نعي شهادة الزهراء ع ودخول الحسنين على امهم فاطمه ع




يخويه حسين من عدنه أُمنه راحت
و من كســـر الضّلع چنها استراحت
      زينب ســـمعته و للگــــــــاع طاحت   
وعله بچاها الشّداد السّــــبعه ناحت
****
راحت والأجل غمّض  جفـــــــــــــها
وأخذها الموت منّه وگطـــــــع ونها
چــــــنها ما ترد للــــــــدّار چــــــنها
أُمــــــــنّه الماشـــــــبعنه وداع منها
****
بظهر مكسور أهوى اعليها الحسين
يحاچيها ويقـــــــــــبل أجدامها بلين
 
شلون بســـــاع من عدنه تروحين
وتخلّينه يتامــــه ياضــــــوه العين
****
بعـــــــــدنه ازغار وبعازت حنانچ
يراحتنه المشت و نريد أمـــــــانچ
بعـــــد بالــــدّار ما نســــمع أذانچ
تروحـــــــين ويظل خالـــي مكانچ
****
من أعمارنه ريت اعلـــــه عُمرچ
و تگومين بسلامه و نشم عطرچ
يشـــــــــمعة بيتنه ويطيب كسرچ 
ولا عــــــــنّه يظمّـــــچ لحد گبرچ
الشّاعر // أبو سجّاد الجعفري 10 جمادى الأولى 1446هـ

نظره مولاتي فاطمه


 
       يزهراء      تـرتـفـع صـرختنه
       يزهراء      خدمـتـچ جمعَتنه

                     *---------------*---------------*

الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه

     تشفعين      لـلـتـهـل اعـيـونــه
     تشفعين      لـلـخَـدم مضمونـه

                     *---------------*---------------*

خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه

      بلدموع      قصّتچ نرويهه
      بلدموع      نــارچ انطفيهه

                     *---------------*---------------*

دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه

     يگولون      وكّعوا محسنهه
     يگولون      والجروح اذنهه

                     *---------------*---------------*

بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه

      يضنون      كسرتچ ننساهـه
      يضنون      ننسى بضعة طه

                     *---------------*---------------*

رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه

     الچفوف      لللطم منـــذوره
     الچفوف      تنگطع معذوره

                     *---------------*---------------*

لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه

       دعيناچ      فاطمه حضرينه
       دعيناچ      بالخدم سجلينه

                     *---------------*---------------*

      ✍ خادم الحسين ع
الشاعر رعد الچريخي

(ياعلي)


وصـاني الـنبـي وگـال     أصــبـر لـو نذل عـال
         
               عـالأذيـه           عـالـرزيـه

                      أصـبـر أصـبـر

                               *---------------*---------------*

     صـابــر وحـافظ وصـيتـي مـن مـحـمـد
     سـمـعوا انـذال الـصحابـه وعـبروا الـحد
     مـارفـعت السيـف لـحـظـه ربـي يـشـهـد
     والله لـو سـلـيت سـيـفـي الـدنـيه تـرتـد

أحَچـي وگـلبـي مجـروح     فـاطـم لازم اتـروح

                               *---------------*---------------*

       بـعـيـني صـديت وأشـاهـد بابـي تـدفـع
       يـجـرح بـگلبـي حـچـيهـم وانـي أسـمـع
       يـاعـلـي صــاحــوا عـلـيـه اطـلـع اطـلـع
       بــايــع الأول خــلـيـفــه حــتـى نــرجـع

أحَـمـل دفـعت الباب     وكشـف زيـف الاصـحـاب

                               *---------------*---------------*

     وصلوا اصحـاب السقيفـه وگـلبـي شيّـب
     بـنـار الاحـقــاد وفــعـلـهـم داري تـلــهــب
     بـضعت الـهـادي نـسـوهـه هـاي الاعـجـب
     والحسن وحسين يـمـهـه وبـنـتـي زيـنـب

