tgoop.com/kinexebebe/7616
Create:
Last Update:
Last Update:
ልሂድ አደን
ልቤ ተነሳስቶ፣ ጽድቅህን ፍለጋ፣
ከማዳንህ ጋራ ፡ ስምህን ሊጠጋ፣
ልሂድ ወደ ዱሩ፣ ካ'ባቶች ማደሪያ፣
ከለምለሙ መስክህ ከጽድቅ መነኻርያ፣
ዓለምን 'ሚረግጡት፣ ሰማዩን ሚመኙት፣
እሳቸውን ጥለው፣ ...ሰዉን ከሚወዱት፣
ስለስምህ ብለው፡ .........ከዋሻ ከገቡት፣
ቀንና ሌት ተግተው፣ ወንጌሉን ከኖሩት፣
የምድሩን ንቀው ፣ ቃልህ ጣፍጧቸው፣
የማዳንህን ሥራ ማንም ላይቀማቸው፣
እንትፍ ዓለሚቱ፣ ከነማርሽ ጥፊ፣
እየጎመዘዘ ፣ዓለማቸው ሰፊ፣
ኬት ይገኛል ያንተ ፣ልቡን ላልከፈተ፣
በደልን ምኞቱን ፣ ጉድጓድ ካልከተተ፡
በወንጭፍ አይቀልቡት፣ በጦሩ አይወጉት፡
ጅማሬው ይጥላል ፣ ልቡናን ካልረቱት፤
አደን ልሂድ ልውጣ ልጀግን ልጠንክር ፣
እኔም እዛ ልሂድ ፣ ከቅዱሳን አጥር
ልጨክን ላምርረው፣ ጦሬን ልታጠቀው፣
ልቤን አሸንፌ፣ ዓለሙን ልስቀለው፤
@kinexebebe
BY መንፈሳዊ ኪነ ጥበብ ብቻ
Share with your friend now:
tgoop.com/kinexebebe/7616