ادعو لي معاكم ربنا يسهل لي الموضوع الفي راسي🥺🥺🥺🖤🖤🖤🖤

‏"كل الخيبات قاسية حتى وإن كانت متوقعة."

‌‎"قد ينسى المرء كثرة محاولاته، لكن لن ينسى محاولته الأخيرة،التي قدّم من أجلها كل مايستطيع، هباءً"

‌‎"والخيبة أشدّ من الفقد
في الخيبات نبكي بصمت
نبكي في دواخلنا ونخفي حزننا
ولا نسمح للآخرين برؤية انكسارنا
في الخيبات ليس هناك دموع حزن
ولكن توجد ندوب وتشوهات
خذلان في ذواتنا"!

أغلب السودانيين😅لمن يجي داخل البيت أول سؤال
بسألوو.... أمي وين✨💗❤️✨بيسأل ساااي حتى لو م محتاج ليها✨✨✨
🙃🙃💔عارفين ليه بيسأل؟؟؟لأنو مجرد وجودها في البيت ❤️💕بخلي الزول يعيش بالأمان 😍✋🏽
اللهم أحفظ أمهاتنا 💕🌺❤️
✨🌹🌹🌹🌹🌹نبع الحنان🌹🌹🌹🌹🌹✨

‏كلهم رفاق، إلّا من انتشلك من حزنك وآمن بك وراهن على نجاتك واحترم وقدر رفقتك هذا يُسمى عزيز الروح

صباح الخير حُبًا..!
بالرغم من إنو الحياة دي سلسلة متصلة والأحداث فيها ماشة في تطورات وما بتقيف ولا بترجع خطوة لـ وراء إلاّ إنو بعد كل تجربة بتحس إنو حياتك عملت بريك ووقفت شوية..!
كُل مرحلة بنمر بيها هي عبارة عن كوم براهو خالص ما بشبه بقية الأكوام.
في مراحلك الدراسية بتلاقي إنو بعد كل مرحلة في تطورات حاصلة وفي حاجات كتيرة إتغيرت بقيت إنسان أكتر إستيعابًا لكمية المواد والحفظ وكل خطوة لقدام بتثبت ليك إنو الفات كان أسهل وتقعد تفتكر إنو دي أصعب مرحلة لحد ما تخش في الأصعب منها وهكذا لحدي ما تتخرج من الجامعة وهنا بتجيك وقفة مع نفسك كدا وبتحس نفسك رجعت مرحلة الصفر أها وبعداك؟
حقيقي حياة ما بعد التخرج دي سيزون براو ما بشبه القبلو خالص سواء إتوفقت ولقيت وظيفة أو لا نتفق إنو فيها تغيير جذري بقلب حياتك وبديك كل خططك وقرارتك وإتزانك في فتيل.
بتبقى فترة صعبة شديد لأي زول من ناحية تفكير وضغوطات نفسية وإحساس الفراغ وإنك يداب فضيت عشان تفهم نفسك وتعرف إنت عايز شنو ومفروض تشغل أي وظيفة أو أي كارير حتعملوا لقدام ..!
بتبقى قاعد طول اليوم وحالة من الأوفرثينكينغ ما بتفارقك أرق وزهج وملل وفراغ كبير مالي حياتك.
بالضبط كدا شبه الفترة اللي بتعيشا بعد الفُراق ودي أسوأ فترتين تعيشهم في حياتك ولو بقى حظك حلو إنت حتعيش كل فترة لوحديها عشان تقدر تواجه نفسك وتعرف تتخطى الأزمة دي.
عمومًا أنا بس عايزة أقول الإنسان مهما كِبر وبقى عندو ما عندو من الوعي الحياة دي حتمرمطك والتجارب هي وحدها الحتعلمك لا دروس ولا عظة ولا عبرة كلو ما بنفعك زي التجربة الحتعيشا وتخش المعركة حتى لو طلعت منها مهزوم مليان غُبار.
بقرأ في كتاب مُتعة أن تكون في الثلاثين في فقرة حلوة فيما معناها الإنسان بعد عُمر طويل وتجارب كتيرة حيكتشف إنو ما كان حيكون شخصيته الحالية بي كل ضعفها وهشاشتا لولا التجارب العاشا.
يعني قادر تتخيل مرمطتك الآن ومعركتك الحاصلة دي هي نتاج شخصيتك بعد عشرة عشرين سنة؟
قادر تتخيل إنو إستسلامك أسي يعني تدميرك لمستقبلك؟
لما تلاقي نفسك بتواجه الحياة التانية المستنياك ديك حصيلتك الحالية دي هي الحتكون سلاحك؟
عشان كدا عيش تجربتك كاملة ما تخلي عمر العشرينات يبقى ليك أزمة عمر من أسي.
ما تخلي معركتك الحالية تشوهك.
أبكي وإتدردق وصيح وأقع بس أرجع إتنفض وقشقش دموعك وقوم أقوى.
كُلنا مليانين عيوب وعُقد كتيرة بس أي واحد يقعد مع نفسه في الفترة دي ويحاول بقدر الإمكان يتخلص منها من أسي عشان بعدين ما يورثا لأبناؤ أو يعيشا فيهم.
واجه كل التحديات وأوعى تخاف وتتخطى جزو منها بحجة إنو لسة عليك لأنو بعدين حتلاقي كل دا مكتوب عليه"دُرس سابقًا" الحياة حتديك تجارب جديدة إستنادًا لما درست سابقًا.
فشدوا الهمة وأكسبوا المعارك البتكون بينكم وبين الحياة سيبكم من الناس لا بقدموا لا بأخروا.