وانه بصبري مچتوف     الوصيه مقيده الچفوف

                               *---------------*---------------*

     صـعبـه وگبـالي الـمنافق هيچي يـجسَر
     شـايــل الـنــار ويـصـيّـح ويـنـه حـيـدر
     وآنـه مـاچنـي الصميـده ومـوت الاحـمر
     الـخـاطـر الـديـن ومـحـمـد اصـبـر أكـثر

عـيـني اتشـاهد النـار    وداري اتـحيـط الاشـرار

                               *---------------*---------------*

    الــوصــل داري وأجــاهـه بــيّــه يــدري
    الـهـادي ما اخـلف كـلامـه وثـابت أمـري
    صابـر وعـندي وصيـه ومـحـني ظـهـري
    تـشـبـه بـنـار الــوديــعـة نــاري تـســري

حزني بصدري مرهون     اشكي السيد الكون

                               *---------------*---------------*

      سـاكـت وگـام الـمـنافـق يـمـي يهـتف
      الچـان يسـمـع بالصميده وكـله يرجـف
      عـن نـوايـاه الخـبـيـثـه فـعلـه يكـشـف
      واني مـحكـوم بـوصـيـه وروحي تنزف

اخلـف وعـدي ميـصير       ونطي الفرصه للـغير

                               *---------------*---------------*

✍خـادم الزهراء (ع)
الشاعر رعد الجريخي

(موشح) للزهراء عليها السلام


إليا مدى البسمار لمّن صابها
ومثل طبگ كتاب طبگو بابها

_ ١ _

المثل فاطم كارثه گالوا وإن
عليها مثل المطر ضل يجري الحزن
باب من اجذوع وثگيلة وزن
انطبگت ومحسن وگع بعتابها

_ ٢ _

انطبگت عليها ونزف دم الصدر
وبين سوط ونار وصياح وعصر
ما تحس إله وچفنها منسطر
ومن صدرها للجدام اخضابها

_ ٣ _

من صدرها بعد متشم الهوه
وعينها من اللطمه مابيها ضوه
تعب حيدر كثر ما دور دوه
لفاطمة وما صح دوة لصوابها

_ ٤ _

الفاطمه حيدر يجي بدمعه ويرد
ايصل عليها الضلع لو صار البرد
لحد ما ماتت وهي بعمر الورد
ماتت الزهرا بعز اشبابها

_ ٥ _

ماتت الزهرا ومحمرت العين
والحسن شابگ نعشها والحسين
نادت الأملاك نحي الحسنين
يا علي عن فاطمه وثيابها

مصطفى الشافعي

يمه خل انطيچ ضلعي
انه اهون من اموت
يمه ذن چفين اديه
ادعي بيهن بالقنوت
الموت اهون يالحبيبه
الي من هذا السكوت
ييمه ..
الدنيا ماترحم بشر ماعنده ام
كلمة الأمك مشت تچوي العظم
وعطرچ بكل ركن بالمنزل نشم

هذا الحنان يضمه التراااااااب .. يمه
ياريت ماموجود هالباااااااااب .. يمه
شيصير يمه الضلع لوطااااااب .. يمه

_____________________

يمه بين اعيونچ اني
جنت كل ساعه اطوف
ليش كل ما اصد هسه
وجهچ اتدورينه خوف
شني الي تضمينه عنه
جوه ايدچ مااشوف
ييمه
سامع ايِطيب الضلع من ينكسر
وكسرة الماعنده ام ماتنجبر
كون عيني ولاعيونچ تنسطر

ياريت ضلعي نصاب بسمااااار .. يمه
وانعصر هم واتچوه بالناااااااار .. يمه
يهونن علي لو وجهچ اندااااااار .. يمه

_______________________

البيت من تموت امه
حتى حيطانه تنوح
لو جرح واحد يصيبچ
احنه ننصاب بجروح
غير ربيتينه بيدچ
وي ايدچ خل نروح
ييمه
لو كسر بالغصن شيضل بالورد
والتموت امه يعيش المن بعد
الأبو الخيمه لكن الأم العمد

من هجمو عله الدار والله .. يمه
من علي طلعت اه من ااااااااه .. يمه
طاح الجنين وطاح وياااااااااه .. يمه

