سڵاوت لێ بێت ؛
ئەی یەکەمین گوڵی گریاوی
باخچە پێش هەڵوەرین
درود بۆ گیانی نازدارت
ئەی یەکەمین باڵندەیکوژراوی
باخچە پێش فڕین
سڵاو لە تۆش ئەی هەناری ڕۆح
ئەو دەمەی من
وەک سێو لەت لەت ئەکرێم و
نازانم توێکڵەکانم فڕێ ئەدرێتە کام
سەرەنوێلکی ژیان!
سڵاو ئەی هەناری دڵ ئەو
بەیانییەی دەستێکی
پڕ ڕەشەبا دێت و
ئەتباتە دەرەوەی باخچە بۆ هەڵوەرین
سڵاو ئەی ڕوباری نائۆمێدی ئەو ئێوارەیەی
قەسیدەیەکی عاشق
لەم باخچەیە یاخی ئەبێ و
هەتا مردن لە شەپۆلەکانی تۆدا دائەنیشێ…

| جەمال غەمبار ،

بەدەم عەشقەوە بەستەیەک ؛
داگیرسێنە باڕوناک ببمەوە بە دەم خەیاڵەوە،
پەلی شیعرێکم بگرە هەتا ئەگەمە ئاسمانت
حەرفی ئاوداری تۆ لەکۆێ بێت
قەڵەمی تینووی من وا لەوێ
چرای ڕوانینی تۆ لەکام هەیوان بێت
من لەوێ هەڵئەبم سەفەرێکەو
مردنێکەو هاواری فەنابوونێکە من ئەیکەم و وەک نەمامی دەوری حەوشەیەکی تەنیا
لەسەر پێ خۆم بۆ ناگیرێ و لەتۆدا خۆم ئەڕوێنم
کە هاتیشمەوە، پێم مەڵێن
کوانێ مێخەکی شارانت ،
کوانێ سیحری ئاوابوونی پیریی و
کوانێ جورئەتی مردنێک
لە ئێوارەی ڕژانی دڵێک
لەباخی بێمروەتیی وسەفەردا.

| دیوانی ڕوبارێك بە قەڵەمی خۆی
- جەمال غەمبار ،

خۆشەویستت ھەیە؟

-نەخێر.

ئەی بۆ کێ دەنووسیت؟

-بۆخۆم.

وشەی خۆشەویستی بۆخۆت؟

-خۆم لە ھەمووان زیاتر شایەنی خۆشەویستیم.

| غسان کنفانی🌻

وتم چاوت ماندویی ڕفێن ؛
ئەڵێی چایی دوای بارانن
بۆ زاری تاڵ کوڵۆی قەن و
شەکرە وردەی شەکرەدانن.

| مەهشید ،

تۆ تەماشامت ئەکرد، من وام هەست ئەکرد هەموو گەردوون ئاگای لێمە.💛
..

چ ئەستێرەبەندانێکە؛
مانگ پڕ بە سی
وا ساماڵی شین هەڵدەمژێ
وەرە دەستم لە ئەستۆ کە و
هەست ڕاگرە بزانە چۆن بێدەنگی
زمانی دەپژێ؛

«پەشێو»

شانەکانت ڕازیم دەکەن ؛
لە جێگایەکدا کە خۆشەویستی تێدا بێت
تینووە ڕوونی شانەکانت هێشتا تینووم
لە جێگایەکدا کە خۆشەویستی تێدا بێت
قبووڵی کردووە.
 

| ئەحمەد شاملۆ

- ئەو تۆی خۆشدەویست؛
ئەو زیاتر لەوەی شایەنی بووم خۆشی دەویستم.
- و تۆ؟

بۆ ساتێک بێدەنگ بوو، یاری بە ئەڵقەی پەنجەی دەکرد وەک ئەوەی هەوڵی دوورکەوتنەوە لە وەڵامەکە بدات و دواتر...
بە دەنگێکی زۆر ئارامەوە گوتی:

- بە شێوازی خۆم خۆشم دەویست؛
بەڵام شێوازەکەم زیاتر ئازاری دا لەوەی دڵی دڵنیا بکاتەوە.
- کەواتە ئازارت داوە؟

پێبکەنە پێکەنینێک بەبێ دەنگ،
سەیری خوارەوەی کرد، پاشان چاوەکانی بەرز کردەوە و وتی:

- بە شێوەیەک ئازارم دا کە وای لێکرد باوەڕی بەوە هەبێت خۆشەویستی ئازارە؛ من خراپترین شتم کە بەسەریدا هاتووە.
- باشە چی ئەگەر ئێستا بیبینم؟

سەیری پێشەوەی کرد وەک ئەوەی بەڕاستی بتوانێت بیبینێت.
زەردەخەنەیەکی نزیک لە خەمناکی کرد:

- لێی دەپرسم ئایا هێشتا گوێ لە گۆرانییەکانمان دەگرێت، ئایا هێشتا حەزی لە قاوەیە وەک جاران تاڵ و تاڵە و هێشتا بیری من دەکاتەوە کاتێک لە ژێر باراندا دەڕوات؛ بەڵام لێی ناپرسم ئایا هێشتا منی خۆشدەوێت؟

- لوئا ئیبراهیم.

