اليوم طاح حسين طاحت فاطمه
بفگد طه اتهاوت انجوم السمه
〰〰〰〰〰〰〰〰〰〰〰
بفگد طه التمت اعلينه المحن
جرح ينزف ظل على طول الزمن
انكسر بالباب ظلع ام الحسن
وچم جرح بمصابه ظل ينزف دمه
〰〰〰〰〰〰〰〰〰〰〰
چم جرح بمصابه شفنه من الدهر
بفگده طاح الليث بالراس انطبر
حيدر الكرار غدروه الكفر
والمصابه الشيعه تبقه امٱلمه
〰〰〰〰〰〰〰〰〰〰〰
بفگده طاح الحسن مسموم الچبد
بالطشت ذب الچبد منه انمرد
والنعش صابوه بسهام الحقد
والگبر لليوم محد رممه
〰〰〰〰〰〰〰〰〰〰〰
بفگده طاح حسين مرمي عالثره
يمه اخوته او كل صحبته امطبره
اتگطعن چفين سبع الگنطره
يظل يومج كربله اعظم ملحمه
〰〰〰〰〰〰〰〰〰〰〰
بفگده زينب و اليتامه امگيده
اميسره للشام ودوهه العده
الجدهه تشكي الظيم والهم السده
والچبد صاير جمر من الضمه
〰〰〰〰〰〰〰〰〰〰〰
بفگده چم معصوم مظلوم ابغدر
بين سم او چتل ما بين الكفر
ظل املنه الحجه ننتظره ابصبر
ايعيد حملت حيدره حامي الحمه
〰〰〰〰〰〰〰〰〰〰〰
لشاعر اهل البيت عليهم السلام
خالد عامر الزيادي

طه طه زينب تنادي طه طه بين الاعادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ياجدي نادت واعلينه فزعت خيل ال اميه
اعيالي هجت واخواني طاحت بالغاضريه
طايح ولينه وامخضبينه ابـن الزچيه
احنه انسبينه وامـسـلبينـه وانـه سبيه
طه طه ناده المنادي. طه طه والشمرحادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
طاح الكفلني والهم كتلني والدمعه تسچب
والي هظمني. زيدلي وني هاي النوايب
امشـي سبيه بالغاضريه ويه الاجانب
وي ال اميه بت الزچيه شوف العجايب
طه طه اعليك اعتمادي طه طه اتجرح فؤادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
حركو خيمنه ذبـحو زلمنه. ولـيه ولـونـه
نهتف يجدنه والي هظمنه ايسبون ابونه
اسـره ضعنه للشام اخذنه يسره خذونه
بالهيمه سرنه ايتام اوحرمنه وي راس اخونه
طه طه بالهم ينادي طه طه زين العبادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ألوحده سجاد من بعد الامجاد اهل الشهامه
المجلس احقاد ياجدي ننگاد وسفه اوندامه
ابلايه ولينه انرد للمدينه بس اليتامه
انمر بالظعينه. يوم اربعينه. لهل الامامه
طه طه صرخة فؤادي طه طه هزت الوادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي

اهتزت اركان السمه راح والد فاطمه
گامت اتنوح الزچيه ابهذا الآمصاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يوم راح النبي الهادي فاطمه اتهل الدمع
تنادي ابونه شجيه بويه احس گلبي انشلع
بويه ظلمتني الآعادي وانكسر من الظلع
بويه والمحسن تصوب راح مني منصرع
شوف بويه ابن الدعي هل سطرني ابعيني
گامت اتسيل ابدماهه او دمع سچاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من غبت سيد رسلهه خالفو عهدك الي
وبجمعهم بالسقيفه خلفو البيعه العلي
فزعو اعلى الدار لينه چتفو بويه الولي
ٱلتزم بويه ابوصيتك ماخلف عهده الوصي
بويه خلفو بيعتك خم غدير انسوهه
غدرو ابحيدر علينه داحي الباب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
آه يابويه شوصف گلبي چم لوعه حمل
من جمر فگدك تچوى والجسم مني نحل
بلوعة السطره يوالي عيني حمره واتهمل
وانكسر بالباب ظلعي بويه واگليبي ذبل
بويه محنيه الظهر من رحت يالغالي
دمعي بالعصره اختلط وي دم الآصواب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه بالحسرات والهم خلص بعدك هالعمر
دنيتي جارت عليه بظيم وآآهات و قهر
بعد ماغمضت عيني حيدر ابراسه انطبر
والحسن تدري ابغيابك چبده بالسم نفطر
و الحسين ا بكربله الشمر حز رگبته
وزينب الحره سبيه ابين الاجناب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه من گبري وانوحن باليسرويه الحرم
وبدمع سكنه او رقيه گلبي يابويه انهظم
طفلي وي طفل الرباب بنبلة الطاغي انفطم
وصدري رضنه الحوافروي صدرابني انهشم
صوباني حرمله يوم صاب حسيني
دمي من ظلعي جرى وي دم الآخضاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعراهل البيت عليهم السلام
خالد عامر الزيادي

ملا هذه القصيده على لحن قصيدة (اسمعي يمي فاطمه) للملا احمد الباوي

نـزل مـرسال الـمنيه
استٱذن السيد الـبريه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بدموعك يحيدر ودعت سيد الرسل
ياعلي وايعينك الله اشلون گلبك يحتمل
اشلون ودعته اخيك مـن گـرب ليه الاجل
بقت لو وياه روحك راحت اوياه من رحل
راح طاهه ابهل مسيه
صعبه كلش هالقضيه
حـيدر ايـفارگ اخـيه بالانين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشحال الأيوسداخيه بيده وابوكت الدفن
وحسرة الفاگد عضيده مايفيد الهه الحزن
ماتوفي ادموع عينه لو تصب شبه المزن
عظم الله اجرك يحيدرعالمصايب والمحن
ياعـظـم هـاي الـرزيه
وحده ظل حامي الحميه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بـغيابه حزينه فاطمه ابحسره اوألم
جارت اعليهه النوايب من رحل سيدالأمم
الأبوخيمه اعلى بنته لوتحس بنته ابهظم
ابياألـم ياحسره ظلت ابيامصاب اوياظلم
من تون ونـه شجيه
راح ابوالزهره الزچيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بالـهم ابـغيابه الـحسن دمعه ايـهمل
والغريب حسين بعده بحسره ماضله امل
شافواخلافه الاذيه مـن ظلم اهـل الـجهل
واليتامه اتلوع ضلت لاولي لاعـدهه أهـل
الـحزن عـم عالوطيه
راح ابوالطلعه البهيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خالد عامر الزيادي

فاطمه يافاطمه يافاطمه
فاطمه يافاطمه يافاطمه
ألچ لوعه ابكل گلب يافاطمه
ألچ تبچي اهل الارض واهل السمه
………………………………………………………
الچ دمعه ابكل جفن يم الحسن
شبه طوفان الدمع فوگ الوجن
اجيال بعد جيال نورث هالحزن
الكل مصيبه اوكل جرح ننزف دمه
فاطمه يافاطمه يافاطمه
فاطمه يافاطمه يافاطمه
………………………………………………………
يامصيبه او ياجرح منهن يطيب
كسر ظلعچ لو فگد طه الحبيب
لو جرح بالباب و المحسن يغيب
لو جرح حيدر علي حامي الحمه
فاطمه يافاطمه يافاطمه
فاطمه يافاطمه يافاطمه
………………………………………………………
ظلعچ المكسور ياهو الجبره
نعتب اعلى الباب لو عالكسره
او فگد حيدر نار بينه اموجره
حسره ظلت بالگلب و اتألمه
فاطمه يافاطمه يافاطمه
فاطمه يافاطمه يافاطمه
………………………………………………………
حسره ألچ مولاتي اوحسره ألي
شلون بأذن الله من شفتي الزكي
ساعد الله اگليبچ او گلب الولي
اعلى المصايب والحزن يافاطمه
فاطمه يافاطمه يافاطمه
فاطمه يافاطمه يافاطمه
………………………………………………………
شلون شفتي حسين انصاره تطيح
هذا ينزف ذاك مجروح اوذبيح
وزينب الحره تناديچ او تصيح
حرگت اخيامي الزمره الظالمة
فاطمه يافاطمه يافاطمه
فاطمه يافاطمه يافاطمه
………………………………………………………
حبچ امن الباري اعلينه فرض
نحمدالله او نشكره ابهاي الارض
احنه شيعه او بالحشر يوم العرض
بالشفاعه اتفوز شيعة فاطمه
فاطمه يافاطمه يافاطمه
فاطمه يافاطمه يافاطمه
……………………………………………………....
لشاعر اهل البيت عليهم السلام
خالد عامر الزيادي