#على_الهامش:
"أنت حصيلة أفكارك، تجاربك، وصحتك النفسية، فأحرص عليك))

#Morning_Massage "27"
#نوودين_بت_من_حب

هذا الصباح ..

معادلات بسيطة شديد .. ما عارفة ليه صعبة عندالناس ...

- البيحبك بيهتم بيك و الما بيهتم بيك ما بيحبك !

♥️

- ما كل صبر آخره فرج في صبر نهايته خيبة عريضة لي آمالك ..!

♥️

- خوفك و جزعك في أي علاقة دليل عدم عافية فيها ، العلاقات الكويسة مصدر أمان و طمأنينة ..!

♥️

- من حق البنحبو علينا اننا مرات نشرح ليه يحبنا كيف .. بنحب شنو و بنكره شنو و شنو بيسعدنا و شنو بيتعسنا

لكن كمان بعد ما اشرح و افصل .. بكون اديتك الامتحان و اديتك الاجابات معاه

كون انك تسقط فيه ما عندها غير معنى واحد .. انت اصلا ما كنت ساعي تنجح !

♥️

- مافي بني ادم نكدي .. ولا نقناق .. في العلاقة الطرف المنكّد دايما و شاكي

الزول ده ما نكدي ! الزول دة انت فشلت انك تسعده ..!

♥️♥️♥️

العلاقات اوجدت عشان تكون سند و ضهر و محبة مضللة علينا

اوجدت عشان تكون صدق و أمان و ملجأ ..

ياما ناس قاعدين تحت سقف واحد و مطلقين بدون ورق ..

عايشين بس عشان لازم يعيشو كدة أو هم فاكرين انه لازم يعيشو كدة

ياما حبايب ما جامعم بيت واحد لكن قلب كل واحد سكن للتاني فيه !

- لو بنقدس كلمة بحبك و نعرف انها وعد و عهد .. ما اظن بنوجع بعض ابدا ...

♥️

المشاعر هي أغلى ما نملك .. ما تخلوها تبقى ارخص ما نحصل عليه ..

♥️

هذا الصباح...

ما تبقى رقراق .. ابقى يا ضل يا شموس !

♥️♥️♥️

#سلمى_المصباح

‏أحيانًا لا تريد شيئًا من هذا العالم سوى أن يمنحك لحظات من الهدوء والسكينة والسلام بعيدًا عن كل ضجيج ، تعقد فيها هدنة مع الحياة
تتنفّس بعُمق ، وتُرتّب ذاتك ، وترتاح من الأثقال
لحظات من الصمت الطويل تقودك إلى الصوت الصادق في أعماقك الذي ضاع بين الزحام💙

صباح الخير يا رفاق💛🌿
‏لا شيء هادئًا كساعات الصباح الأولى♥

قال رَسُولُ اللهِ ﷺ :

"إنَّ مِن أفضَلِ أيَّامِكم يومَ الجمُعةِ ، فأكثِروا عليَّ مِنَ الصَّلاةِ فيهِ ، فإنَّ صلاتَكم معروضَةٌ عليَّ"♥️🌿✨

‏صَلىٰ عليكَ اللهُ ماخَفقتْ بِنَا أرواحُنَا تَرْجُو جِوارِكَ مَوعدًا .

إنّ الصَّلاةِ على النَّبي ﷺ أنوارٌ ونفحاتٌ لا يُدرِكها إلَّا من أشتغل بِها في كُلِّ أوقاتِه! فاللَّهُمَّ صلِّ وسلَّم على نبينا مُحمَّد .

صلى الله عليه و سلم

فلا تَبخسوا الناسَ أحلامهم ، و لا تَعثوا في القلبِ مُفسدين ..
مُروا كِراماً خِفافاً لِطافاً أو لا تَمروا أبداً...💜💜

#مسا۽ الخير

حبيبي الله..ككل مرة لن يرتبني سواك وحدك تعلمني، تجثو نبضي،
تعلم مابي ولايعلمني سواك.
حين خارت قواي وضعف مابي بِتُ غير قادرة لشئ حتي النفس يرهقني!
عُدت غير قادرة للبكاء مجددًا
كان عيناي توقفت عن الدمع
كانت "يارب" وحدها الملاذ.
تنقذ شتاتي
تتولاني برحمتك
تهئ لي الأسباب
وتحى مافي من رمق.
تلك الروح وحدك تعلمها يالله ..ووحدها تعلمك فلاجابر إلا أنت ولا تَكلُ إلا عليك.
حينما باغتني ظلام الهم وجدتني أُردد "الله نور السموات والأرض.."
لاعلاقة لها بالموقف وتتكرر مرارًا تكرارًا
تجرى على لساني ..خوفًا ..حبًا ..وطمعًا .
فالخوف منك يجنبي الغرق وحبك يُحى في مابقى والطمع فيك يجعلني أُضي فلاعتمة بقربك يالله .
تنير عتمة روحي في كل ضلمة تداهمني
تحبني كأني عبدك الأوحد فلاعاشق إلا أنا ولا راحم سواك.
حبيبي الله إني أحبك فتقبلني
نظفني
ثم عاود لي الحياة في كل وعكة روح .
#ملاذ_محمد💙.

‏"ليتنا نستطيع أن نسأل الطرقات عن نهايتها قبل أن نسلكها"