مقدمة الليلة الاولى



اقبل النور الاهي فاشرَقَت ارض وسَماء
جاءَ مِن أَقصىٰ المَدِينة قاصِـدَاً كربلاء
حسين يا حسين
حسين يا حسين
••••••••••••••••••

1
كَاصد من اقصى المدينة واعزم وشد الرحيل
عله الهوادج جايب الحق " اينَ ما مالَ يميل"
اقبل السيد المبجل وجايب بركبه العليل
و لله جان السفر فرصه خنصره ونحره الدليل
************
ركب الحسين بقدومه بگلبه ربات الخدور
و الله شاء وهو لبه بالسبي وكطع النحور

حسين يا حسين
حسين يا حسين

*****************************

2
اعله العراق اكَصَد ضعنهم ب آل هاشم محتزم
شجم بدر يحمي الضعينه شجم غيور شجم شهم
اتلفت حسين عله اخوته و عاين الهم مبتسم
لكن ابعشرة محرم يخله ركبه من الزلم

***************
بعشره عاشور المصيبه من الزلم محد وراه
الغربه من يطيح زلمه وماكو اخو اليلزم كفاه

حسين يا حسين
حسين يا حسين

••••••••••••••••••••
3
شجم عزيز اعلينه كاصد لكل جرح جايب دوه
وحتى للظلمه بركابه جاااااب عبد الله ضوه
والهواشم صنعت الله ومن اجو كلهم سوه
المختنكَ من ذنبه اجوله. وجابو اوياهم هوووه



ردو. الوادم لـ الله حتى لا دينه يضيع
حتى يطلع جيل واعي ماتَ عبد الله الرضيع

حسين يا حسين
حسين يا حسين

******************
4
انت من بيتك لبيتك الشوكَ الك لا ما يطاق
وكَلنه اهلا بالرسايل اهلا ابكبر العراق
الـ ارجع ارجع يبن فاطم هذا دين اهل الشقاق
وهذا تاريخ المزيف والصدك. كلنه اشتياق


كل سنة بعشرة محرم نكتب لشخصك سلام
فدوه لخيامك يطيحن ابيوتنا. وتبقى الخيام

حسين يا حسين
حسين يا حسين

***********************
5

وختاما صرنا نشعر الله خالقنا لرضاك
نصبح ونمسي على حبك. ومانحب واحد وراك
الضاكَ ماعونك يعرفك ماترده لو نخاك
وهاي طلبتنا الوحيده. نحيا ونموت ابهواك


الوكَفه بعتابك شرفنا وعدنا احدى الحسنيين
لو على حسين احنا نحيا. لو نموت على الحسين


حسين يا حسين
حسين يا حسين

وعيوني باول خدمتي مخليها بعيونك
وميت عدل ماعندي بس < يحسين ممنونك >
ماقصرت وياي •• فضلك عليه هواي
يحسين ممنونك
•••••••••••••••••

بالليل اصفن بالسما وبالدمعه اكتبنك
والله كل جرت نفس يحسين احبنك
مرات الزم صورتك واميه اشربنك
الف انعم الله هالسنه مخليني اخدمنك


بالبيت عدنا صورتك لمتنا جواها
كل ما تضكني دنيتي ابقى احجي وياها

وللصوره اجيبن ماي ••• ماقصرت وياي

••••••••••••••••••••••••

من ذاك عاشور الجزه شديت انه حزامي
وممنون منك سيدي جي طالن ايامي
ثوب اسود البس هالسنه يحسين بحلامي
وين انطي وجهي لياكتر. تتراوه كَدامي


عطشان خدمه كون اضل وبداعت ارقيه
وخل تزعل عليه الخلكَ وانت اقبل اعليه

انت المهم مولاي •• ماقصرت وياي

•••••••••••••••••••••••••

ايام عمري الي جزن هواي اخجل اذكرهن
بغيرك لان جنت التهي ومو انت شاغلهن
اتوبه اذا جدامي بعد يم غيرك اخذهن
وسنين عمري الجايه الي يم رجلك اشمرهن

الايام ماعدهن جنت يمشي الوكت كَوه
لمن خدمتك سيدي صار الوكت يسوه

حبيت عمري الجاي •• ماقصرت مولاي

•••••••••••••••••••••••••••••

و كل ما يمر اسمك احس بالدمعه تاخذني
ويجرني كَلبي المنكسر و ابكربلا ايذبني
ادبني اصيح برحمتك مولاي ادبني
وسويني زلمه يحب عزه شتريد رتبني


مو كَعده وتصفط حجي عدنا الرجل اسمه
عدنه اليخدمك سيدي هذا الصدك زلمه

مخليني اون بهداي •• ماقصرت وياي

•••••••••••••••••••••••••••••••••

لوجه الله اليخدمك نحس بعماله مقبوله
الما يخدمك مو حلو ونشوفه بي لوله
والما يرق كَلبه الك تضل ذمته مشكوله
الماااا فكر وبسمك سرح افكاره مشلوله

ياهُوُهَ يسوه وننشغل بعيونه ونعوفك
وكاع الله هاي انه اعتقد لازمها بجفوفك

بكيفك يموج الماي ••• ماقصرت مولاي

•••••••••••••••••••••••••••••••
و ما نبرح اعتابك عهد ونضل عمر يمك
منا لحد كطع النفس ان شاء الله نخدمك
ومن ايدنا نضيع الضنه انتيهه وانلزمك
هذا الهوه كَبالك خشن انعوفه ونشمك


لا ابرحَ البابِ عهد حتى تِعِدلوني
لو عيش وياكم عبد لو يعمن عيوني

منك اريد فياي •• ماقصرت مولاي



الحمد لله

يا أهل العالم .. يا أهل العالم
دمعاتي الحمره .. لليالاً عشره ..لنساء اسره ..
يا أهل العالم

**
بسم الله دمعاتي .. لهلهن
غير حسين ماعدهن . لهلهن
بكثر ما نوووح عماتي .. لهلهن
انوح شما يطول النفس بيه

الي جم علويه .. الراحت مسبيه
وبصدري الحسره .. لليالاً عشره

**
جمر زفراتي صرت اشعر .. لضه الهن
على الما جان احد ينضر .. لضلهن
بهجير الكوفه لو بيدي .. لضلهن
بعباتي وجبتي وبثنين اديه


انه افيّ عليهن .. تعمه عيني عليهن
مابطل العبره.. لليالاً عشره

*

جروحي النوح ياعالم.. شفاها
‏وحسرتي البيه ما واحد . شفاها
حسين تفطرت كالو .. شفاها
من اشرب ماي يتراون اليه


