قناة قمر الحسين ام محمد الهاشميه
لطميه للسجاد ع ج١١
ياهو الغمظ السجاد *ياهو الشال تابوته
****
يون ليل ونهار دووم * على ابوه المظلوم
ويذكر سلبوه الهدوم*كله مطرحه اخوته
*****
اه يا السبي واهاته *ويا لوعه عماته
والجامعه ووجعاته* والديوان والفوته
****
يون الباقر اليله *حزين وراكد حيله
بدموع العين تغسيله* يشيله اليوم زاتوته
*****
دموعه انهار السجاد * اه يازين العباد
هذا نسل لاجداد* الصلاه والصوم قوته
*****
ننعاك بكلب حزين* انت واباك الحسين
يفداك الكلب والعين*حان لأجل وموته ام محمد الهاشميه لا يجوز حذف لاسم ذمه
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
فزاعيه للسبي ج١١
لسان حال زينب ع تقول بعض الرؤيات
بان زجر وخوله والشمر لعنه الله عليهم أجمعين
قالو يا زينب ابكي باليل واسكتى بالنهار أو ابكي بالنهار واسكتى باليل زينب ع فاقده العزيز والكفيل واهل بيتها كيف لا تبكي سبحان الله تقول 😭
ليل ونهار دموعي تجري
يابن امي ياعزي وخدري
شيطلبؤنه الكوم مدري
اه اه خويه يا ابن امي
***
مالت الدنيا باهلينه
ماكو ولي ينغر علينه
ويشوفنه اشلون انسبينه
***
رافكت الغرب غصبا عليه
ومجتفه بحبال اديه
والعليل يون سوده عليه
***
كلساع خويه يظربوني
انذال ومايرحموني
ومن البجي عميت اعيوني
***
الراس ابجي ويصد ليه
ويشوف شمر يطك بيه
والايتام هلكو خطيه
***
وين الينوح اليوم وياي
يساعدني على حالي وبلواي
بس عليل ومكيد وياي
*****
اجر بونتي خويه بسكوت
يظربني العدو من يسمع الصوت
انا وياكم اريد الموت .ام محمد الهاشميه لا يجوز حذف لاسم ذمه رجاء https://www.tgoop.com/joinchat-AAAAAEHY9hoqdfkVRv78tg

