‼️Թուրքական ձեռագրով և արդարացմամբ խաղաղ բնակչության նկատմամբ ռազմական գործողությունով Ադրբեջանը փորձում է Արցախում հիմնովին փոխել ժողովրդագրական պատկերը։
Այս ձեռագիրը ծանոթ է Սիրիայից։
Տոտալ շրջափակումով արդյունքի չհասնելով, Բաքվի բռնապետը ռազմական այլ հանցագործների հետ, որոշել են այս կերպ հայաթափել Արցախը։ Չկա Հայ, չկա խնդիր սկզբունքով են առաջնորդվում․․․
Արցախում այս պահին տեղի ունեցողը շարունակությունն է 44-օրյա պատերազմի, միայն մի տարբերությամբ, որ Արցախը գտնվում է տոտալ շրջափակման մեջ և այն խաղաղ բնակչությունը, որը գտնվում է սովի շեմին, ենթրակվում է ռազմական հարձակման, ինչն իրենից ենթադրում է զոհեր և վիրավորներ, ասել է թե կրկին ռազմական հանցագործություն է տեղի ունենում։ Պլանավորված, երկար մտածված ռազմական հանցագործություն։

Ադրբեջանը Արցախում թիրախավորել է խաղաղ բնակչությանը․․․

✔️Այս ամենը տեղի է ունենում մի բանի համար, այսպես ասած, զանգեզուրյան միջանցք ձեռք բերելու համար։ Այո, նաև միջոց է, նաև հնարավորություն է Արցախը հայաթափելու, բայց գերագույն նպատակը զանգեզուրյան միջանցքն է․․․
Բաքվի բռնապետ , ռազմական հանցագործին թույլ են տալիս , որ Արցախում այս տեսակ գործողություններ իրականացնի, որպեսզի Հայաստանից կորզեն զանգեզուրյան միջանցքի ստորագրությունը․․․ ՀՀ-ի վրա հարձակվելով, տարածք օկուպացնելով չեն կարող այն օգտագործել որպես միջանցք, ասել է թե միջազգային նշանակություն ունեցող ուղի․․․ Ինչպես նաև այդ կերպ շրջանցելու են Իրանի գործոնը, ասելու են, որ ՀՀ-ն և իր տարածքը, ոնց ուզի , այնպես կտնօրինի․․․

✔️Արցախի խաղաղ բնակչության կյանքը ոչ թե վտանգված է, այլ գտնվում է իրական մասսայական սպանդի վտանգի տակ։
Բաքվի բռնապետը հանդգնել է հասնի այս աստիճանի, քանի որ իր մնացած գործողությունների համար այդպես էլ չպատժվեց առնվազն պատժամիջոցների տեսքով։
Միջազգային դիվանագիտական հարթակում , եթե գոնե մեկ անգամ խաղացողները ակնարկեին ազգերի ինքնորոշման իրավունքի մասին, ապա այսքան հեռու չէր գնա Բաքվի բռնապետը։

✔️Միջազգային հանրության մի հատված գտնվում է ուղիղ ադրբեջանական քարոզչության տակ, կամ պարզապես կաշառված է։
Արցախում տեղի ունեցող ռազմական հանցագործությությանը արձագանքում են վտանգավոր մեսիջներ պարունակող կոչերով։
Հատկանշական է, որ իրենց կարճ տեքստերում կոչ են անում, կամ հույս են հայտնում, որ ՀՀ-ն և Ադրբեջանը կվերադառնան խաղաղ բանակցությունների սեղանի շուրջ, կամ կոչ են անում ՀՀ-ին և Ադրբեջանին դադարեցնել կրակը։
Սա այն դեպքում, երբ ՀՀ-ն ոչ միայն ներգրաված չէ այս գործողություններում, այլ նաև պաշտոնապես երեկվանից հայտարարում է, որ զորք չունի Արցախում։ Գրեթե մեկ տարի տոտալ շրջափակման մեջ գտնվող Արցախ անգամ պարենային ապրանք չէր մտնում ՀՀ-ից, ուր թե մնաց զորք մտցներ։
Այս հայտարարությունները, կամ այս տեքստով կոչերը կանաչ լույս են Ադրբեջանի համար, և լեգիտիմացնում են Ադրբեջանի հաջորդ հնարավոր քայլերը, այն է, հարձակում ՀՀ-ի վրա․․․
Մենք միջազգային հանրությանը պիտի փաստերով ցույց տանք, որ Արցախում ռազմական գործողություն չի, այլ ցեղասպանություն է, այլ եղեռն է, այլ բռնի էթնիկ զտում․․․