ياذينه امصابچ يالزهره
ياذينه امصابچ يالزهره
➖➖➖➖➖➖➖➖➖ـ
ياذينه امصاب البسمار
من صابچ من باب الدار
لجله العين اتهل اعبار
والفگدچ ونينه ابحسره
➖➖➖➖➖➖➖➖➖ـ
ظلع المكسور ايأذينه
فگد المحسن عايش بينه
حيدر واجروحه اتبچينه
لجله العين اتهل بالعبره
➖➖➖➖➖➖➖➖➖ـ
اتسيل دموم الداحي الباب
سالت وي دم المحراب
والهم اكبر هم من غاب
بسم واچتول اخلافه العتره
➖➖➖➖➖➖➖➖➖ـ
سبط الهادي الچبده انمردت
من نيران السم احترگت
منهه الشيعه ابفگده اتچوت
والهل يوم اتضل مستعره
➖➖➖➖➖➖➖➖➖ـ
لحسين انظل نبچي ابلوعه
والچف عباس المگطوعه
اوزينب واطفاله المفجوعه
والجسمه الظل فوگ الغبره
➖➖➖➖➖➖➖➖➖ـ
نقسم نتعاهد يالزهره
مانخلف حبنه او يالعتره
ماننسه حسين اشمايجره
وايظل حسين اعظم ذكره
➖➖➖➖➖➖➖➖➖ـ
لشاعر اهل البيت عليهم السلام
خالد عامر الزيادي

باب الكسرظلع الزهره خله الگلب يلهب جمره
من ذاك اليوم الهاليوم
شيعتهه ظلت بهموم
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
من انكسرمنهه الظلع البضعه بنت المختار
ظلت تلوج امن الألم والعين اتصد للكرار
الهظم محسن من وگع يومي بأيده اعالبسمار
والدمع منهه سچاب
اتنادي ياداحي الباب
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
خلفو وصيتك والدي بيعتهم او نكروهه
بجمع السقيفه اهل الرجس ام الحسن ظلموهه
اول هظمهه الشافته بالباب من عصروهه
جم ضيم الشافت جم هم
عترتهه بچتول اوسم
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
او بعد الزچيه الطاهره اتواكبت هاي المحن
جرح الصميده حيدره الشيعه ونتله ابحزن
والحره زينب حايره فگدت وليهه اخت الحسن
بفگد امهه وامصاب الولي
مهمومه زينب بت علي
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
والمسموم وجرح امصابه والچبده الظلت مسمومه
وحسين الظل فوگ الغبره عطشان امخظب بدمومه
ولوعت زينب يوم العاشر مسبيه اوامست مهظومه
ابلا والي اتظل بين الناس
لا يمهه حسين او عباس
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
وي ونت زينب ونينه واشگدشفنه آآهات اوظيم
چم ظيمالشفنه اوعانينه چم ارگاب السالت دم
متمسكين ابحب العتره اشما ضحينه او مانهتم
اشما جارت بينه الكفار
تتعنه العتره الزوار
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خالد عامر الزيادي

