✍كل لحضه التمر بيه انه عاشور
لان كل بيت اكتبه احسين اذكرى


عهد والله يازهراء ماننسه حسينااااااه 😔

قصيده موشح للحسن العسكري عليه السلام

〰️〰️〰️〰️〰️〰️〰️〰️〰️
اليوم سامراء حزنانه وتــــــــــــون
حيف صبحت خاليه من الحســــن
〰️〰️〰️〰️〰️〰️〰️〰️〰️
اليوم سامراء وحشه مكـــــــــــدره
منهه شال الحيد ضلت مغبـــــــره
ويامصاب الحسن شنهو اليجبــــره

اليوم كل شيعي اله ينعه بحـــــزن
〰️〰️〰️〰️〰️〰️〰️〰️〰️
اليوم كل الشيعه اله حزنانـــــــــــه
اعله الحسن ياوسفه خالي امجانـه
ويا مصابه والله حيل اذانـــــــــــه

وسفه من السم نحل منه البـــــــدن
〰️〰️〰️〰️〰️〰️〰️〰️〰️
والله ياذينه الحسن وامصابــــــــــه
وناره شبت بضلع عطابــــــــــــــــــه
اليوم حزنانه وتون احبابـــــــــــــــه

واعله ابوه المهدي اعيونه عمـــــــــن
〰️〰️〰️〰️〰️〰️〰️〰️〰️
ابو صالح ضل يون وينتحـــــــــــب
اليوم واعله العسكري دمعه يصــب
اشلون والمحبوب ايعوف المحـــب

لفركتك يابويه لا ماجنت اضــــــــن
〰️〰️〰️〰️〰️〰️〰️〰️〰️
لفركتك لاماحسبت احساب ابـــــــد
وابد ماضنيت جبدك ينمــــــــــــــرد
بويه شيردك علي يالمبتعـــــــــــــــد

وبعد شيردهه لیالینه المضــــــــــــن
〰️〰️〰️〰️〰️〰️〰️〰️〰️

بقلمي ✍️عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

حكي افتخر وبزود وتباها ياناس
بالمحشر يكولون خادمة عباس
https://www.tgoop.com/kEc5VGVP81k2Nzgy

فزاعيه جنوبيه للحسن العسكري عليه السلام
،،،،،،، تجليبه،،،،،
〰️〰️〰️〰️〰️〰️〰️〰️〰️
اليوم العسكري شال وهجـــــر داره
ودمع ام الحسن اعلي يتجـــــــاره
〰️〰️〰️〰️〰️〰️〰️〰️〰️

اليوم العسكري مسدوده بيبانـــــــه
وامصابه صدك ياناس اذانــــــــــــه
وسامرا علي اليوم حزنانـــــــــــــــه

اعله الهيبه سامراء اتـــــــــــــــــون
〰️〰️〰️〰️〰️〰️〰️〰️〰️

حزنانه وتون هاليوم سامــــــــــــره
على المسموم ضلت حيل متكــدره
واعله امصابه خل انواسي الزهــره

انواسيها بمصاب الحيـــــــــــــــــــد
〰️〰️〰️〰️〰️〰️〰️〰️〰️
نواسيها الزجيه ونسجب الدمعــــه
على الي شال ضعنه وبعد شيرجعه
وسامره انفجعت بالحسن فجعـــــه

ايرد ليهه هيهات الشـــــــــــــــــــال

〰️〰️〰️〰️〰️〰️〰️〰️〰️
يرد هيهات ضعن العسكري ليهــــــه
وضلت بالحزن من شال راعيهــــــه
وسفه حملوا هاليوم اهاليهـــــــــــه

اهل الغيره انوو ياصــــــــــــــــــوب
〰️〰️〰️〰️〰️〰️〰️〰️〰️
وين محمل المهيوب ابو الغيـــــره
وضلت موحشه من بعدك الديـــره
يالمسموم يلي فجعته اجبيـــــــره

اشيطفيهه نار المسمــــــــــــــــــوم
♕♕♕♕♕♕♕♕♕♕♕♕♕♕♕♕♕
بقلمي ✍️عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره
https://www.tgoop.com/kEc5VGVP81k2Nzgy

