🫡 Ҳарбийда стартаплар. Зўр ташаббус!

Мудофаа саноати агентлигининг Инновацион технологиялар марказида 80 га яқин ҳарбий маҳсулот ишлаб чиқарилмоқда экан. Бугун Президентнинг ушбу марказга ташрифи давомида кузатиб энг хурсанд бўлганим, робототехника ва учувчисиз аппаратлар бўйича стартап лойиҳаларининг қўллаб-қувватланаётгани бўлди.

Анъанавий мудофаа кўп ҳолда катта сармоя талаб қилади, аммо стартаплар анча камхарж. Қолаверса, стартаплар тезкор ва креатив ёндашуви билан масалага осон ечимлар беради. Муҳими, муваффақиятли стартаплар халқаро бозор учун ҳам қизиқ.

Шу кунларда 🇸🇩Абу-Дабида ўтказилаётган “IDEX-2025” кўргазмасида 100 дан ортиқ ҳарбий техника ва маҳсулот билан қатнашаётганимиз ҳам қойилмақом натижа. Эътиборни янаям кучайтириш керак. Ҳарбий салоҳиятимиз КУЧини дунё кўриб қўйсин!

https://www.tgoop.com/+IZG-2o7ESO9lOGYy

🫡 🅰🅰 Хавфсизлик ва мудофаани мустаҳкамлаш бўйича йиғилиш ўтказилди

Бугун Давлатимиз раҳбари бошчилигида ҳарбий хавфсизлик ва давлат мудофаасини мустаҳкамлаш масалаларига бағишланган йиғилиш бўлиб ўтди.
Йиғилишда Қуролли кучлар Олий Бош Қўмондони Шавкат Мирзиёев томонидан миллий армиямиз замонавий қурол-яроғ ва техника билан таъминланаётгани, ҳарбий хизматчиларнинг жанговар ва маънавий тайёргарлиги сезиларли даражада ошгани, армияни модернизация қилиш ва замонавий қуроллантиришнинг янги тизими – мудофаа саноати янада ривожлантирилгани, қўшимча корхоналар ташкил қилингани қайд этилди.
Айтиш керакки, ўтган 7 йил давомида мамлакатимизда ички ва ташқи хатарларнинг олдини олиш ва бартараф этиш бўйича янги жанговар бўлинмалар тузилди, қўшинлар таркиби оптималлаштирилди, ҳарбий мутахассислар тайёрлаш тизими тубдан такомиллаштирилиб, бугунги кун талабларига мослаштирилди.

Замонавий дунёда ҳарбий соҳага ҳам 🛸сунъий интеллект ва роботлашган қурилмаларнинг кириб келиши мудофаа саноати ва ҳарбий техникаларни модернизация қилишни тақазо этади. Йиғилишда ушбу йўналишларда ҳам муҳим топшириқлар берилди.
Шу билан бирга, армиянинг устуни бўлган “Бош сержантлар корпуси” фаолиятини такомиллаштириш, ёшларни ватанпарварлик руҳида тарбиялаш, ҳарбий хизматчилар ва оила аъзоларини ижтимоий қўллаб-қувватлаш, мудофаа саноатини янада ривожлантириш бўйича муҳим вазифалар белгиланди.🇺🇿🇺🇿🇺🇿

https://www.tgoop.com/+IZG-2o7ESO9lOGYy