✅Գործից անտեղյակները հիմա էլ շատ լուրջ դեմքով քննարկում են պաղեստինա-իսրայելական երեկվա բլիցկրիգը․․․
Ցավալի է, երբ տեսնում ես, այսպես ասած, մասնագետների մի հատված, որոնք ոչ մի աղերս չունեն հակամարտությունների ուսումնասիրման հետ, բայց ամեն տեղ ջուր տեսնելիս բոբիկանում են իրենց բոբիկ մտքերով․․․
Երեկվա բլիցկրիգը, որն ի դեպ շատ մեծ հաջողություն էր Իսրայելի դեմ պատերազմում թե՛ ռազմական առումով, թե՛ քարոզչական, այն չէր, ինչը կադրերով հասցրեցիք ֆիքսել։
Այն մարտիկները, որոնց տեսաք ոչ զինվորական հագուստով, դրանք շատ լուրջ պատրաստություն անցած մարտիկներ էին, որոնք ռազմագիտության համար փայլուն իրականացրեցին մի այնպիսի ռազմական օպերացիա, որը տեղավորվում է ոչ ստանդարտ մտածելակերպ ունեցող, բացառիկ ռազմական միտք ունեցող հրամանատարների տեսլականում։
Իսրայելական բանակը կարող է մարտի դաշտում շատ հանգիստ լիկվիդացնել իր հակառակորդներին, իսրայելական բանակի հզորությունը շատ ճիշտ էին գնահատել Համաս-ին վարժեցնողները, ինստրուկտորները։ Սա իրենց ռազմական օպերացիայի հաջողության թիվ մեկ գրավականն էր։ Դրա համար իսրայելական բանակի համար չստեղծեցին մի այնպիսի մարտի դաշտ, որտեղ իրենց դեմը կանգնած կլիներ զինտեխնիկա, մինչև ատամները զինված, զրահաբաճկոններով , զինվորական համազգեստով , կամ տարբերանշաններով բազմահազարանոց բանակ։ Այդ դեպքում Իսրայելի համար շատ հեշտ կլիներ մի քանի րոպեում լիկվիդացներ թե՛ մարդուժը, թե՛ զինտեխնիկան․․․
Հենց այս ամենը հաշվի առնելով նրանք օգտվել էին բացառապես քաղաքացիական հնարավորություններից, որն էլ բերեց շատ մեծ հաջողություն։ Համաս-ը իր գործը համարում է արված և Համաս-ի դեմ խնդիր չէր դրված, որ իր վերահսկողության տակ վերցրած տարածքները պահի իր վերահսկողության տակ, այնպես որ հիմա ամբողջ ռազմական աշխարհում խոսում են, թե ինչպես կարողացան լիկվիդացնել և խուճապի մատնել շատ մանրակրկիտ կազմավորված հարձակվողական և պաշտպանական իսրայելական բանակին։
Ի դեպ, այս բլից կրիգի համար նաև աշխատել են շատ լուրջ հոգեբաներ։ Խաղաղ բնակչությունը երբ տեսնում է, որ ինքնաձիգը քաղաքացիական հագուստով մարդկանց ձեռքում է, արդեն խուճապի է մատնվում, իսկ այդ խուճապը նաև տեսանելի էր ափամերձ հատվածից հանգստացողների մարաթոնյան վազքով․․․