نعي نصاري
للامام الحسن العسكري عليه السلام
〰️〰️〰️〰️〰️〰️〰️〰️〰️

اعله العسكري دمعي يتجــــاره
مسموم ويون ليل ونهـــــــــاره
اه ياعلته الماألهه جـــــــــــــاره

〰️〰️〰️〰️〰️〰️〰️〰️〰️
مسموم ويون وشلون حـــــاله
وباله اعله الاهل مشدوه بالـــه
ودمع العين عالخدين سالــــــه
〰️〰️〰️〰️〰️〰️〰️〰️〰️
اون اعله الحسن ونات ونـــات
ويه ام الحسن نجري الدمعات
ترى المرن عليهه مو اهوينــات
〰️〰️〰️〰️〰️〰️〰️〰️〰️
يوم العسكري يحرك بالفـــــــاد
وكلشي العلته ياناس مافــــــاد
وحزنانه لمصابه اتون البـــــــلاد
〰️〰️〰️〰️〰️〰️〰️〰️〰️
حزنانه وتون اهله وعمامـــــــه
وشايل وين ياتاج الامامــــــــه
ابسم يموت ياوسفه وندامـــــه
〰️〰️〰️〰️〰️〰️〰️〰️〰️

لاكن عندما مات امامنا الحسن العسكري حضر لغسله عثمان بن سعيد رضي الله عنه وتولى جميع امره في تكفينه وتحنيطه وتقبيره. 👇

هوه الحاضره بلحضات الـــوداع
شاله وغسله اوچفنه ابســــــــاع
بس اشلون ذاك الضل على الكاع

ياحسين ياحسين ياحسين 😭😭😭😭

نعم ياشيعه يامواليين هكذا غسلو امامنا الحسن العسکری وكفنو ودفنو
الا الحسين بقيه ثلاثة ايام على رملا كربلاء مقطعا اربا اربا مذبوحا من القفاء مسلوب العمامه والرداء وسحقوه بحوافر الخيل عمدا لاغسلو ياشيعه ولاكفنو ولاهلو عليه التراب

بس احسين محد حضر يومــــــــه
عاري اعله الثرى امسلبه اهدومـــه
وكلب ام الحسن لحد يلومـــــــــــه

عاري الثرى مطروح خلـــــــــــــوه
وصدره بالحوافر حيل داســــــــوه
ولامن غسلوه لاحته شالــــــــــــوه

اشو محد حضر عنده وبچالـــــــه
وعاري اعله الثرى وشلون حالــــه
وثلث تيام محد ماكام شالــــــــــه

يوم احسين مامنه بعد يــــــــــوم
وتسعر بالكلب جمرة المضلــــــوم
وماننسه هذاك المات محـــــــروم

ابد ماننسه محروم الميـــــــــــــه
وثلث تيام مرمري اعله الوطيــه
والله يعين كلب امه الزجيـــــــــه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

ملا محمد الموسوي

جديد حصريا
فزاعي جنوبي،،، ميداني.،،، تجليبه
لمولاتنا سكينه بنت الامام الحسين ع.،،، بقفلة هوسه
〰️〰️〰️〰️〰️〰️〰️〰️〰️

من كون السبع حاضر جنازتهــــه
عباس بعراضه اسكينه چا زتهـــه
〰️〰️〰️〰️〰️〰️〰️〰️〰️

جااشيع اسكينه وراح دفانـــــــه
ويوسع الكبر ويهيل تربانــــــــــه
بس ياحيف مكطوعات ذرعانـــه

شيجيبه،، الطاح اعله الشـــــــط
〰️〰️〰️〰️〰️〰️〰️〰️〰️
من كونه صدك عباس يدريهـــــه
تموت بغربه عمهه مايخليهــــــــه
يشيعهه ويشد انكابه اعليهـــــــه

اعله اسكينه انكابه ايشـــــــــــــد
〰️〰️〰️〰️〰️〰️〰️〰️〰️
ياحيف السبع ماحاضر اوياهــــــا
سكينه للكبر جاراح وداهــــــــــــا
والنحبه عليهه اليوم علاهــــــــــا