‏عايش أيامي.. ابجي عله الضامي
بيهن انه ادره .. لليالاً عشره

***


٤
الجروح البيه ع العالم .. خفتهن
الليالي العشره من مرن .. خفتهن
الخيام رماد من صارن .. خفتهن
لهسه اشتمه كل صبح ومسيه


بقه جمر الخيمه ... بقه كلبي وضيمه
ضلن بس جمره .. لليالاً عشره

***

بطرف عينه نضر لخته .. يره التل
بجه ودمعاته للحره .. يره التل
فمنهم من قضى نحبه .. يرتل
ومنهم بالصبح تطلع سبيه

همساً كلماته .. شاف ابنياته
وزينب تنتظره .. لليالاً عشره. يا أهل العالم

*
٦
دُخان وعاصفه بصدري .. يمر هاب
الشهيق بريتي احس انه .. يمر هاب (جمر هاب )
يليلي برعب خل جيتك .. يمرهب
يكون أشعر وقع خوفت رقية

مرعوب وخايف .. شجم مشهد شايف
ترجيه وسطره .. لليالاً عشره . يا أهل العالم


الحمد لله
خالد عبد السادة البديري

ضهر المهدي علينا من ثنــيات العزاء
وَجَبَ الشُـــــكرُ يَقِيناً فَشَكرناهُ بُـكاء

****

جـاء من اقصـــى المواجع رجلٌ محني الضهر
صاحب الدمعه الجريه. و ندب مگــطوع النحر
ويانه يبچي لعمته زينب بدمعته المهدي حضر
وطاري من جبنه لرقيه. خاطره وگلـبه انكــــسر

بعزانا المهدي حاضر
يجي مكــسور خاطر
محني وگلبه مشلوع
يعيش أيامه عاشر

بچف ابو فاضل دعينا ذاك البعلو السماء
وَجَبَ الشُـــــكرُ يَقِيناً فَشَكرناهُ بُـكاء


**

هايه ايـــــام السبايا الـ روحه رجعه مجتفات
عليهن الــمأتم نجــــيمه. واللطــم سر الحياة
اتخيل المهــــدي امامك ذاك البدمعاته بااااات
وياك تجري دموع عينه لمجلسك بدموعه فاات

اذا متشوفه. شمه
لگلبك. جيب. هِمَه
تره اليتاني مولاه
كــلش خوش زلمة

يلا الطم واحني ضهرك بس للحسين البقاء
وَجَبَ الشُـــــكرُ يَقِيناً فَشَكرناهُ بُـكاء

**

هذا في الإرجاءِ يسعى زلمه ســـالفته نيـاح
غمض عيونك تشـــوفـــه ذاكه البطوله الجراح
من يجي طاري السبايا گلبه ما ضن يستراح
گوه انفاسه يـــجرها مره يمشي ومره طاااح


زلمه ويمــشي گــوه
يشــوفه البــي امروه
يگول لجدي الحسين
حيل الدمعه تسوه

يلا فك أبواب روحك سافر ودور لقاء
وَجَبَ الشُـــــكرُ يَقِيناً فَشَكرناهُ بُـكاء

**


اكسر بصدرك حسرتك. كسرت اضلوع الحسين
ديين هاي الخدمة فكر. ضايع الماعنده ديين
حاضر المهدي بعزائك. اترس گليــــبك يقيين
اسمع بگلبك عبرته .. صاحب الگلب الحنين

تخيل وجهه ذبلان
تخيل حاله تعبان
حرام تشوفه تجزيي
وهو ايعرفك افلان

محني للمذبوح ضهره ويبچي مسلوب الرداء
وَجَبَ الشُـــــكرُ يَقِيناً فَشَكرناهُ بُـكاء

***////


انت من تنــصب عزيه ومـنك دموعك تطيح
هاي تعني المهدي حاضر يبچي عطشان وذبيح
عيشها الدنيا مجالس. .. و دير بالك تستريح
شوف شيسوي امامك صاحب القلب الجريح

موكب گلبك يصير
المهدي يعيشك بخير
نوح عله الخيم نوح
اترك عيشت الغير

الهوه ال بلمجلس ايهب. يختلف عن الهواء
وَجَبَ الشُـــــكرُ يَقِيناً فَشَكرناهُ بُـكاء

بدمعاتي اهاجر ▬ اســـــافر ▬ ما ضيع الدرب
اليبجي عله غيرك ▬ خطيه ▬ مايعرف يحب
والتنفس هواك ▬ ويحب واحد وراك
مايعرف يحب

الهوه قرايه .. الدمع رايه
العزاء سوالف الهااااايم
اليحب اسمك .. وقف دمعه
عله غيرك بالعشك صايم


بچيسك راح اخلي سوالف الفطره
وي الــخدمه رايد تكبر العِـــــشره
محزم كون أضل ابرايتي الخضره
طير ادموع اني وجرحك الشجره

خُذ هذا دمعي .. تَـقَـبَـل .. فيكَ عَبرتي
قد قلت فيك .. يقيناً .. انك جننــتي
فمن يعشق سواك .. ويحب واحد وراك
مايعرف يحب


*

عله الفطره. العشك جويه
وبخيت الروحه محروكه
اليحب مثلك خيم نوحه
حرام اجفونه مطبوكه


اوعليك اتوكلييت وعاكد النيه
ويبو السجاد رايد عينك اعليه
اريد اعليك انووح اشبيه مابيه
خدمتك باقييه والدنيا مكضيه

بعالم خدمتك .. ونعمتك .. خل يمشي العمر
غايت رجائي .. او دعائي .. اعليكم انكسر
المهم عندي رضاك .. اليحب واحد وراك
مايعرف يحب


**

انه الضايع انه الهايم
او لكيت ارويحتي ابابك
وبخت عندي صرت خادم
عبد واكف عله اعتابك


عبد خليني اعيشن دنيتي يمك
خشن عنده الهوه المتعود ايشمك
بخيت الفاني عمره ورايد يخدمك
و مو امه الدعتله الداعيتله امك

الجاي بدمعته وحسرته ولبابك رغب
الزهره الزجيه .. توفقه .. ومتردله طلب
النسه ذني وجزاك .. ويحب واحد وراك
مايعرف يحب


***

اللكه ادموعه عله اعتابك
عله جروحه يضل خااايف
الرسم نحرك وگع حيله
و الله يساعده الشاايف

كالو ع الرمح راسك يبو الاكبر
وين تروح زينب منحرك يفتر
الماشايف رمح لجروحه مايگدر
والشافك ابروحه ايموت يتحسر


جرحي اليرسمك .. ويفهمك .. امعاشر ذبح
المات بحسرته .. ودمعته .. يموت بكل صبح
اليحب يندل ضواك .. ويحب واحد وراك
مايعرف يحب