✅Պատահական չի, որ Իրանում ամենաբարձր մակարդակի վրա են պահում ռազմահայրենասիրությունը։ Պատահական չի, որ ամեն անգամ կոնկրետ պետությունների կոնկրետ անձեր են թիրախավորվում լոզունգների տեսքով․․․ Կրկին Էրդողանին և Ալիևին են հիշել Իրանում հանուն Պաղեստինի ոտքի ելած ցուցարարները․․․

✅Բաքվի բռնապետը նոր նարատիվներ է ստեղծում, որպեսզի արդարացնի հետագայում ՀՀ-ի վրա ռազմական հարձակումները, թեկուզ լոկալ ձևաչափով։
Մի կողմից հայտարարում է, որ ինքը պատրաստ է խաղաղության հաստատմանը, բայց մյուս կողմից հայտարարում , որ Արցախի տարածքում կան հայկական զինված խմբավորումներ։ Նա փորձում է օդից վերցրած այս թեմային միս ու արյուն տա, որպեսզի այն դարձնի նոր հակամարտության հիմք։
Հիմա կարծես թե չկա ոչ մի հիմք, որ նա Էրդողանի հետ իրականացնի ՀՀ-ի նկատմամբ ծավալապաշտական քաղաքականություն, ստիպված անցել է հիմքեր ստեղծելուն, ինչը շատ վտանգավոր է, եթե մենք այս թեմայով մտնենք երկխոսության մեջ։
Բացի սա, մենք նաև շատ պարզ պետք է հայտարարենք, որ չկա հակամարտություն, կան չլուծված սահմանային հարցեր։ Իսկ սահմանային չլուծված հարցեր կան գրեթե բոլոր երկրներում․․․
Բաքվի բռնապետը իր ցեղասպան , Հայերին այս տարածաշրջանից հանելու նարատիվը ներքին լսարանի համար մշտապես օգտագործում է, որպեսզի անընդհատ երկարացնի իր և իր գերդաստանի իշխանությունը։ Սրա մասին մենք նաև բացահայտ պետք է խոսենք միջազգային կառույցներում, բայց փորձագիտական մակարդակներում։
Նորից եմ կրկնում, որ որքան իրենք խոսում են խաղաղության մասին, այնքան արագ տեմպերով են հող նախապատրաստում պատերազմի համար։

Սամի Աբու Զուհրին, պաղեստինայն ՀԱՄԱՍ-ի քաղաքական վարչության ղեկավարն է ։
2020թ․-ի նոյեմբերի 10-ին սոցցանցերից մեկով՝ X-ով, շնորհավորել է Ադրբեջանին «տարածքային ամբողջականության վերականգնամն և հաղթանակի առթիվ» , ինչպես նաև ադրբեջանի ժողովուրդին մաղթել բարգավաճում և բարձր գնահատել Թուրքիայի դերը «արդար վերաբերմունքը ազգի նկատմամբ» ․․․ ՀԱՄԱՍ-ի քաղաքական թևի ղեկավարը խոսում է նաև ներխուժումից և ասում, որ յուրքանչյուր ներխուժում ունի վերջ՝ նկատի ունենալով մեզ․․․ Ի դեպ, իսրայելից գերեվարված գեներլան էլ ադրբեջանական բանակի ինստրուկտորների խմբերից մեկի ղեկավարն է եղել․․․
Թե բա ՀԱՄԱՍ-ը, թե բա Իսրայելը․․․

Հ․Գ․գրառումս ձևափոխելով հրապարակելիս անգամ պահեք հեղինակային իրավունքը․․․

Պատերազմի վտանգը չի չեզքոացվել։ ՏԵՍԱՆՅՈՒԹ⤵️https://www.youtube.com/watch?v=KIeIrPnv2jc