نــــــــــعـــــــــــي
ـــــــــــــــــــــــــــــ

اشگد صعبة ابغيابچ چلمة اليمه
أمن ا سمعهه ييمه اتهدم الحيل
أزغيره أوفارگيتچ بأول اسنين
على اخدودي ابغيابچ دمعتي اتسيل
حگ مو بس دمع ابجي انه الاعيون
ياشمعة حياتي ابظلمة الليل
عليچ الدنيه وحشه اوخالي البيت
اهنا يم المحنه اشلون ترحين

خادم الزهراء عليها السلام
خالد عامر الزيادي

نــــــــــعــــــــــــــي
ــــــــــــــــــــــــــــــــ
رحتي امن اديه يمه غفل رحتي امن اديه
تصعب عليه يالغيبتچ تصعب عليه

وگت الاغروب كل يوم اذكرچ وكت الاغروب
واگليبي متعوب من فرگتچ اگليبي متعوب
عيني اعلى الادروب وانطر جيتچ عيني اعلى الادروب
لوهاي هيه انشوفچ بعد لوهاي هيه

صارت بعيده يالشوفتچ صارت بعيده
والهم يزيده ايون الگلب والهم يزيده
بعدچ وحيده بس بالحزن بعدچ وحيده
يمي الزچيه مشتاگه الچ يمي الزچيه

لشاعر اهل البيت عليهم السلام
خــالـد عـامـر الـزيـادي

يا علي يا علي ياعلي
ياصراط الدين يانعم الولي
……………………………………………………
ياصراط الدين يا نور الجنان
ياأمان ابكل وكت وابكل مكان
انته حماي الحمه اوبر الامان
واليگصدك كل همومه تنجلي
……………………………………………………
اليگصدك سيدي اينال المراد
ياذخر النه اوسند يوم المعاد
انته سورالشيعتك وانته العماد
وانته نور اگلوبنه البي نهتدي
……………………………………………………
ياوصيي الباري ياذخر الرسول
يا أبو السبطين يازوج البتول
ياشفيع الشيعتك يوم الذهول
سيدي ابيوم الحشر انته الولي
.......................................................
الكل يحبك فـاز دنيه او اخـره
بيدك انته اعلى الصراط اتعبره
اوبالجنان ايفوز باسمك حيدره
والينكرك سيدي ابهم يبتلي
.......................................................
انته نور اگلوبنه وانته الطبيب
يامعين الكل فقير اوكل غريب
النخاك ابشده ابد لا ما يخيب
او بالشدايد بيك كلنه نعتلي
……………………………………………………
الشيعه يا مولانه هداهه الصبر
تنتظر مهديكم ابحر الجمر
تدعي للباري يعجل با لامر
بالرسول اتنادي واسمك ياعلي
……………………………………………………..
لشاعراهل البيت عليهم السلام
خالد عامر الزيادي

ابيا لوعه تندب زينب
ابيا لوعه تندب زينب
➖➖➖➖➖➖➖➖➖➖➖➖
شافت مرار او ظيم بنت الزچيه
تندب علي الكرار با لغا ضر يه
احظر يحامي الجار حامي الحميه
ترضه يبوالحسنين دمعاتي تسچب
➖➖➖➖➖➖➖➖➖➖➖➖
متحزمه اليه احزام هاي النوايب
چندوب اعد هموم واحمل مصايب
يابويه من فرگاك شفت العجايب
من ساعة المحراب وراسك تخضب
➖➖➖➖➖➖➖➖➖➖➖➖
بعدك يوالي العين تهمل دمعهه
مفجوعه با لسبطين ضنوة البضعه
چبد الحسن مسموم حيرهه وضعه
بأرض الطفوف اليوم علي تندب
➖➖➖➖➖➖➖➖➖➖➖➖
اموسده الشبان يا حيدر اتشوف
و أ بلوعه للعباس انگطعن اچفوف
يابويه من بلواي گمت ازحف ازحوف
و اگليبي گام ايلوج بالهم تعذب
➖➖➖➖➖➖➖➖➖➖➖➖
يابويه طاح حسين واخيامي شبت
محتاره با لأ ايتام للحومه هجت
تولوني بويه بسوط امتوني ورمت
تضربني ها لعدوان يابويه واتسب
➖➖➖➖➖➖➖➖➖➖➖➖
ترضه يبو الحسنين ا تسبيني ارجاس
واميسره للشام امشي او يها لناس
مره اصدراس حسين مره اعلى عباس
فوگ الرمح عباس و اعيونه تلهب
➖➖➖➖➖➖➖➖➖➖➖➖
شاعر اهل البيت عليهم السلام
خالد عامر الزيادي