*ه

اليحب مثلك يحب جرحه
وشااايف كلشي بحساسه
ويضل يحسب لعاشورك
لحد ما تخلص انفاسه

اليحبك تلكي عاشر دگته ونبضه
العاشگ گلبه بارد روحه ماترضه !!!
حلو تعبي بخدمتك واعشگ الركضه
الدمع عيني علمودك واجب اتفرضه



المجوي بمحبتك .. بخدمتك .. تخلص دنيته
الايامه عاشر .. حوافر .. يشعر داسته
التعب يحله بهواك .. اليحب واحد وراك
مايعرف يحب

*

اليضل محني عله عاشورك
لازم كسرته ابروحه
العطش جاسه اليحب مثلك
وكلش عايش اجروحه

الرايح عمره دمعه وبالدمع راجع
الما ملچوم گلبه لطيحتك ضايع
المو عطشانه روحه هذا ما قانع
يموت اليدري امامه من المهر واگع

مشيني بيدك .. واريدك .. تسكن عبرتي
علمني احبك .. واندبك .. وارحم دمعتي

نساه الله النساك .. ويحب واحد وراك
مايعرف يحب


الحمد لله

خالد عبد السادة البديري

أعوذ بالله .. من يمر يوم و ما اكول اسمك
أعوذ بالله ... من كل زله تخليني ابعد عنك
حبيبي .. حسين

*************
1

اخاف .. تمر لحظه .. النِفَس يرضه .. يدخل صدري من دونك
اخاف .. امر واجزي .. على اصورك .. ولا كوللهن اشلونك

بس لا تستبدلني ابغيري وتحرمني من العيشه ابخيرك
وما البس ثوب اسود وابجي ولهفت كَلبي تصير لغيرك
لا حَولِي ولا قُوتي وزودي خليني اكبر وي تدبيرك

تِقَبلّني عله أخطائي
بس وياك خليني
بس لبسني ثوب اسود
وكلشي تريد سويني

ما امتلك راي ** كلشي ابكيفك وكلشي برايك
ما امتلك راي ** وبس كون اكعد تحت افيايك

حبيبي *** حسين

*******************
2
اضيع • بذنب وارجع •• وارد واركع •• يم اعتابك اتبده
اضيع • اذا عني • درت وجهك • المثلي غيرك اشعنده


انه امنتك هاي الخدمة شدت رايه ابجف شياااب
او لو ضلت مولاي ابكيفي مااااحفظها الهذا الباب
وهاي الدنيا والله عندي كَباااال الخدمة حفنه تراب


اطرق بابك استعطي
وانه امنزل اعيوني
انه المذنب الخجلان
وبلكي الله وتقبلوني


امنتك الحب ** وجمرة ابكَلبي بس لا تهفت
امنتك الحب ** عكَدت رايه الروح انعكَدت

حبيبي حسين

*******************
3

حسين * ابتدي صبحي ** بهلا بجرحي * واضل ادعيله مايشفه

حسين * يمر ليلي * وقف بسمك * لحد عيوني ما تغفه

فَتحَتْ عيني ابذكر اعيونك و من بيتي وليك انداريت
تارس ايدي ابجرح اخيامك كل ما كَول انه احتاجيت
و لو ما سولف بيك ابيتي مااا ينطب والله البيت

ولا أَ تخيل اايامي
اذا مو بيك سالفتي
كل ما سافر لديره
دمعتي عليك راحلتي

مرات اليضيع ** برسم عيونك يندل روحه
مرات اليضيع ** يرجع من يصفن بجروحه

حبيبي حسين

**********************
4
اموت * اذا يمي * حچو بسمك * واحس ابكَلبي ضل بارد
اموت * خشب شجره * كأن گلبي* اذا غيرك شفت واحد

كون اكَبالي امن ايذكرونك ابدمعي اشعر جمر وطاح
وخايف يمي ايگولون اسمك وبارد كَلبي يضل مرتاح
كون اتخورس امن الحيره بس بروحي هواي اصياااح


اصفن من يذكرونك
صفنتي كَبال نعش امي
خلها الدنيا تهجرني
بس ذكرك يضل يمي


الناسُ للناس ** ومن هالدنيا حصتي الركضه
الناسُ للناس ** وهينا الدنيا كونك ترضه


حبيبي . حسين

**********************
5
الحياة ** الباااااالي * اعيشنها * جرح يفتر على اخيامك
الحياة. * رضاك انت * ورضه امك. * اليبقن فدوه لجدامك


من هاي ايدك ولهاي ايدك حـازم امري وباقي وياك
والله حتى من امشي لغيرك الهج بيك اومااا انساك
وصافن ابقى بوجه العالم كل ما يحجون ابطرواك


جمرة گلبي ما تبرد
اهيمن من يذكرونك
اعتقادي الهوه والدنيا
نخلقن ذني لعيونك


اعيش اليام ** جمره ابنص دخاااان اخيامك
اعيش اليام ** و بلكت مره اوكع جدددامك

حبيبي ** حسين
***********

اخذ الحچـــــي ها ياگلب
لو حُب صدگ لو ما احب
بشباچ الحسين الصدگ
و يم غيره بطل لا تدگ
باقي البــشر حبهم چذب

********************

خصم الحچي هذا الخَلِق صار علمود اعيونه
لا هالسما ولا هالارض نخلــــقن اكيد بدونه
ياگلبي كل طرت صبح انشد حبيبي شلـــونه
وانجن عشگ ها يگلب وموت عله طاري ضعونه


عوف الهوه لهل الهوه وخل كربلا برووحك
ومناااااا لحد گطع النفس. لا تبرد اجروحك


وخليها نبضـــاتك وقف
لذاك الي ميضيع العرف
تسبيحك بأسمه رزق
تاخذنا اله كله الطرق

اسألني من يسوه العشگ ؟؟؟
بشباچ الحسين الصدگ

اخذ الحچي ها يا گلب


**************************

خلص العمر طير ابغصن من شجره اسمها الخدمه
هذا الحسين من تختنگ عوف الهوه واشتمه
ابچي احتركَ كل ما تدكَ خلص الدموع عله اسمه
و لمصيبته لمن نِحِت اتـــخيل دعتلــك امه


توكل على الله ياگلب والخــدمة باريها
وامن حرگتك والدمع وابچيسه خليها


اشدد حــيازيم الالم
اذبل يگلبي عله الخيم

لا تبرد اجروحك ابد
شما تنچوي اصرخ بعد


ياگلبي بالحب احترگ
بشباچ الحسين الصدگ

أخذ الحچي ها يا گلب

*********************

يا گلبي لو غيره تحب من صدري جا ذبيتــك
لو تركض الـ لحب دنيوي تنـــبض فلا خليتك
وعن لا تزل عن هالدرب شدت علگ شديتك
من الخيمگه مشبعك بچي وبليل اهدعش غطيتك


