سامح الله كل غالي م حشم قيمة غلاه
‏م حفظ بالودّ قدري ولا عرف حقي عليه .

لا يحسب إني على فرقاه نادم
نظرة عيوني عن المقفي كفيفه .

أنشهد إن كلامهم بحر
وأفعالهم ما تعبّي فنجال .

‏من يضمن تسامح ذنوبه وتقصيرَه
‏يقدر يعيد الخطاء نفسه ميّة مره .

ودي بعزلة عن الواقع وبعض الوجيه
مليت أجامل وجيه أضيق لا شفتها .

تبي غيري بتلقَى وإذا تبي مثلي
صلاة الفرض ما تشبه السنّة .

يا ليت من يطري على البال ينشاف
ويا ليت من نبغيه دايم نشوفه .

ما للحسايف داعي
كل شيء خيره من الله .

مافي أحد يقدر يعوضَك من بعدي
أنا التوبة وغيري من النّاس خطايا .

ليه إنت بالذات لا مريت في بالي
أنسى جميع البشر وأسرح بطاريك .

لا حزن يبقى ولا فرحة تدوم
الحكم حكم الله والدنيا ظروف .

جاني وأنا مالي بالمحبّه ميول
وحببني بسوالف ماكنت أحبها .

علموه إللي خابت الهقوَات فيه
لا يجي عقب البطى يدوّر محله .

جعل من يكسر خواطر نظيفين القلوب
‏ينكسر قلبَه و يبطيّ ما يلقى له دواء .

ما يستغلّ الكرام إلا الردي واللئيم
وما شوّه الطِيب كله غير هالعيّنه .

بتعيش وتموت ماشفت الخطا مني
‏أرقى عن الهون وأخلاقي بعد ترقى .

من عرفت هالرفيق وأنا ماغير أردد
أشهد إن الزمن لابغى يعطي عطى .

_

‏ترانا على خبرك ولو دارت دنيا
‏تغّير تواريخ السنة .. ما تغّيرنا .

-