النضح والتفكير السّليم والتقدير والتفاهم والقدرة على فتح نقاشات عقلانية بدون أي توتر بينك وبين الشخص هنّا إللي يخلن علاقتكم تستمر، الحب هذا نفس رشة اللوز اللي في النهاية

‏أَبلِغ عَزِيزًا فِي ثَنَايَا القَلبِ مَنزِله
أَنِّي وإنْ كُنتُ لا أَلقَـاهُ.. أَلقَـاهُ

وإن طرفي موصولٌ برؤيتهِ
وإن تباعد عَن سُكناي سُكناهُ!

كل العقبات اللي انت مستصعبها، وشايف انها مستحيل تحول من طريقك، ربي قادر بدعوة وثقة وايمان منك يحققها لك، ولو الشيء مافيش خيرة لك حيعوضك بشيء خير منك ينسّيك فيه، كل اللي عليك ترضى بالقضاء والقدر اللي مكتوبلك، وتصبر وتسعى، حيرضيك بأكثر شيء يفرحك

-

إنسان غايتهُ من الدنيا ألا يفقد
سلامة قلبه
‏في الطريق إليك يارب؛ فأعنه.

المثالية الزايدة ينخلق من خلالها شخص وهمي، الحاجه اللي يديرها يكتبها ويقولها على اساس إنها خيالية ومافيش زيها!
هي فالواقع تبان كذب غير من نوع فاخر، لأن الواقع يقول إن مافيش وجود للمثالية من الأساس

.

الظاهر يقول إني ما كنتش كويس مع كل حد قابلته، لأن الأسباب تقول إني خليت ناس واجد في النص، أما الباطن يقول إن كل حد خليته، فكرت فيه قبل ما نفكر فيا، أنا في كل مرة كنت نقدر نختار نكمل بوجه مش وجهي ومشاعر ما تمثلنيش عشان نكون الكويس، وما أخترتش

ممكن! كنت ممل للحد اللي ما خلاكش تفكر ترد، بارد للحد اللي ما خلاكش تفكر تبادر، بعيد للحد اللي ما خلاكش تحاول ادور عليا، لكن في نفس الوقت أنا كنت شخص لامبالي للحد اللي ما خلانيش نفكر حتى تفكير عشان نثبتلك العكس، وهذا اللي يخليك تسأل روحك كيف الشخص اللي شايفه ناقص، عيوبه زايدة، هو نفسه الشخص الوحيد اللي عرف يحسسك إنك أنت اللي خسرته مش العكس

معنوياً أنا واصله لمرحلة إن ما حد يقدر يضرني، وأساسها إني ماعنديش شعور مقدس لحد

يصير إن ما يقدرش يتقبلك حد، لأنك بلا محسنات، وما تقولش في الشيء اللي مش قاصده عشان ترضي حد، ما تلمعش في تفكيرك وقناعتك على خاطر حد، وما تسطرش في مظهرك بالمسطرة اللي محددين أبعادها هما، يصير إن ما يتقبلكش حد لأنك أنت زي ما تبي أنت مش زي ما يبي حد

ما تجبرش فيا الظروف على شيء، أنا عندي شيء أكبر يحدد إستمراريتي وعدمها واللي هو رغبتي

اللهم اجعل هذه السنة الجديدة سنة خير وبركة وسعادة، اللهم اكتب لنا فيها التوفيق في كل أمر، والسعادة في كل حين، والبركة في العمر والرزق، وارزقنا فيها الصحة والعافية، وحقق لنا ما نتمنى من خيري الدنيا والآخرة

آمين يا رب العالمين.

ياربِّ، جهدي قليل، وكرمُك واسعٌ! ياربِّ، صدقتك بالسعي، فلا تُخيِّب رجائي في الوصول!

فرق عقول، مش فرق مكان، اللي عرف يوصل في دماغه، ما يوقفش شكل الساس اللي جنبه

كنت معاك حقيقية، بطريقة وضحتلك كويس الكذب اللي عيشوك فيه اللي قبلي، في عالم معبي محسنات، كنت أنا إنعكاس للواقع، وهذا اللي صعب على أي حد يتقبله، يتحمله، ويقدر عليه

فيك عرم حاجات صح ما يشوفهاش إلا اللي يبي يشوفها، يعني الموضوع ما يبيش جهد منك ولا يبي جهد من حد، إنعكاس النية بس هو اللي يحدد نظرة كل واحد لك، المتحسس المعبي شوائب، حيشوفك كلك ميزة وحيبينلك إن كلك عيب، واللي تجويفه صافي ممكن مش حيشوفك كلك ميزة، لكن حيشوفك زي ما أنت، وأنت ماتبيش أكثر من هكي

طيّب الله رمضانكم وأعاده علينا وعليكم بالخير واليمن والبركات،
اللهم بلغنا رمضان وأعنّا على الصيام والقيام وقراءة القرآن♥️

الموقف اللي وقفت حياتك عشانه، غيرك خلاه نقطة تحول!
فرق عقول مش فرق شعور

اللهم إن كانت هذه ليلة القدر فاقسم لي فيها خير ما قسمت، واختم لي في قضائك خير ما ختمت، واختم لي بالسعادة فيمن ختمت، اللهم اجعل اسمي وذريتي في هذه الليلة في السعداء، وروحي مع الشهداء، وإحساني في عليين، وإساءتي مغفورة
اللهم افتح لي الليلة باب كل خير فتحته لأحد من خلقك وأوليائك وأهل طاعتك ولا تسده عني، وارزقني رزقًا تغيثني به من رزقك الطيب الحلال🩶