______________________

حلم عدنا يصير اخونه
وماتحقق هل حلم
خاطر يباري خواته
من يمر بيهن هظم
حتى مالحك ييمه
كطره منه تطيح دم
ييمه
احنه موبيت الوحي وخير العمل
والله مانستاهل البينه حصل
ينحرك دار وكسر ضلع وطفل

بعده محمد جدنه مامااااااات .. يمه
وتزاحمت عالباب دفعااااااااات .. يمه
طلعت وأن من بين الاصواااات .. يمه

___________________

✍️محسن الحمداني

اللـهم بلوعة اولاد فاطمة عليهم السلام عـجـل لـوليـك الفـرج

من كسرو ضلع فاطم ٠٠ ودمعها بعينها ايندي
ماصاحت يبو الحسنين ٠٠ اظنها صاحت المهدي
ــــــــــــــــــــــــــــــــــــــــــــــــــــــ
ابنها المهدي وتندبه وتدعي الله اليعجل امره
جريحه وندبت الموعود بدمعها فاطمه الزهره
تسولفله هجوم الدار وتسولفله على السطره

وما صاحت يحامي الجار
من حـــــــرگو عليها الدار
منتظــــــــره الزچيه الثار
من يوم الضلع والدار مصاب المنتظر يبدي
ــــــــــــــــــــــــــــــــــــــــــــــــــــــ
روح المصطفى الزهره النور وسورة الكوثر
يقراها النبي مصحف وايرتل بسمها اكثر
باء البسمله حزنت عليها والوحي اتكدّر

كسرها احــــــزن القرآن
وبچه ليها الأنس والجان
وعالمهدي الجـرح ماهان
الزهره ام النبي وبته اعليها ليش هاليسدي
ــــــــــــــــــــــــــــــــــــــــــــــــــــــ
ولي الدم بقية الله ودم عمه ابرگبته دين
ثار المحسن المظلوم الما غمّض عليه العين
يعرف وين گبر امه وگبره هم یعرفه وین

ابدمه القائم ايطالب
وثاره ابركبة الغايب
وباچر صارمه الغالب
مصيبة فاطمه الزهره بروحه امسیره وتحدي
ــــــــــــــــــــــــــــــــــــــــــــــــــــــ
أين الطالب الثائر الما بطل ابد نوحه
الماتهده ولاتشفه بمصیبة فاطمه جروحه
الحطب شب نار بضلوعه وبسمار اللظه بروحه

ماغمض جفن عينه
عالي الفاطمه اونينه
القائم الله اليعينه
صابر والصبر مفتاح ٠٠ الساعات الفرج يهدي
ــــــــــــــــــــــــــــــــــــــــــــــــــــــ
من يظهر ابو صالح وتخلص قصة الغربه
محكمة العدل ينصب وايسولف وجع گلبه
والكاسر ضلع امه من فوگ اشجره ايصلبه

ويصلب بيده الجبتين
وياخذ ثار ام حسين
ثار الضلع ويه العين
يسأل يا ذنب فاطم ٠٠ جرحها بكل وكت يدي
ــــــــــــــــــــــــــــــــــــــــــــــــــــــ
حيدر بشار الدراجي

قصائد استشهاد السيدة فاطمة الزهراء


عودة أمير المؤمنين علي إلى بيته بعد دفن السيدة فاطمة الزهراء عليهما السلام


رد للبيت بس مابيه همه
رجع للدار لن الدار ظلمه
فكد الزهره حط بالكون ثلمه
شيسوي بزينب افراك الزجيه

لمن غفى ونام وتغيب
توصيه تكله ارجع لزينب
رد حيدره والكلب يلهب
بلا فاطمه شاف الرزيه

من شاف زينب تبجي بالدار
على الوالده والدمع مدرار
كالتله بويه شنهي الصار
هالدار من امي خليه

الكون كله اظلم بلاها
والدار ظلمه بلا ضواها
ترجع لي لو اكطع رجاها
هم ترد لو مابيها جيه