✅Բաքվի բռնապետը գայթակղությանը չի դիմանում և ի ցույց է դնում իր իրական դեմքը, իրական նպատակը։ Պարզապես դրա մասին մենք պետք է բարձրաձայնենք միջազգային կառույցներում՝ այդպիսով ավելի մեծ խնդիրներ ստեղծելով բռնապետի համար միջազգային արենայում։
Այսպիսով նա Ստեփանակերտում ցուցադրական թշնամությամբ տրորել է Արցախի պետական դրոշը, որը համարվում է արցախահայերի ինքնության սիմվոլը։ Ես այս բառերը, կամ տերմինները միտումնավոր եմ այսպես ընտրել, որպեսզի խոցելի չլինի։ Դրոշի տրորմամբ նա անուղղակի ուղերձ է հղում արցախահայերին, որ այդ կերպ կտրորի Արցախում ապրել ցանկացող Հայերին․․․
Իսկ երբ խոսում է, թե արցախահայերը ինքնակամ են լքել Արցախը, այստեղ մենք կրկին միջազգային կառուցների մոտ պետք է հիշացնենք Արցախցի այն երիտասարդներին, որոնց ապօրինի անցակետից բռնեցին, տարան Բաքու, տաս օր պահեցին ու վտարեցին Ադրբեջանից ։ Իսկ իրենք Ադրբեջան ասելով հասկանում էին նաև Արցախ, հետևաբար Արցախից։ Սա նշանակում է, որ Բաքվի բռնապետը այս քայլով արդեն ուղղակի մեսիջ է հղել Արցախի բնիկներին, որ եթե չհեռանան զենքի սպառնալիքի ազդեցությամբ, ապա ՝ կարտաքսվեն․․․
Հանգստյան օրերին ֆոտոսեսիան Արցախում կարող է շատ թանկ նստել Բաքվի բռնապետի վրա, քանի որ այնտեղ բոլոր մեսիջները ակնհայտ հայատյացություն էր․․․

2023թ․-ը ազգիս համար աղետաբեր էր, այն ոչ մի կերպ չենք կարող համարել որևէ ձեռքբերման տարի։ Կորցրել ենք մեր Հայրենիքի մի մասը՝ Արցախը, կրկին կորցրել ենք հայրյուրավոր հայրենակիցների, հարյուր հազարավոր հայրենակիցներ էլ պարզապես դարձան տնավեր․․․
Սակայն ամեն մի դժբախտություն, աղետ իր հետ բերում է նաև պայքարելու, առաջ գնալու, վրեժը լուծելու գերբնական ուժ։ Ի տարբերություն հաղթանակի թմբիրի , աղետի վիշտը զգաստացնող է, անընդհատ մրմռացնող ցավը՝ ելքեր փնտրելու և իրավիճակը փոխելու , ասել է թե պայքարելու, իրականության մեջ ճիշտ կողմնորոշվելու և առաջ շարժվելու շանս է տալիս։
2024թ․-ը կարծում եմ կրկին բարդ ու դժվար է լինելու, բայց լիահույս եմ, որ չենք հիասթափվի, չենք ընկրկի, կշարունակենք պայքարել։ Ամանորին գեղեցիկ խոսքեր, բարեմաղթանքեր ասելու ավանդույթը շատ եմ սիրում, բայց այդ բարությունը մենք ինքներս պետք է բերենք, միայն ասելով չի սահմանափակվում մեր գործը։
Սիրելի հայրենակիցներ, թող որ 2024-ը ձեր օջախներին բերի լիություն, առատություն, դհոլ - զուռնայով դիմավորեք ձեր զինվոր որդիներին, Հայոց բանակի պատվավոր սպաներ և քաջարի զինվորներ, ձեր բազուկներին ուժ, մտքին ՝ իմաստություն, Հայ ազգ արագ ոտքի կանգնենք և մեր վրեժը օր առաջ լուծենք․․․
Չեմ ասում շնորհավոր, ասում եմ, բարով գաս 2024 թվական, մեր ազգին բեր Հայոց բանակի զինվորի մոր սրտով տարի․․․