منانه ونكف الحـــچي لو خدمه لو خدمه
شيخك يگلبي وسيدك اسمعني الحسين اسمه


كل ما افك عيني الصبح
ياگلبي اچملنــــك جرح

شمابيك اريدك تنعصر
شما بيك لجروحي انتظر

اتموت وي طاري السحگ
بشباچ الحسين الصدگ

أخذ الحچي ها يا گلب



****************

شد رايتك واعلن عزاك رايك ضروري تحسمــه
گربن صدك جم ليله بس ونرد نضوگ النعمه
موسم دمع موسم خَدَم والخدمه رِزق وقسمه
شي للطبخ شي للمشي شي بالمــجالس اسمه

صخام الجدوره ال بل عزه طيبة مواكبنا
ولونه اسود اصخااام الجدر يشبه شواربنا

نهرين مشايه اليجن
من يلتقن وسط الصحن

ركضه ابمحرم وابصفر
وا بكربلاء المستقر

ويتجمعن غرب اوشرگ
بشباچ الحسين الصدگ


أخذ الحچي ها يا گلب

*****************
لله الحمد محــرم اجه اشــجم يوم ونرد ننعه
بـقوة علي وام الحسن نحـــــصل يگلبي الدمعه
عله البي نفس والخيل اجن سحگنه روحه اورجعه
المن يمنته اصبع نقص وضــلن اصــابع تسعمه

لــيل هدعــــش لمن يمر ياگلــبي اريدنك
مضيع امان ومنچوي. وچن مسبي اشوفنك


ميت يكـون من العطش
للطبر البنـحره اثنعش 12


اشمر وقارك ع الترب
ع المنذبح والمنسلب

ضج بالدمع حد ماتطگ
بشباچ الحسين الصدگ

أخذ الحچي ها يا گلب

*****************

الحمد لله

انه ويرمحك سالفتنه اطويله
وجروحي كثره وهايه اول ليله
من الحجار ** للخيام
من الماي ** الى الشام

سالفتنه طويله

***************
1
نبدي بأول اجروحك
من اسمعت من الخيم كلمة عطش
بأول غربه بعيونك
وانت تتأمل وضــع ليل اهـــــدعش

راح ابدي اجروحك اشرحهن منك رايد حرگه وحيل
من ديرت وجهك لخيامك تحاول توگف بس اتميل
من اول هِم روحك من زينب من وصلنك عشرةخيل


ع الخيم عينك * والدمع بعيونك
السبي الزينب ** والسحگ بمتونك
السبي ادموع * الك ضام
من الحجار ** للخيام

سالفتنه طويله
**************
2
ويلي اشكبر جرحك
وگلبك لـ أكــبر علي يســــولف تعب
يعطش باچر اوليدك
لسانه بالعــــــاشر كأن قطـــعة خشب

وگدام اعيونك من يمشي وروحك تشــعر بي ذبلان
والشلعت گلبك يتلوه اگبــال اعيونك چي عطشان
واتفتش صدره وماتلگه ماضل سالم اي امــــچان

الوجهه تضمه ** خايف يحسدونه
هسه التجرحك ** صارو يذبحونه
شبع موت ** من السهام
من الحجار ** للخيام

سالفتنه طويله

***********
3
ديرت وجهك اتدور
عيونك بعــــازت اخو تــدور بقيـــت
خالي من شفت ضهرك
يعني ضهرك منكسر هسه انحنـــــيت

شكد تانيته يرد لعيونك ضهرك خالي اشكد ضليت
جيشك راح الـ يلزم ضهرك ولـ خيامك وحدك رديت
زينب راح الي يشد حيلي بنص اخيامك من ناديت


وحداني صاحو * راح اخو وحزامه
وگباله نحرگ * عله عياله خيامه
تره يطيح ** اذا گام

من الحجار ** للخيام
*******************
4
لحظة وكفتك وحدك
منين متباوع يجي لصدرك سهم
لحظه تنازع ابروحك
صحت اذبحوني لجن عوفو الخيم


لمثلث من صوب كَلبك يدري بگلبك جنت شــضام
يعرف گلبك جمره وتلهب وتوجع كَلبك حيل الشام
گلبك يم ارقيـتك يدري جاااي الليل اويــــن اتنام


نار المخيم ** بالركض تچويها
گلبك يگلك ** يمن اتخليها
الگلب نار ** ع اليتام
من الحجار ** للخيام

********************
5
وكفت زينب گبالك
وانت ذباحك صعد فوگ الصدر
ترفع ايدك وتنزل
جنك اتگلها يخت گلبي العذر

موادع بس شنهي من اموادع روح وعافت جنها الروح
جم سوگ امتاني المسبيه والرمح ايريد المذبوح
صعدت راسك فوك برمحه مخلي اطفالك ليك تنوح

يبچن لرمحك ** لمن يشوفنه
ابهيده وي ابونا ** گامن يحاچنه
ويجي الراس * بالاحلام
من الحجار ** للخيام


الحمد لله

ليله وحــــده من الفراك عُمر
بطلعت الروح يجي انوب فَجُر
عيوني ع الباب تردون انتــضر
يبويه يبويه

***********

بطلاع الروح ليلي يمر والهج بيك كاضيته
من كد ما بجيت عليك. سابع جار بجيته
من اول ليله مخنوكه وخبر يكتلني تانيته
بطيف وراسك ابرمحه بويه انزلي حاجيته

احلامي ٠٠٠٠ لو نمت وجه الصبح
احلامي ٠٠٠٠ تجيب الي راس برمح
احلامي ٠٠٠٠ تچمل اجروحي بجرح

ع الرمح ليش تجي بطيف شفت
واحجي وياك لرمح حار صحت
من البجي عليك بالاحلام متت

يبويه يبويه

****************

افز من نومي عطشانه منامي وكعدتي بحسره
من افك المصحف اتعذب اشوفنها السور حمره
الحياطين الي بيها اصفن يكَولن منكطع نحره
و ميه اواحد الطيحات بعدد تسبيحت الزهره

طيحاتي •• من بده ابروحي الهجر
طيحاتي •• يمته ما ذكرك يمر
طيحاتي •• يرسمن خالي المُهِر

اجويعده ابيت الحزان واون
كَلبي مشلوع واعيش ابحزن
و روحي تطلع اذا ليك احن

يبويه يبويه

************

انام من التعب والهم شما جاله الجرح يكبر
ويفتر وجهك ابالـــي وجه بس بالحجر منطر
وانشــد روحي وين اهلي هســه بيا بلد يا بـر
كلما تندگ البيــبان اگولن هذا اجـــــه الاكبر