فزيت لا انت ولا امي
من ماشفتكم زاد همي
فراك الاهل يابويه يعمي
حل الفراك وهاي هيه


محمد دعبل النوري

✅ مؤسسة بني هاشم عليهم السلام ✅

- انت ملاية..؟ 🎤🤔 تعرفين شتقرين بالسفره؟ 🔥
كل التحتاجينه موجود، والقصائد جنوبيه نااار 👇👇👇

♦ @Um_Yahya13 ♦


- للانضمام للدعم المراسله هنا { @daem50k }

شاهد ابداع الشاعر كامل السعيدي


https://www.tgoop.com/kamelAbdullah

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊

#من_ديوان_مراثي_الفاقدين_ج2
قصيدة للزهراء ع (محد يحس بالوجع)
❥━──➸➽❥❂❥━──➸➽❥❂
محد يحس بالوجع بس الفگدهه
امي عافتني وغفت وسفه بلحدهه
الأعز من روحي عليه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
ما يحس بهمي بس الفاگد امه
چلمه الأم لو سمع بيهه تهضمه
رحتي يايمه ودليلي بگه بهمه
والله يخنگني النفس لوصحت يمه
رحتي وما الچ جيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
انتي نور العين وانتي اغله من الأنفاس
فراگ وجهچ يالحنينه بالگلب جاس
الفاگده امها اوياي خل تلطم عله الراس
تحس بيه انا اوياها نفس الإحساس
خاليه ظلت اديه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
من يمرني الضيج چانت امي يمي
مشاركتني بالتعب وتشيل همي
ومن بعدها گمت احسن باد عضمي
كون من بعد الزچيه العين تعمي
ريت تلفيني المنيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
شلي بالدنيه بعد عافيتي راحت
احس گلبي مات من گلولي ماتت
اوياها يا هالناس احس الروح شالت
وباقيه بس الجسد والدنيه مالت
الدنيه عيشتني برزيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
والله محتاجه الحنانچ انا تدرين
شنهو اليعوض مكانچ يم الحسين
شماله ما يرحم ابحالي اذاني البين
اخذ من عندي الحبيبه ام گلب الحنين
خله دمعاتي جريه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

العقيلة زينب تخاطب أمها الزهراء
عليها السلام (وزن الطويل)

جبل صبري. كسر ظهري.   . يلحنينه
بعد عمرچ.  شنهي عمري     يلحنينه
★★★★★
بنتچ زينب بغربه   اشيل الجدم مابيه
يمه من شفت دارچ.  على هلحال يومية
حزينه الدار يلزهرة.  لأن مالچ بعد  جيه
ياهو الچان  يجمعنه. ويملي البيت. حنيه
من رحلتي    وعني رحتي     يلحنينه
نار  تطلع      من  دمعتي .       يلحنينه
★★★★★
الحزن والنوح لازمني  بعدعيناچ من صغري
العمر اتمنه بوجودچ   يطول شما حكم دهري
ردت هليوم بغيابچ  اخر يوم من عمري
غيابچ يمه مو وكته لَوَّعَني  وكسر ظهري
هذا حالي.  وي الليالي.   يلحنينه
غير حزني.   مابقالي.      يلحنينه
★★★★★
ذاك الي دفع بابچ. حيل الدنيا  شاغلته
مكسورة ضلع تالي الجنين الموت خاتمته
الظالم يرفع بسوطه.يضرب بالمتن شفته
وابوي بحال متأزم  محني ولزم خاصرته
شگد تصَبَّر   ناره تسعر.    يلحنينه
بالوصيه   التزم  حيدر.    يلحنينه
★★★★★
چم مره خطب جدي.  مهجتي گلهم البضعه
مكسورة ضلع خلوچ.  عين اترافگ الدمعه
الطبعه حقد مايرعاچ    ميزان  الحقد طبعه
راح الخير من رحتي   هذاك الزمن شيرجعه
كثر وني.   وليل حزني.      يلحنينه
اثنين بعدچ.  شيبني.        يلحنينه
★★★★★
حنانچ گبل  يجمعنه.  وبفي ضحكتچ نغفه
قصده الوكت  وافعاله   شمعة بيتنه  تطفه
وذياب السقيفه اتحوم  شر  گلوبهم صلفه
حقدهم من زمن غابر.  هذا الحقد موصدفه
يلزچيه.  شلون بيه.     يلحنينه
يوم رحتي. من اديه.   يلحنينه

