🌻عن الإمام محمد بن علي الباقر (عليهم الصلاة و السلام): ما أكثر ذكر الموت إنسان إلا زهد في الدنيا.

📚بحار الأنوار، ج 6 ص 126

#الصلاة_على_النبي_واله
روي عن الإمام الصادق (عليه السلام):

الصدقة ليلة الجمعة ويومها بألف، والصلاة على محمد وآله ليلة الجمعة بألف من الحسنات، ويحط الله فيها ألفا من السيئات، ويرفع فيها ألفا من الدرجات، وإن المصلي على محمد وآله ليلة الجمعة يتلألأ نوره في السماوات إلى أن تقوم الساعة، وإن ملائكة الله في السماوات يستغفرون له ويستغفر له الملك الموكل بقبر رسول الله صلى الله عليه واله إلى أن تقوم الساعة. 

📚 بحار الأنوار: ج89، ص314

قال الامام المهدي (عجل الله تعالى فرجه الشريف وعليه الصلاة والسلام ):

بسم الله دواء والحمد الله شفاء ولا اله الا الله كفاء.

-روي عن أمير المؤمنين علي أبن ابي طالب عليهم الصلاة السلام:-

{{مثلُ الدنيا كمثل الحيّة ، ليّن مسّها ،والسمّ القاتل في جوفها ، يهوي إليها الغرّ الجاهل ، ويحذَرها ذو اللب العاقل.}}

- 📘: كتاب عيون الحكم و المواعظ / الليثي الواسطي: ٤٨٧.

⚫عظم الله أجوركم
بذكرى شهادة ابي الحجة المنتظر(عليهم الصلاة والسلام وعجل الله تعالى فرجهم الشريف).

-نور الإمامة.
-يقول خادم الامام العسكري(عليه الصلاة والسلام) سمعته غير مرة يكلّم غلمانه بلغاتهم: ترك وروم وصقالبة، فتعجبت بداخلي، فقال(ع) لي: ((إن الله تبارك وتعالى بيّنَ حجتَه من سائرِ خلقه بكل شئٍ ويعطيه اللغاتَ ومعرفةَ الأنسابِ والآجالِ والحوادثِ ولولا ذلك لم يكن بين الحجةِ والمحجوجِ فرقٌ))

-الكافي ٥٠٩/١