مظلوم الكاظم مظلوم
مظلوم الكاظم مظلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
موسى الهمه اوغيظه الكاظم
عابد راكع ساجد صايم
بصبره ايهدم سور الظالم
ويگله الظالم متدوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مسجون اودم تجري اگيوده
ابن العتره او منهم زوده
ابعلمه اينور الظلمه السوده
و للكاظم بالدنيه اعلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
ضحه الدينه او هاي الأمه
امگيد و الگيد ايحز جسمه
وابسجن اظلم من ظلمه
وابجبده الأصبح مسموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
جابوه او جثته المگيوده
فوگ الجسر ممدوده
واتنوح الشيعه الموعوده
يم الجسر الهه اهموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
كل عام احنه نواسي الزهره
او نتعنه ابدمعات الگبره
جسر اليمه النه اعظم ذكره
من طاحت سكنه اوكلثوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مولاي احنه الشيعه انادي
يالكاظم يانور الهادي
مسجونين احنه ابكل وادي
من ذاك اليوم الهل اليوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
شاعر اهل البيت عليهم السلام
خالد عامر الزيادي

ابسجن هارون ابسجن هارون
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
امير المؤمنين اليوم مسجون أبألف حسره
والطاغي الدعي هارون لاهي ابنسوته اوقصره
تناديه الخدم ياحيف امير اتعظمه واتكيره
وابن اطهر نسل بالكون امگيد جيده اونحره
امام الكون امام الكون
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
من سجن السجن مولاي اتحيرظالمه ابأمره
صبرشبه النبي ايوب حتى الصبر مل صبره
عجز محتار ضل هارون جاب الجاريه اتغره
أمة شرف سواهه امن الكاظم خذت عبره
عبر وأيات عبر وأيات
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
غريب ابسجن وأمگيد شبه الضامي ظل وحده
الشيعه اتلهفت لجله خبر من جاهه من عنده
واعدهه ابجسر بغداد امام او ما خلف وعده
سگاه السيندي ابسمه انمرد مثل الحسن چبده
ابجسر بغداد ابجسر بغداد
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
اجت شيعة ابن جعفرلگوه اموسد او مطروح
وسيد امگيد اوينزف امن الگيد الجسم مجروح
صرخت ياعلي الكرار بدموع او بواچي اونوح
ردت كربله اعلينه هذا حسين ها لمذبوح
تصيح ابصوت تصيح ابصوت
لبن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
شاعر اهل البيت عليهم السلام
خالد عامر الزيادي