جم مره * يندگ الـــباب وافز
چم مره * اشخط خطوط واچز
چم مره * ركضتي بگلبي تحـــز


شنهــي الراي اضــل دوم اعد
بدگت الباب يجي الموت وارد
وخلص عليك يبويه النِشد

يبويه يبويه

***************
وحـتى اكـسر حزن گلبي اذا بيه الحزن يصحه
واقراها السور وأبچي خطيه الـ بالگلب جرحه
وشما اقره حتى ارتاح وجفي المصحف يفتحه
(فمــهنم من قضى نحبه ) تطلع باول الصفحة


اقرالك ** قل اعـوذ من القـهـر
اقرالك ** بدمعي نگعت السور
اقرالك ** بس يجي ابالي النحـر


بعشره عاشور عله الباب متت
بعشره عاشور اذا اگوم طحت
بعشره عاشور يمذبوح صحت

يبويه يبويه

********

عليلتــكم بعد ما تت جناب السيـــــد الوالــد
عرفت انه اليصير وياك نحـرك ع الرمح صاعد
واصابع عشره مو بيدك وعلي بيدك نقص واحد
يبو ريج الجمر صايـر يذبحونك ابدم بارد


اعرفهن ** شكثر ضربات الحجر
اعرفهن * اثعنش طعنه ابنــحر
اعرفهن ** وين سحگات الضهر


جنت اتانيك اذا لاح صُـبح
هسه اتاني يجي براس رمح
الله وياك وانه وياي جرح

يبويه يبويه



الحمد لله والشكر

واليبقى وحده بساعة الشدة
ينخه الحنينة ومايضل وحده
امان .. امان .. من الخوف إسمها
بساعة الشدة


****

الينخى ام عباس تخلص حاجته وخوفه
اليغركَ وينده بسمها تلزم اجفوفه
الكَلبه مكسور وغريب لعلته موصوفه
تفزع وتكضي الكلايف بهايه معروفه


الغركَان كون بفاطمه يندب
بيد العظيمه يطلع امجلّب


دعاء .. غريب .. كَوله بنحيبك
شراع .. جبير .. من الهم تجيبك

بساعة الشدة

**

بشده من تطيح جرب جرب انخاها
قبل ما تلفض اسمها وياك تلكاها
( جينه ننشد كربلا من الها تقراها )
حاجتك مكضيه يمها الشده تنساها


ام البنين ونعم من عدها
مد ايدك الها وعلي متردها

امير .. تصير .. بس جدي منها
امان .. وراك .. هيه وابنها

بساعة الشدة


*

فرج من تضيج اسمها وتزغر الوسعه
الغريب الضاع كلبه بفاتحه ترجعه
اليبجي لجل حسين ابنها تعرفه وتسمعه
ومنها بن حذلم توفق يندب وينعى


بالخدمة راجع كل أمر ليها
لو ناوي تنعى اتوكل اعليها

لعزاء .. وجوب .. لازم تحضره
اليريد .. دموع .. تسهله أمره


بساعة الشدة

***

لا تدك كل باب تندم والله تاليها
وباب ام عباس اجهبه واكصد عليها
بجاه زينب روح يمها وفاتحه أهديها
بدون ماتطلب تعرف الكلفه تكضيها


وباب العظيمه الطاهره اكصدله
تحيي اليموت المايل اتعدله

حياة .. حياة .. للموته تكتب
اليطيح .. يكوم .. بس بيها يندب

بساعة الشدة
*

خبزه للماعنده خبزه وضايع بهمه
والغريب العاش عمره ودنيته تهظمه
ينخى ام عباس خله وهيه التفهمه
حاضِرَه وَيا يَحِسها واقرب من أمه


من الها جلمت < يمه > تحجيها
ام البنين وياك تلكَيها

حنان .. حنان .. طاريها نعمه
خيام .. عليك .. رحمتها رحمه

بساعة الشدة


***

معلكَه الناس بشوارب وانه بمريه
هيه مو علويه لكن جنها علويه
عنها كالت ناس هاي الحرمه بدويه
واني اشوفنها ام كَمر والحسينية


لحسين انطت كلشي تتباها
ومن فوك الله كلشي انطاها

دعاء .. دعاء .. والله اليسمعه
وتريد .. يصير .. اهديها ركعه

بساعة الشدة

****

الحمد لله

خالد عبد السادة البديري

بكل مِچِـربه وكل دَرَك جدامي
بيچ يم عبـــاس اشد احـزامي

************************

اعليه لو بس مره يندار الوكت
اعگـد الرايه واصـــيح اتعلعلت
علـيچ يمه بكل امــوري توكلت



انتي امي ومـــسكني وخيامي

****************************

انتِ بـــاب الله الــذي ماينطــبگ
و رحمة الله الي حوت غرب وشرگ
بيچ يم عـــباس هالــخافگ يدگ



عبد عندج كون تگضي ايامي

*********************
بيت للفقره و دفوا يم البنيـــن
وخبزه للـ أيتام يم گلب الحنين
تِـحظريني لو احلفج بالحسين



لغير بابچ ما تروح اجدامي
******

عليج طــول اوليدج وذاك العلم
عليج ركضت زينب ابين الخيم
رايد اتسجلينه اسمي ويالخدم


الموته بالمجلس ييمه احلامي

*************

بثوب الـ اسود كون اترك دنيتي
كون اموت وسبب موتي حرگتي
تجري لحسين من اموتن دمعتي

انه عبد المنذبح والضامي

مره عــصرات
ومره سحگات
لكسر الضلوع

لنصب عزه ابشيباتي
••••••••••••••••••••••

عشت •• يوميه
لعمر •• لطميه

عله ابو الاكبر بواچيي ولطمتي عله الزچيه

بچي •• وآهاااتي
شكبر • حسراتي

واسويلي عزه بحرگـه اذا صارت مسيه

أرخص دموعي كل مره •
ثواب لفاطــمة الزهره •

يجبل الليل
ياخذ الحيل
عله ام الحسين

لنصب عزه ابشيباتي



••••••••••••••••••••••••••

علي •• يحچيلي
الم •• يبچيلي
يسولفلي عله حسينه ذكر طاري الحوافر
لزم •• شيباته
حچن• دمعاته
عشر خيل بحوافرهن يسحگن صدره باچر

الحوافر تنصبغ حمره •
يدبچن كلهن ابصدره ••

بحــافر الخيل
ينسحگ حيل
اسم الله ناديت

لنصب عزه بشيباتي


••••••••••••••••••••

حلم •• بچاني
قهر •• راواني

شفت جثه شخص يمها و بصابعها ايتلمس
وگف • ناضرها
گطع • خنصرها
دخيل الله شفت چنه نهب من چفها محبس