الشاعر حسن لعيبي الحريشاوي

دمعة الليل ... هدّت الحيل ...علجفوني
ــــــــــــــــ
كل ما اصد بابي انهظم وأتذكرج يم الحسن
وماادري ليش الهل وكت عيون اليحبّج ماعمن
وياج مو بس ما رحم ويّاي احس جار الزمن
بيدي ادفنت جسمج لجن بنص كَبرج اكَليبي اندفن
ليل الافرك هظمني ودليلي انفجع
نوحي بالليل يفاطم احسّه انسمع
جنّي مو ذاك ابو حسين علي من اون
الدمعه عالخد يعالم غدت تنطبع
تشهد اعليّه الليالي .. والله حال الضيم حالي .هل حزن شتت لي بالي .. يالزجيه
  دمعة الليل ... هدّت الحيل ...علجفوني
ــــــــــــــــ
اصفن وأفكر والدمع بخدودي يرسم ماجره
سطره وجن دمعه جفن ضلوع الزجيه امكسّره
جنّي اصدهه بمحسني يوم التهاوه حايره
وحسيني من شاف الجره ماادري شنهي الصبّره
اتغيّرن اللون والعيون حمر بالبجي
حجاية الصار يعالم صعب تنحجي
حرمه بالبيت تجاسر عليهه اللعين
على الحايط بالالام غدت ترتجي
يرفس الباب وينادي .. وآن يابضعة الهادي ..جلمته اتذوب فؤادي ... ياهظيمه
دمعة الليل ... هدّت الحيل ...علجفوني
ــــــــــــــــ
ياجرح المفاركَ محب ماينحمل هذا الجرح
لو جابوا اسم التعشكَه مو مره حتما تنذبح
بكَد السهر لا ماعرفت ليلي اليمر من الصبح
وبردني من كَد الفشل دمعاتي صارت تنمسح
اصفكَ الايد والاهات احسهن جمر
الورده للشم حرامات تضل تنعصر
وتهوه عالكَاع والجروح جبيره صدكَ
يم ولدهه هظيمه الطهر تنسطر
والله صعبه هالرزيه ...تموت كَدامي الزجيه ...راح كلشي وهاي هيه .. من بعدها
دمعة الليل ... هدّت الحيل ...علجفوني
ــــــــــــــــ
يا دهري ليش ابلا خجل من عندي خذت البس الي
محني الظهر اصبح وسف وآنه اليسمّوني علي
الماباجي حتى من صرت اخر وكت دمعي يهلي
الفكَد العزيزه ام الحسن صاير جليس ابمنزلي
صعب اصدهم والعيون شماته تصد
من يضحكون شماته الكَلب ينمرد
الوصيه الزمتهه رغم ماجره
علجره وياي اموتن اذا انّشد
اسود الباب امنصدّه ..اسد عيني من اردّه ...علي جا ياصبر عنده ...بهل مصيبه
دمعة الليل ... هدّت الحيل ...علجفوني
ــــــــــــــــ
شلون انسه من تكَضي الوكت بالحسره والهم والقهر
كل ما اجي تضم الوجن عن لاصد خدهه انسطر
بس الدمه يم حايطي ياويلي ضل تارك اثر
كلما تون اعرف الم ذاك الضلع الّي انكسر
حسين اصدله بدمعته يحاجي الاخت
يكَلهه خويه أسألج صدكَ هل شفت
امي طاحت رميه وضلعها بدمه
ريت يمها يزينب تراني متت
لزمت الباب بأديهه .. رحت اركض خويه ليهه.. خفت خاف اشبكَ عليها ...الجم امي
ـــــــــــــــــــــ
الشاعر  محمد حسن ضيغم