هـذا مولاكم يشيعه اعـلى الـجسر
چـالـگـمـر عباس طـايح عالـنهر
ـــــــــــــــــــــــــــــــــــــــــــــــــــــــــــــــ
الـيوم طـاح الـمرتضى خـير العمل
من هوى بمحرابه أبسيف الاجل
مـوسى ابـن جـعفر يـاشيعه رحـل
چـن علي الكرار بـالراس انـطبر
ـــــــــــــــــــــــــــــــــــــــــــــــــــــــــــــــ
اليوم طـاحت فـاطمه اتهل الـدمع
بـالـگلب نـيران مـن كـسر الظلع
الـكاظم الغيض الـگلب منه انفجع
يـاحـزن يـشبه حـزنهه اويـاقهر
ـــــــــــــــــــــــــــــــــــــــــــــــــــــــــــــــ
الـيوم بـالسم انـــمرد چبد الحسن
الـتمت اعلينه المصايب والمحن
يشبه الجده الحسن چبده انسحن
چـم گلب بمصابه ظل يهلب جمر
ـــــــــــــــــــــــــــــــــــــــــــــــــــــــــــــــ
اليوم طاح حسين وأعياله انسبت
چـبود عطشانه ابضماهه اتمردت
رجعت اعلينه الـطفوف اوعـودت
الـيوم دنيانه اظلمت غـاب الـبدر
ـــــــــــــــــــــــــــــــــــــــــــــــــــــــــــــــ
اليوم سبـع الگنطره اتعنه الفرات
گـال يـانفس الـصبر حتى الـممات
اتحاوطت بيه الكفرمن كل جهات
مــن گــصـد لـلـمـاي مـارد الـگـمـر
ـــــــــــــــــــــــــــــــــــــــــــــــــــــــــــــــ
چنهه عادت كربله اعلينه صحيح
هـذا صوت الـناعـي اعلينه يصيح
هـذا أمـام الـرافضه بـالسم ذبيح
ويـن خـوانـه أوهـلـه اليوم اتحضر
ـــــــــــــــــــــــــــــــــــــــــــــــــــــــــــــــ
چـثـه ظـلـت لاعشيره اولا عمام
گـومـو شيعة فاطمه انشيع الامام
خـل نواسي المنتظرنقره السلام
أنـگلـه يـامولاي شـو طـال السـفر
ـــــــــــــــــــــــــــــــــــــــــــــــــــــــــــــــ
انـگلـه يامـولانـه والـيمتـه بـعيد
احنه چم هارون شفنه اوچم يزيد
والطغات اعلينه اشد من الحديد
بـغيبتك مـولاي كـل ساعـه ابعسر
ـــــــــــــــــــــــــــــــــــــــــــــــــــــــــــــــ
لـشـاعـر اهـل الـبيت عليهم السلام
خـالـد عـامـر الـزيـادي

جابوهه جابوهه جثت الوالي جابوهه
خلوهه خلوهه فوگ الجسر خلوهه
اليوم انعادت ذيچ الطبره
اوكسرو ظلع البضعه الزهره
عادوهه عادوهه طف كربله عادوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من نسل طه محمد موسى ابن جعفر يشيعه
وارث الكرار جده بالعلم احيه الشريعه
وابصبر امه الزچيه فاطمه البضعه الوديعه
اشبه حسين ابغربته الفگد حتى رضيعه
شبه حسين اعياله التاهت
بكل وديان العالم هجت
اتولوهه اتولوهه والظلام اتولوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من سجن هارون عانه امگيد وينزف وريده
والأشد هاي المصايب مگيده رجله اعلى ايده
وبسجن طاموره ظلمه والحزن صاير وسيده
چالعليل امگيدينه والحديد ايحزله جيده
جالسجاد اوينزف دمه
مايتوصف حزن العتره
ظلموهه ظلموهه عترة طه ظلموهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قاوم الطاغي ابثباته بالصبر اثبت وجوده
اتحده هارون ابعباده بكل ركوعه وكل سجوده
الشيعه تتنطر رجوعه تدعي للباري يعوده
واعد الشيعه ابن جعفر وفه ما اخلف وعوده
مايدرون ابهذا الموعد
موسى الكاظم عنهم يبعد
انتظروهه انتظروهه هاي الساعه انتظروهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من اجه الموعد لگوهه عالجسر جثه رميه
صرخت الشيعه ابحزنه رجعت اعلينه ال اميه
من بني العباس بالسم چبده ممروده اودميه
عادت اعلينه المصايب بفگد ابن حامي الحميه
اتدگ اصدورالشيعه وتلطم
من ياهم تخلص ياهم
اتلگوهه اتلگوهه ايشيعون الجثه اتلگوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شاعر اهل البيت عليهم السلام
خالد عامر الزيادي