شفت بحلامِيّ ابنيه •
و تركض جاااايبه اميه ••

اعرفته بعدين
هذا الحسين
الفوگه الحجااار

و لنصب عزه بشيباتي

•••••••••




لجنت • خادمته
بحلم • شايفته


الزلم كلها غدت هوسه بحجر كامت تشمره
نهض • واتعثر
اوگع •• مايگدر

شفت واحد رفع رجله وسحگ حيل عله صدره

عليه خلاهن اجدامه • • •
واخذ من راسه العمامه ••


سلبو اثياب
ولاح التراب
وجه الحسين


لنصب عزه ابشيباتي


••••••••••••


شكثر • شيباتي
شكثر • وناتي

هذن كلهن حزن گلبي عله البطف تسلب

انه •• البدويه
اون • ليليه

عله اطاح بضهر عاشر بدمه نحره تخضب


انحز من گفه وريده • ••
گطعو إصبع من ايده •

والله ماهيد
گطعو اوريد
ونتي شيبات

ولنصب عزه ابشيباتي

••••••••••••••••••••

جرح • عاشرته
خيم • سالفته

وحبل بيدي اشوفنه اذا عاين لديه

وجع •• بمتوني
ردت • يسبوني

شيصبرني ا بوقار اگعد اذا زينب سبيه


ابزلمها اتهوس الكوفه ••
ابنيت الزهره مچتوفه ••


تهوس الناس
وماكو عباس
وانه ضليت


لنصب عزه ابشيباتي

•••••••••••••••

گالو جوچ النـسابة
حيدر وده الخطابه
گتلهم الله جــــابه
يا حياه
برايه وكيفه وبأمره
بطاعت گلبي هو ادره
خدامه ابيت الزهره
امشي وياه

***

اسجدت من أسمعت بيهم اجو أهل المحنه
وجرني گلبي شاورني هذوله الناس اهـلنه
المثلــك ما يــجي ويــسأل ولا ليه ايتعـــنه
اهلي واني وانــــسابي عـــبيد عيالك احنه


اريد اتكـــــــــلم ايصــير ؟؟
شرف خدمتـــكم اچـبير
اريد اركع عله الباب
وسجود اجوابي تـقدير




حتى الكــره الأرضـية
ركعت صارت محــنيه
خادمتــــك تقــبل بيه
ابقى هنا

برايه وكيفه وبأمره
بطاعت گلبي هو ادره
خدامه ابيت الزهره
امشي وياه

*

ومشيت لبيت ال الله آل أحس چنـه حسينية
شرف عرش السما هالبيت وعليه دخلت كلابيه
اطوني اميه من الحب وگالو صـرتي عــــلويه
اكبر غايه عندي اليوم ترضى فاطمة اعليه


بهيئة خادمة جـــيت
نحنيت اباحت البيت
حمدت الله عله القسمة
وبسم الزهرة طبيت



تراب البيت القرائني
بـ الإخلاص اتلگاني
حسين بـ يمه ناداني
واويلاه


****


الخدومة اسمي مو يمه سوالف گلبي في نبضه
سيد السادة تاجي حسين الخالق قدرك يفرضه
مرار اتوضه مو بـ الماي. بشوفت وجهك اتوضه
ما ارضى على روحي إذا لحسين ما يرضه


كل الترغبه ايكــــون
تحت رجليك العيون
ميهمني الخلق والناس
اذا انتم علي ترضون


تحت وسادتكم جنه
مرار عليكم اتعنه
بسمي تصيحون اتمنه
وانده هااااا


*


على الله وفاطمة وزينب جبتهن يوم يتبـــع يوم
وعن عباس جنت ادري وصلت گلبي منه عـــلوم
وشلته ابطني العباس أحس نوره بغرفتــي يحـوم
اكوم شما تجي زينب لأن عباس أحسه ايــــكوم



أحسه يگوم بـهــداي
واشعر يحچي وياي
اذا لزينب سمع صوت
چنه يگلي جيبي الماي


واني وزينب ناغيته
وهي تگول امتانيته
من گلبي أشعر حبيته
راح اتناه


*

مثل ما يقبل السائل قدومي لبيت ابو اليمه
أطرق رأسي خجلانه واشـكر ربي ع النعمه
الغريبين الحسن وحسين جبت الهم اخو زلمه
يدري اخوانه شيحسون ويفهمهم بلا كلمة

اخو يشد حيل الحسين
اخو خـــادم للحســـين
اخيه حسين رباه
اخو بس ابن الحسين

گتله تحب من يالغالي
‏وجاوبني حسين الغالي
‏هوه الاول والتالي
‏ولا انساه

راح وكسر ضهري وخاطـري وگلبي
راح وضــعت بعــده وضيـعت دربي

البلخمسين عمره هذا شلــون يعثر
مو مال اركض اني بس ركضني الأكبر


***

رايح راد مشــدوه انتــــظرتـه
ومن هالروحه مايرجع عرفته
صاح وكمت أحس الشيب أخذني
بركض مو مال عمري من گصدته


اركض واعثر طاح الاكبر مالمها البر روحي
كسرة ضهري غصة صدري شصاير مدري روحي


طاح البي اشـــدن حـــيلي واحــزامي
الزلم والخيل اشوف تسحگه گدامي

من اسمعت صوته احس گلبي تفطر
مو مال اركض اني بس ركضني الأكبر

**************************

طيحت علي الاكبر كبرت تعبي
ومن هالطيحه كل شلعان گلبي
واگف من سمعت ادركني صاحالي
غواش ابعيني صار وتيهت دربي

تذكرت امي *من صاح اسمي * تغير رسمي * هوايه
طلعت روحي *وسمعو نوحي * عله ابني جروحي هوايه


شي بالسيف شي با رماح مطعون
و كتلنالك علي الاكبر يصيحون

مات وليد گلبي الدنيا براسي تفتر
مو مال اركض اني. بس ركضتي الكبر
**********************

ركض من اعتنيت ادموعي غلبني
صح خطوات بس الموت راوني
امشي وخيل اشوف يسحگن بصدره
وگلبي ايصيح عوفنه واسحگني

بجدمي الضايع * رايح راجع * ابني واگع ** گبالي
طعنه بصدره * عبرت ضهره * خلص عمره * گبالي


مــشيب لكن اركــض خايف وحايــر
چبير حســـين صاير عرضــه للحافر


بس لمن وصلته ** شفت الاكبر ازغر
مو مال اركض اني بس ركضني الأكبر

**************************

ساكت ماحـــجيت وكاتم نياحي
بس ابداخلي شلون اكتم اصياحي
طاح وايدي لزمت گلبي لا موت
وايدي الثانيه امخليها بصفاحي