يالحنينة اشكد الج يمه احن
اخلاف عينج بيتنا ماينسكن

اتكطع الدلال بالفرگة وصل
لشوكت ابچي عله شخصج اظل
كل حزن بالروح بفراكج حصل

العيون من البچي يمه انطفن
يالحنينة اشكد الج يمه احن

يمه راح الخير يمه بروحتج
تذبح الدلاال صارت فركتك
الكلب مشتاگ حيل لگعدتج

انتي للروح الهدوء وانتي الامن
يالحنينة اشكد الج يمه احن

لصوتج الدافي احن ابكل وكت
راحه بفراگج ابد لا ماشفت
يمه حيل انه عليج اتعذبت

سيوف حزني بالضلع گامت تسن
يالحنينة اشكد الج يمه احن


انه اخلافج بعد ماظلي حيل
ولكلب حزنان والمدمع يسيل
ردي يابعد العمر ليه  دخيل

بعدج الاهات بيه اجمعن
يالحنينه اشكد الج يمه احن


ابكل غروب الكلب ثايل بالنحيب
والصبر شح وبعد امنين اجيب
يمه حزن الروح يايمه عجيب

گمت احس لا بيت عندي ولا وطن
يالحنينة اشكد الج يمه احن


شلون  نمتي بالترب ياسلوتي
ونتي عمري وكل حياتي وعزوتي
اخلاف  عينج شلي انه بدنيتي

عيوني يمه عليح  من الشوف نعمن
يالحنينه اشكد الج يمه احن


اخ ياموت لاخذ امي ومشه
وظلت اچفوني ابحزن متراعشه
من الصبح وناتي تعبر للعشه

والصراخ اليسد صيوان الاذن
يالحنينة اشكد الج يمه احن


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

صبحية مولاتي زينب  بعد رحيل امها الزهراء عليهن السلام


نعي مجاريد


🏴🏴

بيتچ ييمه صبح خالي
يبچن حياطينه اعله حالي
موحش لگيته وشده بالي
چنتي سند وعدال والي

عبايتچ ظلت گبالي
وطولچ ولافارگ خيالي
واسمار كل ذيچ الليالي

ناديت يايمه تعالي
شوفي الهضم شوفي شجرالي
بفرگاچ حال الضيم حالي


يازهراء

عظم الله لنا ولكم الاجر

ام محمد الحجاج

💣اليالي الفاطميه💣

ريت ع   طولج  ثلج  اندار
خاف الكبر ياام الحسن حار
غربه المسيه    وضلم   الدار ......يافاطمه
........
اليله ضلمه وتغزل من شوك ااه
اليله صبخه والمطر برمل تاه
دك الموت الباب الباب...... لا تفتح يا باب
شوغة فانوس بسرداب..... ميفز منه تراب
رحتي مني وراح مني
حيلي والفرحه جفتني
الدنيه بعدج عذبتني....يافاطمه
...........

جبل جنت وفركتج هدتني هد
يلي بالدنيه  بحنانج  من وجد
بارد يا حظن التابوت.....مايطلع بي صوت
مايرحم بالحب الموت....من بي غالي يفوت
راحت الجانت شمعه وذوب
لو ليل يلفي عله المحبوب
اه ياكلبهه شكثر متعوب..... يافاطمه

............

درتي وجهج والعمر طش ذكريات
جانت  بعينج الي  شكد  امنيات
غافلتيني ورحتي شلون....... يل جنتيلي عيون
من عمري لعمرج مديون..... وترجعيلي كون
يلي بعشرتج عمر خلصناه سوه
كمت اغص انه بوداعج بالهوه
عمري صفحه وكلشي بيهه انطوه....يافاطمه


.............

من دفنتج هلال اصبح طولي
امشي كوه وولادج ايتجولي
مدري شلون ارجع للدار.......بي وجهج تذكار
بين اضلوعي تسعر نار.....بفراكج محتار
طير ضاع بديره غربه
هيج اليفارك عشك كلبه
الدنيه بدونح والله صعبه....يافاطمه



الشاعر مصطفى  الحسني