الشيعه حب ابن جعفر سماهه
ﻷن طه النبي شيعه سماهه
وي جبده الدعي ابسمه سماهه
اويه النعش طاحت بالمنيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشيعه ابغيبتك فكدت بسمهه
يابن جعفر واجت تهتف بسمهه
وي جبدك تره ذابت بسمهه
ظلت عالجسر ترجاك هيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادم باب الحوائج.
خالد عامر الزيادي

لوله حسين عشنه أبهم ونسله
فاز الي حزن لجله وأنسله
الينكر حب ابو اليمه ونسله
تنكره فاطمه اوسيد البريه

شيعه ابمنهجك يحسين سرنه
ألك مشيآ على الاقدام سرنه
سر عند الخلگ مفظوح سرنه
لجل حبك ندوس اعلى المنيه

شاعر اهل البيت عليهم السلام
خالد عامر الزيادي

عباس عباس انته رفعة راسنه
عباس عباس يا فخر نوماسنه

هاليوم هاليوم نفرح ابميلادك
هاليوم هاليوم اتجددت اعيادك
هاليوم. هاليوم نفتخر بٱمجادك
عباس عباس ياوردنه اوياسنه
عباس عباس. انته رفعة راسنه

هالناس هالناس الليله كلهه اويانه
هالناس هالناس سيدي فرحانه
هالناس هالناس اتصيح يامولانه
عباس عباس تبتشر كل ناسنه
عباس عباس انته رفعة راسنه

مولاي مولاي اگلوبنه اتهنيلك
مولاي. مولاي يالوفيت الدينك
مولاي. مولاي ياذخر لحسينك
عباس عباس يا عطر انفاسنه
عباس عباس انته رفعة راسنه

كل عام كل عام انجدداحنه البيعه
كل عام كل عام للولي و انطيعه
كل عام كل عام ننتظر تشريعه
عباس عباس. نفرح ابٱحساسنه
عباس. عباس. انته رفعة راسنه

لشاعراهل البيت عليهم السلام
خالد عامر الزيادي

ومضه
ـــــــــــ
عباس عدنه علم والوطن عدنه حسين
الدين بحسين اقترن الـديـن واسم حسين
والوطن من يرتقي ابدين اوعلم وحسين
ــــــــــــــــــــــــــــــــــــــــــــــــــــــــــــــــ
القصيده
ــــــــــــــــــ

حبيبي ياگمر. يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
انته حياتي اودنيتي ما اهوى غيرك ثاني
يالعايش ابنص الگلب وارويحتي اووجداني
انته حبيبي امن الزغر يافرحتي اواحزاني
اتمنه اطوف ابحضرتك كل لحضه انه امتاني
يابعد العمر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
لــوضاگت الـدنيه علي انته امـل دنيايه
الروح كل شده اوحزن اتروح الك عنايه
انته الحيات انه العمر ياغايتي او رجوايه
انته التفرجلي العسر بالحزن انته اويايه
اوياي ابكل عسر. يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــ
يااسد في سوح الحرب يمروي العطشانه
حامي الضعينه ابكل وكت انته التروي اضمانه
يانـور بسمـانه اعتلى بيك ازهـرة دنيانه
يوم الحشر يوم الوعد انريدك تقود الوانه
وتشفع بالحشر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
اليوم اجينه ابمولدك نفرح ابكل احساسنه
والدنيه تزهـي ابجيتك ياعطر كل انفاسنه
يالمولدك خيـر اوفرح بي تبتشر كل ناسنه
طول الزمن طول العمر تبقى انته رفعة راسنه
يادر من درر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خالد عامر الزيادي