* اركض جيته * ما حجيته * بس لميته * بيدي
بحضني ويوكع * مايتجمع * روحه التطلع * بيدي


ورجعت على المــخيم جايبه اجنازه
اوليدي البيدي ميت حيـل معتازه


رجعت عله المخيم صاير وجهي اصفر
مو مال اركض اني بس ركضني الأكبر

**************************

هويت اعليه شاب ومن كمت شايب
الاكــبر مـات بس اميه ماشــــارب
بيش ارجع لزينب تنتظرنه نعود
حيره عله المخيم ارجع اشجايب


و الشيبني * والعذبني بجروح ابني راجع
بحيرة روحي * بحزني ونوحي * بهاي جروحي * راجع


اخت وتشوف اخوها من رجع مايل
فــهمتني وبـــعدني احجايه ما گايل


يزينب يختي الحگي بعد ع الممشه مگدر

مو مال اركض اني بس ركضني الأكبر

**************************

الحمد لله شكرا لله

سامعه الصوت
صوت كسر اعظام هذا وكَلبي حاير
سامعه الصوت
بس كَبل بسمار جان وهسه حــافر

نشلع كَلبي مَرِتين**ويالزجيه اوي حسين
سامعه الصوت
¯¯¯¯¯ ¯¯¯¯¯ ¯¯¯¯¯ ¯¯¯¯¯ ¯¯¯¯¯

بهيده ابجي.. المن احجي .. صوت اخذ روحي وعلي لمن سمعته .
كَبل عصرات… هسه سحكات… صوت جن ضلع انكسر هذا عرفته .

اخ من هاي الحوافر شيبتني
شما تدوس ابهيده اصيحن دولبتني
بصوت اه من امي طالع ذكرتني
داست بصدر الحسين ودوهنتني


بهيده ياخيل

هذا اخوي شبيجن بهيده على صدره
بهيده ياخيل
شو حوافرجن غـــدة من دمه حمره
شبجين تطلبني دين
نشلع كَلبي مَرتين
سامعه الصوت
*******
شفت الحسين… طاح مرتين… اني ع التل وندهلي خلص الحــيل
بحسره اناديه ..حسين احاجيه… خويه هم روحك تره وصلنك الخيل


سحكن بصدر الحسين وكلها تشهد
واني انادي خيولكم سحكت محمد .
ردت واحد بي رحم بس مامش احد
جن اسمعه احســــين يازينب تنهد


والله حيره

بصدر اخوي احسين جم حافر لكيته

والله حيره

لو ابو فــــاضل عدل يفـــزع نخيته

وين ادير الوجه وين
نشلع كَلبي مَرتين

**********

شفت واحد… فوكه كاعد… برجله داس حسين وكَبالي يرفسه
بعيني شفته… حز ركبته… واني انادي هذا اخونه لا تلمسه

يحز ركبته وتارسـه وجهه ابتسامه
دنت نفسه وباك من راسه العمامه
وهوه يذبح بيــه شافــنه اليتــامه
وجنه راس حسين ينــده بالسلامه


جيت اركض

بس احس بالراس جان يكلي ارجعي

جيت اركض

السبكَني بطيحته من اعيوني دمعي

انده بصوتي الحزين
نشلع كَلبي مَرتين
سامعه الصوت
******

واني ع التل ..كَلبي يسأل… اشلون اخلص حسين ورجع يم خيامه
المن امشي… رعب كلشي… شفت باكو محبسه وسلبو عمـــامه

للخيول احــسين صدره صار ملعب
واني ما اكدر ليمه شــلون اكرب
الموتتني بعيني شفته من تسـلب
شارب حسين وعلي بالدم تخضب

العذبتني
واحـــد لواحد شــمر ياناس راســـه
العذبتني
دم اكو بموضع كَبل بي جدي باســــه

بس انادي بالونين
نشلع كَلبي مَرتين
سامعه الصوت
******

هواي الجروح… التاخذ الروح ...وانتظر ليلي يحل خاطر اروحن
اجمع اضلوع… واحجي بدموع… غادي الم اوصاله ويم صدره انوحن

روحي اخلصها ردت دمعه على دمعه
اثر حافر هذا باقي فوك ظلعه
هذا جف احسين بس مكطوع اصبعه
وفوك صدره لجم رجل متروكه طبعه

يا زمن لا

هذا اخوي شلون الم جسمه باديــه

يا زمن لا

واني راح اطلع تره باجر سبيـــه

هاي قصتي ويالسنين
نشلع كَلبي مَرتين
سامعه الصوت
*********

خالد عبد الساده البديري

ينصاري طلعو حرمــكم گـبعوهن بـ العــــبي
التبقه منهن وي حرمنا يعني باچر تنســـــبي

خلوهن ابعيــدات
ابنياتي مسبيااااات

**********************

الليل هذا استــــعجلو وكل الـحرم طلـعوها
اخذوهـن لطرف المدن وبس زينب اتخلـوها
الوي زينب تريد وتضل باجـر تره يـــــسبــوها
من راسي يـصعهد ع الرمح يعني الحرم چتفوها



فوگ الرمح راسي باچر وكل حرمنه على الهزل
المن حرمكم تبقى يمنا هــــايه تنـــگاد ابحبل

ينصاري والحسرات
ابنياتي مــسبيااااات

***********************

لخيامي هذا اخر مسه ومن الصبح محترگــه
وبسيفي الملم بـ الحَسك عن لا رقيـه تسحگه
باجر تهز طرف الرمــح تركض لـراسي تشبگــه
ينصــاري باجر مو سهل والسهله حيل الـفرگه

طلعو بـحرمكم لهلهن تبقــى زينــب لليسـر
باجر اسمها السبيــه وانه مســـــحوگ الصدر

ليل بصحاري تبات
ابنياتي مسبياااات

*********************

بعيده الدروب عله الهزل وشجـم درب يمشنـه
و متشبگاااات ابجـامعه درب السبي ايخلصنــه
وياهن امشي عله الرمح وراسـي ارتفع شـافــنه
اي وحده توگع بالدرب من زينـــــب انه اتدنــه

خلو حرمكم يربعي يتعبن ابذاك الـــدرب
خلو الخدر باجر الهن ولختي شلعان الگلـب

ايام اليجن مُرات
ابنياتي مسبياااات

*******************

عـدكم عــشاير تنجمع ترجــع حـرمكم ليـها
وتـتلفت اختي وتنهـظم محـد يــطالب بيـها
حداي ناگــتها الشــــمر لمن يصــد اعليـها
بچفوفه دم من منحري يشيل ايــده ويراويها