للاستفسار حول عمل الاعلانات وزيادة للمتابعين التواصل
@ahmed_alziwar0
07732320742

قناة قمر الحسين ام محمد الهاشميه
فزاعيه للسبي ج١١
فوك النوك نصبت عزا *والذباح وياها
انصب عزاكم يااخواتي
اشلون قصه قصتي
ياناركم يافجعتي
***
طول الدرب ابجى واون
لاهلي اشتاك واحن
والنوح صار الي فن
*
حنت الناكه لونتي
وتشوف دمعي وقصتي
راح العزيز من اخوتي
****
درب الشام اذاني
وغير حيل الواني
ما واحد العزاني
***
تعالي يمه الزهراء
ابنج نايم بالعراء
في وادي كربلاء
****
وينك يا سبع الكنطره
خلصني من الفجره
اهل الوجوه المغبره
****
أطفال ويظربوها
من اشكف يشتموها
من التعب مارحموها
***
بالدرب نوح وفاتحه
وماكو قرايه ونايحه
ولا جنازه وصايحه
***
وانوب طبت الديوان
وياي روس الخوان
والحيل مني عيزان
***
حرمه وحيده بالدرب
واتخيل الموقف صعب
وبينه صاحو السلب
****
عالنوك صارت فاتحه
قمت العزا والنايحه
وياي يمشي الذابحه. ام محمد الهاشميه لا يجوز حذف لاسم ذمه رجاء
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه هوسات للعليل ع ج١١
خل نلطم على السجاد اليله
مسموم وينوح وحالته نحيله
اثار الجامعه بيده ودمه يسيله
(ماننساها وايام الطف)
كلما يشرب الماي يغص بيه
على ابوه السبط يا ويلي عليه
مانشفت دموعه تسيل تدريه
(هد حيلي بأبويه افراكك)
يعاين لعماته ومايكدر يكوم
وسوطهم عذابهن وكلبه مهموم
وعينه ماغفت يذكر المظلوم
(عماته اليوم يونن)
تردت حالته والباقر يعينه
يهد الحيل من يجهر ونينه
عينه شابحه ويدير بعينه
(يدير العين للظلو يونون .ام محمد الهاشميه لا يجوز حذف لاسم ذمه رجاء
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
هوسات للعباس ع ج١١
عندما جاء مراسل معسكر يزيد لع كى يفاوظ العباس ع على أعطاه ما يريد مقابل أن يترك الحسين ع فرجعو خائبين
**
نطيك القياده وأموال وجاه
بس تترك حسين وتعوف لواه
والله ان قطعتم اليسار واليمناه
(مااعوف اعضيدى /وتدروني
*
كلوله يابن اختنه نريدك ويانه
نطيك القياده وانت بحمانه
شهر سيفه ابو فاضل وشمر ذرعانه
(بذرعانه/ دك ساس الخوه)
*
ردو خائبين وحيل متعجبين
صدك من كال حامل لواء حسين
تيهو دربهم وماعرفو الطريق منين
اجابهم العباس ع:
(وشحده/اليوصل الحدودي )
**
كالوله وحيد حسين بالحومه
عوفه لوحده ويلا ياجيدومه
من ازغير نعرفك سبع من يومه
العباس ع اجابهم :
انا اعضاه /الكايل مفرد)
*****
موكل خوه خوه ياناس
ظرب أروع مثل بالخوه عباس
مابيه حد ومقياس
هذا الباع روحه/واشتره الخوه ام محمد الهاشميه لا يجوز حذف الاسم https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
لطميه للمشايه ج١١
اتعنينه الحسين اليوم * والرايه رفعناها
تمشيلك مشي حفاي
ما ننساه بشرب الماي
دنيا واخره وياي
عهود الك كتبناه*
****
ما ننساه لحد الموت
و نصيح بعالي الصوت
احنه عالمنايا نفوت
حتى أطفال جبناه
****
هذا الظحى لأجل الدين
باهل بيته الطيبين
تستاهل يانور العين
الهيمه مشيناه
*****
نمشي وترف الرايات
ونقرأ ونجر الآهات
ونوصل حضرتك ونبات
والهامه طبرناه
*****
حيت الدين بدمك
يامن حزو نحرك
وانت النبي شمك
والشيعه علاها
****
اخوك الشايل الرايه
يتلكه المشايه
لمنار العشق والغايه
تحجي أجيال خلاها
*****
ملاين اجت اطوف
تزحف مولاي ازحوف
والما شاف خل يشوف
من كل دول شفناه
*****
مجانين ونضل للدوم
اه يا حسين يامظلوم
سلبوه منه حتى اهدوم
امام وابد ماننساه ام محمد الهاشميه لا يجوز حذف لاسم ذمه
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
لطميه الخدمه ج١١
الله يعيد هالخدمه علينه
ملاين ال اجت يم ابو سكينه
****
شمحلات الخدامه الك مولاي
ننظم بالسره ونوزع الماي
تفضل يا زاير هذا الجاي
عزيز انت ونحبك تدري بينه
*
عفت الاهل والبيت واجيتك
انا خادمه اليوم بثنيتك
يوم الأربعين انصب عزيتك
يامنجي الخدم انت السفينه
*******
شنو يسوه العمر لو لا الخدامه
هنياله الاجى وينكل جدامه
أثر طيب يتركله وعلامه
مسجل كل ما قدمت ادينه
****
نشتاق لخدمتك اه يا حسين
وبدرب الخدامه كلنه ماشين
نفديلك أرواح أموال وبنين
نعشقك من الزغر ومجانينه
***
وقعنه الخدامه بدمع العيون
ونعزي الاميره الزجيه ام عون
ويمهم الاسامي ويسجلون
وبنظرة منها اتصد علينه ام محمد الهاشميه لا يجوز حذف لاسم ذمه رجاء
https://www.tgoop.com/joinchat-AAAAAEHY9hoqdfkVRv78tg

‏سوي زين وظمه يم الحسين

السلام عليكم
نعزي الامه الاسلاميه والمراجع وسائر الشيعه في بقاع الأرض بذكرى عاشوراء
السلام على الحسين وعلى علي ابن الحسين وعلى أصحاب الحسين

ببالغ الحزن والاسئ تلقينا خبر وفاة الاخت خادمة الحسين ع
ام عمار الصائغ نسأل الله ان يجعلها من أهل الجنان بحق سيد الشهداء ابي عبدالله الحسين ع
والصبر والسلوان لذويها وأهلها
لروحها الفاتحه تسبقها الصلاه على محمد وال محمد وعجل فرجهم

اختكم ام محمد الهاشميه