ولسكينه،،، الجادر ينصــــــــــــب

〰️〰️〰️〰️〰️〰️〰️〰️〰️
جا سوالهه العباس تعزيـــــــــــــه
تشيع وعراضه وهوسه حربيـــــه
شجاع معدل وتربات بدويــــــــه

يريدونه،، الهيج ايـــــــــــــــــــــام
〰️〰️〰️〰️〰️〰️〰️〰️〰️
مايتعطل العباس لو حاضــــــــــر
جا سوه العزه ونصبالهه الجــــادر
يبجي اعليهه ويون بكلب شاجــر

اليوكف بي،، الماتم هــــــــــــــــوه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

*إعلان المبايعة لصاحب الزمان عجل الله فرجه الشريف*

*بعد تعزية الامام المهدي ع اليوم بوفاة والده الامام الحسن العسكري توجة الى القبلة وردد*

*أعلن انا وبالنيابة عن اهلي وأبنائي ووالدي وأخواتي وعيالهم وكل أقربائي الأحياء منهم والأموات بالمبايعة للأمام المهدي عجل الله فرجه الشريف وأنه خليفة الله تعالى في ارضة والقائم بأمره*

*اللهم أني اجدد له في هذا اليوم عهدا وعقدا وبيعة له في عنقي لا أحول عنها ولا أزول أبدا . اللهم ان حال بيني وبينه الموت فاخرجني من قبري شاهرا سيفي مجردا قناتي ملبيا دعوة الداعي في الحاضر والبادي.*

*اللهم اكشف هذة الغمة عن هذة الامه بحضورة وعجل لنا ظهورة انهم يرونه بعيدا ونراه قريبا برحمتك يا ارحم الرحمين*
*العجل العجل العجل يامولاي ✋*
*الغوث الغوث الغوث يامولاي ✋*
*الساعه الساعه الساعه يامولاي ✋*

*أتمنى من الجميع النشر للكبار والصغار إعلان المبايعة✋*

✍انه احب عباس مو من هسه لااا
انه احب عباس وانه بضهر ابوي

ام عراق الشمري

مااجمل تلك الحضه وأنا واقفه على بابك ياابا الفضل العباس ❤️روحي فداك مولاي

ابوذيه
لسان حال مولاتي زينب ع تخاطب الشمر اللعين دكله👇

احسين بسهم كلبـــــه. ملحیته
الشمر والحجي وياكم. ملحيته
شفت احسين يكطـــر. ملحیته

دمه وبصدره داست الاعوجيـــــــه

الشاعره ام عراق الشمـري،،،، البصره،،،

هوسات جنوبيه
تعازي
لأاستشهاد السيد القائد حسن نصر الله
رحمك الله ياابا هادي

لقد رحلت وبات القلب محزنا
والعين لأاجلك دما تدمعو 😭
〰️〰️〰️〰️〰️〰️〰️〰️〰️

من ارض العراق انودي البنــــــــــــان
مواساة وتعازي انشارك الاحــــــــزان
موت السيد اعلينه ابد ماهــــــــــــان

حيل اوجر بينه اليوم افراك السيـــد
〰️〰️〰️〰️〰️〰️〰️〰️〰️

خبر علمك يسيد هد ركن بينـــــــــــه
بموتك ماكو واحد ماجرت عينــــــــه
ومنكوبين كلنه اعليك ضلينـــــــــــــه

اشلون اتغرب يزماط الســــــــــــــاده
〰️〰️〰️〰️〰️〰️〰️〰️〰️

بعد شيضمده سيد جرحك اشكبـــره
والمكسور بيكم بيمن انجبـــــــــــــره
هدمت اكلوبنه ياحسن نصـــــــــرالله

اليوم الدين ابفكدك هديت اركانـــــه
〰️〰️〰️〰️〰️〰️〰️〰️〰️

يالمرجف العايل يالزمت الحـــــــــــد
ومنك كلهه ردت وانت ماتنـــــــــــرد
لچمونه وعلي من كالو استشهــــــــد