لتـــشوفه باجر حرمنه يگطع انيـاط الگلب
من الممشه اي وحده تتعب حتى تمشي تنضرب

يشبعن بچي ولچمات
ابنياتي مسبياااات
*******************

و من سمعو ابهذا الحچي كـل الانصار انجمعو
لحسين بدموع الـــعهد من يم خـــيمهــم ردو
كلمن اجه وجايب هله اگبال الـــمخيم وگفو
ذبو خواچيـــهم واجو وبصــوت واحد هوسو

( ياهي اشرف من زينب بيهن )


من زينبك ياهي اشرف حتـــى ما تطلع سبي
ابنياتك وزينب اختك سمعــه ســوون للعبي

زيادت شرف مرات
ابنياتي مسبياااات




الحمد لله
شكرا لله

يازهراء مدد


راس الــرمح ** بـس چم صبح
ونتلاگه وابچــيلك
لشاااام مْـنَ افوت ** اشبگ واموت
وساعتها احجيلك
*******************

ياراس ابوي اســتو بده موعد سبينا
وارتاح انـت ولا يضــل بالك عــلينه
ياا بويه هذا من الحبــل دم البدينه
بس انت بالك لايضــل حيل انه زينه

يا بابا لا تــزعل ما يوجع اجفوفي الحبل
من الرمح يهتز يعني اني اموت عله الهزل

لا تنجرح ** حار الرمح
لا تفتر ادخيلك

****************************^

يا نحر ابـوي بهالدرب ضل انـت يمي
و تعرفني من دم الاذن مو هوه رسمي
لا تهز رمــحك يا نــحر لو صـاحو اسمي
ولا توكع انت لو شفت ضل يــجري دمي

من الهزله واحجــيلك قصة گلب شابع حرگ
ابـــنيه وابو افترقو ومن لا گته ماتت شبگ

نحر الابو ** لسا حلو
من الناگه اناغيلك

**********************

وخـل نتـفق هذا الــدرب من تصد اليه
بعين الـي طب بيها السهم باوع عــــليه
يا نحر خـــوفي تنــجرح من احبال اديـه
لــــهذا النحر فدوه رحـــت يابو رقية


وبالليــــل نتــلاگـه من نستراح من الدرب
واحجيلي عن رمحك واني احچي شلعان الگلب

چاااا مو سهل ** جرح الحبل
بالليل اراويلك

********************

ويـاك يا راس الرمــح احجي ابدمعتـي
شما بيك ابرد لا تهــم انت لـدمعتـــي
من الناگه اذا باجر شفت صارت وگعتي
اشجم يوم يعـني و ألتقي وياك بشبـگـتي

من اوگع اگبالك لا توكَع انت يا نحر
من اطيح من رمحك شيجبره كسران الضهر

لو بس شفت ** يمك طحت
بساع ارجع امشيلك

**********************

من النـاگه واتلــفت الك وين انت تندار
واميـه اجيـبن للرمـح بجــفوفي الزغـار
مرات من حر الشمس يصير الرمح حار
و احتار شيصعدني الك ! شينزلك احتار؟


مرات اتمنى كون انـه راســي عـلى الرمح
وبميه تتروه واتمنى انـه اشبع ذبح

طويل الدرب ** يفت الگلب
من ياهي ابديلك

**********************

يازهراء( مدد)




خادم ** اليعيش حـــسين بروحه
خادم ** حلوات هــواي اجروحــه
حتى من يموت ** ويغمض العين
مبين التــابوت ** ليحب حسيـــن

بروحه
**************************

مثل العلگ من ينعگد هيج انشد ابيا هو اتحب
واشطر گلب * الـ ببو علي * تچلوبت اعمه ايچلب


و مَـيحب اثنيـــن
الگلبه ويه حسين مايعرف يهواله انسـان

بحســين يگـوم
ويگعد بحسـين ويحچي ابگلبه مو بلسان

واحد* كل عمره عايش بس يحب * واحد
گاعد * واسم ابو الاكبر بالگلب * گاعد


واضح * امنارة جامـع بولايه
واضح * وجهه ومگفاه مرايه

من تحچي ويا ** يترسها العين
مبين التــابوت ** ليحب حسيـــن
بروحه
**************************

واجمل جرح من تنجرح عله المنذبح لچماتك
شيسوه العمر * لمابي دمع ** والمن تضم دمعاتك

اگضـي الايام
سالفتك شام و اترك دور المرتاح

ابنادم مهيــوب
لو حس منهوب وحيله بكل عاشر طاح


يومك * بدموعك ابدي عله الخيم يومك
هدومك * خليها سود امطينه اهدومـك


العاشگ ** من يتذكر محبوبـه
العاشگ ** مايلتم كون ابثـوبه

هو البي خير ** اتعرفه منين
مبين التابوت ** ليحب حسين


*********************
عوف الهـوه ** لهل الهوه * وخلي العزيه ابصدرك
من تنحني * بيوم الطبگ ** لحسين يلزم ضهرك

المايسوه الشوگ
بالـك تـــــهواه ** وحب حسين ليسوه تطيح

حسين يرد بيك
ويمه ايخلــيك تضيع بدونه ريشه ابريح


ضايع * والـــيهوه غيــره امــتيه * اوضايع
راجع * عله العدم يمشي وللعدم * راجع

اوگف * من تضــيع وماتندل
اوگف * بسم المذبوح اتوسل

اوكف وانخاه * يعينك بعدين
مبين التابوت ** ليحب حسين

*********************



غص ابرمح * وحس منسلب * مثل التحبه احساسك
و من دنيتك * اخذ العزه * واشهگ جمر بنفاسك


الحب موقوف
لحسين وشوف شلــــون تعيش الايـام


من تحس بالشوگ
وگلبك محروگ كل ديره تحسها الشام


روحك * بديها ماي عله الخيــم *روحــك
جروحك * مقياس حبك مو حچي * جروحك


جرب * و لغير حسينك ابچي
جرب *عوف حساسك لا تحچي

عليك يدورون ** ماتلگي اثنين
مبين التابوت ** ليحب حسين


*********************

ومنك والك ** يابو علي * خيري وخدمتي ونوحي
ماعندي بس * هالدعوه الي ** مولاي چمل اجروحي


من ايدك هاي
ولـ ايدك هـاي عبدك بس يرجو ارضاك

مادگ بيبان
ولا اهوه انسان عبدك رايد يبقى وياك


مچلب * تچلــوبـت اعمه ابخدمتي * امچلب
ماحب * لو بــرد گلبي هالگــــلب * ماحب



اذكر ** مو يمك اكضي ايامي
اذكر ** عطشانك حيل وضامي

ما يجرن شوگ ** دمعات العين
مبين التابوت ** ليحب حسين

*********************

الحمد لله