tgoop.com/krarmharbalmalki/549
Last Update:
ياحسين
يلوموني امن اون إعليك
ما يدروني أموتن بيك
أكوم وأكعد وأمشي أذكرنك و لاناسيك
المن تبجي كلولي هو حسين بالجنه
وكلت الهم إلك مطلوب كل شهكة نفس ونه
حبك مثل جنة خلد
وانت الصرت جنة خلودي
جنك هوى لوما أشم
عطره أختنك وافكد وجودي
جي شرفت طف كربله
الهذا أصبحت تربة سجودي
مثلك ياهو مات وذكره ما مات
عايش بالضمير و كله ونات
على جناح الحلم تمشيلك الروح
ريت وياك مقتربه المسافات
//////////////////////////////////////////////////
رسمتك صوره يم رمشي
حبك عندي أول شي
مثل ماي النهر يحسين بالروح العشك يمشي
ملذات الحيا تغري و لأنك انت ما ترضه
عفتهن كلهن ابمكفاي جيت ابمجلسك أحظه
الدور لهو مايستحي
منك و لا يعرك جبينه
إبمجلس عزائك أطمئن
والما إجالك هسه وينه
والحر إذا يسمع عزه
يتحزم إبدمعة ونينه
جمره أبكل كلب جرحك يالحسين
إبجمال إسمك مصايب بجت عين
جرحك و العشك واثنينهن آه
ابكلبي إيرسمن افطور الحياطين
///////////////////////////////////////////////////
يغالي إبكل زمن معشوك
إجيتك والكلب محروك
ذبحني وما يفك مني شلع كلبي إشيريد الشوك
مو وي غيرك أمشي وياك أموت وأحيى ما عوفك
حاركني الشغف مولاي خيط إبخيمة اطفوفك
لو لا عطف كلبك علي
مالي وجود و لا هويه
تنسى ألم ذاك الجرح
وانت ابرمح تنشد عليه
مهتم إلي وآنه الذي
ما أسوه أثر ركضة رقيه
يبو كلب الترف يعكالي عالهام
فضل منك إذا تحسبني خدام
من كد ما كريم وكلك افضال
حدر فيك تحطني ومالك خيام
//////////////////////////////////////////////////
كل ميت ورا نسيان
وانت أبكلبي هسه وجان
إذا ما شوفك إكبالي أظل محسوب عالعميان
أعز الناس من إيموت إعيوني إبيوم ينسنه
إلا حسين آيحسين مساع إنسلب جنه
أبكل بيت صوره امعلكه
مولاي إلك فوك الحياطين
وكمت إلها أمسحها وشفت
حسرة عطش بعيون الحسين
محتار أبجي أمن العشك
لو للحزن حاير بالثنين
أنه العاشك واظل يحسين مجروح
مقسومه أحب إنسان مذبوح
أتمنى إشكثر أتمنى مولاي
كون الله أبعزائك ياخذ الروح
//////////////////////////////////////////////////
كرار أبومهدي المالكي
BY كرار أبو مهدي المالكي🙏
Share with your friend now:
tgoop.com/krarmharbalmalki/549