Ռազմական բալանսի վերականգնումը կարող է միայն խաղաղություն պարտադրել Բաքվի բռնապետին։
Արդեն բազմիցս ենք համոզվել, որ աշխարհի ոչ մի պետություն չի կարող էական ազդեցություն ունենալ Բաքվի բռնապետի վրա, քանի որ նա գտնվում է Էրդողանի անմիջական հովանավորության տակ։
Ռազմական բալանսի վերականգնման, դեռ մի բան էլ առաջ գնալու դեպքում ոչ միայն Էրդողանը չի ուզի ավելորդ գլխացավանք, այլ հենց ինքը՝ Բաքվի բռնապետը և նույնիսկ օր առաջ կառաջարկի ստորագրել խաղաղության փաստաթուղթ․․․

✅ Թևակոխում ենք վտանգավոր ժամանակաշրջան։ Մեր տարածաշրջանում սպասվող նոր զարգացումներից անմասն չենք մնալու նաև մենք։
Ադրբեջանում տեղի ունեցած նախագահական ընտրությունները, որտեղ գրեթե հարյուր տոկոսով «հաղթանակ» տարավ բռնապետը, Իրանի Փորձագետների խորհրդի և Մեջլիսի ընտրություններին մասնակցության շատ ցածր ցուցանիշը՝ 41 տոկոս մասնակցություն, խոսում է նրա մասին, որ տարածաշրջանում առկա են հստակ նախանշաններ, որոնք այս փուլում արտահայտվում են ընտրությունների միջոցով։
Բաքվի բռնապետը իր բարձր ցուցանիշով բոլորին ցույց է տալիս, որ իր ռազմատենչ, ծավալապաշտական հռետորաբանությունը իր բնակչության շրջանում ընդունվել է անվերապահ, դրա համար իրեն գրեթե հարյուր տոկոս ձայն են տվել։
Մյուս կողմից էլ, տարածաշրջանում ապակայունացմանը դեմ գնացող Իրանի իշխանության համար էլ այդքան էլ բարենպաստ չէին ընտրություններին մասնակցության այսքան ցացածր ցուցանիշը։ ՌԴ-ն, Իրանը և Թուրքիան շարունակելու են իրենց դիրքերի ամրացումը այս տարածաշրջանում, լինի դա ուժով, թե համոզելով, բայց լինելու է շատ անջիջում պայքար։ Իրականում Եվրոպան և Արևմուտքը այնքանով են հետաքրքրված իրենց ներկայությունով մեր տարածաշրջանում, որքանով որ կբացառվի առնվազն ՌԴ-ի դիրքերի ուժեղացումը․․․

✅ Շատ է խոսվում մեր անվտանգային ռազմավարության, մասնավորապես զենք-զինամթերքի դիվերսիֆիկացման մասին։
Չի կարելի ռազմական անվտանգային դիվերսիֆիկացումը կատարել տնտեսագիտության մոտիվներով, այն կործանարար կարող է լինել։
Եթե մենք օրինակ ենք բերում այս հարցում բազմաթիվ այլ երկրների, ապա պետք է ուսումնասիրենք նաև այդ երկրների դիվերսիֆիկացման փորձը։
Օրինակի համար, եթե մի պետությունից ձեռք է բերվում հրետանային միջոցներ, ուրեմն պետք է այլևս բացառվի այլ երկրից նույնպես հրետանային միջոցներ ձեռք բերելը, կամ եթե հետախուզական, հարվածային դռոններ են ձեռք բերվում մեկ երկրից, ուրեմն այլ երկրից պետք է կամ բացառվի, կամ մինիմալի հասցվի դռոնների ձեռքբերումը։
Դիվերսիֆիկացումը բազմազանություն է, բայց ոչ խճճում․․․