دەڕۆم ئازیزم ، خۆشم دەوێی، خۆشم دەوێی ؛ دەمەوێت چاوەکانم دابخەم و
کە کردمەوە لە تەنیشتت دەبم دەمەوێت ماچت بکەم تا تینوێتیم دەکوژێتەوە ماچت دەکەم جەستەم
بە یادی تۆ لە خەو هەڵدەستێت
لە کاتێکدا نامەکەتم دەخوێندەوە،
لەناکاو تێگەیشتم کە بە دەنگی بەرز قسەت لەگەڵ دەکەم وەک شێت
وەک ئەوە وایە تۆ لێرە بیت تۆ لە تیشکی خۆردا بوویت کە کەوتە سەر ئاوێنە...

| فروغ فرخزاد
- نامەیەک بۆ ئیبراهیم گۆڵستان
١٨ی حوزەیرانی «١٩٦٦»

کە تۆم بەجێ هێشت ؛
لەسەر دیوارە کاگڵییەکەی گەڕەک نووسیم
کوچەی ئێمە، کووچەی خەون و گۆرانییە
نازانم ئێستا دڵە هەنارییەکەت
بە دەنگی کام گۆرانیبێژی سەرخۆش
دەگوشرێ ،
دڵی من وەک هەناری ئاخری پاییز
بە گریانی منداڵێکی لاسار شەق دەبات.

| فەرەیدوون ئەرشەدی

کوردم خەڵکی کوردستانم،زمانێ من کوردییە..

ژینی پێش تۆم له یاد نییه ؛
من نەبوون بووم
که تۆم ناسی زمانم گرت
چاوم پشکووت ،
سەر پێ کەوتم داره داره،
چۆن باوەڕ کەم بەوەی دەڵێ
له دایک بوون هەر یەک جاره..

|پەشێو ،

تۆ نەبیت ؛
چیم داوە لەم ناوە ،دەڕۆم و
ئەم شارە جێ دێڵم
شار بێ تۆ، چۆڵستان
شەوستان لە دوای تۆ
به من چی خێڵخانەی ژنکوژان
ئاوا بێت یان وێران..

| ڕەفیق سابیر ،

شیرین نیگار نیگەران مەبه ؛
له هەموو شتێکدا بدۆڕێم،
له وەسفی تۆدا نابمه
جەنگاوەرێکی بەزیو،
ناهێڵم خەیاڵم ببێته
ماڵی ئەلف بێی شکاو
شتێک له تۆدا هەیه و خودا تەنها بۆ سەیر کردن درووستیکردووه، تەنها بۆ مەستبوون کێشاویەتی هێند شیرین بەشی ناسۆری هەموو ژیان دەکات هێند ڕوون، هەموو تەڵخییەک ئەنیشێنێ هێند گەرم دەگاته دووره دەستترین زستانی ناوم هێند نیان ،دڵی دڵڕەقییەکانم دەکاته ئاوتۆ پێم بڵێ جوانی کەی به شیرینی دەوێرێ خوێن ساردی با ئەفرۆدیتیش بێت، کەی به قوڵپی سەر کوڵمی تۆ دەوێرێ
نا تۆ جوان نیت شتێک زیاتریت لەو شیرین نیگاری تـۆ..

| هێمن قەرەداغی ،
- هەورەکانی دانیاڵ

مزگێنیی دا بە سروە بای بەهاری ،
وا هاتەوە نەورۆزی کوردەواری هەژار.

جەژنی نەتەوەیی پیرۆزبێت.

بەبێ تۆ تەنھا دوێنێم نا ؛
تەواوی تەمەنم لە دەست ئەدەم..

| ڕۆزبێ بمانی ،
• ɪɴsᴛᴀɢʀᴀᴍ

تاقانە خونچەکەی باخی ژیانم ؛
زیندووکەرەوەی ئاواتی بێگیانم
ڕۆشنکەری ڕێگای ژین و مانم
با لە دەستی ژینی پەستی شار و دێ،
شار و دێ
ڕا کەین و ڕوو بکەینە چۆڵ و هەردێ،
ناو هەردێ
تەنیا، وەک ئاسکۆڵەی کۆسار
ڕوو بکەینە قەدشاخ و ناو گوڵزار
لە قەد پاڵی شاخی هەزاربەهەزار
لە سای سێبەری درەختی ناو گوڵزار
کونجێ بکەین بە هێلانە و هەوار
دەست لە گەردن، تاکوو مردن،
شۆخ و شاد، شۆخ و شاد
خەمی دنیا بە ماچ بدەین بە باد،
هەر بە باد
گۆنات، هەڵمژم پڕ بە دەم
سوور هەڵگەڕێی هێندە ماچت کەم.

«ئەحمەد هەردی»
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

تۆ كڵاوەكەت هەر لار و منیش دڵم خانی خەمەكانت..

جەژنتان «پیرۆز» ئازیزانی من بەهیوام هەموو ڕۆژێکتان «جەژن» و خۆشی بێت🤎.

- جوانی تۆ ،