ياشيخ القاده اليوم الحد ضل تايـــه
〰️〰️〰️〰️〰️〰️〰️〰️〰️

مثلك مايجي ولانكدر نجيبـــــــــــــه
يالمفصل الحجي وتعرف ترتيبــــــــه
شجاع ومن طحت عالدين موعيبـــه

حك نتنومس بي الطاح المثلك عالحك
〰️〰️〰️〰️〰️〰️〰️〰️〰️

طحت عالحك يسيد والله موسفـــــه
الشهاده تلوكلك ياصاحب الكلفــــــــه
يالخليت بكلوب العده رجفـــــــــــــــه

انته المن يوم الثارن مادنك راســــــــه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

السلام عليكم
الى من يهمهم الامر القنواة الي تحذف اسم الشاعر او الشاعره
مشكولين الذمه وخصيمكم العباس ابو فاضل الي يحذف الاسم وبالاخص
قناة ائمة البقيق👉
الكلام يخصكم لان انتو جاي تحذفون الاسم
👆
ارجع وكرر خصيمكم العباس اذا تحذفون الاسم
شنو المقصود حته تحذفون الاسم
تردون تصعدون ابراسي عيب عليكم
هاي مو اخلاق خدام الحسين
انتو جاي تخدمون خدمو بطريقه اخلاقيه حسينيه صحيحه

الشاعره ام عراق الشمري البصره
هذا الاسم 👆 مينحذف
غير مبري الذمه اليفعل ذالك

ابيات تعزيه الى السيد مقتدى الصدر
بأاستسهاد رفيق دربه السيد حسن نصر الله
〰️〰️〰️〰️〰️〰️〰️〰️〰️

يبو هاشم الك انخص تعازينـــــــــــه
ثق الشال منك يكلف اعلينـــــــــــــه
وكبل لتون يسيد احنه ونينــــــــــــه
وبكل دار ماتم حزن خلينــــــــــــــــه

لرجال النيبه اليوم الماو مكـــــــــــدر
〰️〰️〰️〰️〰️〰️〰️〰️〰️

الله يعين كلبك هايبو هاشـــــــــــــم
على افراك العزيز ادريك مانايــــــــم
كلف جرحه عليك وصعب يتلايـــــم

شيضمد اجروحه الحيد الشايل منك
〰️〰️〰️〰️〰️〰️〰️〰️〰️

وينك يالجنت راعبهم اسرائيـــــــــــل
مقتدى يون اعله فكدك ماينام اليـــل
خليت ابو هاشم راك منه الحيـــــــــل

اليوم السيد لجلك مختاضه اعيونـــه
〰️〰️〰️〰️〰️〰️〰️〰️〰️

دمع عينه ابو هاشم عالوجن سايـــــل
يكول احزام ضهري هالصبح شايـــــل
وسفه اتموت هايمشرد العايـــــــــــــل

انته الخلیت العایل مانایم لیلـــــــــــه
〰️〰️〰️〰️〰️〰️〰️〰️〰️

لسادات هاي الهوسه مخصوصـــــــــه
وكتبي اقلامي بس للزين مرخوصـــه
على الكله شهامه الدنيا مخبوصـــــــه

اليوم العالم ينشد وين ازلام المهيوبه
〰️〰️〰️〰️〰️〰️〰️〰️〰️

وحق زينب غيابك حيل هاضمنــــــــه
وعلى افراكك يسيد والله مانمنـــــــه
مثل كسرة الجام اجفاك كاسرنــــــــه

مو هينه اعلينه انضيع قائد مثلـــــــك
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

📙جديد_2024

ديوان الدمعه المقدسة

( الجزء الاول )

خاص للزهراء عليها السلام وام البنين عليها السلام وسفرتها

لشاعرات اهل البيت عليهم السلام

الشاعــره سهام المالكي
الشاعره مريم الحجيمي

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076
07830861950

موفقين انشاءلله حبايب گلبي
تستاهلون كل الخير

متوفر الرايه الخضراء الجزء الثالث

في مكتبة دار الزهراء البصره عشار 👇

+964 780 131 0890

مكتبة دار الدعاء 👇
964 771 686 0773

مكتبة الامام الصادق ع قضاء المدينه 👇
+964 770 564 4357


مكتبة الغدير قضاء الكرنه 👇
+9647712668559